T/r

Chora-tadbirlar nomi

Amalga oshirish mexanizmi

Ijro muddatlari

Moliyalashtirish manbalari

Masʼullar

I. Yuridik kadrlar tayyorlash tizimi uzluksizligini taʼminlash va rivojlantirish chora-tadbirlari

1.

“Yurisprudensiya” taʼlim yoʻnalishi boʻyicha huquqning fundamental tarmoqlariga ixtisoslashtirilgan yoʻnalishlar va yangi “Raqamli huquq” taʼlim yoʻnalishini joriy etish.

Bunda “Xalqaro huquq va qiyosiy huquqshunoslik” hamda “Raqamli huquq” taʼlim yoʻnalishlariga oʻqishga qabul qilish tanlovlari xalqaro standartlarga muvofiq hamda shunga ixtisoslashgan xorijiy tashkilotlar bilan hamkorlikda IQ test oʻtkazish tartibida hamda tanlovda B2 darajadagi milliy yoki unga mos darajadagi xalqaro sertifikatga ega shaxslar ishtirok etishi va oʻquv jarayoni ingliz tilida olib borilishi tartibini belgilash.

Normativ-huquqiy hujjat loyihasi

2026-yil may

-

Oliy taʼlim, fan va innovatsiyalar vazirligi,

Adliya vazirligi,

TDYU

2.

TDYUda amaliy oʻqitish hamda klinik va dual taʼlim tamoyili asosida taʼlim olish tizimini joriy etish maqsadida ikkinchi, uchinchi va toʻrtinchi kurs talabalari uchun yuridik taʼlim dasturlarining 50 foizini (nazariy qismlari) auditoriyalarda, 50 foizini (amaliyot qismi) sud, huquqni muhofaza qiluvchi organlar, advokatura, konsalting va sohaga doir boshqa tashkilotlarda oʻtkazish.

Bunda sud, huquqni muhofaza qiluvchi organlar, advokatura, konsalting va sohaga doir boshqa tashkilotlar tomonidan TDYU taqsimoti boʻyicha amaliyotga yuborilgan talabalar uchun zarur sharoitlarni yaratish.

Tashkiliy chora-tadbirlar

2026/2027 oʻquv yilidan boshlab doimiy

-

TDYU,

Adliya vazirligi,

Oliy sud,

Bosh prokuratura,

Ichki ishlar vazirligi,

manfaatdor vazirlik va idoralar

3.

Universitet tajribasi natijalari asosida amaliy oʻqitish hamda klinik va dual taʼlim tamoyili asosida taʼlim olish tizimini “Yurisprudensiya” yoʻnalishi mavjud boshqa davlat oliy taʼlim tashkilotlarida yoʻlga qoʻyish.

Tashkiliy chora-tadbirlar

2027/2028 oʻquv yilidan boshlab

-

Oliy taʼlim, fan va innovatsiyalar vazirligi,

 Adliya vazirligi,

manfaatdor vazirlik va idoralar

4.

TDYU faoliyatiga xalqaro standartlarni joriy etish va xalqaro akkreditatsiyadan oʻtkazish boʻyicha kengash tarkibini tasdiqlash.

Bunda TDYUni kengashning ishchi organi etib belgilash.

Adliya vazirining buyrugʻi

2026-yil dekabr

-

Adliya vazirligi,

Oliy taʼlim, fan va innovatsiyalar vazirligi,

TDYU

5.

Universitet professorlar kengashi (Senate of Professors) nizomini tasdiqlash va faoliyatini yoʻlga qoʻyish.

Kuzatuv kengashi qarori

2026-yil fevral

-

Adliya vazirligi,

TDYU

6.

TDYUda taʼlim — tadqiqot — amaliyot integratsiyasini taʼminlash maqsadida sohaviy fakultetlar tizimini akademik departament, tadqiqot markazi hamda amaliyot va karyera markazidan iborat tartibda shakllantirish.

Kuzatuv kengashining qarori

2026-yil fevral

-

Adliya vazirligi,

TDYU

7.

TDYU huzuridagi akademik litseylar bitiruvchilari, yuridik texnikumlar bitiruvchilari hamda oliy maʼlumotga ega boʻlgan shaxslar uchun bakalavrlarni tayyorlashning maxsus uch yillik taʼlim dasturiga alohida qabul kvotasi va toʻlov-kontrakt asosida TDYUga qabul qilish hamda oʻqitish tartibini ishlab chiqish.

