Sabzavot, hoʻl meva, poliz mahsulotlari, uzum yetishtirishni koʻpaytirish, tayyorlash, yetishtirilgan hosilni oʻz vaqtida va nobud qilmay qayta ishlash va sotish, shuningdek, respublika tashqarisida sotish bozorlarini kengaytirish maqsadida Vazirlar Mahkamasi qaror qiladi:

1. Oʻzbekiston Respublikasi Makroiqtisodiyot va statistika vazirligi tomonidan “Oʻzmevasabzavotuzumsanoatxolding” xolding kompaniyasi Oʻzbekiston Respublikasi Qishloq va suv xoʻjaligi vazirligi “Mevasabzavot”ning hududiy birlashmalari Dehqon va fermer xoʻjaliklari uyushmasi bilan birgalikda ishlab chiqilgan 1998-yilda meva-sabzavot mahsulotlarining asosiy turlarini yetishtirish sanoat turini qayta ishlash, isteʼmol va eksport qilishning 1, 1a, 1b, 1v, va 1g-ilovalarga* muvofiq prognoz koʻrsatkichlari maʼlumot uchun qabul qilinsin.

Oʻzbekiston Respublikasi Makroiqtisodiyot va statistika vazirligi zarurat boʻlganda xoʻjalik yurituvchi subyektlarning barcha toifalarini qamrab oluvchi statistika hisoboti va tekshirish-qoʻshimcha shakllarini joriy etgan holda 1999-yildan boshlab meva-sabzavot mahsulotlari va uzum yetishtirish hamda ulardan foydalanishning prognoz balansi ishlab chiqilishini taʼminlasin.

2. Qoraqalpogʻiston Respublikasi Vazirlar Kengashi va viloyatlar hokimliklari:

meva-sabzavot mahsulotlari va uzum “Oʻzmevasabzavotuzumsanoatxolding” xolding kompaniyasining ixtisoslashtirilgan xoʻjaliklarida va “Mevasabzavot”ning hududiy birlashmalarida ustuvor yetishtirilishini taʼminlasinlar, bunda prognoz balansiga muvofiq meva-sabzavot ekinlari va uzum yetishtirish uchun zarur yer maydonlari ajratilishiga alohida eʼtibor bersinlar.

“Oʻzmevasabzavotuzumsanoatxolding” xolding kompaniyasi Oʻzbekiston Respublikasi Qishloq va suv xoʻjaligi vazirligi Dehqon va fermer xoʻjaliklari uyushmasi Tashqi iqtisodiy aloqalar vazirligi Davlat bojxona qoʻmitasi “Oʻzdavstandart” markazi “Oʻzdavkarantin” Markaziy bank va tijorat banklari bilan birgalikda hududiy komissiyalar tashkil etsinlar, ularga hoʻl meva-sabzavot mahsulotlari yetishtirish, ularni sanoat yoʻli bilan qayta ishlash, ichki bozorni toʻldirishni va eksportni taʼminlash boʻyicha ishlarni muvofiqlashtirish yuklansin.

3. “Oʻzmevasabzavotuzumsanoatxolding” kompaniyasi:

qoʻshimcha resurslarni qidirib topsin va 1998-yilda qayta ishlash boʻyicha ishlab turgan ishlab chiqarish quvvatlarini ish bilan taʼminlashni oʻtgan yilgi darajaga nisbatan: sabzavotlar boʻyicha 2 baravar hoʻl meva boʻyicha 16 baravar uzum boʻyicha 13 baravar koʻpaytirishni taʼminlasin;

bir oy muddatda meva-sabzavot mahsulotlarini qayta ishlash boʻyicha ishlab turgan quvvatlarni qayta roʻyxatdan oʻtkazsin, ularni qayta ixtisoslashtirish va zamonaviylashtirish, shuningdek investitsiya loyihalari tugallanishi va Vazirlar Mahkamasining 1997-yil 18-iyuldagi 363-son qarori bilan tasdiqlangan mahsulotlar eksportini rivojlantirish dasturi bajarilishi boʻyicha qoʻshimcha chora-tadbirlar kompleksini ishlab chiqsin;

