T/r

Tashkilotning amaldagi to‘liq (rasmiy) nomi

Tashkilotning taklif qilinayotgan to‘liq (rasmiy) nomi

Qayta tashkil qilinayotgan va qayta nomlanayotgan tashkilotning faoliyatiga oid qoidalar va izohlar

1.

“O‘zbek davlat sirki” davlat muassasasi

“O‘zbeksirk” davlat muassasasi

O‘zbekiston sirk san’ati sohasida faoliyat yuritadigan tashkilotlar, jamoalar, yakka ijrochilarni birlashtirish, xalqimizning boy madaniy merosini tiklash va har tomonlama rivojlantirish, o‘zbek sirki san’ati sohasida xizmat ko‘rsatish madaniyatini oshirish “O‘zbeksirk” davlat muassasasining asosiy vazifalari etib belgilanadi.

2.

“Yosh ijodkorlarni qo‘llab-quvvatlash va axborot multimedia markazi” davlat muassasasi

“Iqtidorli yoshlarni qo‘llab-quvvatlash markazi” davlat muassasasi

Chekka hududlardagi iqtidorli yoshlarning noyob iste’dodini ro‘yobga chiqarish va ular faoliyatini tizimli targ‘ib etish, madaniyat va san’at borasida yoshlarning intilishlarini qo‘llab-quvvatlash maqsadida konsert va madaniy shou-tomosha tadbirlarini o‘tkazish, milliy musiqa va qo‘shiqchilik san’atining noyob namunalarini yoshlar orasida keng targ‘ib qilish, yoshlar uchun tajriba almashish seminarlari, ilmiy-ijodiy simpoziumlar, konferensiyalar, mahorat darslarini tashkil etish markazning asosiy vazifalari etib belgilanadi.

3.

Madaniyat vazirligi tizimidagi “Binolardan foydalanish va ularni ekspluatatsiya qilish direksiyasi” davlat unitar korxonasi

Madaniyat vazirligi tizimidagi “Binolardan foydalanish va ularni ekspluatatsiya qilish direksiyasi” davlat muassasasi

Madaniyat vazirligi tizimidagi binolardan foydalanish va ularni ekspluatatsiya qilish mazkur davlat muassasasining asosiy vazifalari etib belgilanadi.

“Binolardan foydalanish va ularni ekspluatatsiya qilish direksiyasi” davlat muassasasida aholiga, shu jumladan tadbirkorlik subyektlariga va mamlakatimizga tashrif buyurayotgan turistlarga xizmat ko‘rsatish va mehnatga haq to‘lash shartlari, moliyalashtirish manbalari hamda shtat birliklari saqlab qolinadi.

4.

Madaniyat vazirligi tizimidagi Yunus Rajabiy nomidagi O‘zbek milliy musiqa san’ati instituti

Madaniyat vazirligi tizimidagi Yunus Rajabiy nomidagi O‘zbekiston milliy musiqa san’ati akademiyasi

Milliy musiqa san’ati klasteri yaratish, sohada yuqori malakali kadrlar tayyorlash, ularni ish bilan ta’minlash hamda malakasini oshirish Yunus Rajabiy nomidagi O‘zbekiston milliy musiqa san’ati akademiyasining asosiy vazifalari hisoblanadi.

Akademiya tizimiga O‘zbek milliy maqom san’ati markazi, Baxshichilik san’atiga ixtisoslashtirilgan respublika maktab-internati, Buxoro, Farg‘ona va Urganch maqom san’atiga ixtisoslashtirilgan maktab-internatlari o‘tkaziladi.

5.

Madaniyat vazirligi huzuridagi Respublika madaniyat muassasalari faoliyatini tashkil etish ilmiy-metodik markazi

Madaniyat vazirligi huzuridagi Madaniyatshunoslik va nomoddiy madaniy meros ilmiy-tadqiqot instituti

Nomoddiy madaniy merosni har tomonlama muhofaza qilish, keng jamoatchilikni jalb etgan holda uning namunalarini aniqlash, nomoddiy madaniy merosni muhofaza qilish to‘g‘risidagi xalqaro ro‘yxatlar va reyestrlarga kiritish, raqamlashtirish, targ‘ib qilish va saqlash bo‘yicha yangi tashabbuslar va loyihalarni amalga oshirish Madaniyatshunoslik va nomoddiy madaniy meros ilmiy-tadqiqot institutining asosiy vazifalari hisoblanadi.

T/r

Yangi tashkil qilinayotgan muassasaning to‘liq (rasmiy) nomi

Yangi tashkil qilinayotgan muassasaning faoliyatiga oid qoidalar va izohlar

1.

“O‘zbekteatr” davlat muassasasi

Farmonga 7-ilovada keltirilgan ro‘yxatga muvofiq davlat teatrlari va teatr studiyalarining umumiy shtat birliklarini maqbullashtirish hisobiga tashkil etilib, respublikadagi davlat teatrlari va teatr studiyalari faoliyatini muvofiqlashtiradi hamda ularga uslubiy yordam ko‘rsatadi.

2.

