312-сон 07.06.2022. Yoshlar muammolarini oʻrganish va hal etish tizimini yanada takomillashtirish chora-tadbirlari toʻgʻrisida

Oʻzbekiston Respublikasi Vazirlar Mahkamasining qarori, 07.06.2022 yildagi 312-son

Кучга кириш санаси

07.06.2022

Рус

Eng

Ўзб

O’zb

O‘zb|Рус

Hujjat 01.01.2024 sanasi holatiga

Joriy versiya

Oʻzbekiston Respublikasi Vazirlar Mahkamasining

qarori

Yoshlar muammolarini oʻrganish va hal etish tizimini yanada takomillashtirish chora-tadbirlari toʻgʻrisida

Oʻzbekiston Respublikasi Prezidentining “Mahallalarda yoshlar bilan ishlash tizimini tubdan takomillashtirish chora-tadbirlari toʻgʻrisida” 2022-yil 19-yanvardagi PQ-92-son va “Zakovat” intellektual oʻyinini aholi oʻrtasida ommaviy-maʼrifiy harakatga aylantirish va boshqa intellektual oʻyinlarni rivojlantirishga oid chora-tadbirlar toʻgʻrisida” 2022-yil 20-yanvardagi PQ-96-son qarorlariga muvofiq ijtimoiy himoyaga muhtoj, ishsiz va ijtimoiy faol boʻlmagan yoshlar bilan “Yoshlar daftari”ni yuritish orqali ishlash tizimini yanada takomillashtirish, ularni har tomonlama qoʻllab-quvvatlash, shuningdek, oliy taʼlim tashkilotlari talabalari oʻrtasida intellektual sogʻlom raqobatni shakllantirish, talaba va yoshlarning bilim va salohiyatini yanada oshirish hamda ularni ragʻbatlantirish maqsadida Vazirlar Mahkamasi qaror qiladi:

1. “Yoshlar daftari”ga kiritilgan yoshlarning ijtimoiy-iqtisodiy muammolarini hal etish maqsadida tuman va shaharlarda “Yoshlar daftari”ga kiritilgan yoshlarni qoʻllab-quvvatlash jamgʻarmalari (keyingi oʻrinlarda — tuman (shahar) “Yoshlar daftari” jamgʻarmasi) tashkil etilganligi maʼlumot uchun qabul qilinsin.

2. Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari hamda Yoshlar ishlari agentligining Qoraqalpogʻiston Respublikasi, viloyatlar va Toshkent shahrida “Yoshlar daftari”ga kiritilgan yoshlarni qoʻllab-quvvatlash jamgʻarmalarini (keyingi oʻrinlarda — hududiy “Yoshlar daftari” jamgʻarmasi) tashkil etish hamda ushbu jamgʻarmalar mablagʻlarini quyidagi manbalar hisobidan shakllantirish toʻgʻrisidagi taklifi maʼqullansin:

Qoraqalpogʻiston Respublika Joʻqorgʻi Kengesi, xalq deputatlari viloyatlar va Toshkent shahar Kengashlari qaroriga asosan Qoraqalpogʻiston Respublikasi respublika budjeti, viloyatlar viloyat budjeti va Toshkent shahrining shahar budjeti qoʻshimcha manbalari hisobidan har chorakda ajratiladigan mablagʻlar;

jismoniy va yuridik shaxslarning homiylik mablagʻlari hamda qonunchilik hujjatlarida taqiqlanmagan boshqa manbalar.

3. Qoraqalpogʻiston Respublikasi Vazirlar Kengashi Raisi, viloyatlar va Toshkent shahar, shuningdek, tuman (shahar) hokimlari ushbu qarorda nazarda tutilgan manbalar hisobidan hududiy va tuman (shahar) “Yoshlar daftari” jamgʻarmalari mablagʻlarini oʻz vaqtida va toʻliq shakllantirishga shaxsan masʼul hisoblanishi belgilab qoʻyilsin.

4. Quyidagilarni nazarda tutuvchi:

Qoraqalpogʻiston Respublikasi, viloyatlar va Toshkent shahri, shuningdek, tuman (shahar)lardagi “Yoshlar daftari” jamgʻarmalari toʻgʻrisidagi nizom 1-ilovaga muvofiq:

yuridik shaxs boʻlmagan hududiy va tuman (shahar) “Yoshlar daftari” jamgʻarmasini tashkil etish tartibi;

hududiy va tuman (shahar) “Yoshlar daftari” jamgʻarmasi mablagʻlarini shakllantirish tartibi;

hududiy va tuman (shahar) “Yoshlar daftari” jamgʻarmasi mablagʻlarini boshqarish va ulardan foydalanish;

Yoshlar ishlari agentligining hududiy boshqarmalarini hududiy “Yoshlar daftari” jamgʻarmasining, Yoshlar ishlari agentligining tuman (shahar) boʻlimlarini tuman (shahar) “Yoshlar daftari” jamgʻarmasining ishchi organi etib belgilash;

“Yoshlar daftari”ni yuritish orqali yoshlar muammolarini tizimli ravishda hal etish va ularni ijtimoiy qoʻllab-quvvatlash tartibi toʻgʻrisidagi nizom 2-ilovaga muvofiq tasdiqlansin:

“Yoshlar daftari”ga kiritilgan va moddiy ahvoli ogʻir yoshlarga bir martalik moddiy yordam koʻrsatish;

“Yoshlar daftari”ga kiritilgan yoshlarga ularning davlat va nodavlat taʼlim tashkilotlarida avtomototransport vositalari haydovchilarini tayyorlash oʻquv kursi xarajatlarini qoplash uchun subsidiya ajratish;

“Yoshlar daftari”ga kiritilgan yoshlarning muammolarini tizimli ravishda hal etish va ularni ijtimoiy qoʻllab-quvvatlash, ijtimoiy-iqtisodiy, psixologik himoyaga muhtoj hamda iqtidorli va faol yoshlarga koʻmaklashish;

“Yoshlar daftari”ga kiritilgan yoshlarni kasb-hunarga oʻrgatish orqali ularning bandligini taʼminlash, tadbirkorlik loyihalari va tashabbuslarini qoʻllab-quvvatlash;

yoshlarning isteʼdodlarini qoʻllab-quvvatlash, besh muhim tashabbus doirasidagi tadbirlarni moliyalashtirish hamda amaliy yordamlar toʻliq koʻrsatish orqali yoshlarni “Yoshlar daftari”dan chiqarish tartibi.

5. Belgilansinki:

hududiy va tuman (shahar) “Yoshlar daftari” jamgʻarmalarining daromadlar va xarajatlar parametrlarini, ularning ijrosi toʻgʻrisidagi hisobotlarni, ish rejalarini tasdiqlash hamda mablagʻlarini shakllantirish va ulardan foydalanish bilan bogʻliq boshqa vakolatlar tegishlicha Qoraqalpogʻiston Respublikasi, viloyatlar va Toshkent shahar, shuningdek, tuman (shahar)lardagi “Yoshlar daftari” jamgʻarmalari Vasiylik kengashlari tomonidan amalga oshiriladi;

Qoraqalpogʻiston Respublikasi Vazirlar Kengashi Raisi, viloyatlar va Toshkent shahar hokimlari — tegishli hududiy “Yoshlar daftari” jamgʻarmasi, tuman (shahar) hokimlari — tegishli tuman (shahar) “Yoshlar daftari” jamgʻarmasi Vasiylik kengashi raisi hisoblanadi;

hududiy va tuman (shahar) “Yoshlar daftari” jamgʻarmalari Vasiylik kengashlari aʼzolarining faoliyati jamoatchilik asosida tashkil etiladi.

4. Quyidagilarni nazarda tutuvchi:

Qoraqalpogʻiston Respublikasi, viloyatlar va Toshkent shahri, shuningdek, tuman (shahar)lardagi “Yoshlar daftari” jamgʻarmalari toʻgʻrisidagi nizom 1-ilovaga muvofiq:

yuridik shaxs boʻlmagan hududiy va tuman (shahar) “Yoshlar daftari” jamgʻarmasini tashkil etish tartibi;

hududiy va tuman (shahar) “Yoshlar daftari” jamgʻarmasi mablagʻlarini shakllantirish tartibi;

hududiy va tuman (shahar) “Yoshlar daftari” jamgʻarmasi mablagʻlarini boshqarish va ulardan foydalanish;

Qoraqalpogʻiston Respublikasi, viloyatlar va Toshkent shahar yoshlar ishlari boshqarmalarini hududiy “Yoshlar daftari” jamgʻarmasining, tuman (shahar) yoshlar ishlari boʻlimlarini tuman (shahar) “Yoshlar daftari” jamgʻarmasining ishchi organi etib belgilash;

“Yoshlar daftari” jamgʻarmasi hisobidan ijtimoiy yordam ajratish boʻyicha davlat xizmatlarini koʻrsatishning maʼmuriy reglamenti 2-ilovaga muvofiq tasdiqlansin:

“Yoshlar daftari”ni shakllantirish;

“Yoshlar daftari”ga kiritilgan yoshlarga ijtimoiy yordam ajratish boʻyicha davlat xizmatlarini koʻrsatish;

yoshlarni “Yoshlar daftari”dan chiqarish tartibi.

5. Belgilansinki:

Hududiy va tuman (shahar) “Yoshlar daftari” jamgʻarmalarining daromadlar va xarajatlar parametrlarini, ularning ijrosi toʻgʻrisidagi hisobotlarni, ish rejalarini tasdiqlash hamda mablagʻlarini shakllantirish va ulardan foydalanish bilan bogʻliq boshqa vakolatlar tegishlicha Qoraqalpogʻiston Respublikasi, viloyatlar va Toshkent shahar “Yoshlar daftari” jamgʻarmalari Vasiylik kengashlari hamda tuman (shahar) hokimliklari tomonidan amalga oshiriladi;

Qoraqalpogʻiston Respublikasi Vazirlar Kengashi Raisi, viloyatlar va Toshkent shahar hokimlari — tegishli hududiy “Yoshlar daftari” jamgʻarmasi Vasiylik kengashi raisi hisoblanadi;

hududiy “Yoshlar daftari” jamgʻarmalari Vasiylik kengashlari aʼzolarining faoliyati jamoatchilik asosida tashkil etiladi.

6. Qoraqalpogʻiston Respublikasi Joʻqorgʻi Kengesi, xalq deputatlari viloyatlar va Toshkent shahar hamda tuman (shahar) Kengashlariga hududiy va tuman (shahar) “Yoshlar daftari” jamgʻarmalari daromadlarining barqaror shakllantirilishi va oʻz vaqtida moliyalashtirilishini doimiy nazorat qilib borish tavsiya etilsin.

7. Yoshlar ishlari agentligi hamda Axborot texnologiyalari va kommunikatsiyalarini rivojlantirish vazirligi:

Iqtisodiy taraqqiyot va kambagʻallikni qisqartirish vazirligi bilan birgalikda 2022-yil 1-iyulga qadar “Onlayn mahalla” elektron platformasining “Yoshlar daftari” axborot tizimi bilan;

2022-yil 1-sentabrga qadar “Yoshlar daftari” axborot tizimini tegishli vazirlik va idoralarning axborot tizimlari bilan integratsiya qilinishini taʼminlasin.

8. Yoshlar ishlari agentligi tomonidan “Yoshlar portali” axborot tizimi negizida yaratilgan “Yoshlar murojaati” elektron platformasi Oʻzbekiston Respublikasi Prezidentining Virtual qabulxonasi bilan integratsiya qilinganligi maʼlumot uchun qabul qilinsin.

9. 2022-yil 1-iyuldan boshlab “Yoshlar murojaati” elektron platformasiga kelib tushgan murojaatlar Oʻzbekiston Respublikasi Prezidentining Virtual qabulxonasi orqali tegishliligi boʻyicha davlat organlari va tashkilotlariga yuborilishi inobatga olinsin.

Bunda Yoshlar ishlari agentligi tomonidan murojaatlarning koʻrib chiqilishi va hal etilishi boʻyicha tizimli monitoring yuritilib, “Jismoniy va yuridik shaxslarning murojaatlari toʻgʻrisida”gi Oʻzbekiston Respublikasi Qonuni talablarining buzilish holatlari aniqlangan taqdirda, huquqiy baho berish uchun har chorak yakunida huquqni muhofaza qiluvchi organlarga maʼlumot kiritib boriladi.

10. Oʻzbekiston Respublikasi Prezidentining “Zakovat” intellektual oʻyinini aholi oʻrtasida ommaviy-maʼrifiy harakatga aylantirish va boshqa intellektual oʻyinlarni rivojlantirishga oid chora-tadbirlar toʻgʻrisida” 2022-yil 20-yanvardagi PQ-96-son qarorining 6-bandiga muvofiq 2022-yildan boshlab har yili intellektual olimpiada tashkil etilishi belgilanganligi maʼlumot uchun qabul qilinsin.

11. Oliy taʼlim tashkilotlarining talabalari oʻrtasida intellektual olimpiadaga tayyorgarlik koʻrish va uni oʻtkazish boʻyicha tashkiliy qoʻmita tarkibi 3-ilovaga muvofiq tasdiqlansin.

12. Tashkiliy qoʻmita (A. Saʼdullayev):

bir oy muddatda oliy taʼlim tashkilotlarining talabalari oʻrtasida intellektual olimpiadani oʻtkazish tartibini ishlab chiqsin va tasdiqlasin;

amaliyotda toʻplangan tajribalarni inobatga olgan holda 2023-yil 31-yanvarga qadar oliy taʼlim tashkilotlari talabalari oʻrtasida intellektual olimpiadani oʻtkazish tartibini tasdiqlash uchun belgilangan tartibda Vazirlar Mahkamasiga kiritsin;

manfaatdor vazirliklar va idoralar bilan birgalikda intellektual olimpiadani tashkil etish hamda oʻtkazish boʻyicha barcha tashkiliy va ijodiy ishlarni muvofiqlashtirsin;

intellektual olimpiadaning respublika bosqichi oʻtkaziladigan joyni belgilasin hamda hakamlar hayʼati tarkibi, apellyatsiya komissiyasi aʼzolari roʻyxatini shakllantirsin;

intellektual olimpiada materiallarining maxfiyligini, olimpiadaning belgilangan talablar asosida oʻtkazilishini taʼminlasin;

intellektual olimpiadaga taʼlim yoʻnalishi, sohasi, mutaxassisligidan qatʼi nazar, respublikadagi barcha oliy taʼlim tashkilotlari talabalarini jalb etish choralarini koʻrsin;

umumjamoa hisobida 1, 2 va 3-oʻrinni qoʻlga kiritgan oliy taʼlim tashkilotlarini mukofotlash turlarini, shu jumladan, Oʻzbekiston Respublikasi Prezidenti sovgʻasini belgilash hamda intellektual olimpiadaning gʻolib va sovrindorlariga topshirilishini taʼminlasin;

intellektual olimpiadaning gʻolib va sovrindorlarini oʻz mutaxassisligi boʻyicha kadrlar zaxirasiga kiritish uchun ularning roʻyxatini Davlat xizmatini rivojlantirish agentligiga taqdim etib borsin;

intellektual olimpiadaning gʻolib va sovrindorlarini oʻz mutaxassisligi boʻyicha kadrlar zaxirasiga kiritish uchun ularning roʻyxatini Boshqaruv samaradorligi agentligiga taqdim etib borsin;

intellektual olimpiadaning tashkil etilishi, oʻtkazilishi va natijalarini ommaviy axborot vositalari hamda ijtimoiy tarmoqlarda keng yoritib borish choralarini koʻrsin.

13. Quyidagilar:

intellektual olimpiada ishtirokchilarining yashash va transport xarajatlari — ushbu ishtirokchilar taʼlim olayotgan oliy taʼlim tashkilotlarining budjetdan tashqari jamgʻarmalari mablagʻlari hisobidan;

gʻolib va sovrindor boʻlgan ishtirokchilarni ragʻbatlantirish xarajatlari — Yoshlar ishlari agentligi orqali Davlat budjetidan “Zakovat” intellektual klubi” nodavlat notijorat tashkilotiga ajratiladigan mablagʻlar hisobidan qoplanishi belgilab qoʻyilsin.

14. Oʻzbekiston Respublikasi Sportni rivojlantirish vazirligi Oʻzbekiston shaxmat federatsiyasi, Oʻzbekiston shashka federatsiyasi bilan birgalikda intellektual olimpiada davomida shaxmat va shashka musobaqalarini oʻtkazish choralarini koʻrsin.

14. Oʻzbekiston Respublikasi Sport vazirligi Oʻzbekiston shaxmat federatsiyasi, Oʻzbekiston shashka federatsiyasi bilan birgalikda intellektual olimpiada davomida shaxmat va shashka musobaqalarini oʻtkazish choralarini koʻrsin.

15. Oʻzbekiston Respublikasi Ichki ishlar vazirligi, Favqulodda vaziyatlar vazirligi Milliy gvardiya bilan birgalikda intellektual olimpiada tadbirlari oʻtkaziladigan obyektlar va ularning atrofidagi hududlarda jamoat tartibini saqlash, yoʻl harakati, yongʻin va fuqarolar xavfsizligini taʼminlashga qaratilgan chora-tadbirlarni amalga oshirsin.

16. Oʻzbekiston Respublikasi Sogʻliqni saqlash vazirligi, Sanitariya-epidemiologik osoyishtalik va jamoat salomatligi xizmati intellektual olimpiada oʻtkaziladigan hamda ishtirokchilar joylashgan turar joylarda tibbiy xizmat navbatchiligini tashkil etish, yuqori saviyada tibbiy xizmat koʻrsatish, shuningdek, ularni zarur tibbiy anjomlar, dori vositalari bilan taʼminlash choralarini koʻrsin.

16. Oʻzbekiston Respublikasi Sogʻliqni saqlash vazirligi, Sanitariya-epidemiologik osoyishtalik va jamoat salomatligi qoʻmitasi intellektual olimpiada oʻtkaziladigan hamda ishtirokchilar joylashgan turar joylarda tibbiy xizmat navbatchiligini tashkil etish, yuqori saviyada tibbiy xizmat koʻrsatish, shuningdek, ularni zarur tibbiy anjomlar, dori vositalari bilan taʼminlash choralarini koʻrsin.

17. Oʻzbekiston Respublikasi Hukumatining 4-ilovaga muvofiq ayrim qarorlariga oʻzgartirish va qoʻshimchalar kiritilsin.

18. Mazkur qarorning bajarilishini nazorat qilish Oʻzbekiston Respublikasi Yoshlar ishlari agentligi direktori A.Z. Saʼdullayev zimmasiga hamda Vazirlar Mahkamasining Yoshlarni qoʻllab-quvvatlash va jamoat tashkilotlari masalalari kotibiyatiga yuklansin.

18. Mazkur qarorning bajarilishini nazorat qilish Oʻzbekiston Respublikasi Yoshlar ishlari agentligi direktori A.Z. Saʼdullayev zimmasiga hamda Vazirlar Mahkamasining “Mahalla yettiligi”, yoshlar siyosati va maʼnaviyat masalalari departamentiga yuklansin.

Oʻzbekiston Respublikasining Bosh vaziri A. ARIPOV

Toshkent sh.,

2022-yil 7-iyun,

312-son

Vazirlar Mahkamasining 2022-yil 7-iyundagi 312-son qaroriga
1-ILOVA

Qoraqalpogʻiston Respublikasi, viloyatlar va Toshkent shahri, shuningdek, tuman (shahar)lardagi “Yoshlar daftari” jamgʻarmalari toʻgʻrisida

NIZOM

1-bob. Umumiy qoidalar

1. Ushbu Nizom Qoraqalpogʻiston Respublikasi, viloyatlar va Toshkent shahridagi “Yoshlar daftari” jamgʻarmalari (keyingi oʻrinlarda — hududiy “Yoshlar daftari” jamgʻarmasi), shuningdek, tuman (shahar)lardagi “Yoshlar daftari” jamgʻarmalarini (keyingi oʻrinlarda — tuman (shahar) “Yoshlar daftari” jamgʻarmasi) tashkil etish, ularning mablagʻlarini shakllantirish va ushbu mablagʻlardan foydalanish tartibini belgilaydi.

2. Hududiy “Yoshlar daftari” jamgʻarmasi mablagʻlari tegishlicha Qoraqalpogʻiston Respublikasi Joʻqorgʻi Kengesi, xalq deputatlari viloyatlar va Toshkent shahar Kengashlari qaroriga, shuningdek, tuman (shahar) “Yoshlar daftari” jamgʻarmasi xalq deputatlari tuman (shahar) Kengashlari qaroriga muvofiq belgilangan tartibda shakllantiriladi.

3. Hududiy va tuman (shahar) “Yoshlar daftari” jamgʻarmasi yuridik shaxs hisoblanmaydi.

Hududiy “Yoshlar daftari” jamgʻarmasining mablagʻlari tegishlicha Qoraqalpogʻiston Respublikasi, viloyatlar va Toshkent shahar gʻaznachilik boshqarmalarida, shuningdek, tuman (shahar) “Yoshlar daftari” jamgʻarmasining mablagʻlari tuman (shahar) gʻaznachilik boʻlimlarida alohida ochilgan shaxsiy gʻazna hisobvaraqlarida yigʻiladi.

2-bob. Hududiy va tuman (shahar) “Yoshlar daftari” jamgʻarmalari mablagʻlarini shakllantirish manbalari

4. Hududiy “Yoshlar daftari” jamgʻarmasi quyidagi manbalar hisobidan shakllantiriladi:

Qoraqalpogʻiston Respublika Joʻqorgʻi Kengesi, xalq deputatlari viloyatlar va Toshkent shahar Kengashlarining qaroriga asosan Qoraqalpogʻiston Respublikasi respublika budjeti, viloyatlar viloyat budjeti va Toshkent shahrining shahar budjeti qoʻshimcha manbalari hisobidan har chorakda ajratiladigan mablagʻlar;

xorijiy (xalqaro) moliya institutlari va boshqa xorijiy donorlarning texnik koʻmak mablagʻlari va grantlari;

jismoniy va yuridik shaxslarning homiylik mablagʻlari hamda qonunchilik hujjatlari bilan taqiqlanmagan boshqa manbalar.

Bunda Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari tegishlicha Qoraqalpogʻiston Respublika Joʻqorgʻi Kengesi, viloyatlar va Toshkent shahar xalq deputatlari Kengashlari qarorlariga asosan Qoraqalpogʻiston Respublikasi respublika budjeti, viloyatlar viloyat budjeti va Toshkent shahrining shahar budjeti qoʻshimcha manbalari hisobidan har chorakda ajratiladigan mablagʻlarni, birinchi navbatda, tegishli hududning qoʻshimcha manbalari nisbatan kam miqdorda shakllangan tuman (shahar) “Yoshlar daftari” jamgʻarmalariga oʻtkazib borish yuzasidan takliflarni Qoraqalpogʻiston Respublikasi Joʻqorgʻi Kengesiga, xalq deputatlari viloyatlar va Toshkent shahar Kengashlariga kiritib borsin.

5. Tuman (shahar) “Yoshlar daftari” jamgʻarmasi quyidagi manbalar hisobidan shakllantiriladi:

hududiy “Yoshlar daftari” jamgʻarmasidan ajratmalar;

tuman (shahar) xalq deputatlari Kengashlari qaroriga asosan tuman (shahar) budjetlari qoʻshimcha manbalari hisobidan har chorakda ajratiladigan mablagʻlar;

Oʻzbekiston Respublikasi Prezidentining “Sud hujjatlari va boshqa organlar hujjatlarini ijro etish tizimini yanada takomillashtirish chora-tadbirlari toʻgʻrisida” 2020-yil 24-noyabrdagi PF-6118-son Farmonining 12-bandida belgilangan tushumlarning mazkur Farmonga 3-ilovaga muvofiq miqdordagi mablagʻlar;

xorijiy (xalqaro) moliya institutlari va boshqa xorijiy donorlarning texnik koʻmak mablagʻlari va grantlari;

jismoniy va yuridik shaxslarning homiylik mablagʻlari hamda qonunchilik hujjatlari bilan taqiqlanmagan boshqa manbalar.

6. Qoraqalpogʻiston Respublikasi Vazirlar Kengashi Raisi, viloyatlar va Toshkent shahar, shuningdek, tuman (shahar) hokimlari ushbu Nizomning 4-bandida nazarda tutilgan manbalar hisobidan hududiy va tuman (shahar) “Yoshlar daftari” jamgʻarmalari mablagʻlarini oʻz vaqtida va toʻliq shakllantirishga shaxsan masʼul hisoblanadi.

3-bob. Hududiy va tuman (shahar) “Yoshlar daftari” jamgʻarmalari mablagʻlaridan foydalanish

7. Hududiy “Yoshlar daftari” jamgʻarmasi mablagʻlari:

tegishli hududning qoʻshimcha manbalari nisbatan kam miqdorda shakllangan tuman (shahar) “Yoshlar daftari” jamgʻarmalariga;

Yoshlar ishlari agentligi direktori tomonidan tasdiqlangan kalendar rejada belgilangan mahalla, sektor, tuman (shahar) va hudud darajasidagi loyihalar, yoshlar festivallari, forumlar, tanlovlar va boshqa madaniy-maʼrifiy tadbirlarni moliyalashtirishga;

mahallalarda yoshlarning boʻsh vaqtini mazmunli tashkil etish uchun qoʻshimcha sharoitlar yaratishga moʻljallangan yengil turdagi kichik kutubxonalar va sport obyektlarini barpo etish hamda ularni zamonaviy jihozlashga;

mahallalardagi yoshlar yetakchilari uchun ajratilgan xizmat xonalarini moddiy-texnik jihozlar (mebel, planshet, kompyuter toʻplami, aloqa, internet va boshqalar) bilan taʼminlashga;

qonunchilik hujjatlari bilan belgilangan boshqa xarajatlarni qoplashga yoʻnaltiriladi.

8. Tuman (shahar) “Yoshlar daftari” jamgʻarmasi mablagʻlari:

“Yoshlar daftari”ga kiritilgan va moddiy ahvoli ogʻir yoshlarga bazaviy hisoblash miqdorining (keyingi oʻrinlarda — BHM) 4 baravarigacha miqdorda bir martalik moddiy yordam koʻrsatishga;

“Yoshlar daftari”ga kiritilgan yoshlarni tadbirkorlik va kasb-hunarga oʻqitish uchun sarflangan xarajatlarning 75 foizigacha qismini, biroq bir oygacha, bir oydan ikki oygacha, ikki oydan ortiq muddatli oʻquv kurslari uchun tegishlicha BHMning 4, 8, 12 baravaridan koʻp boʻlmagan miqdordagi qismini qoplashga;

“Yoshlar daftari”ga kiritilgan, dehqonchilik va tomorqa xoʻjaligini yuritish bilan shugʻullanayotgan yoshlarga urugʻlik va koʻchatlar sotib olish uchun BHMning 8 baravarigacha miqdorda subsidiya ajratishga;

“Yoshlar daftari”ga kiritilgan yoshlarga tadbirkorlik faoliyati hamda oʻzini oʻzi band qilish maqsadida noturar joyning 12 oygacha ijara xarajatlarini koʻpi bilan bir yilda 30 foiz, biroq BHMning 25 baravarigacha miqdorda qoplashga;

“Yoshlar daftari”ga kiritilgan yoshlarga tadbirkorlik faoliyatini boshlash va oʻzini oʻzi band qilish uchun zarur boʻlgan asbob-uskunalar va mehnat qurollarini xarid qilishga BHMning 40 baravarigacha miqdorda subsidiya ajratishga;

mamlakatimizdagi professional va oliy taʼlim muassasalarida taʼlim olayotgan, “Temir daftar”ga kiritilgan oilalar farzandlarining, shuningdek, “Yoshlar daftariga” kiritilgan yoshlarning toʻlov-kontrakt summasining 50 foizigacha, ammo BHMning 50 baravaridan oshmagan miqdorda toʻlab berishga;

yoshlarga zamonaviy kasblarni egallashi, axborot texnologiyalarini oʻrganishi va ularni xorijiy tillarga oʻqitish boʻyicha olti oygacha muddatli oʻquv kurslar uchun har oyda BHMning 4 baravarigacha miqdorda subsidiya ajratishga;

ijtimoiy himoyaga muhtoj iqtidorli yoshlarning ilm-fan, sport, sanʼat va madaniyat yoʻnalishlaridagi olti oygacha muddatli oʻquv kurslari uchun har oyda BHMning 1 baravarigacha miqdorda subsidiya ajratishga;

“Temir daftar” va “Ayollar daftari”ga kiritilgan oilalarning farzandlari hamda “Yoshlar daftari”ga kiritilgan ijtimoiy himoyaga muhtoj yoshlarning fuqarolik pasporti (biometrik pasport) olish badalini qoplab berish;

ijtimoiy himoyaga muhtoj iqtidorli yoshlarning ilm-fan, sport, sanʼat va madaniyat yoʻnalishlaridagi olimpiada, tanlov va musobaqalarning mahalliy bosqichlarida qatnashish xarajatlari uchun BHMning 4 baravarigacha hamda xalqaro bosqichlarida qatnashish xarajatlari uchun BHMning 40 baravarigacha miqdorda subsidiya ajratishga;

“Temir daftar” va “Ayollar daftari”ga kiritilgan oilalarning farzandlari hamda “Yoshlar daftari”ga kiritilgan yosh oilalarning oʻquvchi farzandlari uchun bir kalendar yilida bir marotaba maktab formasi hamda oʻquv qurollari uchun xarajatlarini qoplash;

“Temir daftar” va “Ayollar daftari”ga kiritilgan oilalarning farzandlari hamda “Yoshlar daftari”ga kiritilgan ijtimoiy himoyaga muhtoj yoshlar hamda tengdoshlari orasida namuna koʻrsatgan faol yoshlarning mamlakatimiz boʻylab turizm obyektlariga sayohatlari uchun mehmonxona va yoʻl xarajatlarini qoplab berish;

yoshlarga taʼlim, madaniyat va sanʼat, sport, axborot texnologiyalar sohasiga va fanlarni oʻqitishga ixtisoslashgan taʼlim tashkilotlarining uch oy muddatgacha noturar joy ijara xarajatlari uchun BHMning 50 baravarigacha miqdorda subsidiya ajratishga;

moddiy ahvoli ogʻir boʻlgan 30 yoshdan oshmagan bemor fuqarolarga mamlakatda yoki xorijiy davlatlarda davolanish bilan bogʻliq xarajatlarni qoplash uchun BHMning 50 baravaridan oshmagan miqdorda subsidiya ajratishga;

psixologik maslahatga muhtoj yoshlarga ixtisoslashgan nodavlat notijorat tashkilotlari hamda nodavlat taʼlim tashkilotlari tomonidan pulli psixologik xizmat koʻrsatilishi bilan bogʻliq xarajatlarni qoplashga;

ijtimoiy himoyaga muhtoj yoshlarning safarbarlik chaqiruvi rezervidagi xizmatni oʻtash badalini toʻliq miqdorda qoplash uchun subsidiya ajratishga;

yoshlarga yangi turmush qurayotganda, oʻz xonadonida qoʻshimcha uy-joy qurish uchun 33 million soʻmgacha garovsiz kredit ajratishga kafillik berishga;

ijtimoiy himoyaga muhtoj yosh oilalarga har oyda BHMning 3 baravaridan oshmagan miqdorda 12 oygacha turar joy ijarasi uchun subsidiya ajratishga;

Yoshlar ishlari agentligi direktori tomonidan tasdiqlangan kalendar rejada belgilangan mahalla, sektor va tuman (shahar) darajasidagi loyihalar, yoshlar festivallari, forumlar, tanlovlar va boshqa madaniy-maʼrifiy tadbirlarni moliyalashtirishga;

mahalladagi yoshlar yetakchisining tuman (shahar) Vasiylik kengashiga kiritgan iltimosnomasiga binoan Kengash raisi Yoshlar ishlari agentligining hududiy boshqarmasiga “Yoshlar daftari”ga kiritilgan yoshlarning muammolarini “Yoshlar daftari” jamgʻarmasi mablagʻlari hisobidan yetarli darajada hal qilinganligi toʻgʻrisida axborot beradi. Mazkur axborot asosida Yoshlar ishlari agentligining hududiy boshqarmasi tavsiyasi bilan tuman (shahar) jamgʻarmasidagi mavjud mablagʻlar hisobidan mahallalarda yoshlarning boʻsh vaqtini mazmunli tashkil etish uchun qoʻshimcha sharoitlar yaratishga moʻljallangan yengil turdagi kichik kutubxonalar va sport obyektlarini barpo etish hamda ularni zamonaviy jihozlashga mablagʻ yoʻnaltirish;

qonunchilik hujjatlari bilan belgilangan boshqa xarajatlarni qoplashga yoʻnaltiriladi.

9. Hududiy va tuman (shahar) “Yoshlar daftari” jamgʻarmalarining mablagʻlari ushbu Nizomning 7 va 8-bandlarida nazarda tutilmagan maqsadlarga yoʻnaltirilishiga, shuningdek, “Yoshlar daftari”ga kiritilgan yoshlarga aynan bir turdagi subsidiya yoki ijtimoiy yordam (bir martalik moddiy yordam bundan mustasno) boshqa manbalar va jamgʻarmalar tomonidan koʻrsatilganda taqdim etilishiga yoʻl qoʻyilmaydi.

10. Oʻzbekiston Respublikasi Yoshlar ishlari agentligining Yoshlarga oid davlat siyosatini qoʻllab-quvvatlash jamgʻarmasi hisobidan, zarur hollarda, ushbu Nizomning 7 va 8-bandlarida nazarda tutilgan maqsadlar uchun mablagʻlar ajratilishi mumkin.

11. Hududiy va tuman (shahar) “Yoshlar daftari” jamgʻarmalari mablagʻlarini shakllantirish, boshqarish va ulardan foydalanish maqsadida ushbu Nizomga 1 va 2-ilovalarga muvofiq tarkibda Vasiylik kengashi (keyingi oʻrinlarda — Vasiylik kengashi) tuziladi.

Vasiylik kengashi tarkibi Qoraqalpogʻiston Respublikasi Joʻqorgʻi Kengesi, xalq deputatlari viloyatlar va Toshkent shahar Kengashlari, shuningdek, xalq deputatlari tuman (shahar) Kengashlari qaroriga muvofiq tasdiqlanadi.

Vasiylik kengashi raisi va aʼzolari “Yoshlar daftari” jamgʻarmasini boshqarish boʻyicha faoliyatini jamoatchilik asosida amalga oshiradi.

Vasiylik kengashi raisi “Yoshlar daftari” jamgʻarmasi mablagʻlarini boshqaruvchi hisoblanadi.

12. Yoshlar ishlari agentligining hududiy boshqarmalari hududiy “Yoshlar daftari” jamgʻarmasining, Yoshlar ishlari agentligining tuman (shahar) boʻlimlari tuman (shahar) “Yoshlar daftari” jamgʻarmasining ishchi organi hisoblanadi.

13. “Yoshlar daftari” jamgʻarmalari mablagʻlari sarflash Vasiylik kengashi qarori asosida sarflanadi.