Vazirlar Mahkamasi qarori loyihasi

2026-yil mart

-

Adliya vazirligi,

Oliy taʼlim, fan va innovatsiyalar vazirligi

8.

Huquq fanidan bilish darajasini baholash boʻyicha test sinovini tashkil etish hamda uning natijalari asosida davlat namunasidagi sertifikat berish boʻyicha tartibni ishlab chiqish.

Vazirlar Mahkamasi qarori loyihasi

2026-yil mart

-

Oliy taʼlim, fan va innovatsiyalar vazirligi,

Adliya vazirligi

9.

Yuridik kadrlarni qayta tayyorlash va malakasini oshirish institutida tashkil etiladigan yuridik mutaxassislik boʻyicha qayta tayyorlash kursini bitirgan va belgilangan namunadagi diplomni olgan shaxslarga yuridik maslahat xizmatlarini koʻrsatuvchi tijorat tashkilotlarida yuridik maslahat xizmati bilan shugʻullanish huquqini berish boʻyicha Hukumat qarori loyihasini ishlab chiqish.

Vazirlar Mahkamasi qarori loyihasi

2025-yil dekabr

-

Adliya vazirligi,

Yuridik kadrlarni qayta tayyorlash va malakasini oshirish instituti

10.

Magistratura taʼlim mutaxassisliklari doirasida oʻtiladigan fanlar va ixtisoslik yoʻnalishlarini qayta koʻrib chiqib, takliflarni tayyorlash va Adliya vazirligiga kiritish.

Axborot xati

2026-yil fevral

-

TDYU

11.

TDYUda yuridik taʼlim va amaliyotning oʻzaro integratsiyasi doirasida:

tajribali advokatlarni kelishuv asosida yurisprudensiya taʼlim yoʻnalishidagi talabalarga “amaliy mentor” sifatida biriktirish amaliyotini joriy etish;

yuridik klinika faoliyatiga tajribali advokatlarni jalb qilgan holda talabalarda jismoniy va yuridik shaxslarga yuridik yordam koʻrsatish boʻyicha “malakali maslahat berish” va “huquqiy taʼminlash” koʻnikmalarini shakllantirishni yoʻlga qoʻyish.

Tashkiliy chora-tadbirlar

2026-yil fevral

TDYU budjetdan tashqari mablagʻlari

TDYU,

Adliya vazirligi,

Advokatlar palatasi

(kelishuv asosida)

II. Taʼlim jarayonlarini sifatli va samarali tashkil etish hamda sunʼiy intellektni joriy etish

12.

Zamonaviy, sodda tilda yozilgan, jozibador oʻquv adabiyotlarini yaratish. Bunda:

zamonaviy, sodda tilda yozilgan va jozibador oʻquv adabiyotlari (smart book) va amaliy misollarga asoslangan qoʻllanmalar (casebook) tayyorlash, xorijiy adabiyotlarni davlat tiliga tarjima qilish va nashr etish;

chet eldagi vatandosh, xorijiy olimlar va mutaxassislar bilan hammualliflikda huquq tamoyillarining amalda ishlashini sodda tushuntirib beruvchi darsliklarni yaratish.

Tashkiliy chora-tadbirlar

2026-yil oktabr

TDYU va “Yurisprudensiya” taʼlim yoʻnalishi mavjud oliy taʼlim tashkilotlarining budjetdan tashqari mablagʻlari

Adliya vazirligi,

Oliy taʼlim, fan va innovatsiyalar vazirligi,

Tashqi ishlar vazirligi,

“El-yurt umidi” jamgʻarmasi,

TDYU

13.

Buyuk Britaniya Oliy taʼlim sifatini taʼminlash agentligi (The Quality Assurance Agency for Higher Education) va xorijiy ekspertlar bilan shartnoma asosida xalqaro taʼlim standartlarini tegishli yoʻnalishlarda joriy etish hamda TDYU va uning taʼlim dasturlarini xalqaro institutsional va dasturiy akkreditatsiyadan bosqichma-bosqich oʻtkazish.

