O‘zbekiston Respublikasi Oliy Kengashining 1993-yil 28-dekabrdagi 988-XII-son qarorini va O‘zbekiston Respublikasi Prezidentining “Iqtisodiy islohotlarni yanada chuqurlashtirish, xususiy mulk manfaatlarini himoya qilish va tadbirkorlikni rivojlantirish chora-tadbirlari to‘g‘risida” 1994-yil 21-yanvardagi va “O‘zbekiston Respublikasida mulkni davlat tasarrufidan chiqarish va xususiylashtirish jarayonini yanada rivojlantirishning ustuvor yo‘nalishlari to‘g‘risida” 1994-yil 5-martdagi Farmonlarini ijro etish yuzasidan Vazirlar Mahkamasi qaror qiladi:

1. Savdo va xizmat ko‘rsatish sohasi obyektlarini ular joylashgan yer uchastkalari bilan birgalikda xususiy mulk qilib sotish tartibi to‘g‘risidagi Vaqtinchalik Nizom 1-ilovaga muvofiq tasdiqlansin.

O‘zbekiston Respublikasi Davlat mulki qo‘mitasi Qoraqalpog‘icton Respublikasi Vazirlar Kengashi, viloyatlar va Toshkent shahap hokimliklari bilan birgalikda respublika sharoitida amalda sinab ko‘rilganligini hisobga olgan holda mazkur nizomni 1994-yil 1-noyabrgacha tasdiqlash uchun Vazirlar Mahkamasiga kiritsin.

2. O‘zbekiston Respublikasi Davlat arxitektura va qurilish qo‘mitasi “O‘zistiqbolstat” davlat qo‘mitasi, Qishloq xo‘jaligi vazirligi Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari bilan birgalikda 1994-yil 1-oktabrgacha respublika shaharlari, shaharchalari va boshqa aholi yashash joylaridagi yerlarni kompleks iqtisodiy baholashni amalga oshirsinlar hamda materiallarni Vazirlar Mahkamasiga va Davlat mulki qo‘mitasiga taqdim etsinlar.

3. O‘zbekiston Respublikasi Adliya vazirligi Moliya vazirligi, Davlat mulki qo‘mitasi, qishloq xo‘jaligi vazirligi va Davlat arxitektura va qurilish qo‘mitasi bilan birgalikda yer uchastkalarining xususiy mulk qilib sotilishi munosabati bilan O‘zbekiston Respublikasi qonun hujjatlariga o‘zgartirishlar kiritish to‘g‘risida takliflar tayyorlasin.

4. Xususiy mulk qilib berilmaydigan yerlar ro‘yxati 2-ilovaga muvofiq tasdiqlansin.

5. Mazkur qarorning bajarilishini nazorat qilish Bosh vazir o‘rinbosari V.A.Chjen zimmasiga yuklansin.

1. Mazkur Nizom O‘zbekiston Respublikasi Oliy Kengashining 1993-yil 28-dekabrdagi 986-XN-son qaroriga va O‘zbekiston Respublikasi Prezidentining “Iqtisodiy islohotlarni yanada chuqurlashtirish, xususiy mulk manfaatlarini himoya qilish va tadbirkorlikni rivojlantirish chora-tadbirlari to‘g‘risida” 1994-yil 21-yanvardagi va “O‘zbekiston Respublikasida mulkni davlat tasarrufidan chiqarish va xususiylashtirish jarayonini yanada rivojlantirishning ustuvor yo‘nalishlari to‘g‘risida” 1994-yil 15-martdagi Farmonlariga muvofiq ishlab chiqilgan.

2. Savdo va xizmat ko‘rsatish sohasi obyektlarini ular joylashgan yer uchastkalari bilan birgalikda jismoniy va yuridik shaxslarga, shu jumladan, xorijiy jismoniy va yuridik shaxslarga, xususiylashtiriladigan obyektlarni sotib olishda ular foydalanadigan mablag‘larning manbalar haqida deklaratsiya talab qilmagan holda, xususiy mulk qilib olish O‘zbekiston Respublikasi davlat mulki obyektlarini davlat tasarrufidan chiqarish va xususiylashtirishning belgilangan tartibiga va mazkur Nizomga muvofiq amalga oshiriladi.

