Oʻzbekiston Respublikasi Vazirlar Mahkamasining 2025-yil 16-iyuldagi 446-son “2025 — 2027-yillarda respublika va mahalliy ijro etuvchi hokimiyat organlarida ichki nazorat tizimini yanada takomillashtirish konsepsiyasini tasdiqlash toʻgʻrisida”gi qaroriga muvofiq buyuraman:

1. Oʻzbekiston Respublikasi moliya vazirining 2022-yil 22-noyabrdagi 63-son buyrugʻi (roʻyxat raqami 3406, 2022-yil 27-dekabr) (Qonunchilik maʼlumotlari milliy bazasi, 28.12.2022-y., 10/22/3406/1130-son) bilan tasdiqlangan Ichki audit tadbirlarini oʻtkazish qoʻllanmasiga ilovaga muvofiq oʻzgartirishlar kiritilsin.

2. Mazkur buyruq rasmiy eʼlon qilingan kundan eʼtiboran kuchga kiradi.

1. 1-banddagi “vazirlik va idoralarning” degan soʻzlar “davlat organlari va tashkilotlarining” degan soʻzlar bilan almashtirilsin.

2. 2-band quyidagi tahrirda bayon etilsin:

“2. Ichki audit tadbirlari davlat organlari va tashkilotlarida budjet intizomini mustahkamlash va budjet toʻgʻrisidagi qonunchilik buzilishi holatlarining oldini olish, budjet xarajatlarining samaradorligi va natijadorligini baholash hamda ichki audit faoliyati sohasidagi hujjatlar ijrosini taʼminlash hamda tizimdagi budjet hisobidan moliyalashtirilmaydigan nobudjet muassasa hamda tashkilotlarning moliyaviy-xoʻjalik faoliyati ustidan nazoratni amalga oshirish maqsadida oʻtkaziladi.”.

3. 3-bandda:

toʻrtinchi va beshinchi xatboshilar quyidagi tahrirda bayon etilsin:

“davlat organlari va tashkilotlari — ichki audit xizmati tashkil etilgan respublika ijro etuvchi hokimiyat organlari, davlat maqsadli jamgʻarmalari, Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari hamda boshqa budjet tashkilotlari;

ichki audit obyekti — ichki audit tadbiri amalga oshirilishi nazarda tutilgan davlat organlari va tashkilotlarining tegishincha markaziy apparati va boshqaruv apparati tarkibiy boʻlinmalari, tizim tashkilotlari hamda tasarrufidagi budjet tashkilotlari;”;

oʻninchi xatboshidagi “vazirlik va idora” degan soʻzlar “davlat organi va tashkiloti” degan soʻzlar bilan almashtirilsin;

oʻn birinchi xatboshidagi “vazirlik va idoraning” degan soʻzlar “davlat organi va tashkilotining” degan soʻzlar bilan almashtirilsin;

oʻn ikkinchi xatboshidagi “vazirlik va idoralarning” degan soʻzlar “davlat organlari va tashkilotlarining” degan soʻzlar bilan almashtirilsin.

4. 7-bandning beshinchi xatboshisi quyidagi tahrirda bayon etilsin:

“ichki audit yillik rejasini ishlab chiqish, Oʻzbekiston Respublikasining Hisob palatasi bilan kelishish va tasdiqlash.”.

5. 8-band quyidagi tahrirda bayon etilsin:

“8. Ichki audit obyektlari roʻyxati davlat organlari va tashkilotlarining tegishincha markaziy apparati va boshqaruv apparati tarkibiy boʻlinmalari, tizim tashkilotlari va tasarrufidagi budjet tashkilotlari hamda davlat maqsadli jamgʻarmalarini oʻz ichiga oladi.”.

6. 9, 30-bandlar, 37-bandning birinchi xatboshisi, 41, 74-bandlar, 91-bandning ikkinchi xatboshisi va 97-banddagi “vazirlik va idora” degan soʻzlar “davlat organi va tashkiloti” degan soʻzlar bilan almashtirilsin.

7. 15 va 58-bandlardagi “vazirlik va idorada” degan soʻzlar “davlat organi va tashkilotida” degan soʻzlar bilan almashtirilsin.

8. 23-bandning birinchi xatboshisidagi “vazirlik va idora” hamda “vazirlik va idoraning” degan soʻzlar tegishli ravishda “davlat organi va tashkiloti” hamda “davlat organi va tashkilotining” degan soʻzlar bilan almashtirilsin.

9. 2-bob 5-paragrafining nomi quyidagi tahrirda bayon etilsin:

10. 27-band quyidagi tahrirda bayon etilsin:

“27. Ichki audit xizmati tomonidan kelgusi yil uchun ichki audit yillik rejasi loyihasi Davlat moliyaviy nazorat organlari va ichki audit xizmatlari tomonidan Oʻzbekiston Respublikasi Hisob palatasining “Davlat auditi” dasturiy kompleksidan foydalanish tartibi toʻgʻrisidagi nizomga (roʻyxat raqami 3704, 2025-yil 12-noyabr) muvofiq “Davlat auditi” dasturiy kompleksida shakllantiriladi, kelishiladi va tasdiqlanadi.

Ichki audit yillik rejasi loyihasi mazkur Qoʻllanmaning 3-ilovasiga muvofiq shaklda shakllantiriladi.”.

11. 32-band quyidagi tahrirda bayon etilsin:

“32. Ichki audit yillik rejasi majburiy tartibda Oʻzbekiston Respublikasining Hisob palatasi bilan kelishilgandan soʻng uch ish kuni ichida davlat organi va tashkiloti rahbariga koʻrib chiqish va tasdiqlash uchun kiritiladi hamda har yili dekabr oyining 25-sanasiga qadar tasdiqlanadi.

Oʻzbekiston Respublikasining Hisob palatasi bilan kelishishda ichki audit yillik rejasiga kiritilgan “yuqori” xavf darajasiga ega ichki audit obyektlarining chiqarib tashlanishiga yoʻl qoʻyilmaydi.”.

12. 33-band oʻz kuchini yoʻqotgan deb topilsin.

13. 65-bandning oltinchi va sakkizinchi xatboshilaridagi “vazirlik va idoralarning” degan soʻzlar “davlat organlari va tashkilotlarining” degan soʻzlar bilan almashtirilsin.

14. 70-banddagi “vazirlik va idora” va “buzilish holatlari yuzasidan” degan soʻzlar tegishli ravishda “davlat organi va tashkiloti” va “buzilish holatlari yuzasidan “Davlat auditi” dasturi orqali” degan soʻzlar bilan almashtirilsin.

15. 73-banddagi “vazirlik va idoraning” degan soʻzlar “davlat organi va tashkilotining” degan soʻzlar bilan almashtirilsin.

16. 86-banddagi “tasdiqlanadi” degan soʻz “imzolanadi” degan soʻz bilan almashtirilsin.

17. 1-ilovadagi “Xavf omillarini baholash mezonlari namunasi” jadvalining izoh qismidagi “Vazirlik va idora” degan soʻzlar “Davlat organi va tashkiloti” degan soʻzlar bilan almashtirilsin.

18. 5-ilovadagi “Ichki audit xizmati rahbari” degan soʻzlar “Ichki audit obyekti rahbari” degan soʻzlar bilan almashtirilsin.

19. 6-ilovadan “TASDIQLAYMAN” Ichki audit xizmati rahbari _________________ 20___ yil “___” __________ M.O'.” degan soʻzlar chiqarib tashlansin.