2000-yilda tizimning qayta ishlash korxonalarining ishlab chiqarish quvvatlaridan foydalanish darajasini kamida sabzavotlar boʻyicha 70 foizga, hoʻl meva boʻyicha 60 foizga, uzum boʻyicha 85 foizga yetkazishni taʼminlasin;

bir oy muddatda Vazirlar Mahkamasiga xorijiy investitsiyalar va texnologiyalarni jalb etish xorijiy investorlar bilan birgalikda qoʻshma korxonalar tashkil etish 1998—2000-yillarda ishlab chiqarishni zamonaviylashtirish va yangilash boʻyicha aniq dasturni kiritsin.

4. Belgilansinki, hoʻl meva-sabzavot mahsulotlarini markazlashtirilmagan holda eksport qilish tumanlar va shaharlar hokimliklari tomonidan 2-ilovaga muvofiq tartibda beriladigan ruxsatnomalar asosida amalga oshiriladi. Hokimliklar tegishli ruxsatnomalarni berishda ichki bozor ehtiyojlarini ustuvor taʼminlash zaruriyatidan kelib chiqsinlar.

Zarur hujjatlarni tezlikda rasmiylashtirishga koʻmaklashish maqsadida Qoraqalpogʻiston Respublikasi Vazirlar Kengashi va viloyatlar hokimliklari har bir tuman va shahar hokimligi huzurida banklar bojxona xizmatlari “Oʻzdavstandart” markazining mintaqaviy organlari karantin va epidemiologiya xizmatlarining masʼul xodimlaridan iborat ishchi guruhlar tashkil etsinlar.

5. Belgilab qoʻyilsinki, hoʻl meva-sabzavot mahsulotlari yuridik shaxslar tomonidan chetga olib chiqilishida:

xaridorning import qiluvchilar bank organlari yoki mintaqalari maʼmuriyatlari tomonidan tasdiqlangan kafolat majburiyatlari mavjudligi yetkazib berilgan mahsulot uchun pul yoki moddiy-texnika resurslarining oʻz vaqtida tushishi xizmat koʻrsatuvchi bankda kontraktlarni roʻyxatdan oʻtkazishning sharti hisoblanadi;

Istisno hollarda Qoraqalpogʻiston Respublikasi Vazirlar Kengashining viloyatlar va Toshkent shahar hokimliklarining qarorlariga koʻra muqobil bank kafolatlari taqdim etilgan yoki ishlab chiqarish-texnika maqsadlaridagi tovarlar oldindan yetkazib berilgan taqdirda, shuningdek valyuta mablagʻlarining bir qismi belgilangan tartibda Oʻzbekiston Respublikasining vakolatli bankiga majburiy sotilganda barter kontraktlar tuzilishi mumkin.

6. Dehqon va fermer xoʻjaliklari uyushmasi aʼzolari tomonidan meva-sabzavot mahsulotlarini chetga chiqarishga hujjatlarni rasmiylashtirish Oʻzbekiston Respublikasi Vazirlar Mahkamasining 1998-yil 22-apreldagi 168-son qaroriga muvofiq ishlab chiqilgan va Oʻzbekiston Respublikasi Adliya vazirligida 1998-yil 2-iyulda 450-raqami bilan roʻyxatdan oʻtkazilgan tartib asosida amalga oshirilishi maʼlumot uchun qabul qilinsin.

Belgilansinki, Dehqon va fermer xoʻjaliklari uyushmasi aʼzolari meva-sabzavot mahsulotlarini chetga chiqarishga ruxsatnomani tegishli tuman va shahar hokimliklaridan oladilar.

7. Qoraqalpogʻiston Respublikasi Vazirlar Kengashi va viloyatlar hokimliklari Oʻzbekiston Respublikasi Makroiqtisodiyot va statistika vazirligiga meva-sabzavot mahsulotlari respublika tashqarisiga joʻnatilganligi toʻgʻrisidagi tezkor maʼlumotlarni har oyning 1 va 16-kunlarida 3-ilovaga* muvofiq shakl boʻyicha taqdim etsinlar.

