LexUZ sharhi
Mazkur qaror O‘zbekiston Respublikasi Vazirlar Mahkamasining 2012-yil 29-dekabrdagi 369-sonli “O‘zbekiston Respublikasi Hukumatining ayrim qarorlariga o‘zgartirish va qo‘shimchalar kiritish, shuningdek ba’zilarini o‘z kuchini yo‘qotgan deb hisoblash to‘g‘risida (O‘zbekiston Respublikasi Prezidentining “O‘zbekistonda fermerlik faoliyatini tashkil qilishni yanada takomillashtirish va uni rivojlantirish chora-tadbirlari to‘g‘risida” 2012-yil 22-oktabrdagi PF-4478-son Farmoni)” qaroriga asosan o‘z kuchini yo‘qotgan.
O‘zbekiston Respublikasi Prezidentining “Xususiy tadbirkorlik, kichik va o‘rta biznesni rivojlantirishni yanada rag‘batlantirish chora-tadbirlari to‘g‘risida” 1998-yil 9-apreldagi PF-1987-son Farmonini bajarish yuzasidan hamda dehqon va fermer xo‘jaliklarining qishloq xo‘jaligi mahsulotlari yetishtirishni ko‘paytirishdagi rolini oshirish maqsadida Vazirlar Mahkamasi qaror qiladi:
Uyushma va uning ijro etuvchi apparati tashkiliy tuzilmasi to‘g‘risidagi taklifi 1 va 2-ilovalarga muvofiq;
Uyushmaning shaxsiy yordamchi va dehqon xo‘jaliklari tegishli hududiy hamda tuman uyushmalari negizida tashkil etiladigan viloyat va tuman vakilliklari ijro etuvchi apparatlarining tashkiliy tuzilmasi to‘g‘risidagi taklifi 3 va 4-ilovalarga muvofiq ma’qullansin.
Uyushma va uning hududiy vakilliklari dehqon va fermer xo‘jaliklarini birlashtiradilar, davlat tashkilotlarida va boshqa tashkilotlarda ularning manfaatlarini himoya qiladilar va ifodalaydilar, o‘z faoliyatlarini ustavlarga muvofiq, to‘liq xo‘jalik hisob-kitobi prinsiplarida tashkil etadilar;
Uyushmaning o‘z a’zolari bilan o‘zaro huquqiy munosabatlari ularning ustavlari hamda xo‘jaliklar tomonidan Uyushmaning tuman vakilliklari bilan tuziladigan, O‘zbekiston Respublikasining amaldagi qonunchiligiga muvofiq tomonlarning o‘zaro javobgarligini va manfaatlarini nazarda tutuvchi shartnomalar asosida amalga oshiriladi;
Dehqon va fermer xo‘jaliklari uyushmasi raisi va uning o‘rinbosarlari syezd tomonidan saylanadilar va O‘zbekiston Respublikasi Vazirlar Mahkamasining qarori bilan lavozimga tasdiqlanadilar hamda maqomi, maishiy ta’minot, tibbiy va transport xizmati ko‘rsatish shart-sharoitlariga ko‘ra Uyushma raisi — vazirga, raisning birinchi o‘rinbosari — vazirning birinchi o‘rinbosariga, rais o‘rinbosari — vazir o‘rinbosariga tenglashtiriladilar;
Dehqon va fermer xo‘jaliklarini qo‘llab-quvvatlash jamg‘armasining direktori lavozimiga ko‘ra Dehqon va fermer xo‘jaliklari uyushmasi raisining o‘rinbosari hisoblanadi;
hududiy vakilliklar rahbarlari tegishli hokimliklar bilan kelishilgan holda Uyushma raisi tomonidan tayinlanadilar.
Dehqon va fermer xo‘jaliklari uyushmasi, Dehqon va fermer xo‘jaliklarini qo‘llab-quvvatlash jamg‘armasi Shaxsiy yordamchi va dehqon xo‘jaliklari uyushmasi hamda Shaxsiy yordamchi va dehqon xo‘jaliklarini qo‘llab-quvvatlash jamg‘armasi tomonidan tuzilgan barcha shartnoma va majburiyatlar bo‘yicha, Uyushmaning hududiy vakilliklari esa — tegishli ravishda shaxsiy yordamchi va dehqon xo‘jaliklari tuman va hududiy uyushmalarining shartnomalar va majburiyatlari bo‘yicha huquqiy vorislari hisoblanadilar;
Dehqon va fermer xo‘jaliklari uyushmasi hamda uning hududiy vakilliklari ijro etuvchi apparatlarini mablag‘ bilan ta’minlash ular tomonidan ta’sis etilgan, dehqon, fermer xo‘jaliklariga va yakka tartibda qishloq xo‘jaligi mahsulotlari yetishtiruvchilarga xizmatlar ko‘rsatuvchi tashkilotlar faoliyatidan olinadigan daromadlarning bir qismi, shuningdek Uyushma a’zolarining ishlab chiqarish faoliyatidan ixtiyoriy ajratmalar, a’zolik badallari hamda amaldagi qonunchilikka zid bo‘lmagan boshqa daromadlar hisobiga amalga oshiriladi.