“Madaniyat ta’limi markazi” davlat muassasasi

Farmonga 8-ilovada keltirilgan ro‘yxatga muvofiq ta’lim tashkilotlarining umumiy shtat birliklarini maqbullashtirish hisobiga tashkil etilib, ta’lim tashkilotlari samarali faoliyat yuritishini ta’minlaydi, ularga ilmiy-uslubiy yordam ko‘rsatadi hamda faoliyatini muvofiqlashtiradi.

Kinematografiya agentligi*

“Qoraqalpoqkino” agentligi

“O‘zbekfilm” kinokonserni” davlat unitar korxonasi

“Alisher Navoiy nomidagi kino saroyi” davlat unitar korxonasi

“O‘zbekiston milliy kinofondi” davlat muassasasi

“Qoraqalpoqfilm” davlat unitar korxonasi

“Do‘rmon kinoijodkorlar uyi” davlat unitar korxonasi

“O‘zbekiston kino san’ati muzeyi” davlat muassasasi

“Yoshlik” kinostudiyasi” davlat unitar korxonasi

Milliy kinematografiyani rivojlantirish markazi

“S.A. Gerasimov nomidagi Butunrossiya davlat kinematografiya instituti” federal davlat budjeti oliy ta’lim muassasasi filiali

“Hujjatli va xronikal filmlar kinostudiyasi” davlat unitar korxonasi

T/r

Chora-tadbirlar nomi

Amalga oshirish muddati

Mas’ul bo‘lgan rahbar o‘rinbosari

Bajarilgan ishlarning pirovard natijasi

I. Vazirlik va tizim tashkilotlarining aniq asosiy faoliyat yo‘nalishlarini belgilash, qabul qilingan rivojlantirish dasturlari, strategiyalar va konsepsiyalarni amalga oshirish

1.

Madaniyat vazirligining (keyingi o‘rinlarda — vazirlik) madaniyat, san’at va kinematografiya sohalaridagi faoliyat yo‘nalishlari, vazifalari, funksiyalari hamda huquq va majburiyatlarini belgilash. Bunda:

vazirlik zimmasiga yuklatilgan tegishli sohalardagi asosiy vazifalarni (8 dan ortiq);

vazirlikka yuklatilgan asosiy vazifalardan kelib chiqib, markaziy apparat, tarkibiy tuzilmalar, hududiy bo‘linmalar va tizim tashkilotlarining funksiyalarini (200 dan ortiq);

vazirlik hamda uning hududiy bo‘linmalari va tizim tashkilotlarining huquq va majburiyatlarini belgilash.

Mazkur normalarni o‘zida aks ettirgan normativ-huquqiy hujjat loyihasini ishlab chiqib, Vazirlar Mahkamasiga kiritish.

2023-yil IV chorak

M. Madjidov,

B. Axmedov

Vazirlik hamda uning hududiy bo‘linma va tizim tashkilotlarining birlashtirilishi va qayta tashkil etilishi munosabati bilan ularning vazifalari, funksiyalari, huquqlari va majburiyatlari aniq belgilanadi.

Ortiqcha, ishlamaydigan, takroriy, bugungi kunda amalda bo‘lgan, biroq o‘z ahamiyatini yo‘qotgan 10 dan ortiq funksiyalar chiqarib tashlanadi.

Madaniyat va san’at sohalarida vakolatli organ va uning tarkibiy bo‘linmalari faoliyati to‘g‘ri va tizimli yo‘lga qo‘yiladi.

2.

Madaniyat sohalarini rivojlantirish bo‘yicha qabul qilingan konsepsiya, strategiya va “yo‘l xaritalari”ni qayta ko‘rib chiqib, ularni Yangi O‘zbekiston ma’muriy islohotlariga muvofiqlashtirish bo‘yicha takliflar, jumladan:

O‘zbekiston Respublikasi Prezidentining“Teatr va sirk san’atini yanada rivojlantirish bo‘yicha chora-tadbirlar to‘g‘risida”gi qarori loyihasi;

O‘zbekiston Respublikasi Prezidentining “Madaniyat markazlari faoliyatini zamon talablari asosida tubdan takomillashtirishga doir qo‘shimcha chora-tadbirlar to‘g‘risida”gi qarori loyihasini tayyorlash.

2024-yil III chorak

M. Madjidov,

B. Axmedov

Madaniyat sohalarini rivojlantirish bo‘yicha qabul qilingan konsepsiya, strategiya va “yo‘l xaritalari” takomillashtiriladi.

Teatr va sirk muassasalari, madaniyat markazlari faoliyati yanada rivojlantiriladi, ularning jamiyat hayotidagi o‘rni oshiriladi.

Shuningdek, ta’mirtalab holatga kelib qolgan 20 tadavlat teatri, “O‘zbeksirk” davlat muassasasi binosi hamda 450tadan ortiq madaniyat markazlarida qurilish, ta’mirlash va jihozlash ishlari amalga oshiriladi.

Natijada aholiga sifatli madaniy xizmat ko‘rsatishga erishiladi.

3.

