1.

Lavozimi bo‘yicha

—

Hisob palatasi raisi, Hay’at raisi

2.

M.R. Abdullayev

—

Hisob palatasi raisining birinchi o‘rinbosari

3.

A.V. Allaberganov

—

Hisob palatasi raisi o‘rinbosari

4.

S.A. Mirzayev

—

Hisob palatasi raisi o‘rinbosari

5.

Q.B. Erimetov

—

Davlat moliyaviy nazorati organlari va ichki audit xizmatlari faoliyatini muvofiqlashtirish hamda tashqi audit metodologiyasi sho‘basi mudiri

6.

U.M. Aripov

—

Mudofaa majmui va huquq-tartibot organlari xarajatlarini audit qilish sho‘basi mudiri

7.

J.M. Bekmurodov

—

Davlat tomonidan mablag‘ jalb qilish hisobidan amalga oshiriladigan loyihalarni audit qilish sho‘basi mudiri

8.

N.Q. Imonqulov

—

Respublika budjetining shakllantirilishi va xarajatlarining ijrosini audit qilish sho‘basi mudiri

9.

A.S. Soliyev

—

Davlat moliyaviy nazorati organlari va ichki audit xizmatlarining idoralararo masofaviy nazorat markazi rahbari

10.

S.I. Xasanov

—

Huquqiy ta’minot va xalqaro aloqalar sho‘basi mudiri

11.

J.J. Qurbonov

—

Tashkiliy-nazorat va axborot-tahlil sho‘basi mudiri, Hay’at kotibi

T/r

Tadbir nomi

Amalga oshirish mexanizmi

Amalga oshirish shakli

Ijro muddati

Mas’ullar

I. Davlat moliyaviy nazorati organlarining faoliyatini tartibga solish

1.

Hisob palatasi va ichki audit faoliyatining samaradorligini oshirish.

1. Masofaviy nazorat markazi taqdim etgan xavf tahlillariga asosan nazorat tadbirlari o‘tkazish tartibini belgilash.

Normativ-huquqiy hujjat

2024-yil oktabr

Hisob palatasi, manfaatdor vazirlik va idoralar

2. Davlat moliyaviy nazorati organlari, ichki audit xizmatlari nazorat tadbirlarining yillik rejalarini Hisob palatasi bilan kelishishni to‘liq “Davlat auditi” dasturiy kompleksi bilan qamrab olish.

Tashkiliy-chora-tadbirlar

2024-yil avgust

Hisob palatasi, manfaatdor vazirlik va idoralar

3. “KPI” reyting tizimi orqali xodimlar faoliyati samaradorligini baholash amaliyotini ichki audit xizmatlari xodimlari uchun tatbiq etish. Bunda reyting natijalari bo‘yicha xodimlarning budjet qonunchiligi buzilishining oldini olish ko‘rsatkichlari asosida tegishli vazirlik va idoralarning budjetdan tashqari mablag‘lari hisobidan rag‘batlantirishga tavsiyalar berib borish.

Masofaviy nazorat o‘tkazishda samaradorligi yuqori bo‘lgan ichki audit xizmatlari xodimlarini moddiy rag‘batlantirish, egallab turgan lavozimini oshirish yoki yuqori turuvchi nazorat organiga ishga o‘tish masalalarini ko‘rib chiqish mexanizmini joriy etish.

Idoraviy normativ-huquqiy hujjat

2024-yil noyabr

Iqtisodiyot va moliya vazirligi, manfaatdor vazirlik va idoralar

4. Hisob palatasi tomonidan o‘tkaziladigan nazorat tadbirlari jarayonida nazorat obyektining ichki audit xizmati tomonidan o‘tkazilgan audit tadbirlari sifatini baholash tartibini ishlab chiqish.

Hisob palatasi raisining buyrug‘i

2024-yil sentabr

Hisob palatasi

2.

Ichki audit va ichki nazorat bo‘yicha huquqiy asoslarni yaratish.

Davlat sektorida ichki nazorat tizimini yanada takomillashtirish konsepsiyasini ishlab chiqish.

Normativ-huquqiy hujjat

2025-yil fevral

Iqtisodiyot va moliya vazirligi,

Hisob palatasi,

manfaatdor vazirlik va idoralar

3.

“Davlat auditi” dasturiy kompleksini yanada takomillashtirish.

Hisob palatasi, Davlat moliyaviy nazorati inspeksiyasi, ichki audit xizmatlari faoliyati ehtiyojlaridan kelib chiqib, “Davlat auditi” dasturiy kompleksini yanada takomillashtirib borish.

Davlat moliyaviy nazorat organlari va ichki audit xizmatlari tomonidan O‘zbekiston Respublikasi Hisob palatasining “Davlat auditi” dasturiy kompleksidan foydalanish tartibini belgilash.

