Mamlakatimizda aholining, shu jumladan tadbirkorlik subyektlarining intellektual mulk sohasidagi xabardorlik darajasini oshirish, yaratilgan intellektual faoliyat natijalarini muhofaza qilish jarayonlarini raqamlashtirish orqali ortiqcha talablarni bekor qilish hamda intellektual mulkni huquqiy jihatdan ishonchli tarzda muhofaza qilish borasida keng ko‘lamli islohotlar amalga oshirilmoqda.

Shu bilan birga intellektual mulk obyektlarini ro‘yxatdan o‘tkazish bilan bog‘liq tartib-taomillarni soddalashtirish va yengillashtirishga, intellektual mulk egalarining huquqlari hamda qonun bilan qo‘riqlanadigan manfaatlarini samarali himoya qilish choralarini kuchaytirish zaruriyati yuzaga kelmoqda.

Mazkur Qonun bilan O‘zbekiston Respublikasining ayrim qonun hujjatlariga intellektual mulk obyektlarini davlat ro‘yxatidan o‘tkazish jarayoni soddalashtirilishini, ayrim intellektual mulk obyektlarini ekspertiza qilish muddatlari qisqartirilishini, ro‘yxatdan o‘tkazish jarayonlarida ortiqcha hujjatlardan voz kechilishini, patent bojlarini to‘lashda qo‘shimcha qulayliklar joriy etilishini hamda intellektual mulk obyektlariga bo‘lgan huquqlarni buzganlik uchun javobgarlik kuchaytirilishini nazarda tutuvchi o‘zgartirish va qo‘shimchalar kiritilmoqda.

Ushbu Qonun mamlakatimizning iqtisodiy rivojlanishiga va innovatsion jihatdan yuksalishiga samarali ta’sir ko‘rsatuvchi intellektual mulk tizimini takomillashtirishga, jamiyatda intellektual mulkka bo‘lgan huquqlarga nisbatan hurmat hissini shakllantirishga hamda intellektual mulk egalarining qonuniy manfaatlarini himoya qilishga xizmat qiladi.

1-modda. O‘zbekiston Respublikasining 1994-yil 6-mayda qabul qilingan “Elektron hisoblash mashinalari uchun yaratilgan dasturlar va ma’lumotlar bazalarining huquqiy himoyasi to‘g‘risida”gi 1060-XII-sonli Qonuniga (O‘zbekiston Respublikasi Oliy Kengashining Axborotnomasi, 1994-yil, № 5, 136-modda; O‘zbekiston Respublikasi Oliy Majlisining Axborotnomasi, 2002-yil, № 4-5, 74-modda, № 9, 165-modda; O‘zbekiston Respublikasi Oliy Majlisi palatalarining Axborotnomasi, 2011-yil, № 12/2, 364-modda; 2019-yil, № 12, 880-modda; 2020-yil, № 1, 1-modda, № 10, 593-modda; 2021-yil, 4-songa ilova; 2024-yil, № 1, 5-modda) quyidagi o‘zgartirishlar kiritilsin:

1) Qonunning nomidagi “himoyasi” degan so‘z “muhofazasi” degan so‘z bilan almashtirilsin;

2) muqaddimaning:

birinchi qismidagi “himoyasi” degan so‘z “muhofazasi” degan so‘z bilan almashtirilsin;

ikkinchi qismidagi “himoyasi” degan so‘z “muhofazasi” degan so‘z bilan almashtirilsin;

3) 3-modda:

nomidagi “himoya” degan so‘z “muhofaza” degan so‘z bilan almashtirilsin;

uchinchi qismining birinchi xatboshisidagi “himoya” degan so‘z “muhofaza” degan so‘z bilan almashtirilsin;

4) 4-moddaning oltinchi qismidagi “himoya” degan so‘z “muhofaza” degan so‘z bilan almashtirilsin;

5) 9-moddaning uchinchi va to‘rtinchi qismlari quyidagi tahrirda bayon etilsin:

“Ro‘yxatdan o‘tkazish talabnomasi kelib tushgan sanadan e’tiboran o‘n kun ichida O‘zbekiston Respublikasi Adliya vazirligi huzuridagi “Intellektual mulk markazi” davlat muassasasi (bundan buyon matnda Davlat muassasasi deb yuritiladi) kerakli hujjatlarning bor-yo‘qligini va qoidalarning talablariga qanchalik muvofiqligini tekshirib chiqadi. Tekshirish natijasi ijobiy bo‘lsa, Vazirlik EHM uchun yaratilgan dasturni yoki ma’lumotlar bazasini tegishli Reyestrga kiritadi, talabnoma beruvchiga rasmiy ro‘yxatdan o‘tkazilganlik to‘g‘risida yagona QR-kod (matrik shtrixli kod) qo‘yilgan holda elektron shaklda rasmiylashtirilgan guvohnoma yuboradi hamda ro‘yxatdan o‘tkazilgan EHM uchun yaratilgan dasturlar va ma’lumotlar bazalariga doir ma’lumotlarni Vazirlikning rasmiy axborotnomasida e’lon qiladi.

Talabnoma beruvchi Davlat muassasasining so‘roviga ko‘ra yoki o‘z tashabbusi bilan ma’lumotlar rasmiy axborotnomada e’lon qilinguniga qadar talabnoma materiallarini to‘ldirishga, ularga aniqlik kiritishga va ularni tuzatishga haqlidir. Tekshirish natijasi salbiy bo‘lsa, Davlat muassasasi talabnoma beruvchiga rasmiy ro‘yxatdan o‘tkazish rad etilganligini bildiruvchi hujjat yuboradi”.

2-modda. O‘zbekiston Respublikasining 1994-yil 6-mayda qabul qilingan “Ixtirolar, foydali modellar va sanoat namunalari to‘g‘risida”gi 1062-XII-sonli Qonuniga (O‘zbekiston Respublikasining 2002-yil 29-avgustda qabul qilingan 397-II-sonli Qonuni tahririda) (O‘zbekiston Respublikasi Oliy Majlisining Axborotnomasi, 2002-yil, № 9, 158-modda; O‘zbekiston Respublikasi Oliy Majlisi palatalarining Axborotnomasi, 2008-yil, № 7, 355-modda; 2011-yil, № 12/2, 364-modda; 2017-yil, № 6, 300-modda, № 9, 510-modda; 2020-yil, № 1, 1-modda, № 10, 593-modda; 2021-yil, 4-songa ilova, № 8, 801-modda; 2022-yil, № 2, 76-modda; 2024-yil, № 1, 5-modda, № 2, 108-modda, № 9, 960-modda) quyidagi o‘zgartirishlar kiritilsin:

1) 14-moddaning ikkinchi qismi quyidagi tahrirda bayon etilsin:

“Patent berish haqidagi talabnomani topshirishda belgilangan miqdorda patent boji to‘lanadi yoki talabnomaga patent bojini to‘lashdan ozod qilishning yoxud uning miqdori kamaytirilishining asoslarini tasdiqlaydigan hujjat ilova qilinadi”;

2) 23-moddaning ikkinchi qismi quyidagi tahrirda bayon etilsin:

“Ixtiro haqidagi talabnomaning mohiyati bo‘yicha ilmiy-texnika ekspertizasi o‘tkazish to‘g‘risidagi iltimosnomani topshirish muddati bunday iltimosnomani topshirish uchun belgilangan miqdordagi patent boji to‘langan taqdirda, talabnoma beruvchining talabnoma topshirilgan sanadan e’tiboran uch yil o‘tguniga qadar topshirilgan iltimosnomasiga ko‘ra Davlat muassasasi tomonidan ko‘pi bilan ikki oyga uzaytirilishi mumkin”;

3) 24-moddaning matni quyidagi tahrirda bayon etilsin:

“Davlat muassasasi tomonidan patent berish to‘g‘risida qaror qabul qilinib, belgilangan miqdorda patent boji to‘langanidan keyin Vazirlik sanoat mulki obyektini avtomatik tarzda tegishincha Davlat ixtirolar reyestrida, Davlat foydali modellar reyestrida yoki Davlat sanoat namunalari reyestrida davlat ro‘yxatiga oladi”;

4) 26-moddaning birinchi va ikkinchi qismlari quyidagi tahrirda bayon etilsin:

“Sanoat mulki obyekti ro‘yxatga olinganda patent talabnoma beruvchiga avtomatik tarzda elektron tizim orqali yuboriladi.