Kompleks chora-tadbirlar

2027-yil dekabr

TDYU budjetdan tashqari mablagʻlari

Adliya vazirligi,

Oliy taʼlim, fan va innovatsiyalar vazirligi,

Tashqi ishlar vazirligi,

TDYU

14.

IT sohasiga ixtisoslashgan oliy taʼlim tashkilotlari hamda xususiy IT kompaniyalar bilan yuridik sohada Legal Tech start-up loyihalarini amalga oshirish boʻyicha hamkorlik oʻrnatish.

Tashkiliy chora-tadbirlar

2026-2027-yillar

TDYU budjetdan tashqari mablagʻlari

TDYU

15.

Oraliq va yakuniy nazorat ishlarini tekshirish jarayonlariga sunʼiy intellekt texnologiyalarini bosqichma-bosqich joriy qilish.

Tashkiliy chora-tadbirlar

2026-2027-yillar

TDYU budjetdan tashqari mablagʻlari

TDYU,

Oliy sud

Protsessual fanlardan dars jarayonlarida virtual sud majlislari va tergov jarayonlarini imitatsiya va simulyatsiyalarini virtual reallik texnologiyalari orqali amalga oshirish.

16.

Universitet taʼsischiligida faoliyati huquqiy amaliyot sohasida raqamlashtirish, barcha jarayonlarni avtomatlashtirish va sunʼiy intellekt texnologiyalarini keng joriy qilishga qaratilgan “Huquqiy texnologiyalar va sunʼiy intellekt laboratoriyasi” spin-off kompaniyasini tashkil etish.

Tashkiliy chora-tadbirlar

2026-2027-yillar

TDYU budjetdan tashqari mablagʻlari

TDYU

III. Ilmiy-tadqiqot va innovatsion faoliyatning amaliy natijadorligi va tijoratlashuvini taʼminlash, xalqaro standartlarni joriy etish

17.

TDYUda hamkor oliy taʼlim tashkilotlari, shu jumladan, Buyuk Britaniya, Polsha, Xitoy, Koreya Respublikasi davlatlari universitetlari bilan muzokaralarni yakunlab, natijasiga koʻra hamkorlik doirasida qoʻshma taʼlim dasturlari, xorijiy hamkor tashkilotlar oʻquv standartlari asosida oʻqitish orqali xorijiy diplom berishga asoslangan taʼlim yoʻnalishlarini shartnoma asosida ochish.

Xorijiy taʼlim tashkilotlari bilan shartnoma asosida taʼlim xizmatlaridan foydalanish va taʼlim xizmatlarini koʻrsatish.

Tashkiliy chora-tadbirlar

2026-yil sentabr

TDYU budjetdan tashqari mablagʻlari

Adliya vazirligi,

Oliy taʼlim, fan va innovatsiyalar vazirligi,

TDYU

18.

TDYUda “Raqamli huquq” sohalararo ixtisosligi boʻyicha ilmiy darajalar berish boʻyicha ilmiy kengash tashkil etish.

Tashkiliy chora-tadbirlar

2025-yil dekabr

-

Oliy taʼlim, fan va innovatsiyalar vazirligi,

TDYU,

Adliya vazirligi

19.

TDYU professor-oʻqituvchi va doktorantlar faoliyatining amaliyotdagi oʻzgarishlar bilan uzviy bogʻliqligini taʼminlash maqsadida tegishliligicha sud, huquqni muhofaza qiluvchi organlar va davlat tashkilotlarida stajirovka oʻtash hamda amaliy muammolarni joyiga chiqib oʻrganish tizimini yoʻlga qoʻyish.

Tashkiliy chora-tadbirlar

2026-yil mart

TDYU budjetdan tashqari mablagʻlari hamda boshqa homiylik mablagʻlari

TDYU,

Oliy sud,

Bosh prokuratura,

Ichki ishlar vazirligi,

manfaatdor vazirlik va idoralar

20.

TDYU oʻzining oʻquv rejalari, mutaxassislik dasturlari va taʼlim usullarini franshizing tartibida mahalliy va xorijiy taʼlim tashkilotlariga berish hamda xorijda TDYUning filiallarini ochish orqali yuridik taʼlim eksportini amalga oshirish.

Tashkiliy chora-tadbirlar

2026-2027-yillar

TDYU budjetdan tashqari mablagʻlari

Adliya vazirligi,

Oliy taʼlim, fan va innovatsiyalar vazirligi,

TDYU

21.

