T/r

Aniqlangan kamchiliklar

Amalga oshiriladigan chora-tadbirlar

Ijro muddati

Masʼullar

1.

Samarqand viloyatida 2024-yilning 1-yanvar holatiga koʻra faoliyat koʻrsatayotgan tadbirkorlik subyektlarining soni 2023-yilga nisbatan 10,5 mingtaga kamaygan.

Shuningdek, 3 497 ta tadbirkorlik subyekti iqtisodiy qiyinchiliklar sababli oʻz faoliyatini toʻxtatgan. Xususan, 3 197 ta yuridik shaxs faoliyatini tugatish jarayonini boshlagan, 36 ta yuridik shaxs mahsulotini realizatsiya qila olmayapti, 9 ta yuridik shaxs xomashyo mahsulotlarini topishda muammolar mavjudligi sababli faoliyat koʻrsatmayapti.

1. Faoliyat koʻrsatmayotgan tadbirkorlar masalalarini oʻrganish boʻyicha viloyat hokimining birinchi oʻrinbosari boshchiligida Ishchi guruh tashkil etish.

2024-yil avgust

Savdo-sanoat palatasi,

Davlat soliq qoʻmitasi,

Mahallabay ishlash va tadbirkorlikni rivojlantirish agentligi,

Samarqand viloyati hokimligi

2. Ishchi guruh tomonidan hudud va tarmoqlar kesimida tahlil qilish, muammolarini aniqlash va faoliyatini davom ettirishga toʻsiq boʻlayotgan holatlarni bartaraf etish choralarini koʻrish.

2024-yil avgust-sentyabr

3. Hududlardagi hokim yordamchilari va Savdo-sanoat palatasi xodimlari faoliyatini toʻxtatayotgan korxona va tashkilotlar muammolari bilan ishlash va yechimi boʻyicha tuman (shahar) hokimlariga taklif kiritish.

2024-yil davomida

2.

Viloyatda tahlillarga koʻra 13 218 ta tovar aylanmasi “nol” koʻrsatgan korxonalarning 1 136 tasida 46,2 mlrd soʻmlik tovar aylanmasi aniqlangan. Jumladan, Samarqand shahrida 181 ta korxonada 13,8 mlrd soʻm, Samarqand tumanida 111 ta korxonada 4,6 mlrd soʻm, Pastdargʻom tumanida 89 ta korxonada 4.1 mlrd soʻm, Urgut tumanida 85 ta korxonada 3,8 mlrd soʻm tovar aylanmasi amalga oshirilgan.

Shuningdek, 6 269 ta ishchi sonini umuman koʻrsatmagan korxonalarning 322 tasida jami 518 nafar nolegal ishchi mavjud boʻlib, ulardan bir yilda kamida 800 mln soʻm daromad soligʻi yoʻqotilgan.

1. Tovar aylanmasini “nol” koʻrsatgan va ishchi sonini koʻrsatmagan korxonalarni soliq organlari tomonidan kameral nazoratdan oʻtkazish hamda zarur hollarda joyiga chiqqan holda tahlil etish.

2024-yil iyul-avgust

Soliq qoʻmitasi,

Savdo-sanoat palatasi,

Samarqand viloyati hokimligi

2. Kameral nazorat va tahlil natijasida aniqlangan tovar aylanmasi va haqiqiy ishchilar sonidan kelib chiqib, tadbirkorlarga taqdimnomalar kiritish.

2024-yil sentyabr

3. Hududlardagi hokim yordamchilari va Savdo-sanoat palatasi xodimlari tomonidan korxona va tashkilotlar muammolari bilan ishlash va yechimi boʻyicha tuman (shahar) hokimlariga taklif kiritish.

2024-yil sentyabr — dekabr

4. Soliq organlari tomonidan qayta hisobotlarni qabul qilinishini taʼminlash.

2024-yil davomida

3.

2023-yilda hokim yordamchilarining eng muhim samaradorlik koʻrsatkichlari (KPI) boʻyicha viloyatning oʻrtacha koʻrsatkichi 77 ballni (100 baldan) tashkil etib, bunda Jomboy (70.8 bal) va Kattaqoʻrgʻon tumanlarida (73 bal) tumani eng past natijalarni qayt etgan.

Viloyatda 87 ta mahallada hokim yordamchilarining faoliyati qoniqarsiz deb topilgan, jumladan Samarqand shahrida 18 ta, Urgut, Kattaqoʻrgʻon tumanlarida 14 tadan, Pastdargʻom tumanida 11 ta va Payariq, Toyloq tumanlarida 6 tadan hokim yordamchilari oʻz ishiga masʼuliyatsizlik bilan yondashib, yetarli darajada ish tashkil etilmagan.