Texnik topshiriq va yechimlar



Idoraviy normativ-huquqiy hujjat

Doimiy






2025-yil sentabr

Hisob palatasi, Raqamli texnologiyalar vazirligi, manfaatdor vazirlik va idoralar

Hisob palatasi, Adliya vazirligi

4.

Masofaviy nazorat markazining faoliyatini samarali tashkil etish.

1. Masofaviy nazorat markazining faoliyatini tashkil etish uchun zaruriy dasturiy ta’minotlarni yaratish, dasturlarni takomillashtirish va axborot xavfsizligini ta’minlash.

Chora-tadbirlar rejasi

2024-yil sentabr

Hisob palatasi,

Raqamli texnologiyalar vazirligi,

manfaatdor vazirlik va idoralar

2. Masofaviy nazorat markazida dasturiy ta’minotlarni yaratish, ular bilan ishlash va takomillashtirib borish hamda katta hajmdagi ma’lumotlar bazalari bilan ishlash ko‘nikmalariga ega bo‘lgan yuqori malakali mutaxassislarni jalb etish.

Bunda masofaviy nazorat dasturiy ta’minotlarini yaratish hamda takomillashtirish bilan bog‘liq xarajatlar Raqamli texnologiyalarni rivojlantirish jamg‘armasi hisobidan amalga oshiriladi.

Amaliy chora-tadbirlar

2024-yil oktabr

5.

Davlat moliyaviy nazorati organlari va ichki audit xizmatlari xodimlarining malakasini oshirish.

1. Moliya organlari va budjet tashkilotlarining moliya-hisob bo‘linmalari xodimlarini tayyorlash va qayta tayyorlash o‘quv markazida davlat moliyaviy nazorati organlari va ichki audit xizmatlari xodimlarining malaka oshirish kurslariga sohaning malakali va amaliyotchi mutaxassislarini jalb qilish.

Tashkiliy-chora-tadbirlar

Doimiy

Iqtisodiyot va moliya vazirligi,

Hisob palatasi,

Iqtisodiy jinoyatlarga qarshi kurashish departamenti,

manfaatdor vazirlik va idoralar

2. Davlat moliyaviy nazorati organlari va ichki audit xizmatlari xodimlarining malakasini oshirish bo‘yicha o‘quv dasturlari hamda qo‘llanmalarni milliy qonunchilik va xalqaro amaliyotdan kelib chiqqan holda takomillashtirish.

Tashkiliy-chora-tadbirlar

2025-yil yanvar

3. Davlat moliyaviy nazorati organlari va ichki audit xizmatlari xodimlarining malakasini oshirish kurslarini tashkil etish.

Har ikki yilda kamida bir marotaba

4. Mahalliy, xorijiy va xalqaro ekspert va mutaxassislar ishtirokida davlat moliyaviy nazorati va ichki audit tadbirlari doirasida mahorat darslari, treninglar va malaka oshirish kurslari, shuningdek, ilmiy-amaliy konferensiya va seminarlar o‘tkazish.

Bunda davlat moliyaviy nazorati organlari va ichki audit xizmatlari xodimlarining moliyaviy va boshqa xavf (risk)larni aniqlash, baholash hamda boshqarish bo‘yicha savodxonligini oshirishga alohida e’tibor qaratish.

Doimiy

5. Davlat moliyaviy nazorati organlari va ichki audit xizmatlari xodimlarini qayta tayyorlash maqsadida ilg‘or xorijiy davlatlarga malaka oshirish uchun yuborish.

Tashkiliy-chora-tadbirlar

Doimiy

6.

Hisob palatasining tegishli sho‘ba hamda markazlari faoliyatini yo‘lga qo‘yish.

1. Sho‘balar va markazlar faoliyatini tashkil etish to‘g‘risidagi nizomlarni tasdiqlash.

Bunda Masofaviy nazorat markazi va Tadqiqot markazining rahbarlari hamda xodimlari mehnatga haq to‘lash, tibbiy xizmat va transport ta’minoti sharoitlari bo‘yicha Hisob palatasining sho‘ba mudiri va tegishli xodimlariga tenglashtiriladi.

Idoraviy hujjat

2024-yil Avgust

Hisob palatasi

2. Sho‘balar va markazlarni malakali mutaxassislar bilan to‘ldirish.

Amaliy chora-tadbirlar

2024-yilning III choragi

Hisob palatasi

3. Sho‘balar va markazlar faoliyatini samarali tashkil etish maqsadida ularning moddiy-texnik bazasini yaxshilash va zamonaviy kompyuter texnikalari bilan ta’minlash.

Tashkiliy chora-tadbirlar

2024-yil avgust

Hisob palatasi,

Iqtisodiyot va moliya vazirligi

4. Davlat moliyaviy nazorati organlari va ichki audit xizmatlari idoralararo masofaviy nazorat dasturiy ta’minotlarini yaratish. Shu jumladan:

katta hajmdagi ma’lumotlar bazalari bilan ishlash ko‘nikmalariga ega bo‘lgan malakali mutaxassislar va dastur yaratuvchilarni jalb etish;

Tashkiliy chora-tadbirlar

Doimiy

Hisob palatasi,

Raqamli texnologiyalar vazirligi

“Masofaviy audit” AATning davlat organlari va tashkilotlarining ma’lumotlar bazalarini o‘zaro solishtirish orqali qonun buzilish holatlarini aniqlash modullarini takomillashtirish.