Quyidagilarni nazarda tutgan holda bosqichma-bosqich TDYUning xalqaro hamkorlik yoʻnalishidagi imidji (oʻrni)ni yangi bosqichga olib chiqish:

Kompleks chora-tadbirlar

TDYU budjetdan tashqari mablagʻlari

Adliya vazirligi,

Oliy taʼlim, fan va innovatsiyalar vazirligi,

Investitsiyalar, sanoat va savdo vazirligi,

Tashqi ishlar vazirligi,

TDYU

Yevropa universitetlari bilan hamkorlikda TDYUda Yevropa huquqi (Yevropa iqtisodiy huquqi) markazini ochish;

2027-yil mart

Jahon savdo tashkiloti bilan hamkorlik qilish hamda WTO LAW (Jahon savdo tashkiloti huquqi) markazini ochish;

2027-yil aprel

AQSH va Buyuk Britaniya universitetlari hamda soha ekspertlari bilan hamkorlik asosida TDYUda Ingliz huquqi markazini tashkil etish;

2027-yil may

Turkiya universitetlari bilan hamkorlikda TDYUda Turk-oʻzbek huquq markazini ochish;

2026-yil may

Xitoy universitetlari bilan hamkorlikda TDYUda Xitoy huquqi markazini ochish;

2026-yil sentabr

xalqaro yuridik kompaniyalar va xalqaro nizolarni hal etish markazlari (arbitraj va mediatsiya markazlari) bilan hamkorlik oʻrnatish, ularga amaliyot oʻtashga TDYU talabalarini yuborish amaliyotini joriy etish.

2026-yil fevral

22.

TDYU oliy taʼlim va oliy yuridik taʼlim (IAUP, AIEA, IALS, GAJE, ALU SCO va boshqalar), shuningdek, xalqaro-huquqiy unifikatsiya sohasidagi xalqaro tashkilotlarga (UNCITRAL, UNIDROIT, HCCH va boshqalar) aʼzo boʻlishi hamda ularning majlis va muhokamalarida universitet rahbariyati va mutaxassislarining faol qatnashishini taʼminlash, ushbu tashkilotlarning majlislarini Oʻzbekistonda oʻtkazish choralarini koʻrish.

Tashkiliy chora-tadbirlar

Doimiy

TDYU budjetdan tashqari mablagʻlari

TDYU,

Adliya vazirligi,

Tashqi ishlar vazirligi

23.

Universitet talabalarining huquq sohasidagi xalqaro tanlovlarda faol qatnashishi tizimini yoʻlga qoʻyish hamda xalqaro tajribaga muvofiq har yillik “International Digital Law Moot” xalqaro tanlovini tashkil etish.

Tashkiliy chora-tadbirlar

2026-yil sentabr oyidan boshlab

TDYU budjetdan tashqari mablagʻlari

TDYU,

Adliya vazirligi,

Tashqi ishlar vazirligi

24.

TDYUning respublikada xorijiy investorlar bilan bevosita ishlovchi advokatlik tuzilmalari advokatlari, xorijiy konsultantlar bilan hamkorligini kuchaytirish doirasida ularni taʼlim va tadqiqot jarayonlariga jalb qilish, ushbu tuzilmalarda talaba va magistrantlarning amaliyot oʻtashi uchun sharoitlar yaratish.

Tashkiliy chora-tadbirlar

2025-yil dekabrdan boshlab doimiy ravishda

TDYU budjetdan tashqari mablagʻlari

TDYU,

Adliya vazirligi,

Advokatlar palatasi

(kelishuv asosida)

25.

TDYUda respublikada yuridik sohada koʻzga koʻringan, mashhur yuristlarning ilmiy-huquq maktablarini joriy qilish va ularning faoliyatini qoʻllab-quvvatlash maqsadida tadqiqot markazlariga biriktirish.

Tashkiliy chora-tadbirlar

2026-yil mart

TDYU budjetdan tashqari mablagʻlari

TDYU,

Adliya vazirligi

26.

Ilmiy tadqiqotlar va ilmiy ishlanmalar natijalarini tijoratlashtirish hamda intellektual faoliyat natijalarini amalda joriy etish faoliyati bilan shugʻullanadigan yuridik shaxs maqomida “Spin-off” kompaniyalarini tashkil etish.