1. Past natija qayt etgan hokim yordamchilari faoliyatini tahlil qilish.

2024-yil avgust

Mahallabay ishlash va tadbirkorlikni rivojlantirish agentligi,

Samarqand viloyati hokimligi

2. Tahlil natijalari yuzasidan hokim yordamchilarining faoliyatidagi muammolarni bartaraf etish, ularning doimiy bilim va koʻnikmalarini oshirib borish.

2024-yil har chorakda

4.

Oilaviy tadbirkorlik dasturi doirasida hokim yordamchilari tavsiyasi asosida ajratilgan 1,5 trln soʻmlik kreditning 72,3 mlrd soʻmi (4,9 foiz) muammoli kreditga aylangan.

Muammoli kreditlar ulushi boʻyicha eng koʻpi Ishtixon tumanida 11,8 mlrd soʻmni, Kattaqoʻrgʻon. Payariq va Paxtachi tumanlarida 6 mlrd soʻmdan ortigʻini va Kattaqoʻrgʻon shahrida 5,1 mlrd soʻmni tashkil etgan.

Hokim yordamchilari tomonidan oilaviy tadbirkorlik uchun kredit ajratishni soʻrab qilgan murojaatlarni koʻrib chiqishda belgilangan muddatlari buzilgan.

1. Tuman (shahar) va tijorat banklari kesimida “Oilaviy tadbirkorlikni rivojlantirish” dasturi doirasida vujudga kelgan muammoli kreditlarni qisqartirish grafigini ishlab chiqish.

2024-yil avgust

Markaziy bank,

Tijorat bank rahbarlari,

Mahallabay ishlash va tadbirkorlikni rivojlantirish agentligi,

Samarqand viloyati hokimligi

2. Oilaviy tadbirkorlikni rivojlantirish dasturi doirasida ajratilgan kreditlar maqsadliligi va qaytishi boʻyicha vakolatli tijorat banklaridan mahallalarga biriktirilgan masʼul xodimlar va hokim yordamchilari tomonidan oʻrganish olib borish va tuman (shahar) hokimlariga muntazam axborot kiritish.

2024-yil davomida

3. Muammoli kreditlarning belgilangan muddatlarda soʻndirilishi taʼminlanmagan holatlar yuzasidan tegishli chora koʻrish uchun huquqni muhofaza qiluvchi idoralarga materiallar yuborish.

2024-yil davomida aniqlangan holat boʻyicha

5.

“Tadbirkorlarni manfaatli hamkorlik asosida kambagʻallikka qarshi kurashish jarayonlariga jalb qilish boʻyicha joriy qilingan “20 ming tadbirkor — 500 ming malakali mutaxassis” dasturiga koʻra tegishliligi boʻyicha hokim yordamchisi hamda Kambagʻallikni qisqartirish va bandlik vazirligi xodimi tadbirkor tomonidan amalga oshirilishi rejalashtirilgan loyihani joyiga chiqqan holda 5 kun muddatda oʻrganib, natijalari boʻyicha taklifi va fotosuratlarini “Hamkor tadbirkor” axborot tizimiga kiritishi belgilangan. Biroq 35 tadbirkorning arizasi muddati oʻtgan boʻlishiga qaramasdan koʻrib chiqilmagan.

1. Mahallabay ishlash va tadbirkorlikni rivojlantirish agentligi va hokim yordamchilar tomonidan tadbirkorlarning koʻrib chiqilmagan arizalari yuzasidan qisqa muddatda xulosa berilishini taʼminlash.

2024-yil avgust

Tadbirkorlik subyektlarining huquqlari va qonuniy manfaatlarini himoya qilish boʻyicha vakil,

Savdo-sanoat palatasi,

Kambagʻallikni qisqartirish va bandlik vazirligi,

Iqtisodiyot va moliya vazirligi,

Adliya vazirligi

2. Savdo-sanoat palatasining “Hamkor tadbirkor” elektron dasturi orqali tadbirkorlar tomonidan berilgan arizalar kelib tushgandan soʻng hokim yordamchilari tomonidan oʻz vaqtida xulosalar berilishini nazoratga olish.

2024-yil sentyabr

3. Adliya organlarining huquqiy xulosasi bilan qaytarilgan “hamkorlik shartnomasi” loyihasini qayta ishlab chiqib kiritish.

