Ўзбекистон Республикаси «Аҳоли бандлиги тўғрисида»ги ЎРҚ-642-сон Қонунининг 39-моддаси 4-банди 2-хатбоши (ВМ 965-сонли қарорининг 2-иловасига мувофиқ), «Аҳолининг ижтимоий эҳтиёжманд тоифаларини ишга жойлаштириш бўйича қўшимча кафолатлари Ижтимоий муҳофазага муҳтож, иш топишда қийналаётган ва меҳнат бозорида тенг шартларда рақобатлаша олмайдиган шахсларни ишга жойлаштириш учун иш ўринларининг энг кам сонини белгилаш ва захирага қўйиш тартиби тўғрисида»ги Қонуни Ўзбекистон Республикаси Бандлик ва меҳнат муносабатлари вазирлигининг «Ўзбекистон Республикаси Бандликка кўмаклашиш давлат жамғармаси маблағлари ҳисобидан субсидия ва грантлар ажратиш тартиби тўғрисида Низомни тасдиқлаш ҳақида»ги (АВ рўйхат рақами № 3163-сон, 2019 йил 31 май) буйруғига асосан «ижтимоий муҳофазага муҳтож ва иш топишда қийналаётган шахсларни квоталанган сондан ортиқ миқдорда ишга қабул қилган ташкилотларга ҳар бир ходим учун 12 ой давомида ҳар ойда энг кам ойлик иш ҳақининг 2 баравари миқдоридаҳақ тўлаш»га асосан ижтимоий муҳофазага муҳтож шахсларни ишга жойлаштириш учун, асосан туманда 2026 йил учун иш ўринларини банд қилиб қўйиш мақсадида, Ўзбекистон Республикаси «Маҳаллий давлат ҳокимияти тўғрисида»ги Қонунининг 6-, 21¹-моддаларига асосан қарор қиламан:

1. Тумандаги ижтимоий муҳофазага муҳтож ва иш топишда қийналаётган шахсларни ишга жойлаштириш учун иш жойларининг энг кам миқдорини белгилаш бўйича комиссия таркиби 1-иловага мувофиқ, 2026 йилда мазкур тоифадаги шахслар учун иш жойларининг энг кам миқдори белгиланган корхоналар ва ташкилотлар рўйхати 2-иловага асосан тасдиқлансин. Ногиронлар учун 3 фоиз (33) нафар юқорида кўрсатилган иш ўринларига туманда ногиронларни ишга жойлашиш бўйича талаб 33 нафар бўлмаса келгусида иш ўринлари қолган тоифалар учун банд қилиб қўйилсин.

2-иловага мувофиқ ходимларнинг рўйхати бўйича ўртача сонидан 1981 нафарини ташкил этадиган 7 фоиздан ортмаган миқдорида, шу жумладан:

ногиронлиги бўлган шахслар учун 3 фоиз (109 нафар ногиронлар учун банд қилинган иш ўринларининг ортган қисми келгусида эҳтиёж юқори тоифалар билан тўлдирилади);

жазони ижро этиш муассасаларидан ёки суднинг қарорига кўра тиббий тусдаги мажбурлов чоралари қўлланилган шахслар учун 0,6 фоиз (11 киши);

оилавий (маиший) зўравонлик натижасида жабрланганлар учун 1,3 фоиз (25 киши);

камбағал оилалар реестридаги оилаларни аъзолари учун 1,5 фоиз (29 киши);

одам савдоси жиноятидан жабрланганлар 0,15 фоиз (3 киши);

муқобил жойлаштириш шакилларида тарбияланган етим, ота-она қарамоғидан маҳрум бўлган шахслар учун 0,85 фоиз (17 киши) миқдорида иш ўринлари захирасини белгилайди.

2. Ушбу тоифа шахслар учун иш ўринлари ходимлар томонидан ўзларининг меҳнат мажбуриятларини тўсиқларсиз бажаришини таъминлайдиган санитария-гигиена нормалари ва меҳнат шароитларига мувофиқ бўлиши керак, шу жумладан:

ногиронлиги бўлган шахслар учун меҳнат шароитлари бўйича аттестациядан ўтказилган ҳамда ходимга иш жараёнларини тўсқинликсиз бажариш имконини (соғлигининг аҳволи ва меҳнат фаолиятига нисбатан белгиланган зид кўрсаткичлар ҳисобга олинган ҳолда) берадиган иш ўринлари;

туман камбағалликни қисқартириш ва бандлик бўлимида иш қидирувчи сифатида ҳисобда турган жазони ижро этиш муассасаларидан ёки суднинг қарорига кўра тиббий тусдаги мажбурлов чоралари қўлланилган шахслар, одам савдоси жиноятидан жабрланганлар учун уларнинг касб бўйича тайёргарлиги ҳисобга олинган ҳолдаги иш ўринлари, муайян касб-ҳунарга, малакага эга бўлмаган шахслар учун эса махсус малакани талаб қилмайдиган иш ўринлари.

3. Иш ўринлари банд қилиб қўйиладиган касблар ва лавозимлар қуйидагилар этиб белгилансин:

муҳандислар, иқтисодчилар, педагок, ҳисобчи, ҳуқуқшунос, зоотехник, агроном, шифокор, ҳамшира, кичик тиббий ходим, иш юритувчи, фаррош, ободонлаштириш ишчиси, омборчи, боғбон, қоровул.