Vasiylik kengashi yigʻilishlari har oyda kamida ikki marta — oyning 15-sanasigacha va oxirgi sanasigacha oʻtkaziladi.

14. Vasiylik kengashi raisi Vasiylik kengashi yigʻilishlariga raislik qiladi.

15. Vasiylik kengashlari qarorlari Vasiylik kengashi yigʻilishi bayoni bilan rasmiylashtiriladi.

16. Vasiylik kengashi:

“Yoshlar daftari” jamgʻarmasiga umumiy rahbarlik qiladi va uning faoliyatini nazorat qiladi;

“Yoshlar daftari” jamgʻarmasining daromad va xarajatlari yillik parametrlarini, ularning ijrosi toʻgʻrisidagi yillik hisobotlarni, shuningdek, “Yoshlar daftari” jamgʻarmasiga yuklangan vazifalarning bajarilishi toʻgʻrisidagi hisobotlarni tasdiqlaydi;

“Yoshlar daftari” jamgʻarmasining yillik ish rejasi va dasturlarini tasdiqlaydi;

“Yoshlar daftari” jamgʻarmasi mablagʻlaridan foydalanishda shaffoflikni taʼminlaydi;

“Yoshlar daftari” jamgʻarmasi mablagʻlari hisobidan alohida tadbirlarni moliyalashtirish tartibini belgilaydi;

“Yoshlar daftari” jamgʻarmasiga homiylik xayriyalari, shuningdek, xalqaro tashkilotlarning texnik koʻmak mablagʻlari va grantlarini jalb qilishga koʻmaklashadi;

“Yoshlar daftari” jamgʻarmasiga yuklatilgan vazifalarni Vasiylik kengashi aʼzolari oʻrtasida taqsimlaydi;

“Yoshlar daftari” jamgʻarmasi faoliyatiga taalluqli masalalarni koʻrib chiqadi va ular boʻyicha qarorlar qabul qiladi;

“Yoshlar daftari” jamgʻarmasi mablagʻlarini shakllantirish va ulardan foydalanish bilan bogʻliq boshqa vakolatlarni amalga oshiradi;

“Yoshlar daftari” jamgʻarmasi faoliyatiga aloqador boshqa masalalarni koʻrib chiqadi va ular boʻyicha qarorlar qabul qiladi.

17. “Yoshlar daftari” jamgʻarmasining ishchi organi:

“Yoshlar daftari” jamgʻarmasining yillik ish rejasi va dasturlarini ishlab chiqadi;

Vasiylik kengashi yigʻilishi kun tartibiga kiritiladigan masalalarni tayyorlaydi, yigʻilish bayonnomasini yuritadi va rasmiylashtiradi;

Vasiylik kengashi aʼzolariga Vasiylik kengashi yigʻilishining vaqti va oʻtkaziladigan joyi toʻgʻrisida xabar beradi;

davlat tomonidan beriladigan ijtimoiy koʻmak va koʻrsatiladigan moddiy yordam toʻgʻrisidagi maʼlumotlarni “Yoshlar daftari”ga kiritilgan yoshlarning yakka tartibdagi anketasida qayd etib boradi;

“Yoshlar daftari”ga kiritilgan yoshlarning murojaatlari bilan ishlaydi va koʻrib chiqish uchun Vasiylik kengashiga taqdim etadi;

Vasiylik kengashi tomonidan qabul qilingan qaror toʻgʻrisida murojaat etuvchiga xabar yuboradi.

Vasiylik kengashi qarori bilan ishchi organga qoʻshimcha vazifalar ham yuklanishi mumkin.

4-bob. Hududiy va tuman (shahar) “Yoshlar daftari” jamgʻarmalari mablagʻlaridan foydalanish boʻyicha hisob va hisobot

18. Hududiy va tuman (shahar) “Yoshlar daftari” jamgʻarmalari mablagʻlaridan foydalanish boʻyicha hisob va hisobotlar tegishlicha Qoraqalpogʻiston Respublikasi Vazirlar Kengashi, viloyatlar, Toshkent shahar, tuman (shahar) hokimliklari hisobot boʻlimlari tomonidan har oyning 5-sanasiga qadar xarajatlar toʻgʻrisida, Qoraqalpogʻiston Respublikasi Moliya vazirligi, viloyatlar va Toshkent shahar moliya boshqarmalari hamda tuman (shahar) moliya boʻlimlari mahalliy budjetning orttirilgan qismi miqdori toʻgʻrisida Yoshlar ishlari agentligiga maʼlumot berib boradi.

19. Qoraqalpogʻiston Respublikasi, viloyatlar, Toshkent shahar hamda tuman (shahar) moliya organlari tomonidan budjet ijrosi hisobotini shakllantirish davrida tegishlicha “Yoshlar daftari” jamgʻarmasi hisoboti ham qabul qilinadi.

20. Vasiylik kengashi raisi har chorakda “Yoshlar daftari” jamgʻarmasi daromadlari va xarajatlari ijrosi toʻgʻrisida tegishliligi boʻyicha Qoraqalpogʻiston Respublikasi Joʻqorgʻi Kengesi, xalq deputatlari viloyatlar, Toshkent shahar, tuman (shahar) Kengashlariga hisobot beradi.

5-bob. Yakunlovchi qoidalar

21. Hududiy va tuman (shahar) “Yoshlar daftari” jamgʻarmalarining joriy yilda foydalanilmay qolgan mablagʻlari keyingi yilga oʻtadi hamda Qoraqalpogʻiston Respublikasi respublika budjeti, viloyatlar va Toshkent shahar, shuningdek, tuman (shahar) mahalliy budjetiga olib qoʻyilmaydi.

22. Oʻzbekiston Respublikasi Moliya vazirligi huzurida Davlat moliyaviy nazorati inspeksiyasining hududiy boshqarmalari mazkur Nizom doirasida tuman (shahar)larda amalga oshiriladigan ishlar uchun ajratilgan mablagʻlar samarali va maqsadli ishlatilishi boʻyicha nazorat oʻrnatadi.

23. Mazkur Nizom talablarining buzilishida aybdor shaxslar qonunchilik hujjatlarida belgilangan tartibda javob beradilar.

Qoraqalpogʻiston Respublikasi, viloyatlar va Toshkent shahar, shuningdek, tuman (shahar)lardagi “Yoshlar daftari”jamgʻarmalari toʻgʻrisidagi nizomga
1-ILOVA

Qoraqalpogʻiston Respublikasi, viloyatlar va Toshkent shahridagi “Yoshlar daftari” jamgʻarmasi vasiylik kengashining

NAMUNAVIY TARKIBI

1.	Lavozimiga koʻra	—	Qoraqalpogʻiston Respublikasi Vazirlar Kengashi Raisi, viloyatlar va Toshkent shahar hokimlari, Vasiylik kengashi raisi
2.	Lavozimiga koʻra	—	Qoraqalpogʻiston Respublikasi Vazirlar Kengashi Raisi, viloyatlar va Toshkent shahar hokimining yoshlar siyosati, ijtimoiy rivojlantirish va maʼnaviy-maʼrifiy ishlar boʻyicha oʻrinbosarlari, Vasiylik kengashi raisi oʻrinbosari
3.	Lavozimiga koʻra	—	Qoraqalpogʻiston Respublikasi, viloyatlar va Toshkent shahar prokurorlari (kelishuv asosida)
4.	Lavozimiga koʻra	—	Qoraqalpogʻiston Respublikasi ichki ishlar vaziri, Toshkent shahar, Toshkent viloyati ichki ishlar bosh boshqarmalari va viloyatlar ichki ishlar boshqarmalari boshliqlari
5.	Lavozimiga koʻra	—	Qoraqalpogʻiston Respublikasi bandlik va mehnat munosabatlari vaziri, viloyatlar va Toshkent shahar bandlik bosh boshqarmalari boshliqlari
6.	Lavozimiga koʻra	—	Qoraqalpogʻiston Respublikasi sogʻliqni saqlash vaziri, Toshkent shahar sogʻliqni saqlash bosh boshqarmasi, viloyatlar sogʻliqni saqlash boshqarmalari boshliqlari
7.	Lavozimiga koʻra	—	Qoraqalpogʻiston Respublikasi sportni rivojlantirish vaziri, viloyatlar va Toshkent shahar sportni rivojlantirish bosh boshqarmalari boshliqlari
8.	Lavozimiga koʻra	—	Qoraqalpogʻiston Respublikasi madaniyat vazirligi, Toshkent shahar madaniyat bosh boshqarmasi, viloyatlar madaniyat boshqarmalari boshliqlari
9.	Lavozimiga koʻra	—	Qoraqalpogʻiston Respublikasi, viloyatlar va Toshkent shahar davlat soliq boshqarmalari boshliqlari
10.	Lavozimiga koʻra	—	Qoraqalpogʻiston Respublikasi moliya vaziri, viloyatlar va Toshkent shahar moliya boshqarmalari boshliqlari
11.	Lavozimiga koʻra	—	Mahallabay ishlash va tadbirkorlikni rivojlantirish agentligining Qoraqalpogʻiston Respublikasi, viloyatlar va Toshkent shahar boshqarmalari boshliqlari
12.	Lavozimiga koʻra	—	Yoshlar ishlari agentligining Qoraqalpogʻiston Respublikasi, viloyatlar va Toshkent shahar boshqarmasi boshliqlari, Vasiylik kengashi kotibi

Izoh. Vasiylik kengashi aʼzolari boshqa ishga oʻtgan taqdirda, Vasiylik kengashi tarkibiga ushbu lavozimga yangidan tayinlangan xodimlar yoki tegishli funksiyalarni bajarish zimmasiga yuklangan masʼullar kiritiladi.

Qoraqalpogʻiston Respublikasi, viloyatlar va Toshkent shahar, shuningdek, tuman (shahar)lardagi “Yoshlar daftari”jamgʻarmalari toʻgʻrisidagi nizomga
2-ILOVA

Tuman (shahar)lardagi “Yoshlar daftari” jamgʻarmasi vasiylik kengashining

NAMUNAVIY TARKIBI

1.	Lavozimiga koʻra	—	tuman (shahar) hokimlari, Vasiylik kengashi raisi
2.	Lavozimiga koʻra	—	tuman (shahar) hokimining yoshlar siyosati, ijtimoiy rivojlantirish va maʼnaviy-maʼrifiy ishlar boʻyicha oʻrinbosarlari, Vasiylik kengashi raisi oʻrinbosari
3.	Lavozimiga koʻra	—	tuman (shahar) hokimining moliya-iqtisodiyot va kambagʻallikni qisqartirish masalalari boʻyicha birinchi oʻrinbosarlari
4.	Lavozimiga koʻra	—	tuman (shahar) prokurorlari (kelishuv asosida)
5.	Lavozimiga koʻra	—	tuman (shahar) ichki ishlar boshqarmalari (boʻlimlari) boshliqlari
6.	Lavozimiga koʻra	—	tuman (shahar) aholi bandligiga koʻmaklashish markazlari boshliqlari
7.	Lavozimiga koʻra	—	tuman (shahar) tibbiyot birlashmalari boshliqlari
8.	Lavozimiga koʻra	—	tuman (shahar) sportni rivojlantirish boʻlimlari boshliqlari
9.	Lavozimiga koʻra	—	tuman (shahar) madaniyat boʻlimlari boshliqlari
10.	Lavozimiga koʻra	—	tuman (shahar) davlat soliq inspeksiyalari boshliqlari
11.	Lavozimiga koʻra	—	tuman (shahar) moliya boʻlimi boshliqlari
12.	Lavozimiga koʻra	—	Mahallabay ishlash va tadbirkorlikni rivojlantirish agentligining tuman (shahar) markazlari boshliqlari
13.	Lavozimiga koʻra	—	Yoshlar ishlari agentligining tuman (shahar) boʻlimi boshliqlari, Vasiylik kengashi kotibi

Izoh. Vasiylik kengashi aʼzolari boshqa ishga oʻtgan taqdirda, Vasiylik kengashi tarkibiga ushbu lavozimlarga yangidan tayinlangan xodimlar yoki tegishli funksiyalarni bajarish zimmasiga yuklangan masʼullar kiritiladi.

Vazirlar Mahkamasining 2022-yil 7-iyundagi 312-son qaroriga
2-ILOVA

“Yoshlar daftari”ni yuritish orqali yoshlar muammolarini tizimli ravishda hal etish va ularni ijtimoiy qoʻllab-quvvatlash tartibi toʻgʻrisida

NIZOM

1-bob. Umumiy qoidalar

1. Mazkur Nizom “Yoshlar daftari”ni yuritish orqali yoshlar muammolarini tizimli ravishda hal etish va ularni ijtimoiy qoʻllab-quvvatlash tartibini belgilaydi.

2. Ushbu Nizomda quyidagi asosiy tushunchalar qoʻllaniladi:

ariza beruvchi — “Yoshlar daftari”ga kirish yoki “Yoshlar daftari” jamgʻarmasi mablagʻlari hisobidan qoʻllab-quvvatlash boʻyicha mazkur Nizomga muvofiq murojaat qilgan oʻn toʻrt yoshga toʻlgan va oʻttiz yoshdan oshmagan (oʻttiz bir yoshga toʻlmagan) Oʻzbekiston Respublikasi fuqarosi yoki ularning vakili (oʻn olti yoshga toʻlmagan shaxs nomidan murojaat qilgan uning qonuniy vakili) hamda fuqaroligi boʻlmagan shaxs;

Vasiylik kengashi — “Yoshlar daftari” jamgʻarmasi mablagʻlarini shakllantirish, boshqarish va ulardan foydalanish maqsadida qonunchilik hujjatlarida belgilangan tartibda manfaatdor tashkilotlar rahbarlari va masʼul xodimlaridan iborat tarkibda tuziladigan kollegial organ;

“Yoshlar daftari” — ijtimoiy, iqtisodiy, huquqiy, psixologik va boshqa turdagi qoʻllab-quvvatlashga, bilim va kasb oʻrganishga ehtiyoji va ishtiyoqi boʻlgan yoshlarning muammolarini aniqlash, bartaraf etish va nazorat qilib borish tizimi;

“Yoshlar daftari” elektron platformasi (elektron platforma) — yoshlarga tegishli boʻlgan maʼlumotlarni jamlash, tahlil qilish, qayta ishlash tizimini yaratish hamda tegishli vazirliklar va idoralar bilan raqamli maʼlumotlar almashuvini tashkil etish, yoshlarning murojaatlari bilan tizimli ishlash yuzasidan chora-tadbirlar samaradorligi monitoringini olib borish imkonini beruvchi maxsus elektron platforma;

“Yoshlar daftari” jamgʻarmasi — “Yoshlar daftari”ga kiritilgan yoshlarni ijtimoiy qoʻllab-quvvatlash va ularning tashabbuslarini ragʻbatlantirish maqsadida belgilangan tartibda Qoraqalpogʻiston Respublikasi, viloyatlar va Toshkent shahri, shuningdek, tuman (shahar)larda tashkil etilgan jamgʻarma;

“Yoshlar daftari” jamgʻarmasining ishchi organi — Qoraqalpogʻiston Respublikasi, viloyatlar va Toshkent shahri Yoshlar ishlari agentligining hududiy boshqarmalari hamda tuman (shahar) Yoshlar ishlari agentligi boʻlimlari;

ishsiz yoshlar — haq toʻlanadigan ishga yoki ish haqi (mehnat daromadi) keltiradigan mashgʻulotga ega boʻlmagan, ish qidirayotgan va ish taklif etilsa, unga kirishishga tayyor boʻlgan yoxud kasbga tayyorlashdan, qayta tayyorlashdan oʻtishga yoki malakasini oshirishga tayyor boʻlgan, ishga joylashishda koʻmak olish uchun mahalliy mehnat organlariga murojaat qilgan va ushbu organlar tomonidan ish qidirayotgan shaxslar sifatida roʻyxatga olingan mehnatga layoqatli yoshlar (bundan taʼlim tashkilotlarida tahsil olayotganlar mustasno);

nodavlat kasb-hunarga oʻqitish tashkilotlari — yoshlarni kasb-hunar, tadbirkorlik, taʼlim, fan, madaniyat va sanʼat, sport, axborot texnologiyalar va xorijiy tillarga oʻqitish vakolatiga ega boʻlgan nodavlat notijorat tashkilotlar, shu jumladan, nodavlat taʼlim tashkilotlari;

sektorlar — Qoraqalpogʻiston Respublikasi, viloyatlar, tumanlar, shaharlar hududlarini tegishlicha Qoraqalpogʻiston Respublikasi Vazirlar Kengashi Raisi, viloyatlar va Toshkent shahar, tumanlar (shaharlar) hokimlari, prokuratura, ichki ishlar va davlat soliq xizmati hududiy organlari rahbarlari boshchilik qiladigan tumanlar (shaharlar) va hududlarni kompleks ijtimoiy-iqtisodiy rivojlantirish boʻyicha tegishli mahalliy davlat hokimiyati organining kollegial ishchi tuzilmasi;

yoshlar yetakchisi — Oʻzbekiston Respublikasi Prezidentining “Mahallalarda yoshlar bilan ishlash tizimini tubdan takomillashtirish chora-tadbirlari toʻgʻrisida” 2022-yil 19-yanvardagi PQ-92-son qarori bilan har bir mahallada joriy etilgan mahallalardagi yoshlar yetakchisi;

xotin-qizlar faoli — Oʻzbekiston Respublikasi Prezidentining “Oila va xotin-qizlar bilan ishlash, mahalla va nuroniylarni qoʻllab-quvvatlash tizimini takomillashtirish chora-tadbirlari toʻgʻrisida” 2022-yil 1-martdagi PF-81-son Farmoni bilan har bir mahallada joriy etilgan xotin-qizlar faoli;

hokim yordamchisi — Oʻzbekiston Respublikasi Prezidentining “Mahallada tadbirkorlikni rivojlantirish, aholi bandligini taʼminlash va kambagʻallikni qisqartirish masalalari boʻyicha hokim yordamchilari faoliyatini tashkil etish chora-tadbirlari toʻgʻrisida” 2021-yil 3-dekabrdagi PQ-31-son qarori bilan har bir mahallada tashkil etilgan mahallada tadbirkorlikni rivojlantirish, aholi bandligini taʼminlash va kambagʻallikni qisqartirish masalalari boʻyicha tuman (shahar) hokimining yordamchisi.

kalendar reja — yoshlarning intellektual salohiyatini yuksaltirish, ularni boʻsh vaqtini mazmunli tashkil etish va huquqiy savodxonligini oshirish, shuningdek, besh muhim tashabbus doirasidagi mahalla, sektor, tuman (shahar) va hududiy tadbirlarni moliyalashtirish uchun “Yoshlar daftari” elektron platformasi orqali shakllantiriladigan hamda Yoshlar ishlari agentligi tomonidan tasdiqlanadigan yil yoki yarim yilga moʻljallangan reja.

Kalendar rejada aks etmagan biroq hududning oʻziga xosligidan kelib chiqib, mahalla, sektor, tuman(shahar) bosqichlarini oʻzida aks ettirgan tadbirlarni moliyalashtirish Yoshlar ishlari agentligining hududiy boshqarmasi bilan kelishilgandan soʻng “Yoshlar daftari” jamgʻarmasi mablagʻlari hisobidan amalga oshirilishi mumkin.

Davlat va xoʻjalik boshqaruv organlari, mahalliy davlat hokimiyati organlari tomonidan mahallada yoshlar siyosati sohasida tashkil etiladigan loyiha, tanlov va tadbirlarini moliyalashtirish Yoshlar ishlari agentligi bilan kelishgan holda belgilangan tartibda kalendar rejaga kiritilgandan soʻng hududiy va tuman (shahar) “Yoshlar daftari” jamgʻarmasi mablagʻlari hisobidan moliyalashtiriladi.

3. “Yoshlar daftari”ga kiritilgan yoshlarni ijtimoiy qoʻllab-quvvatlash boʻyicha chora-tadbirlar ushbu Nizomga muvofiq hamda tegishli qonunchilik hujjatlarida belgilangan tartibda amalga oshiriladi.

“Yoshlar daftari”ni yuritish orqali yoshlar muammolarini tizimli ravishda hal etish va ularni ijtimoiy qoʻllab-quvvatlash mazkur Nizomning 1-ilovasidagi roʻyxatda keltirilgan subsidiya, kompensatsiya va moddiy yordamlarni berish orqali amalga oshiriladi.

2-bob. “Yoshlar daftari”ni shakllantirish

4. “Yoshlar daftari”ga doimiy yoki vaqtincha yashash joyi boʻyicha oʻn toʻrt yoshga toʻlgan va oʻttiz yoshdan oshmagan (oʻttiz bir yoshga toʻlmagan) quyidagi toifadagi:

oila aʼzosi “Temir daftar”, “Ayollar daftari” yoki “Ijtimoiy himoya yagona reyestri”ga kiritilgan;

ijtimoiy himoyaga muhtoj boʻlgan;

boquvchisini yoʻqotgan, yetim yoki ota-ona qaramogʻidan mahrum boʻlgan;

oʻziga nisbatan vasiylik yoki homiylik belgilangan;

oʻzgalar parvarishiga muhtoj boʻlgan ishga layoqatsiz;

I yoki II guruh nogironligi boʻlgan;

farzandida I yoki II guruh nogironligi boʻlgan;

jismoniy va (yoki) ruhiy rivojlanishida nuqsonlari boʻlgan;

ota-onasidan birida I yoki II guruh nogironligi boʻlgan, ikkinchisi esa ish faoliyatini toʻxtatgan holda bemorga qarashga majbur boʻlgan yoxud ota-onasining har ikkisida I yoki II guruh nogironligi boʻlgan;

yuzaga kelgan holatlar sababli ogʻir turmush sharoitida qolgan;

zoʻravonlik va ekspluatatsiya, tabiiy ofatlar, halokatlar, yongʻinlar va boshqa favqulodda vaziyatlar oqibatida hayotiga, sogʻligʻiga, mulkiga zarar yetgan;

“Mehribonlik” uyi, Bolalar shaharchasi yoki oilaviy bolalar uyida tarbiyalangan;

haq toʻlanadigan ishga yoki ish haqi (mehnat daromadi) keltiradigan mashgʻulotga ega boʻlmagan;

davolanishga muhtoj boʻlgan bemor yoshlar;

jazoni ijro etish muassasalaridan qaytgan;

muayyan yashash joyiga ega boʻlmagan;

psixologik maslahatga muhtoj;

nikohi qayd etilganiga uch yildan oshmagan yosh oila;

dehqonchilik yoki tomorqa xoʻjaligini yuritayotgan;

yosh tadbirkor yoki oʻzini oʻzi band qilgan shaxs sifatida soliq xizmati organlarida roʻyxatdan oʻtgan yoshlar kiritiladi.

5. “Yoshlar daftari”ga yoshlar yashab turgan joyi boʻyicha kiritiladi. Bunda yoshlarning yashab turgan joyi boʻyicha hisobda turmasligi ularni “Yoshlar daftari”ga kiritishni rad etish uchun asos hisoblanmaydi.

Ushbu Nizomning 4-bandida keltirilgan toifadagi ariza beruvchilar elektron platforma orqali:

ariza beruvchining bevosita oʻzi tomonidan elektron platformaga tegishli maʼlumotlarni kiritish;

ariza beruvchi tomonidan Yoshlar ishlari agentligining “1093” qisqa raqamli Call-markaziga murojaat qilish;

yoshlar yetakchisining koʻmagida elektron platformaga ariza beruvchining tegishli maʼlumotlarini kiritish yoʻli bilan “Yoshlar daftari”ga kiritiladi.

6. Ariza beruvchi yashab turgan mahalladagi yoshlar yetakchisi uning “Yoshlar daftari”ga kiritish haqidagi murojaatini uch kun muddatda oʻrganib chiqadi va ariza beruvchining “Yoshlar daftari”ga kiritilishini tasdiqlaydi yoki rad etadi.

Ariza beruvchining ushbu murojaati asosida uning maʼlumotlari tegishli integratsiya qilingan maʼlumotlar bazalari orqali tasdiqlangan hollarda ariza beruvchi “Yoshlar daftari”ga avtomatik tarzda kiritiladi va bunda yoshlar yetakchisining tasdiqlashi talab etilmaydi.

7. Ariza beruvchiga “Yoshlar daftari”ga kiritilganligi yoki kiritish rad etilganligi haqida asoslangan xabar, shu jumladan, SMS-xabarnoma yuboriladi.

8. Ariza beruvchi “Yoshlar daftari”ga kiritilganda tizim tomonidan avtomatik tarzda ariza beruvchi ushbu Nizomga muvofiq olmoqchi boʻlgan yordam turini olish haqidagi ariza uning nomidan shakllantiriladi va ushbu yordam turini berish yoki bermaslik yuzasidan tavsiya berish uchun ariza beruvchining yashab turgan joyidagi mahallaning yoshlar yetakchisiga yoʻnaltiriladi, ushbu Nizomning 3-bobi 2, 4, 5, 6, 10, 13-paragraflarida belgilangan subsidiya va yordam turlari bundan mustasno.

3-bob. “Yoshlar daftari”ga kiritilgan yoshlarning muammolarini tizimli ravishda hal etish va ularni ijtimoiy qoʻllab-quvvatlash

1-§. “Yoshlar daftari”ga kiritilgan moddiy ahvoli ogʻir yoshlarga bir martalik moddiy yordam koʻrsatish tartibi

9. “Yoshlar daftari”ga kiritilgan moddiy ahvoli ogʻir yoshlarga bir martalik moddiy yordam ushbu Nizomga 2-ilovada keltirilgan sxemaga muvofiq har bir individual holatda ariza beruvchining hayotiy vaziyati murakkabligini, uning ijtimoiy himoyaga muhtoj ekanligini inobatga olgan holda bazaviy hisoblash miqdorining (keyingi oʻrinlarda — BHM) 4 baravarigacha miqdorda toʻlab beriladi.

10. Ariza beruvchi bir martalik moddiy yordam ajratishni soʻrab mahalladagi yoshlar yetakchisiga ariza beradi.

11. Mahalladagi yoshlar yetakchisi uch ish kuni ichida ariza beruvchining ijtimoiy toifasi va holatini oʻrganadi hamda moddiy yordam ajratish haqidagi tavsiyanoma yoki rad etish toʻgʻrisida xabarnomani Vasiylik kengashiga yuboradi.

12. Mahalladagi yoshlar yetakchisining moddiy yordam ajratish haqidagi ijobiy tavsiyasi asosida Vasiylik kengashi qarori qabul qilinib, yetti ish kuni ichida tuman (shahar)lar hokimliklariga yuboriladi.

Vasiylik kengashi qarori asosida tuman (shahar)lar hokimliklari “Yoshlar daftari” jamgʻarmasi mablagʻlari hisobidan zarur mablagʻlarni uch ish kuni ichida Xalq bankining tegishli boʻlimi (filiali)ga oʻtkazadi.

13. Xalq bankining tegishli boʻlimi (filiali) tomonidan bir martalik moddiy yordam toʻlovlarini uch ish kuni ichida ariza beruvchiga naqd yoki naqd pulsiz shaklda toʻlab beradi.

Oyning oxirgi ish kunida qaydnomalar yopiladi, tayinlangan, biroq oʻz vaqtida talab qilib olinmagan moddiy yordam, uni oluvchining nomidagi maxsus depozit hisob raqamiga oʻtkaziladi va oluvchining birinchi talabiga koʻra toʻlanadi.

Shuningdek, oyning 27-kuniga qadar toʻlanmagan moddiy yordamga yoʻnaltirilgan mablagʻlar har oyning oxirida tegishli hisob raqamlarga qaytariladi. Qaydnomaning bir nusxasi Yoshlar ishlari agentligining tuman (shahar) boʻlimiga taqdim etiladi.

Ariza beruvchi tomonidan talab qilib olinmagan moddiy yordam mablagʻlarini qonunchilikda belgilangan tartibda “Yoshlar daftari” jamgʻarmasi hisob raqamiga qaytarish choralari koʻriladi.

“Yoshlar daftari” jamgʻarmasining ishchi organi muhtoj yoshlarga toʻlangan bir martalik moddiy yordam toʻgʻrisidagi maʼlumotlar qaydnoma nusxasi taqdim etilgan kundan boshlab uch kun muddatda elektron platformadagi yoshlarning individual soʻrovnomasiga kiritilishini taʼminlaydi.

Bunda Xalq bankining tegishli axborot tizimidagi maʼlumotlar boʻyicha elektron platforma bilan oʻzaro axborot almashinuvi tizimi joriy etilgandan soʻng elektron qaydnoma nusxasini taqdim etish hamda yoshlarning individual soʻrovnomasiga kiritish talab etilmaydi.

14. Shaxsga bir martalik moddiy yordam berilishi uni “Yoshlar daftari”dan chiqarishga asos boʻlmaydi.

15. Moddiy yordam shaxsga bir kalendar yil davomida bir marotaba beriladi.

2-§. “Yoshlar daftari”ga kiritilgan yoshlarni tadbirkorlikka va kasb-hunarga oʻqitish kurslari xarajatlarini qoplash tartibi

16. “Yoshlar daftari”ga kiritilgan yoshlarni tadbirkorlikka va kasb-hunarga oʻqitish uchun sarflangan xarajatlarning 75 foizigacha qismi hokim yordamchisining ijobiy tavsiyasi asosida “Yoshlar daftari” jamgʻarmasi mablagʻlari hisobidan ushbu Nizomga 3-ilovadagi sxemaga muvofiq oʻqitish xizmatini koʻrsatgan nodavlat taʼlim tashkiloti yoki kasb-hunarga oʻqitish markaziga qoplab beriladi.

Bunda yoshlarni tadbirkorlikka va kasb-hunarga oʻqitish uchun sarflangan xarajatlarning 75 foizigacha qismi, biroq bir oygacha, bir oydan ikki oygacha, ikki oydan ortiq muddatli oʻquv kurslari uchun tegishlicha BHMning 4, 8, 12 baravaridan koʻp boʻlmagan qismi qoplab beriladi.

Oʻquv kurslari xarajatlarining qolgan qismi ariza beruvchi tomonidan nodavlat taʼlim tashkilotiga toʻlab beriladi.

17. Tadbirkorlikka yoki kasb-hunarga oʻqish istagida boʻlgan ariza beruvchi oʻqitish kurslari xarajatlarini qoplashni soʻrab Vasiylik kengashiga oʻzi va taʼlim tashkiloti oʻrtasida tuzilgan shartnoma nusxasini taqdim etadi.

Shartnomada taʼlim tashkilotining nomi, STIR, oʻquv kursi yoki oʻqitiladigan kasb-hunar nomi, oʻquv kursining bir oylik toʻlovi miqdori va umumiy muddati koʻrsatilgan boʻlishi lozim.

Taqdim etilgan hujjatlardagi maʼlumotlarning toʻgʻriligi va haqqoniyligi uchun ariza beruvchi javobgar hisoblanadi.

Ushbu bandda nazarda tutilgan hujjatlar taqdim etilgandan soʻng Vasiylik kengashi uch ish kuni ichida murojaatni unga ilova qilingan hujjatlar bilan birga ariza beruvchi yashab kelayotgan mahalladagi hokim yordamchisiga koʻrib chiqish uchun yuboradi.

Hokim yordamchisi besh ish kuni ichida oʻqish xarajatlarini qoplash haqidagi tavsiyanoma yoki rad etish haqidagi xabarnomani Vasiylik kengashiga yuboradi. Bunda subsidiya ajratishni rad etish haqidagi xabarnoma yuborilganda rad etish sabablari asoslanishi talab etiladi.

Agar hokim yordamchisi murojaatni unga kelib tushgan paytdan boshlab besh ish kuni ichida koʻrib chiqmasa yoki oʻqish xarajatlarini qoplashni asossiz rad etish haqida xabarnoma bersa, ariza beruvchining murojaati ushbu Nizom talablariga muvofiq boʻlganda Vasiylik kengashi uning murojaatini qanoatlantirish huquqiga ega boʻladi.

Murojaatni oʻrganish natijalari boʻyicha Vasiylik kengashi tomonidan oʻqish xarajatlarini qoplash haqida qaror qabul qilingandan soʻng uch ish kuni ichida oʻquv kursi uchun belgilangan mablagʻlar ariza beruvchining oʻqiganligini tasdiqlovchi hisob-faktura va dalolatnomaga asosan taʼlim tashkilotining hisob raqamiga oʻtkazib boriladi.

18. Hokim yordamchisi ariza beruvchi haqiqatda oʻquv kursida oʻqiyotganligini har oyda kamida bir marta monitoring asosida oʻrganadi.

Oʻrganish jarayonida ariza beruvchi oʻquv kursida oʻqimayotganligi aniqlangan taqdirda, hokim yordamchisining taqdimnomasiga asosan oʻquv kursi xarajatlarini qoplash toʻxtatiladi.

3-§. “Yoshlar daftari”ga kiritilgan yoshlarning davlat va nodavlat taʼlim tashkilotlarida avtomototransport vositalari haydovchilarini tayyorlash oʻquv kursi xarajatlarini qoplash uchun subsidiya ajratish tartibi

19. “Yoshlar daftari”ga kiritilgan ijtimoiy himoyaga muhtoj yoshlarning davlat va nodavlat taʼlim tashkilotlarida avtomototransport vositalari haydovchilarini tayyorlash oʻquv kursining xarajatlarini qoplash uchun BHMning 4 baravarigacha miqdorda yoshlar yetakchisining ijobiy tavsiyasi asosida “Yoshlar daftari” jamgʻarmasi mablagʻlari hisobidan ushbu Nizomga 4-ilovada keltirilgan sxemaga muvofiq oʻqitish xizmatini koʻrsatgan davlat va nodavlat taʼlim tashkilotiga subsidiya ajratiladi.

Oʻqish xarajatlarining qolgan qismi ariza beruvchi tomonidan taʼlim tashkilotiga toʻlab beriladi.

20. Avtomototransport vositalari haydovchilarini tayyorlash oʻquv kursida oʻqish istagida boʻlgan ariza beruvchi oʻqitish kurslari xarajatlari uchun subsidiya ajratishni soʻrab Vasiylik kengashiga oʻzi va taʼlim tashkiloti oʻrtasida tuzilgan shartnoma nusxasini taqdim etadi.

Shartnomada taʼlim tashkilotining nomi, STIR, oʻqitiladigan toifa nomi, oʻquv kursining bir oylik toʻlovi miqdori va umumiy muddati koʻrsatilgan boʻlishi lozim.

Taqdim etilgan hujjatlardagi maʼlumotlarning toʻgʻriligi va haqqoniyligi uchun ariza beruvchi javobgar hisoblanadi.

Ushbu bandda nazarda tutilgan hujjatlar taqdim etilgandan soʻng Vasiylik kengashi uch ish kuni ichida murojaatni unga ilova qilingan hujjatlar bilan birga ariza beruvchi yashab kelayotgan mahalladagi yoshlar yetakchisiga koʻrib chiqish uchun yuboradi.

