O‘zbekiston Respublikasi Prezidentining 2022-yil 21-dekabrdagi “Yangi O‘zbekiston ma’muriy islohotlarini amalga oshirish chora-tadbirlari to‘g‘risida”gi PF-269-son hamda 2023-yil 10-fevraldagi “Tadbirkorlik subyektlarini toifalarga ajratish mezonlari hamda soliq siyosati va soliq ma’muriyatchiligini yanada takomillashtirish chora-tadbirlari to‘g‘risida”gi PF-21-son farmonlariga muvofiq:

1. O‘zbekiston Respublikasi Prezidentining va O‘zbekiston Respublikasi Hukumatining ayrim hujjatlariga ilovaga muvofiq quyidagilarni nazarda tutuvchi o‘zgartirish va qo‘shimchalar kiritilsin:

Tadbirkorlik faoliyatini qo‘llab-quvvatlash davlat jamg‘armasi tomonidan Farg‘ona viloyati So‘x tumanida ro‘yxatga olingan va faoliyat yuritayotgan kichik tadbirkorlik subyektlari loyihalariga tijorat banklarining milliy valyutada ajratiladigan, qiymati 10 milliard so‘mdan, foiz stavkasi Markaziy bank asosiy stavkasining 1,5 baravaridan oshmagan kredit (lizing)lari bo‘yicha foiz stavkasining 10 foizlik punktidan yuqori qismini qoplash uchun uch yil muddatgacha kompensatsiya taqdim etish;

“a’lo” kredit tarixiga ega bo‘lgan kichik tadbirkorlik subyektlariga, ular avval olgan kreditlari bo‘yicha Tadbirkorlik faoliyatini qo‘llab-quvvatlash davlat jamg‘armasi kafilligidan foydalanayotgan bo‘lishidan qat’i nazar qo‘shimcha kreditlar bo‘yicha belgilangan umumiy miqdor va shartlar doirasida kafilliklar taqdim etish;

Tadbirkorlik faoliyatini qo‘llab-quvvatlash davlat jamg‘armasini boshqarish bo‘yicha Kengashning yangilangan tarkibini tasdiqlash.

2. Mazkur Farmonning ijrosini nazorat qilish Bosh vazir o‘rinbosari J.A. Qo‘chqorov hamda iqtisodiyot va moliya vaziri Sh.D. Kudbiyev zimmasiga yuklansin.

1. O‘zbekiston Respublikasi Prezidentining 2022-yil 9-iyundagi “Tadbirkorlik faoliyatini qo‘llab-quvvatlash davlat jamg‘armasi faoliyatini yanada takomillashtirishga doir qo‘shimcha chora-tadbirlar to‘g‘risida”gi PF-150-son Farmonida:

a) 2-band quyidagi tahrirda bayon qilinsin:

“2. Belgilansinki, 2023-yil 1-yanvardan boshlab:

a) Jamg‘arma tomonidan kichik tadbirkorlik subyektlari loyihalariga tijorat banklarining milliy valyutada ajratiladigan, qiymati 5 milliard so‘mdan, foiz stavkasi Markaziy bank asosiy stavkasining 1,5 baravaridan oshmagan kredit (lizing)lari bo‘yicha:

1 — 3 toifadagi tuman (shahar)larda joylashgan kichik tadbirkorlik subyektlari loyihalari bo‘yicha foiz stavkasining asosiy stavkadan oshgan, biroq Markaziy bank asosiy stavkasining 30 foizidan ko‘p bo‘lmagan qismini;

4-5 toifadagi tuman (shahar)larda joylashgan kichik tadbirkorlik subyektlari loyihalari bo‘yicha foiz stavkasining asosiy stavkadan oshgan, biroq Markaziy bank asosiy stavkasining 40 foizidan ko‘p bo‘lmagan qismini qoplash uchun uch yil muddatgacha kompensatsiya taqdim etiladi.

Farg‘ona viloyati So‘x tumanida ro‘yxatga olingan va faoliyat yuritayotgan kichik tadbirkorlik subyektlari loyihalariga tijorat banklarining milliy valyutada ajratiladigan, qiymati 10 milliard so‘mdan, foiz stavkasi Markaziy bank asosiy stavkasining 1,5 baravaridan oshmagan kredit (lizing)lari bo‘yicha foiz stavkasining 10 foizlik punktidan yuqori qismini qoplash uchun uch yil muddatgacha kompensatsiya taqdim etiladi.