Sanoat mulki obyekti patenti O‘zbekiston Respublikasi nomidan yagona QR-kod (matrik shtrixli kod) qo‘yilgan holda, elektron shaklda rasmiylashtirilgan tarzda beriladi”;

5) 28¹-modda:

birinchi qismining ikkinchi jumlasi quyidagi tahrirda bayon etilsin:

“Bunday iltimosnoma belgilangan miqdordagi patent boji to‘langan taqdirda, patentning amal qilishi tugatilgan sanadan e’tiboran uch yil muddat ichida, biroq patentning ushbu Qonunda nazarda tutilgan amal qilish muddati tugaguniga qadar Vazirlikka topshirilishi mumkin”;

ikkinchi qismi chiqarib tashlansin;

uchinchi va to‘rtinchi qismlari tegishincha ikkinchi va uchinchi qismlar deb hisoblansin.

3-modda. O‘zbekiston Respublikasining 1994-yil 22-sentabrda qabul qilingan 2012-XII-sonli Qonuni bilan tasdiqlangan O‘zbekiston Respublikasining Jinoyat kodeksiga (O‘zbekiston Respublikasi Oliy Kengashining Axborotnomasi, 1995-yil, № 1, 3-modda; O‘zbekiston Respublikasi Oliy Majlisining Axborotnomasi, 1996-yil, № 9, 144-modda; 1997-yil, № 2, 56-modda, № 9, 241-modda; 1998-yil, № 5-6, 102-modda, № 9, 181-modda; 1999-yil, № 1, 20-modda, № 5, 124-modda, № 9, 229-modda; 2000-yil, № 5-6, 153-modda; 2001-yil, № 1-2, 23-modda, № 9-10, 165-modda; 2002-yil, № 9, 165-modda; 2003-yil, № 1, 8-modda, № 9-10, 149-modda; 2004-yil, № 1-2, 18-modda, № 9, 171-modda; O‘zbekiston Respublikasi Oliy Majlisi palatalarining Axborotnomasi, 2005-yil, № 9, 314-modda, № 12, 417, 418-moddalar; 2006-yil, № 6, 261-modda, № 12, 656-modda; 2007-yil, № 4, 158, 166-moddalar, № 6, 248-modda, № 9, 416, 422-moddalar, № 12, 607-modda; 2008-yil, № 4, 187, 188, 189-moddalar, № 7, 352-modda, № 9, 485, 487, 488-moddalar, № 12, 640, 641-moddalar; 2009-yil, № 1, 1-modda, № 4, 128-modda, № 9, 329, 334, 335, 337-moddalar, № 12, 470-modda; 2010-yil, № 5, 176, 179-moddalar, № 9, 341-modda, № 12, 471, 477-moddalar; 2011-yil, № 1, 1-modda; 2012-yil, № 4, 108-modda, № 9/1, 242-modda, № 12, 336-modda; 2013-yil, № 4, 98-modda, № 10, 263-modda; 2014-yil, № 1, 2-modda, № 5, 130-modda, № 9, 244-modda, № 12, 343-modda; 2015-yil, № 6, 228-modda, № 8, 310, 312-moddalar, № 12, 452-modda; 2016-yil, № 4, 125-modda, № 9, 276-modda, № 12, 383, 385-moddalar; 2017-yil, № 3, 47-modda, № 6, 300-modda, № 9, 506, 510-moddalar; 2018-yil, № 1, 4-modda, № 4, 218, 224-moddalar, № 7, 430-modda, № 10, 679-modda; 2019-yil, № 1, 3, 5-moddalar, № 3, 161-modda, № 5, 259, 267, 268-moddalar, № 7, 386-modda, № 8, 471-modda, № 9, 592-modda, № 11, 787-modda, № 12, 880-modda; 2020-yil, № 1, 4-modda, № 3, 204-modda, № 7, 449-modda, № 10, 593-modda, № 11, 651-modda, № 12, 691-modda; 2021-yil, № 1, 5, 14-moddalar, № 2, 142, 144-moddalar, № 3, 217-modda, 4-songa ilova, № 8, 800, 803-moddalar, № 10, 966, 968, 973-moddalar, № 12, 1193-modda; 2022-yil, № 2, 81-modda, № 3, 215, 216-moddalar, № 4, 337-modda, № 5, 464, 466-moddalar, № 6, 575-modda, № 10, 981-modda; 2023-yil, № 3, 185, 187, 188-moddalar, № 4, 265-modda, № 5, 319-modda, № 10, 798-modda, № 11, 921-modda; 2024-yil, № 1, 8-modda, № 2, 111-modda, № 3, 245-modda, № 8, 818-modda, № 9, 954, 964-moddalar, № 10, 1070, 1071, 1073, 1077, 1079, 1083-moddalar, № 11, 1186-modda, № 12, 1280, 1287-moddalar; 2025-yil, № 2, 196-modda, № 3, 376, 377-moddalar) quyidagi o‘zgartirish va qo‘shimchalar kiritilsin:

1) 66¹-moddaning birinchi qismidagi “149-moddasida (mualliflik yoki ixtirochilik huquqlarini buzish)” degan so‘zlar “149-moddasida (muallifning shaxsiy nomulkiy huquqlarini buzish), 149¹-moddasida (mualliflik huquqini va turdosh huquqlarni buzish), 149²-moddasida (o‘zganing tovar belgisidan, xizmat ko‘rsatish belgisidan, geografik ko‘rsatkichidan, tovar kelib chiqqan joy nomidan yoki adashtirib yuborish darajasida ular bilan o‘xshash bo‘lgan belgilardan shu turdagi tovarlarga (xizmatlarga) nisbatan qonunga xilof ravishda foydalanish yoxud o‘zganing firma nomidan qonunga xilof ravishda foydalanish), 149³-moddasida (ixtiroga, foydali modelga, sanoat namunasiga, integral mikrosxema topologiyasiga va seleksiya yutug‘iga bo‘lgan huquqlarni buzish)” degan so‘zlar bilan almashtirilsin;

2) 149-modda quyidagi tahrirda bayon etilsin:

Asarga, ixtiroga, foydali modelga, sanoat namunasiga, seleksiya yutug‘iga va integral mikrosxema topologiyasiga nisbatan mualliflikni o‘zlashtirib olish, hammualliflikka majburlash, shuningdek ushbu intellektual mulk obyektlari to‘g‘risidagi ma’lumotlarni ular rasman e’lon qilinguniga qadar muallifning roziligisiz oshkor etish, —

bazaviy hisoblash miqdorining ellik baravaridan yetmish besh baravarigacha miqdorda jarima yoki besh yilgacha muayyan huquqdan mahrum qilish yoxud uch yuz oltmish soatgacha majburiy jamoat ishlari yoki ikki yilgacha ozodlikni cheklash bilan jazolanadi.

O‘sha harakatlar:

a) takroran;

b) bir guruh shaxslar tomonidan oldindan til biriktirib;

v) xizmat mavqeyidan foydalangan holda;

g) juda ko‘p miqdorda zarar yetkazgan holda sodir etilgan bo‘lsa, —

bir yildan uch yilgacha muayyan huquqdan mahrum qilib, bazaviy hisoblash miqdorining yetmish besh baravaridan yuz baravarigacha miqdorda jarima yoki uch yuz oltmish soatdan to‘rt yuz sakson soatgacha majburiy jamoat ishlari yoxud uch yilgacha axloq tuzatish ishlari yoki ikki yildan uch yilgacha ozodlikni cheklash bilan jazolanadi.

Birinchi marta jinoyat sodir etgan shaxs, agar u jinoyat aniqlangan kundan e’tiboran o‘ttiz kunlik muddatda muallifning shaxsiy nomulkiy huquqlarini buzish oqibatlarini bartaraf etgan va yetkazilgan moddiy zararning o‘rnini qoplagan bo‘lsa, javobgarlikdan ozod etiladi”;

3) VII bob quyidagi mazmundagi 149¹, 149² va 149³-moddalar bilan to‘ldirilsin:

Asarlardan yoki turdosh huquqlar obyektlaridan qonunga xilof ravishda foydalanish, xuddi shuningdek asarlarning yoki turdosh huquqlar obyektlarining kontrafakt nusxalarini takrorlash, tarqatish, barchaning e’tiboriga yetkazish yoxud asarlarning yoki turdosh huquqlar obyektlarining nusxalarida ularni tayyorlovchilar haqida, ularni ishlab chiqarish joylari to‘g‘risida, shuningdek mualliflik huquqining va turdosh huquqlarning egalari haqida yolg‘on axborotni ko‘rsatish ko‘p miqdorda zarar yetkazgan holda sodir etilgan bo‘lsa, —

bazaviy hisoblash miqdorining ellik baravaridan yuz baravarigacha miqdorda jarima yoki ikki yilgacha axloq tuzatish ishlari yoxud ikki yilgacha ozodlikni cheklash yoki ikki yilgacha ozodlikdan mahrum qilish bilan jazolanadi.

