Oʻzbekiston Respublikasining “Oʻzbekiston Respublikasining Markaziy banki toʻgʻrisida”gi va “Jinoiy faoliyatdan olingan daromadlarni legallashtirishga, terrorizmni moliyalashtirishga va ommaviy qirgʻin qurolini tarqatishni moliyalashtirishga qarshi kurashish toʻgʻrisida”gi qonunlariga muvofiq Oʻzbekiston Respublikasi Markaziy banki boshqaruvi va Oʻzbekiston Respublikasi Bosh prokuraturasi huzuridagi Iqtisodiy jinoyatlarga qarshi kurashish departamenti qaror qiladi:

1. Oʻzbekiston Respublikasi Markaziy banki boshqaruvi va Oʻzbekiston Respublikasi Bosh prokuraturasi huzuridagi Soliq, valyutaga oid jinoyatlarga va jinoiy daromadlarni legallashtirishga qarshi kurashish departamentining 2017-yil 9-avgustdagi 344-V va 26-son qarori (roʻyxat raqami 2925, 2017-yil 4-sentabr) (Oʻzbekiston Respublikasi qonun hujjatlari toʻplami, 2017-y., 36-son, 968-modda) bilan tasdiqlangan Nobank kredit tashkilotlarida jinoiy faoliyatdan olingan daromadlarni legallashtirishga, terrorizmni moliyalashtirishga va ommaviy qirgʻin qurolini tarqatishni moliyalashtirishga qarshi kurashish boʻyicha ichki nazorat qoidalariga ilovaga muvofiq qoʻshimcha va oʻzgartirishlar kiritilsin.

2. Mazkur qaror rasmiy eʼlon qilingan kundan eʼtiboran kuchga kiradi.

1. Quyidagi mazmundagi 6¹-band bilan toʻldirilsin:

“6¹. Nobank kredit tashkilotining nazorati ostida yoki ahamiyatli taʼsiri doirasida bitta yoki bir nechta pul mablagʻlari yoki boshqa mol-mulk bilan bogʻliq operatsiyalarni amalga oshiruvchi tashkilotlar boʻlgan taqdirda ichki qoidalar guruhiy yondashuv asosida ishlab chiqilishi va quyidagilarni oʻz ichiga olishi kerak:

jinoiy faoliyatdan olingan daromadlarni legallashtirish, terrorizmni moliyalashtirish va (yoki) ommaviy qirgʻin qurolini tarqatishni moliyalashtirish bilan bogʻliq tavakkalchiliklarni boshqarish va mijozlarni lozim darajada tekshirish uchun zarur boʻlgan maʼlumotlarni almashish qoidalari va tartib-taomillari;

komplaens nazoratni, auditni va (yoki) jinoiy faoliyatdan olingan daromadlarni legallashtirishga, terrorizmni moliyalashtirishga va (yoki) ommaviy qirgʻin qurolini tarqatishni moliyalashtirishga qarshi kurashish funksiyalarini guruh darajasida taʼminlash, jinoiy faoliyatdan olingan daromadlarni legallashtirish, terrorizmni moliyalashtirish va (yoki) ommaviy qirgʻin qurolini tarqatishni moliyalashtirishga qarshi kurashish maqsadlari uchun zarur boʻlgan hollarda filiallardan va shuʼba korxonalardan ularning mijozlari, hisobvaraqlari va operatsiyalari toʻgʻrisidagi maʼlumotlarni olinishini taʼminlash;

maxfiylikni va maʼlumotlardan foydalanishni yetarli darajada himoya qilish.”.

2. 10-bandning ikkinchi xatboshisidan “yoki bosh buxgalterga” degan soʻzlar chiqarib tashlansin.

3. 15-banddagi “koʻrsatilgan hollar” degan soʻzlar “koʻrsatilgan holat” degan soʻzlar bilan almashtirilsin.

4. 17-bandda:

qoʻyidagi mazmundagi ikkinchi xatboshi bilan toʻldirilsin:

“Ichki nazorat xizmati rahbari nobank kredit tashkilotining ijro etuvchi (ijroiya) organi aʼzosi yoki rahbarining oʻrinbosari boʻlib hisoblanadi.”;

ikkinchi xatboshi uchinchi xatboshi deb hisoblansin.

5. 39-bandning uchinchi xatboshisidagi “kamaytirishga” degan soʻz “minimallashtirish yuzasidan rejalarni ishlab chiqishi va amalga oshirishga” degan soʻzlar bilan almashtirilsin.

6. 40-band quyidagi mazmundagi “z¹” kichik band bilan toʻldirilsin:

“z¹) Oʻzbekiston Respublikasining norezidentlari — jismoniy shaxslar;”.

7. 52-bandning beshinchi xatboshisi quyidagi tahrirda bayon etilsin:

“ishga solmasdan toʻxtatib qoʻyilgan pul mablagʻlari yoki boshqa mol-mulk bilan bogʻliq boʻlgan shubhali operatsiya toʻgʻrisidagi xabarni maxsus vakolatli davlat organiga yuborish uchun tayyorlash;”.

8. 71-band “Nobank kredit tashkilotlari,” degan soʻzlardan keyin “shu jumladan, tashkilotning ijro etuvchi (ijroiya) organi,” degan soʻzlar bilan toʻldirilsin.

9. 74-bandning ikkinchi xatboshisi quyidagi tahrirda bayon etilsin:

“Masʼul xodim yoki Ichki nazorat xizmatining faoliyati samaradorligini monitoringi ichki audit xizmati yoki tashqi audit tomonidan amalga oshiriladi.”.