Qo‘shimcha texnik topshiriq

5. Masofaviy nazorat markazining davlat organlari va tashkilotlari bilan axborot almashish tartibini ishlab chiqish.

Kelishuv bo‘yicha idoraviy hujjat

2024-yil sentabr

Hisob palatasi, manfaatdor vazirlik va idoralar

7.

Hisob palatasining Hay’ati faoliyat yuritishi uchun huquqiy asoslarni yaratish.

Hisob palatasining Hay’ati maqomini belgilash, uni tuzish, faoliyatini tashkil etish va vazifalarini qonun darajasida belgilash.

Qonun loyihasi

2025-yil sentabr

Hisob palatasi, manfaatdor vazirlik va idoralar

8.

Hisob palatasiga ishga qabul qilishda buxgalter hamda (yoki) auditorlik yoxud huquq bo‘yicha milliy va (yoki) xalqaro malaka sertifikatlariga ega bo‘lgan shaxslarga ustuvorlik berish tartibini joriy etish.

Hisob palatasining sho‘ba mudirlari, bosh inspektorlari, yetakchi inspektorlari va inspektorlari lavozimlariga ishga qabul qilishda buxgalter hamda (yoki) auditor yoxud yurist milliy va (yoki) xalqaro malaka sertifikatlariga ega bo‘lgan shaxslarga ustuvorlik berishni qonunchilikda belgilash.

Qonun loyihasi

2025-yil iyun

Hisob palatasi, manfaatdor vazirlik va idoralar

II. Davlat moliyaviy nazorati bo‘yicha yangi mexanizmlarni joriy etish

9.

Strategik audit va axborot texnologiyalari auditi standartlarini ishlab chiqib, tasdiqlash.

Hisob palatasi davlat tashqi auditining xalqaro standartlari asosida strategik audit va axborot texnologiyalari auditini o‘tkazish bo‘yicha tartib-taomillarni tasdiqlash.

Hisob palatasi raisining buyrug‘i

2024-yil dekabr

Hisob palatasi,

manfaatdor vazirlik va idoralar

10.

Hisob palatasining Masofaviy nazorat markazi tomonidan aniqlangan xavflarni tezkorlik bilan bartaraf etish choralarini ko‘rish.

Aniqlangan xavflarni bartaraf etish va yangi mavjud xavflarni aniqlash bo‘yicha takliflar berib borish maqsadida Hisob palatasi, Iqtisodiy jinoyatlarga qarshi kurashish departamenti va ichki audit tuzilmalarida ishchi guruhlar tashkil etish.

Ishchi guruhlarni shakllantirish, ularning vazifalari, funksiyalari, huquqlari, majburiyatlari, javobgarligi hamda faoliyatini tashkil etish tartibini belgilash.

Qo‘shma buyruq loyihasi

Doimiy

Hisob palatasi,

Iqtisodiy jinoyatlarga qarshi kurashish departamenti,

Iqtisodiyot va moliya vazirligi,

manfaatdor vazirlik va idoralar

11.

Markazlashgan manbalar hisobidan amalga oshiriladigan qurilish loyihalarini tahlil qilish imkoniyatlarini oshirish.

Hisob palatasining “Masofaviy audit” AATga “Kapital qo‘yilmalar” avtomatlashtirilgan axborot tizimini integratsiya qilish.

Qo‘shimcha texnik topshiriq

2024-yil avgust

Iqtisodiyot va moliya vazirligi,

Hisob palatasi,

Soliq qo‘mitasi

12.

Moliyaviy va boshqa xavf (risk)larning barvaqt oldi olinishini ta’minlash.

1. Quyidagilarni nazarda tutuvchi normativ-huquqiy hujjat loyihasini ishlab chiqish va Vazirlar Mahkamasiga kiritish:

Qoraqalpog‘iston Respublikasi Vazirlar Kengashi, viloyatlar va Toshkent shahri hokimliklari, vazirlik va idoralar, ustav fondida (ustav kapitalida) davlat ulushi 50 foiz va undan ortiq bo‘lgan tashkilotlar faoliyatidagi moliyaviy va boshqa xavflarni aniqlash, baholash va boshqarish tartibi;

Xavflarni boshqarish qo‘mitasi to‘g‘risida namunaviy nizom;

Xavflarni boshqarish qo‘mitalari a’zolarining xavflarni aniqlash, baholash va boshqarish bo‘yicha malakasini oshirish ishlarini tashkil etish.