dehqon va fermer xo‘jaliklarining respublika qonunchiligi bilan ularga berilgan huquqlarini va manfaatlarini himoya qilish;
dehqon va fermer xo‘jaliklarida yerlardan samarali foydalanilishini muntazam o‘rganish, yer uchastkalarini qo‘shimcha ravishda ajratish yoki qonunchilikda belgilangan tartibda olib qo‘yish to‘g‘risida tegishli hokimliklarga takliflar kiritish;
mayda va o‘rta qishloq xo‘jaligi mahsulotlari yetishtiruvchilarini shartnoma asosida urug‘liklar, o‘g‘itlar, ko‘chatlar, nasldor mollar va boshqa resurslar bilan ta’minlashga, ularga ishlab chiqarish texnologiya, transport, yuridik, axborot, marketing xizmatlari va boshqa xizmatlar ko‘rsatishga ko‘maklashish;
dehqon va fermer xo‘jaliklariga ular yetishtirgan mahsulotlarni ichki va tashqi bozorlarda sotishga ko‘maklashish;
dehqon va fermer xo‘jaliklariga ularni kreditlar, shu jumladan xorijiy kreditlar olishida va ularni o‘zlashtirishida maslahat va uslubiy yordam ko‘rsatish.
yangidan tashkil etilayotgan va tugatilayotgan fermer xo‘jaliklarini ro‘yxatdan o‘tkazish, shuningdek ularga qo‘shimcha yer uchastkalari ajratish yoki ularni olib qo‘yish uchun o‘zining tuman vakilliklari orqali tavsiyanomalar berish;
tuman statistika organlaridan dehqon va fermer xo‘jaliklarining ishlab chiqarish faoliyati to‘g‘risida hisobotlar olish hamda ularni o‘rganib chiqqandan keyin qo‘shimcha uchastkalari ajratish (buyurtmanomalar mavjud bo‘lganda) yoki ularni olib qo‘yish to‘g‘risida tuman hokimliklariga takliflar kiritish.
6. Uyushmaga dehqon va fermer xo‘jaliklari o‘rtasida tashkiliy ishlar olib borish hamda ular tomonidan texnikaga birgalikda egalik qilish va ulardan foydalanish, yetishtirilgan qishloq xo‘jaligi mahsulotlarini tayyorlash, qayta ishlash, saqlash, sotish va eksport qilish, moddiy-texnikaviy ta’minlash, omixta ozuqa ishlab chiqarish bo‘yicha fermerlar, dehqonlar va boshqa shaxslarning naqd pul mablag‘laridan tijorat asoslarida, shuningdek bank kreditlaridan foydalangan holda ixtiyoriy asosda ixtisoslashtirilgan kooperativlar tashkil qilishda zarur yordam ko‘rsatish tavsiya etilsin.
dehqon va fermer xo‘jaliklari tomonidan tashkil etilayotgan kooperativlarga, yetishtirilgan hosilni qayta ishlash sanoati korxonalariga sotish yuzasidan, tajriba tariqasida, ular nomidan shartnomalar tuzishga;
Oldingi tahrirga qarang.
(7-bandning uchinchi xatboshisi O‘zbekiston Respublikasi Vazirlar Mahkamasining 2011-yil 2-noyabrdagi 294-sonli qaroriga asosan chiqarilgan — O‘R QHT, 2011-y., 45-46-son, 70-modda)
O‘zbekiston Respublikasi Davlat bojxona qo‘mitasi Qishloq va suv xo‘jaligi vazirligi, Dehqon va fermer xo‘jaliklari uyushmasi bilan birgalikda dehqon va fermer xo‘jaliklari tomonidan yetishtirilgan meva-sabzavot mahsulotlarini va ularni qayta ishlab olingan mahsulotlarni respublikadan chetga chiqarish uchun tegishli hujjatlarni rasmiylashtirishning soddalashtirilgan tartibini bir oy muddatda ishlab chiqsin va tasdiqlasin.
8. O‘zbekiston banklari uyushmasiga keyinchalik dehqon va fermer xo‘jaliklariga O‘zbekiston vakolatli banklari orqali mikro va kichik kreditlar berish uchun Yevropa tiklanish va taraqqiyot bankining 40 million AQSh dollarigacha miqdordagi qo‘shimcha o‘rta muddatli kredit liniyasini ochish yuzasidan ikki oy muddatda takliflar kiritish tavsiya etilsin.
