Ўзбекистон Республикаси Олий Мажлиси қарор қилади:

Ўзбекистон Республикасининг қуйидаги қонунларига ўзгартиш ва қўшимчалар киритилсин:

I. Ўзбекистон Республикасининг 1990 йил 20 июнда қабул қилинган «Ер тўғрисида»ги Қонунига (Ўзбекистон Республикаси Олий Советининг Ведомостлари, 1990 йил, № 16—18, 294-модда; Ўзбекистон Республикаси Олий Кенгашининг Ахборотномаси, 1992 йил, № 2, 84-модда; 1993 йил, № 6, 243-модда; 1994 йил, № 5, 161-модда; № 11 - 12, 285-модда; Ўзбекистон Республикаси Олий Мажлисининг Ахборотномаси, 1995 йил, № 6, 118-модда; № 9, 193-модда):

1) 2-модданинг иккинчи қисми қуйидаги мазмундаги хатбоши билан тўлдирилсин:

«дипломатия ваколатхоналари ва уларга тенглаштирилган, Ўзбекистон Республикасида аккредитация қилинган халқаро ташкилотларга ваколатхона биноси, шу жумладан ваколатхона бошлиғи қароргоҳи сифатида фойдаланиб келинаётган бинолар ёки биноларнинг бир қисми, шу бинолар жойлашган ер участкалари билан бирга, шунингдек, мазкур ваколатхоналарнинг биноларини қуриш учун ер участкалари сотилаётганда»;

2) 5-модда:

қуйидаги мазмундаги иккинчи қисм билан тўлдирилсин:

«Тошкент шаҳрининг ҳокимият органлари дипломатия ваколатхоналари ва уларга тенглаштирилган, Ўзбекистон Республикасида аккредитация қилинган халқаро ташкилотларга мазкур ваколатхоналарнинг биноларини, шу жумладан, ваколатхона бошлиғининг қароргоҳини қуриш учун ер участкаларини мулк қилиб сотишлари ҳам мумкин»;

иккинчи қисми учинчи қисм деб ҳисоблансин.

3) 7-модда:

учинчи хатбошисидаги «тўртинчи хатбошисида» деган сўзлар «бешинчи хатбошисида» деган сўзлар билан алмаштирилсин;

учинчи хатбошидан кейин қуйидаги мазмундаги хатбоши билан тўлдирилсин:

«дипломатия ваколатхоналари ва уларга тенглаштирилган, Ўзбекистон Республикасида аккредитация қилинган халқаро ташкилотларга мазкур ваколатхоналарнинг биноларини, шу жумладан ваколатхона бошлиғи қароргоҳини қуриш учун ер участкаларини мулк қилиб сотиш»;

тўртинчи, бешинчи ва олтинчи хатбошилари тегишли равишда бешинчи, олтинчи ва еттинчи хатбошилар деб ҳисоблансин;

4) 12-1-модда: номи қуйидаги таҳрирда баён этилсин:

биринчи ва иккинчи қисмлардаги «мулкдорлиги» деган сўз «мулк ҳуқуқи» деган сўзлар билан алмаштирилсин;

қуйидаги мазмундаги учинчи қисм билан тўлдирилсин:

«Дипломатия ваколатхоналари ва уларга тенглаштирилган, Ўзбекистон Республикасида аккредитация қилинган халқаро ташкилотларнинг ер участкаларига мулк ҳуқуқи уларга ваколатхона биноси, шу жумладан, ваколатхона бошлиғи қароргоҳи сифатида фойдаланиб келинаётган бинолар ёки биноларнинг бир қисми шу бинолар жойлашган ер участкалари билан бирга, шунингдек мазкур ваколатхоналарнинг биноларини қуриш учун ер участкалари сотилаётганида юзага келади»;

5) 13-модда учинчи қисмининг 1-банди «турар жой бинолари» деган сўзлардан кейин «ва бошқа бинолар ёки биноларнинг бир қисми шу бинолар жойлашган ер участкалари билан бирга» деган сўзлар билан тўлдирилсин.

6) 14-модданинг еттинчи қисми «турар жой биноси» деган сўзлардан кейин «ва бошқа бино ёки бинонинг бир қисми» деган сўзлар билан тўлдирилсин.

7) 19-модданинг учинчи қисми ва 62-модданинг иккинчи қисми «турар жой бинолари» деган сўзлардан кейин «ва бошқа бинолар ёки биноларнинг бир қисми» деган сўзлар билан тўлдирилсин.

8) 20-1-модда чиқариб ташлансин.