O‘sha harakatlar:

a) takroran;

b) bir guruh shaxslar tomonidan oldindan til biriktirib;

v) xizmat mavqeyidan foydalangan holda;

g) ommaviy axborot vositalaridan yoxud telekommunikatsiya tarmoqlaridan, shuningdek Internet jahon axborot tarmog‘idan foydalanib;

d) juda ko‘p miqdorda zarar yetkazgan holda sodir etilgan bo‘lsa, —

bazaviy hisoblash miqdorining yuz baravaridan bir yuz ellik baravarigacha miqdorda jarima yoki ikki yildan uch yilgacha axloq tuzatish ishlari yoxud ikki yildan uch yilgacha ozodlikni cheklash yoki ikki yildan uch yilgacha ozodlikdan mahrum qilish bilan jazolanadi.

Yetkazilgan moddiy zararning o‘rni qoplangan taqdirda ozodlikni cheklash yoki ozodlikdan mahrum qilish tariqasidagi jazo qo‘llanilmaydi.

Birinchi marta jinoyat sodir etgan shaxs, agar u yetkazilgan moddiy zararning o‘rnini jinoyat aniqlangan kundan e’tiboran o‘ttiz kunlik muddatda qoplagan bo‘lsa, javobgarlikdan ozod etiladi.

O‘zganing tovar belgisidan, xizmat ko‘rsatish belgisidan, geografik ko‘rsatkichidan, tovar kelib chiqqan joy nomidan yoki adashtirib yuborish darajasida ular bilan o‘xshash bo‘lgan belgilardan shu turdagi tovarlarga (xizmatlarga) nisbatan qonunga xilof ravishda foydalanish yoxud o‘zganing firma nomidan qonunga xilof ravishda foydalanish, shuningdek O‘zbekiston Respublikasida ro‘yxatdan o‘tkazilmagan tovar belgisiga, xizmat ko‘rsatish belgisiga, geografik ko‘rsatkichga va tovar kelib chiqqan joy nomiga nisbatan ogohlantiruvchi tamg‘adan qonunga xilof ravishda foydalanish ko‘p miqdorda zarar yetkazgan holda sodir etilgan bo‘lsa, —

bazaviy hisoblash miqdorining ellik baravaridan yuz baravarigacha miqdorda jarima yoki ikki yilgacha axloq tuzatish ishlari yoxud ikki yilgacha ozodlikni cheklash yoki ikki yilgacha ozodlikdan mahrum qilish bilan jazolanadi.

O‘sha harakatlar:

a) takroran;

b) bir guruh shaxslar tomonidan oldindan til biriktirib;

v) xizmat mavqeyidan foydalangan holda;

g) juda ko‘p miqdorda zarar yetkazgan holda sodir etilgan bo‘lsa, —

bazaviy hisoblash miqdorining yuz baravaridan bir yuz ellik baravarigacha miqdorda jarima yoki ikki yildan uch yilgacha axloq tuzatish ishlari yoxud ikki yildan uch yilgacha ozodlikni cheklash yoki ikki yildan uch yilgacha ozodlikdan mahrum qilish bilan jazolanadi.

Yetkazilgan moddiy zararning o‘rni qoplangan taqdirda ozodlikni cheklash yoki ozodlikdan mahrum qilish tariqasidagi jazo qo‘llanilmaydi.

Birinchi marta jinoyat sodir etgan shaxs, agar u yetkazilgan moddiy zararning o‘rnini jinoyat aniqlangan kundan e’tiboran o‘ttiz kunlik muddatda qoplagan bo‘lsa, javobgarlikdan ozod etiladi.

Tegishli patentlangan ixtironi, foydali modelni, sanoat namunasini o‘z ichiga olgan mahsulotni yoki buyumni ruxsatsiz tayyorlash, qo‘llash, import qilish, sotishga taklif qilish, sotish, fuqarolik muomalasiga boshqa yo‘sinda kiritish yoki shu maqsadda saqlab turish, shuningdek ixtiro patenti bilan muhofaza qilinayotgan usulni qo‘llash yoxud bevosita ixtiro patenti bilan muhofaza qilinayotgan usul bilan tayyorlangan mahsulotni fuqarolik muomalasiga kiritish yoki shu maqsadda saqlab turish, muhofaza qilinadigan integral mikrosxema topologiyasini, shu topologiyali integral mikrosxemani yoki shunday integral mikrosxemani o‘z ichiga olgan buyumni ruxsatsiz qo‘llash, O‘zbekiston Respublikasiga olib kirish, sotuvga qo‘yish, sotish, takrorlash va boshqacha tarzda fuqarolik muomalasiga kiritish, patentlangan seleksiya yutug‘ini ruxsatsiz yetishtirish va takror yetishtirish (ko‘paytirish), nav yoki nasllilik konditsiyalariga yetkazish, seleksiya yutug‘idan ruxsatsiz foydalangan holda yaratilgan mahsulotni sotishga taklif etish, sotish, O‘zbekiston Respublikasiga olib kirish, O‘zbekiston Respublikasidan olib chiqish va boshqacha tarzda fuqarolik muomalasiga kiritish yoki saqlash ko‘p miqdorda zarar yetkazgan holda sodir etilgan bo‘lsa, —

bazaviy hisoblash miqdorining ellik baravaridan yetmish besh baravarigacha miqdorda jarima yoki uch yuz oltmish soatgacha majburiy jamoat ishlari yoxud ikki yilgacha axloq tuzatish ishlari yoki ikki yilgacha ozodlikni cheklash bilan jazolanadi.

O‘sha harakatlar:

a) takroran;

b) bir guruh shaxslar tomonidan oldindan til biriktirib;

v) xizmat mavqeyidan foydalangan holda;

g) juda ko‘p miqdorda zarar yetkazgan holda sodir etilgan bo‘lsa, —

bazaviy hisoblash miqdorining yetmish besh baravaridan yuz baravarigacha miqdorda jarima yoki uch yuz oltmish soatdan to‘rt yuz sakson soatgacha majburiy jamoat ishlari yoxud ikki yildan uch yilgacha axloq tuzatish ishlari yoki ikki yildan uch yilgacha ozodlikni cheklash bilan jazolanadi.

Birinchi marta jinoyat sodir etgan shaxs, agar u yetkazilgan moddiy zararning o‘rnini jinoyat aniqlangan kundan e’tiboran o‘ttiz kunlik muddatda qoplagan bo‘lsa, javobgarlikdan ozod etiladi”;

4) 229²-modda quyidagi mazmundagi ikkinchi qism bilan to‘ldirilsin:

“Maxsus diniy ma’lumoti bo‘lmay turib va diniy tashkilot boshqaruvi markaziy organining ruxsatisiz voyaga yetmagan shaxsga diniy ta’limotdan saboq berish, xuddi shuningdek voyaga yetmagan shaxsga xususiy tartibda diniy ta’limotdan saboq berish, —

bazaviy hisoblash miqdorining ellik baravaridan yuz baravarigacha miqdorda jarima yoki uch yuz oltmish soatgacha majburiy jamoat ishlari yoki uch yilgacha axloq tuzatish ishlari yoxud bir yildan uch yilgacha ozodlikni cheklash yoki uch yilgacha ozodlikdan mahrum qilish bilan jazolanadi”.