Bunda yuqori turuvchi va boshqa davlat organlari tomonidan ruxsat olish talab etilmaydi hamda TDYU ulushi boshqa davlat organlariga oʻtkazilmaydi. Shuningdek, “Spin-off” kompaniyalari ustav jamgʻarmasiga (ustav kapitaliga) boshqa yuridik va jismoniy shaxslarni jalb etish mumkin.

Tashkiliy chora-tadbirlar

2026-yil avgust

TDYU budjetdan tashqari mablagʻlari

Adliya vazirligi,

TDYU

28.

TDYU bazasida yuridik yoʻnalishdagi talaba yoshlar hamda yosh huquqshunoslar ishtirokida “YOSHLAW” xalqaro yoshlar forumini oʻtkazib borish tizimini yoʻlga qoʻyish.

Kompleks chora-tadbirlar

2027-yil may

TDYU budjetdan tashqari mablagʻlari

TDYU,

Oliy taʼlim, fan va innovatsiyalar vazirligi

29.

Ilmiy-tadqiqot va innovatsion faoliyatni ragʻbatlantirish maqsadida TDYU innovatsion jamgʻarmasi hisobidan ilmiy-tadqiqot markazlari faoliyatini moliyalashtirishga ruxsat berish.

Tashkiliy chora-tadbirlar

2026-yil yanvar

TDYU budjetdan tashqari mablagʻlari

Adliya vazirligi,

TDYU

30.

Xorijiy oliy taʼlim tashkilotlarida “Oʻzbekiston huquq markazi” va ularning kutubxonalarida “Oʻzbekiston huquqiy adabiyotlari” boʻlimini tashkil etish orqali mamlakatimiz huquq tizimi boʻyicha xalqaro xabardorlikni oshirish.

Bunda TDYU tomonidan ingliz tilidagi huquqiy adabiyotlar tayyorlanishi hamda yetakchi xorijiy nashriyotlarda (Oxford University Press, Cambridge University Press, Wolters Kluwer, Thomson Reuters, Springer, Brill, Hart Publishing, Edward Elgar Publishing va boshqalar) shartnoma asosida nashr qilinishini tashkil qilish.

Tashkiliy chora-tadbirlar

2026 — 2030-yillar

TDYU budjetdan tashqari mablagʻlari

TDYU,

Tashqi ishlar vazirligi,

Oliy taʼlim, fan va innovatsiyalar vazirligi

31.

Xorijiy mamlakatlar davlat xizmatchilari uchun “Oʻzbekiston huquqiy tizimi” qisqa muddatli oʻquv dasturini joriy etish va bu orqali Oʻzbekistonda olib borilayotgan islohotlar va milliy huquqiy qadriyatlar bilan xalqaro hamjamiyatni tanishtirish faoliyatini yoʻlga qoʻyish.

Tashkiliy chora-tadbirlar

2026-yil aprel

TDYU budjetdan tashqari mablagʻlari

Adliya vazirligi,

TDYU

32.

Aniq reja-grafikka asosan uch yilda kamida bir marotaba:

TDYU professor-oʻqituvchilari va xodimlarini xorijiy stajirovkaga, bilim va koʻnikmalarini mustahkamlash, tajriba almashish, malaka oshirish kurslariga ularning sohasidan kelib chiqib yuborish;

TDYU rahbar xodimlarini yetuk xorijiy universitetlarning professional taʼlim dasturlarida (Executive Programs) malaka oshirishi tartibini joriy qilish.

Amaliy chora-tadbirlar

2026-yil yanvar

Universitetning budjetdan tashqari mablagʻlari, milliy va xalqaro grant mablagʻlari, xalqaro tashkilotlar mablagʻlari

TDYU

33.

TDYUning tadqiqot markazlari tomonidan tegishli soha va yoʻnalishlar boʻyicha qonun loyihalari hamda xalqaro huquqiy hujjatlarga qoʻshilish boʻyicha qonun loyihalarining ilmiy ekspertizasini oʻtkazish amaliyotini yoʻlga qoʻyish.

Bunda qonun loyihalarining ilmiy ekspertizasini oʻtkazishda faol ishtirok etgan professor-oʻqituvchilarni TDYUning budjetdan tashqari mablagʻlari hisobidan ragʻbatlantirib borish.