Mahalladagi yoshlar yetakchisi besh ish kuni ichida murojaatni koʻrib chiqadi va oʻqish xarajatlarini qoplash haqidagi tavsiyanoma yoki rad etish toʻgʻrisidagi xabarnomani Vasiylik kengashiga yuboradi. Bunda subsidiya ajratishni rad etish toʻgʻrisida xabarnoma yuborilganda rad etish sabablari asoslanishi talab etiladi.

Agar mahalladagi yoshlar yetakchisi murojaatni unga tushgan paytdan boshlab besh ish kuni ichida koʻrib chiqmasa yoki oʻqish xarajatlarini qoplashni asossiz rad etish haqida xabarnoma bersa, ariza beruvchining murojaati ushbu paragraf talablariga muvofiq boʻlganda Vasiylik kengashi uning murojaatini qanoatlantirish huquqiga ega boʻladi.

21. Murojaatni oʻrganish natijalari boʻyicha Vasiylik kengashi tomonidan oʻqish xarajatlarini qoplash haqida qaror qabul qilingandan soʻng uch ish kuni ichida oʻquv kursi uchun belgilangan mablagʻlar ariza beruvchining oʻqiganligini tasdiqlovchi hisob-faktura va dalolatnomaga asosan taʼlim tashkilotining hisob raqamiga oʻtkazib boriladi.

22. Mahalladagi yoshlar yetakchisi ariza beruvchining haqiqatda oʻquv kursida oʻqiyotganligini har oyda kamida bir marta monitoring qilib boradi.

Oʻrganish jarayonida ariza beruvchi oʻquv kursida oʻqimayotganligi aniqlangan taqdirda, yoshlar yetakchisining taqdimnomasiga asosan oʻquv kursi xarajatlarini qoplash toʻxtatiladi va toʻlangan summa belgilangan tartibda undiriladi.

§4-§. “Yoshlar daftari”ga kiritilgan dehqonchilik va tomorqa xoʻjaligini yuritish bilan shugʻullanayotgan yoshlarga urugʻlik va koʻchatlar xarid qilish uchun subsidiya ajratish tartibi

23. Tomorqa yer egasi boʻlgan yoki dehqonchilik bilan shugʻullanish uchun, shu jumladan, yangi oʻzlashtirilgan, lalmi, foydalanilmayotgan yer maydonlarida 0,1 gektardan 1 gektargacha yer maydoni ajratib berilgan yoshlarga urugʻlik va koʻchatlar xarid qilish uchun BHMning 8 baravarigacha miqdorda hokim yordamchisining ijobiy tavsiyasi asosida “Yoshlar daftari” jamgʻarmasi mablagʻlari hisobidan ushbu Nizomga 5-ilovada keltirilgan sxemaga muvofiq subsidiya ajratiladi.

Subsidiya ajratish uchun ariza beruvchi Vasiylik kengashiga quyidagi hujjatlarni taqdim etadi:

ariza beruvchining egaligida yoki foydalanishida boʻlgan yerga nisbatan huquqini tasdiqlovchi hujjat (ijara shartnomasi va boshqalar);

urugʻlik va koʻchatlarni xarid qilish boʻyicha yetkazib beruvchi tashkilot bilan tuzilgan shartnoma nusxasi. Shartnomada yetkazib beruvchining nomi, STIR, xarid qilinadigan mahsulot nomi, toʻlov summasi koʻrsatilishi lozim.

Taqdim etilgan hujjatlardagi maʼlumotlarning toʻgʻriligi va haqqoniyligi uchun ariza beruvchi javobgar hisoblanadi.

Ushbu bandda nazarda tutilgan hujjatlar taqdim etilgandan soʻng Vasiylik kengashi uch ish kuni ichida murojaatni unga ilova qilingan hujjatlar bilan birga ariza beruvchi faoliyat yuritib kelayotgan mahalladagi hokim yordamchisiga koʻrib chiqish uchun yuboradi.

24. Hokim yordamchisi yoshlar yetakchisi va tegishli soha mutaxassislari bilan birgalikda “Yoshlar daftari”ga kiritilgan ariza beruvchining murojaati tushgan kundan boshlab besh ish kuni ichida joyiga chiqqan holda ariza beruvchining tomorqa yerida yoki dehqonchilik bilan shugʻullanish uchun ajratilgan ekin maydonida urugʻlik va koʻchatlar ekish uchun mavjud sharoitni oʻrganadi.

Hokim yordamchisi oʻrganish natijalariga koʻra, ariza beruvchining tomorqa yeriga yoki dehqonchilik bilan shugʻullanish uchun ajratilgan ekin maydonida urugʻlik va koʻchatlar xarid qilish uchun subsidiya ajratish haqidagi tavsiyanoma yoki rad qilish toʻgʻrisidagi xabarnomani Vasiylik kengashiga kiritadi. Bunda subsidiya ajratishni rad etish haqida xabarnoma yuborilganda rad etish sabablari asoslanishi talab etiladi.

Agar hokim yordamchisi murojaatni unga tushgan paytdan boshlab besh kuni ichida koʻrib chiqmasa yoki subsidiya ajratishni asossiz rad etish haqida xabarnoma bersa, ariza beruvchining murojaati ushbu paragraf talablariga muvofiq boʻlganda Vasiylik kengashi uning murojaatini qanoatlantirish huquqiga ega boʻladi.

25. Vasiylik kengashining qaroriga asosan uch ish kuni ichida “Yoshlar daftari” jamgʻarmasi mablagʻlari hisobidan subsidiya yetkazib beruvchi tashkilotning hisob raqamiga oʻtkaziladi.

5-§. “Yoshlar daftari”ga kiritilgan yoshlarga tadbirkorlik faoliyati va oʻzini oʻzi band qilish uchun noturar joyning ijara xarajatlarini qoplash tartibi

26. “Yoshlar daftari”ga kiritilgan yosh tadbirkor yoki oʻzini oʻzi band qilgan shaxs sifatida soliq xizmati organlarida roʻyxatdan oʻtgan yosh fuqaroga faoliyatini amalga oshirayotgan noturar joyning 12 oygacha ijara xarajatlarining bir yilda 30 foizi, biroq BHMning 25 baravarigacha boʻlgan qismi hokim yordamchisining ijobiy tavsiyasi asosida “Yoshlar daftari” jamgʻarmasi mablagʻlari hisobidan ushbu Nizomga 6-ilovada keltirilgan sxemaga muvofiq ijaraga beruvchi tashkilotga qoplab beriladi.

27. Noturar joyning ijara xarajatlarini qoplash uchun ariza beruvchi Vasiylik kengashiga quyidagi hujjatlarni taqdim etadi:

tadbirkorlik subyekti guvohnomasi nusxasi yoki oʻzini oʻzi band qilgan sifatida roʻyxatdan oʻtganlikni tasdiqlovchi matritsali shtrix kodli (QR-kod) maʼlumotnoma;

ijara shartnomasining soliq organlarida hisobga qoʻyilganligi haqidagi bildirishnoma;

ijara shartnomasi nusxasi. Bunda ijara shartnomasida ijaraga beruvchining nomi, STIR, ijara muddati, ijaraning bir oylik va umumiy toʻlovi miqdori koʻrsatilishi lozim.

Taqdim etilgan hujjatlardagi maʼlumotlarning toʻgʻriligi va haqqoniyligi uchun ariza beruvchi javobgar hisoblanadi.

Ushbu bandda nazarda tutilgan hujjatlar taqdim etilgandan soʻng Vasiylik kengashi uch ish kuni ichida murojaatni ilova qilingan hujjatlar bilan birga ariza beruvchi faoliyat yuritib kelayotgan mahalladagi hokim yordamchisiga koʻrib chiqish uchun yuboradi.

Hokim yordamchisi besh ish kuni ichida ijara xarajatlarini qoplash haqidagi tavsiyanomani yoki rad etish haqida xabarnomani Vasiylik kengashiga yuboradi. Bunda, ijara xarajatlarini qoplashni rad etish haqida xabarnoma yuborilganda rad etish sabablari asoslantirishi talab etiladi.

Agar hokim yordamchisi murojaatni unga tushgan paytdan boshlab besh ish kuni ichida koʻrib chiqmasa yoki subsidiya ajratishni asossiz rad etish haqida xabarnoma bersa, ariza beruvchining murojaati ushbu paragraf talablariga muvofiq boʻlganda Vasiylik kengashi uning murojaatini qanoatlantirish huquqiga ega boʻladi.

28. Murojaatni oʻrganish natijalari boʻyicha Vasiylik kengashi tomonidan ijara xarajatlarini qoplash haqida qaror qabul qilinganda ariza beruvchi bino va inshootdan foydalanayotganligi toʻgʻrisida ijaraga beruvchi bilan har oy yakuni boʻyicha tuziladigan va keyingi oyning 5-kunigacha taqdim etiladigan hisob-faktura va dalolatnomaga asosan Vasiylik kengashi bino va inshootning ijara haqi uchun toʻlovni uch ish kuni ichida ijaraga beruvchining hisob raqamiga oʻtkazadi.

29. Hokim yordamchisi ijaraga olingan bino va inshootning ijaraga oluvchi tomonidan haqiqatda foydalanilayotganligini har oyda kamida bir marta monitoring asosida oʻrganadi.

Oʻrganish jarayonida ijaraga oluvchi tomonidan ijaraga olingan bino va inshootdan foydalanilmayotganligi aniqlangan taqdirda, hokim yordamchisining taqdimnomasiga asosan ijara toʻlovi uchun subsidiya berish toʻxtatiladi.

6-§. “Yoshlar daftari”ga kiritilgan yoshlarga tadbirkorlik faoliyatini boshlash va oʻzini oʻzi band qilishga zarur boʻlgan asbob-uskunalar yoki mehnat qurollarini xarid qilishga subsidiya ajratish tartibi

30. Tadbirkorlik yoki oʻzini oʻzi band qilish faoliyatini boshlamoqchi boʻlgan yoshlarga asbob-uskuna yoki mehnat qurollari (motokultivator, oʻt oʻrish oʻroq mashinasi, perforator, payvandlash apparati, oʻsimliklarga ishlov berish qurilmasi, duradgorlik, chilangarlik uskunasi, qurilish uskunasi, kompyuter jamlanmasi va boshqalar)ni xarid qilish uchun BHMning 40 baravarigacha miqdorda hokim yordamchisining ijobiy tavsiyasi asosida “Yoshlar daftari” jamgʻarmasi mablagʻlari hisobidan ushbu Nizomga 7-ilovada keltirilgan sxemaga muvofiq subsidiya ajratiladi.

31. Asbob-uskuna yoki mehnat qurollari uchun subsidiya ajratish uchun ariza beruvchi Vasiylik kengashiga unga zarur boʻlgan asbob-uskuna yoki mehnat qurollarining turi, miqdori, tovarning markasi, taxminiy xarid narxi toʻgʻrisidagi maʼlumotlarni taqdim etadi.

Taqdim etilgan hujjatlardagi maʼlumotlarning toʻgʻriligi va haqqoniyligi uchun ariza beruvchi javobgar hisoblanadi.

Hokim yordamchisi besh ish kuni ichida asbob-uskuna yoki mehnat qurollari uchun subsidiya ajratish haqidagi tavsiyani yoki rad etish toʻgʻrisidagi xabarnomani Vasiylik kengashiga yuboradi. Bunda, subsidiya ajratishni rad etish haqida xabarnoma yuborilganda rad etish sabablari asoslanishi talab etiladi.

32. Murojaatni oʻrganish natijalari boʻyicha Vasiylik kengashi tomonidan subsidiya ajratish haqida qaror qabul qilinganda asbob-uskuna yoki mehnat qurollarini yetkazib beruvchi tashkilot davlat xaridlarining elektron tizimi orqali besh ish kuni ichida aniqlanadi, asbob-uskuna yoki mehnat quroli yetkazib beruvchi tashkilot tomonidan taqdim etilgandan soʻng Vasiylik kengashining ishchi organi va ariza beruvchi oʻrtasida tuziladigan dalolatnoma asosida ariza beruvchiga uch ish kuni ichida topshiriladi.

33. Ariza beruvchiga ajratilgan subsidiya asosida xarid qilingan asbob-uskuna yoki mehnat qurollaridan samarali foydalanilayotganligi, uning texnik holati sozligi kafolat muddati davomida hokim yordamchisi tomonidan oʻrganiladi.

34. Oʻrganish davomida asbob-uskuna yoki mehnat qurollaridan ish faoliyatida foydalanilmaganligi aniqlangan taqdirda, Vasiylik kengashi tomonidan ariza beruvchidan subsidiya asosida berilgan asbob-uskuna yoki mehnat qurollarini qaytarish choralari koʻriladi.

7-§. “Yoshlar daftari”ga kiritilgan yoshlarga professional va oliy taʼlim tashkilotlari oʻquvchi-talabalarining taʼlim toʻlov-kontrakt summasining bir qismini toʻlab berish tartibi

35. Respublikamizdagi professional taʼlim tashkilotlarida taʼlim olayotgan, shuningdek, Oʻzbekiston Respublikasida faoliyat koʻrsatayotgan barcha oliy taʼlim tashkilotlarida (davlat, nodavlat oliy taʼlim tashkilotlari, Oʻzbekiston Respublikasi hududidagi xorijiy oliy taʼlim tashkilotlari va xorijiy oliy taʼlim tashkilotlarining filiallarida) bakalavriatning kunduzgi, sirtqi va kechki shaklida, magistraturaning kunduzgi yoʻnalishida taʼlim olayotgan oʻquvchi-talabalarga toʻlov-kontrakt asosida oʻqish boʻyicha yillik xarajatlarining bir qismi qoplab beriladi.

Ushbu xarajatlarni toʻlab berish yoshlar yetakchisining ijobiy tavsiyasi asosida “Yoshlar daftari” jamgʻarmasi mablagʻlari hisobidan toʻlov-kontrakt summasining 50 foizigacha, biroq BHMning 50 baravaridan oshmagan miqdorda ushbu Nizomga 8-ilovada keltirilgan sxemaga muvofiq amalga oshiriladi (ikkinchi va undan keyingi mutaxassislik, qoʻshma taʼlim dasturlari boʻyicha, tabaqalashtirilgan toʻlov-kontrakt asosida taʼlim olayotganlar bundan mustasno).

36. Oʻquvchi-talabalar toʻlov-kontrakt xarajatlarining bir qismini toʻlab berishni soʻrab Vasiylik kengashiga toʻlov-kontrakt asosida oʻqish haqida belgilangan tartibda rasmiylashtirilgan shartnoma (kontrakt) nusxasini taqdim etishi lozim.

Kontraktda oʻqishning belgilangan muddati va bir yil uchun toʻlov miqdori koʻrsatilgan boʻlishi talab etiladi.

Taqdim etilgan hujjatlardagi maʼlumotlarning toʻgʻriligi va haqqoniyligi uchun ariza beruvchi javobgar hisoblanadi.

Hujjatlar taqdim etilgandan soʻng Vasiylik kengashi uch ish kuni ichida murojaatni unga ilova qilingan hujjatlar bilan birga ariza beruvchi yashab kelayotgan mahalladagi yoshlar yetakchisiga koʻrib chiqish uchun yuboradi.

Mahalladagi yoshlar yetakchisi besh ish kuni ichida toʻlov-kontrakt xarajatlarini qoplash haqidagi tavsiyanoma yoki rad etish toʻgʻrisidagi xabarnomani Vasiylik kengashiga yuboradi. Bunda toʻlov-kontrakt xarajatlarini qoplashni rad etish haqida xabarnoma yuborilganda rad etish sabablari asoslanishi talab etiladi.

Agar mahalladagi yoshlar yetakchisi murojaatni unga tushgan paytdan boshlab besh ish kuni ichida koʻrib chiqmasa yoki subsidiya ajratishni asossiz rad etish haqida xabarnoma bersa, ariza beruvchining murojaati ushbu paragraf talablariga muvofiq boʻlganda Vasiylik kengashi uning murojaatini qanoatlantirish huquqiga ega boʻladi.

37. Murojaatni oʻrganish natijalari boʻyicha Vasiylik kengashi tomonidan toʻlov-kontrakt xarajatlarini qoplash haqida qaror qabul qilingandan soʻng uch ish kuni ichida belgilangan miqdordagi toʻlov-kontrakt mablagʻlari professional taʼlim yoki oliy taʼlim tashkilotining hisob raqamiga oʻtkazib beriladi.

8-§. “Yoshlar daftari”ga kiritilgan yoshlarga zamonaviy kasblarni egallashi, axborot texnologiyalarini oʻrganishi va ularni xorijiy tillarga oʻqitish boʻyicha oʻquv kurslarida oʻqish xarajatlarini qoplash uchun subsidiya ajratish tartibi

38. Yoshlarga zamonaviy kasblarni egallashi, axborot texnologiyalarni oʻrganishi va ularni xorijiy tillarga oʻqitish boʻyicha olti oygacha muddatli oʻquv kurslari uchun har oyda BHMning 4 baravarigacha miqdorda yoshlar yetakchisining ijobiy tavsiyasi asosida “Yoshlar daftari” jamgʻarmasi mablagʻlari hisobidan ushbu Nizomga 9-ilovada keltirilgan sxemaga muvofiq subsidiya ajratiladi.

Bunda ariza beruvchiga “1+1” tamoyili asosida bir vaqtning oʻzida zamonaviy kasb yoki axborot texnologiyalar oʻquv kursi bilan birgalikda xorijiy til oʻquv kursida oʻqish xarajatlari uchun ham subsidiya ajratilishi mumkin.

Mazkur bandda nazarda tutilgan xarajatlarni qoplash uchun Yoshlar ishlari agentligining Yoshlarga oid davlat siyosatini qoʻllab-quvvatlash jamgʻarmasi hisobidan ham qonunchilik hujjatlarida belgilangan tartibda subsidiya ajratilishi mumkin.

39. Ariza beruvchi subsidiya ajratishni soʻrab Vasiylik kengashiga oʻzi va nodavlat taʼlim tashkiloti oʻrtasida tuzilgan shartnoma nusxasini taqdim etadi.

Shartnomada nodavlat taʼlim tashkilotining nomi, STIR, oʻqitiladigan zamonaviy kasb, xorijiy til turi yoki axborot texnologiyalar yoʻnalishi, oʻquv kursining bir oylik toʻlovi miqdori va umumiy muddati koʻrsatilgan boʻlishi lozim.

Taqdim etilgan hujjatlardagi maʼlumotlarning toʻgʻriligi va haqqoniyligi uchun ariza beruvchi javobgar hisoblanadi.

Mahalladagi yoshlar yetakchisi besh ish kuni ichida subsidiya ajratish haqidagi tavsiyanoma yoki rad etish toʻgʻrisidagi xabarnomani Vasiylik kengashiga yuboradi. Bunda, subsidiya ajratishni rad etish haqida xabarnoma yuborilganda rad etish sabablari asoslanishi talab etiladi.

40. Murojaatni oʻrganish natijalari boʻyicha Vasiylik kengashi tomonidan subsidiya ajratish haqida qaror qabul qilingandan soʻng uch ish kuni ichida oʻquv kursi uchun belgilangan mablagʻlar ariza beruvchining oʻqiganligini tasdiqlovchi hisob-faktura va dalolatnomaga asosan nodavlat taʼlim tashkilotining hisob raqamiga oʻtkazib boriladi.

41. Mahalladagi yoshlar yetakchisi ariza beruvchi tomonidan haqiqatda oʻquv kursida oʻqiyotganligini har oyda kamida bir marta monitoring asosida oʻrganadi.

Oʻrganish jarayonida ariza beruvchi tomonidan oʻquv kursida oʻqimayotganligi aniqlangan taqdirda, yoshlar yetakchisining taqdimnomasiga asosan oʻquv kursi uchun subsidiya berish toʻxtatiladi.

9-§. “Yoshlar daftari”ga kiritilgan ijtimoiy himoyaga muhtoj iqtidorli yoshlarning ilm-fan, sport, sanʼat va madaniyat yoʻnalishlaridagi oʻquv kurslari uchun subsidiya ajratish tartibi

42. Yoshlarning ilm-fan, sport, sanʼat va madaniyat yoʻnalishlaridagi olti oygacha muddatli oʻquv kurslari uchun har oyda BHMning bir baravarigacha miqdorda mahalladagi yoshlar yetakchisining ijobiy tavsiyasi asosida “Yoshlar daftari” jamgʻarmasi mablagʻlari hisobidan ushbu Nizomga 10-ilovada keltirilgan sxemaga muvofiq subsidiya ajratiladi.

Mazkur paragrafda nazarda tutilgan xarajatlarni qoplash uchun Yoshlar ishlari agentligining Yoshlarga oid davlat siyosatini qoʻllab-quvvatlash jamgʻarmasi hisobidan ham qonunchilik hujjatlarida belgilangan tartibda subsidiya ajratilishi mumkin.

43. Ariza beruvchi oʻquv kursida oʻqish uchun subsidiya ajratishni soʻrab Vasiylik kengashiga oʻzi va nodavlat taʼlim tashkiloti oʻrtasida tuzilgan shartnoma nusxasini taqdim etadi.

Shartnomada nodavlat taʼlim tashkilotining nomi, STIR, oʻqitiladigan taʼlim turi, oʻquv kursining bir oylik toʻlovi miqdori va umumiy muddati koʻrsatilgan boʻlishi lozim.

Taqdim etilgan hujjatlardagi maʼlumotlarning toʻgʻriligi va haqqoniyligi uchun ariza beruvchi javobgar hisoblanadi.

Ushbu bandda nazarda tutilgan hujjatlar taqdim etilgandan soʻng Vasiylik kengashi uch ish kuni ichida murojaatni unga ilova qilingan hujjatlar bilan birga ariza beruvchi yashab kelayotgan mahalladagi yoshlar yetakchisiga koʻrib chiqish uchun yuboradi.

44. Murojaatni oʻrganish natijalari boʻyicha Vasiylik kengashi tomonidan subsidiya ajratish haqida qaror qabul qilingandan soʻng uch ish kuni ichida oʻquv kursi uchun belgilangan mablagʻlar ariza beruvchining oʻqiganligini tasdiqlovchi hisob-faktura va dalolatnomaga asosan nodavlat taʼlim tashkilotining hisob raqamiga oʻtkazib boriladi.

45. Mahalladagi yoshlar yetakchisi ariza beruvchi haqiqatda oʻquv kursida oʻqiyotganligi toʻgʻrisida har oyda kamida bir marta monitoring asosida oʻrganadi.

Oʻrganish jarayonida ariza beruvchi tomonidan oʻquv kursida oʻqimayotganligi aniqlangan taqdirda, yoshlar yetakchisining taqdimnomasiga asosan oʻquv kursi uchun subsidiya berish toʻxtatiladi.

10-§. “Yoshlar daftari”ga kiritilgan yoshlarning ilm-fan, sport, sanʼat va madaniyat yoʻnalishlaridagi olimpiada, tanlov va musobaqalarda qatnashish xarajatlari uchun subsidiya ajratish tartibi

46. Yoshlarning ilm-fan, sport, sanʼat va madaniyat yoʻnalishlaridagi olimpiada, tanlov va musobaqalarning mahalliy bosqichlarida qatnashish uchun ishtirokchilarning yashash va transport xarajatlarini qoplash uchun BHMning 4 baravarigacha hamda ushbu olimpiada, tanlov va musobaqalarning xalqaro bosqichlarida qatnashish xarajatlari (ishtirokchilarning yashash va transport xarajatlari) uchun BHMning 40 baravarigacha miqdorda “Yoshlar daftari” jamgʻarmasi mablagʻlari hisobidan ushbu Nizomga 11-ilovada keltirilgan sxemaga muvofiq subsidiya ajratiladi.

47. Olimpiada, tanlov va musobaqalarning mahalliy va xalqaro bosqichlarida qatnashish xarajatlari uchun subsidiya ajratishni soʻrab ariza beruvchi Vasiylik kengashiga olimpiada, tanlov va musobaqalarda ishtirok etish huquqini tasdiqlovchi hujjatlarni (sportni rivojlantirish boʻlimi, madaniyat boʻlimi, xalq taʼlimi boʻlimi yoki tegishli sport federatsiyalarining Vasiylik kengashi nomiga rasmiy xati va boshqalar) taqdim etadi.

Taqdim etilgan hujjatlardagi maʼlumotlarning toʻgʻriligi va haqqoniyligi uchun ariza beruvchi javobgar hisoblanadi.

Bunda ushbu subsidiyani berish uchun mahalladagi yoshlar yetakchisining tavsiyasi talab etilmaydi.

Vasiylik kengashi talabgorning arizasini uch ish kuni ichida oʻrganib chiqib qaror qabul qiladi.

48. Vasiylik kengashi qaroriga asosan ariza beruvchining transport (temiryoʻl, avia hamda viloyatlararo va shaharlararo qatnovchi avtobus) xarajatlari:

havo transportida — iqtisodiy klass tarifi boʻyicha;

temir yoʻl transportida — 2-klass tarifi boʻyicha qoplash uchun chipta realizatsiya qiluvchi tashkilotlarning hisob raqamiga oʻtkazib beriladi.

49. Olimpiada, tanlov va musobaqa davomidagi yashash xarajatlari vazirliklar, idoralar, korxonalar va tashkilotlar xodimlari Oʻzbekiston Respublikasi tashqarisiga xizmat safariga yuborilganda xizmat safari xarajatlari uchun mablagʻlar berish tartibi toʻgʻrisidagi nizomga (2015-yil 19-noyabr, roʻyxat raqami 2730) 1-ilovada belgilangan summalarda (transport xarajatlarini qoʻshganda ushbu Nizomning 46-bandida belgilangan miqdordan oshmagan holda) qoplanadi.

Vasiylik kengashi tomonidan uch ish kuni ichida zarur chora-tadbirlar belgilanadi va mablagʻlar oʻtkazib beriladi.

11-§. “Yoshlar daftari”ga kiritilgan yoshlarga taʼlim, madaniyat va sanʼat, sport, axborot texnologiyalar sohasiga va fanlarni oʻqitishga ixtisoslashgan nodavlat taʼlim tashkilotining noturar joy ijara xarajatlarini qoplash tartibi

50. Yoshlarga taʼlim, madaniyat va sanʼat, sport, axborot texnologiyalar sohasiga va fanlarni oʻqitishga ixtisoslashgan nodavlat taʼlim tashkilotining uch oy muddatgacha noturar joy ijara xarajatlari uchun BHMning 50 baravarigacha miqdorda mahalladagi yoshlar yetakchisining ijobiy tavsiyasi asosida “Yoshlar daftari” jamgʻarmasi mablagʻlari hisobidan ushbu Nizomga 12-ilovada keltirilgan sxemaga muvofiq ijaraga beruvchi tashkilotga qoplab beriladi.

Bunda nodavlat taʼlim tashkilotida oʻqiyotgan jami fuqarolarning eng kamida beshdan bir qismi “Yoshlar daftari”ga kiritilgan yoshlar boʻlsa, oʻquv markaziga ushbu imkoniyatdan foydalanishga yoʻl qoʻyiladi.

51. Noturar joyning ijara xarajatlarini qoplash uchun nodavlat taʼlim tashkiloti nomidan ish yuritish vakolatiga ega shaxs — ariza beruvchi Vasiylik kengashiga quyidagi hujjatlarni taqdim etadi:

tadbirkorlik subyekti guvohnomasi nusxasi;

ijara shartnomasining soliq organlarida hisobga qoʻyilganligi haqidagi bildirishnoma;

ijara shartnomasi nusxasi. Bunda, ijara shartnomasida ijaraga beruvchining nomi, STIR, ijaraning bir oylik toʻlovi miqdori koʻrsatilishi lozim;

nodavlat taʼlim tashkilotida taʼlim olayotgan oʻquvchilarning umumiy soni va “Yoshlar daftari”ga kiritilgan yoshlar soni toʻgʻrisida maʼlumot.

Taqdim etilgan hujjatlardagi maʼlumotlarning toʻgʻriligi va haqqoniyligi uchun ariza beruvchi javobgar hisoblanadi.

Ushbu bandda nazarda tutilgan hujjatlar taqdim etilgandan soʻng Vasiylik kengashi uch ish kuni ichida murojaatni ilova qilingan hujjatlar bilan birga ariza beruvchi faoliyat yuritib kelayotgan mahalladagi yoshlar yetakchisiga koʻrib chiqish uchun yuboradi.

Mahalladagi yoshlar yetakchisi besh ish kuni ichida ijara xarajatlarini qoplash haqidagi tavsiyanomani yoki rad etish toʻgʻrisidagi xabarnomani Vasiylik kengashiga yuboradi. Bunda ijara xarajatlarini qoplashni rad etish haqida xabarnoma yuborilganda rad etish sabablari asoslanishi talab etiladi.

Agar mahalladagi yoshlar yetakchisi murojaatni unga kelib tushgan paytdan boshlab besh ish kuni ichida koʻrib chiqmasa yoki ijara xarajatlarini qoplashni asossiz rad etish haqida xabarnoma bersa, ariza beruvchining murojaati ushbu paragraf talablariga muvofiq boʻlganda Vasiylik kengashi uning murojaatini qanoatlantirish huquqiga ega boʻladi.

52. Murojaatni oʻrganish natijalari boʻyicha Vasiylik kengashi tomonidan ijara xarajatlarini qoplash haqida qaror qabul qilingandan soʻng ariza beruvchi bino va inshootdan foydalanayotganligi toʻgʻrisida ijaraga beruvchi bilan har oy yakuni boʻyicha tuziladigan va keyingi oyning 5-kunigacha taqdim etiladigan hisob-fakturaga va dalolatnomaga asosan Vasiylik kengashi bino va inshootning ijara haqi uchun toʻlovni uch ish kuni ichida ijaraga beruvchining hisob raqamiga oʻtkazadi.

53. Mahalladagi yoshlar yetakchisi ijaraga olingan bino va inshootning ijaraga oluvchi tomonidan haqiqatda foydalanilayotganligini har oy mobaynida kamida bir marta monitoring asosida oʻrganadi.

Oʻrganish jarayonida ijaraga oluvchi tomonidan ijaraga olingan bino va inshootdan foydalanilmayotganligi aniqlangan taqdirda, yoshlar yetakchisining taqdimnomasiga asosan ijara toʻlovi uchun subsidiya berish toʻxtatiladi.

12-§. “Yoshlar daftari”ga kiritilgan bemor yoshlarga davolanish xarajatlari uchun subsidiya ajratish tartibi

54. “Yoshlar daftari”ga kiritilgan bemor yoshlarga mamlakatda yoki xorijiy davlatlarda davolanish bilan bogʻliq xarajatlarni qoplash uchun yoshlar yetakchisining ijobiy tavsiyasi asosida BHMning 50 baravaridan oshmagan miqdorda “Yoshlar daftari” jamgʻarmasi mablagʻlari hisobidan ushbu Nizomga 13-ilovada keltirilgan sxemaga muvofiq subsidiya ajratiladi.

55. Ariza beruvchi subsidiya ajratishni soʻrab murojaat qilganda mahalladagi yoshlar yetakchisi uch ish kuni ichida hududiy birlamchi tibbiy-sanitariya muassasasidan shifokor jalb qilishga koʻmaklashadi va ariza beruvchining sogʻligʻi holati baholanadi.

Oʻrganish natijasida ariza beruvchiga tibbiy yordam koʻrsatish zarurati aniqlanganda, ariza beruvchining sogʻligʻi holatiga qarab belgilangan tartibda davolash uchun tegishli birlamchi, viloyat yoki respublika darajasidagi tibbiyot muassasasiga yoʻnaltiriladi.

56. Oʻzbekiston Respublikasining Davlat budjeti mablagʻlari hisobidan tibbiy yordam koʻrsatiladigan imtiyozli toifaga kiradigan (ariza beruvchining ushbu toifaga kirishi yoki kirmasligi tibbiyot muassasasi xulosasiga koʻra aniqlanadi), viloyat yoki respublika darajasida davolanishi lozim deb topilgan “Yoshlar daftari”ga kiritilgan yoshlar davolanish uchun belgilangan tartibda elektron navbatga qoʻyilishi taʼminlanadi.

Ushbu toifaga kirmaydigan, birlamchi tibbiy-sanitariya muassasasi tomonidan viloyat, respublika darajasida yoki xorijiy davlatda davolanishi lozim deb topilgan “Yoshlar daftari”ga kiritilgan yoshlarning davolanishi yoki jarrohlik amaliyotidan oʻtishi bilan bogʻliq xarajatlar uchun mahalladagi yoshlar yetakchisining tavsiyasiga asosan “Yoshlar daftari” jamgʻarmasi mablagʻlari hisobidan subsidiya ajratiladi.

57. Ariza beruvchi shifokor koʻrigidan oʻtgandan soʻng mahalladagi yoshlar yetakchisi uch ish kuni ichida subsidiya ajratish haqidagi tavsiyanomani yoki rad etish haqidagi xabarnomani Vasiylik kengashiga yuboradi. Bunda subsidiya ajratishni rad etish haqida xabarnoma yuborilganda rad etish sabablari asoslanishi talab etiladi.

Agar mahalladagi yoshlar yetakchisi murojaat unga tushgan paytdan boshlab uch ish kuni ichida ariza beruvchining sogʻligʻini baholash uchun shifokor jalb qilishga koʻmaklashmasa yoki subsidiya ajratishni asossiz rad etish haqida xabarnoma bersa, ariza beruvchining murojaati ushbu paragraf talablariga muvofiq boʻlganda Vasiylik kengashi uning murojaatini qanoatlantirish huquqiga ega boʻladi.

58. Nogironlik belgilari aniq namoyon boʻlgan yoshlar belgilangan tartibda koʻrikdan oʻtish uchun Tibbiy-mehnat ekspert komissiyalariga yuboriladi.

13-§. “Yoshlar daftari”ga kiritilgan psixologik maslahatga muhtoj yoshlarga pullik psixologik xizmat koʻrsatilishi bilan bogʻliq xarajatlarni qoplash tartibi

59. Psixologik maslahatga muhtoj yoshlarga ixtisoslashgan nodavlat notijorat tashkilotlar hamda nodavlat taʼlim tashkilotlari tomonidan pullik psixologik xizmat koʻrsatilishi bilan bogʻliq xarajatlarni qoplash uchun mahalladagi yoshlar yetakchisining ijobiy tavsiyasi asosida BHMning 4 baravaridan oshmagan miqdorda “Yoshlar daftari” jamgʻarmasi mablagʻlari hisobidan ushbu Nizomga 14-ilovada keltirilgan sxemaga muvofiq subsidiya ajratiladi.

Psixologik maslahatga muhtoj yoshlarga Yoshlarga ijtimoiy-psixologik xizmat koʻrsatish respublika markazi, Ayollarni reabilitatsiya qilish va moslashtirish boʻyicha respublika, hududiy va tumanlararo namunali markazlari, Odam savdosi jabrdiydalariga yordam berish boʻyicha respublika reabilitatsiya markazi, Respublika ijtimoiy moslashuv markazi, taʼlim muassasalari va xususiy tashkilotlarning malakali psixologlari tomonidan psixologik maslahatlar beriladi.

60. Ariza beruvchi pullik psixologik xizmat koʻrsatilishi bilan bogʻliq xarajatlarni qoplashni soʻrab mahalladagi yoshlar yetakchisiga ariza beradi.