4-modda. O‘zbekiston Respublikasining 1994-yil 22-sentabrda qabul qilingan 2013-XII-sonli Qonuni bilan tasdiqlangan O‘zbekiston Respublikasining Jinoyat-protsessual kodeksiga (O‘zbekiston Respublikasi Oliy Kengashining Axborotnomasi, 1995-yil, № 2, 5-modda; O‘zbekiston Respublikasi Oliy Majlisining Axborotnomasi, 1995-yil, № 12, 269-modda; 1997-yil, № 2, 56-modda, № 9, 241-modda; 1998-yil, № 5-6, 102-modda, № 9, 181-modda; 1999-yil, № 1, 20-modda, № 5, 124-modda, № 9, 229-modda; 2000-yil, № 5-6, 153-modda, № 7-8, 217-modda; 2001-yil, № 1-2, 11, 23-moddalar, № 9-10, 165, 182-moddalar; 2002-yil, № 9, 165-modda; 2003-yil, № 5, 67-modda; 2004-yil, № 1-2, 18-modda, № 9, 171-modda; O‘zbekiston Respublikasi Oliy Majlisi palatalarining Axborotnomasi, 2005-yil, № 12, 418-modda; 2006-yil, № 6, 261-modda; 2007-yil, № 4, 166-modda, № 6, 248, 249-moddalar, № 9, 422-modda, № 12, 594, 595, 607-moddalar; 2008-yil, № 4, 177, 187-moddalar, № 9, 482, 484, 487-moddalar, № 12, 636, 641-moddalar; 2009-yil, № 1, 1-modda, № 4, 136-modda, № 9, 335-modda, № 12, 469, 470-moddalar; 2010-yil, № 6, 231-modda, № 9, 334, 336, 337, 342-moddalar, № 12, 477-modda; 2011-yil, № 4, 103, 104-moddalar, № 9, 252-modda, № 12/2, 363-modda; 2012-yil, № 1, 3-modda, № 9/2, 244-modda, № 12, 336-modda; 2014-yil, № 9, 244-modda; 2015-yil, № 8, 310, 312-moddalar, № 12, 452-modda; 2016-yil, № 4, 125-modda, № 9, 276-modda, № 12, 385-modda; 2017-yil, № 3, 47-modda, № 6, 300-modda, № 9, 506, 510-moddalar, № 10, 605-modda; 2018-yil, № 1, 1, 5-moddalar, № 4, 218, 224-moddalar, № 7, 430, 431-moddalar, № 10, 679-modda; 2019-yil, № 1, 3, 5-moddalar, № 2, 47-modda, № 3, 161-modda, № 5, 259, 267-moddalar, № 7, 386-modda, № 8, 469-modda, № 9, 589, 592-moddalar, № 10, 671-modda, № 11, 787, 791-moddalar, № 12, 880, 881, 891-moddalar; 2020-yil, № 3, 204-modda, № 5, 296-modda, № 12, 689-modda; 2021-yil, № 1, 5, 11, 13, 14-moddalar, № 2, 142, 144-moddalar, 4-songa ilova, № 8, 800, 803-moddalar, № 9, 903-modda, № 10, 973-modda, № 12, 1193-modda; 2022-yil, № 2, 81-modda, № 3, 216-modda, № 4, 337-modda, № 6, 575-modda; 2023-yil, № 3, 184, 185-moddalar, № 4, 265, 269-moddalar, № 5, 319-modda; № 9, 713-modda; 2024-yil, № 1, 8-modda, № 2, 115-modda, № 9, 964-modda, № 10, 1070, 1073, 1077, 1083-moddalar, № 12, 1280, 1286, 1292-moddalar; 2025-yil, № 1, 8-modda, № 2, 196, 201-moddalar, № 3, 376-modda) quyidagi o‘zgartirishlar kiritilsin:

1) 325-moddaning birinchi qismidagi “149-moddasida” degan so‘zlar “149, 149¹-moddalarida” degan so‘zlar bilan almashtirilsin;

2) 345-moddaning ikkinchi qismidagi “141 — 149” raqamlari “141 — 149³” raqamlari bilan almashtirilsin.

5-modda. O‘zbekiston Respublikasining 1994-yil 22-sentabrda qabul qilingan 2015-XII-sonli Qonuni bilan tasdiqlangan O‘zbekiston Respublikasining Ma’muriy javobgarlik to‘g‘risidagi kodeksiga (O‘zbekiston Respublikasi Oliy Kengashining Axborotnomasi, 1995-yil, № 3, 6-modda; O‘zbekiston Respublikasi Oliy Majlisining Axborotnomasi, 1995-yil, № 9, 193-modda, № 12, 269-modda; 1996-yil, № 5-6, 69-modda, № 9, 144-modda; 1997-yil, № 2, 56-modda, № 4-5, 126-modda, № 9, 241-modda; 1998-yil, № 3, 38-modda, № 5-6, 102-modda, № 9, 181-modda; 1999-yil, № 1, 20-modda, № 5, 124-modda, № 9, 229-modda; 2000-yil, № 5-6, 153-modda, № 7-8, 217-modda; 2001-yil, № 1-2, 23-modda, № 9-10, 165, 182-moddalar; 2002-yil, № 1, 20-modda, № 9, 165-modda; 2003-yil, № 1, 8-modda, № 5, 67-modda, № 9-10, 149-modda; 2004-yil, № 1-2, 18-modda, № 5, 90-modda, № 9, 171-modda; 2005-yil, № 1, 18-modda; O‘zbekiston Respublikasi Oliy Majlisi palatalarining Axborotnomasi, 2005-yil, № 9, 312-modda, № 12, 413, 417, 418-moddalar; 2006-yil, № 6, 261-modda, № 9, 498-modda, № 10, 536-modda, № 12, 656, 659-moddalar; 2007-yil, № 4, 158, 159, 164, 165-moddalar, № 9, 416, 421-moddalar, № 12, 596, 604, 607-moddalar; 2008-yil, № 4, 181, 189, 192-moddalar, № 9, 486, 488-moddalar, № 12, 640, 641-moddalar; 2009-yil, № 1, 1-modda, № 9, 334, 335, 337-moddalar, № 10, 380-modda, № 12, 462, 468, 470, 472, 474-moddalar; 2010-yil, № 5, 175, 179-moddalar, № 6, 231-modda, № 9, 335, 339, 341-moddalar, № 10, 380-modda, № 12, 468, 473, 474-moddalar; 2011-yil, № 1, 1-modda, № 4, 104, 105-moddalar, № 9, 247, 252-moddalar, № 12/2, 365-modda; 2012-yil, № 4, 108-modda, № 9/1, 242-modda, № 12, 336-modda; 2013-yil, № 4, 98-modda, № 10, 263-modda; 2014-yil, № 1, 2-modda, № 5, 130-modda, № 9, 244-modda, № 12, 341, 343-moddalar; 2015-yil, № 6, 228-modda, № 8, 310, 312-moddalar, № 12, 452-modda; 2016-yil, № 1, 2-modda, № 4, 125-modda, № 9, 276-modda, № 12, 383, 385-moddalar; 2017-yil, № 4, 137-modda, № 6, 300-modda, № 9, 510-modda, № 10, 605-modda; 2018-yil, № 1, 1, 4, 5-moddalar, № 4, 224-modda, № 7, 430, 431, 432-moddalar, № 10, 671, 673, 679-moddalar; 2019-yil, № 1, 1, 3, 5-moddalar, № 2, 47-modda, № 3, 161, 165, 166-moddalar, № 5, 259, 261, 267, 268-moddalar, № 7, 386-modda, № 8, 469, 471-moddalar, № 9, 591, 592-moddalar, № 10, 674, 676-moddalar, № 11, 787, 791-moddalar, № 12, 880, 891-moddalar; 2020-yil, № 1, 4-modda, № 3, 203, 204-moddalar, № 7, 449-modda, № 9, 539, 540-moddalar, № 10, 593, 596-moddalar, № 11, 651-modda, № 12, 691-modda; 2021-yil, № 1, 5, 7, 12, 13, 14-moddalar, № 2, 142-modda, № 3, 217-modda, № 4, 290, 293-moddalar, 4-songa ilova, № 8, 800, 802, 803-moddalar, № 9, 903-modda, № 10, 966, 967, 968, 973-moddalar, № 11, 1066-modda; 2022-yil, № 1, 1, 2-moddalar, № 2, 80, 81-moddalar, № 3, 215, 216-moddalar, № 4, 337-modda, № 5, 464, 465, 466, 467-moddalar, № 8, 787-modda, № 10, 981, 984-moddalar, № 12, 1188-modda; 2023-yil, № 3, 184, 185, 188, 189-moddalar, № 4, 265, 266, 268-moddalar, № 5, 319, 320-moddalar, № 7, 533, 534, 535, 537, 539-moddalar, № 8, 634-modda, № 10, 798-modda, № 11, 921, 923, 924-moddalar, № 12, 1004-modda; 2024-yil, № 1, 5, 7, 8, 9-moddalar, № 2, 102, 111, 115, 116-moddalar, № 3, 243, 245-moddalar, № 6, 530, 532-moddalar, № 7, 629-modda, № 8, 826, 829, 831-moddalar, № 9, 954, 964, 965-moddalar, № 10, 1070, 1071, 1073, 1077, 1078, 1083, 1084-moddalar, № 11, 1187, 1188, 1189-moddalar, № 12, 1279, 1280, 1282, 1286, 1287-moddalar; 2025-yil, № 1, 5, 8-moddalar, № 2, 187, 188, 196, 198, 201-moddalar, № 3, 368, 376-moddalar, № 4, 517, 521-moddalar) quyidagi o‘zgartirish va qo‘shimchalar kiritilsin:

1) 177-modda birinchi qismining dispozitsiyasi quyidagi tahrirda bayon etilsin:

“O‘zganing tovar belgisidan, xizmat ko‘rsatish belgisidan, geografik ko‘rsatkichidan, tovar kelib chiqqan joy nomidan yoki adashtirib yuborish darajasida ular bilan o‘xshash bo‘lgan belgilardan shu turdagi tovarlarga (xizmatlarga) nisbatan qonunga xilof ravishda foydalanish yoxud o‘zganing firma nomidan qonunga xilof ravishda foydalanish, shuningdek O‘zbekiston Respublikasida ro‘yxatdan o‘tkazilmagan tovar belgisiga, xizmat ko‘rsatish belgisiga, geografik ko‘rsatkichga va tovar kelib chiqqan joy nomiga nisbatan ogohlantiruvchi tamg‘adan qonunga xilof ravishda foydalanish”;

2) 177¹-modda:

birinchi qismining sanksiyasidagi “fuqarolarga bazaviy hisoblash miqdorining bir baravaridan besh baravarigacha, mansabdor shaxslarga esa — besh baravaridan o‘n baravarigacha” degan so‘zlar “fuqarolarga bazaviy hisoblash miqdorining besh baravaridan o‘n besh baravarigacha, mansabdor shaxslarga esa — o‘n besh baravaridan o‘ttiz baravarigacha” degan so‘zlar bilan almashtirilsin;

ikkinchi qismining sanksiyasidagi “fuqarolarga bazaviy hisoblash miqdorining besh baravaridan o‘n baravarigacha, mansabdor shaxslarga esa — o‘n baravaridan yigirma baravarigacha” degan so‘zlar “fuqarolarga bazaviy hisoblash miqdorining o‘n besh baravaridan o‘ttiz baravarigacha, mansabdor shaxslarga esa — o‘ttiz baravaridan ellik baravarigacha” degan so‘zlar bilan almashtirilsin;

3) 177²-modda quyidagi tahrirda bayon etilsin:

Tegishli patentlangan ixtironi, foydali modelni, sanoat namunasini o‘z ichiga olgan mahsulotni yoki buyumni ruxsatsiz tayyorlash, qo‘llash, import qilish, sotishga taklif etish, sotish, fuqarolik muomalasiga boshqa yo‘sinda kiritish yoki shu maqsadda saqlab turish, shuningdek ixtiro patenti bilan muhofaza qilinayotgan usulni qo‘llash yoxud bevosita ixtiro patenti bilan muhofaza qilinayotgan usul bilan tayyorlangan mahsulotni fuqarolik muomalasiga kiritish yoki shu maqsadda saqlab turish, muhofaza qilinadigan integral mikrosxema topologiyasini, shu topologiyali integral mikrosxemani yoki shunday integral mikrosxemani o‘z ichiga olgan buyumni ruxsatsiz qo‘llash, O‘zbekiston Respublikasiga olib kirish, sotuvga qo‘yish, sotish, takrorlash va boshqacha tarzda fuqarolik muomalasiga kiritish, patentlangan seleksiya yutug‘ini ruxsatsiz yetishtirish va takror yetishtirish (ko‘paytirish), nav yoki nasllilik konditsiyalariga yetkazish, seleksiya yutug‘idan ruxsatsiz foydalangan holda yaratilgan mahsulotni sotishga taklif etish, sotish, O‘zbekiston Respublikasiga olib kirish, O‘zbekiston Respublikasidan olib chiqish va boshqacha tarzda fuqarolik muomalasiga kiritish yoki saqlash, —

huquqbuzarlik ashyolarini musodara qilib, fuqarolarga bazaviy hisoblash miqdorining besh baravaridan o‘n baravarigacha, mansabdor shaxslarga esa — o‘n baravaridan yigirma baravarigacha miqdorda jarima solishga sabab bo‘ladi.

Xuddi shunday huquqbuzarliklar ma’muriy jazo chorasi qo‘llanilganidan keyin bir yil davomida takror sodir etilgan bo‘lsa, —

huquqbuzarlik ashyolarini musodara qilib, fuqarolarga bazaviy hisoblash miqdorining o‘n baravaridan yigirma baravarigacha, mansabdor shaxslarga esa — yigirma baravaridan o‘ttiz baravarigacha miqdorda jarima solishga sabab bo‘ladi”;

4) 289-moddaning uchinchi qismi “O‘zbekiston Respublikasi Bosh prokuraturasi huzuridagi Iqtisodiy jinoyatlarga qarshi kurashish departamenti va uning joylardagi bo‘linmalarining” degan so‘zlardan keyin “adliya organlarining (intellektual mulk obyektlariga bo‘lgan huquqlarni himoya qilishda)” degan so‘zlar bilan to‘ldirilsin;

5) 290-modda:

nomi quyidagi tahrirda bayon etilsin:

birinchi qismidagi “shunday ashyolar bo‘lmish ashyo” degan so‘zlar “huquqbuzarlik ashyosi bo‘lgan ashyo” degan so‘zlar bilan almashtirilsin;

quyidagi mazmundagi ikkinchi qism bilan to‘ldirilsin:

“Adliya organlari tomonidan ashyolarni ko‘zdan kechirish vaqtida (intellektual mulk obyektlariga bo‘lgan huquqlarni himoya qilishda) aniqlangan huquqbuzarlikni sodir etish quroli yoki bevosita huquqbuzarlik ashyosi bo‘lgan ashyo va hujjatlar xatlanadi”;

ikkinchi — sakkizinchi qismlari tegishincha uchinchi — to‘qqizinchi qismlar deb hisoblansin.

6-modda. O‘zbekiston Respublikasining 1995-yil 21-dekabrda qabul qilingan 163-I-sonli va 1996-yil 29-avgustda qabul qilingan 256-I-sonli qonunlari bilan tasdiqlangan O‘zbekiston Respublikasining Fuqarolik kodeksi (O‘zbekiston Respublikasi Oliy Majlisining Axborotnomasi, 1996-yil, 2-songa ilova, № 11-12; 1997-yil, № 2, 56-modda, № 9, 241-modda; 1998-yil, № 5-6, 102-modda; 1999-yil, № 1, 20-modda, № 9, 229-modda; 2001-yil, № 1-2, 23-modda, № 9-10, 182-modda; 2002-yil, № 1, 20-modda, № 9, 165-modda; 2003-yil, № 1, 8-modda, № 5, 67-modda; 2004-yil, № 1-2, 18-modda, № 5, 90-modda, № 9, 171-modda; O‘zbekiston Respublikasi Oliy Majlisi palatalarining Axborotnomasi, 2006-yil, № 4, 154-modda, № 9, 494, 498-moddalar; 2007-yil, № 1, 3, 5-moddalar, № 4, 156, 164-moddalar, № 8, 367-modda, № 9, 416-modda, № 12, 598, 608-moddalar; 2008-yil, № 4, 192-modda, № 12, 640-modda; 2009-yil, № 9, 337-modda; 2010-yil, № 9, 335, 337, 340-moddalar; 2011-yil, № 12/2, 363, 364, 365-moddalar; 2012-yil, № 4, 106, 109-moddalar, № 12, 336-modda; 2013-yil, № 10, 263-modda; 2014-yil, № 5, 130-modda, № 12, 343-modda; 2015-yil, № 8, 310, 312-moddalar; 2016-yil, № 4, 125-modda; 2017-yil, № 4, 137-modda, № 9, 510-modda, № 12, 773-modda; 2018-yil, № 1, 4-modda, № 4, 224-modda, № 7, 433-modda, № 10, 673-modda; 2019-yil, № 3, 161, 166-moddalar, № 5, 267-modda, № 10, 671-modda, № 12, 880, 886-moddalar; 2020-yil, № 1, 3, 4-moddalar, № 10, 593-modda; 2021-yil, 4-songa ilova, № 8, 801-modda, № 10, 968-modda; 2022-yil, № 2, 79-modda, № 3, 217, 218-moddalar, № 4, 340-modda, № 5, 464-modda, № 6, 570, 577-moddalar, № 11, 1061, 1062-moddalar; 2023-yil, № 10, 795-modda, № 11, 921-modda; 2024-yil, № 2, 111, 114-moddalar № 6, 530-modda, № 11, 1193-modda; 2025-yil, № 2, 188, 194-moddalar, № 4, 522-modda) 1107-moddasiga quyidagi o‘zgartirishlar kiritilsin:

ikkinchi qism quyidagi tahrirda bayon etilsin:

“Tovar belgisidan qonunga xilof ravishda foydalanilgan holda ishlab chiqarilgan tovarlar hamda ularning o‘rovlari va yorliqlari qoidabuzar hisobidan olib qo‘yilishi hamda yo‘q qilinishi lozim”;

uchinchi qism chiqarib tashlansin.

7-modda. O‘zbekiston Respublikasining 1996-yil 30-avgustda qabul qilingan “Seleksiya yutuqlari to‘g‘risida”gi 270-I-sonli Qonuniga (O‘zbekiston Respublikasining 2002-yil 29-avgustda qabul qilingan 395-II-sonli Qonuni tahririda) (O‘zbekiston Respublikasi Oliy Majlisining Axborotnomasi, 2002-yil, № 9, 156-modda; O‘zbekiston Respublikasi Oliy Majlisi palatalarining Axborotnomasi, 2011-yil, № 12/2, 364-modda; 2017-yil, № 9, 510-modda; 2018-yil, № 7, 431-modda; 2019-yil, № 1, 1-modda, № 11, 791-modda; 2020-yil, № 1, 1-modda, № 10, 593-modda; 2021-yil, 4-songa ilova; 2024-yil, № 1, 5-modda, № 9, 960-modda) quyidagi o‘zgartirish va qo‘shimchalar kiritilsin:

1) 4-moddaning to‘rtinchi qismi quyidagi tahrirda bayon etilsin:

“O‘zbekiston Respublikasi Qishloq xo‘jaligi vazirligi huzuridagi Veterinariya va chorvachilikni rivojlantirish qo‘mitasi, Qishloq xo‘jalik ekinlari navlarini sinash markazi (bundan buyon matnda ixtisoslashtirilgan tashkilotlar deb yuritiladi) talabnomada ko‘rsatilgan seleksiya yutuqlarining patentga layoqatliligini ekspertizadan o‘tkazadi”;

2) 17-modda:

birinchi qismining yettinchi — o‘n birinchi xatboshilari quyidagi mazmundagi yettinchi va sakkizinchi xatboshilar bilan almashtirilsin:

“seleksiya yutug‘ining ustuvorligini tasdiqlovchi hujjatni (zarurat bo‘lganda);

talabnoma patent vakili yoki ishonchli shaxs orqali topshirilganda ularga berilgan ishonchnomani o‘z ichiga olgan bo‘lishi kerak”;

quyidagi mazmundagi ikkinchi qism bilan to‘ldirilsin:

“Patent berish haqidagi talabnomani topshirishda belgilangan miqdorda patent boji to‘lanadi yoki talabnomaga patent bojini to‘lashdan ozod qilishning yoxud uning miqdori kamaytirilishining asoslarini tasdiqlaydigan hujjat ilova qilinadi”;

ikkinchi — beshinchi qismlari tegishincha uchinchi — oltinchi qismlar deb hisoblansin;

to‘rtinchi qismidagi “birinchi qismi” degan so‘zlar “birinchi va ikkinchi qismlari” degan so‘zlar bilan almashtirilsin;

3) 25-moddaning matni quyidagi tahrirda bayon etilsin:

“Patent berish to‘g‘risida qaror qabul qilinib, belgilangan miqdorda patent boji to‘langanidan keyin Vazirlik seleksiya yutug‘ini tegishli reyestrda avtomatik tarzda ro‘yxatga oladi”;

4) 27-moddaning birinchi va ikkinchi qismlari quyidagi tahrirda bayon etilsin:

“Patentni Vazirlik yagona QR-kod (matrik shtrixli kod) qo‘yilgan holda, elektron shaklda rasmiylashtirilgan tarzda O‘zbekiston Respublikasi nomidan beradi.

Seleksiya yutug‘i ro‘yxatga olinganda patent talabnoma beruvchiga avtomatik tarzda elektron tizim orqali yuboriladi”;

5) 37¹-moddaning:

ikkinchi qismi “iltimosnoma” degan so‘zdan keyin “belgilangan miqdordagi patent boji to‘langan taqdirda” degan so‘zlar bilan to‘ldirilsin;

uchinchi qismi chiqarib tashlansin;

to‘rtinchi va beshinchi qismlari tegishincha uchinchi va to‘rtinchi qismlar deb hisoblansin;

6) 39-moddaning:

oltinchi qismidagi “nomutlaq (oddiy)” degan so‘zlar “oddiy (nomutlaq)” degan so‘zlar bilan almashtirilsin;

sakkizinchi qismidagi “Nomutlaq (oddiy)” degan so‘zlar “Oddiy (nomutlaq)” degan so‘zlar bilan almashtirilsin;

7) 40-moddaning ikkinchi qismidagi “nomutlaq (oddiy)” degan so‘zlar “oddiy (nomutlaq)” degan so‘zlar bilan almashtirilsin.

8-modda. O‘zbekiston Respublikasining 2001-yil 12-mayda qabul qilingan “Integral mikrosxemalar topologiyalarini huquqiy muhofaza qilish to‘g‘risida”gi 218-II-sonli Qonuniga (O‘zbekiston Respublikasi Oliy Majlisining Axborotnomasi, 2001-yil, № 5, 87-modda; 2002-yil, № 9, 165-modda; O‘zbekiston Respublikasi Oliy Majlisi palatalarining Axborotnomasi, 2011-yil, № 12/2, 364-modda; 2020-yil, № 1, 1-modda, № 10, 593-modda; 2021-yil, 4-songa ilova; 2024-yil, № 1, 5-modda) quyidagi o‘zgartirishlar kiritilsin:

1) 11-moddaning matnidagi “to‘langani to‘g‘risidagi hujjat olingan sanadan e’tiboran bir oy ichida” degan so‘zlar “to‘langanda avtomatik tarzda” degan so‘zlar bilan almashtirilsin;

2) 13-modda ikkinchi qismining birinchi jumlasi quyidagi tahrirda bayon etilsin:

“Guvohnomani berish Vazirlik tomonidan topologiya ro‘yxatdan o‘tkazilganidan keyin avtomatik tarzda yagona QR-kod (matrik shtrixli kod) qo‘yilgan holda, elektron shaklda rasmiylashtirilgan tarzda amalga oshiriladi”.