Qabul qilingan rivojlantirish dasturlari, strategiyalar va konsepsiyalarni amalga oshirish:

Madaniyat yo‘nalishi bo‘yicha:

O‘zbekiston Respublikasida milliy madaniyatni yanada rivojlantirish konsepsiyasini izchil davom ettirish va hayotga tatbiq etilishini ta’minlash;

madaniyat va san’at sohasining jamiyat hayotidagi o‘rni va ta’sirini yanada oshirish chora-tadbirlarini belgilash;

opera va balet san’atini yanada rivojlantirish dasturining amalga oshirilishini ta’minlash.

2023 — 2026-yillar davomida

M. Madjidov,

B. Axmedov

Madaniy va ijtimoiy sohani takomillashtirish orqali barkamol shaxsni shakllantirish va milliy madaniyatni yanada rivojlantirishga erishiladi.

Vatandoshlar bilan tizimli hamkorlikning samarali mexanizmlarini shakllantirish, mamlakatimizda amalga oshirilayotgan islohotlarda faol ishtirok etishi uchun vatandoshlarning intellektual, kasbiy va resurs salohiyatini jalb qilish hamda xalqaro maydonda O‘zbekistonning nufuzini yanada mustahkamlash va milliy manfaatlarini ilgari surish, xorijiy mamlakatlar bilan o‘zaro manfaatli va do‘stona munosabatlarni yo‘lga qo‘yish imkoni yaratiladi.

Kinematografiya sohasidagi normativ-huquqiy bazani takomillashtirishga, kinofilmlarni moliyalashtirish tizimini yaxshilashga va sohani malakali kadrlar bilan ta’minlashga erishiladi.

Millatlararo munosabatlar va xorijiy mamlakatlar bilan do‘stlik aloqalari bo‘yicha:

xorijda istiqomat qilayotgan vatandoshlar bilan hamkorlik sohasida O‘zbekiston Respublikasi davlat siyosatini yanada takomillashtirish bo‘yicha chora-tadbirlarni amalga oshirish;

millatlararo munosabatlar sohasida O‘zbekiston Respublikasi davlat siyosati konsepsiyasi ijrosini ta’minlash.

M. Madjidov,

B. Axmedov

Kinematografiya bo‘yicha:

Milliy kinematografiyani yanada rivojlantirish chora-tadbirlari ijrosini ta’minlash;

Kinematografiya sohasida davlat boshqaruvi tizimini takomillashtirish hamda soha vakillarining ijodiy faoliyati uchun munosib sharoit yaratishni ta’minlash.

M. Madjidov,

B. Axmedov

II. Sohalarda hal qilinishi lozim bo‘lgan masalalarga yechim topishga yo‘naltirilgan tashkiliy-huquqiy va moliyaviy chora-tadbirlar ko‘rish, aholi uchun qulay sharoitlar yaratish, fuqarolarning tizimli muammolarini hal etish

4.

O‘zbekiston Respublikasi Prezidentining 2022-yil 8-noyabrdagi “Korporativ munosabatlarning huquqiy asoslarini yanada takomillashtirish chora-tadbirlari to‘g‘risida”gi PQ-415-son qaroriga muvofiq vazirlik tizimidagi, shu jumladan Kinematografiya agentligi tizimidagi unitar korxona va davlat unitar korxonalarining tashkiliy-huquqiy shakllarini bosqichma-bosqich yuridik shaxsning boshqa tashkiliy-huquqiy shakllariga o‘zgartirish choralarini ko‘rish.

2024-yil IV chorak

M. Madjidov,

B. Axmedov

Vazirlik tizimidagi yuridik shaxslar tashkiliy-huquqiy shakllarining o‘z ahamiyatini yo‘qotgan ayrim turlari tugatilib, zamonaviy korporativ boshqaruv usullari joriy etilishi ta’minlanadi.

5.

Quyidagilarni amalga oshirish:

soha mutaxassislari mehnatiga haq to‘lash tartibini qayta ko‘rib chiqish;

aholiga madaniy xizmat ko‘rsatishni sifatli tashkil etish maqsadida marketing tizimini yanada rivojlantirish;

mamlakatimizning milliy madaniyati, san’ati va kino salohiyatini xorijiy mamlakatlarda targ‘ib qilish bo‘yicha yangi tartibni joriy etish.

2023-yil davomida

M. Madjidov,

B. Axmedov

Madaniyat va san’at sohasiga yetuk mutaxassislarni jalb qilish, kadrlar qo‘nimsizligini bartaraf etish, tizimning jahon miqyosidagi raqobatbardoshligini yanada oshirish va shu orqali aholiga madaniy xizmat ko‘rsatish ko‘lami hamda sifatini yuksaltirishga erishiladi.

Mamlakatimizning milliy madaniyati, san’ati va kino salohiyatini yagona tartib asosida targ‘ib qilish tizimi joriy etiladi.

6.

Vazirlik tizimidagi ko‘zi ojizlar kutubxonasini mavjud shtat birliklari hamda barcha mol-mulki, shu jumladan moddiy-texnika vositalari bilan birga O‘zbekiston Respublikasi Prezidenti huzuridagi Axborot va ommaviy kommunikatsiyalar agentligi tizimiga o‘tkazish bo‘yicha asoslantirilgan takliflarni Vazirlar Mahkamasiga kiritish.

