Soʻnggi yillarda mamlakatimizda ilgʻor xorijiy tajribani inobatga olgan holda milliy mudofaa sanoati kompleksini bosqichma-bosqich yaratish, import oʻrnini bosuvchi va raqobatbardosh harbiy mahsulotlar ishlab chiqarishni yoʻlga qoʻyish, shuningdek, Oʻzbekiston Respublikasi Qurolli Kuchlarini qurollantirish boʻyicha bir qator muhim chora-tadbirlar amalga oshirilmoqda.

Ushbu yoʻnalishda amalga oshirilayotgan islohotlarni sifat jihatidan yangi bosqichga olib chiqish orqali Oʻzbekiston Respublikasi Qurolli Kuchlari tarkibiga kiruvchi vazirlik va idoralar hamda huquqni muhofaza qiluvchi organlarni zamonaviy qurol-yarogʻ, harbiy va maxsus texnika bilan taʼminlash maqsadida Oʻzbekiston Respublikasi Mudofaa sanoati davlat qoʻmitasi negizida Mudofaa vazirligi huzurida Mudofaa sanoati agentligi hamda Investitsiyalar, sanoat va savdo vazirligi huzurida “Oʻztextreyd” davlat unitar korxonasi tashkil etildi.

Shu munosabat bilan, qonunchilik hujjatlarining oʻzaro muvofiqligini taʼminlash uchun Oʻzbekiston Respublikasi Hukumatining ayrim qarorlariga tegishli oʻzgartirishlar kiritish talab etilmoqda.

Qonunchilik hujjatlarini muvofiqlashtirish, shuningdek, Oʻzbekiston Respublikasi Prezidentining “Oʻzbekiston Respublikasi Qurolli Kuchlarini qurollantirish va mudofaa sanoati sohasida davlat boshqaruvini takomillashtirish boʻyicha chora-tadbirlar toʻgʻrisida” 2023-yil 31-yanvardagi PF-16-son Farmoni ijrosini taʼminlash maqsadida Vazirlar Mahkamasi qaror qiladi:

1. Oʻzbekiston Respublikasi Hukumatining ilovaga muvofiq ayrim qarorlariga quyidagilarni nazarda tutuvchi oʻzgartirishlar kiritilsin:

Oʻzbekiston Respublikasi Mudofaa sanoati davlat qoʻmitasi negizida Mudofaa vazirligi huzurida Mudofaa sanoati agentligi hamda Investitsiyalar, sanoat va savdo vazirligi huzurida “Oʻztextreyd” davlat unitar korxonasi tashkil etilganligi;

Oʻzbekiston Respublikasi Mudofaa vazirligi huzuridagi Mudofaa sanoati agentligining hamda Investitsiyalar, sanoat va savdo vazirligi huzuridagi “Oʻztextreyd” davlat unitar korxonasining vakolatlari doirasi belgilanganligi munosabati bilan qonunchilik hujjatlarini oʻzaro muvofiqlashtirish.

2. Mazkur qarorning bajarilishini nazorat qilish Oʻzbekiston Respublikasi mudofaa vaziri B.N. Kurbanov zimmasiga yuklansin.

1. Vazirlar Mahkamasining “Davlat hokimiyati va boshqaruvi organlari, sud organlari va notarial idoralar xodimlari mehnatiga haq toʻlashning tarif setkasini joriy etish toʻgʻrisida” 1996-yil 12-apreldagi 147-son qaroriga 3-ilovaning rus tilidagi matnining nomidagi “Gosudarstvennogo komiteta Respubliki Uzbekistan po oboronnoy promishlennosti” soʻzlari “Agentstva oboronnoy promishlennosti pri Ministerstve oboroni Respubliki Uzbekistan” soʻzlari bilan almashtirilsin.

2. Vazirlar Mahkamasining 1999-yil 30-oktabrdagi 482-son qarori bilan tasdiqlangan Oʻzbekiston Respublikasi Milliy arxiv fondi toʻgʻrisidagi nizomga ilovaning oʻninchi xatboshisidagi “Mudofaa sanoati davlat qoʻmitasi” soʻzlari “Mudofaa vazirligi huzuridagi Mudofaa sanoati agentligi” soʻzlari bilan almashtirilsin.