Yoshlar yetakchisi uch ish kuni ichida ariza beruvchining ijtimoiy toifasi va holatini oʻrganib, Vasiylik kengashiga quyidagi hujjatlar bilan tavsiyanoma taqdim etadi:

psixolog tomonidan berilgan ariza beruvchining psixologik yordamga muhtojligi toʻgʻrisidagi xulosa;

psixologik yordam koʻrsatish xizmatini koʻrsatuvchi tashkilot va ariza beruvchi oʻrtasida tuzilgan shartnoma nusxasi. Shartnomada tashkilotning nomi, STIR, koʻrsatiladigan xizmat summasi koʻrsatilgan boʻlishi lozim.

Taqdim etilgan hujjatlardagi maʼlumotlarning toʻgʻriligi va haqqoniyligi uchun ariza beruvchi javobgar hisoblanadi.

61. Murojaatni oʻrganish natijalari boʻyicha uch ish kuni ichida Vasiylik kengashi subsidiya ajratish haqida qaror qabul qiladi.

Mazkur qaror asosida tuman (shahar) hokimliklari tomonidan uch ish kuni ichida psixologik xizmat koʻrsatish bilan bogʻliq xarajatlar psixologik yordam koʻrsatish xizmatini koʻrsatuvchi tashkilotning bank hisob raqamiga oʻtkaziladi.

14-§. “Yoshlar daftari”ga kiritilgan yoshlarning safarbarlik chaqiruvi rezervidagi xizmatni oʻtash badalini toʻliq miqdorda qoplash uchun subsidiya ajratish tartibi

62. Yoshlarning safarbarlik chaqiruvi rezervidagi xizmatni oʻtash badalini toʻliq qoplash uchun mahalladagi yoshlar yetakchisining tavsiyasi asosida “Yoshlar daftari” jamgʻarmasi mablagʻlari hisobidan ushbu Nizomga 15-ilovada keltirilgan sxemaga muvofiq subsidiya ajratiladi.

63. Ariza beruvchi subsidiya ajratishni soʻrab oʻzi va tuman (shahar) mudofaa ishlari boʻlimi oʻrtasida tuzilgan “Safarbarlik chaqiruvi rezervi mablagʻlari” maxsus hisob raqamiga badal oʻtkazish tartibi toʻgʻrisida shartnoma nusxasini taqdim etadi.

Shartnoma nusxasi taqdim etilgandan soʻng Vasiylik kengashi uch ish kuni ichida murojaatni unga ilova qilingan hujjatlar bilan birga ariza beruvchi yashab kelayotgan mahalladagi yoshlar yetakchisiga yuboradi.

Mahalladagi yoshlar yetakchisi besh ish kuni ichida subsidiya ajratish haqidagi tavsiyanomani yoki rad etish toʻgʻrisidagi xabarnomani Vasiylik kengashiga yuboradi. Bunda subsidiya ajratishni rad etish haqida xabarnoma yuborilganda rad etish sabablari asoslanishi talab etiladi.

64. Murojaatni oʻrganish natijalari boʻyicha uch ish kuni ichida Vasiylik kengashining subsidiya ajratish haqidagi qarori qabul qilinadi.

Qaror asosida tuman (shahar) hokimliklari uch ish kuni ichida tuman (shahar) mudofaa ishlari boʻlimining Xalq bankidagi tegishli tuman (shahar) filialida 29896 “Boshqa majburiyatlar” tranzit hisob raqamiga safarbarlik chaqiruvi rezervi xizmatchisining familiyasi, ismi, otasining ismi va toʻlov maqsadini koʻrsatgan holda subsidiyani oʻtkazib beradi.

15-§. Yoshlarga yangi turmush qurayotganida oʻz xonadonida qoʻshimcha uy-joy qurish uchun garovsiz kredit ajratish uchun kafillik berish tartibi

65. “Yoshlar daftari”ga kiritilgan, nikohi qayd etilganiga 3 yildan oshmagan yoshlarga yakka tartibdagi oʻz xonadonida qoʻshimcha uy-joy qurish uchun 33 mln soʻmgacha garovsiz kredit ajratishda “Yoshlar daftari” jamgʻarmasining kafilligi ushbu Nizomga 16-ilovada keltirilgan sxemaga muvofiq beriladi.

66. Ariza beruvchi kafillik ajratishni soʻrab tijorat bankining Vasiylik kengashi nomiga yuborilgan ariza beruvchi tomonidan qoʻshimcha uy-joy qurish uchun garovsiz kredit ajratish uchun kafillik berish haqidagi xatini taqdim etadi.

Vasiylik kengashi uch ish kuni ichida murojaatni unga ilova qilingan hujjatlar bilan birga ariza beruvchi yashab kelayotgan mahalladagi yoshlar yetakchisiga yuboradi.

Mahalladagi yoshlar yetakchisi besh ish kuni ichida kafillik berish yoki rad etish haqida xabarnomani Vasiylik kengashiga yuboradi. Bunda kafillik berishni rad etish haqida xabarnoma yuborilganda rad etish sabablari asoslanishi talab etiladi.

Agar mahalladagi yoshlar yetakchisi murojaatni unga tushgan paytdan boshlab besh ish kuni ichida koʻrib chiqmasa yoki kafillik berishni asossiz rad etish haqida xabarnoma bersa, Vasiylik kengashi ariza beruvchining ijtimoiy himoyaga muhtojligini hamda uning murojaati ushbu paragraf talablariga muvofiqligini oʻrgangan holda uning murojaatini qanoatlantirish huquqiga ega boʻladi.

67. Murojaatni oʻrganish natijalariga koʻra, Vasiylik kengashi qaroriga asosan uch ish kuni ichida ariza beruvchiga kafillik berilishi mumkin.

16-§. “Yoshlar daftari”ga kiritilgan ijtimoiy himoyaga muhtoj yosh oilalarga turar joy ijarasi uchun subsidiya ajratish tartibi

68. Ijtimoiy himoyaga muhtoj yosh oilalarga 12 oygacha turar joy uchun ijara kompensatsiyasi har oyda BHMning 3 baravaridan oshmagan miqdorda “Yoshlar daftari” jamgʻarmasi mablagʻlari hisobidan ushbu Nizomga 17-ilovada keltirilgan sxemaga muvofiq subsidiya ajratiladi.

Bunda er-xotinning har ikkisi oʻttiz yoshdan oshmagan (oʻttiz bir yoshga toʻlmagan) boʻlishi, mulk huquqi asosida turar joyi boʻlmagan, ilgari maqsadli dasturlar doirasida imtiyozli ipoteka kreditlari orqali kvartira yoki yakka tartibdagi uy-joylar bilan taʼminlanmagan, ipoteka kreditlari boʻyicha subsidiyalar yoki uy-joylar taʼminoti bilan bogʻliq boshqa imtiyozlardan foydalanmagan hamda har ikkisi yoki biri “Yoshlar daftari”ga kiritilgan boʻlishi talab etiladi.

69. Ariza beruvchi subsidiya ajratishni soʻrab Vasiylik kengashiga quyidagi hujjatlarni taqdim etadi:

turar joy ijara shartnomasi nusxasi. Bunda ijara shartnomasida ijaraga beruvchining ismi va familiyasi, JSHSHIR, bank plastik kartasining rekvizitlari, ijara muddati, ijaraning bir oylik toʻlovi miqdori koʻrsatilishi lozim;

ijara shartnomasining soliq organlarida hisobga qoʻyilganligi haqidagi bildirishnoma.

Taqdim etilgan hujjatlardagi maʼlumotlarning toʻgʻriligi va haqqoniyligi uchun ariza beruvchi javobgar hisoblanadi.

Hujjatlar taqdim etilgandan soʻng Vasiylik kengashi uch ish kuni ichida murojaatni ilova qilingan hujjatlar bilan birga ariza beruvchi yashab kelayotgan mahalladagi yoshlar yetakchisiga yuboradi.

Mahalladagi yoshlar yetakchisi besh ish kuni ichida subsidiya ajratish haqidagi tavsiyanomani yoki rad etish toʻgʻrisidagi xabarnomani Vasiylik kengashiga yuboradi. Bunda, subsidiya ajratishni rad etish haqida xabarnoma yuborilganda rad etish sabablari asoslanishi talab etiladi.

Agar mahalladagi yoshlar yetakchisi murojaatni unga tushgan paytdan boshlab besh ish kuni ichida koʻrib chiqmasa yoki subsidiya ajratishni asossiz rad etish haqida xabarnoma bersa, Vasiylik kengashi ariza beruvchining ijtimoiy himoyaga muhtojligini hamda uning murojaati ushbu paragraf talablariga muvofiqligini oʻrgangan holda uning murojaatini qanoatlantirish huquqiga ega boʻladi.

70. Murojaatni oʻrganish natijalari boʻyicha Vasiylik kengashi tomonidan ijara xarajatlarini qoplash uchun subsidiya ajratish haqida qaror qabul qilinganda Vasiylik kengashi har oyning 5-kunigacha ijara xarajatlari uchun subsidiyaning oylik toʻlovlarini ijaraga beruvchining bank plastik kartasiga oʻtkazadi.

71. Mahalladagi yoshlar yetakchisi ijaraga oluvchi tomonidan haqiqatda ijaraga olingan turar joyda yashayotganini har oy mobaynida kamida bir marta monitoring asosida oʻrganadi.

Oʻrganish jarayonida ijaraga oluvchi ijaraga olingan turar joyda yashamayotganligi aniqlangan taqdirda, yoshlar yetakchisining taqdimnomasiga asosan ijara toʻlovi uchun subsidiya berish toʻxtatiladi.

17-§. Yoshlarning intellektual salohiyatini yuksaltirish, ularning boʻsh vaqtini mazmunli tashkil etish va huquqiy savodxonligini oshirish, shuningdek, besh muhim tashabbus doirasidagi tadbirlarni moliyalashtirish

72. Kalendar rejada belgilangan loyiha, tanlov va tadbirlarni mahalla, sektor, tuman (shahar) va hudud darajasida tashkil etish va oʻtkazish bilan bogʻliq xarajatlar “Yoshlar daftari” jamgʻarmasi mablagʻlari hisobidan ushbu Nizomga 18-ilovada keltirilgan sxemaga muvofiq moliyalashtiriladi.

har bir mahalla darajasidagi tadbirlarga bir kalendar oy uchun — BHMning 10 baravarigacha mablagʻ ajratiladi. Kalendar rejaga kiritilmagan tadbirlar “Yoshlar daftari” jamgʻarmasi mablagʻlaridan moliyalashtirilishiga yoʻl qoʻyilmaydi.

Kalendar rejaga kiritilgan loyiha, tanlov va tadbirlarni sektor va tuman (shahar) bosqichlarini moliyalashtirish Yoshlar ishlari agentligining tuman (shahar) boʻlimlari tomonidan asosli hisob-kitob qilingan holda Vasiylik kengashiga yuboriladi. Vasiylik kengashi murojaatga asosan qaror qabul qiladi va tadbirlarni moliyalashtirish choralarini koʻradi.

Hududda oʻtkaziladigan respublika va hudud darajasidagi tadbirlar hududiy “Yoshlar daftari” jamgʻarmasi mablagʻlari hisobidan moliyalashtiriladi.

73. Mahalla darajasidagi tadbirlarni tashkil etish uchun mahalladagi yoshlar yetakchisi Kalendar rejadan kelib chiqib, Yoshlar ishlari agentligining tuman (shahar) boʻlimlariga choraklik loyiha, tanlov va tadbirlar soni va turi xususidagi maʼlumotlarni taqdim etadi.

Yoshlar ishlari agentligining tuman (shahar) boʻlimlari besh ish kuni ichida mahallalar boʻyicha choraklik loyiha, tanlov va tadbirlar soni va turi toʻgʻrisidagi maʼlumotlarni kalendar rejaga muvofiqligini tekshiradi va ajratiladigan tovar moddiy boyliklar turi va soni toʻgʻrisidagi maʼlumotlarni tuman (shahar) “Yoshlar daftari” jamgʻarmasi Vasiylik kengashiga yuboradi.

74. Tuman (shahar) “Yoshlar daftari” jamgʻarmasi Vasiylik kengashi mahallalar boʻyicha rejadagi tovar moddiy boyliklarni xarid qilish toʻgʻrisida qaror qabul qiladi.

Vasiylik kengashi qarori asosida tovar moddiy boyliklar “Yoshlar daftari” jamgʻarmasi mablagʻlari hisobidan qonunchilikda belgilangan tartibda xarid qilinadi.

75. Vasiylik kengashi tovar moddiy boyliklar xarid qilingandan soʻng uch ish kuni ichida Yoshlar ishlari agentligining tuman (shahar) boʻlimlariga yetkazilishini taʼminlaydi.

Yoshlar ishlari agentligining tuman (shahar) boʻlimlari ikki ish kuni ichida tovar moddiy boyliklarni mahallalar boʻyicha taqsimlab, mahalladagi yoshlar yetakchilariga tarqatadi.

Mahalladagi yoshlar yetakchisi tovar moddiy boyliklarni yoshlarga tarqatish boʻyicha, topshirish, qabul qilish dalolatnomasini rasmiylashtiradi va qonunchilikda belgilangan tartibda Yoshlar ishlari agentligining tuman (shahar) boʻlimlariga hisobot topshiradi.

76. Kalendar rejada belgilangan loyiha, tanlov va tadbirlarni sektor, tuman (shahar) bosqichlarini oʻtkazish uchun Yoshlar ishlari agentligining tuman (shahar) boʻlimlari Vasiylik kengashiga choraklik tadbirlar rejasini taqdim etadi va xalq deputatlari tuman (shahar) Kengashiga koʻrib chiqish uchun kiritadi.

Tadbirlar rejasi xalq deputatlari tuman (shahar) Kengashi tomonidan tasdiqlangandan soʻng tadbirlarni oʻtkazish uchun Vasiylik kengashining qaroriga muvofiq “Yoshlar daftari” jamgʻarmasidan mablagʻlar ajratiladi va qonunchilikda belgilangan tartibda tadbirlarga ajratiladigan tovar moddiy boyliklarni xarid qiladi.

Vasiylik kengashi tovar moddiy boyliklar xarid qilingandan soʻng uch ish kuni ichida Yoshlar ishlari agentligining tuman (shahar) boʻlimlariga yetkazilishini taʼminlaydi.

Yoshlar ishlari agentligining tuman (shahar) boʻlimlari tovar moddiy boyliklarni topshirish, qabul qilish dalolatnomasini rasmiylashtiradi va qonunchilikda belgilangan tartibda Vasiylik kengashiga hisobot topshiradi.

Vasiylik kengashi har chorak yakuni boʻyicha oʻtkazilgan tadbirlar boʻyicha xalq deputatlari tuman (shahar) Kengashiga hisobot taqdim etadi.

77. Kalendar rejaga kiritilmagan tadbirlarni tashkil etishga mahalladagi yoshlar yetakchisini jalb etishga yoʻl qoʻyilmaydi.

18-§. “Yoshlar daftari”ga kiritilgan yoshlarning ish bilan bandligini taʼminlash

78. “Yoshlar daftari”ga kiritilgan ishsiz yoshlarning bandligiga quyidagi yoʻnalishlarda koʻmaklashiladi:

sektorlar rahbarlari tuman (shahar) hokimlarining iqtisodiyot va tadbirkorlik masalalari boʻyicha birinchi oʻrinbosarlari, mahallabay ishlash va tadbirkorlikni rivojlantirish markazlari, aholi bandligiga koʻmaklashish markazlari, Savdo-sanoat palatasining tuman (shahar) tadbirkorlikka koʻmaklashish markazlari tomonidan “Ishga marhamat” monomarkazlari, davlat va nodavlat kasb-hunarga oʻqitish markazlari, mahalla aholisini kasb-hunarga oʻqitish maskanlarida kasb-hunarga va tadbirkorlikka oʻqitishni tashkil etish, tadbirkorlikka jalb etish, oʻzini oʻzi mustaqil ravishda band qilishni rivojlantirishga doir faoliyatni tashkil etish orqali bandlikka koʻmaklashish;

sektorlar rahbarlari tuman (shahar) hokimlarining investitsiyalar va tashqi savdo masalalari boʻyicha oʻrinbosarlari, tuman (shahar) investitsiya boʻlimlari, mahallabay ishlash va tadbirkorlikni rivojlantirish markazlari, Aholi bandligiga koʻmaklashish markazlari, tijorat banklari hamkorligida tarmoq va hududiy investitsiya dasturlariga kiritilgan loyihalarda yoshlar uchun yaratilayotgan yangi ish oʻrinlariga ishga joylashtirish;

sektorlar rahbarlari tuman (shahar) mahallabay ishlash va tadbirkorlikni rivojlantirish markazlari hamda aholi bandligiga koʻmaklashish markazlari bilan birgalikda mavjud vakansiya va zaxira (kvota) ish oʻrinlariga ishga joylashtirish hamda haq toʻlanadigan jamoat ishlariga jalb qilish;

sektorlar rahbarlari tuman (shahar) hokimlarining qishloq va suv xoʻjaligi masalalari boʻyicha oʻrinbosarlari, tuman (shahar) mahallabay ishlash va tadbirkorlikni rivojlantirish markazlari bilan birgalikda fermer va dehqon xoʻjaliklari, qishloq xoʻjaligi kooperativlariga jalb qilish, shuningdek, dehqonchilik bilan shugʻullanish uchun yangi oʻzlashtirilgan, lalmi, foydalanilmayotgan yer maydonlarini 0,10 gektardan 1 gektargacha belgilangan tartibda ochiq elektron tanlov orqali 10 yilga ijaraga yer berish;

sektorlar rahbarlari tuman (shahar) mahallabay ishlash va tadbirkorlikni rivojlantirish markazlari, tuman (shahar) hokimlarining sanoatni rivojlantirish, kapital qurilish, kommunikatsiyalar va kommunal xoʻjalik masalalari boʻyicha oʻrinbosarlari, qurilish boʻlimlari bilan birgalikda hududdagi qurilish ishlariga jalb qilish;

tuman (shahar) mahallabay ishlash va tadbirkorlikni rivojlantirish markazlari, Yoshlar ishlari agentligi hamda Aholi bandligiga koʻmaklashish markazlari bilan birgalikda yoshlar bandligiga koʻmaklashish, tadbirkorlikni rivojlantirish hamda yoshlarni ishga qabul qilgan ish beruvchilarni ragʻbatlantirish maqsadida subsidiyalar ajratishga koʻmaklashish.

Ushbu bandda koʻrsatilgan yoʻnalishlar qonunchilik hujjatlarida belgilangan tartibda amalga oshiriladi.

19-§. “Yoshlar daftari”ga kiritilgan yoshlarni tadbirkorlikka jalb qilish

79. “Yoshlar daftari”ga kiritilgan yoshlarga tadbirkorlik faoliyatini yoʻlga qoʻyishda koʻmaklashish quyidagi yoʻnalishlarda amalga oshiriladi:

a) Savdo-sanoat palatasi va “Yoshlar — kelajagimiz” jamgʻarmasi tomonidan:

48 soatlik (haftalik) oʻquv dasturi asosida oʻquv kurslarida tadbirkorlikka bepul oʻqitiladi;

oʻquv kurslarini muvaffaqiyatli bitirib, sertifikatga ega bitiruvchilarning oʻzini oʻzi daromadli mehnat bilan band qilish yoki ularning doimiy mehnat bilan bandligini taʼminlashga (ish oʻrinlari yaratishga) qaratilgan loyihalarini tuzish va amalga oshirishga koʻmaklashadi;

b) “Mikrokreditbank” ATB, “Agrobank” ATB va AT “Xalq banki”ning tuman (shahar) filiallari orqali tadbirkorlikni yoʻlga qoʻyish va rivojlantirish uchun Oʻzbekiston Respublikasi Davlat budjeti mablagʻlari hisobidan kreditlar ajratiladi.

“Mikrokreditbank” ATB “Yoshlar daftari”ga kiritilgan yoshlarni tadbirkorlikka jalb qilish, ularga kredit olishda koʻmaklashish, bu masalada respublikada ajratilgan kreditlarning statistik hisobotini yuritish va kredit ajratilgandan soʻng ularning tadbirkorligini rivojlantirish uchun doimiy qoʻllab-quvvatlash borasidagi amaliy ishlarni muvofiqlashtirishga masʼul hisoblanadi.

80. Kreditlar “Yoshlar daftari”ga kiritilgan va tadbirkorlik bilan shugʻullanish istagida boʻlgan yoshlarning tadbirkorligini yoʻlga qoʻyish va rivojlantirishga yoʻnaltiriladi.

Bunda:

tadbirkorlik tashabbusiga ega jismoniy shaxslarga, shu jumladan, yoshlarga oʻz biznesini tashkil etish uchun 33 million soʻmgacha boʻlgan miqdordagi kreditlar garovsiz;

kichik tadbirkorlik subyektlariga uchinchi shaxs kafilligi, sugʻurta polislari, kredit hisobiga sotib olinayotgan mol-mulk garovi, Tadbirkorlik faoliyatini qoʻllab-quvvatlash davlat jamgʻarmasining kafilligi va qonun hujjatlarida nazarda tutilgan boshqa taʼminot turlari asosida 225 million soʻmgacha miqdorda kreditlar ajratiladi.

Kreditlarni ilgari olingan kreditlar yoki har qanday boshqa qarzlarni qaytarishga, shaxsiy ehtiyoj uchun avtotransport sotib olishga, maʼmuriy xarajatlarni toʻlashga, jumladan, avtotransport vositasining taʼminoti, mebel, aloqa xizmatlari toʻlovi va uyali telefon sotib olishga hamda qonunchilik hujjatlari va Markaziy bankning qoidalariga koʻra taqiqlangan faoliyatlarga ajratishga yoʻl qoʻyilmaydi.

Kreditlar hokim yordamchilarining tavsiyalari asosida 14 foizlik stavkada:

oilaviy tadbirkorlik, daromad topishga qaratilgan muayyan mehnat faoliyati bilan shugʻullanish istagini bildirgan yoshlarga — 3 oydan 6 oygacha boʻlgan imtiyozli davr bilan 3 yilgacha muddatga;

chorvachilik (chetdan keltirilgan naslli qoʻy va echki), baliqchilik va parrandachilik (tuxum yoʻnalishi) uchun — 1 yilgacha boʻlgan imtiyozli davr bilan 3 yilgacha muddatga;

bogʻdorchilik, uzumchilik va limonchilikni tashkil etish, issiqxona, qishloq xoʻjaligi texnikasi va asbob-uskunalarni xarid qilish uchun — 3 yilgacha boʻlgan imtiyozli davr bilan 7 yilgacha muddatga ajratiladi.

81. Kreditlar qarz oluvchining ssuda hisob raqamidan kredit shartnomasida belgilangan maqsadlar uchun tegishli tashkilotlarning bankdagi hisob raqamiga pul oʻtkazish yoʻli bilan ajratiladi.

“Yoshlar daftari”ga kiritilgan va oʻzini oʻzi band qiladigan yoshlarga ayrim turdagi faoliyatni amalga oshirish (kasanachilik, hunarmandchilik, issiqxona qurish va shu kabilar uchun zarur xom ashyo, ehtiyot qism hamda qurilish mollarini sotib olish) maqsadida 5 million soʻmgacha miqdorda kredit mablagʻlari naqd pulda berilishi mumkin.

Kreditlar “Mikrokreditbank” ATB, “Agrobank” ATB va AT “Xalq banki”ning tuman (shahar) filiallari tomonidan “Yoshlar daftari”da hisobda turgan yoshlarning qatʼiy navbatma-navbat murojaat qilishi asosida Oilaviy tadbirkorlikni rivojlantirish dasturlarining yagona platformasi orqali ajratiladi.

82. “Yoshlar daftari”ga kiritilgan, biroq kredit olishni rad qilgan yoshlarning doimiy bandligini taʼminlash maqsadida tadbirkorlik subyektlarining “Yoshlar daftari”ga kiritilgan yoshlarni ish bilan bandligini taʼminlashga qaratilgan loyihalariga Oilaviy tadbirkorlikni rivojlantirish davlat dasturi doirasidagi resurslar hisobidan yillik 14 foizlik stavkada imtiyozli kreditlar ajratilishi mumkin.

Bunda kichik tadbirkorlik subyektlari tomonidan “Yoshlar daftari”ga kiritilgan yoshlarni doimiy ish bilan taʼminlash sharti bilan samaradorligi yuqori va barqaror ish oʻrinlari yaratishga qaratilgan loyihalariga Oilaviy tadbirkorlikni rivojlantirish davlat dasturi doirasidagi resurslar hisobidan 225 million soʻmdan ortiq, biroq 1 milliard soʻmdan koʻp boʻlmagan miqdorda belgilangan tartib asosida kredit ajratilishi mumkin.

Kredit summasining aniq miqdori tadbirkor tomonidan ish bilan taʼminlanadigan har bir yosh uchun 33 million soʻmgacha miqdorda mutanosib ravishda belgilanadi.

83. Savdo-sanoat palatasi, “Yoshlar — kelajagimiz” jamgʻarmasining hududiy boʻlinmalari joylarda tadbirkorlik faoliyatini yoʻlga qoʻyish istagini bildirgan yoshlarning tadbirkorlik koʻnikmalarini oshirish va biznes loyihalarini tuzishga koʻmaklashadi.

20-§. “Yoshlar daftari”ga kiritilgan yoshlarning xorijda xavfsiz, tartibli va qonuniy mehnat migratsiyasini tashkil etish

84. Yoshlarning xorijda xavfsiz, tartibli va qonuniy mehnat migratsiyasini tashkil etish Oʻzbekiston Respublikasi Prezidentining “Xavfsiz, tartibli va qonuniy mehnat migratsiyasi tizimini joriy qilish chora-tadbirlari toʻgʻrisida” 2020-yil 15-sentabrdagi PQ-4829-son qarori asosida Bandlik va mehnat munosabatlari vazirligi tomonidan quyidagi tartibda amalga oshiriladi:

uyushtirilgan mehnat migratsiyasi yoʻli bilan xorijga chiqib ketayotgan yoshlar ishga yuborilishidan oldin davlat va nodavlat taʼlim tashkilotlarida, xususan hududlardagi “Ishga marhamat” monomarkazlari, kasb-hunarga oʻqitish markazlari, qisqa muddatli kasb-hunarga oʻqitish kurslari, mahalla aholisini kasb-hunarga oʻqitish maskanlarida kasb-hunarga oʻqitiladi (xorijiy ish beruvchining malaka talablariga javob beradigan shaxslar bundan mustasno);

uyushtirilgan mehnat migratsiyasi yoʻli bilan chet elda mehnat faoliyatini amalga oshirayotgan yoshlarning haq-huquqlarini taʼminlashga va koʻmaklashishga qaratilgan chora-tadbirlar amalga oshiriladi;

Mehnat migratsiyasidan qaytib kelgan yoshlarni reintegratsiya qilish, shu jumladan ularning bandligini taʼminlash, kasbiy malakasini oshirish va tadbirkorlik tashabbuslarini ragʻbatlantirish hamda qonun hujjatlariga muvofiq boshqa choralar-tadbirlar koʻriladi.

4-bob. Yordam turlarini berish tartibi

85. Tegishli ijobiy tavsiya asosida “Yoshlar daftari” jamgʻarmasi mablagʻlari hisobidan yoshlarga beriladigan yordamlar boʻyicha murojaatlar Vasiylik kengashining ishchi organiga elektron platforma orqali yuboriladi.

86. Vasiylik kengashiga kiritilgan murojaatlar Vasiylik kengashi yigʻilishlarida koʻrib chiqiladi.

Vasiylik kengashi yigʻilishlari har oyda kamida ikki marta — oyning 15-kunigacha va oxirgi kunigacha oʻtkaziladi.

87. Vasiylik kengashining ishchi organi ikki kun muddatda Vasiylik kengashi yigʻilishi kun tartibiga kiritiladigan masalalarni tayyorlaydi, bu haqida Vasiylik kengashi aʼzolariga yigʻilish vaqti va oʻtkaziladigan joyi toʻgʻrisida xabar beradi.

Koʻriladigan masalalar boʻyicha qarorlar ochiq ovoz berish orqali koʻpchilik ovoz bilan qabul qilinadi. Vasiylik kengashining har bir aʼzosi, shu jumladan, rais ham bitta ovozga ega boʻladi.

88. Vasiylik kengashi ishchi organi Vasiylik kengashi yigʻilishlari bayonnomasini yuritadi va rasmiylashtiradi.

Bunda yigʻilish bayonnomasi besh kun muddatda Vasiylik kengashi aʼzolari bilan kelishilgan holda Vasiylik kengashi raisi tomonidan imzolanadi.

89. Sektorlar rahbarlari tegishli mahallalar boʻyicha “Yoshlar daftari”ga kiritilgan yoshlarning muammolarini bartaraf etishga qaratilgan “Yoshlar dasturi”ni tasdiqlaydi va ijrosini taʼminlash uchun masʼul davlat organlari va tashkilotlariga yuboradi.

“Yoshlar dasturi” ijrosi uchun masʼul etib belgilangan sektorlar rahbarlari, Vasiylik kengashi raisi, masʼul davlat organlari va tashkilotlar rahbarlari yoshlarning muammolari bartaraf etilganligi boʻyicha har chorakda kamida bir marotaba xalq deputatlari tuman (shahar) Kengashlariga hisobot beradi.

5-bob. “Yoshlar daftari”dan chiqarish tartibi

90. Yoshlar quyidagi hollarda “Yoshlar daftari”dan chiqariladi:

ushbu Nizomning 3-bobida belgilangan tegishli toifa boʻyicha belgilangan amaliy yordamlar toʻliq koʻrsatilganda (bir martalik moddiy yordam koʻrsatilganligi bundan mustasno);

bandligi taʼminlangan yoki doimiy daromad manbaiga ega boʻlganda;

toʻliq davlat taʼminotiga olinganda;

oʻz arizasiga koʻra;

“Yoshlar daftari”ga noqonuniy kiritilganligi aniqlanganda;

boshqa davlatlarga ishlash yoki doimiy yashash uchun chiqib ketganda;

sudning ozodlikdan mahrum etishni nazarda tutuvchi hukmi qonuniy kuchga kirganda;

vafot etgan taqdirda yoki sud qarori asosida bedarak yoʻqolgan deb topilganda.

“Yoshlar daftari”ga kiritilgan yoshlarning “Yoshlar dasturi”ga kiritilgan masalalari toʻliq hal etilgunga qadar ularni “Yoshlar daftari”dan chiqarishga yoʻl qoʻyilmaydi.

Ish beruvchi tomonidan jismoniy shaxslardan olinadigan daromad soligʻi yoki ijtimoiy soliq toʻlovi hisoblanganda hamda ushbu maʼlumotlar Oʻzbekiston Respublikasi Davlat soliq qoʻmitasining markazlashtirilgan axborot bazasida va Yagona milliy mehnat tizimida aks etgan taqdirda, ish bilan bandligi taʼminlangan deb hisoblanadi hamda “Yoshlar daftari”dan chiqarish uchun asos boʻladi.

Doimiy va vaqtincha yashash uchun respublikaning boshqa hududiga koʻchib oʻtganda, doimiy yashash va vaqtincha turar joyi boʻyicha roʻyxatga olingan kundan boshlab oʻn besh kundan kechiktirmasdan “Yoshlar daftari”ga tegishli oʻzgartirishlar kiritiladi.

91. Yoshlar yetakchilari mazkur Nizomning 90-bandida koʻrsatilgan holatlarga asosan yoshlarni “Yoshlar daftari”dan chiqarish boʻyicha Yoshlar ishlari agentligining tuman (shahar) boʻlimlariga elektron platforma orqali tavsiya beradi.

Yoshlar ishlari agentligining tuman (shahar) boʻlimlari yoshlar yetakchilari tomonidan “Yoshlar daftari”dan chiqarish tavsiya etilayotgan yoshlarni besh ish kuni ichida mazkur Nizomning 90-bandida koʻrsatilgan holatlar boʻyicha oʻrganib, haqiqatda chiqarish yoki rad etishni elektron platformada belgilaydi.

“Yoshlar daftari”ga kiritilgan yoshlar Nizomning 90-bandida koʻrsatilgan holatlardan boshqa sabablar bilan “Yoshlar daftari”dan chiqarilgan taqdirda, amaliy yordam berish uchun “Yoshlar daftari”ga qayta kiritiladi.

92. “Yoshlar daftari”dan chiqarilayotgan yoshlar bir kun ichida bu haqida xabardor qilinadi.

6-bob. Yakunlovchi qoidalar

93. Ushbu Nizomga muvofiq “Yoshlar daftari” jamgʻarmasi mablagʻlari hisobidan koʻrsatiladigan koʻmak ariza beruvchilarning arizalariga asosan ularning ehtiyoji va xohish-istaklarini oʻrganish natijalariga asosan tegishliligi boʻyicha yoshlar yetakchisi va hokim yordamchisi tavsiyasiga koʻra Vasiylik kengashi qaroriga muvofiq amalga oshiriladi.

Vasiylik kengashi tomonidan ariza va unga ilova qilingan tegishli hujjatlar koʻrib chiqilib, natijasi boʻyicha “Yoshlar daftari” jamgʻarmasi mablagʻlari hisobidan koʻmak berish yoki rad etish toʻgʻrisida asoslangan qaror qabul qilinadi.

“Yoshlar daftari” jamgʻarmasi mablagʻlari hisobidan koʻmak berish asoslangan holda rad etilgan taqdirda, Vasiylik kengashining tegishli qarori qabul qilingan kundan boshlab uch ish kuni ichida bu haqida ariza beruvchiga xabarnoma yuboriladi.

94. Yoshlarning ehtiyojlari va xohish-istaklarini oʻrganish natijalari boʻyicha xalq deputatlari tuman (shahar) Kengashlari qaroriga asosan qonunchilik hujjatlariga zid boʻlmagan boshqa yoʻnalishlar boʻyicha ham yoshlarga moddiy va ijtimoiy yordam berilishi mumkin.

95. Sektorlar rahbarlari, tuman (shahar) hokimining yoshlar siyosati, ijtimoiy rivojlantirish va maʼnaviy-maʼrifiy ishlar boʻyicha oʻrinbosarlari elektron platformada “Yoshlar daftari”ni yuritish bilan bogʻliq masalalar toʻliq aks ettirib borilishini taʼminlaydi hamda unga maʼlumotlarni kiritish va chiqarish, ularning haqqoniyligi boʻyicha shaxsan javobgar hisoblanadi.

“Yoshlar daftari”ga kiritilgan yoshlar boʻyicha amalga oshirilayotgan ishlar toʻgʻrisida barcha hisobotlar elektron platformada shakllantiriladi.