Tashkiliy chora-tadbirlar

2026-yil yanvar

TDYU budjetdan tashqari mablagʻlari

Adliya vazirligi,

TDYU

IV. TDYUda ish jarayonini raqamlashtirish, uning moddiy-texnika bazasini yaxshilash va moliyaviy mustaqillikni yanada kuchaytirish

34.

TDYUda boshqaruv jarayonlarini raqamlashtirish doirasida:

talabalar yigʻmajildlari hamda maʼlumotlarini toʻliq raqamlashtirib, elektron shaklda amalga oshirish;

oʻquv reja va fan dasturlarini toʻliq elektron shaklga oʻtkazish, oʻquv jarayoniga doir hujjatlar aylanishini raqamli formatda tashkil etish;

xodimlar va professor-oʻqituvchilarning samaradorlik koʻrsatkichlarini muntazam tahlil qilish hamda ular asosida ish haqini tayinlashda raqamli yordamchi vositalardan foydalanish orqali shaffoflikni oshirish;

universitetning elektron taʼlim platformasini mavjud sohaga oid axborot tizimlari bilan integratsiyalash orqali yagona raqamli ekotizimni shakllantirishga erishish.

Adliya vazirligi buyrugʻi

2026-yil fevral

TDYU budjetdan tashqari mablagʻlari

TDYU,

Adliya vazirligi,

Oliy taʼlim, fan va innovatsiyalar vazirligi

35.

Yangi Toshkent hududidan TDYUning zamonaviy kampusini barpo etish uchun zarur hudud ajratilishini taʼminlash.

Adliya vazirligi buyurtmachi bilan birgalikda eng maqbul takliflarni tanlash asosida TDYUning zamonaviy kampusini qurish ishlarini tashkil etish.

Vazirlar Mahkamasi qarori loyihasi

2025-yil dekabr

TDYU va Adliya vazirligining budjetdan tashqari mablagʻlari, xalqaro grantlar

“Yangi Toshkent shahrini barpo etish direksiyasi”,

Toshkent shahar hokimligi,

Adliya vazirligi,

“Yangi Toshkent shahrini barpo etish direksiyasi”,

Toshkent shahar hokimligi,

Investitsiyalar, sanoat va savdo vazirligi,

Iqtisodiyot va moliya vazirligi

Bunda TDYUning zamonaviy kampusini loyihalash va qurish jarayoniga hamda uni moliyalashtirishga xalqaro moliya institutlari, xalqaro, regional va xorijiy banklarning imtiyozli mablagʻlarini hamda xorijiy yirik quruvchi kompaniyalarni jalb etish choralarini koʻrish.

2025 — 2028-yillar

36.

TDYUning Yangi Toshkent hududida barpo etiladigan binosining loyihalari, oʻquv jarayonlarini va amaliy mashgʻulotlarni, ilmiy tadqiqotlarni sifatli tashkil etish doirasida yaratiladigan sharoitlar boʻyicha Oʻzbekiston Respublikasi Prezidenti Administratsiyasida taqdimot qilish.

Amaliy-chora tadbir

2026-yil aprel

-

Adliya vazirligi,

Qurilish va uy-joy kommunal xoʻjaligi vazirligi,

TDYU

37.

TDYUning yetakchi xorijiy universitetlar bilan hamkorlikda tashkil etiladigan qoʻshma taʼlim dasturlari uchun xalqaro standartlarga javob beradigan infratuzilma yaratish maqsadida qoʻshimcha bino ajratish, uni rekonstruksiya qilish hamda kapital taʼmirlash, zarur oʻquv-laboratoriya uskunalari, kompyuter texnikasi va kutubxona fondlari bilan taʼminlash.

Amaliy chora-tadbirlar

2026-yil mart

Mahalliy budjetning qoʻshimcha mablagʻlari va TDYU budjetdan tashqari mablagʻlari

Adliya vazirligi,

Davlat aktivlarini boshqarish agentligi,

Toshkent shahar hokimligi,

TDYU

38.

TDYUda fuqarolik-huquqiy va mehnat shartnomasi asosida faoliyat yuritadigan xorijiy professor-oʻqituvchilar uchun xonadonlarni shartnoma asosida TDYU hisobidan ijaraga olish.