3. Vazirlar Mahkamasining “Oʻzbekiston Respublikasi Mudofaa vazirligi, Qurolli Kuchlari Bosh shtabi, Oʻzbekiston Respublikasi Mudofaa sanoati davlat qoʻmitasi va oliy taʼlim muassasalari harbiy tayyorgarlik oʻquv boʻlinmalarining fuqaro xodimlari mehnatiga haq toʻlashni takomillashtirish toʻgʻrisida” 2013-yil 24-yanvardagi 17-son qarorida:

a) nomidagi “Oʻzbekiston Respublikasi Mudofaa sanoati davlat qoʻmitasi” soʻzlari “Mudofaa vazirligi huzuridagi Mudofaa sanoati agentligi” soʻzlari bilan almashtirilsin;

b) muqaddimadagi “Mudofaa sanoati davlat qoʻmitasi” soʻzlari “Mudofaa vazirligi huzuridagi Mudofaa sanoati agentligi” soʻzlari bilan almashtirilsin;

v) 1-bandning birinchi xatboshisidagi “Mudofaa sanoati davlat qoʻmitasi” soʻzlari “, Mudofaa vazirligi huzuridagi Mudofaa sanoati agentligi” soʻzlari bilan almashtirilsin;

g) 3-bandning uchinchi xatboshisidagi “Mudofaa sanoati davlat qoʻmitasi” soʻzlari “Mudofaa vazirligi huzuridagi Mudofaa sanoati agentligi” soʻzlari bilan almashtirilsin.

4. Vazirlar Mahkamasining 2017-yil 22-dekabrdagi 1013-son qarori bilan tasdiqlangan Normativ-huquqiy hujjatlar matnlari hamda zarur boʻlgan taqdirda ularga tegishli axborot-tahliliy materiallar elektron shaklda yuboriladigan davlat organlari va boshqa tashkilotlarning roʻyxati 3-boʻlimining 8-bandi oʻz kuchini yoʻqotgan deb hisoblansin.

5. Vazirlar Mahkamasining “Mudofaa sanoati kompleksini rivojlantirish jamgʻarmasi mablagʻlarini shakllantirish va ulardan foydalanish tartibi toʻgʻrisidagi nizomni tasdiqlash haqida” 2018-yil 15-fevraldagi 118-son qarorida:

a) 2-band quyidagi tahrirda bayon etilsin:

“2. Mazkur qarorning bajarilishini nazorat qilish Oʻzbekiston Respublikasi mudofaa vaziri B.N. Kurbanov zimmasiga yuklansin”;

b) ilovada:

1-banddagi “Mudofaa sanoati davlat qoʻmitasining” soʻzlari “Mudofaa vazirligi huzuridagi Mudofaa sanoati agentligining” soʻzlari bilan almashtirilsin;

2-banddagi “Mudofaa sanoati davlat qoʻmitasida (keyingi oʻrinlarda Qoʻmita deb ataladi)” soʻzlari “Mudofaa vazirligi huzuridagi Mudofaa sanoati agentligida (keyingi oʻrinlarda — Agentlik)” soʻzlari bilan almashtirilsin;

3-bandda:

“b” kichik bandning birinchi xatboshisidagi va “v” kichik banddagi tegishli kelishikdagi “Qoʻmita” soʻzi tegishli kelishikdagi “Agentlik” soʻzi bilan almashtirilsin;

“g” kichik band quyidagi tahrirda bayon etilsin:

“g) Agentlik tarkibiga kiradigan tashkilotlarning Oʻzbekiston Respublikasi Iqtisodiyot va moliya vazirligi hamda Raqobatni rivojlantirish va isteʼmolchilar huquqlarini himoya qilish qoʻmitasi bilan kelishilgan holda miqdori belgilanadigan ajratmalari”;

4-banddagi “Qoʻmitaning” soʻzi “Agentlikning” soʻzi bilan almashtirilsin;

5-bandning oltinchi — oʻn beshinchi xatboshilaridagi tegishli kelishikdagi “Qoʻmita” soʻzi tegishli kelishikdagi “Agentlik” soʻzi bilan almashtirilsin;

7 va 9-bandlardagi “Qoʻmita” soʻzi “Agentlik” soʻzi bilan almashtirilsin;

8-banddagi “Qoʻmita raisi” soʻzlari “Agentlik direktori” soʻzlari bilan almashtirilsin;

11-bandning toʻrtinchi xatboshisidagi “Qoʻmita” soʻzi “Agentlik” soʻzi bilan almashtirilsin;

12-bandda:

birinchi xatboshidagi “Qoʻmitaning” soʻzi “Agentlikning” soʻzi bilan almashtirilsin;

uchinchi va beshinchi xatboshilardagi tegishli kelishikdagi “Moliya vazirligi” soʻzlari tegishli kelishikdagi “Iqtisodiyot va moliya vazirligi” soʻzlari bilan almashtirilsin;

