O‘zbekiston Respublikasi Soliq kodeksi, O‘zbekiston Respublikasi “Davlat soliq xizmati to‘g‘risida”gi Qonunning 7-moddasiga muvofiq O‘zbekiston Respublikasi Moliya vazirligi va Davlat soliq qo‘mitasi qaror qiladilar:

1. Ilova* qilinayotgan O‘zbekiston Respublikasida ishlab chiqariladigan tovarlar bo‘yicha yuridik shaxslar tomonidan aksiz solig‘ini hisoblab chiqish va to‘lash tartibi to‘g‘risidagi (yangi tahrirda) yo‘riqnoma tasdiqlansin.

2. Quyidagilar o‘z kuchini yo‘qotgan deb topilsin:

O‘zbekiston Respublikasi Moliya vazirligi va Davlat bojxona qo‘mitasi tomonidan 2002-yil 14-yanvardagi 11, 2002-14-sonli qarorlari bilan tasdiqlangan “O‘zbekiston Respublikasida ishlab chiqariladigan tovarlar bo‘yicha yuridik shaxslar tomonidan aksiz solig‘ini hisoblab chiqish va to‘lash tartibi to‘g‘risidagi yo‘riqnoma” (2002-yil 11-mart, ro‘yxat raqami 1106-son — Me’yoriy hujjatlar axborotnomasi, 2002-y., 5-son);

O‘zbekiston Respublikasi Moliya vazirligi va Davlat soliq qo‘mitasi tomonidan 2002-yil 30-dekabrdagi 11-1, 2002-90-sonli qarorlari bilan tasdiqlangan “O‘zbekiston Respublikasida ishlab chiqariladigan tovarlar bo‘yicha yuridik shaxslar tomonidan aksiz solig‘ini hisoblab chiqish va to‘lash tartibi to‘g‘risida”gi yo‘riqnomaga o‘zgartirishlar va qo‘shimchalar kiritish to‘g‘risida”gi qarori (2003-yil 25-fevral, ro‘yxat raqami 1106-1-son — Me’yoriy hujjatlar axborotnomasi, 2003-y., 4-son);

O‘zbekiston Respublikasi Moliya vazirligi va Davlat soliq qo‘mitasi tomonidan 2003-yil 30-maydagi 71, 2003-54-sonli qarorlari bilan tasdiqlangan “Tozalangan o‘simlik (paxta) yog‘i ishlab chiqaruvchi korxonalar tomonidan ushbu mahsulotga qo‘shimcha ikki foizli aksiz solig‘ini hisoblab chiqish va ushbu mablag‘larni “Yog‘moytamakisanoat” uyushmasining maxsus hisobiga o‘tkazish to‘g‘risidagi nizomni tasdiqlash haqida” (2003-yil 10-iyun, ro‘yxat raqami 1247-son — Me’yoriy hujjatlar axborotnomasi, 2003-y., 11-son);

O‘zbekiston Respublikasi Moliya vazirligi va Davlat soliq qo‘mitasi tomonidan 2003-yil 25-iyundagi 74, 2003-57-sonli qarorlari bilan tasdiqlangan “Tarkibida 30 foiz va undan ortiq spirt bo‘lgan aroq, konyak (brendi) va boshqa alkogol mahsulotlari, shuningdek tarkibida 10 foizdan 30 foizgacha spirt bo‘lgan spirtli vino hamda boshqa uzum, meva va boshqa alkogolli ichimliklar, tarkibida 10 foizgacha spirt bo‘lgan vino, shampan vinosi va kam quvvatli ichimliklar ishlab chiqaruvchi korxonalar tomonidan ushbu mahsulotlarga qo‘shimcha aksiz solig‘ini hisoblash va ko‘rsatilgan mablag‘larni “O‘zmevasabzavotuzumsanoat-xolding” XKning maxsus hisobiga o‘tkazish to‘g‘risida nizom (2003-yil 1-avgust, ro‘yxat raqami 1261-son — Me’yoriy hujjatlar axborotnomasi, 2003-y., 15-son).

3. Mazkur qaror O‘zbekiston Respublikasi Adliya vazirligida davlat ro‘yxatidan o‘tkazilgan kundan boshlab o‘n kun o‘tgandan keyin kuchga kiradi.