3. Savdo va xizmat ko‘rsatish sohasi obyektlarini ular joylashgan yer uchastkalari bilan birgalikda xususiy mulk qilib sotish tanlov bo‘yicha yoki kim oshdi savdolarida amalga oshiriladi.

Sotish Davlat mulki qo‘mitasi va uning hududiy boshqarmalari tomonidan tegishli hokimliklar va fuqarolarning o‘zini o‘zi boshqarish organlarining savdo va xizmat ko‘rsatish obyektlarini va yer uchastkalarini xususiy mulk qilib sotish haqidagi qarorlari taqdim etilganidan keyin qonun hujjatlari bilan belgilangan vakolatlar doirasida amalga oshiriladi.

4. Davlat mulki qo‘mitasi yoki uning hududiy boshqarmasi bilan yangi mulk egasi o‘rtasida obyektning faoliyat ixtisosini saqlab qolish to‘g‘risida shartnoma tuzish tanlov yoki kim oshdi savdosining majburiy sharti hisoblanadi.

Mulk egasi tomonidan obyektning faoliyat ixtisosini saqlab qolish haqida tuzilgan shartnomaning shartlari buzilganda obyekt Davlat mulki qo‘mitasi tomonidan dastlabki narx bo‘yicha qiymati to‘langan holda olib qo‘yiladi, yer uchastkasi esa uning qiymati to‘lanmasdan olib qo‘yiladi.

5. Viloyat, tuman va shahar yer tuzish xizmatlari tegishli hudud bo‘yicha qurilgan va chala qurilgan maydonlardagi yer uchastkalarining chegaralarini (konturlarini) natura tarzida belgilab beradilar hamda sotuvchiga (Davlat mulki qo‘mitasi yoki uning hududiy boshqarmasiga) ana shu maydonlarning o‘lchamini tasdiqlovchi hujjatlarni beradilar. Bunda yer maydoni savdo va xizmat ko‘rsatish sohasining sotib olinayotgan obyekti sanitariya va texnologik jihatdan faoliyat ko‘rsatishini ta’minlash uchun zarur bo‘lgan minimal o‘lchamdan oshmasligi zarur.

6. Ishlab turgan va qurilishi tugallanmagan savdo va xizmat ko‘rsatish sohasi obyektlarini yer uchastkalari bilan birgalikda xususiy mulk qilib sotishdan tushgan mablag‘lar O‘zbekiston Respublikasi Vazirlar Mahkamasining “Respublika ko‘chmas mulk birjasining samarali faoliyat ko‘rsatishini ta’minlash chora-tadbirlari to‘g‘risida” 1994-yil 29-apreldagi 228-son qaroriga muvofiq Davlat mulki qo‘mitasi yoki uning hududiy boshqarmasi hamda tegishli hokimliklar va fuqarolarning o‘zini o‘zi boshqarish organlari o‘rtasida taqsimlanadi.

7. Tanlov yoki kim oshdi savdosi g‘olibiga Davlat mulki qo‘mitasi yoki uning hududiy boshqarmasi tomonidan uni keyinchalik tegishli hokimliklar va fuqarolarning o‘zini o‘zi boshqarish organlarida ro‘yxatdan o‘tkazish uchun belgilangan tartibda yer uchastkasiga egalik qilish huquqini beruvchi davlat dalolatnomasi beriladi.

8. Turar joylarda yoki ma’muriy binolarda joylashgan savdo va xizmat ko‘rsatish sohasi obyektlari band qilgan yer uchastkalari xususiy mulk qilib sotilmaydi.