8. Oʻzbekiston Respublikasi Ichki ishlar vazirligi (Z. Almatov) hoʻl meva-sabzavot mahsulotlari va ularni qayta ishlashdan olingan mahsulotlar ortilgan avtotransport respublika hududida toʻsiqsiz harakat qilishini taʼminlasin.

9. “Oʻzbekiston temir yoʻllari” davlat aksiyadorlik kompaniyasi (N. E. Ermetov) va “Oʻzbekiston havo yoʻllari” milliy aviakompaniyasi (A. R. Roʻzmetov) yuqorida bayon qilib oʻtilgan Tartibga muvofiq joʻnatish hujjatlarining oʻz vaqtida berilishini va yuk topshirilgan kundan boshlab ikki kecha-kunduzdan ortiq boʻlmagan muddatda meva-sabzavot mahsulotlarini joʻnatuvchiga transport vositalari ajratilishini taʼminlasinlar.

10. “Oʻzmevasabzavotuzumsanoatxolding” xolding kompaniyasining qayta ishlovchi korxonalarining va “Mevasabzavot” hududiy birlashmalarining sanoat yoʻli bilan qayta ishlashga yoʻnaltirilayotgan meva-sabzavot mahsulotlarini xarid qilish uchun aylanma mablagʻlarini toʻldirish maqsadida Oʻzbekiston Respublikasi Moliya vazirligi va Davlat soliq qoʻmitasi:

muddatida toʻlanmagan toʻlovlar va budjetga toʻlovlar boʻyicha hisoblangan penyalarni 1998-yil 1-iyulda shakllangan holatiga koʻra hisobdan chiqarsinlar;

boʻshab qolgan mablagʻlarni meva-sabzavot mahsulotlari va uzum tayyorlashga maqsadli yoʻnaltirgan holda 1998-yil avgust-sentyabr oylari uchun “Oʻzmevasabzavotuzumsanoatxolding” xolding kompaniyasi va “Mevasabzavot” birlashmasi korxonalariga hisoblangan budjetga toʻlovlarni (aksiz soligʻidan tashqari) istisno tariqasida 1998-yil 1-oktabrgacha kechiktirsinlar. Muddati kechiktirilgan toʻlovlar 1999-yil yanvar oyidan boshlab 3 oy davomida teng ulushlarda toʻlansin.

“Paxta-bank” va boshqa tijorat banklarining:

berilgan kreditlar boʻyicha 1998-yil 1-yanvardagi holatiga koʻra hisoblangan muddati oʻtkazib yuborilgan foizlarni tijorat banklarining oʻz resurslari hisobiga hisobdan chiqarish haqidagi;

korxonaning ssuda qarzlarini qaytarish muddatlarini 1998-yil 1-avgustdan boshlab 6 oyga uzaytirish haqida.

1998-yil 1-avgustdan boshlab 6 oyga uzaytirish haqida qayta tayyorlash uchun ishlatiladigan 1998-yil hosili meva-sabzavot mahsulotlarini tayyorlashga Markaziy bankning qayta mablagʻ bilan taʼminlash stavkasidan koʻp boʻlmagan foizli stavka bilan birinchi navbatda kredit berish toʻgʻrisidagi takliflari qabul qilinsin.

11. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari I. X. Joʻrabekov zimmasiga yuklansin.

1. Mazkur Tartib Dehqon va fermer xoʻjaliklari uyushmasi aʼzosi boʻlmagan Oʻzbekiston Respublikasi rezidentlari boʻlgan yuridik va jismoniy shaxslar tomonidan hoʻl meva-sabzavot mahsulotlari chetga olib chiqilishiga joriy etiladi.

2. Dehqon va fermer xoʻjaliklari uyushmasi aʼzolari tomonidan meva-sabzavot mahsulotlari chetga olib chiqilishi Oʻzbekiston Respublikasi Adliya vazirligi tomonidan 1998-yil 2-iyulda 450-raqami bilan roʻyxatdan oʻtkazilgan tartibda rasmiylashtiriladi.