Bunda, kompensatsiya “2+1” tamoyili asosida avval kredit (lizing)ning dastlabki ikki yiliga taqdim etiladi, tadbirkorlar tomonidan biznes-rejada ko‘zda tutilgan mahsulot (xizmat)larni sotish hamda ish o‘rinlari yaratish ko‘rsatkichlari to‘liq bajarilgan taqdirda, qo‘shimcha bir yilga uzaytiriladi;

b) Jamg‘arma tomonidan tijorat banklari kredit (lizing)lariga kafillik:

1 — 3 toifadagi tuman (shahar)larda joylashgan kichik tadbirkorlik subyektlari loyihalariga ajratiladigan kredit summasining 50 foizigacha (50 foizi ham kiradi), biroq umumiy qiymati 2,5 milliard so‘mdan oshmagan miqdorda;

4-5 toifadagi tuman (shahar)larda joylashgan kichik tadbirkorlik subyektlari loyihalariga ajratiladigan kredit summasining 75 foizigacha (75 foizi ham kiradi), biroq umumiy qiymati 2,5 milliard so‘mdan oshmagan miqdorda taqdim etiladi.

Bunda, “a’lo” kredit tarixiga ega bo‘lgan kichik tadbirkorlik subyektlariga, ular avval olgan kreditlari bo‘yicha Jamg‘arma kafilligidan foydalanayotgan bo‘lishidan qat’i nazar qo‘shimcha kreditlar bo‘yicha belgilangan umumiy miqdor va shartlar doirasida kafilliklar taqdim etiladi”;

b) 3-banddagi “Iqtisodiy taraqqiyot va kambag‘allikni qisqartirish vazirligi” so‘zlari “Iqtisodiyot va moliya vazirligi” so‘zlari bilan almashtirilsin;

v) 7-bandda:

quyidagi mazmundagi yettinchi va sakkizinchi xatboshilar bilan to‘ldirilsin:

“Jamg‘arma tomonidan tadbirkorlik subyektlarini qo‘llab-quvvatlash bo‘yicha yangi xizmat turlarini joriy etish hamda ularning tartib va qoidalarini belgilash;

Jamg‘arma hisobidan kompensatsiya taqdim etilishi orqali ajratilgan kredit (lizing) biznes-rejasida ko‘rsatilgan ish o‘rinlarini yaratish va mahsulot (xizmat)lar aylanmasi ko‘rsatkichlari bajarilmagan hollarda kompensatsiya to‘lovlarini to‘xtatish yuzasidan qarorlar qabul qilish”;

yettinchi xatboshi to‘qqizinchi xatboshi deb hisoblansin;

g) 2-ilovaning matni quyidagi tahrirda bayon etilsin:

2. O‘zbekiston Respublikasi Prezidentining 2023-yil 25-yanvardagi “Respublika ijro etuvchi hokimiyat organlari faoliyatini samarali yo‘lga qo‘yishga doir birinchi navbatdagi tashkiliy chora-tadbirlar to‘g‘risida”gi PF-14-son Farmoniga 1-ilovaning izohlar qismi 5.1-bandidagi “Iqtisodiyot va moliya vazirligi tizimida Tadbirkorlik faoliyatini qo‘llab-quvvatlash davlat jamg‘armasi departamenti” so‘zlari “Iqtisodiyot va moliya vazirligi huzuridagi Tadbirkorlik faoliyatini qo‘llab-quvvatlash davlat jamg‘armasi” so‘zlari bilan almashtirilsin.

3. Vazirlar Mahkamasining 2022-yil 4-avgustdagi “O‘zbekiston Respublikasi Iqtisodiy taraqqiyot va kambag‘allikni qisqartirish vazirligi huzuridagi Tadbirkorlik faoliyatini qo‘llab-quvvatlash davlat jamg‘armasi faoliyatini tashkil etish chora-tadbirlari to‘g‘risida”gi 428-son qarorida:

a) nomlanishi, 2 va 3-bandlardagi “Iqtisodiy taraqqiyot va kambag‘allikni qisqartirish vazirligi” so‘zlari “Iqtisodiyot va moliya vazirligi” so‘zlari bilan almashtirilsin;

b) ilovada:

nomlanishi va 1-banddagi “Iqtisodiy taraqqiyot va kambag‘allikni qisqartirish vazirligi” so‘zlari “Iqtisodiyot va moliya vazirligi” so‘zlari bilan almashtirilsin;

5-bandda:

“a” kichik bandning ikkinchi xatboshisidagi “Iqtisodiy taraqqiyot va kambag‘allikni qisqartirish vazirligi” so‘zlari “Iqtisodiyot va moliya vazirligi” so‘zlari bilan almashtirilsin;

“b” kichik bandning ikkinchi xatboshisidagi “pri Ministerstve ekonomicheskogo razvitiya i sokraщeniya bednosti” so‘zlari “pri Ministerstve ekonomike i finansov” so‘zlari bilan almashtirilsin;

“v” kichik bandning ikkinchi xatboshisidagi “Ministry of economic development and poverty reduction” so‘zlari “Ministry of economy and finance” so‘zlari bilan almashtirilsin;

10-band quyidagi mazmundagi xatboshi bilan to‘ldirilsin:

“toifa — O‘zbekiston Respublikasi Prezidentining 2022-yil 30-dekabrdagi PF-287-son Farmoniga muvofiq ixtisoslashuvi hamda kichik biznes uchun mavjud sharoitidan kelib chiqib ajratilgan O‘zbekiston Respublikasi shahar va tumanlarining ro‘yxati”;