2023-yil IV chorak

M. Madjidov,

B. Axmedov

Ko‘zi ojizlar kutubxonasining maqsadi va faoliyat yo‘nalishiga ko‘ra mavjud shtat birliklari hamda barcha mol-mulki, shu jumladan moddiy-texnika vositalari bilan birga O‘zbekiston Respublikasi Prezidenti huzuridagi Axborot va ommaviy kommunikatsiyalar agentligi tizimiga o‘tkazilishi ta’minlanadi.

7.

O‘zbekiston Respublikasi Prezidentining kinematografiya sohasida ijodiy jarayonlarni yanada rivojlantirishga oid qarori loyihasini Vazirlar Mahkamasiga kiritish.

Bunda:

“O‘zbekfilm” kinostudiyasida yetakchi ijodkorlar, mutaxassislar va ijodiy jamoalarni jalb qilgan holda davlat buyurtmasi asosida filmlar ishlab chiqarishning markazlashgan tizimini tashkil qilish;

“Hujjatli va xronikal filmlar kinostudiyasi” davlat unitar korxonasi faoliyatini tubdan isloh qilish, moddiy-texnika bazasini takomillashtirish va 2024 — 2030-yillarda O‘zbekistonning uch ming yillik davlatchilik tarixiga bag‘ishlangan 100 seriyali hujjatli serial ishlab chiqarish;

“Yoshlik” kinostudiyasida iqtidorli yosh ijodkorlar ishtirokida bolalar va o‘smirlar auditoriyasiga mo‘ljallangan filmlar, kinojurnallar, kinosolnomalar ishlab chiqarish.

2024-yil I chorak

B. Axmedov,

F. Abduxalikov

“O‘zbekfilm” kinostudiyasida kino sohasida faoliyat yuritayotgan ijodkor va mutaxassislar, ishlab chiqarish quvvatlari jamlanadi hamda davlat buyurtmasi asosida filmlar ishlab chiqarish bo‘yicha yagona tizim yo‘lga qo‘yiladi.

“Hujjatli va xronikal filmlar kinostudiyasi” davlat unitar korxonasida O‘zbekistonning uch ming yillik davlatchilik tarixi, yurtimizda ilm-fan, madaniyat va san’at, hunarmandchilik sohalarining rivojlanishiga bag‘ishlangan yuqori sifatli audiovizual mahsulotlar yaratiladi.

Kino san’ati sohasida yosh ijodkorlarni kashf qilish va tarbiyalash hamda bolalar va o‘smirlarga bag‘ishlangan yuqori sifatli filmlar yaratish bo‘yicha samarali tizim yaratiladi.

III. Energiyani tejash, uning samaradorligini oshirish va sohaga qayta tiklanuvchi energiya manbalarini keng jalb qilish

8.

Madaniyat, san’at, kinematografiya sohalaridagi obyektlarni xatlovdan o‘tkazish.

Qoraqalpog‘iston Respublikasi Vazirlar Kengashi, viloyatlar va Toshkent shahri hokimliklari bilan birgalikda vazirlik tarkibiga kiruvchi obyektlarga qayta tiklanuvchi energiya manbalari uskunalarini o‘rnatishning 2023 — 2025-yillarga mo‘ljallangan manzilli ro‘yxatini ishlab chiqish va tasdiqlash. Bunda:

madaniyat va san’at obyektlarini barpo etishda obyektlar bo‘yicha texnik topshiriqlar va loyiha hujjatlarini ishlab chiqishda energiya tejovchi vositalar bilan jihozlashni;

2023-yil dekabr

2024-yil I chorak

M. Madjidov,

B. Axmedov

Vazirlik tizimidagi bino va inshootlarda energiya sarfini har yili kamida 30 foizgacha qisqartirishga erishiladi.

Uch yil mobaynida vazirlik tarkibiga kiruvchi tashkilot va muassasa binolarini qayta tiklanuvchi energiya manbalari qurilmalari bilan ta’minlash darajasi 100 foizga yetkaziladi.

madaniyat va san’at obyektlarini barpo etish bo‘yicha tasdiqlangan normativ-huquqiy hujjatlar asosida tegishli talabnomalarga o‘zgartirishlar kiritishni nazarda tutish.

2023 — 2025-yillar davomida

IV. Madaniyat va san’at sohalarida davlat-xususiy sheriklik va autsorsing mexanizmlarini keng joriy qilish, 2023-yil davomida vazirlik hamda uning tizim tashkilotlarining ayrim funksiyalarini bosqichma-bosqich xususiy sektorga o‘tkazish

9.