3. Eksport qiluvchi hoʻl meva-sabzavot mahsulotlarini chetga chiqarish maqsadida tegishli ruxsatnoma olish uchun tuman yoki shahar hokimligiga buyurtmanoma beradi. Buyurtmanomaga quyidagilar ilova qilinadi:

a) Tashqi iqtisodiy aloqalar vazirligi tomonidan berilgan tashqi iqtisodiy faoliyat bilan shugʻullanish huquqini beruvchi ruxsatnoma;

b) import qiluvchining mamlakati bankining yoki import qiluvchilar mintaqalari maʼmuriyatining kafolat majburiyatlari bilan tasdiqlangan import qiluvchi xaridor bilan tuzilgan kontrakt.

Istisno hollarda eksport qiluvchi barter bitimi tuzish uchun Qoraqalpogʻiston Respublikasi Vazirlar Kengashi viloyatlar va Toshkent shahar hokimliklarining ruxsatnomasini olishi shart. Bunday ruxsatnoma ular tomonidan yetkazib berilayotgan mahsulot uchun pul yoki moddiy-texnika resurslari oʻz vaqtida tushganligi toʻgʻrisidagi import qiluvchilar mintaqalari bank tashkilotlari yoki maʼmuriyati tomonidan tasdiqlangan xaridorning kafolat majburiyatlari mavjud boʻlgan taqdirda beriladi.

4. Tuman yoki shahar hokimligi bir kecha-kunduzda buyurtmanomani koʻrib chiqadi va mazkur Tartibga ilovaga muvofiq shakl boʻyicha u haqda tegishli qaror qabul qiladi.

5. Eksport qiluvchi hokimlik huzurida tashkil etilgan tezkor guruh yordamida:

a) oʻz kontraktini xizmat koʻrsatuvchi bankda roʻyxatdan oʻtkazadi. Bank kontrakt taqdim etilgan kundan boshlab ikki kecha-kunduzdan kechikmay kontraktni roʻyxatdan oʻtkazishi kerak;

b) quyidagilarni:

“Oʻzdavstandart” markazining mahalliy organlaridan muvofiqlik sertifikatini;

Oʻzbekiston Respublikasi Tashqi iqtisodiy aloqalar vazirligining mahalliy ekspertiza organlaridan TS-1 shakl boʻyicha mahsulotning kelib chiqishi sertifikatini (tez buziladigan mahsulotlardan tashqari);

“Oʻzdavkarantin” boʻlinmalaridan fitosanitariya sertifikatini oladi.

Barcha sertifikatlar zarur hujjatlar taqdim etilgandan keyin bir kecha-kunduz davomida beriladi.

6. Eksport qiluvchi foydalaniladigan transportga qarab uni olish uchun “Oʻzbekiston temir yoʻllari” davlat aksiyadorlik kompaniyasi yoki “Oʻzbekiston havo yoʻllari” milliy aviakompaniyasining hududiy boʻlinmalariga murojaat qiladi, buning uchun:

buyurtmanomani;

hokimlikning ruxsatnomasini;

kontraktni taqdim etadi.

Transport kompaniyalari tashish hujjatlari (yukxatlari)ni hujjatlar taqdim etilgan kundan boshlab ikki kecha-kunduzda rasmiylashtirishlari va berishlari shart.

7. Eksport qiluvchi foydalaniladigan transportga qarab yukni joʻnatishni rasmiylashtirish maqsadida temir yoʻl stansiyasiga yoki aeroportga murojaat qiladi, buning uchun ularga tashish hujjatlari (yukxatlari) taqdim etiladi.

8. Eksport qiluvchi hokimlikning tezkor guruhi yordamida Davlat bojxona qoʻmitasining mahalliy boʻlimida yuk eksportini rasmiylashtiradi, buning uchun yuk bojxona deklaratsiyasini toʻldiradi va:

a) kontraktni;

b) hokimlikning ruxsatnomasini;

v) fitosanitariya sertifikatini taqdim etadi.