14 va 21-bandlardagi “Qoʻmita raisi” soʻzlari “Agentlik direktori” soʻzlari bilan almashtirilsin;

15-banddagi “Qoʻmita raisi tasdiqlagandan soʻng ushbu smetani roʻyxatdan oʻtkazish uchun Moliya vazirligiga” soʻzlari “Agentlik direktori tasdiqlagandan soʻng ushbu smetani roʻyxatdan oʻtkazish uchun Iqtisodiyot va moliya vazirligiga” soʻzlari bilan almashtirilsin;

16 va 20-bandlardagi tegishli kelishikdagi “Moliya vazirligi” soʻzlari tegishli kelishikdagi “Iqtisodiyot va moliya vazirligi” soʻzlari bilan almashtirilsin;

17, 18 va 19-bandlardagi tegishli kelishikdagi “Qoʻmita” soʻzi tegishli kelishikdagi “Agentlik” soʻzi bilan almashtirilsin.

6. Vazirlar Mahkamasining “2015 — 2030-yillarda ofatlar xavfini kamaytirish boʻyicha Senday hadli dasturi”ni Oʻzbekiston Respublikasida amalga oshirish chora-tadbirlari toʻgʻrisida” 2019-yil 12-apreldagi 299-son qaroriga 2-ilovaning 15-pozitsiyasi “Masʼul ijrochilar” ustunidagi “Mudofaa sanoati davlat qoʻmitasi” soʻzlari “Mudofaa vazirligi huzuridagi Mudofaa sanoati agentligi” soʻzlari bilan almashtirilsin.

7. Vazirlar Mahkamasining “Oʻzbekiston Respublikasi davlat oʻq-gilzotekasi faoliyatini tashkil etish chora-tadbirlari toʻgʻrisida” 2020-yil 10-yanvardagi 13-son qarorida:

a) 2-banddagi “Mudofaa sanoati davlat qoʻmitasi” soʻzlari “Mudofaa vazirligi huzuridagi Mudofaa sanoati agentligi” soʻzlari bilan almashtirilsin;

b) 3-ilovaning “Masʼul vazirlik va idoralar” ustunidagi “Mudofaa sanoati davlat qoʻmitasi (A. Ibadullayev)” soʻzlari “Mudofaa vazirligi huzuridagi Mudofaa sanoati agentligi (M. Ibodullayev)” soʻzlari bilan almashtirilsin.

8. Vazirlar Mahkamasining 2020-yil 28-iyuldagi 455-son qarori bilan tasdiqlangan Fuqaroviy qurol va xizmat qurolini hamda ularning oʻq-dorilarini, shuningdek, tuzilishi jihatdan qurolga oʻxshash boʻlgan buyumlarni sertifikatlash tartibi toʻgʻrisidagi nizomning 19-bandidagi “Mudofaa sanoati davlat qoʻmitasini va Davlat bojxona qoʻmitasini” soʻzlari “Mudofaa vazirligi huzuridagi Mudofaa sanoati agentligini va Iqtisodiyot va moliya vazirligi huzuridagi Bojxona qoʻmitasini” soʻzlari bilan almashtirilsin.

10. Vazirlar Mahkamasining “Oʻzbekiston Respublikasi ichki ishlar vazirligi huzuridagi jazoni ijro etish departamenti faoliyatini yanada samarali tashkil etish boʻyicha qoʻshimcha chora-tadbirlar toʻgʻrisida” 2022-yil 15-avgustdagi 445-son qarorida:

a) 5-banddagi “Mudofaa sanoati davlat qoʻmitasi” soʻzlari “Investitsiyalar, sanoat va savdo vazirligi huzuridagi “Oʻztextreyd” davlat unitar korxonasi” soʻzlari bilan almashtirilsin;

b) 1-ilovada:

I boʻlimning 1-pozitsiyasi “Masʼul ijrochilar” ustunidagi “Mudofaa sanoati davlat qoʻmitasi (Ismoilov)” soʻzlari “Investitsiyalar, sanoat va savdo vazirligi huzuridagi “Oʻztextreyd” davlat unitar korxonasi (Yusupov)” soʻzlari bilan almashtirilsin;

II boʻlimning “Masʼul ijrochilar” ustunidagi “Mudofaa sanoati davlat qoʻmitasi (Ismoilov)” soʻzlari “Investitsiyalar, sanoat va savdo vazirligi huzuridagi “Oʻztextreyd” davlat unitar korxonasi (Yusupov)” soʻzlari bilan almashtirilsin.