96. “Yoshlar daftari”ga kiritilgan yoshlarni qoʻllab-quvvatlash boʻyicha ishlarni muvofiqlashtirish:

mahalla darajasida — tuman (shahar) sektorlari rahbarlari, tuman (shahar) hokimining yoshlar siyosati, ijtimoiy rivojlantirish va maʼnaviy-maʼrifiy ishlar boʻyicha oʻrinbosarlari, Yoshlar ishlari agentligining tuman (shahar) boʻlimlari boshliqlari;

tuman (shahar) darajasida — viloyat sektorlari rahbarlari, Qoraqalpogʻiston Respublikasi Vazirlar Kengashi Raisi, viloyatlar va Toshkent shahar hokimining yoshlar siyosati, ijtimoiy rivojlantirish va maʼnaviy-maʼrifiy ishlar boʻyicha oʻrinbosarlari, Yoshlar ishlari agentligining hududiy boshqarmalari boshliqlari;

viloyat darajasida — Yoshlar ishlari agentligi, sektorlar, tegishli vazirliklar va idoralar;

respublika darajasida — Mahallalarda yoshlar bilan ishlash masalalarini muvofiqlashtirish boʻyicha respublika komissiyasi tomonidan amalga oshiriladi.

97. Yoshlar yetakchilari tomonidan “Yoshlar daftari”ga kiritilgan har bir yoshlarning aniqlangan muammolari bartaraf etilganligi haqidagi hisobotlar elektron platformaga kiritib boriladi.

98. Yoshlar ishlari agentligi elektron platformaga maʼlumotlarning kiritilishi yuzasidan monitoring yuritadi.

99. “Yoshlar daftari”ga kiritilgan yoshlarning muammolarini bartaraf etishga qaratilgan “Yoshlar dasturi”ning ijrosi har chorakda kamida bir marta xalq deputatlari tuman (shahar) kengashida muhokama qilinadi.

Kengash sessiyalarida muammolarni hal qilishga masʼul boʻlgan sektorlar va tashkilot rahbarlarining hisobotlari eshitib boriladi.

100. Yoshlar ishlari agentligi “Yoshlar daftari”ga yuritilishi boʻyicha amalga oshirilgan ishlar haqida hududiy boʻlinmalardan olingan maʼlumotlarni tegishli vazirlik, idora va tashkilotlar hamda mahalliy hokimliklar bilan har oy yakuni bilan tahlil qiladi.

Respublika darajasida hal etilishi lozim boʻlgan muammolarni hududlar boʻyicha bartaraf etish maqsadida Mahallalarda yoshlar bilan ishlash masalalarini muvofiqlashtirish boʻyicha respublika komissiyasiga axborot kiritib boriladi.

101. Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, tegishli vazirliklar va idoralar har oy yakuni boʻyicha keyingi oyning 5-kuniga qadar “Yoshlar dasturi” ijrosi boʻyicha maʼlumotlarni Yoshlar ishlari agentligiga taqdim etadi.

102. “Yoshlar dasturi” va “Yoshlar daftari” yuritilishi boʻyicha mutasaddi boʻlgan vazirliklar, idoralar va mahalliy hokimliklarning barcha darajadagi rahbarlarining hisobdorligini Mahallalarda yoshlar bilan ishlash masalalarini muvofiqlashtirish boʻyicha respublika komissiyasi hamda Vazirlar Mahkamasining Rayosat majlisida koʻrib chiqish uchun har chorak yakunida “Yoshlar daftari” yuritilishi boʻyicha tahliliy maʼlumotlar Yoshlar ishlari agentligi tomonidan belgilangan tartibda Oʻzbekiston Respublikasi Prezidenti Administratsiyasi hamda Vazirlar Mahkamasiga kiritib boriladi.

103. Mahallalarda yoshlar bilan ishlash masalalarini muvofiqlashtirish boʻyicha respublika komissiyasi kamchilikka yoʻl qoʻygan masʼul tashkilotlar rahbarlariga baho beradi, choralar koʻradi, kamchiliklarni bartaraf etish boʻyicha tegishli “yoʻl xaritalari” ishlab chiqilishi va ijroga yoʻnaltirilishini taʼminlaydi.

“Yoshlar daftari”ni yuritish orqali yoshlar muammolarini tizimli ravishda hal etish va ularni ijtimoiy qoʻllab-quvvatlash tartibi toʻgʻrisidagi nizomga
1-ILOVA

“Yoshlar daftari”ni yuritish orqali yoshlar muammolarini tizimli ravishda hal etish va ularni ijtimoiy qoʻllab-quvvatlash uchun beriladigan subsidiya, kompensatsiya va moddiy yordam turlarining

ROʻYXATI

T/r	Subsidiya, kompensatsiya va moddiy yordam turlari	Mablagʻ miqdori	Moliyalashtirish manbasi	Murojaat etiladigan organ	Mablagʻ ajratilishiga koʻmaklashuvchi masʼul
1.	Moddiy ahvoli ogʻir yoshlarga bir martalik moddiy yordam koʻrsatish.	bazaviy hisoblash miqdori (keyingi oʻrinlarda — BHM)ning 4 baravarigacha	Yoshlar daftari jamgʻarmasi	Tuman (shahar) “Yoshlar daftari” jamgʻarmasi vasiylik kengashi (keyingi oʻrinlarda — Vasiylik kengashi)	Mahalladagi yoshlar yetakchisi
2.	Yoshlarni tadbirkorlikka va kasb-hunarga oʻqitish kurslari xarajatlarini qoplash.	Oʻqish xarajatlarning 75 foizigacha qismi, biroq mos ravishda har bir oy uchun BHMning 4, 8, 12 baravaridan koʻp boʻlmagan qismi	Yoshlar daftari jamgʻarmasi	Vasiylik kengashi	Hokim yordamchisi
3.	Yoshlarning davlat va nodavlat taʼlim tashkilotlarida avtomototransport vositalari haydovchilarini tayyorlash oʻquv kursi xarajatlarini qoplash uchun subsidiya ajratish.	BHMning 4 baravarigacha	Yoshlar daftari jamgʻarmasi	Vasiylik kengashi	Mahalladagi yoshlar yetakchisi
4.	Dehqonchilik va tomorqa xoʻjaligini yuritish bilan shugʻullanayotgan yoshlarga urugʻlik va koʻchatlar xarid qilish uchun subsidiya ajratish.	BHMning 8 baravarigacha	Yoshlar daftari jamgʻarmasi	Vasiylik kengashi	Hokim yordamchisi
5.	Yoshlarga tadbirkorlik faoliyati va oʻzini oʻzi band qilish uchun noturar joyning ijara xarajatlarini qoplash	12 oygacha ijara xarajatlarining bir yilda 30 foizi, biroq BHMning 25 baravarigacha boʻlgan qismi	Yoshlar daftari jamgʻarmasi	Vasiylik kengashi	Hokim yordamchisi
6.	Yoshlarga tadbirkorlik faoliyatini boshlash va oʻzini oʻzi band qilishga zarur boʻlgan asbob-uskunalar yoki mehnat qurollarini xarid qilishga subsidiya ajratish.	BHMning 40 baravarigacha	Yoshlar daftari jamgʻarmasi	Vasiylik kengashi	Hokim yordamchisi
7.	Yoshlarga professional va oliy taʼlim tashkilotlari oʻquvchi-talabalarining taʼlim toʻlov-kontrakt summasining bir qismini toʻlab berish.	toʻlov-kontrakt summasining 50 foizigacha, biroq BHMning 50 baravari	Yoshlar daftari jamgʻarmasi	Vasiylik kengashi	Mahalladagi yoshlar yetakchisi
8.	Yoshlarga zamonaviy kasblarni egallashi, axborot texnologiyalarini oʻrganishi va ularni xorijiy tillarga oʻqitish boʻyicha oʻquv kurslarida oʻqish xarajatlarini qoplash uchun subsidiya ajratish.	olti oygacha har oyda BHMning 4 baravari	Yoshlar daftari jamgʻarmasi	Vasiylik kengashi	Mahalladagi yoshlar yetakchisi
8.		olti oygacha har oyda BHMning 4 baravari	Yoshlar ishlari agentligining Yoshlarga oid davlat siyosatini qoʻllab-quvvatlash jamgʻarmasi	Vasiylik kengashi	Mahalladagi yoshlar yetakchisi
9.	Ijtimoiy himoyaga muhtoj iqtidorli yoshlarning ilm-fan, sport, sanʼat va madaniyat yoʻnalishlaridagi oʻquv kurslari uchun subsidiya ajratish.	har oyda BHMning bir baravarigacha	Yoshlar daftari jamgʻarmasi	Vasiylik kengashi	Mahalladagi yoshlar yetakchisi
9.		har oyda BHMning bir baravarigacha	Yoshlar ishlari agentligining Yoshlarga oid davlat siyosatini qoʻllab-quvvatlash jamgʻarmasi	Vasiylik kengashi	Mahalladagi yoshlar yetakchisi
10.	Yoshlarning ilm-fan, sport, sanʼat va madaniyat yoʻnalishlaridagi olimpiada, tanlov va musobaqalarda qatnashish xarajatlari uchun subsidiya ajratish.	mahalliy bosqichlar uchun BHMning 4 baravari	Yoshlar daftari jamgʻarmasi	Vasiylik kengashi	Mahalladagi yoshlar yetakchisi
10.		xalqaro bosqichlar uchun BHMning 40 baravari	Yoshlar ishlari agentligining Yoshlarga oid davlat siyosatini qoʻllab-quvvatlash jamgʻarmasi	Vasiylik kengashi	Mahalladagi yoshlar yetakchisi
11.	Yoshlarga taʼlim, madaniyat va sanʼat, sport, axborot texnologiyalar sohasiga va fanlarni oʻqitishga ixtisoslashgan nodavlat taʼlim tashkilotining noturar joy ijara xarajatlarini qoplash.	uch oy muddatgacha BHMning 50 baravari	Yoshlar daftari jamgʻarmasi	Vasiylik kengashi	Mahalladagi yoshlar yetakchisi
11.		uch oy muddatgacha BHMning 50 baravari	Yoshlar ishlari agentligining Yoshlarga oid davlat siyosatini qoʻllab-quvvatlash jamgʻarmasi	Vasiylik kengashi	Mahalladagi yoshlar yetakchisi
12.	Bemor yoshlarga davolanish xarajatlari uchun subsidiya ajratish.	BHMning 50 baravari	Yoshlar daftari jamgʻarmasi	Vasiylik kengashi	Mahalladagi yoshlar yetakchisi
13.	Psixologik maslahatga muhtoj yoshlarga pullik psixologik xizmat koʻrsatilishi bilan bogʻliq xarajatlarni qoplash.	bazaviy hisoblash miqdorining 4 baravari	Yoshlar daftari jamgʻarmasi	Vasiylik kengashi	Mahalladagi yoshlar yetakchisi
14.	Yoshlarning safarbarlik chaqiruvi rezervidagi xizmatni oʻtash badalini toʻliq miqdorda qoplash uchun subsidiya ajratish.	xizmatni oʻtash badalining toʻliq qismi	Yoshlar daftari jamgʻarmasi	Vasiylik kengashi	Mahalladagi yoshlar yetakchisi
15.	Yangi turmush qurayotganida oʻz xonadonida qoʻshimcha uy-joy qurish uchun garovsiz kredit ajratish uchun kafillik berish.	uy-joy qurish uchun 33 mln. soʻmgacha garovsiz kredit ajratishda “Yoshlar daftari” jamgʻarmasining kafilligi	Yoshlar daftari jamgʻarmasi	Vasiylik kengashi	Mahalladagi yoshlar yetakchisi
16.	Ijtimoiy himoyaga muhtoj yosh oilalarga turar joy ijarasi uchun subsidiya ajratish.	12 oygacha har oyda BHMning 3 baravaridan oshmagan miqdorda	Yoshlar daftari jamgʻarmasi	Vasiylik kengashi	Mahalladagi yoshlar yetakchisi
17.	Yoshlarning intellektual salohiyatini yuksaltirish, ularning boʻsh vaqtini mazmunli tashkil etish va huquqiy savodxonligini oshirish, shuningdek, besh muhim tashabbus doirasidagi tadbirlarni moliyalashtirish.	Mahalla darajasida bir kalendar oy uchun bazaviy hisoblash miqdorining 10 baravarigacha	Yoshlar daftari jamgʻarmasi	Vasiylik kengashi	Mahalladagi yoshlar yetakchisi
17.		sektor-tuman-hudud darajasida alohida hisob-kitoblarga muvofiq	Yoshlar daftari jamgʻarmasi	Vasiylik kengashi	Mahalladagi yoshlar yetakchisi

“Yoshlar daftari”ni yuritish orqali yoshlar muammolarini tizimli ravishda hal etish va ularni ijtimoiy qoʻllab-quvvatlash tartibi toʻgʻrisidagi nizomga
2-ILOVA

“Yoshlar daftari”ga kiritilgan va moddiy ahvoli ogʻir yoshlarga bir martalik moddiy yordam koʻrsatish

SXEMASI

Bosqich	Subyektlar	Tadbirlar	Muddatlar
Bosqich	Subyektlar	Tadbirlar	Muddatlar

1-bosqich	Ariza beruvchi*	Bir martalik moddiy yordam ajratishni soʻrab, yashash joyidagi mahalladagi yoshlar yetakchisiga ariza beradi.	“Yoshlar daftari” ga kiritilgandan soʻng
1-bosqich	Ariza beruvchi*		“Yoshlar daftari” ga kiritilgandan soʻng

2-bosqich	Mahalladagi yoshlar yetakchisi	Ariza beruvchining ijtimoiy toifasi va holatini oʻrganib, moddiy yordam ajratish haqidagi tavsiyanomani yoki rad etish toʻgʻrisida xabarnomani tuman (shahar) “Yoshlar daftari” jamgʻarmasi Vasiylik kengashiga yuboradi.	3 ish kuni ichida
2-bosqich	Mahalladagi yoshlar yetakchisi		3 ish kuni ichida

3-bosqich	Vasiylik kengashi	Mahalladagi yoshlar yetakchisining moddiy yordam ajratish haqidagi tavsiyasi asosida Vasiylik kengashi qarorini qabul qiladi va tuman (shahar) hokimligiga yuboradi.	7 ish kuni ichida
3-bosqich	Vasiylik kengashi		7 ish kuni ichida

4-bosqich	Tuman (shahar) hokimligi	Vasiylik kengashi qaroriga muvofiq “Yoshlar daftari” jamgʻarmasi mablagʻlari hisobidan zarur mablagʻlarni “Xalq banki”ning tegishli boʻlimi (filiali)ga oʻtkazadi.	3 ish kuni ichida
4-bosqich	Tuman (shahar) hokimligi		3 ish kuni ichida

5-bosqich	Xalq bankining tegishli boʻlimi (filiali)	Bir martalik moddiy yordam toʻlovlarini ariza beruvchi — jismoniy shaxsning xohishiga koʻra naqd yoki naqd pulsiz shaklda toʻlab beradi.	3 ish kuni ichida
5-bosqich	Xalq bankining tegishli boʻlimi (filiali)		3 ish kuni ichida

* Bir martalik moddiy yordam “Yoshlar daftari”ga kiritilgan quyidagi toifadagi yoshlarga koʻrsatiladi:

1. “Temir daftar”ga kiritilgan oila farzandi.

2. “Ayollar daftari”ga kiritilgan ayollar farzandi.

3. “Ijtimoiy himoya yagona reyestri”ga kiritilgan oila farzandi (shaxs).

4. Oilasi kam taʼminlangan va ijtimoiy himoyaga muhtoj yosh fuqaro.

5. Boquvchisini yoʻqotgan va ota-ona qaramogʻidan mahrum boʻlgan ijtimoiy himoyaga muhtoj yosh fuqaro.

6. Oʻzgalar parvarishiga muhtoj boʻlgan ishga layoqatsiz yosh fuqaro.

7. I va II guruh nogironligi boʻlgan yosh fuqaro.

8. Nogironligi boʻlgan bola parvarishi bilan shugʻullanayotgan yosh oila (er-xotinning biri);

9. Ota-onalardan birida I yoki II guruh nogironligi boʻlgan, ikkinchisi esa faoliyatini toʻxtatgan holda bemorga qarashga majbur boʻlgan yoki ota-onasida I yoki II guruh nogironligi boʻlgan yosh fuqaro.

10. Tabiiy ofatlar, halokatlar, yongʻinlar va boshqa favqulodda vaziyatlar oqibatida hayotiga, sogʻligʻiga, mulkiga zarar yetgan yosh fuqaro.

“Yoshlar daftari”ni yuritish orqali yoshlar muammolarini tizimli ravishda hal etish va ularni ijtimoiy qoʻllab-quvvatlash tartibi toʻgʻrisidagi nizomga
3-ILOVA

“Yoshlar daftari”ga kiritilgan yoshlarning tadbirkorlikka va kasb-hunarga oʻqitish kurslari xarajatlarini qoplash

SXEMASI

Bosqich	Subyektlar	Tadbirlar	Muddatlar
Bosqich	Subyektlar	Tadbirlar	Muddatlar

1-bosqich	Ariza beruvchi*	Tadbirkorlikka va kasb-hunar oʻquv kurslari xarajatlarini qoplash uchun subsidiya ajratish boʻyicha tuman (shahar) “Yoshlar daftari” jamgʻarmasi Vasiylik kengashiga murojaat qilib, oʻzi va taʼlim tashkiloti oʻrtasida tuzilgan shartnoma nusxasini taqdim etadi.	Oʻqishni boshlashdan oldin
1-bosqich	Ariza beruvchi*		Oʻqishni boshlashdan oldin

2-bosqich	Vasiylik kengashi	Murojaatni unga ilova qilingan shartnoma bilan birga ariza beruvchi yashab kelayotgan mahalladagi hokim yordamchisiga koʻrib chiqish uchun yuboradi.	3 ish kuni ichida
2-bosqich	Vasiylik kengashi		3 ish kuni ichida

3-bosqich	Hokim yordamchisi	Ariza beruvchining murojaatini koʻrib chiqish va oʻqish xarajatlarini qoplash boʻyicha tavsiya yoki rad etish haqidagi xabarnomani Vasiylik kengashiga yuboradi. Bunda, subsidiya ajratishni rad etish haqida xabarnoma yuborilganda rad etish sabablari asoslantirilishi talab etiladi.	5 ish kuni ichida
	Hokim yordamchisi		5 ish kuni ichida

	Vasiylik kengashi	Hokim yordamchisi tomonidan belgilangan muddatda ariza beruvchining oʻqish xarajatlarini qoplash boʻyicha tavsiya yoki rad etish haqida xabarnoma berilmasa yoki asossiz rad etilganligi aniqlansa, Vasiylik kengashi ariza beruvchining murojaatini qanoatlantiradi.	5 ish kuni ichida
	Vasiylik kengashi		5 ish kuni ichida

4-bosqich	Vasiylik kengashi	Oʻqish xarajatlarini qoplash haqida qaror qabul qilib, oʻquv kursi uchun belgilangan mablagʻlarni taʼlim tashkilotining hisobvaragʻiga oʻtkazib beradi.	3 ish kuni ichida
4-bosqich	Vasiylik kengashi		3 ish kuni ichida

5-bosqich	Hokim yordamchisi	Ariza beruvchining haqiqatda oʻquv kursida oʻqiyotganligini monitoring qilib boradi.	Har oyda kamida bir marta
5-bosqich	Hokim yordamchisi		Har oyda kamida bir marta

* “Yoshlar daftari”ga kiritilgan quyidagi toifadagi yoshlarga tadbirkorlikka va kasb-hunarga oʻqish kurslari xarajatlari qoplab beriladi:

1. “Temir daftar”ga kiritilgan oila farzandi;

2. “Ayollar daftari”ga kiritilgan ayollar farzandi;

3. “Ijtimoiy himoya yagona reyestri” AT orqali kam taʼminlangan deb eʼtirof etilgan oila farzandi (shaxs);

4. Ishsiz yosh fuqaro.

“Yoshlar daftari”ni yuritish orqali yoshlar muammolarini tizimli ravishda hal etish va ularni ijtimoiy qoʻllab-quvvatlash tartibi toʻgʻrisidagi nizomga
4-ILOVA

“Yoshlar daftari”ga kiritilgan yoshlarning davlat va nodavlat taʼlim tashkilotlarida avtomototransport vositalari haydovchilarini tayyorlash oʻquv kursi xarajatlarini qoplash uchun subsidiya ajratish xarajatlarini qoplash

SXEMASI

Bosqich	Subyektlar	Tadbirlar	Muddatlar
Bosqich	Subyektlar	Tadbirlar	Muddatlar

1-bosqich	Ariza beruvchi*	Davlat va nodavlat taʼlim tashkilotlarida avtomototransport vositalari haydovchilarini tayyorlash boʻyicha oʻquv kurslari xarajatlarini qoplash uchun subsidiya ajratish boʻyicha tuman (shahar) “Yoshlar daftari” jamgʻarmasi Vasiylik kengashiga oʻzi va taʼlim tashkiloti oʻrtasida tuzilgan shartnoma nusxasini taqdim etgan holda murojaat qiladi.	Oʻqishni boshlashdan oldin
1-bosqich	Ariza beruvchi*		Oʻqishni boshlashdan oldin

2-bosqich	Vasiylik kengashi	Murojaatni unga ilova qilingan shartnoma bilan birga ariza beruvchi yashab kelayotgan mahalladagi yoshlar yetakchisiga koʻrib chiqish uchun yuboradi.	3 ish kuni ichida
2-bosqich	Vasiylik kengashi		3 ish kuni ichida

3-bosqich	Mahalladagi yoshlar yetakchisi	Ariza beruvchining oʻqish xarajatlarini qoplash boʻyicha tavsiya yoki rad etish haqidagi xabarnomani Vasiylik kengashiga yuboradi. Bunda subsidiya ajratishni rad etish haqida xabarnoma yuborilganda, rad etish sabablari asoslantirilishi talab etiladi.	5 ish kuni ichida
	Mahalladagi yoshlar yetakchisi		5 ish kuni ichida

	Vasiylik kengashi	Mahalladagi yoshlar yetakchisi tomonidan belgilangan muddatda ariza beruvchining oʻqish xarajatlarini qoplash boʻyicha tavsiya yoki rad etish haqida xabarnoma berilmasa yoki asossiz rad etilganligi aniqlansa, Vasiylik kengashi ariza beruvchining murojaatini qanoatlantiradi.	5 ish kuni ichida
	Vasiylik kengashi		5 ish kuni ichida

4-bosqich	Vasiylik kengashi	Oʻqish xarajatlarini qoplash haqida qaror qabul qilib, oʻquv kursi uchun belgilangan mablagʻlarni taʼlim tashkilotining hisobvaragʻiga oʻtkazib beradi.	3 ish kuni ichida
4-bosqich	Vasiylik kengashi		3 ish kuni ichida

5-bosqich	Mahalladagi yoshlar yetakchisi	Ariza beruvchining haqiqatda oʻquv kursida oʻqiyotganligini monitoring qilib boradi.	Har oyda kamida bir marta
5-bosqich	Mahalladagi yoshlar yetakchisi		Har oyda kamida bir marta

* “Yoshlar daftari”ga kiritilgan quyidagi toifadagi yoshlarga Davlat va nodavlat taʼlim tashkilotlarida avtomototransport vositalari haydovchilarini tayyorlash oʻquv kursi xarajatlari qoplab beriladi:

1. “Temir daftar”ga kiritilgan oila farzandi.

2. “Ayollar daftari”ga kiritilgan ayollar farzandi.

3. “Ijtimoiy himoya yagona reyestri” AT orqali kam taʼminlangan deb eʼtirof etilgan oila farzandi (shaxs).

4. “Mehribonlik” uylari, Bolalar shaharchalari va oilaviy bolalar uylarida tarbiyalangan yosh fuqaro.

5. Oilasi kam taʼminlangan ishsiz yosh fuqaro.

“Yoshlar daftari”ni yuritish orqali yoshlar muammolarini tizimli ravishda hal etish va ularni ijtimoiy qoʻllab-quvvatlash tartibi toʻgʻrisidagi nizomga
5-ILOVA

“Yoshlar daftari”ga kiritilgan, dehqonchilik va tomorqa xoʻjaligini yuritish bilan shugʻullanayotgan yoshlarga urugʻlik va koʻchatlar xarid qilish uchun subsidiya ajratish

SXEMASI

Bosqich	Subyektlar	Tadbirlar	Muddatlar
Bosqich	Subyektlar	Tadbirlar	Muddatlar

1-bosqich	Ariza beruvchi*	Urugʻlik va koʻchatlar xarid qilish uchun subsidiya ajratish boʻyicha tuman (shahar) “Yoshlar daftari” jamgʻarmasi Vasiylik kengashiga oʻz egaligida yoki foydalanishida boʻlgan yerga nisbatan huquqni tasdiqlovchi hujjat va yetkazib beruvchi tashkilot oʻrtasida tuzilgan shartnoma nusxasini taqdim etib murojaat qiladi.	1 ish kuni ichida
1-bosqich	Ariza beruvchi*		1 ish kuni ichida

2-bosqich	Vasiylik kengashi	Murojaatni unga ilova qilingan shartnoma bilan birga ariza beruvchi yashab kelayotgan mahalladagi hokim yordamchisiga koʻrib chiqish uchun yuboradi.	3 ish kuni ichida
2-bosqich	Vasiylik kengashi		3 ish kuni ichida

3-bosqich	Hokim yordamchisi	Ariza beruvchining urugʻlik va koʻchatlar ekish uchun mavjud sharoiti oʻrganilib, tavsiya yoki rad etish haqidagi xabarnomani Vasiylik kengashiga yuboradi. Bunda subsidiya ajratishni rad etish haqida xabarnoma yuborilganda, rad etish sabablari asoslantirilishi talab etiladi.	5 ish kuni ichida
	Hokim yordamchisi		5 ish kuni ichida

	Vasiylik kengashi	Hokim yordamchisi tomonidan belgilangan muddatda ariza beruvchining urugʻlik va koʻchatlar xarid qilish boʻyicha murojaatiga tavsiya yoki rad etish haqida xabarnoma berilmasa yoki asossiz rad etilganligi aniqlansa, Vasiylik kengashi ariza beruvchining murojaatini qanoatlantiradi.	5 ish kuni ichida
	Vasiylik kengashi		5 ish kuni ichida

4-bosqich	Vasiylik kengashi	Urugʻlik va koʻchatlar xarid qilish uchun subsidiya ajratish haqida qaror qabul qiladi va subsidiya uchun belgilangan mablagʻlarni yetkazib beruvchi tashkilotning hisobvaragʻiga oʻtkazadi.	3 ish kuni ichida
4-bosqich	Vasiylik kengashi		3 ish kuni ichida

* “Yoshlar daftari”ga kiritilgan quyidagi toifadagi yoshlarga urugʻlik va koʻchatlar xarid qilish uchun subsidiya ajratiladi:

1. “Temir daftar”ga kiritilgan oila farzandi.

2. “Ayollar daftari”ga kiritilgan ayollar farzandi.

3. “Ijtimoiy himoya yagona reyestri” AT orqali kam taʼminlangan deb eʼtirof etilgan oila farzandi.

4. Ishsiz yosh fuqaro

5. Dehqon xoʻjaligi faoliyati bilan shugʻullanayotgan yosh fuqaro.

“Yoshlar daftari”ni yuritish orqali yoshlar muammolarini tizimli ravishda hal etish va ularni ijtimoiy qoʻllab-quvvatlash tartibi toʻgʻrisidagi nizomga
6-ILOVA

“Yoshlar daftari”ga kiritilgan yoshlarga tadbirkorlik faoliyati va oʻzini oʻzi band qilish uchun noturar joyning ijara xarajatlarini qoplash

SXEMASI

Bosqich	Subyektlar	Tadbirlar	Muddatlar
Bosqich	Subyektlar	Tadbirlar	Muddatlar

1-bosqich	Ariza beruvchi*	Tadbirkorlik faoliyatini amalga oshirish yoki oʻzini oʻzi band qilish uchun noturar joyning ijara xarajatlarining bir qismini qoplash boʻyicha tuman (shahar) “Yoshlar daftari” jamgʻarmasi Vasiylik kengashiga oʻzi va ijaraga beruvchi tashkilot oʻrtasida tuzilgan shartnoma nusxasini taqdim etib, murojaat qiladi.	1 ish kuni ichida
1-bosqich	Ariza beruvchi*		1 ish kuni ichida

2-bosqich	Vasiylik kengashi	Murojaatni unga ilova qilingan shartnoma bilan birga ariza beruvchi yashab kelayotgan mahalladagi hokim yordamchisiga koʻrib chiqish uchun yuboradi.	3 ish kuni ichida
2-bosqich	Vasiylik kengashi		3 ish kuni ichida

3-bosqich	Hokim yordamchisi	Ariza beruvchining ijara xarajatlarini qoplash boʻyicha tavsiya yoki rad etish haqidagi xabarnomani Vasiylik kengashiga yuboradi. Bunda, subsidiya ajratishni rad etish haqida xabarnoma yuborilganda, rad etish sabablari asoslantirilishi talab etiladi.	5 ish kuni ichida
	Hokim yordamchisi		5 ish kuni ichida

	Vasiylik kengashi	Hokim yordamchisi tomonidan belgilangan muddatda ariza beruvchining ijara xarajatlarini qoplash boʻyicha murojaatiga tavsiya yoki rad etish haqida xabarnoma berilmasa yoki asossiz rad etilganligi aniqlansa, Vasiylik kengashi ariza beruvchining murojaatini qanoatlantiradi.	5 ish kuni ichida
	Vasiylik kengashi		5 ish kuni ichida

4-bosqich	Vasiylik kengashi	Bino va inshootning ijara haqi uchun toʻlovni ajratish haqida qaror qabul qiladi va ijara haqi uchun toʻlovni ijaraga beruvchining hisobvaragʻiga oʻtkazadi.	3 ish kuni ichida
4-bosqich	Vasiylik kengashi		3 ish kuni ichida

5-bosqich	Hokim yordamchisi	Ariza beruvchining ijaraga olingan bino-inshootdan haqiqatda samarali foydalanilyotganligini monitoring qilib boradi.	Har oyda kamida bir marta
5-bosqich	Hokim yordamchisi		Har oyda kamida bir marta

* “Yoshlar daftari”ga kiritilgan quyidagi toifadagi yoshlarga noturar joyning ijara xarajatlari qoplab beriladi:

1. “Temir daftar”ga kiritilgan oila farzandi.

2. “Ayollar daftari”ga kiritilgan ayollar farzandi.

3. “Ijtimoiy himoya yagona reyestri” AT orqali kam taʼminlangan deb eʼtirof etilgan oila farzandi.

4. Yosh tadbirkor yoki oʻzini oʻzi band qilgan shaxs sifatida soliq xizmati organlarida roʻyxatdan oʻtgan yosh fuqaro.

“Yoshlar daftari”ni yuritish orqali yoshlar muammolarini tizimli ravishda hal etish va ularni ijtimoiy qoʻllab-quvvatlash tartibi toʻgʻrisidagi nizomga
7-ILOVA

“Yoshlar daftari”ga kiritilgan yoshlarga tadbirkorlik faoliyatini boshlash va oʻzini oʻzi band qilish uchun zarur boʻlgan asbob-uskunalar yoki mehnat qurollarini xarid qilishga subsidiya ajratish

SXEMASI

Bosqich	Subyektlar	Tadbirlar	Muddatlar
Bosqich	Subyektlar	Tadbirlar	Muddatlar

1-bosqich	Ariza beruvchi*	Asbob-uskuna yoki mehnat quroli xarid qilish uchun subsidiya ajratish boʻyicha tuman (shahar) “Yoshlar daftari” jamgʻarmasi Vasiylik kengashiga asbob-uskuna yoki mehnat qurollarining turi, miqdori, tovarning markasi, taxminiy xarid narxini taqdim etgan holda ariza beradi.	“Yoshlar daftari”ga kiritilgandan soʻng
1-bosqich	Ariza beruvchi*		“Yoshlar daftari”ga kiritilgandan soʻng

2-bosqich	Vasiylik kengashi	Arizani unga ilova qilingan hujjatlar bilan birga ariza beruvchi yashab kelayotgan mahalladagi hokim yordamchisiga koʻrib chiqish uchun yuboradi.	3 ish kuni ichida
2-bosqich	Vasiylik kengashi		3 ish kuni ichida

3-bosqich	Hokim yordamchisi	Ariza beruvchining subsidiya ajratish boʻyicha murojaatiga tavsiya yoki rad etish haqidagi xabarnomani Vasiylik kengashiga yuboradi. Bunda subsidiya ajratishni rad etish haqida xabarnoma yuborilganda, rad etish sabablari asoslantirilishi talab etiladi.	5 ish kuni chida
	Hokim yordamchisi		5 ish kuni chida

	Vasiylik kengashi	Hokim yordamchisi tomonidan belgilangan muddatda ariza beruvchining subsidiya ajratish boʻyicha murojaatiga tavsiya yoki rad etish haqida xabarnoma berilmasa yoki asossiz rad etilganligi aniqlansa, Vasiylik kengashi ariza beruvchining murojaatini qanoatlantiradi.	5 ish kuni ichida
	Vasiylik kengashi		5 ish kuni ichida

4-bosqich	Vasiylik kengashi	Asbob-uskuna yoki mehnat qurollarini yetkazib beruvchi tashkilot davlat xaridlarining elektron tizimi orqali yutib chiqqach, subsidiya ajratadi.	5 ish kuni ichida
			5 ish kuni ichida

		Asbob-uskuna yoki mehnat quroli yetkazib beruvchi tashkilot tomonidan taqdim etilgandan soʻng Vasiylik kengashining ishchi organi va ariza beruvchi oʻrtasida dalolatnoma tuzilib, arizachiga topshiradi.	3 ish kuni ichida
			3 ish kuni ichida

5-bosqich	Hokim yordamchisi	Ariza beruvchining asbob-uskuna yoki mehnat qurollaridan samarali foydalanayotganini monitoring qilib boradi.	Har oyda kamida bir marta
5-bosqich	Hokim yordamchisi		Har oyda kamida bir marta

* “Yoshlar daftari”ga kiritilgan quyidagi toifadagi yoshlarga asbob-uskunalar yoki mehnat qurollarini xarid qilish uchun subsidiya ajratiladi:

1. “Temir daftar”ga kiritilgan oila farzandi.

2. “Ayollar daftari”ga kiritilgan ayollar farzandi.

3. “Ijtimoiy himoya yagona reyestri” AT orqali kam taʼminlangan deb eʼtirof etilgan oila farzandi.