Normativ-huquqiy hujjat

2024-yil dekabr

Iqtisodiyot va moliya vazirligi,

Hisob palatasi, manfaatdor vazirlik va idoralar

2. Qoraqalpog‘iston Respublikasi Vazirlar Kengashi, viloyatlar va Toshkent shahri hokimliklari, vazirlik va idoralar, shu jumladan, ustav fondida (ustav kapitalida) davlat ulushi 50 foiz va undan ortiq tashkilotlarning birinchi rahbarlari boshchiligida kollegial asosda ishlaydigan Xavflarni boshqarish qo‘mitalari faoliyatini yo‘lga qo‘yish.

Tashkiliy chora-tadbirlar

2025-yil mart

Xavflarni boshqarish qo‘mitalari tashkil etilishi belgilanayotgan Qoraqalpog‘iston Respublikasi Vazirlar Kengashi, viloyatlar va Toshkent shahri hokimliklari, vazirlik va idoralar, ustav fondida (ustav kapitalida) davlat ulushi 50 foiz va undan ortiq bo‘lgan tashkilotlar

13.

O‘zbekiston Respublikasi konsolidatsiyalashgan budjetining tarkibiga kiruvchi barcha manbalarni tashqi auditdan o‘tkazishni ta’minlash.

1. Vazirlar Mahkamasi tomonidan O‘zbekiston Respublikasining konsolidatsiyalashgan budjeti ijrosi to‘g‘risidagi yillik hisobotni Hisob palatasiga tashqi audit o‘tkazish va baholash uchun taqdim etish shakllari belgilash.

2. O‘zbekiston Respublikasining konsolidatsiyalashgan budjeti ijrosi to‘g‘risidagi yillik hisobotni tashqi auditdan o‘tkazish uchun taqdim etish muddatini hisobot yilidan keyingi yilning 5-mart sanasigacha qadar etib belgilash yuzasidan qonunchilikka o‘zgartirish kiritish.

Qonun loyihasi

2025-yil yanvar

Iqtisodiyot va moliya vazirligi,

Hisob palatasi, manfaatdor vazirlik va idoralar

III. G‘aznachilik bo‘linmalari faoliyatini yanada takomillashtirish, ularning budjet tizimi budjetlari mablag‘larining sarflanishi ustidan joriy nazoratni kuchaytirish

14.

G‘aznachilikning vakolatlari, funksiya va vazifalarini qayta ko‘rib chiqish, shu jumladan tizim xodimlarining vakolatini kengaytirish va javobgarligini oshirish.

G‘aznachilik faoliyati bo‘yicha amaldagi qonunchilikni yanada takomillashtirish, xususan:

g‘aznachilik bo‘yicha amaldagi barcha me’yoriy hujjatlarni jamlash va tizimlashtirish;

g‘aznachilik bo‘yicha xalqaro tajribani o‘rganish;

g‘aznachilikning aniq maqsad va vazifalari, dastlabki va joriy nazorat hamda Davlat budjetining g‘azna ijrosi sohasidagi vakolat va javobgarligini belgilash;

g‘aznachilik bo‘linmalarining joriy nazorat bo‘yicha vakolatlarini kengaytirish orqali qonunbuzilish holatlarining oldini olish tizimini tatbiq qilish;

bevosita respublika idoralari budjetlari orqali moliyalashtiriladigan obyektlar bo‘yicha xarajatlarni bosqichma-bosqich tuman (shahar) g‘aznachilik bo‘linmalari orqali qamrab olish orqali joriy nazoratni kuchaytirish bo‘yicha taklif ishlab chiqish.

Normativ-huquqiy hujjat

2024-yil oktabr

Iqtisodiyot va moliya vazirligi,

Hisob palatasi

15.

G‘aznachilik bo‘linmalarining joriy nazorat tizimini yanada kuchaytirish.

G‘aznachilik tizimiga yuklatilgan vazifalar ijrosini o‘rganish, uning mas’uliyati hamda javobgarligini yanada oshirish.

Bunda:

1) davlat xaridlari doirasidagi shartnomalarni ro‘yxatdan o‘tkazishda xavflarni o‘rganish va bunday xavflar o‘z tasdig‘ini topgan holatlarda ularning oldini olish bo‘yicha choralar ko‘rish;

zamonaviy axborot texnologiyalardan foydalangan holda Hisob palatasi va G‘aznachilik xizmati qo‘mitasi o‘rtasida ma’lumotlar almashinuvi orqali aniqlangan xavflarni elektron shaklda yuborish va ko‘rilgan choralar to‘g‘risida javob olish tizimini yo‘lga qo‘yish;

Qo‘shma qaror

2024-yil noyabr

Iqtisodiyot va moliya vazirligi,

Hisob palatasi

2) rivojlangan davlatlar tajribasini chuqur tahlil qilgan holda G‘aznachilik xizmati qo‘mitasi va uning bo‘linmalariga davlat xaridlari to‘g‘risidagi qonunchilikni buzish holatlari yuzasidan ma’muriy bayonnoma tuzish huquqini berish masalasini ko‘rib chiqish;

