«Географик объектларнинг номлари тўғрисида» ги Ўзбекистон Республикаси Қонуни ва Ўзбекистон Республикаси Вазирлар Маҳкамасининг 2012 йил 16 октябрдаги 295 сон «Географик объектларнинг номлари тўғрисида»ги Ўзбекистон Республикаси Қонунига мувофиқ географик объектларнинг номлари соҳасидаги ишларни тартибга солиш чора-тадбирлари ҳақида»ги қарори ижросини таъминлаш мақсадида ҳамда «Маҳаллий давлат ҳокимияти тўғрисида»ги Ўзбекистон Республикаси Қонуни 6-моддасига асосан халқ депутатлари Музработ тумани Кенгаши қарор қилади:

1. Географик объектларни номлаш ва қайта номлаш масалалари бўйича Географик объектларга ном бериш ёки уларни қайта номлаш тўғрисидаги таклифларнинг қонун ҳужжатлари талабларига мувофиқлиги ҳақида 2025 йил 18 мартдаги 05-19-4282 сонли эксперт хулосаси маълумот ва ижро учун қабул қилинсин.

2. Тумандаги маҳаллалар кўчаларига ном бериш бўйича рўйхати иловага мувофиқ тасдиқлансин.

3. Туман статистика бўлими (З.Қодиров), туман қурилиш бўлими (Б.Норкелдиев), Давлат кадастрлар палатаси Музработ тумани филиали (Д.Шаймарданов) туман ҳокимлиги билан биргаликда маҳаллалар кўчаларини давлат рўйхатидан ўтказиш ва электрон базани шакллантириш, иш юритиш ҳужжатларига тегишли ўзгартиришлар киритиш билан боғлиқ барча тадбирларни амалга оширсин.

4. Туман ички ишлар бўлими бошлиғи (Ў.Шукуров) янги номланаётган маҳаллалар кўчаларида яшовчи аҳолининг фуқаролик паспортларига, мазкур ҳудуд акс эттирилган белгиларига тегишли ўзгартиришлар киритиш ишларини амалга оширсин.

5. Туман қурилиш бўлими (Б.Норкелдиев) ҳудудларда номлари ўзгартирилган географик объектларга янги номлари ёзилган кўрсаткич ва белгилар, пешлавҳаларни замонавий дизайн асосида босқичма-босқич ўрнатилишини таъминласин.

6. Туман маҳалла ва нуронийларни қўллаб-қувватлаш бўлими (А.Ахмедов)га маҳалла фуқаролар йиғинлари раҳбар-ходимлари билан бир ой муддатда Қонун талаблари асосида номлари тасдиқланган кўчаларни хатлаб чиқилишини;

номлари тасдиқланган кўчаларга белгиланган тартибда кўрсатгич белги ва пешлавҳаларни ўрнатилишини таъминласин.

7. Мазкур қарорни туман ҳокимлиги ахборот хизмати (Ж.Абдурасулов), «Музработ» газетаси таҳририяти (А.Юлдашев)лар туман ҳокимлигининг расмий веб-сайтига жойлаштириш ҳамда оммовий аҳборот воситаларида кенг ёритиш вазифалари юклатилсин.

8. Ушбу қарорнинг ижросини назорат қилиш халқ депутатлари туман Кенгашининг Ижтимоий соҳа, ёшлар сиёсати, маданият ва спорт масалалари бўйича доимий комиссияси (О.Олломурдов), халқ депутатлари туман Кенгашининг Коррупцияга қарши курашиш, давлат органларида очиқликни таъминлаш ва ҳуқуқий масалалар бўйича доимий комиссияси (Б.Курбанов) зиммаларига юклатилсин.

9. Мазкур қарор қабул қилинган кундан эътиборан кучга киради.