9. Yer uchastkalariga tabaqalashtirilgan boshlang‘ich (dastlabki) narxlarni belgilash maqsadida bu uchastkalar qayerda joylashganligiga, muhandislik kommunikatsiyalari bilan ta’minlanganligiga, arxitektura va boshqa xususiyatlariga bog‘liq ravishda tegishli shaharlar va tumanlar hokimliklarning qarorlari bilan mintaqalar hududi quyidagi zonalarga bo‘linadi:

Toshkent shahrida — 14 zonaga;

viloyat markazlarida hamda aholisi 100 ming kishidan ziyod bo‘lgan shaharlarda — 4 zonaga;

aholisi 100 ming kishidan kam bo‘lgan shaharlarda — 3 zonaga;

shaharchalarda — 2 zonaga.

10. Savdo va xizmat ko‘rsatish sohasi obyektlari yer uchastkalari bilan birgalikda tanlov bo‘yicha va kim oshdi savdosida xususiy mulk qilib sotilayotganda obyektning va yer uchastkasining narxini o‘z ichiga olgan yagona boshlang‘ich narx belgilanadi.

11. Yer maydoni birligining boshlang‘ich narxi Vazirlar Mahkamasining “O‘zbekiston Respublikasining 1994-yilgi budjetining asosiy ko‘rsatkichlari to‘g‘risida” 1993-yil 31-dekabrdagi 615-son qarori (6-ilovaning, 1, 2-jadvallari va 3-jadvalidagi 2-ustun) bilan tasdiqlangan korxonalar, muassasalar, tashkilotlardan olinadigan yer solig‘i stavkasining 50 baravari miqdorida belgilanadi. Boshlang‘ich narxlar jadvallari ilova qilinmoqda.

Bozor sharoitlari o‘zgarishlarini hisobga olgan holda Davlat mulki qo‘mitasi tomonidan Moliya vazirligi bilan kelishgan holda yer maydon birligining boshlang‘ich narxiga oshiruvchi koeffitsiyentlar joriy etilishi mumkin.

Arxitektura yodgorliklariga ega bo‘lgan shaharlarda ularga yaqin joylashgan yer uchastkalarining boshlang‘ich narxi 3 baravar ko‘payadi. Oshirilgan boshlang‘ich narxlar belgilanadigan zonalarning chegaralari tegishli shaharlar hokimliklarining qarorlari bilan tasdiqlanadi.

12. Qoraqalpog‘iston Respublikasi Vazirlar Kengashi Nukus shahri, Qoraqalpog‘iston Respublikasi shaharlari va boshqa aholi yashash joylari bo‘yicha tanlov orqali va kim oshdi savdosida sotiladigan savdo va xizmat ko‘rsatish sohasi obyektlari uchun mo‘ljallangan yer uchastkalarining boshlang‘ich narxini mazkur Nizomga muvofiq belgilangan tartibda aniqlaydi va tasdiqlaydi.

13. Bitishuvlarni yoxud yer uchastkalarini xususiy mulk qilib sotish shartlarini haqiqiy emas deb hisoblash to‘g‘risidagi nizolar tegishli sud tomonidan ko‘rib chiqiladi.

Umumiy foydalanishdagi yerlar (maydonlar, ko‘chalar, tor ko‘chalar, yo‘llar, sohil bo‘ylari, istirohat bog‘lari, skverlar, xiyobonlar, hovuzlar, plyajlar va boshqalar).

Tabiat yodgorliklari, botanika bog‘lari yerlari.

Sog‘lomlashtirish va tarixiy-madaniy maqsadlarga mo‘ljallangan yerlar.

Qishloq xo‘jaligini yuritish, yer osti boyliklaridan foydalanish va ularni qo‘riqlash uchun berilgan yerlar.

Xavfli moddalar bilan zaharlangan va biogen zaharlanishga uchragan yerlar.

Shaharlarni rivojlantirish bosh rejalarida, mukammal rejalashtirish loyihalarida va obyektlarni (savdo va xizmat ko‘rsatish obyektlaridan tashqari) joylashtirish sxemalarida nazarda tutilgan yerlar.

Magistral yo‘llarga tutash yerlar.

Elektr quvvati uzatish liniyalari, kabel liniyalari va podstansiyalar, issiqlik, vodoprovod va kanalizatsiya trassalari hamda gaz quvurlari, umumdavlat aloqa liniyalari uchun ajratilgan yerlar va ulardagi inshootlar.