Sohadagi tashkilot va muassasalarni davlat-xususiy sheriklik asosida tashkil etish va autsorsing mexanizmlarini keng joriy qilish bo‘yicha quyidagi chora-tadbirlarni amalga oshirish:

sohaga oid tadbirkorlik subyektlari tomonidan berilgan tashabbuslarni qayta ko‘rib chiqish;

sohada tadbirkorlik subyektlarini davlat tomonidan qo‘shimcha qo‘llab-quvvatlash tizimini takomillashtirish, xizmatlar sifatini yanada oshirishga qaratilgan ishlarni moliyalashtirish mexanizmlarini ishlab chiqish bo‘yicha Hukumatga takliflar kiritish;

sohada davlat-xususiy sheriklikni yanada rivojlantirish maqsadida kamida 2 ta xorijiy davlat tajribasini o‘rganish va eng ilg‘or tajribalarni O‘zbekistonda joriy etish choralarini ko‘rish;

15 ta madaniyat va san’at muassasalarini davlat-xususiy sheriklik asosida tadbirkorlik subyektlariga berish;

davlat-xususiy sheriklik mexanizmlarini joriy etish orqali “O‘zbeksirk” davlat muassasasi faoliyatiga investorlarni jalb qilish choralarini ko‘rish;

kinematografiya bo‘yicha tizimdagi 8 ta yopiq va yozgi kinoteatrlarni davlat-xususiy sheriklik shartlari asosida xususiy sektorga berish hamda ushbu yo‘nalishda xizmat ko‘rsatish tizimini takomillashtirish.

2023 — 2025-yillar davomida

M. Madjidov,

B. Axmedov

Davlat-xususiy sheriklik asosida rekonstruksiya qilish, ta’mirlash, madaniyat muassasalari tarmog‘ini yanada kengaytirish, ularning moddiy-texnika bazasini mustahkamlash uchun xususiy sheriklik (tadbirkorlik subyektlari) hisobidan 29,5 mlrd so‘m investitsiya mablag‘lari jalb qilinib, jami 250 nafardan ziyod yangi ish o‘rinlari yaratiladi.

Davlat budjeti mablag‘lari tejalib, aholiga sifatli xizmat ko‘rsatadigan zamonaviy madaniyat markazlari tashkil etiladi.

“O‘zbeksirk” davlat muassasasiga xususiy sheriklik hisobidan 55 mlrd so‘m investitsiya mablag‘lari jalb qilinib, yangi ish o‘rinlari yaratiladi.

V. Litsenziyalash va ruxsat berish tartib-taomillaridagi byurokratik to‘siqlarni bartaraf etish bo‘yicha takliflar tayyorlash. Litsenziya va ruxsat berish xususiyatiga ega hujjat talab etiladigan faoliyat turi, ularni berish uchun talab etiladigan hujjatlar soni, xizmat ko‘rsatish vaqti hamda ularni berish uchun to‘lovlar (yig‘imlar) miqdorini kamaytirish

10.

Filmni ommaviy namoyish etish uchun bir martalik ruxsatnoma berish tizimini soddalashtirish hamda xizmat ko‘rsatish bo‘yicha to‘lovlarni kamaytirish yuzasidan taklif ishlab chiqish.

2023-2024-yillar davomida

M. Madjidov,

B. Axmedov

Filmlar ommaviy namoyishini amalga oshiruvchi tadbirkorlarga qulayliklar yaratiladi.

VI. Tadbirkorlik faoliyatini rivojlantirish (ularga xizmat ko‘rsatish, davlat tomonidan subsidiya taqdim etish, imtiyoz berish va boshqacha tartibda qo‘llab-quvvatlash) hamda aholini ijtimoiy qo‘llab-quvvatlash tizimini takomillashtirish

11.

“Inson qadri uchun” ezgu g‘oyasi asosida quyidagi davlat buyurtmalarini berish:

madaniyat sohasi bo‘yicha:

40ta yangi spektakl sahnalashtirishga;

kompozitorlar va bastakorlarga 40 ta yangi musiqa asarlari, shu jumladan, opera, simfoniya, oratoriya kabi mumtoz va zamonaviy janrlar, xususan, estrada bo‘yicha asarlar yaratishga;

kamida 100 ta yuksak badiiy saviyadagi internet va ijtimoiy tarmoqlar uchun mo‘ljallangan audiovizual asarlar yaratishga;

kamida 150 taeng yaxshi milliy qo‘shiqlarni karaoke yordamida ijro qilish uchun qayta ishlashga;

milliy kuylardan iborat musiqiy albomlarni tayyorlash va ommalashtirish ishlariga;

2023-2024-yillar davomida

B. Axmedov

O‘zbek xalqining asrlar davomida avloddan-avlodga noyob meros sifatida o‘tib kelayotgan milliy mumtoz va zamonaviy musiqa, teatr va tomosha san’ati an’analarini boyitish, xalqimiz, ayniqsa, yosh avlod ongida milliy madaniyatimiz va qadriyatlarimizga nisbatan ehtirom hislarini oshirishga erishiladi.

kinematografiya sohasi bo‘yicha:

30 ta to‘liq metrajli badiiy filmlarga;

13 ta qisqa metrajli filmlarga;

30 ta hujjatli, ilmiy-ommabop, o‘quv-uslubiy filmlar, ijtimoiy roliklar, kinosolnomalarga;

50 ta multiplikatsion filmlarga.