Tahliliy axborot

2024-yil oktabr

Iqtisodiyot va moliya vazirligi, manfaatdor vazirlik va idoralar

3) G‘aznachilik xizmati qo‘mitasi va uning bo‘linmalari tomonidan:

davlat xaridlari sohasida qonunbuzilish holatlari aniqlangan taqdirda to‘lovlarni vaqtincha to‘xtatish (ish haqi va unga tenglashtirilgan to‘lovlar, shuningdek, qonunchilikda belgilangan kechiktirib bo‘lmaydigan xarajatlar bundan mustasno), shartnomani ro‘yxatdan o‘tkazmasdan qaytarish, uni bekor qilish va qonunbuzilish holatlari mavjudligi to‘g‘risida davlat buyurtmachisiga hamda davlat moliyaviy nazoratini amalga oshiruvchi davlat organlariga xabarnoma yuborish;

moliyaviy operatsiyalarning barcha jarayonlari bo‘yicha shubhali holatlar to‘g‘risida moliyaviy nazorat organlarini uch ish kuni mobaynida xabardor qilish;

jamoatchilik nazorati subyektlari yoki boshqa vakolatli organlardan qonunbuzilish holatlari to‘g‘risida ma’lumotlar kelib tushganda yoki mustaqil ravishda xavf (risk)lar aniqlanganda, vaziyatga aniqlik kiritilgunga qadar to‘lovlarni to‘xtatib turish (qonunchilikda belgilangan kechiktirib bo‘lmaydigan xarajatlar bundan mustasno);

ro‘yxatdan o‘tkazilgan shartnomalar bo‘yicha muddati o‘tgan debitor va kreditor qarzdorliklar hisobini yuritish hamda har chorak yakuni bo‘yicha chorakdan keyingi oyning 10 sanasiga qadar Hisob palatasi va Iqtisodiy jinoyatlarga qarshi kurashish departamentiga taqdim etib borish.

Normativ-huquqiy hujjat

2024-yil dekabr

Iqtisodiyot va moliya vazirligi, manfaatdor vazirlik va idoralar

IV. Davlat xaridlarini amalga oshirishga doir tartib-taomillarni takomillashtirish

16.

Davlat xaridlari natijalariga doir hujjatlarni Maxsus axborot portalida aks ettirish.

1. Davlat buyurtmachilari, shu jumladan korporativ buyurtmachilar tomonidan tuzilgan shartnomalar to‘g‘risidagi ma’lumotlarni Soliq qo‘mitasiga yuborish.

Amaliy chora-tadbirlar

2024-yil oktabr

Iqtisodiyot va moliya vazirligi,

Soliq qo‘mitasi

2. Soliq qo‘mitasining ma’lumotlar bazasidan foydalangan holda real vaqt rejimida davlat buyurtmachilari, shu jumladan korporativ buyurtmachilar tomonidan tuzilgan shartnomalar ijrosi bo‘yicha bajarilgan ishlar to‘g‘risidagi dalolatnomalar va hisob-faktura to‘g‘risidagi ma’lumotlarni maxsus axborot portaliga ma’lumot almashinuvi orqali taqdim etish.

2024-yil noyabr

Soliq qo‘mitasi,

Iqtisodiyot va moliya vazirligi,

Hisob palatasi

3. Maxsus axborot portalida tuzilgan shartnomalar bo‘yicha bajarilgan ishlar bo‘yicha dalolatnomalar va hisob-faktura to‘g‘risidagi ma’lumotlarni aks ettirish imkoniyatini yaratish.

2024-yil dekabr

Iqtisodiyot va moliya vazirligi,

Soliq qo‘mitasi

4. Soliq organlarida hisobi yuritiladigan elektron hisob-fakturalardagi realizatsiya hajmlarini budjet buyurtmachilari tomonidan tuzilgan shartnomalar bo‘yicha amalga oshirilgan to‘lovlar bilan o‘zaro muvofiqligini onlayn solishtirish tizimini joriy qilish.

2025-yil yanvar

Soliq qo‘mitasi,

Iqtisodiyot va moliya vazirligi

17.

Tender bo‘yicha xarid qilish hujjatlari va texnik topshiriqlarni ekspertiza qilish bo‘yicha ma’lumot almashinuvini avtomatlashtirish.

Quyidagi hollarda cheklovlar o‘rnatish:

Iqtisodiyot va moliya vazirligi huzuridagi “Loyihalar va import kontraktlarini kompleks ekspertiza qilish markazi” davlat unitar korxonasidan ekspertizadan o‘tkazilmagan tender bo‘yicha xarid qilish hujjatlari va texnik topshiriqlar yuzasidan qonunchilikka muvofiq xarid qilish tartib-taomillari to‘g‘risidagi e’lonlarni joylashtirishga;

Iqtisodiyot va moliya vazirligi huzuridagi “Loyihalar va import kontraktlarini kompleks ekspertiza qilish markazi” davlat unitar korxonasidan ekspertizadan o‘tkazilmagan to‘g‘ridan-to‘g‘ri shartnomalar va ularga qo‘shimcha kelishuvlarni g‘aznachilik organlarida ro‘yxatdan o‘tkazishga.