2024-yil oktyabr

4. Vakolatli organ yoki hokim yordamchilari tomonidan “hamkorlik shartnomasi” loyihasining Adliya organlariga oʻz vaqtida taqdim etilishini taʼminlash.

belgilangan muddatda

5. Adliya vazirligi yoki uning hududiy boʻlinmalaridan huquqiy ekspertiza natijalari yuzasidan ijobiy xulosa berilgan taqdirda, “hamkorlik shartnomasi” loyihasi taraflarga imzolash uchun yuborilishini nazoratga olish.

belgilangan muddatda

6.

Viloyatda hokim yordamchilari tomonidan 2023-yilda Oʻzbekiston Respublikasi Prezidentining 2022-yil 18-martdagi PQ-168-sonli qarori talablari asosida tadbirkorlik maqsadida 61 ta davlat mulki savdoga hamda 90 ta davlat mulkini ijaraga berish uchun elektron onlayn-auksion chiqarilgan boʻlsa-da. Davlat aktivlarini boshqarish agentligi tomonidan 14 ta savdoga va 15 ta ijaraga chiqarilgan davlat mulklari asossiz ravishda rad etilgan.

1. Er maydonlaridan uzoq muddat foydalanish huquqini auksionga quyish uchun materiallarni tayyorlash.

2024-yil avgust

Davlat aktivlarini boshqarish agentligi,

Samarqand viloyati hokimligi,

Payariq, Ishtixon, Kattaqoʻrgʻon, Pastdargʻom, Paxtachi, Samarqand, Bulungʻur, Narpay, Nurobod, Oqdaryo, Toyloq tuman hokimligi

2. “Elektron onlayn-auksionlarni tashkil etish markazi” DUKga buyurtma topshirish.

2024-yil sentyabr

3. Elektron onlayn-auksion savdolari natijasi yuzasidan davlat aktivlarini belgilangan tartibda rasmiylashtirish.

auksion natijasi boʻyicha

7.

Viloyatda agrar sohada aholini band qilish orqali uning daromadini koʻpaytirishga qaratilgan ishlarga toʻliq eʼtibor berilmagan. Jumladan, Qishloq xoʻjaligi vazirligi “Oʻzdaverloyiha” davlat ilmiy-loyihalash institutining Samarqand filiali tomonidan 70 ta mahallada 38 ta holatda suv taʼminoti muammoli boʻlgan 154 gektar yer maydoni auksionga chiqarilgan, natijada mazkur yer maydonlari uzoq muddatdan beri sotilmasdan qolgan.

1. Qishloq xoʻjaligi vazirligining “Oʻzdaverloyiha” davlat ilmiy-loyihalash instituti Samarqand filiali tomonidan aholi dehqon xoʻjaligi bilan shugʻullanishi uchun yashash punktlariga yaqin va suv taʼminoti yaxshi boʻlgan hududdan yer maydonlarini aniqlash.

2024-yil avgust

Davlat aktivlarini boshqarish agentligi,

Samarqand viloyat hokimligi,

Qishloq xoʻjaligi vazirligi

2. Er maydonlaridan uzoq muddat foydalanish huquqini auksionga quyish uchun materiallarni tayyorlash.

2024-yil sentyabr

3. “Elektron onlayn-auksionlarni tashkil etish markazi” DUKga buyurtma topshirish.

2024-yil oktyabr

4. Elektron onlayn-auksion savdolari natijasi boʻyicha gʻolib boʻlgan talabgorga belgilangan tartibda hujjatlar rasmiylashtirishini taʼminlash.

auksion natijasi boʻyicha

8.

Viloyat shahar va tumanlarining markaziy hududlaridan jami uzunligi 312,5 km boʻlgan 16 ta kanal oʻtgan boʻlib, 52 km qismida xizmat koʻrsatish obyektini joylashtirish imkoniyati bor.

Jumladan, Kattaqoʻrgʻon shahar markazidan oʻtgan Narpay kanalining 1,1 km qismida, Paxtachi tumanidan oʻtgan Narpay kanalining 5 km qismida, Kattaqoʻrgʻon tumanida “Kattaqoʻrgʻon kirish kanalining 1,5 km qismida xizmat koʻrsatish va dam olish obyektlarini joylashtirish imkoniyati mavjud.

1. Viloyatning Kattaqoʻrgʻon shahri va Paxtachi tumanidan oʻtgan Narpay kanalini hamda Kattaqoʻrgʻon tumanida “Kattaqoʻrgʻon kirish kanali”ning qirgʻoqlarida xizmat koʻrsatish obyektini joylashtirish masalasini belgilangan tartibda oʻrganib chiqish.