Mazmun va shakl jihatidan rang-barang kino asarlari yaratilishiga, milliy kino mahsulotlarini yaratish yillik ishlab chiqarish hajmlarining oshishiga hamda aholini milliy vatanparvarlik ruhida tarbiyalashga erishiladi.

VII. Vazirlik tizimidagi tashkilotlar faoliyatini qayta ko‘rib chiqish hamda ularni va ulardagi davlat ulushini xususiylashtirish bo‘yicha taklif tayyorlash

12.

Vazirlik tizimidagi davlat unitar korxonalari va muassasalari faoliyatini qayta ko‘rib chiqib, ular faoliyatini takomillashtirish, maqbullashtirish va xususiylashtirish bo‘yicha taklif ishlab chiqish.

2023-yil dekabr

M. Madjidov,

B. Axmedov

Iqtisodiyotda xususiy sektor ulushining oshishiga erishiladi.

VIII. Vazirlik va uning tizimidagi tashkilotlar tomonidan aholiga davlat xizmatlari ko‘rsatishning modelini takomillashtirish

13.

Madaniyat sohasi bo‘yicha bolalar musiqa va san’at maktablariga o‘quvchilarni qabul qilish uchun aholi tomonidan ariza berish amaliyotini Yagona interaktiv davlat xizmatlari portali orqali onlayn amalga oshirishni joriy etish.

2024/2025 o‘quv yilidan boshlab

M. Madjidov,

B. Axmedov

Sun’iy byurokratik to‘siqlar bartaraf etilib, ota-onalar farzandlarini musiqa va san’at maktablariga o‘qishga qabul qilish bo‘yicha elektron ariza berish imkoni paydo bo‘ladi.

IX. Vazirlik va uning tarkibiga kiradigan tashkilotlar kesimida korrupsiya avj olgan sohalarda uning rivojlanish sabablari va shartlarini o‘rganish asosida ushbu sohalarning har biriga “tashxis qo‘yish” hamda korrupsiya omillarini bartaraf etish

14.

Sohada korrupsion omillar yuqori bo‘lgan vazifa va funksiyalar qayta xatlovdan o‘tkazgan holda, mazkur yo‘nalishlarni tegishlicha xususiy sektorlarga o‘tkazish yoki ushbu funksiya va vazifalarni raqamlashtirish orqali inson omilini kamaytirish choralarini ko‘rish.

Bunda, birinchi navbatda vazirlik va uning tizimiga kiruvchi tashkilotlarning davlat fuqarolik xizmatiga tegishli vakant lavozimlariga fuqarolarni “Davlat fuqarolik xizmatchilari vakant lavozimlarining yagona ochiq portali” orqali ishga qabul qilishni nazarda tutish.

Shuningdek, qo‘shimcha ravishda quyidagi chora-tadbirlarni amalga oshirish:

tizimdagi oliy ta’lim muassasalariga kasbiy (ijodiy) kirish imtihonlari hamda talabalarning yakuniy nazorat ishlarini topshirish jarayonlarini onlayn kuzatib borish mexanizmini joriy etish;

vazirlik tomonidan tashkil etilayotgan 3bosqichli (tuman (shahar), viloyat, respublika) tanlovlarni 1 bosqichli (respublika) kasting asosida tashkil etishni joriy etish.

2023-yil davomida

M. Madjidov,

B. Axmedov

Ta’lim muassasalarida o‘tkazilgan kirish imtihonlari va yakuniy nazorat ishlarini ijtimoiy tarmoq hamda elektron platformalar orqali to‘g‘ridan-to‘g‘ri keng yoritish natijasida shaffoflik ta’minlanadi.

Tanlov jarayonlarini ochiqlik va shaffoflik asosida jamoatchilik nazoratida tashkil etish mexanizmi yaratiladi.

Sohaning xizmat ko‘rsatish ko‘lami va sifati oshadi, budjet mablag‘larini tejash, korrupsiya va suiiste’molchilikholatlarinioldini olishga erishiladi.

X. Sohaga axborot-kommunikatsiya texnologiyalarini keng joriy etish, shu jumladan vazirlik va tizim tashkilotlarining ish jarayonini raqamlashtirish

15.

Madaniyat va san’at sohasida axborot texnologiyalarini rivojlantirish va boshqaruvni raqamlashtirish orqali xizmat ko‘rsatish jarayonlarini soddalashtirish, sohadagi korrupsion omillarni bartaraf etish va shaffoflikni ta’minlash, o‘zbek milliy kontentini yanada boyitish, aholini sifatli va o‘zbek mentalitetiga mos bo‘lgan audiovizual asarlar bilan ta’minlashni nazarda tutuvchi “ERP madaniyat” yagona boshqaruv tizimini joriy qilish bo‘yicha 2023 — 2027-yillarga mo‘ljallangan harakatlar dasturini ishlab chiqish va Vazirlar Mahkamasiga kiritish.