Amaliy chora-tadbirlar

2024-yil avgust

Iqtisodiyot va moliya vazirligi

18.

Davlat xaridlarining elektron tizimi orqali to‘g‘ridan-to‘g‘ri shartnomalar asosida davlat xaridlarini to‘liq elektronlashtirish.

Toshkent shahrining Yakkasaroy va Yunusobod tumanlarida joylashgan davlat buyurtmachilari hamda tadbirkorlik subyektlari o‘rtasida tuziladigan to‘g‘ridan-to‘g‘ri shartnomalarni sinov tariqasida elektron tarzda (elektron raqamli imzodan foydalangan holda) tuzish imkoniyatini yaratish (import shartnomalari bundan mustasno).

Keyinchalik mazkur amaliyotni barcha davlat buyurtmachilarida joriy etish.

Amaliy chora-tadbirlar

2024-yil oktabr

Iqtisodiyot va moliya vazirligi,

Hisob palatasi,

“O‘zbekiston respublika tovar-xomashyo birjasi” AJ,

“Xt-Xarid texnologiyalari” AJ,

“Raqamli transformatsiya markazi” MCHJ

19.

Davlat xaridlari bo‘yicha mavjud axborot tizimlarini takomillashtirish.

1. Davlat xaridlari elektron do‘koni, boshlang‘ich narxni pasaytirish uchun o‘tkazilgan auksionlar bo‘yicha tuzilgan shartnomalardagi tovar (ish, xizmat)larni yetkazib berish muddati 90 kunga kechiktirilgan taqdirda davlat xaridlari elektron tizimining operatorlari tomonidan buyurtmachining hisob raqamidan avtomatik tarzda undirilgan mablag‘larni ushbu buyurtmachining hisob raqamlariga (o‘tgan moliya yilida avtomatik tarzda undirilgan budjet mablag‘larini tegishli budjet daromadiga) qaytarish tizimini yo‘lga qo‘yish.

Amaliy chora-tadbirlar

2024-yil noyabr

Iqtisodiyot va moliya vazirligi,

Hisob palatasi,

Bosh prokuratura,

Soliq qo‘mitasi,

Korrupsiyaga qarshi kurashish agentligi, manfaatdor vazirlik va idoralar

2. Ta’minotchilar va budjet buyurtmachilari o‘rtasidagi dastlab tasdiqlangan elektron hisob-fakturalarga o‘zgartirish kiritishni “Davlat moliyasini boshqarish axborot tizimi”da kelishilgandan keyin amalga oshirish tartibini joriy qilish.

3. Xarid qilish tartib-taomillari ishtirokchilari tomonidan davlat xaridlari elektron tizimi operatorlarining elektron tizimlariga kiritiladigan ma’lumotlarni elektron shaklda shakllanishini ta’minlash maqsadida, davlat xaridlari elektron tizimi operatorlarining elektron so‘roviga asosan maxsus axborot portali orqali vazirlik va idoralarning axborot tizimlari (ma’lumotlar bazalari) bilan axborot almashinuvini yo‘lga qo‘yish.

Soliq qo‘mitasi,

Iqtisodiyot va moliya vazirligi,

Hisob palatasi,

manfaatdor vazirlik va idoralar

V. Davlat budjeti mablag‘larini rejalashtirish, ulardan oqilona foydalanish hamda shaffoflikni ta’minlash orqali nazorat mexanizmlarini kuchaytirish

20.

Budjet mablag‘lari hisobiga Hukumatning tegishli qarorlari asosida to‘g‘ridan-to‘g‘ri shartnoma asosida amalga oshirilayotgan kapital qurilishda pudrat tashkilotlarining boshqa xarajatlarini tartibga solish.

Hukumatning tegishli qarorlariga asosan to‘g‘ridan-to‘g‘ri shartnoma asosida amalga oshirilayotgan kapital qurilishda pudrat tashkilotlarining boshqa xarajatlarini respublikada qurilish ishlariga belgilangan o‘rtacha miqdordan oshirib yubormaslik tartibini belgilash.

Normativ-huquqiy hujjat

2024-yil dekabr

Qurilish va uy-joy kommunal xo‘jaligi vazirligi,

Bosh prokuratura,

Iqtisodiyot va moliya vazirligi,

Hisob palatasi

21.

Davlat ishtirokidagi korxonalar tomonidan davlat budjetiga dividendlarni hisoblash hamda undirish masalalarini tartibga solish.