2024-yil avgust

Samarqand viloyat hokimligi,

Suv xoʻjaligi vazirligi,

Kambagʻallikni qisqartirish va bandlik vazirligi,

Savdo-sanoat pal�tasi

2. Oʻrganish natijalari yuzasidan tegishli idoralarining xulosa va takliflarini olish.

2024-yil sentyabr

3. Er maydonlaridan uzoq muddat foydalanish huquqini auksionga quyish uchun materiallarni tayyorlash.

2024-yil oktyabr

4. “Elektron onlayn-auksionlarni tashkil etish markazi” DUKga buyurtma topshirish.

2024-yil oktyabr

5. Elektron onlayn-auksion savdolari natijasi boʻyicha gʻolib boʻlgan talabgorga belgilangan tartibda hujjatlar rasmiylashtirilishini taʼminlash.

auksion natijasi boʻyicha

9.

“Tadbirkor virtual ofisi” axborot portali orqali kelib tushgan murojaatlarni koʻrib chiqish tartibi va muddati ustidan nazorat oʻrnatilgan boʻlishiga qaramasdan murojaatlarning 22 foizi (205 ta) boʻyicha koʻrib chiqish muddati buzilgan.

1. Tadbirkorlarning murojaatlarda keltirilgan masalalarni joyiga chiqqan holda oʻrganish.

2. Murojaatda keltirilgan muammolarning hal etilishini taʼminlash.

3. Murojaatlarni koʻrib chiqish muddatlarini buzgan masʼul xodimlarga nisbatan taʼsirchan choralar qoʻllash.

2024-yil davomida

Tadbirkorlik subyektlarining huquqlari va qonuniy manfaatlarini himoya qilish boʻyicha vakil,

Savdo-sanoat palatasi

10.

Tadbirkorlik subyektlarini turli xil risklardan (pandemiya, anomal sovuq va boshqa favqulodda sharoitlarda) himoya qilish mexanizmi ishlab chiqilmagan.

1. Tadbirkorlarni favqulodda holatlarda moliyaviy va bozor risklaridan himoya qilishning huquqiy mexanizmini ishlab chiqish uchun ishchi guruhi tashkil etish.

2024-yil avgust

Iqtisodiyot va moliya vazirligi,

Savdo-sanoat palatasi,

Adliya vazirligi

2. Ishchi guruhi tomonidan huquqiy-meʼyoriy hujjat loyihasini ishlab chiqish.

2024-yil sentyabr

3. Tadbirkorlik subyektlarini favqulodda holatlarda moliyaviy va bozor risklaridan himoya qilish borasidagi huquqiy-meʼyoriy loyihani huquqiy xulosa olish uchun Adliya vaz�rligiga kiritish.

2024-yil oktyabr

11.

Hokim yordamchilari tomonidan turizmni rivojlantirish uchun mavjud imkoniyatlarni ishga solishga, shu jumladan qadimiy ziyoratgohlar, mahalliy xalqning shakllangan oʻziga xos anʼanalari, dam olish joylari, koʻngilochar maskanlar va boshqa yoʻnalishlar boʻyicha takliflarini (rasmlar, videolavhalar va boshqalar) “online-mahalla.uz” elektron platformasi orqali Turizm qoʻmitasiga yuborish imkoniyatli mavjud emas.

1. Mahallabay ishlash markazi va mahalla fuqarolar yigʻini faoliyatini oʻzaro bogʻliq holda raqamlashtirishni nazarda tutuvchi, amaliyotga joriy qilingan “online-mahalla.uz” elektron platformasiga Turizm qoʻmitasi maʼlumotlar bazasini integratsiya qilish yuzasidan texnik topshiriq ishlab chiqish va uni ishga tushirish.

2024-yil sentyabr

Mahallabay ishlash va tadbirkorlikni rivojlantirish agentligi,

Turizm qoʻmitasi

2. Hokim yordamchilari biriktirilgan mahallasidagi turizmni rivojlantirish uchun mavjud imkoniyatlar, qadimiy ziyoratgohlar, mahalliy xalqning shakllangan oʻziga xos anʼanalari, dam olish joylari, koʻngilochar maskanlar va boshqa yoʻnalishlar boʻyicha takliflarini (rasmlar, videolavhalar va boshqalar) online-mahalla.uz elektron platformasi orqali Turizm qoʻmitasiga yuborilishini taʼminlash.

doimiy

3. Turizm qoʻmitasi tomonidan joylarda tashqi va ichki turizmni rivojlantirish boʻyicha takliflarni oʻrganib, samarali va aholi bandligini taʼminlash boʻyicha ijobiy baholangan loyihalarni hokim yordamchilari bilan hamkorlikda amalga oshirish.

doimiy