Bunda:

madaniyat markazlari, bolalar musiqa va san’at maktablari, ixtisoslashtirilgan madaniyat va san’at maktablari va maktab-internatlar, kollej, texnikumlar faoliyatida boshqaruv va tashkiliy jarayonlarni raqamlashtirish bo‘yicha axborot tizimlarini ishlab chiqish va ariza topshirish hamda bitirganlik to‘g‘risidagi guvohnomalarni olish davlat xizmatini Yagona interaktiv davlat xizmatlari portali va davlat xizmatlari markazlari axborot tizimlari bilan integratsiya qilish;

madaniyat markazlari va ko‘zi ojizlar uchun adabiyotlarni buyurtma asosida yetkazishga mo‘ljallangan axborot tizimlari, aholiga audiovizual asarlarni taqdim qilishga mo‘ljallangan maxsus video platforma hamda yoshlarga milliy musiqa cholg‘ulari to‘g‘risida dastlabki ta’limni berishga mo‘ljallangan “Cholgu.uz” mobil ilovasini ishlab chiqish hamda Milliy tanlovlar platformasi (milliytanlov.uz)ni takomillashtirish;

ommaviy madaniy tadbirlar, konsert-tomosha dasturlari uchun sotiladigan chipta narxlarining sun’iy oshirilishini oldini olish hamda korrupsion omillarni qisqartirish maqsadida elektron chipta sotish tizimini tartibga solish;

o‘zbek milliy kontentini yanada rivojlantirish, boshqarish va qayta ishlash hamda tashqi Internet trafigi uchun sarflanayotgan mablag‘larni iqtisod qilish maqsadida “Media ma’lumotlar markazi”ni tashkil etish;

tizimdagi tashkilot va muassasalarda tushumlarni onlayn monitoring qilishga mo‘ljallangan axborot tizimini ishlab chiqish hamda “UzASBO” avtomatlashtirilgan dasturiy majmuasi bilan integratsiya qilish.

2024-yil I chorak

M. Madjidov,

B. Axmedov

Respublikadagi davlat mukofotlari bilan taqdirlangan madaniyat va san’at sohasi vakillari to‘g‘risidagi ma’lumotlar bazasi shakllantiriladi.

Tanlovlarni tashkil etishdagi 2 ta bosqich (tuman, viloyat) tugatilib, inson omili kamayadi.

Sohaga raqamli axborot texnologiyalari joriy etiladi, ortiqcha qog‘oz va hujjatlar yuritishdan voz kechiladi, ortiqcha ovoragarchiliklarga barham beriladi, shaffof va ixcham tizim yaratiladi hamda ushbu hujjatlarning yuritilishini raqamlashtirish orqali ta’lim sifatini doimiy monitoring qilish imkoni yaratiladi.

XI. Sohada faoliyat ko‘rsatayotgan xodimlarning kasbiy mahorati va mas’uliyatini oshirish, tizim tashkilotlariga tashabbuskor, fidoyi, sadoqatli, o‘z ustida doimiy ishlaydigan kadrlarni jalb qilish hamda ularning salohiyatini doimiy ravishda oshirib borish

16.

Vazirlik tizimidagi bolalar musiqa va san’at maktablari, ixtisoslashtirilgan musiqa, madaniyat va san’at maktablari va maktab-internatlari, kollej, texnikum hamda oliy ta’lim muassasalarida faoliyat olib borayotgan 20 mingdan ortiq professor-o‘qituvchilar va pedagog kadrlarning malakasini oshirish tizimini maxsus reja asosida bosqichma-bosqich yanada rivojlantirish.

2023-yildan boshlab reja asosida

B. Axmedov,

M. Madjidov

Ta’lim muassasalarida faoliyat olib borayotgan professor-o‘qituvchilar va pedagog kadrlarning malakasini tizimli va maxsus reja asosida oshirish natijasida ta’limning zamonaviy uslublari va texnologiyalaridan samarali foydalaniladi, shuningdek, ta’lim sifatining oshishiga erishiladi.

17.

Tizimdagi ta’lim muassasalari bo‘yicha quyidagi ko‘rsatkichlarga erishishni ta’minlash. Bunda:

bolalar musiqa va san’at maktablarining oliy ma’lumotli kadrlar bilan ta’minlanganlik darajasini 45 foizga yetkazish (o‘qituvchi va konsertmeysterlarga nisbatan), tahsil olayotgan o‘quvchilar sonini oshirish;

tizimdagi ta’lim muassasalarining xorijiy turdosh bo‘lgan 40 ta oliy ta’lim muassasalari bilan o‘zaro hamkorligini yo‘lga qo‘yish;

tizimdagi oliy ta’lim muassasalarining ilmiy salohiyatini oshirish, xususan, ilmiy darajali va unvonli kadrlar sonini 10 nafarga ko‘paytirish.

2023-yil davomida

B. Axmedov,

M. Madjidov

Madaniyat va san’at sohasidagi oliy ta’lim muassasalari o‘quv jarayoniga turdosh xalqaro ta’lim standartlarini joriy etish orqali talabalarning kasbiy kompetensiyalarini chuqur egallashiga hamda madaniyat va san’at sohasida malakali kadrlar zaxirasi shakllanishiga erishiladi.