Davlat korxonalari hamda ustav kapitalida 50 foiz va undan ortiq miqdorda davlat ulushi mavjud bo‘lgan yuridik shaxslar (shu jumladan, ularning tarkibiga kiruvchi korxonalar) tomonidan o‘z sof foydasining 50 foizi miqdorida ajratmalar va davlat ulushi bo‘yicha dividendlarni hisoblash, tegishli darajadagi budjetlarga o‘tkazish bo‘yicha aniq muddatlarni, undirish mexanizmini hamda mas’ul organlarni belgilash.

Normativ-huquqiy hujjat

2024-yil dekabr

Davlat aktivlarini boshqarish agentligi,

Soliq qo‘mitasi,

Iqtisodiyot va moliya vazirligi,

Hisob palatasi,

manfaatdor vazirlik va idoralar

22.

Davlat budjeti mablag‘larining sarflanishi bo‘yicha shaffoflikni kuchaytirish hamda mahalliy xalq deputatlari Kengashlari mas’uliyatini oshirish.

1. 2025-yildan boshlab Iqtisodiyot va moliya vazirligi hamda birinchi darajali budjet mablag‘larini taqsimlovchilari tomonidan Davlat budjeti va davlat maqsadli jamg‘armalari hisobidan hududlar, tuman (shahar)larga taqsimlangan mablag‘lar bo‘yicha ma’lumotlarni tegishli xalq deputatlari Kengashlariga taqdim etib borish.

Bunda mahalliy xalq deputatlari Kengashlarining hududlarga Davlat budjeti va davlat maqsadli jamg‘armalaridan ajratilayotgan mablag‘lar bo‘yicha so‘rovi va nazorati yo‘lga qo‘yiladi.

2. Qoraqalpog‘iston Respublikasi budjetining, viloyatlar va Toshkent shahri mahalliy budjetlarining ijrosi to‘g‘risidagi yillik hisobotning tashqi auditi hamda uni baholash natijalari, shuningdek, kelgusi yil uchun tuzilgan budjet loyihasi bo‘yicha Hisob palatasining xulosalarini tegishli xalq deputatlari Kengashlarining majlislarida Hisob palatasi mas’ullari ishtirokida muhokama qilish.

Normativ-huquqiy hujjat

2024-yil dekabr

Iqtisodiyot va moliya vazirligi,

Hisob palatasi

23.

Budjet tizimi budjetlari xarajatlari shaffofligini yanada oshirish. Bunda vazirlik va idoralarning rivojlantirish jamg‘armalari hamda qurilish-montaj ishlari xarajatlarining jamoatchilikka ochiqligini oshirish.

Budjet tizimi budjetlari mablag‘lari hisobidan amalga oshirilayotgan xarajatlar smetasi, sarflangan mablag‘lar, shartnomalar (mol yetkazib beruvchilar) hamda qabul qilingan tovarlar va xizmatlarni vazirlik va idoralarning rasmiy veb-saytlarida e’lon qilish tizimini takomillashtirish.

Normativ-huquqiy hujjat

2025-yil mart 

Iqtisodiyot va moliya vazirligi,

Hisob palatasi, manfaatdor vazirlik va idoralar

24.

Davlat budjetining ijrosi to‘g‘risidagi hisobotlarni takomillashtirish.

Quyidagilarni nazarda tutuvchi tartibni qonunchilikda belgilash:

1. Davlat budjetining ijrosi to‘g‘risidagi hisobot turlarini kengaytirish;

2. Davlat budjeti va davlat maqsadli jamg‘armalari budjetlari ijrosi to‘g‘risidagi yillik hisobotni tashqi auditdan o‘tkazish va Oliy Majlis Qonunchilik palatasiga taqdim etish muddatlarini qayta ko‘rib chiqish;

3. Oliy Majlis Qonunchilik palatasiga Davlat budjetining ijrosi to‘g‘risidagi hisobotlarni har olti oy (yarim yillik va yillik) davomida kiritish;

4. Davlat budjetining ijrosi to‘g‘risidagi oylik hisobotlarni “Ochiq budjet” portaliga joylashtirish.

O‘zbekiston Respublikasi Qonuni loyihasi

2024-yil avgust

Iqtisodiyot va moliya vazirligi,

manfaatdor vazirlik va idoralar

VI. Davlat moliyaviy nazorati sohasida ma’muriy javobgarlikni kuchaytirish, davlat moliyaviy nazorat organlarining huquqni muhofaza qiluvchi organlar va jamoatchilik bilan o‘zaro hamkorligi

25.

Davlat moliyaviy nazorat sohasida ta’sir choralarini kuchaytirish.