16-bandda:

quyidagi mazmundagi yigirma ikkinchi xatboshi bilan to‘ldirilsin:

“Jamg‘arma tomonidan tadbirkorlik subyektlarini qo‘llab-quvvatlashning yangi xizmat turlarini joriy etadi hamda ularning tartib va qoidalarini belgilaydi”;

yigirma ikkinchi — yigirma to‘rtinchi xatboshilar tegishincha yigirma uchinchi — yigirma beshinchi xatboshilar deb hisoblansin;

Nizomga 1-ilovaning matni quyidagi tahrirda bayon etilsin:

1. Kichik tadbirkorlik subyektlari loyihalariga tijorat banklarining milliy valyutada ajratiladigan, qiymati 5 milliard so‘mdan, foiz stavkasi Markaziy bank asosiy stavkasining 1,5 baravaridan oshmagan kredit (lizing)lari bo‘yicha:

1 — 3 toifadagi tuman (shahar)larda joylashgan kichik tadbirkorlik subyektlari loyihalari bo‘yicha foiz stavkasining asosiy stavkadan oshgan, biroq Markaziy bank asosiy stavkasining 30 foizidan ko‘p bo‘lmagan qismini qoplash uchun uch yil muddatgacha;

4-5 toifadagi tuman (shahar)larda joylashgan kichik tadbirkorlik subyektlari loyihalari bo‘yicha foiz stavkasining asosiy stavkadan oshgan, biroq Markaziy bank asosiy stavkasining 40 foizidan ko‘p bo‘lmagan qismini qoplash uchun uch yil muddatgacha;

Farg‘ona viloyati So‘x tumanida ro‘yxatga olingan va faoliyat yuritayotgan kichik tadbirkorlik subyektlari loyihalariga tijorat banklarining milliy valyutada ajratiladigan, qiymati 10 milliard so‘mdan, foiz stavkasi Markaziy bank asosiy stavkasining 1,5 baravaridan oshmagan kredit (lizing)lari bo‘yicha foiz stavkasining 10 foizlik punktidan yuqori qismini qoplash uchun uch yil muddatgacha kompensatsiya taqdim etiladi.

Bunda, kompensatsiya “2+1” tamoyili asosida avval kredit (lizing)ning dastlabki ikki yiliga taqdim etiladi, tadbirkorlar tomonidan biznes-rejada ko‘zda tutilgan mahsulot (xizmat)larni sotish hamda ish o‘rinlari yaratish ko‘rsatkichlari to‘liq bajarilgan taqdirda, qo‘shimcha bir yilga uzaytiriladi.

2. Tijorat banklari kredit (lizing)lariga:

1 — 3 toifadagi tuman (shahar)larda joylashgan kichik tadbirkorlik subyektlari loyihalariga ajratiladigan kredit summaning 50 foizigacha (50 foizi ham kiradi), biroq umumiy qiymati 2,5 milliard so‘mdan oshmagan miqdorda;

4-5 toifadagi tuman (shahar)larda joylashgan kichik tadbirkorlik subyektlari loyihalariga ajratiladigan kredit summaning 75 foizigacha (75 foizi ham kiradi), biroq umumiy qiymati 2,5 milliard so‘mdan oshmagan miqdorda;

2025-yil 1-yanvarga qadar olis va borish qiyin bo‘lgan, shuningdek, mehnat resurslari ortiqcha hududlar hamda mahallalarga biriktirilgan “yetakchi” kichik tadbirkorlik subyektlariga, shuningdek, kasanachilikni rivojlantirish bo‘yicha loyihalarga ajratiladigan kreditlarning 75 foizigacha (75 foizi ham shu jumlaga kiradi), biroq umumiy qiymati 2,5 milliard so‘mdan oshmagan miqdorda kafillik taqdim etiladi.

Bunda, “a’lo” kredit tarixiga ega bo‘lgan kichik tadbirkorlik subyektlariga, ular avval olgan kreditlari bo‘yicha Jamg‘arma kafilligidan foydalanayotgan bo‘lishidan qat’i nazar qo‘shimcha kreditlar bo‘yicha belgilangan umumiy miqdor va shartlar doirasida kafilliklar taqdim etiladi.

3. 2023-yil 1-apreldan boshlab bir yilda bir marotaba o‘rta tadbirkorlik subyektlariga mol-mulkni sug‘urta qilish xarajatlarining 50 foizigacha, biroq bazaviy hisoblash miqdorining 20 baravaridan oshmagan qismi Jamg‘arma tomonidan qoplab beriladi.

O‘rta tadbirkorlik subyektlariga mol-mulkni sug‘urta qilish xarajatlari Tadbirkorlik faoliyatini qo‘llab-quvvatlash davlat jamg‘armasini boshqarish bo‘yicha Kengash tomonidan tasdiqlangan nizom asosida qoplab beriladi.