LexUZ sharhi
Mazkur qaror O‘zbekiston Respublikasi Vazirlar Mahkamasining 2021-yil 22-fevraldagi 87-sonli “O‘zbekiston Respublikasi Hukumatining o‘z ahamiyatini yo‘qotgan ayrim qarorlarini o‘z kuchini yo‘qotgan deb hisoblash to‘g‘risida (O‘zbekiston Respublikasi Prezidentining “O‘z ahamiyatini yo‘qotgan qonunchilik hujjatlarini qayta ko‘rib chiqish tizimini joriy etish orqali mamlakatda ishbilarmonlik muhitini yaxshilash chora-tadbirlari to‘g‘risida” 2020-yil 27-sentabrdagi PF-6075-son Farmoni)”gi qaroriga asosan o‘z kuchini yo‘qotgan.
“O‘zbekiston temir yo‘llari” davlat aksiyadorlik kompaniyasi tizimida sanitariya-epidemiologiya talablariga rioya qilish bo‘yicha ishlarni yaxshilash, shuningdek uning faoliyatini takomillashtirish maqsadida Vazirlar Mahkamasi qaror qiladi:
O‘zbekiston Respublikasi temir yo‘l transportida davlat sanitariya-epidemiologiya nazorati markazi, uning yo‘nalish filiallarini, shuningdek Toshkent temir yo‘l bo‘limining Karantinli va o‘ta xavfli yuqumli kasalliklarning oldini olish markazini “O‘zbekiston temir yo‘llari” davlat-aksiyadorlik kompaniyasi tarkibiga berish;
O‘zbekiston Respublikasi temir yo‘l transportida davlat sanitariya-epidemiologiya nazorati markazini joylardagi yo‘nalish filiallari bilan “O‘zbekiston temir yo‘llari” davlat-aksiyadorlik kompaniyasining Markaziy sanitariya-epidemiologiya stansiyasi, Toshkent temir yo‘l bo‘limining Karantinli va o‘ta xavfli yuqumli kasalliklarning oldini olish markazini — “O‘zbekiston temir yo‘llari” davlat aksiyadorlik kompaniyasining O‘latga qarshi yo‘l stansiyasi etib qayta tashkil etish to‘g‘risidagi takliflariga rozilik berilsin.
“O‘zbekiston temir yo‘llari” davlat-aksiyadorlik kompaniyasi va O‘zbekiston Respublikasi Sog‘liqni saqlash vazirligi Adliya vazirligi bilan birgalikda 2006-yil 15-aprelga qadar ushbu bandda ko‘rsatilgan muassasalarning asosiy fondlarini belgilangan tartibda qabul qilish-topshirishni tugallasin.
2. O‘zbekiston Respublikasi Moliya vazirligi belgilangan tartibda 2006-yil uchun Respublika budjetining xarajatlar parametrlariga tegishli o‘zgartirishlar kiritgan holda, O‘zbekiston Respublikasi temir yo‘l transportida davlat sanitariya-epidemiologiya nazorati markazi va uning yo‘nalish filiallarini, Toshkent temir yo‘l bo‘limining Karantinli va o‘ta xavfli yuqumli kasalliklarning oldini olish markazini 2006-yil 15-apreldan boshlab budjetdan moliyalashtirishni to‘xtatsin.
3. Vazirlar Mahkamasining “O‘zbekiston temir yo‘llari” davlat-aksionerlik kompaniyasi Ustavini, “O‘zbekiston temir yo‘llari” davlat-aksionerlik kompaniyasi xodimlari intizomi to‘g‘risidagi nizomni va “O‘zbekiston temir yo‘llari” davlat-aksionerlik kompaniyasi shaxsiy tarkibining formali kiyim-boshi to‘g‘risidagi nizomni tasdiqlash haqida” 1995-yil 3-iyuldagi 249-son qarori o‘z kuchini yo‘qotgan deb hisoblansin.
4. O‘zbekiston Respublikasi Hukumatining ilovaga muvofiq ayrim qarorlariga o‘zgartirishlar kiritilsin.
5. Mazkur qarorning bajarilishini nazorat qilish O‘zbekiston Respublikasi Bosh vazirining o‘rinbosarlari N.M. Xanov hamda R.S. Qosimov zimmasiga yuklansin.
1. Vazirlar Mahkamasining “Davlat va xo‘jalik boshqaruvi respublika organlarining boshqaruv xodimlari sonini maqbullashtirish va qisqartirish to‘g‘risida” 2004-yil 1-son qarorida:
3-ustundagi “4027” va “1035” raqamlari tegishli ravishda “4000” va “1008” raqamlari bilan almashtirilsin;
6-ustundagi “3324” va “791” raqamlari tegishli ravishda “3297” va “764” raqamlari bilan almashtirilsin;
3-ustundagi “2746” va “2582” raqamlari tegishli ravishda “2773” va “2609” raqamlari bilan almashtirilsin;
6-ustundagi “2232” va “2112” raqamlari tegishli ravishda “2259” va “2139” raqamlari bilan almashtirilsin.
Oldingi tahrirga qarang.
(2-band O‘zbekiston Respublikasi Vazirlar Mahkamasining 2016-yil 28-oktabrdagi 375-sonli qaroriga asosan o‘z kuchini yo‘qotgan)