“Oʻzbekiston Respublikasi Davlat arxitektura va qurilish (“Davarxitektqurilish”) qoʻmitasini tashkil etish toʻgʻrisida”gi Farmonga muvofiq Vazirlar Mahkamasi qaror qiladi:

1. Oʻzbekiston Respublikasi Davlat qurilish ishlari qoʻmitasi hamda Oʻzbekiston Respublikasi Davlat qurilish ishlari qoʻmitasi huzuridagi Davlat arxitektura va shaharsozlik qoʻmitasi tugatilib Oʻzbekiston Respublikasi Davlat arxitektura va qurilish qoʻmitasining tuzilmasi 1-ilovaga* muvofiq tasdiqlansin.

2. Viloyatlar arxitektura va shaharsozlik bosh boshqarmalarining tuzilmasi 2-ilovaga* muvofiq tasdiqlansin. Respublika shahar (tuman) larida tegishli arxitektura va shaharsozlik boʻlimlari tashkil etilsin.

Belgilab qoʻyilsinki:

viloyatlar va Toshkent shahar arxitektura va shaharsozlik bosh boshqarmalari tegishli hudud hokimi hamda Oʻzbekiston Respublikasi “Davarxitektqurilish” davlat qoʻmitasi qaramogʻida, shahar (tuman) arxitektura va shaharsozlik boʻlimlari esa shahar (tuman) hokimi hamda viloyat, Toshkent shahar arxitektura va shaharsozlik bosh boshqarmalari qaramogʻida boʻladilar.

viloyatlar va Toshkent shahar arxitektura va shaharsozlik bosh boshqarmalarining rahbarlarini tayinlash viloyatlar va Toshkent shahar hokimlarining tavsiyanomalariga binoan Oʻzbekiston Respublikasi “Davarxitektqurilish” davlat qoʻmitasi tomonidan amalga oshiriladi. Shahar (tuman) arxitektura va shaharsozlik boʻlimlarining rahbarlarini tayinlash shahar (tuman)lar hokimlari tavsiyanomasiga binoan tegishli viloyat, Toshkent shahar arxitektura va shaharsozlik bosh boshqarmalari tomonidan amalga oshiriladi.

3. Oʻzbekiston Respublikasi “Davarxitektqurilish” davlat qoʻmitasi markazi apparatining tuzilmasi 3-ilovaga* muvofiq hamda butun tizim xodimlarining soni 581 nafardan, shu jumladan, markaziy apparat xodimlari soni 75 nafardan iborat qilib 4-ilovaga* muvofiq tasdiqlansin. Belgilab qoʻyilsinki, hududiy organlarning xodimlarini saqlashga mablagʻlar mahalliy budjetlardan ajratiladi.

Oʻzbekiston Respublikasi “Davarxitektqurilish” davlat qoʻmitasi Raisiga 3 nafar oʻrinbosarga, shu jumladan, bir nafar birinchi oʻrinbosarga ega boʻlishga hamda shaxsiy tarkibi Vazirlar Mahkamasi tomonidan tayinlanadigan 1 nafardan iborat hayʼat boʻlishiga ruxsat etilsin.

Oʻzbekiston Respublikasi Moliya vazirligi zarur boʻlgan mehnatga haq toʻlash fondini belgilasin, shuningdek, qoʻmita markaziy apparati uchun 4 ta yengil avtomashinani saqlashga limit ajratsin.

4. Yuklatilgan vazifalarga muvofiq Oʻzbekiston Respublikasi “Davarxitektqurilish” qoʻmitasiga quyidagi huquqlar berilsin:

berilgan vakolatlar doirasida normativ-uslubiy hujjatlarni tasdiqlash, noshirlik faoliyatini amalga oshirish;

respublikaning amaldagi qonun hujjatlariga muvofiq loyihalash-qurilish hamda ekspertiza faoliyatini litsenziyadan oʻtkazish;

arxitektura va qurilish sohasida muhim xalq xoʻjaligi muammolarini ishlab chiqish va koʻrib chiqish boʻyicha idoralararo komissiyalar tuzish. Materiallarni ishlab chiqishga ilmiy-tadqiqot, texnologiya, loyiha-konstruktorlik tashkilotlarini, oliy oʻquv yurtlarini va boshqa muassasalarni, shuningdek, ayrim olimlarni va yirik mutaxassislarni jalb etish.

5. Oʻzbekiston Respublikasi Davlat arxitektura va qurilish qoʻmitasi ikki hafta muddatda:

arxitektura va shaharsozlik viloyat, Toshkent shahar bosh boshqarmalari, shahar (tuman) boʻlimlari toʻgʻrisidagi namunaviy nizomlarni ishlab chiqsin; arxitektura va shaharsozlik viloyat, Toshkent shahar bosh boshqarmalari, shahar (tuman) boʻlimlari toʻgʻrisidagi namunaviy nizomlarni ishlab chiqsin;

Davlat qoʻmitasining yangi vazifalarini va faoliyat yoʻnalishlarini hisobga olgan holda u toʻgʻrisidagi Nizom loyihasini, shuningdek, qoʻmitaning ishlab turgan ilmiy-tadqiqot muassasalarini qayta tashkil etish boʻyicha taklifni Vazirlar Mahkamasiga kiritsin.

1993-yilning 1-noyabrigacha respublika hududidagi idoraviy boʻysunishidan qatʼi nazar loyiha-qidiruv tashkilotlari tarmoqlarining eng maqbul tuzilmasi, ularni tuzish va ularning faoliyat koʻrsatish tartibi toʻgʻrisida takliflarni tayyorlasin.

6. Oʻzbekiston Respublikasi Davlat arxitektura va qurilish qoʻmitasi Toshkent shahar Abay koʻchasidagi 6-uyga joylashtirilsin.

7. Oʻzbekiston SSR Ministrlar Sovetining 1986-yil 2-apreldagi 171-son, 1988-yil 29-yanvardagi 41-son, 1989-yil 23-yanvardagi 31-son, 1990-yil 3-yanvardagi 3-son qarorlari oʻz kuchini yoʻqotgan deb hisoblansin.

8. Ushbu qarorning bajarilishini nazorat qilish Oʻzbekiston Respublikasi Bosh vazirining oʻrinbosari K. N. Toʻlaganov zimmasiga yuklatilsin.

Qarorning bajarilishi 1993-yil noyabr oyida koʻrib chiqilsin.