9. O‘zbekiston Respublikasi Qishloq va suv xo‘jaligi vazirligi, “O‘zmevasabzavotuzumsanoat-xolding” kompaniyasi, “O‘zdavpaxtasanoatsotish” uyushmasi, “O‘zdonmahsulot” korporatsiyasi, “O‘zdavneftmahsulot” birlashmasi, “O‘zkimyosanoat” uyushmasi, “O‘zqishloqxo‘jalikta’minottuzatish” davlat-kooperativ qo‘mitasi, “Yog‘moytamakisanoat” uyushmasi va boshqa manfaatdor idora va tashkilotlar Dehqon va fermer xo‘jaliklari uyushmasi bilan birgalikda dehqon va fermer xo‘jaliklarini, ularning kooperativlarini zarur qishloq xo‘jaligi texnikasi, yonilg‘i-moylash materiallari, mineral o‘g‘itlar, urug‘liklar, ko‘chatlar, zotli mollar, yem-xashak va boshqa moddiy resurslar bilan yanada to‘laroq va o‘z vaqtida ta’minlash, shuningdek ularga xizmatlar ko‘rsatish tartibini bir oy muddatda ishlab chiqsinlar.
10. Qoraqalpog‘iston Respublikasi Vazirlar Kengashi, viloyatlar, shaharlar va tumanlar hokimliklari dehqon va fermer xo‘jaliklariga ularning ishlab chiqarish — xo‘jalik faoliyatini rivojlantirishga har tomonlama ko‘maklashsinlar. Mahalliy hokimiyat organlarining dehqon va fermer xo‘jaliklari faoliyatiga aralashuviga yo‘l qo‘yilmasin.
11. O‘zbekiston Respublikasi Vazirlar Mahkamasining quyidagi qarorlariga o‘zgartirish va qo‘shimchalar kiritilsin:
a) Vazirlar Mahkamasining “O‘zbekiston Respublikasi Prezidentining “Shaxsiy yordamchi va dehqon xo‘jaliklarini davlat yo‘li bilan qo‘llab-quvvatlash hamda mamlakatni oziq-ovqat bilan ta’minlashda ularning rolini kuchaytirish borasidagi chora-tadbirlar to‘g‘risida”gi Farmonini bajarishni tashkil etish masalalari haqida” 1997-yil 28-apreldagi 215-son qarorining barcha matnidagi “Shaxsiy yordamchi va dehqon xo‘jaliklari uyushmasi” so‘zlari “Dehqon va fermer xo‘jaliklari uyushmasi” so‘zlari bilan almashtirilsin;
b) Vazirlar Mahkamasining “Shaxsiy yordamchi va dehqon xo‘jaliklarini qo‘llab-quvvatlash jamg‘armasi to‘g‘risidagi nizomni hamda uning mablag‘larini jamg‘arish va ulardan foydalanish Tartibini tasdiqlash haqida” 1997-yil 25-oktabrdagi 486-son qarorida;
qaror va qarorga ilovalar matnlaridagi “Shaxsiy yordamchi va dehqon xo‘jaliklarini qo‘llab-quvvatlash jamg‘armasi” so‘zlari “Dehqon va fermer xo‘jaliklarini qo‘llab-quvvatlash jamg‘armasi” so‘zlari bilan almashtirilsin;
“Dehqon va fermer xo‘jaliklarini qo‘llab-quvvatlash jamg‘armasi to‘g‘risida nizom”ning Sh bo‘limi quyidagi mazmundagi xatboshi bilan to‘ldirilsin:
“xorijiy mikrokreditlar olish shart-sharoitlarini ta’minlash uchun ularning garovga qo‘yiladigan mol-mulki yetishmagan taqdirda dehqon va fermer xo‘jaliklari ustav jamg‘armalarini shakllantirishga ulush qo‘shish”;
v) Vazirlar Mahkamasining “Qishloq savdosida mulkchilik munosabatlarini, boshqaruv tuzilmasini takomillashtirish va monopoliyadan chiqarish chora-tadbirlari to‘g‘risida” 1998-yil 24-martdagi 125-son qarorida 1-bandning oxirgi xatboshi chiqarib tashlansin.
12. Vazirlar Mahkamasining “Shaxsiy yordamchi va dehqon xo‘jaliklari uyushmasi faoliyatini tashkil etish masalalari to‘g‘risida” 1997-yil 15-apreldagi 192-son qarori o‘z kuchini yo‘qotgan deb hisoblansin.
13. Ommaviy axborot vositalari jahonning rivojlangan mamlakatlaridagi fermerlik harakati tajribasini yoritsinlar, respublikaning eng yaxshi xo‘jaliklari erishgan natijalarni muntazam ko‘rsatib borsinlar, dehqon va fermer xo‘jaliklarining rivojlanishiga to‘sqinlik qilayotgan muammolarni ochib bersinlar.
14. Mazkur qarorning bajarilishini nazorat qilish O‘zbekiston Respublikasi Bosh vazirining birinchi o‘rinbosari I. Jo‘rabekov zimmasiga yuklansin.
Oldingi tahrirga qarang.
(dehqon va fermer xo‘jaliklari uyushmasining tuzilmasi O‘zbekiston Respublikasi Vazirlar Mahkamasining 2005-yil 31-maydagi 138-sonli qarori tahririda — O‘R QHT, 2005-y., 22-son, 159-modda)