9-modda. O‘zbekiston Respublikasining 2001-yil 30-avgustda qabul qilingan “Tovar belgilari, xizmat ko‘rsatish belgilari va tovar kelib chiqqan joy nomlari to‘g‘risida”gi 267-II-sonli Qonuniga (O‘zbekiston Respublikasi Oliy Majlisining Axborotnomasi, 2001-yil, № 9-10, 178-modda; 2002-yil, № 9, 165-modda; O‘zbekiston Respublikasi Oliy Majlisi palatalarining Axborotnomasi, 2007-yil, № 9, 418-modda; 2011-yil, № 12/2, 364-modda; 2012-yil, № 12, 336-modda; 2017-yil, № 4, 137-modda, № 9, 510-modda; 2020-yil, № 1, 1-modda, № 10, 593-modda; 2021-yil, 4-songa ilova, № 8, 801-modda; 2022-yil, № 2, 76-modda, № 3, 214-modda; 2024-yil, № 1, 5-modda, № 2, 108-modda, № 9, 960-modda) quyidagi o‘zgartirish va qo‘shimchalar kiritilsin:

1) 9-modda:

uchinchi qismining:

ikkinchi xatboshisi chiqarib tashlansin;

uchinchi, to‘rtinchi va beshinchi xatboshilari tegishincha ikkinchi, uchinchi va to‘rtinchi xatboshilar deb hisoblansin;

quyidagi mazmundagi to‘rtinchi qism bilan to‘ldirilsin:

“Talabnoma berganlik uchun belgilangan miqdorda patent boji to‘lanadi”;

to‘rtinchi qismi beshinchi qism deb hisoblansin;

2) 15-modda:

birinchi qismidagi “Talabnomada ifodalangan belgini ekspertizadan o‘tkazish tovar belgisini, tovar kelib chiqqan joy nomini va (yoki) tovar kelib chiqqan joy nomidan foydalanish huquqini ro‘yxatdan o‘tkazishga doir talabnoma” degan so‘zlar “Tovar belgisini ro‘yxatdan o‘tkazishga doir talabnomada ifodalangan belgini ekspertizadan o‘tkazish talabnoma” degan so‘zlar bilan almashtirilsin;

quyidagi mazmundagi ikkinchi qism bilan to‘ldirilsin:

“Tovar kelib chiqqan joy nomini va (yoki) tovar kelib chiqqan joy nomidan foydalanish huquqini ro‘yxatdan o‘tkazishga doir talabnomada ifodalangan belgini ekspertizadan o‘tkazish talabnoma bo‘yicha rasmiy ekspertiza tugaganidan keyin bir oy ichida Davlat muassasasi tomonidan amalga oshiriladi”;

ikkinchi, uchinchi va to‘rtinchi qismlari tegishincha uchinchi, to‘rtinchi va beshinchi qismlar deb hisoblansin;

3) 18-moddaning birinchi qismidagi “to‘langanligi haqidagi hujjat olingan sanadan e’tiboran uch ish kuni ichida” degan so‘zlar “to‘langanda avtomatik tarzda” degan so‘zlar bilan almashtirilsin;

4) 22-modda ikkinchi qismining:

birinchi xatboshisi “ko‘rsatilgan” degan so‘zdan keyin “arizani topshirishda patent boji to‘lanadi va” degan so‘zlar bilan to‘ldirilsin;

ikkinchi xatboshisi chiqarib tashlansin;

uchinchi va to‘rtinchi xatboshilari tegishincha ikkinchi va uchinchi xatboshilar deb hisoblansin.

10-modda. O‘zbekiston Respublikasining 2020-yil 6-yanvarda qabul qilingan “Davlat boji to‘g‘risida”gi O‘RQ-600-sonli Qonuniga (O‘zbekiston Respublikasi Oliy Majlisi palatalarining Axborotnomasi, 2020-yil, № 1, 1-modda, № 3, 201-modda, № 5, 298-modda, № 10, 593-modda, № 12, 691-modda; 2021-yil, № 1, 13-modda, 4-songa ilova, № 7, 661-modda, № 8, 800, 803-moddalar, № 10, 968-modda; 2022-yil, № 2, 76-modda, № 3, 214, 216-moddalar, № 4, 340-modda, № 5, 463, 464, 467-moddalar, № 12, 1186-modda; 2023-yil, № 2, 103-modda, № 3, 186-modda, № 4, 265, 269-moddalar, № 6, 444, 445-moddalar, № 7, 538-modda, № 9, 710-modda; 2024-yil, № 1, 5, 6, 7-moddalar, № 2, 101, 105, 107, 108, 111, 112-moddalar, № 7, 628-modda, № 8, 819, 823, 831-moddalar, № 9, 958-modda, № 10, 1076, 1079-moddalar, № 11, 1191-modda, № 12, 1279, 1280, 1285-moddalar; 2025-yil, № 1, 4, 6-moddalar, № 2, 188, 189, 195, 197-moddalar, № 4, 519, 520-moddalar) quyidagi o‘zgartirishlar kiritilsin:

1) 5-modda birinchi qismining 9-bandidagi “himoya” degan so‘z “muhofaza” degan so‘z bilan almashtirilsin;

2) 15-moddaning beshinchi qismidagi “topologik integral mikrosxemalarning” degan so‘zlar “integral mikrosxemalar topologiyalarining” degan so‘zlar bilan almashtirilsin;

3) 23-modda quyidagi tahrirda bayon etilsin:

Davlat bojini to‘lovchi tomonidan davlat boji (patent boji) ixtirolar, foydali modellar, sanoat namunalari, seleksiya yutuqlari huquqiy muhofaza qilinguniga qadar, tovar belgilarini, xizmat ko‘rsatish belgilarini, geografik ko‘rsatkichlarni, tovar kelib chiqqan joy nomlarini, integral mikrosxemalar topologiyalarini, elektron hisoblash mashinalari uchun yaratilgan dasturlarni yoki ma’lumotlar bazalarini hamda ularga doir huquqlarni boshqa shaxsga o‘tkazish to‘g‘risidagi shartnoma yoki ulardan foydalanish huquqini berish bo‘yicha litsenziya shartnomasi ro‘yxatdan o‘tkazilguniga qadar to‘lanadi.

Davlat boji (patent boji) davlat bojini to‘lovchi tomonidan to‘langanligi fakti elektron tizimlar orqali tasdiqlanadi.

Agar davlat ekspertizasi o‘tkazilganligi uchun davlat boji (patent boji) ixtirolar, foydali modellar, sanoat namunasi variantlari guruhiga talabnoma berilganligi va ekspertiza o‘tkazilganligi uchun belgilangan miqdordan kam miqdorda to‘langan bo‘lsa, davlat ekspertizasi davlat bojini to‘lovchi tomonidan tanlangan yoxud bunday tanlov mavjud bo‘lmaganda ixtiroda, foydali model formulasida yoki sanoat namunasi tavsifida ko‘rsatilgan ixtirolar, foydali modellar, sanoat namunasi variantlariga nisbatan o‘tkaziladi.

Agar talabnoma berilganligi hamda tovar belgisi va xizmat ko‘rsatish belgisi davlat ekspertizasidan o‘tkazilganligi uchun davlat boji (patent boji) talabnoma berilganligi hamda tovar belgisi va xizmat ko‘rsatish belgisi davlat ekspertizasidan o‘tkazilganligi uchun belgilangan miqdordan kam miqdorda bo‘lsa, ekspertiza Tovarlar va xizmatlar xalqaro tasnifining davlat bojini to‘lovchi tomonidan tanlangan sinflariga nisbatan o‘tkaziladi.

Davlat bojini to‘lovchi vakolatli organning davlat bojining (patent bojining) yetishmayotgan qismi qo‘shimcha ravishda to‘lanishi to‘g‘risidagi bildirishnomasi olingan sanadan e’tiboran uch oy ichida zarur summani qo‘shimcha ravishda to‘lash huquqiga ega.

Davlat bojining (patent bojining) yetishmayotgan qismi vakolatli organning davlat bojining (patent bojining) yetishmayotgan qismi qo‘shimcha ravishda to‘lanishi to‘g‘risidagi bildirishnomasi olingan sanadan e’tiboran uch oy ichida to‘lanmagan taqdirda, ixtirolarni, foydali modellarni, sanoat namunalarini, seleksiya yutuqlarini huquqiy muhofaza qilish, tovar belgilarini, xizmat ko‘rsatish belgilarini, geografik ko‘rsatkichlarni, tovar kelib chiqqan joy nomlarini, integral mikrosxemalar topologiyalarini, elektron hisoblash mashinalari uchun yaratilgan dasturlarni va ma’lumotlar bazalarini hamda ularga doir huquqlarni boshqa shaxsga o‘tkazish to‘g‘risidagi shartnomani yoki ulardan foydalanish huquqini berish bo‘yicha litsenziya shartnomasini ro‘yxatdan o‘tkazish amalga oshirilmaydi. Bunda davlat bojining (patent bojining) ilgari to‘langan, to‘liq bo‘lmagan miqdori qaytarilmaydi.