V. Ўзбекистон Республикасининг 1993 йил 2 сентябрда қабул қилинган «Қимматли қоғозлар ва фонд биржаси тўғрисида»ги Қонуни (Ўзбекистон Республикаси Олий Кенгашининг Ахборотномаси, 1993 йил, № 9, 325-модда; 1994 йил, № 11 - 12, 285-модда; Ўзбекистон Республикаси Олий Мажлисининг Ахборотномаси, 1995 йил, № 12, 269-модда) 9-моддаси қуйидаги мазмундаги бешинчи қисм билан тўлдирилсин:

«Бир ёки ўзаро шартномалар билан боғланган бир неча шахслар, шунингдек шуъба ёки бир-бирига қарам бўлган юридик шахслар гуруҳи банк акцияларининг йигирма фоизидан ортиғини сотиб олиши учун олдиндан Марказий банкнинг розилигини олиш талаб қилинади. Акция сотиб олувчиларнинг молиявий аҳволи қониқарсизлиги аниқланган тақдирда, Марказий банк банк акцияларининг йигирма фоизидан ортиғи харид қилиниши ва сотилишига розилик бермаслик ҳуқуқига эга. Марказий банк, илтимоснома олинган кундан бошлаб, ўттиз кундан кечиктирмай, ариза берувчига ўз қарори тўғрисида ёзма равишда хабар беради»;

бешинчи, олтинчи, еттинчи ва саккизинчи қисмлари тегишли равишда олтинчи, еттинчи, саккизинчи ва тўққизинчи қисмлар деб ҳисоблансин.

VI. Ўзбекистон Республикасининг 1994 йил 22 сентябрдаги Қонуни билан тасдиқланган Ўзбекистон Республикасининг Маъмурий жавобгарлик тўғрисидаги кодексига (Ўзбекистон Республикаси Олий Кенгашининг Ахборотномаси, 1995 йил, № 3, 6-модда; Ўзбекистон Республикаси Олий Мажлисининг Ахборотномаси, 1995 йил, № 9, 193-модда; № 12, 269-модда):

1) 27-модданинг биринчи қисми «судьяси томонидан» деган сўзлардан кейин «экспорт қилиниши ман этилган буюмлар ва маҳсулотлар Ўзбекистон Республикасидан ташқарига олиб чиқиб кетилаётган ҳолларда эса — божхона органлари томонидан» деган сўзлар билан тўлдирилсин;

2) 175-модда учинчи қисмининг диспозицияси қуйидаги таҳрирда баён этилсин:

«Касса операцияларини юритиш тартибини ва тўлов интизомини бузиш, шу жумладан корхоналарнинг ҳисобварақларида тегишли маблағлар бўла туриб, дебиторлик ва кредиторлик қарзлари муддати ўтказиб юборилган ҳамда тўловларни амалга оширишнинг белгиланган муддатлари бузилган тақдирда —»;

3) 245-модданинг биринчи қисми «112-моддасида (транспорт воситаларини бошқариш ҳуқуқидан маҳрум этишга оид қисми)» деган сўзлардан кейин «119-модданинг иккинчи қисми» деган сўзлар билан тўлдирилсин.

4) 262-модданинг иккинчи қисми қуйидаги таҳрирда баён этилсин:

«Божхона бошлиқлари ва уларнинг ўринбосарлари божхона органлари номидан маъмурий ҳуқуқбузарлик тўғрисидаги ишларни кўриб чиқиш ва маъмурий жазо чорасини қўллашга, шунингдек экспорт қилиниши ман этилган буюмлар ва маҳсулотни мусодара қилишга ҳақлидирлар»;

5) 294-модданинг учинчи қисми қуйидаги мазмундаги гап билан тўлдирилсин: «Экспорт қилиниши ман этилган буюмлар ва маҳсулот Ўзбекистон Республикасидан ташқарига олиб чиқиб кетилиши билан боғлиқ бўлиб, мусодара чораси қўлланилиши мумкин бўлган маъмурий жавобгарлик тўғрисидаги иш божхона органи томонидан алоҳида ҳолларда, агар маъмурий жавобгарликка тортилаётган шахс Ўзбекистон Республикаси ҳудудидан ташқарида бўлса ёки унинг қаердалигини аниқлашнинг иложи бўлмаса, маъмурий жавобгарликка тортилаётган шахснинг иштирокисиз кўриб чиқилади»;

6) 337-модда қуйидаги мазмундаги иккинчи қисм билан тўлдирилсин:

«Экспорт қилиниши ман этилган буюмлар ва маҳсулотни мусодара қилиш тўғрисидаги божхона органининг қарорини тегишли ҳокимликлар томонидан тузиладиган доимий ишловчи комиссиялар қонун ҳужжатларида белгиланган тартибда ижро этадилар»;

7) 339-модданинг матни қуйидаги таҳрирда баён этилсин:

«Буюмни мусодара қилиш тўғрисидаги қарор, унинг ижро этилганлиги тўғрисида белги қўйилиб, шу қарорни чиқарган маъмурий ишлар бўйича судьяга, экспорт қилиниши ман этилган буюмлар ва маҳсулотни мусодара қилиш тўғрисидаги қарор эса — божхона органининг мусодара этиш тўғрисида қарор қабул қилган мансабдор шахсига қайтарилади».