1. Quyidagi holatlar uchun ma’muriy javobgarlikni belgilash:

davlat moliyaviy nazorati tadbirlarini “Davlat auditi” dasturiy kompleksida ro‘yxatdan o‘tkazmasdan amalga oshirganlik, ularning natijalarini mazkur dasturiy kompleksga o‘z muddatida yoki to‘liq ikki va undan ortiq marta kiritmaganlik;

vazirlik va idoralar ma’lumotlar bazalarini Hisob palatasi axborot tizimlari bilan to‘liq integratsiya qilinishini va taqdim etilayotgan ma’lumotlar haqqoniyligini ta’minlamaganlik;

Hisob palatasining so‘rovida ko‘rsatilgan hujjatlarni, nazorat materiallarini va boshqa ma’lumotlarni taqdim etishni, nazorat tadbirlariga mutaxassis ajratishni rad etganlik va nazorat tadbirlarida aniqlangan qonunbuzilish holatlari to‘g‘risida tushuntirish berishdan bo‘yin tovlaganlik;

korrupsiyaga qarshi kurashish bo‘yicha ichki nazorat tizimini joriy etishga, uning samarali faoliyat ko‘rsatishiga doir choralarni amalga oshirmaganlik.

2. Korrupsiyaga qarshi kurashish bo‘yicha ichki nazorat tizimini joriy etishga va samarali faoliyat ko‘rsatishiga doir choralar o‘z vaqtida amalga oshirilmaganlik holatida taqdimnoma kiritish.

Qonun loyihasi

2024-yil dekabr

Hisob palatasi,

Iqtisodiyot va moliya vazirligi,

manfaatdor vazirlik va idoralar

Hisob palatasi,

Korrupsiyaga qarshi kurashish agentligi

26.

Davlat moliyaviy nazorati organlari va huquqni muhofaza qiluvchi organlarining hamkorligini yanada mustahkamlash.

Hisob palatasi va Davlat moliyaviy nazorati inspeksiyasining o‘zaro hamkorlikdagi audit o‘tkazish tizimini yo‘lga qo‘yish, audit natijasini ushbu organlarning qo‘shma majlislarida muhokama qilib borish.

Amaliy chora-tadbirlar

Doimiy

Hisob palatasi,

Iqtisodiy jinoyatlarga qarshi kurashish departamenti,

manfaatdor vazirliklar

VII. Korrupsiyaga qarshi kurashish tuzilmalar mustaqilligini ta’minlash

27.

Vazirlik va idoralar, davlat unitar korxonalari va muassasalari, davlat ulushi 50 foizdan yuqori tashkilotlar va mahalliy davlat hokimiyati organlarida korrupsiyaga qarshi kurashish bo‘yicha ichki nazorat tizimlari ularning tuzilmalari va faoliyat ko‘lamiga mosligini, rahbar va xodimlarning funksional majburiyatlari aniq va to‘g‘ri taqsimlanganligini qayta ko‘rib chiqish.

1. Vazirlik va idoralar, davlat unitar korxonalari va muassasalari, davlat ulushi 50 foizdan yuqori tashkilotlar va mahalliy davlat hokimiyati organlarida mavjud shtat birliklari doirasida korrupsiyaga qarshi kurashish bo‘linmalarini mustaqil tarkibiy tuzilma sifatida tashkil etish.

2. Vazirlik va idoralar, davlat unitar korxonalari va muassasalari, davlat ulushi 50 foizdan yuqori tashkilotlar va mahalliy davlat hokimiyati organlarida korrupsiyaga qarshi kurashish bo‘linmalari faoliyatini takomillashtirish, ularning mavqeyi va mustaqilligini oshirishga oid alohida tizim joriy etish.

Normativ-huquqiy hujjat

2024-yil oktabr

Korrupsiyaga qarshi kurashish agentligi,

Hisob palatasi,

manfaatdor vazirlik va idoralar

Bosqichlar

Subyektlar

Tadbirlar

Muddatlar

1-bosqich

Hisob palatasi

Aniqlangan risk-tahlillarni “Masofaviy audit” axborot tizimi orqali tegishlicha vazirlik va idoralarga yuborish

Uch kun muddatda

2-bosqich

Vazirlik va idoralar

“Masofaviy audit” axborot tizimi orqali yuborilgan risk-tahlillarni qabul qilib olish va o‘rganish yuzasidan ijroga qaratish

Uch kun muddatda

3-bosqich

Vazirlik va idoralar

Risk-tahlillarni o‘rganish natijalari yuzasidan “Masofaviy audit” axborot tizimiga va o‘rganish yakunlari to‘g‘risida ma’lumotlarni “Davlat auditi” dasturiy kompleksiga yuklash va Hisob palatasiga yuborish

O‘n kun muddatda

4-bosqich

Hisob palatasi

Vazirlik va idoralar tomonidan yuborilgan risk-tahlillar bo‘yicha o‘rganish natijalarini ko‘rib chiqish

(qabul qilish yoki qayta ishlashga yuborish)

Bir hafta muddatda

5-bosqich

Vazirlik va idoralarning “Xavflarni boshqarish” qo‘mitalari

Risk-tahlillar yuzasidan barcha tarkibiy tuzilmalar tomonidan amalga oshirilgan ishlarni qo‘mitalar yig‘ilishlarida muhokama qilish va Hisob palatasiga axborot berish

Har chorakda