XII. Vazirlik va idoralarning tashkiliy tuzilmalarini tasdiqlash, ular tarkibiga kiritilgan muassasalarning faoliyatini takomillashtirish

18.

Madaniyat vazirligi tarkibiy tuzilmalari uchun boshqaruv, kadr, moliya va boshqa yo‘nalishlardagi vazifa va talablarni aniq belgilash.

Buning uchun tarkibiy bo‘linma va tuzilmalar nizomlari hamda boshqa hujjatlarni tubdan qayta ko‘rib chiqish va takomillashtirish.

Vazirlik va uning tarkibiga kiruvchi barcha tashkilotlarda xodimlarning ish samaradorligini baholash mezonlarini (KPI) joriy etish.

2023-yil IV chorak

M. Madjidov,

B. Axmedov

Vazifa va talablarni aniq belgilash orqali xodimlarning mas’uliyati kuchaytiriladi.

35 ta tarkibiy bo‘linma va 21 ta tuzilmaning nizomlari hamda boshqa 10 ga yaqin ichki me’yoriy hujjatlarini qayta tasdiqlash asosida ish faoliyati tartibga solinadi.

XIII. Qonunchilik hujjatlarini to‘liq xatlovdan o‘tkazish, ularga o‘zgartirish va qo‘shimchalar kiritish zarur bo‘lgan normativ-huquqiy hujjatlarni bir-biriga muvofiqlashtirish

19.

Madaniyat va san’at sohasiga oid normativ-huquqiy hujjatlarni tizimlashtirish choralarini ko‘rish. Bunda, quyidagilarga asosiy e’tiborni qaratish:

qonunchilik hujjatlarini to‘liq xatlovdan o‘tkazishga;

qonunchilik hujjatlarida takrorlanish, kolliziya, huquqiy bo‘shliqlarni aniqlash va bartaraf etishga;

to‘g‘ridan-to‘g‘ri amal qiluvchi qonunlarni ishlab chiqish hisobiga qonunosti hujjatlarning ulushini kamaytirishga;

tartibga solish yukini va ortiqcha byurokratik to‘siqlarni kamaytirish hisobiga huquqni qo‘llash amaliyotini soddalashtirishga.

2023-yil dekabr

M. Madjidov,

B. Axmedov

Madaniyat, san’at millatlararo munosabatlar, kinematografiya sohasiga oid normativ-huquqiy hujjatlar tizimlashtiriladi.

T/r

Tashkilot nomi

I. Davlat teatrlari

1.

O‘zbek Milliy akademik drama teatri

2.

Alisher Navoiy nomidagi O‘zbekiston davlat akademik katta teatri

3.

O‘zbekiston davlat akademik rus drama teatri

4.

Muqimiy nomidagi O‘zbekiston davlat musiqali teatri

5.

O‘zbekiston davlat drama teatri

6.

O‘zbekiston davlat satira teatri

7.

O‘zbekiston davlat musiqali komediya (operetta) teatri

8.

O‘zbekiston davlat yoshlar teatri

9.

O‘zbekiston davlat yosh tomoshabinlar teatri

10.

O‘zbek Milliy qo‘g‘irchoq teatri

11.

Berdaq nomidagi Qoraqalpoq davlat akademik musiqali teatri

12.

Qoraqalpoq davlat yosh tomoshabinlar teatri

13.

Qoraqalpoq davlat qo‘g‘irchoq teatri

14.

Andijon viloyati musiqali drama teatri

15.

Andijon viloyati yoshlar teatri

16.

Andijon viloyati qo‘g‘irchoq teatri

17.

Buxoro viloyati musiqali drama teatri

18.

Buxoro viloyati qo‘g‘irchoq teatri

19.

Jizzax viloyati musiqali drama teatri

20.

Jizzax viloyati qo‘g‘irchoq teatri

21.

Namangan viloyati musiqali drama teatri

22.

Navoiy viloyati qo‘g‘irchoq teatri

23.

Samarqand viloyati musiqali drama teatri

24.

Samarqand viloyati rus drama teatri

25.

Samarqand viloyati qo‘g‘irchoq teatri

26.

Kattaqo‘rg‘on shahar drama teatri

27.

Sirdaryo viloyati musiqali drama teatri

28.

Surxondaryo viloyati musiqali drama teatri

29.

Surxondaryo viloyati qo‘g‘irchoq teatri

30.

Farg‘ona viloyati musiqali drama teatri

31.

Marg‘ilon shahar musiqali maqom teatri

32.

Farg‘ona viloyati qo‘g‘irchoq teatri

33.

Farg‘ona viloyati rus drama teatri

34.

Qo‘qon shahar musiqali drama teatri

35.

Qashqadaryo viloyati musiqali drama teatri

36.

Qashqadaryo viloyati qo‘g‘irchoq teatri

37.

Xorazm viloyati musiqali drama teatri

38.

Xorazm viloyati qo‘g‘irchoq teatri

II. Teatr studiyalari

39.

“Diydor” yoshlar eksperimental teatr-studiyasi” davlat muassasasi

40.

“Tomosha” bolalar musiqali teatr-studiyasi