Shuningdek, xorijiy professor-oʻqituvchilar va mutaxassislarni TDYUga keng jalb etish choralarini koʻrish.

Bunda xorijiy professor-oʻqituvchilar va mutaxassislar bilan oʻzaro kelishilgan miqdorlarda toʻlovlarni amalga oshirish hamda xorijiy valyutada toʻgʻridan-toʻgʻri xorijiy hisob raqamlariga toʻlovlarni oʻtkazishga ruxsat etish.

Amaliy chora-tadbirlar

Doimiy

TDYU budjetdan tashqari mablagʻlari

TDYU,

Iqtisodiyot va moliya vazirligi,

Adliya vazirligi

39.

TDYUning yillik umumiy moliyaviy daromadining 5 foizidan oshmaydigan qismini talabalar va professor-oʻqituvchilar ishtirokidagi startaplar, LegalTech va tadbirkorlik loyihalarini qoʻllab-quvvatlashga yoʻnaltirish hamda yuridik innovatsiya va biznes-loyihalarni moliyalashtirish, akseleratsiya dasturlari, mentorship va incubation dasturlarini tashkil etish.

Tashkiliy chora-tadbirlar

Doimiy

TDYU budjetdan tashqari mablagʻlari

TDYU,

Tashqi ishlar vazirligi,

Adliya vazirligi

40.

Sunʼiy intellekt tizimlariga ulanish va ulardan oʻquv, ilmiy-tadqiqot jarayonlarida asosli va samarali foydalanishni tashkil etish.

Tashkiliy chora-tadbirlar

2026-yil yanvar

TDYU budjetdan tashqari mablagʻlari

TDYU,

Raqamli texnologiyalar vazirligi

41.

Qashqadaryo yuridik texnikumi negizida TDYU akademik litseyini tashkil etish.

Kompleks chora-tadbirlar

2026-yil sentabr

TDYU budjetdan tashqari mablagʻlari

Adliya vazirligi,

Oliy taʼlim, fan va innovatsiyalar vazirligi,

Maktabgacha va maktab taʼlimi vazirligi,

TDYU

42.

TDYU elektron taʼlim platformasini “UzASBO” dasturiy majmuasi hamda HEMIS — Oliy taʼlim jarayonlarini boshqarish axborot tizimiga hamda boshqa elektron tizimlarga (kontrakt.edu.uz, billing.edu.uz, prof.edu.uz, emis.edu.uz, pedagog.edu.uz) integratsiya qilish.

Tashkiliy chora-tadbirlar

2026-yil yanvar

-

TDYU,

Iqtisodiyot va moliya vazirligi,

Oliy taʼlim, fan va innovatsiyalar vazirligi,

Raqamli texnologiyalar vazirligi

43.

Milliy huquq tizimi qadriyatlarini va yuridik kasbga jamiyat eʼtiborini oshirish hamda huquq ustuvorligi prinsiplarini keng singdirish va qonunga hurmat ruhini shakllantirish maqsadida TDYUning amaldagi binolarida:

TDYU huzuridagi Oʻzbekiston huquqi tarixi muzeyini;

Oʻzbekiston nizolarni hal etish markazini;

TDYU Raqamli huquq markazini;

Raqamli sud ekspertiza markazini joylashtirish.

Tashkiliy chora-tadbirlar

TDYU yangi binoga koʻchirilgandan soʻng olti oy muddatda

TDYU budjetdan tashqari mablagʻlari

TDYU,

Adliya vazirligi,

Bosh prokuratura,

Oliy sud,

Ichki ishlar vazirligi,

Advokatlar palatasi

(kelishuv asosida),

Notarial palata,

manfaatdor vazirlik va idoralar

44.

TDYUning boʻsh turgan mablagʻlaridan samarali foydalanish hamda qoʻshimcha daromadlarni oshirish maqsadida Markaziy bankning shu davrda amalda boʻlgan qayta moliyalashtirish stavkasidan kam boʻlmagan foizlarda eng yaxshi takliflarni mustaqil tanlab olish yoʻli bilan tijorat banklariga depozitga joylashtirib borish.

Tashkiliy chora-tadbirlar

Doimiy

-

TDYU,

Iqtisodiyot va moliya vazirligi