Oʻzbekiston Respublikasining “Yoʻl harakati xavfsizligi toʻgʻrisida”gi Qonunning 7-moddasi, Oʻzbekiston Respublikasining “Mahalliy davlat hokimiyati toʻgʻrisida”gi Qonunning 6, 25-moddalariga muvofiq qaror qilaman:

1. Urganch tumanida piyodalar va transport vositalarining harakat xavfsizligini taʼminlash, yoʻl transporti hodisalarini oldini olish maqsadida, Urganch tumani Mustaqillik koʻchasi 12/1-uyda joylashgan jinoyat ishlari boʻyicha Urganch tuman sudi binosi oldidagi yoʻlning ikki tomoniga “Toʻxtash taqiqlangan” yoʻl belgisini oʻrnatishga ruxsat berilsin.

2. Urganch tuman IIB (Gʻ. Sharipov), tuman yoʻllardan foydalanish unitar korxonasi (B. Qalandarov) hamda tuman Obodonlashtirish boshqarmasi (B. Nurmetov) mazkur qarorning 1-bandida koʻrsatib oʻtilgan manzilga “Toʻxtash taqiqlangan” yoʻl belgisini oʻrnatilishini taʼminlasinlar va doimiy nazorat qilish vazifasi yuklatilsin.

3. Mazkur qaror “Urganch haqiqati” gazetasida rasman eʼlon qilinsin va hokimlikning rasmiy veb-saytiga joylashtirilsin, ushbu qaror rasman eʼlon qilingan kundan boshlab kuchga kiradi.

4. Ushbu qarorning bajarilishini nazorat qilish tuman hokimining oʻrinbosari A. Xoʻjayev zimmasiga yuklatilsin.