4. Oilasi kam taʼminlangan ishsiz yosh fuqaro.

“Yoshlar daftari”ni yuritish orqali yoshlar muammolarini tizimli ravishda hal etish va ularni ijtimoiy qoʻllab-quvvatlash tartibi toʻgʻrisidagi nizomga
8-ILOVA

“Yoshlar daftari”ga kiritilgan yoshlarga professional va oliy taʼlim muassasalari oʻquvchi va talabalarining taʼlim toʻlov-kontrakt summasining bir qismini toʻlab berish

SXEMASI

Bosqich	Subyektlar	Tadbirlar	Muddatlar
Bosqich	Subyektlar	Tadbirlar	Muddatlar

1-bosqich	Ariza beruvchi*	Toʻlov-kontrakt xarajatlarining bir qismini toʻlab berishni soʻrab tuman (shahar) “Yoshlar daftari” jamgʻarmasi Vasiylik kengashiga toʻlov-kontrakt asosida oʻqish haqida belgilangan tartibda rasmiylashtirilgan shartnoma (kontrakt) nusxasini taqdim etgan holda ariza beradi.	“Yoshlar daftari”ga kiritilgandan soʻng
1-bosqich	Ariza beruvchi*		“Yoshlar daftari”ga kiritilgandan soʻng

2-bosqich	Vasiylik kengashi	Murojaatni unga ilova qilingan shartnoma bilan birga ariza beruvchi yashab kelayotgan mahalladagi yoshlar yetakchisiga koʻrib chiqish uchun yuboradi.	3 ish kuni ichida
2-bosqich	Vasiylik kengashi		3 ish kuni ichida

3-bosqich	Mahalladagi yoshlar yetakchisi	Ariza beruvchining toʻlov-kontrakt xarajatlarini qoplash boʻyicha tavsiya yoki rad etish haqidagi xabarnomani Vasiylik kengashiga yuboradi. Bunda toʻlov-kontrakt xarajatlarini qoplashni rad etish haqida xabarnoma yuborilganda, rad etish sabablari asoslantirilishi talab etiladi.	5 ish kuni ichida
	Mahalladagi yoshlar yetakchisi		5 ish kuni ichida

	Vasiylik kengashi	Mahalladagi yoshlar yetakchisi tomonidan belgilangan muddatda ariza beruvchining toʻlov-kontrakt xarajatlarini qoplash boʻyicha tavsiya yoki rad etish haqida xabarnoma berilmasa yoki asossiz rad etilganligi aniqlansa, Vasiylik kengashi ariza beruvchining murojaatini qanoatlantiradi.	5 ish kuni ichida
	Vasiylik kengashi		5 ish kuni ichida

4-bosqich	Vasiylik kengashi	Toʻlov-kontrakt xarajatlari professional taʼlim tashkiloti yoki oliy taʼlim tashkilotining hisobraqamiga oʻtkazadi.	3 ish kuni ichida
4-bosqich	Vasiylik kengashi		3 ish kuni ichida

* “Yoshlar daftari”ga kiritilgan quyidagi toifadagi yoshlarga toʻlov-kontrakt summasining bir qismi qoplab beriladi:

1. Temir daftar”ga kiritilgan oilaning professional yoki OTMda taʼlim olayotgan farzandi.

2. “Ayollar daftari”ga kiritilgan ayollarning professional yoki OTMda taʼlim olayotgan farzandi.

3. “Ijtimoiy himoya yagona reyestri”ATga kiritilgan oilaning professional yoki OTMda taʼlim olayotgan farzandi.

4. Mehribonlik” uyi yoki Bolalar shaharchasida tarbiyalangan oʻquvchi-talaba.

5. Ota-ona qaramogʻidan mahrum boʻlgan, vasiylikka olingan kam taʼminlangan oʻquvchi-talaba.

6. Oila boquvchilarining kamida bittasi birinchi guruh yoki har ikkalasi ikkinchi guruh nogironligi boʻlgan kam taʼminlangan oilaning professional yoki OTMda taʼlim olayotgan farzandi.

7. Nogironligi yoki salomatligida nuqsoni boʻlgan oʻquvchi-talaba;

8. Oilasi kam taʼminlangan talaba.

“Yoshlar daftari”ni yuritish orqali yoshlar muammolarini tizimli ravishda hal etish va ularni ijtimoiy qoʻllab-quvvatlash tartibi toʻgʻrisidagi nizomga
9-ILOVA

“Yoshlar daftari”ga kiritilgan yoshlarning zamonaviy kasblarni egallash, axborot texnologiyalarini oʻrganish va xorijiy tillarga oʻqitish boʻyicha oʻquv kurslarida oʻqish xarajatlarini qoplash uchun subsidiya ajratish

SXEMASI

Bosqich	Subyektlar	Tadbirlar	Muddatlar
Bosqich	Subyektlar	Tadbirlar	Muddatlar

1-bosqich	Ariza beruvchi*	Zamonaviy kasblarni egallash, axborot texnologiyalarini oʻrganish va xorijiy tillarga oʻqish xarajatlarini qoplash uchun subsidiya ajratishni soʻrab tuman (shahar) “Yoshlar daftari” jamgʻarmasi Vasiylik kengashiga nodavlat taʼlim tashkiloti bilan tuzilgan shartnoma nusxasini taqdim etgan holda ariza beradi.	1 ish kuni ichida
1-bosqich	Ariza beruvchi*		1 ish kuni ichida

2-bosqich	Vasiylik kengashi	Murojaatni unga ilova qilingan shartnoma bilan birga ariza beruvchi yashab kelayotgan mahalladagi yoshlar yetakchisiga koʻrib chiqish uchun yuboradi.	3 ish kuni ichida
2-bosqich	Vasiylik kengashi		3 ish kuni ichida

3-bosqich	Mahalladagi yoshlar yetakchisi	Ariza beruvchining oʻqish xarajatlarini qoplash boʻyicha tavsiya yoki rad etish haqidagi xabarnomani Vasiylik kengashiga yuboradi. Bunda subsidiya ajratishni rad etish haqida xabarnoma yuborilganda, rad etish sabablari asoslantirilishi talab etiladi.	5 ish kuni ichida
	Mahalladagi yoshlar yetakchisi		5 ish kuni ichida

	Vasiylik kengashi	Mahalladagi yoshlar yetakchisi tomonidan belgilangan muddatda ariza beruvchining oʻqish xarajatlarini qoplash boʻyicha tavsiya yoki rad etish haqida xabarnoma berilmasa yoki asossiz rad etilganligi aniqlansa, Vasiylik kengashi ariza beruvchining murojaatini qanoatlantiradi.	5 ish kuni ichida
	Vasiylik kengashi		5 ish kuni ichida

4-bosqich	Vasiylik kengashi	Oʻqish xarajatlarini qoplash va oʻquv kursi uchun belgilangan mablagʻlarni taʼlim tashkilotining hisobraqamiga oʻtkazib beradi.	3 ish kuni ichida
4-bosqich	Vasiylik kengashi		3 ish kuni ichida

5-bosqich	Mahalladagi yoshlar yetakchisi	Ariza beruvchining oʻquv kursida oʻqiyotganligini monitoring qilib boradi.	Har oyda kamida bir marta
5-bosqich	Mahalladagi yoshlar yetakchisi		Har oyda kamida bir marta

* Yoshlar daftari”ga kiritilgan quyidagi toifadagi yoshlarga zamonaviy kasbni egallash, axborot texnologiyalarini oʻrganish va xorijiy tillarga oʻqitish boʻyicha oʻquv kurslarida oʻqish xarajatlarini qoplash uchun subsidiya ajratiladi:

1. Oila aʼzosi “Temir daftar”ga, “Ayollar daftari”ga yoki “Ijtimoiy himoya yagona reyestri”ATga kiritilgan yosh fuqaro.

2. Ijtimoiy himoyaga muhtoj boʻlgan yosh fuqaro.

3. Boquvchisini yoʻqotgan, yetim yoki ota-ona qaramogʻidan mahrum boʻlgan yosh fuqaro.

4. I yoki II guruh nogironligi boʻlgan yosh fuqaro.

5. “Mehribonlik” uyi, Bolalar shaharchasi yoki oilaviy bolalar uyida tarbiyalangan yosh fuqaro.

6. Ishsiz yosh fuqaro.

7. Jazoni ijro etish muassasalaridan qaytgan yosh fuqaro.

“Yoshlar daftari”ni yuritish orqali yoshlar muammolarini tizimli ravishda hal etish va ularni ijtimoiy qoʻllab-quvvatlash tartibi toʻgʻrisidagi nizomga
10-ILOVA

“Yoshlar daftari”ga kiritilgan va ijtimoiy himoyaga muhtoj iqtidorli yoshlarning ilm-fan, sport, sanʼat va madaniyat yoʻnalishlaridagi oʻquv kurslari uchun subsidiya ajratish

SXEMASI

Bosqich	Subyektlar	Tadbirlar	Muddatlar
Bosqich	Subyektlar	Tadbirlar	Muddatlar

1-bosqich	Ariza beruvchi*	Ilm-fan, sport, sanʼat va madaniyat yoʻnalishlaridagioʻquv kursida oʻqish uchun subsidiya ajratishni soʻrab, tuman (shahar) “Yoshlar daftari” jamgʻarmasi Vasiylik kengashiga nodavlat taʼlim tashkiloti oʻrtasida tuzilgan shartnoma nusxasini taqdim etgan holda, ariza beradi.	1 ish kuni ichida
1-bosqich	Ariza beruvchi*		1 ish kuni ichida

2-bosqich	Vasiylik kengashi	Murojaatni unga ilova qilingan shartnoma bilan birga ariza beruvchi yashab kelayotgan mahalladagi yoshlar yetakchisiga koʻrib chiqish uchun yuboradi.	3 ish kuni ichida
2-bosqich	Vasiylik kengashi		3 ish kuni ichida

3-bosqich	Mahalladagi yoshlar yetakchisi	Ariza beruvchining oʻqish xarajatlarini qoplash boʻyicha tavsiya yoki rad etish haqidagi xabarnomani Vasiylik kengashiga yuboradi. Bunda subsidiya ajratishni rad etish haqida xabarnoma yuborilganda, rad etish sabablari asoslantirilishi talab etiladi.	5 ish kuni ichida
	Mahalladagi yoshlar yetakchisi		5 ish kuni ichida

	Vasiylik kengashi	Mahalladagi yoshlar yetakchisi tomonidan belgilangan muddatda ariza beruvchining oʻqish xarajatlarini qoplash boʻyicha tavsiya yoki rad etish haqida xabarnoma berilmasa yoki asossiz rad etilganligi aniqlansa, Vasiylik kengashi ariza beruvchining murojaatini qanoatlantiradi.	5 ish kuni ichida
	Vasiylik kengashi		5 ish kuni ichida

4-bosqich	Vasiylik kengashi	Oʻqish xarajatlarini qoplash va oʻquv kursi uchun belgilangan mablagʻlarni taʼlim tashkilotining hisobraqamiga oʻtkazib beradi.	3 ish kuni ichida
4-bosqich	Vasiylik kengashi		3 ish kuni ichida

5-bosqich	Mahalladagi yoshlar yetakchisi	Ariza beruvchining oʻquv kursida oʻqiyotganligini monitoring qilib boradi.	Har oyda kamida bir marta
5-bosqich	Mahalladagi yoshlar yetakchisi		Har oyda kamida bir marta

* “Yoshlar daftari”ga kiritilgan quyidagi toifadagi yoshlarga ilm-fan, sport, sanʼat va madaniyat yoʻnalishlaridagi oʻquv kurslari uchun subsidiya ajratiladi:

1. Oila aʼzosi “Temir daftar”, “Ayollar daftari” yoki “Ijtimoiy himoya yagona reyestri”ATga kiritilgan yosh fuqaro.

2. Ijtimoiy himoyaga muhtoj boʻlgan yosh fuqaro.

3. Boquvchisini yoʻqotgan, yetim yoki ota-ona qaramogʻidan mahrum boʻlgan yosh fuqaro.

4. I yoki II guruh nogironligi boʻlgan yosh fuqaro.

5. “Mehribonlik” uyi, Bolalar shaharchasi yoki oilaviy bolalar uyida tarbiyalangan yosh fuqaro.

6. Ishsiz yosh fuqaro.

7. Jazoni ijro etish muassasalaridan qaytgan yosh fuqaro.

“Yoshlar daftari”ni yuritish orqali yoshlar muammolarini tizimli ravishda hal etish va ularni ijtimoiy qoʻllab-quvvatlash tartibi toʻgʻrisidagi nizomga
11-ILOVA

“Yoshlar daftari”ga kiritilgan yoshlarning ilm-fan, sport, sanʼat va madaniyat yoʻnalishlaridagi olimpiada, tanlov va musobaqalarda qatnashish xarajatlari uchun subsidiya ajratish

SXEMASI

Bosqich	Subyektlar	Tadbirlar	Muddatlar
Bosqich	Subyektlar	Tadbirlar	Muddatlar

1-bosqich	Ariza beruvchi*	Ilm-fan, sport, sanʼat va madaniyat yoʻnalishlaridagi olimpiada, tanlov va musobaqalarda qatnashish xarajatlarini qoplash uchun subsidiya ajratishni soʻrab, tuman (shahar) “Yoshlar daftari” jamgʻarmasi Vasiylik kengashiga tanlov va musobaqalarda ishtirok etish huquqini tasdiqlovchi hujjatlar va sportni rivojlantirish boʻlimi, madaniyat boʻlimi, xalq taʼlimi boʻlimi yoki tegishli sport federatsiyalarining Vasiylik kengashi nomiga yuborilgan rasmiy xatini taqdim etgan holda ariza beradi.	1 ish kuni ichida
1-bosqich	Ariza beruvchi*		1 ish kuni ichida

2-bosqich	Vasiylik kengashi	Arizani oʻrganish natijalari asosida olimpiada, tanlov va musobaqalarning mahalliy va xalqaro bosqichlarida qatnashish bilan bogʻliq xarajatlar uchun subsidiya ajratish boʻyicha qaror qabul qiladi.	3 ish kuni ichida
2-bosqich	Vasiylik kengashi		3 ish kuni ichida

3-bosqich	Tuman (shahar) hokimlari	Vasiylik kengashi qaroriga muvofiq ariza beruvchining olimpiada, tanlov va musobaqalarning mahalliy va xalqaro bosqichlariga borish-kelish bilan bogʻliq xarajatlari uchun mablagʻlarni transport, temir yoʻl va aviachiptani sotgan tashkilotlarning hisob raqamiga, yashash bilan bogʻliq xarajatlari uchun mablagʻlarni ariza beruvchining bank plastik kartasiga oʻtkazib beradi.	3 ish kuni ichida
3-bosqich	Tuman (shahar) hokimlari		3 ish kuni ichida

* “Yoshlar daftari”ga kiritilgan quyidagi toifadagi yoshlarga ilm-fan, sport, sanʼat va madaniyat yoʻnalishlaridagi olimpiada, tanlov va musobaqalarda qatnashish xarajatlari qoplab beriladi:

1. Oila aʼzosi “Temir daftar”, “Ayollar daftari” yoki “Ijtimoiy himoya yagona reyestri”ATga kiritilgan yosh fuqaro.

2. Ijtimoiy himoyaga muhtoj boʻlgan yosh fuqaro.

3. Boquvchisini yoʻqotgan, yetim yoki ota-ona qaramogʻidan mahrum boʻlgan yosh fuqaro.

4. I yoki II guruh nogironligi boʻlgan yosh fuqaro.

5. “Mehribonlik” uyi, Bolalar shaharchasi yoki oilaviy bolalar uyida tarbiyalangan yosh fuqaro.

6. Ishsiz yosh fuqaro.

7. Jazoni ijro etish muassasalaridan qaytgan yosh fuqaro.

“Yoshlar daftari”ni yuritish orqali yoshlar muammolarini tizimli ravishda hal etish va ularni ijtimoiy qoʻllab-quvvatlash tartibi toʻgʻrisidagi nizomga
12-ILOVA

“Yoshlar daftari”ga kiritilgan yoshlarni taʼlim, madaniyat, sanʼat, sport, axborot texnologiyalari sohasiga va fanlarni oʻqitishga ixtisoslashgan nodavlat taʼlim tashkilotining noturar joy ijara xarajatlarini qoplash

SXEMASI

Bosqich	Subyektlar	Tadbirlar	Muddatlar
Bosqich	Subyektlar	Tadbirlar	Muddatlar

1-bosqich	Ariza beruvchi*	Taʼlim, madaniyat, sanʼat, sport, axborot texnologiyalari sohasiga va fanlarni oʻqitishga ixtisoslashgan nodavlat taʼlim tashkilotining noturar joy ijara xarajatlarini qoplash uchun tuman (shahar) “Yoshlar daftari” jamgʻarmasi Vasiylik kengashiga ariza beradi.	Oʻqishni boshlaganda
1-bosqich	Ariza beruvchi*		Oʻqishni boshlaganda

2-bosqich	Vasiylik kengashi	Murojaatni unga ilova qilingan shartnoma bilan birga ariza beruvchi yashab kelayotgan mahalladagi yoshlar yetakchisiga koʻrib chiqish uchun yuboradi.	3 ish kuni ichida
2-bosqich	Vasiylik kengashi		3 ish kuni ichida

3-bosqich	Mahalladagi yoshlar yetakchisi	Ariza beruvchining ijara xarajatlarini qoplash boʻyicha tavsiya yoki rad etish haqidagi xabarnomani Vasiylik kengashiga yuboradi. Bunda subsidiya ajratishni rad etish haqida xabarnoma yuborilganda, rad etish sabablari asoslantirilishi talab etiladi	5 ish kuni ichida
	Mahalladagi yoshlar yetakchisi		5 ish kuni ichida

	Vasiylik kengashi	Mahalladagi yoshlar yetakchisi tomonidan belgilangan muddatda ariza beruvchining oʻqish xarajatlarini qoplash boʻyicha tavsiya yoki rad etish haqida xabarnoma berilmasa yoki asossiz rad etilganligi aniqlansa, Vasiylik kengashi ariza beruvchining murojaatini qanoatlantiradi.	5 ish kuni ichida
	Vasiylik kengashi		5 ish kuni ichida

4-bosqich	Vasiylik kengashi	Bino va inshootlar ijara xarajatlarini qoplash uchun belgilangan mablagʻlarni ijaraga beruvchining hisob raqamiga oʻtkazadi.	3 ish kuni ichida
4-bosqich	Vasiylik kengashi		3 ish kuni ichida

5-bosqich	Mahalladagi yoshlar yetakchisi	Ariza beruvchining haqiqatda bino-inshootdan foydalanilayotganini monitoring qilib boradi.	Har oyda kamida bir marta
5-bosqich	Mahalladagi yoshlar yetakchisi		Har oyda kamida bir marta

* Taʼlim, madaniyat, sanʼat, sport, axborot texnologiyalari sohasiga va fanlarni oʻqitishga ixtisoslashgan nodavlat taʼlim tashkiloti nomidan ish yuritish vakolatiga ega boʻlgan shaxs.

“Yoshlar daftari”ni yuritish orqali yoshlar muammolarini tizimli ravishda hal etish va ularni ijtimoiy qoʻllab-quvvatlash tartibi toʻgʻrisidagi nizomga
13-ILOVA

“Yoshlar daftari”ga kiritilgan bemor yoshlarga davolanish xarajatlari uchun subsidiya ajratish

SXEMASI

Bosqich	Subyektlar	Tadbirlar	Muddatlar
Bosqich	Subyektlar	Tadbirlar	Muddatlar

1-bosqich	Ariza beruvchi*	Mamlakatda yoki xorijiy davlatlarda davolanish xarajatlarini qoplash maqsadida mahalladagi yoshlar yetakchisiga ariza beradi.	1 ish kuni ichida
1-bosqich	Ariza beruvchi*		1 ish kuni ichida

2-bosqich	Mahalladagi yoshlar yetakchisi	Ariza beruvchining sharoitini oʻrganadi va tibbiy holatini tekshirish uchun hududiy birlamchi tibbiy-sanitariya muassasasidan shifokor jalb qiladi.	3 ish kuni ichida
2-bosqich	Mahalladagi yoshlar yetakchisi		3 ish kuni ichida

3-bosqich	Birlamchi tibbiy-sanitariya muassasasi	Ariza beruvchining sogʻligʻi bilan bogʻliq holatni baholaydi va belgilangan tartibda davolash uchun tegishli birlamchi, viloyat, respublika yoki xalqaro darajadagi tibbiyot muassasasiga yoʻllanma beradi.	5 ish kuni ichida
3-bosqich	Birlamchi tibbiy-sanitariya muassasasi		5 ish kuni ichida

4-bosqich	Mahalladagi yoshlar yetakchisi	Tibbiy-sanitariya muassasasi xulosalari asosida tavsiya yoki rad etish haqidagi xabarnomani tuman (shahar) “Yoshlar daftari” jamgʻarmasi Vasiylik kengashiga yuboradi. Bunda subsidiya ajratishni rad etish haqida xabarnoma yuborilganda, rad etish sabablari asoslantirilishi talab etiladi.	3 ish kuni ichida
	Mahalladagi yoshlar yetakchisi		3 ish kuni ichida

	Vasiylik kengashi	Yoshlar yetakchisi uch ish kuni ichida ariza beruvchining sogʻligʻini baholash uchun shifokor jalb qilmasdan yoki subsidiya ajratishni asossiz rad etish haqida xabarnoma bersa, ariza beruvchining murojaatini qanoatlantiradi.	3 ish kuni ichida
	Vasiylik kengashi		3 ish kuni ichida

5-bosqich	Vasiylik kengashi	Davolanish xarajatlari uchun mablagʻlarni ariza beruvchining bank plastik kartasiga oʻtkazib beradi. Xorijda davolanish zarurati paydo boʻlganda, borish-kelish xarajatlari uchun mablagʻlarni transport, temir yoʻl va aviachipta uchun mablagʻlarni tashkilotlarning hisob raqamiga, yashash xarajatlari ariza beruvchining bank plastik kartasiga oʻtkazib beradi.	3 ish kuni ichida
5-bosqich	Vasiylik kengashi		3 ish kuni ichida

* “Yoshlar daftari”ga kiritilgan quyidagi toifadagi bemor yoshlarga davolanish xarajatlari qoplab beriladi:

1. “Temir daftar”ga kiritilgan oila farzandi.

2. “Ayollar daftari”ga kiritilgan ayollar farzandi.

3. “Ijtimoiy himoya yagona reyestri”ATga kiritilgan oila farzandi.

4. Salomatligida nuqsoni mavjud va oilasi kam taʼminlangan yosh fuqaro.

“Yoshlar daftari”ni yuritish orqali yoshlar muammolarini tizimli ravishda hal etish va ularni ijtimoiy qoʻllab-quvvatlash tartibi toʻgʻrisidagi nizomga
14-ILOVA

“Yoshlar daftari”ga kiritilgan psixologik maslahatga muhtoj yoshlarga pullik psixologik xizmat koʻrsatilishi bilan bogʻliq xarajatlarni qoplash

SXEMASI

Bosqich	Subyektlar	Tadbirlar	Muddatlar
Bosqich	Subyektlar	Tadbirlar	Muddatlar

1-bosqich	Ariza beruvchi*	Pulli psixologik xizmat koʻrsatish bilan bogʻliq xarajatlarni qoplash maqsadida mahalladagi yoshlar yetakchisiga ariza beradi.	1 ish kuni ichida
1-bosqich	Ariza beruvchi*		1 ish kuni ichida

2-bosqich	Mahalladagi yoshlar yetakchisi	Ariza beruvchining sharoitini oʻrganadi va pulli psixologik xizmat koʻrsatish bilan bogʻliq xarajatlarni qoplash uchun tuman (shahar) “Yoshlar daftari” jamgʻarmasi Vasiylik kengashiga tavsiyanoma beradi.	3 ish kuni ichida
2-bosqich	Mahalladagi yoshlar yetakchisi		3 ish kuni ichida

3-bosqich	Vasiylik kengashi	Yoshlar yetakchisining tavsiyasi asosida pulli psixologik xizmat koʻrsatish bilan bogʻliq xarajatlarni qoplash uchun qaror qabul qiladi va tuman (shahar) hokimliklariga yuboradi.	3 ish kuni ichida
	Vasiylik kengashi		3 ish kuni ichida

	Tuman (shahar) hokimliklari	Vasiylik kengashi qarori asosida psixologik xizmat koʻrsatish bilan bogʻliq xarajatlar uchun mablagʻlarni psixologik yordam beruvchi tashkilotning bank hisob raqamiga oʻtkazib beradi.	3 ish kuni ichida
	Tuman (shahar) hokimliklari		3 ish kuni ichida

* “Yoshlar daftari”ga kiritilgan va psixologik maslahatga muhtoj yoshlarga pullik psixologik xizmat koʻrsatish xarajatlari qoplab beriladi

“Yoshlar daftari”ni yuritish orqali yoshlar muammolarini tizimli ravishda hal etish va ularni ijtimoiy qoʻllab-quvvatlash tartibi toʻgʻrisidagi nizomga
15-ILOVA

“Yoshlar daftari”ga kiritilgan yoshlarning safarbarlik chaqiruvi rezervidagi xizmatni oʻtash badalini toʻliq miqdorda qoplash uchun subsidiya ajratish

SXEMASI

Bosqich	Subyektlar	Tadbirlar	Muddatlar
Bosqich	Subyektlar	Tadbirlar	Muddatlar

1-bosqich	Ariza beruvchi*	Safarbarlik chaqiruvi rezervidagi xizmatni oʻtash badalini toʻliq qoplash uchun subsidiya ajratishni soʻrab, tuman (shahar) “Yoshlar daftari” jamgʻarmasi Vasiylik kengashiga mudofaa ishlari boʻlimi bilan tuzilgan shartnoma nusxasini taqdim etgan holda ariza beradi.	1 ish kuni ichida
1-bosqich	Ariza beruvchi*		1 ish kuni ichida

2-bosqich	Vasiylik kengashi	Murojaatni unga ilova qilingan shartnoma bilan birga ariza beruvchi yashab kelayotgan mahalladagi yoshlar yetakchisiga koʻrib chiqish uchun yuboradi.	3 ish kuni ichida
2-bosqich	Vasiylik kengashi		3 ish kuni ichida

3-bosqich	Mahalladagi yoshlar yetakchisi	Ariza beruvchining safarbarlik chaqiruvi rezervidagi xizmatni oʻtash badalini toʻliq qoplash uchun subsidiya ajratish boʻyicha tavsiya yoki rad etish haqidagi xabarnomani Vasiylik kengashiga yuboradi. Bunda, subsidiya ajratishni rad etish haqida xabarnoma yuborilganda, rad etish sabablari asoslantirilishi talab etiladi.	5 ish kuni ichida
	Mahalladagi yoshlar yetakchisi		5 ish kuni ichida

	Vasiylik kengashi	Mahalladagi yoshlar yetakchisi tomonidan belgilangan muddatda ariza beruvchining safarbarlik chaqiruvi rezervidagi xizmatni oʻtash badalini toʻliq qoplash boʻyicha tavsiya yoki rad etish haqida xabarnoma berilmasa yoki asossiz rad etilganligi aniqlansa, Vasiylik kengashi ariza beruvchining murojaatini qanoatlantiradi va Vasiylik kengashi qarorini tuman (shahar) hokimliklariga yuboradi	5 ish kuni ichida
	Vasiylik kengashi		5 ish kuni ichida

4-bosqich	Tuman (shahar) hokimliklari	Vasiylik kengashining subsidiya ajratish haqidagi qarori asosida safarbarlik chaqiruvi rezervidagi xizmatni oʻtash bilan bogʻliq xarajatlar uchun mablagʻlar tuman (shahar) mudofaa ishlari boʻlimining tegishli hisobraqamiga oʻtkazib beradi.	3 ish kuni ichida
4-bosqich	Tuman (shahar) hokimliklari		3 ish kuni ichida

* “Yoshlar daftari”ga kiritilgan quyidagi toifadagi yoshlarga safarbarlik chaqiruvi rezervidagi xizmatni oʻtash badalini qoplash uchun subsidiya ajratiladi:

1. “Temir daftar”ga kiritilgan oila farzandi.

2. “Ayollar daftari”ga kiritilgan ayollar farzandi.

3. “Ijtimoiy himoya yagona reyestri” orqali kam taʼminlangan deb eʼtirof etilgan oila farzandi.

4. “Mehribonlik” uylari, Bolalar shaharchalari va oilaviy bolalar uylarida tarbiyalangan yosh fuqaro.

5. Oilasi kam taʼminlangan ishsiz yosh fuqaro.

“Yoshlar daftari”ni yuritish orqali yoshlar muammolarini tizimli ravishda hal etish va ularni ijtimoiy qoʻllab-quvvatlash tartibi toʻgʻrisidagi nizomga
16-ILOVA

Turmush qurayotgan yoshlarning oʻz xonadonida qoʻshimcha uy-joy qurish uchun garovsiz kredit olishga uchun kafillik berish

SXEMASI

Bosqich	Subyektlar	Tadbirlar	Muddatlar
Bosqich	Subyektlar	Tadbirlar	Muddatlar

1-bosqich	Ariza beruvchi*	Turmush qurayotgan yoshlar oʻz xonadonida qoʻshimcha uy-joy qurish uchun garovsiz kredit olish uchun kafillik ajratilishini soʻrab tuman (shahar) “Yoshlar daftari” jamgʻarmasi vasiylik kengashiga tijorat bankining kafillik berish haqidagi xati bilan birga ariza beradi.	1 ish kuni ichida
1-bosqich	Ariza beruvchi*		1 ish kuni ichida

2-bosqich	Vasiylik kengashi	Murojaatni unga ilova qilingan shartnoma bilan birga ariza beruvchi yashab kelayotgan mahalladagi yoshlar yetakchisiga koʻrib chiqish uchun yuboradi.	3 ish kuni ichida
2-bosqich	Vasiylik kengashi		3 ish kuni ichida

3-bosqich	Mahalladagi yoshlar yetakchisi	Ariza beruvchiga kafillik berish boʻyicha tavsiya yoki rad etish haqidagi xabarnomani Vasiylik kengashiga yuboradi. Bunda, kafillik berishni rad etish haqida xabarnoma yuborilganda, rad etish sabablari asoslantirilishi talab etiladi.	5 ish kuni ichida
	Mahalladagi yoshlar yetakchisi		5 ish kuni ichida

	Vasiylik kengashi	Mahalladagi yoshlar yetakchisi Vasiylik kengashiga belgilangan muddatda kafillik berish uchun tavsiya yoki rad etish haqida xabarnoma bermasa yoki asossiz rad etilganligi aniqlansa Vasiylik kengashi ariza beruvchining murojaatini qanoatlantiradi.	5 ish kuni ichida
	Vasiylik kengashi		5 ish kuni ichida

4-bosqich	Vasiylik kengashi	Murojaatni oʻrganish natijalariga koʻra ariza beruvchiga kafillik beradi.	3 ish kuni ichida
4-bosqich	Vasiylik kengashi		3 ish kuni ichida

* Turmush qurayotgan yoshlarning oʻz xonadonida qoʻshimcha uy-joy qurish uchun garovsiz kredit ajratishga quyidagi toifadagi yoshlarga kafillik beriladi:

“Yoshlar daftari”ga kiritilgan, nikohi qayd etilganiga 3 yildan oshmagan yosh fuqaro

“Yoshlar daftari”ni yuritish orqali yoshlar muammolarini tizimli ravishda hal etish va ularni ijtimoiy qoʻllab-quvvatlash tartibi toʻgʻrisidagi nizomga
17-ILOVA

“Yoshlar daftari”ga kiritilgan ijtimoiy himoyaga muhtoj yosh oilalarga turar joy ijarasi uchun subsidiya ajratish

SXEMASI

Bosqich	Subyektlar	Tadbirlar	Muddatlar
Bosqich	Subyektlar	Tadbirlar	Muddatlar

1-bosqich	Ariza beruvchi*	Turar joy ijarasi uchun subsidiya ajratishni soʻrab, tuman (shahar) “Yoshlar daftari” jamgʻarmasi Vasiylik kengashiga turar joy ijara shartnomasi nusxasi va ijara shartnomasining soliq organlarida hisobga qoʻyilganligi haqidagi bildirishnoma bilan birga ariza beradi.	1 ish kuni ichida
1-bosqich	Ariza beruvchi*		1 ish kuni ichida

2-bosqich	Vasiylik kengashi	Murojaatni unga ilova qilingan hujjatlar bilan birga ariza beruvchi yashab kelayotgan mahalladagi yoshlar yetakchisiga koʻrib chiqish uchun yuboradi.	3 ish kuni ichida
2-bosqich	Vasiylik kengashi		3 ish kuni ichida

3-bosqich	Mahalladagi yoshlar yetakchisi	Ariza beruvchining oʻqish xarajatlarini qoplash boʻyicha tavsiya yoki rad etish haqidagi xabarnomani Vasiylik kengashiga yuboradi. Bunda, subsidiya ajratishni rad etish haqida xabarnoma yuborilganda, rad etish sabablari asoslantirilishi talab etiladi.	5 ish kuni ichida
	Mahalladagi yoshlar yetakchisi		5 ish kuni ichida

	Vasiylik kengashi	Mahalladagi yoshlar yetakchisi tomonidan belgilangan muddatda ariza beruvchining oʻqish xarajatlarini qoplash boʻyicha tavsiya yoki rad etish haqida xabarnoma berilmasa yoki asossiz rad etilganligi aniqlansa, Vasiylik kengashi ariza beruvchining murojaatini qanoatlantiradi.	5 ish kuni ichida
	Vasiylik kengashi		5 ish kuni ichida

4-bosqich	Vasiylik kengashi	Subsidiya ajratish haqidagi qaror asosida har oyning 5-sanasiga qadar ijara xarajatlarining oylik toʻlovlari ijaraga beruvchining bank plastik kartasiga oʻtkazib beradi.	3 ish kuni ichida
4-bosqich	Vasiylik kengashi		3 ish kuni ichida

5-bosqich	Mahalladagi yoshlar yetakchisi	Ariza beruvchining ijaraga olingan turar joyda yashayotganligini monitoring qilib boradi.	Har oyda kamida bir marta
5-bosqich	Mahalladagi yoshlar yetakchisi		Har oyda kamida bir marta

* Yosh oilalarga turar-joy ijarasi uchun “Yoshlar daftari”ga kiritilgan quyidagi toifadagi yoshlar uchun subsidiya ajratiladi:

1. Eri (yoki xotini) “Temir daftar”ga kiritilgan yosh oila.

2. “Ayollar daftari”ga kiritilgan ayollarning turmush qurgan farzandi (yosh fuqaro).