Ushbu Qonun ilovasi 10-bandining “a” — “g” kichik bandlarida nazarda tutilgan ixtirolar va foydali modellarni muhofaza qilish bilan bog‘liq yuridik ahamiyatga ega harakatlarni amalga oshirishda quyidagi imtiyozlar taqdim etiladi:

II guruh nogironligi bo‘lgan shaxslarga 90 foiz miqdorida;

ta’lim oluvchi shaxslarga, ilmiy va ilmiy-pedagogik xodimlarga 30 foiz miqdorida;

yuridik shaxs bo‘lgan kichik tadbirkorlik subyektlariga, davlat akkreditatsiyasidan o‘tgan ta’lim tashkilotlariga va ilmiy tashkilotlarga 25 foiz miqdorida”;

4) ilova:

10-bandi:

“a” kichik bandining izohi chiqarib tashlansin;

“b” kichik bandining birinchi — to‘rtinchi izohlari chiqarib tashlansin;

“v” kichik bandining:

birinchi xatboshisi quyidagi tahrirda bayon etilsin:

izohi quyidagi tahrirda bayon etilsin:

“g” kichik bandining:

birinchi izohi quyidagi tahrirda bayon etilsin:

ikkinchi izohi quyidagi tahrirda bayon etilsin:

uchinchi izohi quyidagi tahrirda bayon etilsin:

to‘rtinchi izohi chiqarib tashlansin;

“d” kichik bandining izohi chiqarib tashlansin;

“e” kichik bandining:

ikkinchi xatboshisidagi “tuzatishlar, qo‘shimchalar va aniqliklar” degan so‘zlar “tuzatishlar, aniqliklar va to‘ldirishlar” degan so‘zlar bilan almashtirilsin;

birinchi — oltinchi izohlari chiqarib tashlansin;

“j” kichik bandining birinchi, ikkinchi va uchinchi izohlari chiqarib tashlansin;

11-bandi:

“a” kichik bandining izohi chiqarib tashlansin;

“b” kichik bandining birinchi va ikkinchi izohlari chiqarib tashlansin;

“v” kichik bandining:

birinchi xatboshisi quyidagi tahrirda bayon etilsin:

izohi quyidagi tahrirda bayon etilsin:

“g” kichik bandining:

birinchi izohi quyidagi tahrirda bayon etilsin:

ikkinchi va uchinchi izohlari chiqarib tashlansin;

“d” kichik bandining izohi chiqarib tashlansin;

“e” kichik bandining:

ikkinchi xatboshisidagi “tuzatishlar, qo‘shimchalar va aniqliklar” degan so‘zlar “tuzatishlar, aniqliklar va to‘ldirishlar” degan so‘zlar bilan almashtirilsin;

izohi chiqarib tashlansin;

“j” kichik bandining izohi chiqarib tashlansin;

“z” kichik bandining:

ikkinchi xatboshisidagi “muddatini bir oyga (bir oydan oshmagan muddatga) uzaytirish” degan so‘zlar “muddatini uzaytirish, uzaytirishning har bir oyi uchun (olti oydan oshmagan muddatga)” degan so‘zlar bilan almashtirilsin;

izohi chiqarib tashlansin;

12-bandi:

birinchi xatboshisidagi “tovarlar kelib chiqish joyi nomi” degan so‘zlar “tovar kelib chiqqan joy nomlarini” degan so‘zlar bilan almashtirilsin;

“a” kichik bandining izohi chiqarib tashlansin;

“b” kichik bandining izohi quyidagi tahrirda bayon etilsin:

“v” kichik bandining:

birinchi izohi quyidagi tahrirda bayon etilsin:

ikkinchi izohi chiqarib tashlansin;

“g” kichik bandining izohi chiqarib tashlansin;

“d” kichik bandining:

ikkinchi xatboshisidagi “tuzatishlar, qo‘shimchalar va aniqliklar” degan so‘zlar “tuzatishlar, aniqliklar va to‘ldirishlar” degan so‘zlar bilan almashtirilsin;

izohi chiqarib tashlansin;

“e” kichik bandining birinchi va ikkinchi izohlari chiqarib tashlansin;

13-bandi:

“a” kichik bandining izohi chiqarib tashlansin;

“b” kichik bandining izohi quyidagi tahrirda bayon etilsin:

“v” kichik bandining izohi chiqarib tashlansin;

“g” kichik bandining:

ikkinchi xatboshisidagi “tuzatishlar, qo‘shimchalar va aniqliklar” degan so‘zlar “tuzatishlar, aniqliklar va to‘ldirishlar” degan so‘zlar bilan almashtirilsin;

izohi chiqarib tashlansin;

14-bandining izohi chiqarib tashlansin;

15-bandi:

birinchi xatboshisidagi “himoyasi” degan so‘z “muhofazasi” degan so‘z bilan almashtirilsin;

“a” kichik bandining:

ikkinchi xatboshisi quyidagi tahrirda bayon etilsin:

izohi chiqarib tashlansin;

“b” kichik bandining:

birinchi va ikkinchi xatboshilari quyidagi tahrirda bayon etilsin:

beshinchi xatboshisi quyidagi tahrirda bayon etilsin:

izohi chiqarib tashlansin;

“v” kichik bandining:

birinchi va ikkinchi xatboshilari quyidagi tahrirda bayon etilsin:

beshinchi xatboshisi quyidagi tahrirda bayon etilsin:

izohi chiqarib tashlansin;

“g” kichik bandining:

ikkinchi xatboshisi quyidagi tahrirda bayon etilsin:

izohi chiqarib tashlansin.

11-modda. O‘zbekiston Respublikasining 2022-yil 3-martda qabul qilingan “Geografik ko‘rsatkichlar to‘g‘risida”gi O‘RQ-757-sonli Qonuniga (O‘zbekiston Respublikasi Oliy Majlisi palatalarining Axborotnomasi, 2022-yil, № 3, 214-modda; 2024-yil, № 1, 5-modda) quyidagi o‘zgartirishlar va qo‘shimcha kiritilsin:

1) 11-modda uchinchi qismining:

birinchi xatboshisi quyidagi tahrirda bayon etilsin:

“Talabnomani topshirishda patent boji to‘lanishi va talabnomaga quyidagilar ilova qilinishi kerak”;

ikkinchi xatboshisi chiqarib tashlansin;

uchinchi, to‘rtinchi va beshinchi xatboshilari tegishincha ikkinchi, uchinchi va to‘rtinchi xatboshilar deb hisoblansin;

2) 18-moddaning birinchi qismidagi “to‘langanligi haqidagi hujjat olingan sanadan e’tiboran uch ish kuni ichida” degan so‘zlar “to‘langanda avtomatik tarzda” degan so‘zlar bilan almashtirilsin;

3) 20-moddaning ikkinchi qismidagi “keyin uch ish kuni ichida Vazirlik tomonidan beriladi” degan so‘zlar “keyin Vazirlik tomonidan yagona QR-kod (matrik shtrixli kod) qo‘yilgan, elektron shaklda rasmiylashtirilgan holda, avtomatik tarzda beriladi” degan so‘zlar bilan almashtirilsin;

4) 22-modda ikkinchi qismining:

birinchi xatboshisi “ko‘rsatilgan” degan so‘zdan keyin “arizani topshirishda patent boji to‘lanadi va” degan so‘zlar bilan to‘ldirilsin;

ikkinchi xatboshisi chiqarib tashlansin;

uchinchi va to‘rtinchi xatboshilari tegishincha ikkinchi va uchinchi xatboshilar deb hisoblansin.

12-modda. O‘zbekiston Respublikasi Adliya vazirligi va boshqa manfaatdor tashkilotlar ushbu Qonunning ijrosini, ijrochilarga yetkazilishini hamda mohiyati va ahamiyati aholi o‘rtasida tushuntirilishini ta’minlasin.

13-modda. O‘zbekiston Respublikasi Vazirlar Mahkamasi:

hukumat qarorlarini ushbu Qonunga muvofiqlashtirsin;

respublika ijro etuvchi hokimiyat organlari ushbu Qonunga zid bo‘lgan o‘z normativ-huquqiy hujjatlarini qayta ko‘rib chiqishlari va bekor qilishlarini ta’minlasin.

14-modda. Ushbu Qonun rasmiy e’lon qilingan kundan e’tiboran kuchga kiradi.

Ushbu Qonunning 3-moddasi 1, 2 va 3-bandlari, 4, 5 va 6-moddalari ushbu Qonun kuchga kirgan kundan e’tiboran uch oy o‘tgach amalga kiritiladi.