Vazirlar Mahkamasi qaror qiladi:

1. Oʻzbekiston Respublikasi Bosh vazirining oʻrinbosari L. A. Axmetov Vazirlar Mahkamasining 1996-yil 26-maydagi 194-son, 1997-yil 27-martdagi 163-son qarorlari va Vazirlar Mahkamasining1997-yil 27-martdagi 120-f-son, 1997-yil 8-iyuldagi 287-f-son farmoyishlari bilan tashkil etilgan Oʻzbekiston Respublikasi yuk oqimi Gruziya portlari orqali oʻtishni muvofiqlashtirish Hukumat komissiyasi raisining oʻrinbosari, Transport, aloqa va turizm sohasida xizmatlar koʻrsatish eksport imkoniyatlarini rivojlantirish boʻlimini ishlab chiqish guruhi rahbari, Transport va aloqa korxonalarini qayta roʻyxatdan oʻtkazish tarmoq komissiyasi rahbari, Qoʻshni mamlakatlarining temir yoʻl uchastkalari orqali davlatlar ichida tranzit bilan yuk tashishlarni nazorat qilishni muvofiqlashtirish guruhi rahbarining oʻrinbosari etib tasdiqlasin, K. R. Rahimov koʻrsatib oʻtilgan vazifalardan ozod etilsin.

2. Mazkur qarorning 1-bandida koʻrsatib oʻtilgan Vazirlar Mahkamasining qarorlari va farmoyishlariga ilovaga muvofiq oʻzgartirish va qoʻshimchalar kiritilsin.

3. Belgilasinki, koʻrsatib oʻtilgan komissiyalar aʼzolari boshqa ishga oʻtgan hollarda ularning lavozimlariga yangidan tayinlangan shaxslar ularning tarkibiga kiritiladi.

1. Vazirlar Mahkamasining “Oʻzbekiston Respublikasi yuk oqimi Gruziya Respublikasining Poti porti orqali oʻtishini muvofiqlashtirish Hukumat komissiyasini tashkil etish toʻgʻrisida” 1996-yil 24-maydagi 194-son qaroridagi:

qaror va komissiyaning nomi quyidagi tahrirda bayon qilinsin:

“Oʻzbekiston Respublikasi yuk oqimi Gruziya portlari orqali oʻtishni muvofiqlashtirish Hukumat komissiyasini tashkil etish toʻgʻrisida”;

“Oʻzbekiston Respublikasi yuk oqimi Gruziya portlari orqali oʻtishni muvofiqlashtirish Hukumat komissiyasi”;

Vazirlar Mahkamasi kommunikatsiyalar kompleksi kotibiyatining mudiri S. Y. Abdurahmonov, “Oʻzavtotrans” davlat korporatsiyasi raisi Q. M. Sidiqnazarov, Davlat bojxona qoʻmitasi raisining birinchi oʻrinbosari S. A. Olimbekov, Tashqi iqtisodiy aloqalar vazirining oʻrinbosari Z. M. Islomov, “Oʻztashqitrans” respublika tashqi savdo xoʻjalik hisobidagi birlashma bosh direktori B. A. Ismoilov, Oʻzbekiston Ekspeditorlar va tashuvchilar xalqaro uyushmasi raisi X. S. Matchonov Hukumat komissiyasi aʼzolari etib tasdiqlansin, Sh. K. Qodirov, A. A. Odilov koʻrsatib oʻtilgan vazifalardan ozod etilsin.

2. Vazirlar Mahkamasining “Eksport imkoniyatlarini rivojlantirishni ragʻbatlantirish respublika kengashini tuzish toʻgʻrisida” 1997-yil 27-martdagi 163-son qaroriga 3-ilovada:

Kommunikatsiyalar kompleksi kotibiyati mudiri S. Y. Abdurahmonov, Makroiqtisodiyot va statistika vazirining oʻrinbosari B. E. Xoʻjayev, “Oʻzavtotrans” davlat korporatsiyasi raisi Q. M. Sidiqnazarov, Fan va texnika davlat qoʻmitasi raisining birinchi oʻrinbosari T. B. Usmonov, Investitsiya dasturlari departamenti bosh mutaxassisi Y. T, Sobitov ishchi guruhi aʼzolari etib tasdiqlansin, Sh. K. Qodirov, G. K. Saidova, L. A. Axmetov, T. T. Risqiyev koʻrsatib oʻtilgan vazifalardan ozod etilsin.

3. Vazirlar Mahkamasining 1997-yil 27-martdagi 120-f-son farmoyishida:

Kommunikatsiyalar kompleksi kotibiyati mudiri S. Y. Abdurahmonov, Davlat mulki qoʻmitasi raisining oʻrinbosari T. Z. Toʻxtayev, “Oʻzavtotrans” davlat korporatsiyasi raisi Q. M. Sidiqnazarov, Makroiqtisodiyot va statistika vazirligi boʻlim boshligʻi D. S. Yoʻldoshbekov transport va aloqa korxonalarini qayta roʻyxatdan oʻtkazish komissiyasi aʼzolari etib tasdiqlansin, R. T. Nuraliyev, Sh. K. Qodirov va O. N. Vedenskiy koʻrsatib oʻtilgan vazifalardan ozod etilsin.

4. Vazirlar Mahkamasining 1997-yil 8-iyuldagi 287-f-son farmoyishida:

Moliya vazirining oʻrinbosari J. A. Qoʻchqorov va “Oʻzbekneftegaz” milliy korporatsiyasi raisining oʻrinbosari X. B. Jumayev muvofiqlashtirish guruhi aʼzolari etib tasdiqlansin, V. S. Beganov, I. A. Zaynutdinov koʻrsatib oʻtilgan vazifalardan ozod etilsin.