3. Eri (yoki xotini) “Ijtimoiy himoya yagona reyestri”ga kiritilgan yosh oila.

4. Ijtimoiy himoyaga muhtoj yosh oila.

“Yoshlar daftari”ni yuritish orqali yoshlar muammolarini tizimli ravishda hal etish va ularni ijtimoiy qoʻllab-quvvatlash tartibi toʻgʻrisidagi nizomga
18-ILOVA

Yoshlarning boʻsh vaqtini mazmunli oʻtkazish, huquqiy savodxonligini oshirish hamda “Besh muhim tashabbus” doirasidagi tadbirlarni moliyalashtirish

SXEMASI

Bosqich	Subyektlar	Tadbirlar	Muddatlar
Bosqich	Subyektlar	Tadbirlar	Muddatlar

1-bosqich	Mahalladagi yoshlar yetakchisi	Yoshlar ishlari agentligining tuman (shahar) boʻlimlariga kalendar rejaga muvofiq choraklik loyiha, tanlov va tadbirlar soni va turidan kelib chiqib, tovar moddiy boyliklar ajratish boʻyicha murojaat yuboradi.	Har chorakdan avvalgi oyning 25-kuniga qadar
	Mahalladagi yoshlar yetakchisi		Har chorakdan avvalgi oyning 25-kuniga qadar

	Yoshlar ishlari agentligining tuman (shahar) boʻlimi	Mahallalar boʻyicha choraklik loyiha, tanlov va tadbirlar soni va turi toʻgʻrisidagi maʼlumotlarni kalendar rejaga muvofiqligini tekshiradi va ajratiladigan tovar moddiy boyliklar turi va soni toʻgʻrisidagi maʼlumotlarni “Yoshlar daftari” jamgʻarmasi Vasiylik kengashiga yuboradi.	5 ish kuni ichida
	Yoshlar ishlari agentligining tuman (shahar) boʻlimi		5 ish kuni ichida

2-bosqich	Vasiylik kengashi	Mahallalar boʻyicha rejadagi tovar moddiy boyliklar xarid qilish toʻgʻrisida qaror qabul qiladi va Qaror asosida tovar moddiy boyliklar “Yoshlar daftari” jamgʻarmasi mablagʻlari hisobidan qonunchilikda belgilangan tartibda xarid qiladi.	Qonunchilikda belgilangan muddatlarda
	Vasiylik kengashi		Qonunchilikda belgilangan muddatlarda

	Vasiylik kengashi	Tovar moddiy boyliklarni Yoshlar ishlari agentligining tuman (shahar) boʻlimlariga yetkazilishini taʼminlaydi.	3 ish kuni ichida
	Vasiylik kengashi		3 ish kuni ichida

3-bosqich	Yoshlar ishlari agentligining tuman (shahar) boʻlimi	Tovar moddiy boyliklarni mahallalar boʻyicha taqsimlab, mahalladagi yoshlar yetakchilariga tarqatadi.	2 ish kuni ichida
	Yoshlar ishlari agentligining tuman (shahar) boʻlimi		2 ish kuni ichida

	Mahalladagi yoshlar yetakchisi	Tovar moddiy boyliklarni yoshlarga tarqatish boʻyicha, topshirish, qabul qilish dalolatnomasini rasmiylashtiradi va qonunchilikda belgilangan tartibda Yoshlar ishlari agentligining tuman (shahar) boʻlimlariga hisobot topshiradi.	3 ish kuni ichida
	Mahalladagi yoshlar yetakchisi		3 ish kuni ichida

Vazirlar Mahkamasining 2022-yil 7-iyundagi 312-son qaroriga
1-ILOVA

Qoraqalpogʻiston Respublikasi, viloyatlar va Toshkent shahri, shuningdek, tuman (shahar)lardagi “Yoshlar daftari” jamgʻarmalari toʻgʻrisida

NIZOM

1-bob. Umumiy qoidalar

3. Hududiy va tuman (shahar) “Yoshlar daftari” jamgʻarmasi yuridik shaxs hisoblanmaydi.

2-bob. Hududiy va tuman (shahar) “Yoshlar daftari” jamgʻarmalari mablagʻlarini shakllantirish manbalari

4. Hududiy “Yoshlar daftari” jamgʻarmasi quyidagi manbalar hisobidan shakllantiriladi:

xorijiy (xalqaro) moliya institutlari va boshqa xorijiy donorlarning texnik koʻmak mablagʻlari va grantlari;

jismoniy va yuridik shaxslarning homiylik mablagʻlari hamda qonunchilik hujjatlari bilan taqiqlanmagan boshqa manbalar.

5. Tuman (shahar) “Yoshlar daftari” jamgʻarmasi quyidagi manbalar hisobidan shakllantiriladi:

hududiy “Yoshlar daftari” jamgʻarmasidan ajratmalar;

tuman (shahar) xalq deputatlari Kengashlari qaroriga asosan tuman (shahar) budjetlari qoʻshimcha manbalari hisobidan har chorakda ajratiladigan mablagʻlar;

xorijiy (xalqaro) moliya institutlari va boshqa xorijiy donorlarning texnik koʻmak mablagʻlari va grantlari;

jismoniy va yuridik shaxslarning homiylik mablagʻlari hamda qonunchilik hujjatlari bilan taqiqlanmagan boshqa manbalar.

Mazkur bandning ikkinchi xatboshisida nazarda tutilgan manba hisobidan tuman (shahar) “Yoshlar daftari” jamgʻarmalariga ajratiladigan mablagʻlarning umumiy miqdori tegishlicha Qoraqalpogʻiston Respublikasi Joʻqorgʻi Kengesi, viloyatlar va Toshkent shahar xalq deputatlari Kengashlari qarorlariga asosan belgilanadi. Bunda:

ushbu mablagʻlar Qoraqalpogʻiston Respublikasi Iqtisodiyot va moliya vazirligi, viloyatlar va Toshkent shahar iqtisodiyot va moliya bosh boshqarmasi tomonidan tumanlar (shahar)lar kesimida ulardagi aholi soni, nogironligi boʻlgan shaxslar soni va Ijtimoiy reyestrga kiritilgan oilalar soniga mutanosib miqdorlarda tuman (shahar) “Yoshlar daftari” jamgʻarmalariga avtomatik ravishda taqsimlanadi;

zaruratga koʻra, Qoraqalpogʻiston Respublikasi Joʻqorgʻi Kengesi, viloyatlar va Toshkent shahar xalq deputatlari Kengashlari qarorlariga asosan tuman (shahar) budjetlari qoʻshimcha manbalari nisbatan kam miqdorda shakllangan tuman (shahar) “Yoshlar daftari” jamgʻarmalariga oʻtkaziladi.

5¹. Ariza beruvchiga uning arizasi maʼqullangan sanadan boshlab 30 kalendar kun mobaynida “Yoshlar daftari” jamgʻarmasida mablagʻ yetarli emasligi sababli tegishli yordam koʻrsatilmasa, tuman (shahar) hokimining yoki hududiy yoshlar ishlari boshqarmasining talabnomasiga asosan Qoraqalpogʻiston Respublikasi Joʻqorgʻi Kengesi, viloyatlar va Toshkent shahri xalq deputatlari Kengashlarining qaroriga asosan Qoraqalpogʻiston Respublikasi respublika budjeti, viloyatlar viloyat budjeti va Toshkent shahrining shahar budjetida shakllangan qoʻshimcha manbalar va qonunchilik hujjatlarida taqiqlanmagan boshqa manbalar hisobidan ushbu ariza beruvchiga tegishli ijtimoiy yordam koʻrsatish uchun tuman (shahar) “Yoshlar daftari” jamgʻarmasiga mablagʻ ajratiladi.

6. Ushbu Nizomning 5-bandi toʻrtinchi xatboshisida nazarda tutilgan mablagʻlar Oʻzbekiston Respublikasi Iqtisodiyot va moliya vazirligi huzuridagi Gʻaznachilik xizmati qoʻmitasida ochilgan maxsus hisobvaraqda jamlanadi hamda tuman (shahar) “Yoshlar daftari” jamgʻarmalariga tumanlar (shaharlar)dagi aholi soni, nogironligi boʻlgan shaxslar soni va Ijtimoiy reyestrga kiritilgan oilalar soniga mutanosib miqdorlarda, Oʻzbekiston Respublikasi Prezidentining 2022-yil 30-dekabrdagi PF-287-son Farmoni bilan tasdiqlangan Ixtisoslashuvi hamda kichik biznes uchun mavjud sharoitdan kelib chiqib toifalarga ajratilgan Oʻzbekiston Respublikasi shahar va tumanlarining roʻyxatiga muvofiq tuman (shahar)ning ixtisoslashuvi hamda kichik biznes uchun mavjud sharoitdan kelib chiqqan holda belgilangan toifasi boʻyicha quyidagi tuzatish koeffitsiyentlarini qoʻllagan holda avtomatik ravishda taqsimlanadi:

1-toifadagi tuman (shaharlar) uchun — 0,88;

2-toifadagi tuman (shaharlar) uchun — 0,95;

3-toifadagi tuman (shaharlar) uchun — 1,03;

4-toifadagi tuman (shaharlar) uchun — 1,06;

5-toifadagi tuman (shaharlar) uchun — 1,1.

7. Tuman (shahar) “Yoshlar daftari” jamgʻarmasida shakllangan mablagʻlar tuman (shahar) hokimligi tomonidan har oyning 5-sanasiga qadar mahallalarda yashovchi aholi soni, nogironligi boʻlgan shaxslar soni va Ijtimoiy reyestrga kiritilgan oilalar soniga mutanosib ravishda tuman (shahar)dagi mahallalar kesimida qayta taqsimlanadi.

8. Qoraqalpogʻiston Respublikasi Vazirlar Kengashi Raisi, viloyatlar va Toshkent shahar, shuningdek, tuman (shahar) hokimlari ushbu Nizomning 4 va 5-bandlarida nazarda tutilgan manbalar hisobidan hududiy va tuman (shahar) “Yoshlar daftari” jamgʻarmalari mablagʻlarini oʻz vaqtida va toʻliq shakllantirishga shaxsan masʼul hisoblanadi.

3-bob. Hududiy va tuman (shahar) “Yoshlar daftari” jamgʻarmalari mablagʻlaridan foydalanish

9. Hududiy “Yoshlar daftari” jamgʻarmasi mablagʻlari:

tegishli hududning qoʻshimcha manbalari nisbatan kam miqdorda shakllangan tuman (shahar) “Yoshlar daftari” jamgʻarmalariga;

mahallalarda yoshlarning boʻsh vaqtini mazmunli tashkil etish uchun qoʻshimcha sharoitlar yaratishga moʻljallangan yengil turdagi kichik kutubxonalar, sport obyektlari va boshqa turdagi yoshlar infratuzilma obyektlarini barpo etish hamda ularni zamonaviy jihozlashga;

mahallalardagi yoshlar yetakchilari uchun ajratilgan xizmat xonalarini moddiy-texnik jihozlar (mebel, planshet, kompyuter toʻplami, aloqa, internet va boshqalar) bilan taʼminlashga;

qonunchilik hujjatlari bilan belgilangan boshqa xarajatlarni qoplashga yoʻnaltiriladi.

10. Tuman (shahar) “Yoshlar daftari” jamgʻarmasi mablagʻlari:

a) kamida 3 nafar Ijtimoiy reyestrga kiritilgan oilalarning aʼzosi boʻlgan yoshlarning bandligi va ijtimoiy faolligini taʼminlashga qaratilgan ijtimoiy loyihalarni moliyalashtirish uchun bazaviy hisoblash miqdorining (keyingi oʻrinlarda — BHM) 60 baravarigacha grant ajratishga;

b) Ijtimoiy reyestrga kiritilgan oilalarning aʼzolari uchun:

BHMning 1 baravaridan koʻp boʻlmagan miqdorda nogironligi boʻlgan yoshlarning parasport toʻgaraklariga qatnashishi uchun yoʻlkira xarajatlarini qoplashga;

6 oy davomida muntazam sport va sanʼat toʻgaraklariga qatnashayotgan yoshlar uchun BHMning 10 baravaridan koʻp boʻlmagan miqdorda maxsus sport formasi, inventar yoki musiqa va cholgʻu asboblarini xarid qilishga;

yoshlarning avtomototransport vositalari haydovchilarini tayyorlash oʻquv kursi xarajatlarini qoplash uchun BHMning 8 baravarigacha miqdorda subsidiya ajratishga;

kasbiy taʼlim va oliy taʼlim tashkilotlari yosh oʻquvchi-talabalarining toʻlov-kontrakt summasining 50 foizi, ammo BHMning 50 baravaridan koʻp boʻlmagan qismini toʻlab berishga;

yoshlarning tadbirkorlik, anʼanaviy va zamonaviy kasblarni egallash, axborot texnologiyalarini oʻrganish va xorijiy tillarga oʻqitish boʻyicha oʻquv kurslarida 6 oydan koʻp boʻlmagan muddatga oʻqish xarajatlarining har oyda BHMning 4 baravarigacha boʻlgan qismini qoplashga;

ijtimoiy himoyaga muhtoj iqtidorli yoshlarning ilm-fan, sport, sanʼat va madaniyat yoʻnalishlaridagi oʻquv kurslari uchun olti oydan koʻp boʻlmagan muddatga har oyda BHMning 1 baravarigacha subsidiya ajratishga;

yoshlarning ilm-fan, sport, sanʼat va madaniyat yoʻnalishlaridagi olimpiada, tanlov va musobaqalarda qatnashish xarajatlari uchun mahalliy bosqichdagi tadbirlarga BHMning 4 baravarigacha, xalqaro bosqichdagi tadbirlarga BHMning 40 baravarigacha subsidiya berishga;

yoshlarga taʼlim, madaniyat va sanʼat, sport, axborot texnologiyalari sohasiga va fanlarni oʻqitishga ixtisoslashgan nodavlat taʼlim tashkilotining noturar joy ijarasi yoki zarur jihozlar bilan taʼminlash xarajatlarini BHMning 50 baravarigacha miqdorda qoplashga;

ijtimoiy himoyaga muhtoj yosh oilalarga har oyda ijara toʻlovlarining 50 foizi, biroq BHMning 2 baravarigacha, Toshkent va Nukus shahri hamda viloyatlar markazlarida BHMning 3 baravarigacha miqdorda 12 oygacha turar joy ijarasi uchun kompensatsiya toʻlashga;

v) Ijtimoiy reyestrga kiritilgan hamda oylik daromadi oila aʼzolarining har biriga nisbatan minimal isteʼmol xarajatlari miqdorining 2 baravaridan koʻp boʻlmagan oilalarning 14 — 30 yoshdagi aʼzolarining jarrohlik amaliyotisiz davolanish uchun BHMning 50 baravarigacha va jarrohlik amaliyotini oʻtkazish uchun Davlat tibbiy sugʻurtasi jamgʻarmasi tomonidan belgilangan bazaviy narxlar doirasidagi xarajatlarini qoplash maqsadida Davlat tibbiy sugʻurtasi jamgʻarmasiga;

g) mahalla darajasida bir kalendar oy uchun BHMning 20 baravarigacha, biroq moliya yili davomida jamgʻarma tushumlarining 25 foizidan koʻp boʻlmagan miqdorda yoshlarning intellektual salohiyatini yuksaltirish, ularning boʻsh vaqtini mazmunli tashkil etish va huquqiy savodxonligini oshirish, shuningdek, besh muhim tashabbus doirasidagi tadbirlarni moliyalashtirishga yoʻnaltiriladi.

11. Tuman (shahar) “Yoshlar daftari” jamgʻarmasi mablagʻlari Oʻzbekiston Respublikasi Prezidentining farmonlari, qarorlari va farmoyishlari hamda Vazirlar Mahkamasining qarorlari, farmoyishlari va topshiriqlariga asosan ushbu Nizomda nazarda tutilmagan yoshlarga oid davlat siyosatini amalga oshirish bilan bogʻliq boshqa maqsadlarga, shu jumladan, yoshlar infratuzilma obyektlarini barpo etish va ularni zamonaviy jihozlash hamda ijtimoiy himoyaga muhtoj yoki iqtidorli yoshlarni qoʻllab-quvvatlash bilan bogʻliq boshqa xarajatlarni amalga oshirishga ham yoʻnaltirilishi mumkin. Bunda ushbu maqsadlarga yoʻnaltiriladigan mablagʻlar quyidagilar hisobidan ajratiladi:

tuman (shahar) “Yoshlar daftari” jamgʻarmasi hisobvaraqlarida shakllangan, biroq tegishli tuman (shahar)dagi mahallalar kesimida taqsimlanmagan mablagʻlar;

tuman (shahar) “Yoshlar daftari” jamgʻarmasi hisobvaraqlarida shakllanib, muqaddam tegishli tuman (shahar)dagi mahallalar kesimida taqsimlangan boʻlsada, biroq ushbu mablagʻlar taqsimlangan oyda foydalanilmagan qoldiq mablagʻlar.

“Yoshlar daftari”ga kiritilgan yoshlarga ushbu Nizomning 10-bandida nazarda tutilgan ijtimoiy yordam boshqa manbalar va jamgʻarmalar tomonidan koʻrsatilganda taqdim etilishiga yoʻl qoʻyilmaydi.

12. Oʻzbekiston Respublikasi Yoshlar ishlari agentligining Yoshlarga oid davlat siyosatini qoʻllab-quvvatlash jamgʻarmasi hisobidan, zarur hollarda, ushbu Nizomning 10-bandi “b” kichik bandi beshinchi — sakkizinchi xatboshilarida nazarda tutilgan maqsadlar uchun mablagʻlar ajratilishi mumkin.

13. Hududiy “Yoshlar daftari” jamgʻarmalari mablagʻlarini shakllantirish, boshqarish va ulardan foydalanish maqsadida ushbu Nizomga 1-ilovaga muvofiq tarkibda Vasiylik kengashi (keyingi oʻrinlarda — Vasiylik kengashi) tuziladi.

Vasiylik kengashi tarkibi Qoraqalpogʻiston Respublikasi Joʻqorgʻi Kengesi, xalq deputatlari viloyatlar va Toshkent shahar Kengashlari qaroriga muvofiq tasdiqlanadi.

Vasiylik kengashi raisi va aʼzolari hududiy “Yoshlar daftari” jamgʻarmasini boshqarish boʻyicha faoliyatini jamoatchilik asosida amalga oshiradi.

Vasiylik kengashi raisi hududiy “Yoshlar daftari” jamgʻarmasi mablagʻlarini boshqaruvchi hisoblanadi.

14. Qoraqalpogʻiston Respublikasi, viloyatlar va Toshkent shahar yoshlar ishlari boshqarmalari hududiy “Yoshlar daftari” jamgʻarmasining, tuman (shahar) yoshlar ishlari boʻlimlari tuman (shahar) “Yoshlar daftari” jamgʻarmasining ishchi organi hisoblanadi.

15. Hududiy “Yoshlar daftari” jamgʻarmalari mablagʻlarini sarflash, tuman (shahar) “Yoshlar daftari” jamgʻarmalariga yoʻnaltirish tegishlicha Vasiylik kengashining qarori asosida amalga oshiriladi.

Vasiylik kengashi yigʻilishlari har oyda kamida bir marta — har oyning oxirgi sanasigacha oʻtkaziladi.

Tuman (shahar) “Yoshlar daftari” jamgʻarmalarida shakllanib, ushbu Nizomning 7-bandida belgilangan tartibda mahallalar kesimida taqsimlangan mablagʻlarni sarflash tegishliligiga koʻra “mahalla yettiligi”ning kollegial qarori asosida, shuningdek, ushbu Nizomning 11-bandida nazarda tutilgan hollarda Oʻzbekiston Respublikasi Prezidentining farmonlari, qarorlari va farmoyishlari hamda Vazirlar Mahkamasining qarorlari, farmoyishlari va topshiriqlariga koʻra tuman (shahar) hokimliklari buxgalteriyasi tomonidan amalga oshiriladi.

16. Vasiylik kengashi raisi Vasiylik kengashi yigʻilishlariga raislik qiladi.

17. Vasiylik kengashlari qarorlari Vasiylik kengashi yigʻilishi bayoni bilan rasmiylashtiriladi.

18. Vasiylik kengashi:

hududiy “Yoshlar daftari” jamgʻarmasiga umumiy rahbarlik qiladi va uning faoliyatini nazorat qiladi;

hududiy “Yoshlar daftari” jamgʻarmasining daromad va xarajatlari yillik parametrlarini, ularning ijrosi toʻgʻrisidagi yillik hisobotlarni, shuningdek, “Yoshlar daftari” jamgʻarmasiga yuklangan vazifalarning bajarilishi toʻgʻrisidagi hisobotlarni tasdiqlaydi;

hududiy “Yoshlar daftari” jamgʻarmasining yillik ish rejasi va dasturlarini tasdiqlaydi;

hududiy “Yoshlar daftari” jamgʻarmasi mablagʻlaridan foydalanishda shaffoflikni taʼminlaydi;

hududiy “Yoshlar daftari” jamgʻarmasi mablagʻlari hisobidan alohida tadbirlarni moliyalashtirish tartibini belgilaydi;

hududiy “Yoshlar daftari” jamgʻarmasiga homiylik xayriyalari, shuningdek, xalqaro tashkilotlarning texnik koʻmak mablagʻlari va grantlarini jalb qilishga koʻmaklashadi;

hududiy “Yoshlar daftari” jamgʻarmasiga yuklatilgan vazifalarni Vasiylik kengashi aʼzolari oʻrtasida taqsimlaydi;

hududiy “Yoshlar daftari” jamgʻarmasi faoliyatiga taalluqli masalalarni koʻrib chiqadi va ular boʻyicha qarorlar qabul qiladi;

hududiy “Yoshlar daftari” jamgʻarmasi mablagʻlarini shakllantirish va ulardan foydalanish bilan bogʻliq boshqa vakolatlarni amalga oshiradi;

hududiy “Yoshlar daftari” jamgʻarmasi faoliyatiga aloqador boshqa masalalarni koʻrib chiqadi va ular boʻyicha qarorlar qabul qiladi.

19. Hududiy “Yoshlar daftari” jamgʻarmasining ishchi organi:

“Yoshlar daftari” jamgʻarmasining yillik ish rejasi va dasturlarini ishlab chiqadi;

Vasiylik kengashi yigʻilishi kun tartibiga kiritiladigan masalalarni tayyorlaydi, yigʻilish bayonnomasini yuritadi va rasmiylashtiradi;

Vasiylik kengashi aʼzolariga Vasiylik kengashi yigʻilishining vaqti va oʻtkaziladigan joyi toʻgʻrisida xabar beradi.

Vasiylik kengashi tomonidan qabul qilingan qaror toʻgʻrisida murojaat etuvchiga xabar yuboradi.

Vasiylik kengashi qarori bilan ishchi organga qoʻshimcha vazifalar ham yuklanishi mumkin.

20. Tuman (shahar) “Yoshlar daftari” jamgʻarmasining ishchi organi:

mahallalar boʻyicha taqsimlangan mablagʻlarga doir maʼlumotlarni “Yoshlar daftari” axborot tizimiga kiritib borilishini taʼminlaydi;

tuman (shahar) “Yoshlar daftari” jamgʻarmasidan ushbu Nizomning 7-bandida belgilangan tartibda tegishli mahallaga taqsimlangan mablagʻlar yetarli boʻlmagan taqdirda, “mahalla yettiligi”ning qarorini ilova qilgan holda tuman (shahar) mahalliy budjetining qoʻshimcha manbalari hisobidan tuman (shahar) “Yoshlar daftari” jamgʻarmasiga mablagʻ ajratish haqida tuman (shahar) xalq deputatlari Kengashiga murojaat yuborishni soʻrab tuman (shahar) hokimiga soʻrov xati kiritadi.

“Yoshlar daftari”ga kiritilgan yoshlarning murojaatlari bilan ishlaydi va koʻrib chiqish uchun “mahalla yettiligi”ga taqdim etadi.

4-bob. “Yoshlar daftari” jamgʻarmalari mablagʻlaridan foydalanish boʻyicha hisob va hisobot

21. Hududiy va tuman (shahar) “Yoshlar daftari” jamgʻarmalari mablagʻlaridan foydalanish boʻyicha hisob va hisobotlar tegishlicha Qoraqalpogʻiston Respublikasi Vazirlar Kengashi, viloyatlar, Toshkent shahar, tuman (shahar) hokimliklari hisobot boʻlimlari tomonidan har oyning 5-sanasiga qadar tuman (shahar) “Yoshlar daftari” jamgʻarmasida shakllangan mablagʻlarning mahalla kesimida taqsimlanishi va jamgʻarmaning xarajatlari toʻgʻrisida, Qoraqalpogʻiston Respublikasi Iqtisodiyot va moliya vazirligi, viloyatlar va Toshkent shahar iqtisodiyot va moliya boshqarmalari hamda tuman (shahar) iqtisodiyot va moliya boʻlimlari mahalliy budjetning orttirilgan qismi miqdori toʻgʻrisida Yoshlar ishlari agentligiga maʼlumot berib boradi.

22. Qoraqalpogʻiston Respublikasi, viloyatlar, Toshkent shahar hamda tuman (shahar) iqtisodiyot va moliya organlari tomonidan budjet ijrosi hisobotini shakllantirish davrida tegishlicha “Yoshlar daftari” jamgʻarmasi hisoboti ham qabul qilinadi.

23. Vasiylik kengashi raisi har chorakda hududiy “Yoshlar daftari” jamgʻarmasi daromadlari va xarajatlari ijrosi toʻgʻrisida tegishliligi boʻyicha Qoraqalpogʻiston Respublikasi Joʻqorgʻi Kengesi, xalq deputatlari viloyatlar, Toshkent shahar Kengashlariga hisobot beradi.

5-bob. Yakunlovchi qoidalar

24. Hududiy va tuman (shahar) “Yoshlar daftari” jamgʻarmalarining joriy yilda foydalanilmay qolgan mablagʻlari keyingi yilga oʻtadi hamda Qoraqalpogʻiston Respublikasi respublika budjeti, viloyatlar va Toshkent shahar, shuningdek, tuman (shahar) mahalliy budjetiga olib qoʻyilmaydi.

25. Oʻzbekiston Respublikasi Bosh prokuraturasi huzuridagi Iqtisodiy jinoyatlarga qarshi kurashish departamentining Davlat moliyaviy nazorati inspeksiyasi hududiy boshqarmalari mazkur Nizom doirasida tuman (shahar)larda amalga oshiriladigan ishlar uchun ajratilgan mablagʻlar samarali va maqsadli ishlatilishi boʻyicha nazorat oʻrnatadi.

26. Mazkur Nizom talablarining buzilishida aybdor shaxslar qonunchilik hujjatlarida belgilangan tartibda javob beradilar.

Qoraqalpogʻiston Respublikasi, viloyatlar va Toshkent shahar, shuningdek, tuman (shahar)lardagi “Yoshlar daftari” jamgʻarmalari toʻgʻrisidagi nizomga
1-ILOVA

Qoraqalpogʻiston Respublikasi, viloyatlar va Toshkent shahridagi “Yoshlar daftari” jamgʻarmasi vasiylik kengashining

NAMUNAVIY TARKIBI

1.	Lavozimiga koʻra	—	Qoraqalpogʻiston Respublikasi Vazirlar Kengashi Raisi, viloyatlar va Toshkent shahar hokimlari, Vasiylik kengashi raisi
2.	Lavozimiga koʻra	—	Qoraqalpogʻiston Respublikasi Vazirlar Kengashi Raisi, viloyatlar va Toshkent shahar hokimining yoshlar siyosati, ijtimoiy rivojlantirish va maʼnaviy-maʼrifiy ishlar boʻyicha oʻrinbosarlari, Vasiylik kengashi raisi oʻrinbosari
3.	Lavozimiga koʻra	—	Qoraqalpogʻiston Respublikasi, viloyatlar va Toshkent shahar prokurorlari (kelishuv asosida)
4.	Lavozimiga koʻra	—	Qoraqalpogʻiston Respublikasi ichki ishlar vaziri, Toshkent shahar, Toshkent viloyati ichki ishlar bosh boshqarmalari va viloyatlar ichki ishlar boshqarmalari boshliqlari
5.	Lavozimiga koʻra	—	Qoraqalpogʻiston Respublikasi kambagʻallikni qisqartirish va bandlik vaziri, viloyatlar va Toshkent shahar kambagʻallikni qisqartirish va bandlik bosh boshqarmalari boshliqlari
6.	Lavozimiga koʻra	—	Qoraqalpogʻiston Respublikasi sogʻliqni saqlash vaziri, Toshkent shahar sogʻliqni saqlash bosh boshqarmasi, viloyatlar sogʻliqni saqlash boshqarmalari boshliqlari
7.	Lavozimiga koʻra	—	Qoraqalpogʻiston Respublikasi sport vaziri, viloyatlar va Toshkent shahar sport boshqarmalari boshliqlari
8.	Lavozimiga koʻra	—	Qoraqalpogʻiston Respublikasi madaniyat vazirligi, Toshkent shahar madaniyat bosh boshqarmasi, viloyatlar madaniyat boshqarmalari boshliqlari
9.	Lavozimiga koʻra	—	Qoraqalpogʻiston Respublikasi, viloyatlar va Toshkent shahar soliq boshqarmalari boshliqlari
10.	Lavozimiga koʻra	—	Qoraqalpogʻiston Respublikasi iqtisodiyot va moliya vaziri, viloyatlar va Toshkent shahar iqtisodiyot va moliya bosh boshqarmalari boshliqlari
11.	Lavozimiga koʻra	—	Qoraqalpogʻiston Respublikasi, viloyatlar va Toshkent shahar yoshlar ishlari boshqarmasi boshliqlari, Vasiylik kengashi kotibi

Vazirlar Mahkamasining 2022-yil 7-iyundagi 312-son qaroriga
2-ILOVA

“Yoshlar daftari” jamgʻarmasi hisobidan ijtimoiy yordam ajratish boʻyicha davlat xizmatlarini koʻrsatishning

MAʼMURIY REGLAMENTI

1-bob. Umumiy qoidalar

1. Mazkur Reglament “Yoshlar daftari”ni shakllantirish, “Yoshlar daftari”ga kiritilgan yoshlarga ijtimoiy yordam ajratish boʻyicha davlat xizmatlarini koʻrsatish va ularni “Yoshlar daftari”dan chiqarish tartibini belgilaydi.

2. Ushbu Reglamentda quyidagi asosiy tushunchalardan foydalaniladi:

ariza beruvchi — “Yoshlar daftari” jamgʻarmasi hisobidan ijtimoiy yordam ajratishni soʻrab, belgilangan tartibda murojaat qilgan oʻn toʻrt yoshga toʻlgan va oʻttiz yoshdan oshmagan (oʻttiz bir yoshga toʻlmagan) Oʻzbekiston Respublikasi fuqarosi (oʻn olti yoshgacha boʻlganlar uchun ularning nomidan ota-onasi yoki ota-onaning oʻrnini bosuvchi shaxslar) hamda fuqaroligi boʻlmagan shaxs;

Vasiylik kengashi — hududiy “Yoshlar daftari” jamgʻarmasi mablagʻlarini shakllantirish, boshqarish va ulardan foydalanish maqsadida qonunchilik hujjatlarida belgilangan tartibda manfaatdor tashkilotlar rahbarlari va masʼul xodimlaridan iborat tarkibda tuziladigan kollegial organ;

davomat — oʻquv markazlarida tahsil olayotgan yoshlarning darslarga qatnashganini kunlik elektron nazorat qilish tizimi;

“Yoshlar daftari” — ijtimoiy, iqtisodiy qoʻllab-quvvatlashga, bilim va kasb oʻrganishga ehtiyoji va ishtiyoqi boʻlgan yoshlarning muammolarini aniqlash, bartaraf etish va nazoratini olib borish tizimi;

“Yoshlar yagona elektron platformasi” axborot tizimi (keyingi oʻrinlarda — Yoshlar yagona elektron platformasi) — yoshlarning demografik va ijtimoiy holati, bandligi, taʼlim olishiga oid maʼlumotlar asosida “Yoshlar balansi”ni shakllantirish, yoshlarga oid davlat siyosatining samaradorligini baholash va uning natijalarini aniqlash, yoshlarning qiziqishlarini aniqlash boʻyicha sotsiologik soʻrovlar oʻtkazish, uning natijalarini avtomatik tahlil qilish, yoshlarga oid mavjud imtiyozlar, preferensiyalar, imkoniyatlar toʻgʻrisida maʼlumot beruvchi elektron platforma;

ijtimoiy shartnoma — Ijtimoiy reyestrga kiritilgan oilalarning yosh aʼzolariga koʻmak choralarining muayyan majburiyatlarni bajarish sharti bilan koʻrsatilishini nazarda tutuvchi shartnoma;

ishsiz yoshlar — haq toʻlanadigan ishga yoki ish haqi (mehnat daromadi) keltiradigan mashgʻulotga ega boʻlmagan, ish qidirayotgan va ish taklif etilsa, uni boshlashga yoxud kasbga tayyorlashdan, qayta tayyorlashdan oʻtishga yoki malakasini oshirishga tayyor boʻlgan, ishga joylashishda koʻmak olish uchun mahalliy mehnat organlariga murojaat qilgan va ushbu organlar tomonidan ish qidirayotgan shaxslar sifatida roʻyxatga olingan mehnatga layoqatli yoshlar (taʼlim tashkilotlarida tahsil olayotganlar bundan mustasno);

Ijtimoiy reyestr — “Yagona milliy ijtimoiy himoya” axborot tizimida yuritilib, davlat ijtimoiy qoʻllab-quvvatlash choralari taqdim etiladigan oilalar (shaxslar)ni aniqlash va ularning ijtimoiy-iqtisodiy holatini baholash vazifalarini bajaruvchi tizim;

kalendar-reja — yoshlarning intellektual salohiyatini yuksaltirish, ularning boʻsh vaqtini mazmunli tashkil etish va huquqiy savodxonligini oshirish, shuningdek, besh muhim tashabbus doirasidagi mahalla, tuman (shahar) va hududiy tadbirlarni moliyalashtirish uchun shakllantiriladigan hamda Yoshlar ishlari agentligi tomonidan tasdiqlanadigan bir yil yoki yarim yilga moʻljallangan reja;

“mahalla yettiligi” — fuqarolarning oʻzini oʻzi boshqarish organlari namunaviy tuzilmasiga kiritilgan mahalla raisi rahbarligidagi hokim yordamchisi, yoshlar yetakchisi, xotin-qizlar faoli, profilaktika inspektori, ijtimoiy xodim va soliq inspektori aʼzolaridan iborat boʻlgan guruh;

taʼlim tashkiloti — yoshlarni kasb-hunar, tadbirkorlik, taʼlim, fan, madaniyat va sanʼat, sport, axborot texnologiyalari hamda xorijiy tillarga oʻqitish vakolatiga ega boʻlgan nodavlat notijorat tashkilotlari, davlat yoki nodavlat taʼlim tashkilotlari, shu jumladan, belgilangan tartibda taʼlim berish faoliyatini amalga oshiruvchi yakka tartibdagi tadbirkor.

2-bob. “Yoshlar daftari”ga kiritish va ijtimoiy yordam turlaridan birini ajratish haqidagi murojaatlarni koʻrib chiqish tartibi

3. “Yoshlar daftari”ga doimiy yoki vaqtincha yashash joyi boʻyicha, oʻn toʻrt yoshga toʻlgan va oʻttiz yoshdan oshmagan (oʻttiz bir yoshga toʻlmagan) quyidagi toifadagi:

Ijtimoiy reyestrga kiritilgan oilalarning aʼzolari;

oilasining oylik daromadi oila aʼzolarining har biriga minimal isteʼmol xarajatlari miqdorining 2 baravaridan koʻp boʻlmagan yoshlar (jarrohlik amaliyotisiz davolanish va jarrohlik amaliyoti xarajatlarini qoplash yordami uchun) kiritiladi.

4. Ariza beruvchi uni “Yoshlar daftari”ga kiritish va ushbu Reglamentning 1 — 12-paragraflarida keltirilgan ijtimoiy yordamlardan birini (soʻralayotgan yordam miqdorini koʻrsatgan holda) koʻrsatishni soʻrab istalgan davlat xizmatlari markaziga yoki Yagona interaktiv davlat xizmatlari portali (keyingi oʻrinlarda — YIDXP) yoxud Yoshlar yagona elektron platformasi orqali murojaat qiladi.