4. Тумандаги мавжуд корхона, ташкилот ва муассасаларнинг раҳбарлари:

Ўзбекистон Республикаси «Аҳоли бандлиги» тўғрисидаги ЎРҚ-642-сон Қонунининг 39-моддаси 4-банди 2-хат боши (ВМ 965-сонли қарорининг 2-иловаси) га мувофиқ:

«Ижтимоий муҳофазага муҳтож, иш топишда қийналаётган ва меҳнат бозорида тенг шартларда рақобатлаша олмайдиган шахсларни ишга жойлаштириш учун иш ўринларининг энг кам сонини белгилаш ва захирага қўйиш тартиби тўғрисида»ги Низомга мувофиқ ижтимоий муҳофазага муҳтож, иш топишда қийналаётган ва меҳнат бозорида тенг шартларда рақобатлаша олмайдиган шахслар учун кўрсатилган иш ўринлари ташкил этилишини таъминлаш вазифалари топширсинлар;

йил бошлангунига қадар ўн кундан кечикмай ижтимоий муҳофазага муҳтож, иш топишда қийналаётган ва меҳнат бозорида тенг шартларда рақобатлаша олмайдиган шахсларни ишга жойлаштириш учун банд қилиб қўйилган иш ўринлари умумий сонининг камида 25 (йигирма беш) фоизи ҳажмида иш ўринлари банд қилиб қўйилишини ва тайёр бўлишини таъминласин, ушбу тўғрисида туман Камбағалликни қисқартириш ва бандлик бўлимига йил бошлангунига қадар ахборот берсинлар;

ижтимоий муҳофазага муҳтож, иш топишда қийналаётган ва меҳнат бозорида тенг шартларда рақобатлаша олмайдиган шахслар учун иш ўринларининг қолган қисмини банд қилиб қўйиш ташкилот (иш берувчи) томонидан календар йилнинг биринчи чораги мобайнида таъминласин, бу тўғрида туман аҳоли бандлигига кўмаклашиш марказига биринчи чорак тугагандан кейин ўн кундан кечикмай ахборот берсинлар;

ташкилотлар ҳар чоракда туман камбағалликни қисқартириш ва бандликка кўмаклашиш бўлимига юқорида кўрсатилган тоифадаги шахсларнинг ишга жойлаштирилиши тўғрисида ушбу низомдаги 2-иловага мувофиқ шакл бўйича ахборот тақдим этсинлар;

банд қилиб қўйилган иш ўринларининг белгиланган сони ҳисобига ижтимоий муҳофазага муҳтож, иш топишда қийналаётган ва меҳнат бозорида тенг шартларда рақобатлаша олмайдиган шахсларни ишга жойлаштириш учун иш ўринларининг тайёрлиги тўғрисидаги ахборотни ташкилот томонидан тақдим этилмаганлигига ҳам ва амалда уларнинг тайёр эмаслигига ҳам меҳнат органи томонидан маҳаллий давлат ҳокимияти органи қарорининг бажарилмаганлиги сифатида қараши лозимлиги қайд этилсин.

5. Ушбу қарор бажарилмаган тақдирда ташкилотнинг мансабдор шахсларига «Ижтимоий муҳофазага муҳтож, иш топишда қийналаётган ва меҳнат бозорида тенг шартларда рақобатлаша олмайдиган шахсларни ишга жойлаштириш учун иш ўринларининг энг кам сонини белгилаш ва захирага қўйиш тартиби тўғрисида»ги Низомнинг 21-бандига мувофиқ Маҳаллий давлат ҳокимияти органларининг давлат қўшимча кафолатларни таъминлайдиган шахсларни ишга жойлаштириш учун иш ўринларининг энг кам сонини яратишга доир қарорларини бажармаслик МЖтКнинг 50-моддаси билан мансабдор шахсларга базавий ҳисоблаш миқдорининг ўн бараваридан йигирма бараваригача миқдорда жарима солишга сабаб бўлиши инобатга олинсин.

6. Ижтимоий муҳофазага муҳтож, иш топишда қийналаётган ва меҳнат бозорида тенг шартларда рақобатлаша олмайдиган шахслар учун банд қилиб қўйиладиган иш ўринларини туман ҳокими томонидан белгиланган миқдордан ортиқча ишга қабул қилган фуқаролар учун ташкилотларга ҳар бир ходим учун 12 ой давомида ҳар ойда энг кам ойлик иш ҳақининг 2 баравари миқдорида субсидия ва грантлар ажратилиш аҳоли бандлигига кўмаклашиш марказига юклатилсин.

7. Туман ҳокимлигини умумий бўлими бошлиғи (М.Рахимов) бир ҳафта муддатда ушбу қарорни 1-бандида кўрсатилган ташкилот раҳбарлари эътиборига етказсин ва ушбу қарорнинг бажарилиши устидан назоратни таъминласин.

8. Туман ҳокимининг мазкур қарори 2026 йил 1 январдан кучга киритилсин.

9. Мазкур қарор туман ҳокимлигининг расмий веб-сайтига жойлаштирилсин.

10. Ушбу қарор қабул қилиниши муносабати билан туман ҳокимининг 2022 йил 15 ноябрдаги 398-1-24-Қ/24-сонли қарори ўз кучини йўқотган деб ҳисоблансин.

11. Туман камбағалликни қисқартириш ва бандлик бўлими ҳар ой туман ҳокимининг мазкур қарори ижросини бажармасдан келаётган ташкилотлар бўйича ахборот киритиб борсин.

12. Мазкур қарорнинг ижросини назорат қилиш туман ҳокимининг биринчи ўринбосари М.Отахонов ҳамда туман камбағалликни қисқартириш ва бандлик бўлими бошлиғи О.Арслонов зиммаларига юклатилсин.