Ariza beruvchining murojaatiga asosan davlat xizmatlari markazi xodimi ariza beruvchining nomidan, YIDXP yoki Yoshlar yagona elektron platformasi orqali murojaat qilinganda esa ariza beruvchi mustaqil ravishda quyidagi harakatlarni amalga oshiradi:

ushbu Reglamentga 1a, 3 — 5, 6 — 13-ilovalardagi tegishli ariza shaklini elektron tarzda toʻldiradi va ushbu ariza shakllarida nazarda tutilgan hujjatlarni ilova qiladi;

ariza beruvchining ijtimoiy holati “Yagona milliy ijtimoiy himoya” axborot tizimi orqali, ushbu Reglamentning 3-bobi 1 — 12-paragraflarida belgilangan mezonlarga muvofiqligi tegishli axborot tizimlari orqali avtomatik tarzda oʻrganiladi;

ushbu Reglamentning tegishli paragraflarida nazarda tutilgan ijtimoiy shartnoma (ommaviy oferta) shartlarini ixtiyoriy tarzda qabul qiladi (ushbu Reglamentning 2 va 4-paragraflaridagi ijtimoiy yordamlar ajratiladigan ariza beruvchilar, shuningdek, nogironligi boʻlgan, uch yoshgacha boʻlgan farzandi bor yolgʻiz ota yoki yolgʻiz onalar tomonidan ijtimoiy shartnoma tuzish talab etilmaydi);

ariza beruvchining murojaati ushbu bandning uchinchi — beshinchi xatboshilarida belgilangan talablarga muvofiq boʻlganda, arizani roʻyxatdan oʻtkazib, ariza beruvchi tomonidan tasdiqlangandan soʻng 10 daqiqa mobaynida (ariza beruvchi YIDXP orqali murojaat qilganda avtomatik tarzda) ariza beruvchining doimiy yoki vaqtincha roʻyxatga olingan joyidagi yoxud haqiqatan yashab turgan manzilidagi mahalla fuqarolar yigʻinida faoliyat olib borayotgan yoshlar yetakchisiga, agar ushbu lavozim vakant yoki maʼlum sabablarga koʻra yoshlar yetakchisi ish faoliyatida boʻlmasa (kasalligi, mehnat taʼtilida ekanligi va boshqa holatlar sababli), tegishliligi boʻyicha tuman (shahar) yoshlar ishlari boʻlimi boshligʻiga yuboradi.

Ariza beruvchining murojaati ushbu bandning uchinchi, toʻrtinchi yoki beshinchi xatboshilarida nazarda tutilgan talablarning biriga muvofiq boʻlmaganda, arizani roʻyxatdan oʻtkazish avtomatik tarzda rad qilinadi.

Boshqa asoslar boʻyicha arizani roʻyxatdan oʻtkazishni rad etish taqiqlanadi.

Murojaatga ilova qilingan hujjatlardagi maʼlumotlarning toʻgʻriligi va haqqoniyligi uchun ariza beruvchi javobgar hisoblanadi.

5. Arizalar YIDXP va Yoshlar yagona elektron platformasi orqali dam olish va bayram kunlaridan qatʼi nazar, har kuni 24 soat davomida yuborilishi mumkin.

Bunda arizalar ish vaqtidan keyin yoki dam olish va bayram kunlarida tushganda, kalendar boʻyicha navbatdagi ish kuni ariza qabul qilingan kun deb hisoblanadi.

Ariza beruvchi davlat xizmatidan foydalanishdan uni koʻrsatishning har qanday bosqichida bosh tortish huquqiga ega.

6. Mahalladagi yoshlar yetakchisi (u maʼlum sabablarga koʻra ish faoliyatida boʻlmaganda, tegishli tuman (shahar) yoshlar ishlari boʻlimi boshligʻi) uch ish kunida Yoshlar yagona elektron platformasi orqali ariza beruvchi tomonidan imzolangan ijtimoiy shartnomani tegishli tuman (shahar) yoshlar ishlari boʻlimi boshligʻi tomonidan uning nomiga rasmiylashtirilgan ishonchnoma asosida imzolaydi va ariza beruvchining murojaatini “mahalla yettiligi” yigʻilishida koʻrib chiqilib, qaror qabul qilinishi uchun yuboradi.

Bunda ushbu Reglamentning:

1, 3, 5, 10 — 12-paragraflarida nazarda tutilgan yordam turlarini ajratish boʻyicha ijtimoiy shartnomalar “mahalla yettiligi” (ushbu Reglamentning 3-bobi 1-paragrafida belgilangan komissiya) tomonidan murojaatni qanoatlantirish haqida qaror qabul qilinib, ariza beruvchiga “Yoshlar daftari” jamgʻarmasi hisobidan yordam turi ajratilgan paytdan boshlab kuchga kiradi;

6 — 9-paragraflarida nazarda tutilgan yordam turlarini ajratish boʻyicha ijtimoiy shartnomalar bundan mustasno boʻlib, ushbu shartnomalar “mahalla yettiligi” tomonidan ushbu yordam turini ajratish haqida qaror chiqargan sanadan boshlab kuchga kiradi.

7. “Mahalla yettiligi” kelib tushgan murojaat va unga ilova qilingan hujjatlarni besh ish kuni ichida oʻrganib chiqadi.

Oʻrganish natijalariga koʻra “mahalla yettiligi”ning har bir aʼzosi tomonidan “Raqamli mahalla” elektron platformasi orqali oʻz ovozini bergan holda oddiy koʻpchilik ovoz bilan ariza beruvchini “Yoshlar daftari”ga kiritish va u tomonidan soʻralgan ijtimoiy yordamni ajratish yoki “Yoshlar daftari”ga kiritishni va yordam ajratishni rad etish toʻgʻrisidagi qarorlardan biri qabul qilinadi.

Ovozlar teng boʻlib qolgan taqdirda, mahalla raisining (mahalla raisi vakant boʻlgan hollarda esa yoshlar yetakchisining) ovozi hal qiluvchi hisoblanadi.

8. “Mahalla yettiligi” tomonidan quyidagi holatlarda ariza beruvchining murojaatini qanoatlantirish rad qilinadi:

ariza beruvchining murojaati ushbu Reglamentning 4-bandi uchinchi, toʻrtinchi yoki beshinchi xatboshilarida nazarda tutilgan talablarning biriga muvofiq boʻlmaganda;

ariza beruvchi murojaat qilib soʻragan yordam turini ajratish uning oilasi uchun ishlab chiqilgan individual rejada nazarda tutilmaganda, ushbu Reglamentning 3-bobi 1, 4, 11-paragraflarida belgilangan yordam turlari bundan mustasno;

“mahalla yettiligi” tomonidan kollegial qaror qabul qilish paytida ariza beruvchi (yoki ushbu Reglamentning 3-bobi 1, 11-paragraflarida belgilangan “Yoshlar daftari” jamgʻarmasidan yordam ajratilishidan manfaatdor yoshlar) 31 yoshga (mazkur Reglamentning 3-bobi 3-paragrafida belgilangan ijtimoiy yordamdan foydalanmoqchi boʻlgan ariza beruvchi 21 yoshga) toʻlganda yoki oilasi Ijtimoiy reyestrda mavjud boʻlmaganda;

ariza beruvchi vafot etgan yoki sud tomonidan bedarak yoʻqolgan yoki vafot etgan deb topilganda;

ariza beruvchi davlat xizmatidan foydalanishdan bosh tortganda.

Ariza beruvchi tomonidan ushbu Reglamentga 1a, 3 — 5, 6 — 13-ilovalardagi ariza shakllarini toʻldirilishda notoʻgʻri maʼlumotlar kiritilganda yoki murojaatga ilova qilinishi lozim boʻlgan hujjatlar taqdim etilmaganda, mahalladagi yoshlar yetakchisi ariza beruvchining YIDXPdagi shaxsiy kabinetiga arizadagi maʼlumotlarni besh ish kuni ichida toʻgʻrilash yoki arizaga ilova qilinishi lozim boʻlgan hujjatlarni taqdim etish, aks holda uning murojaati rad etilishi haqida xabar yuboradi.

9. “Mahalla yettiligi”ning oʻrganish natijalari boʻyicha qarori qabul qilinganda, ushbu qaror Yoshlar yagona elektron platformasi orqali avtomatik tarzda YIDXPga yuboriladi. Ushbu qarorning qabul qilinganligi haqida ariza beruvchiga SMS-xabarnoma, YIDXPdagi shaxsiy kabinetiga xabar yuboriladi, bunda ijtimoiy yordam ajratishni rad etish toʻgʻrisida qaror qabul qilingan hollarda sabablari koʻrsatiladi.

10. Ariza beruvchini “Yoshlar daftari”ga kiritish va ushbu Reglamentda belgilangan yordam turlaridan birini ajratish haqidagi murojaatini koʻrib chiqish natijasi boʻyicha “mahalla yettiligi”ning qabul qilgan qarori YIDXPga kelib tushgan paytdan boshlab ushbu Reglamentda nazarda tutilgan davlat xizmati koʻrsatilgan hisoblanadi.

3-bob. “Yoshlar daftari”ga kiritilgan yoshlarga ijtimoiy yordamlarni ajratish tartibi

1-§. Yoshlarning bandligi va ijtimoiy faolligini taʼminlash uchun grant ajratish tartibi

11. Har yili tuman (shahar)dagi har bir mahalladan bittadan ariza beruvchining kamida 3 nafar ishsiz yoshlarning bandligini taʼminlash haqidagi murojaatiga asosan BHMning 60 baravarigacha miqdorda grantlar mazkur Reglamentga 1-ilovada keltirilgan sxemaga asosan ajratiladi.

12. Ariza beruvchi — yakka tartibdagi tadbirkorlik faoliyati bilan shugʻullanuvchi jismoniy shaxslar yoki nodavlat (davlat ulushiga ega boʻlmagan) korxona, muassasa, tashkilotlar oilasi Ijtimoiy reyestrga kiritilgan kamida 3 nafar yoshlarni ishga qabul qilish va ular mehnat faoliyatida foydalanishi uchun ilgari foydalanilmagan (yangi) asbob-uskuna olib berish orqali bandligini taʼminlash uchun “Yoshlar daftari” jamgʻarmasi hisobidan grant ajratishni soʻrab mazkur Reglamentning 4-bandida belgilangan tartibda, ushbu Reglamentga 1a-ilovadagi ariza shaklini toʻldirib murojaat qiladi.

13. Ariza beruvchining murojaati mazkur Reglamentning 4 — 9-bandlarida va unga 1-ilovada keltirilgan sxemada belgilangan tartibda koʻrib chiqiladi.

Bunda “mahalla yettiligi” tomonidan quyidagi hollarda grant ajratishga tavsiya berish rad etiladi:

bandligi taʼminlanadigan yoshlarning oilasi Ijtimoiy reyestrda mavjud boʻlmaganda yoki ushbu yoshlar 31 yoshdan oshganda yoxud ularning soni 3 nafardan kam boʻlganda;

tarkibi mazkur Reglamentga 1b-ilova bilan tasdiqlangan, tuman (shahar) hokimining yoshlar siyosati, ijtimoiy rivojlantirish va maʼnaviy-maʼrifiy ishlar boʻyicha oʻrinbosari rahbarligidagi komissiya (ushbu paragrafda keyingi oʻrinlarda — komissiya) tomonidan ariza beruvchining yuridik manzilidagi mahallada joriy yilda boshqa ariza beruvchiga grant ajratish haqida qaror qabul qilingan boʻlsa.

Ariza beruvchining murojaati ushbu paragraf talablariga muvofiq boʻlganda, “mahalla yettiligi” tomonidan grant ajratishni tavsiya etish haqida qaror qabul qilinib, yakuniy qaror qabul qilish uchun komissiyaga yuboriladi.

14. Grant ajratish masalasi komissiya tomonidan oʻn ish kunida koʻrib chiqiladi.

Ushbu Reglamentning 8-bandida nazarda tutilgan holatlar mavjud boʻlganda, komissiya tomonidan grant ajratish rad etiladi.

15. Komissiyaning grant ajratish toʻgʻrisidagi qarori asosida tuman (shahar) hokimliklarining buxgalteriyasi yetti ish kuni ichida “Yoshlar daftari” tuman (shahar) jamgʻarmasi hisobidan ariza beruvchining bank hisobvaragʻiga grantlar oʻtkazadi.

16. Grant ariza beruvchiga bir yilda bir marta ajratiladi va u bilan tuziladigan ijtimoiy shartnomada uning zimmasiga quyidagi majburiyatlar yuklanadi:

volontyorlik loyihalarida ishtirok etish;

“Besh tashabbus olimpiadasi” doirasidagi tanlov va musobaqalarning kamida bittasida ishtirok etish;

6 oy davomida “Mutolaa” loyihasi doirasida har oyda bitta kitob mutolaa qilish.

17. Budjet mablagʻlarining maqsadli sarflanishini nazorat qiluvchi organlar tomonidan belgilangan tartibda oʻrganishlar natijasida ajratilgan grantlar maqsadsiz ishlatilganligi aniqlanganda, ariza beruvchi qonunchilik hujjatlarida belgilangan tartibda javobgarlikka tortiladi.

2-§. Nogironligi boʻlgan yoshlarning parasport toʻgaraklariga qatnashishi uchun yoʻlkira xarajatlarini qoplab berish tartibi

18. Ijtimoiy reyestrga kiritilgan oilalarning nogironligi boʻlgan 14 — 30 yoshdagi (31 yoshga toʻlmagan) aʼzosi boʻlgan ariza beruvchi parasport toʻgaraklariga qatnashish uchun yoʻlkira xarajatlarini “Yoshlar daftari” jamgʻarmasi hisobidan qoplab berishni soʻrab mazkur Reglamentning 4-bandida belgilangan tartibda, ushbu Reglamentga 3-ilovadagi ariza shaklini toʻldirib murojaat qiladi.

19. Ariza beruvchining murojaati mazkur Reglamentning 4 — 9-bandlarida va unga 2-ilovada keltirilgan sxemaga muvofiq belgilangan tartibda koʻrib chiqiladi.

“Mahalla yettiligi” tomonidan ariza beruvchiga parasport toʻgaraklariga qatnashishi uchun yoʻlkira xarajatlarini qoplab berish haqida qaror qabul qilinganda, ariza beruvchi haqiqatda parasport toʻgaraklariga qatnashayotganligi Sport vazirligining “ERP-sport” axborot tizimi orqali monitoring qilib boriladi.

Ushbu monitoring natijalariga asosan ariza beruvchi tasdiqlangan bir oylik parasport mashgʻulotlarining:

yarmidan kam qismiga qatnashganda, BHMning 0,5 baravari;

yarmidan koʻp qismiga qatnashganda, BHMning 1 baravari miqdorida yoʻlkira xarajatlari keyingi oyning 5-sanasiga qadar tuman (shahar) “Yoshlar daftari” jamgʻarmasi hisobidan ariza beruvchining ijtimoiy kartasiga oʻtkazib beriladi.

20. Monitoring jarayonida ariza beruvchi parasport toʻgaraklariga qatnashmayotgani aniqlanganda, mahalladagi yoshlar yetakchisi tasdiqlovchi maʼlumotlar va hujjatlarni “mahalla yettiligi”ga kiritadi va “mahalla yettiligi”ning qaroriga asosan parasport toʻgaraklariga qatnash uchun yoʻlkira xarajatlarini qoplab berish toʻxtatiladi.

3-§. Muntazam sport va sanʼat toʻgaraklariga qatnashayotgan yoshlar uchun maxsus sport formasi, inventar yoki musiqa hamda cholgʻu asboblarini xarid qilish tartibi

21. Ijtimoiy reyestrga kiritilgan oilalarning 6 oy davomida muntazam sport va sanʼat toʻgaraklariga qatnashayotgan 14 — 20 yoshdagi (21 yoshga toʻlmagan) aʼzosi boʻlgan ariza beruvchi maxsus sport formasi, inventar yoki musiqa hamda cholgʻu asboblarini “Yoshlar daftari” jamgʻarmasi hisobidan xarid qilish boʻyicha mazkur Reglamentning 4-bandida belgilangan tartibda, ushbu Reglamentga 4-ilovadagi ariza shaklini toʻldirib murojaat qiladi.

22. Ariza beruvchining murojaati mazkur Reglamentning 4 — 9-bandlarida va unga 2-ilovada keltirilgan sxemaga muvofiq belgilangan tartibda koʻrib chiqiladi.

“Mahalla yettiligi” tomonidan ariza beruvchiga maxsus sport formasi, inventar yoki musiqa va cholgʻu asboblarini xarid qilib berish haqida qaror qabul qilinganda, “Yoshlar daftari” jamgʻarmasi hisobidan ushbu moddiy boyliklar 15 ish kuni ichida BHMning 10 baravarigacha miqdorda belgilangan tartibda xarid qilinib, ariza beruvchiga taqdim etiladi.

Bunda maxsus axborot portalida eʼlon joylashtirmasdan va xarid qilish tartib-taomillarini elektron shaklda oʻtkazmasdan eng yaxshi takliflarni tanlash orqali buyum va inventarlarni yetkazib beruvchilarni aniqlashga ruxsat etiladi.

Ushbu paragrafda nazarda tutilgan ijtimoiy yordam ajratilishi munosabati bilan ariza beruvchi bilan tuziladigan ijtimoiy shartnomada ariza beruvchining zimmasiga quyidagi majburiyatlar yuklanadi:

volontyorlik loyihalarida ishtirok etish;

“Besh tashabbus olimpiadasi” doirasidagi tanlov va musobaqalarning kamida bittasida ishtirok etish;

6 oy davomida “Mutolaa” loyihasi doirasida har oyda bitta kitob mutolaa qilish;

6 oy davomida “Ibrat farzandlari” loyihasi doirasida xorijiy tillarni oʻzlashtirish boʻyicha kamida B1 darajaga erishish.

23. Ushbu paragrafda nazarda tutilgan ijtimoiy yordam ayni bir yoshga faqat bir marta taqdim etiladi.

4-§. Jarrohlik amaliyotisiz davolanish va jarrohlik amaliyoti xarajatlarini qoplab berish tartibi

24. Ijtimoiy reyestrga kiritilgan oilalar hamda oylik daromadi oila aʼzolarining har biriga minimal isteʼmol xarajatlari miqdorining 2 baravarigacha boʻlgan oilalarning 14 — 30 yoshdagi (31 yoshga toʻlmagan) aʼzosi boʻlgan ariza beruvchi davolanish xarajatlarini qoplab berishni soʻrab ushbu Reglamentning 4-bandida belgilangan tartibda, mazkur Reglamentga 5-ilovadagi ariza shaklini toʻldirib murojaat qiladi.

Ushbu yordam turi ayni bir ariza beruvchiga bir yilda bir marta ajratiladi.

Bunda:

jarrohlik amaliyotisiz davolanish uchun — BHMning 50 baravarigacha, jarrohlik amaliyotini oʻtkazish uchun — Davlat tibbiy sugʻurtasi jamgʻarmasi tomonidan qoplanishi belgilangan bazaviy narxlar doirasida mablagʻ ajratiladi;

mazkur yordam uni oluvchilar uchun qonunchilik hujjatlariga muvofiq Davlat tibbiy sugʻurtasi mablagʻlari hisobidan tibbiy yordam koʻrsatilmagan yoki ushbu yordam xarajatlari boshqa manbalar (“Ayollar daftari” jamgʻarmasi, “Saxovat va koʻmak” jamgʻarmasi va boshqa manbalar) hisobidan qoplanmagan holatlarda koʻrsatiladi.

25. Ariza beruvchining murojaati mazkur Reglamentning 4 — 9-bandlarida va unga 5a-ilovada keltirilgan sxemaga muvofiq belgilangan tartibda koʻrib chiqiladi.

“Mahalla yettiligi” tomonidan ariza beruvchining davolanish xarajatlarini qoplab berish uchun subsidiya ajratish haqida qaror qabul qilinganda, Sogʻliqni saqlash vazirligining tegishli hududiy va tuman (shahar) boʻlinmalari hamda Davlat tibbiy sugʻurtasi jamgʻarmasi tomonidan:

ariza beruvchi Sogʻliqni saqlash vazirligining DMED axborot tizimi orqali Davlat tibbiy sugʻurtasi jamgʻarmasi bilan imtiyozli toifaga kiruvchi bemorlarni davolash boʻyicha shartnomasi mavjud hududiy va Respublika darajasidagi davlat tibbiyot tashkilotlari, shuningdek, nodavlat tibbiyot tashkilotlariga (keyingi oʻrinlarda — tibbiyot tashkilotlari) davolanish uchun yoʻnaltiriladi;

ariza beruvchi Sogʻliqni saqlash vazirligining DMED axborot tizimi orqali boshqa shaxslardan alohida tarzda yuritiladigan navbat asosida davolatiladi;

jarrohlik amaliyotisiz davolash hamda jarrohlik amaliyotini oʻtkazadigan tibbiyot tashkilotlari bemorlarning yoʻllanma va alohida navbat asosida qabul qilinishi hamda ularni davolash tashkil etilishini taʼminlaydi;

bemor davolanganidan soʻng unga koʻrsatilgan tibbiy xizmatlarni asoslovchi hujjatlar tibbiyot tashkilotlari tomonidan Davlat tibbiy sugʻurtasi jamgʻarmasi bilan tuzilgan shartnoma shartlariga muvofiq toʻlov uchun taqdim etiladi.

Davlat tibbiy sugʻurtasi jamgʻarmasi tegishli tuman (shahar) yoshlar ishlari boʻlimiga koʻrsatilgan tibbiy xizmat xarajatlarini qoplab berish uchun elektron tizim orqali talabnoma kiritadi.

Bunda soʻralgan mablagʻ bemorga tuman (shahar) tibbiyot birlashmasi yoki boʻlimlari tomonidan berilgan xulosada belgilangan mablagʻ miqdoridan oshmasligi lozim.

26. Davlat tibbiy sugʻurta jamgʻarmasining talabnomasiga muvofiq tuman (shahar) hokimligi tomonidan “Yoshlar daftari” jamgʻarmasi hisobidan uch ish kuni ichida tegishli xarajatlarni moliyalashtirish uchun mablagʻlar Davlat tibbiy sugʻurta jamgʻarmasiga oʻtkaziladi.

Davlat tibbiy sugʻurta jamgʻarmasi ijro etuvchi apparati tomonidan tegishli mablagʻlar tibbiyot tashkilotiga oʻtkazib beriladi.

Davlat tibbiy sugʻurta jamgʻarmasi ijro etuvchi apparati tomonidan “Yoshlar daftari” jamgʻarmasi hisobidan tibbiyot tashkilotlariga oʻtkazilgan mablagʻlar boʻyicha alohida hisob-kitob yuritiladi.

27. Yordam koʻrsatiladigan shaxsni jarrohlik amaliyotisiz davolash yoki jarrohlik amaliyotini oʻtkazish Davlat tibbiy sugʻurta jamgʻarmasi tomonidan qonunchilik hujjatlarida belgilangan tartibda tanlangan hamda shartnoma tuzilgan tibbiyot tashkiloti tomonidan amalga oshiriladi.

Bunda ariza beruvchiga ushbu paragrafda belgilangan yordam bir yilda bir marta ajratiladi.

5-§. Avtomototransport vositalari haydovchilarini tayyorlash oʻquv kursi xarajatlarini qoplab berish uchun subsidiya ajratish tartibi

28. Ijtimoiy reyestrga kiritilgan oilalarning 16 — 30 yoshdagi (31 yoshga toʻlmagan) aʼzosi boʻlgan ariza beruvchi “Yoshlar daftari” jamgʻarmasi hisobidan “A”, “B”, “D” va “DE” toifalaridan biri boʻyicha avtomototransport vositalari haydovchilarini tayyorlash oʻquv kursi xarajatlari uchun BHMning 8 baravarigacha miqdorda subsidiya ajratishni soʻrab, mazkur Reglamentning 4-bandida belgilangan tartibda, ushbu Reglamentga 6-ilovadagi ariza shaklini toʻldirib murojaat qiladi.

29. Ariza beruvchining murojaati mazkur Reglamentning 4 — 9-bandlarida va unga 2-ilovada keltirilgan sxemaga muvofiq belgilangan tartibda koʻrib chiqiladi.

“Mahalla yettiligi” tomonidan ariza beruvchiga avtomototransport vositalari haydovchilarini tayyorlash oʻquv kursi xarajatlarini qoplash uchun subsidiya ajratish haqida qaror qabul qilinganda, “Yoshlar daftari” jamgʻarmasi hisobidan yetti ish kuni ichida tegishli yordamning 50 foiz qismi shartnomaga asosan taʼlim tashkilotining bank hisobvaragʻiga oʻtkazib beriladi.

Bunda ijtimoiy yordamning qolgan 50 foiz qismi ariza beruvchi tomonidan mazkur ijtimoiy yordam uchun ariza berilgan kundan boshlab bir yil muddatda milliy haydovchilik guvohnomasi olingan taqdirda, ariza beruvchining ijtimoiy kartasiga oʻtkazib beriladi.

30. Ushbu paragrafda nazarda tutilgan subsidiya ayni bir yoshga faqat bir marta taqdim etiladi, ular bilan tuziladigan ijtimoiy shartnomada ariza beruvchining zimmasiga quyidagi majburiyatlar yuklanadi:

volontyorlik loyihalarida ishtirok etish;

6 oy davomida “Mutolaa” loyihasi doirasida har oyda bitta kitob mutolaa qilish;

haydovchilik guvohnomasini olgandan soʻng bir oy ichida rasmiy band sifatida ish (oʻqish) faoliyatini boshlash (rasmiy sektorda band boʻlmaganlar uchun).

6-§. Kasbiy taʼlim va oliy taʼlim tashkilotlari oʻquvchi-talabalarining toʻlov-kontrakt summasini toʻlab berish tartibi

31. Oʻzbekiston Respublikasida “Kasbiy taʼlim jarayonlarini boshqarish” axborot tizimidan (P-Emis) foydalanadigan kasbiy taʼlim tashkilotlarida kunduzgi taʼlim shaklida tahsil olayotgan, shuningdek, oliy taʼlim jarayonlarini boshqarish axborot tizimidan (NEMIS) foydalanadigan davlat va nodavlat oliy taʼlim tashkilotlarida, Oʻzbekiston Respublikasi hududidagi xorijiy oliy taʼlim tashkilotlari va xorijiy oliy taʼlim tashkilotlarining filiallarida bakalavriat va magistraturaning kunduzgi taʼlim shaklida toʻlov-kontrakt asosida tahsil olayotgan, Ijtimoiy reyestrga kiritilgan oilaning 14 — 30 yoshdagi (31 yoshga toʻlmagan) aʼzosi boʻlgan ariza beruvchi toʻlov-kontrakt summasining bir qismini “Yoshlar daftari” jamgʻarmasi hisobidan qoplab berishni soʻrab mazkur Reglamentning 4-bandida belgilangan tartibda, ushbu Reglamentga 7-ilovadagi ariza shaklini toʻldirib murojaat qiladi (ikkinchi va undan keyingi mutaxassislik, masofaviy, sirtqi va kechki taʼlim shaklida, qoʻshma taʼlim dasturlari boʻyicha, tabaqalashtirilgan toʻlov-kontrakt asosida taʼlim olayotganlar bundan mustasno).

Bunda ariza beruvchining toʻlov-kontrakt summasining 50 foizigacha, biroq BHMning 50 baravaridan koʻp boʻlmagan miqdorda qoplab berilishi mumkin.

32. Ariza beruvchining murojaati mazkur Reglamentning 4 — 9-bandlarida va unga 2-ilovada keltirilgan sxemaga muvofiq belgilangan tartibda koʻrib chiqiladi.

“Mahalla yettiligi” tomonidan ariza beruvchining toʻlov-kontrakt summasining bir qismini qoplab berish uchun subsidiya ajratish haqida qaror qabul qilinganda kontrakt toʻlovi ariza beruvchi tomonidan u bilan tuzilgan ijtimoiy shartnoma shartlarini dastlabki oyda bajarish darajasiga mutanosib miqdorda taʼlim tashkilotining bank hisobvaragʻiga oʻtkazib beriladi.

Toʻlov-kontrakt summasining bir qismini qoplab berish uchun subsidiya ajratilishi munosabati bilan ariza beruvchi bilan tuziladigan ijtimoiy shartnomada ariza beruvchining zimmasiga quyidagi majburiyatlar yuklanadi:

yordam ajratilgan davrdagi oʻquv semestrida oʻrtacha oʻzlashtirish koʻrsatkichi eng kamida 4 baho boʻlishi;

volontyorlik loyihalarida ishtirok etish;

6 oy davomida “Mutolaa” loyihasi doirasida har oyda bitta kitob mutolaa qilish;

6 oy davomida “Ibrat farzandlari” loyihasi doirasida xorijiy tillarni oʻzlashtirish boʻyicha kamida B1 darajaga erishish.

33. Mazkur ijtimoiy yordamni ajratish uchun murojaat yilning iyul — sentabr oylaridan boshqa paytlarda, yil davomida qabul qilinadi.

7-§. Ijtimoiy himoyaga muhtoj yosh oilalarga turar joy ijarasi uchun kompensatsiya toʻlash tartibi

34. Ijtimoiy reyestrga kiritilgan yosh oilaning aʼzosi boʻlgan ariza beruvchi (er yoki xotin) turar joy ijarasi xarajatlarini “Yoshlar daftari” jamgʻarmasi hisobidan qoplab berishni soʻrab ushbu Reglamentning 4-bandida belgilangan tartibda, mazkur Reglamentga 8-ilovadagi ariza shaklini toʻldirib murojaat qiladi.

Bunda:

ijara xarajatlari uchun 12 oygacha har oyda ijara toʻlovlarining 50 foizigacha, biroq BHMning 2 baravaridan (Toshkent va Nukus shahri hamda viloyatlar markazlaridagi turar joy ijarasi uchun BHMning 3 baravaridan) koʻp boʻlmagan miqdorda mablagʻ ajratiladi;

ijaraga beruvchi va ijaraga oluvchi (ariza beruvchi) oʻzaro yaqin qarindosh boʻlgan hollarda ushbu paragrafda nazarda tutilgan kompensatsiyani ajratish avtomatik tarzda rad etiladi.

35. Ariza beruvchining murojaati ushbu Reglamentning 4 — 9-bandlarida va unga 2-ilovada keltirilgan sxemaga muvofiq belgilangan tartibda koʻrib chiqiladi.

“Mahalla yettiligi” tomonidan ariza beruvchiga turar joy ijarasi xarajatlarini qoplash uchun kompensatsiya toʻlash haqida qaror qabul qilinganda, “Yoshlar daftari” jamgʻarmasi hisobidan har oylik ijara toʻlovi keyingi oyning 5-sanasiga qadar (ijtimoiy shartnoma shartlarining avvalgi oydagi bajarilish darajasiga mos holda) ariza beruvchining ijtimoiy kartasiga oʻtkazib beriladi.

Turar joy ijarasi xarajatlari kompensatsiya qilinishi munosabati bilan ariza beruvchi bilan tuziladigan ijtimoiy shartnomada ariza beruvchi zimmasiga quyidagi majburiyatlar yuklanadi:

volontyorlik loyihalarida ishtirok etish;

12 oy davomida “Mutolaa” loyihasi doirasida har oyda bitta kitob mutolaa qilish;

“Besh tashabbus olimpiadasi” doirasidagi tanlov va musobaqalarning kamida bittasida ishtirok etish.

36. Mahalladagi yoshlar yetakchisi ijaraga oluvchi haqiqatda ijaraga olingan turar joyda yashayotganini har oyda kamida bir marta monitoring qiladi.

Oʻrganish jarayonida ijaraga oluvchi ijaraga olingan turar joyda yashamayotganligi aniqlangan taqdirda, mahalladagi yoshlar yetakchisi tasdiqlovchi maʼlumotlar va hujjatlarni “mahalla yettiligi”ga kiritadi va “mahalla yettiligi”ning qaroriga asosan ijara toʻlovi uchun subsidiya ajratish toʻxtatiladi.

8-§. Yoshlarni tadbirkorlik, anʼanaviy va zamonaviy kasblar, axborot texnologiyalari va xorijiy tillarga oʻqitish xarajatlarini qoplab berish tartibi

37. Ijtimoiy reyestrga kiritilgan oilalarning 14 — 30 yoshdagi (31 yoshga toʻlmagan) aʼzosi boʻlgan ariza beruvchi 6 oygacha tadbirkorlikni, anʼanaviy va zamonaviy kasblarni, axborot texnologiyalarni va xorijiy tillarni oʻrganish boʻyicha oʻquv kurslarida oʻqish xarajatlarini “Yoshlar daftari” jamgʻarmasi hisobidan qoplab berishni soʻrab mazkur Reglamentning 4-bandida belgilangan tartibda, ushbu Reglamentga 9-ilovadagi ariza shaklini toʻldirib murojaat qiladi.

Bunda oʻqish xarajatlari uchun 6 oygacha har oyda BHMning 4 baravarigacha miqdorda mablagʻ ajratiladi.

38. Ariza beruvchining murojaati mazkur Reglamentning 4 — 9-bandlarida va unga 2-ilovada keltirilgan sxemaga muvofiq belgilangan tartibda koʻrib chiqiladi. Bunda:

Vazirlar Mahkamasining 2025-yil 8-oktabrdagi 632-son qarori bilan tasdiqlangan Yoshlarning oʻquv markazlarida xorijiy tillarni oʻqish xarajatlari bir qismi uchun subsidiya ajratish tartibi toʻgʻrisida nizomga muvofiq ariza beruvchiga ilgari “2+6” dasturi doirasida xorijiy tilni oʻrganish uchun Yoshlarga oid davlat siyosatini qoʻllab-quvvatlash jamgʻarmasi hisobidan subsidiya ajratilgan boʻlsa, ushbu ariza beruvchining aynan oʻsha xorijiy tilni oʻrganish boʻyicha “Yoshlar daftari” jamgʻarmasi hisobidan mablagʻ ajratish haqidagi murojaatini qanoatlantirish rad etiladi;

ushbu subsidiya Yoshlar yagona elektron platformasidan roʻyxatdan oʻtgan oʻquv markazlariga “Yoshlar daftari”ga kiritilgan yoshning tadbirkorlik, anʼanaviy va zamonaviy kasblar, axborot texnologiyalari va xorijiy tillar boʻyicha oʻqish xarajati uchun oʻtkazib beriladi.

Quyidagi talablar bajarilganda, taʼlim tashkiloti Yoshlar yagona elektron platformasidan roʻyxatdan oʻtkaziladi:

a) taʼlim xizmatlarini koʻrsatish faoliyati boʻyicha litsenziya yoki xabarnoma qabul qilingani toʻgʻrisidagi tasdiqnoma, YTTlar uchun faoliyat turi boʻyicha tegishli tartibda roʻyxatdan oʻtganligi boʻyicha maʼlumot Yoshlar yagona elektron platformasi orqali avtomatik tarzda aniqlanadi:

b) Yoshlar yagona elektron platformasi orqali quyidagi hujjatlar (pdf formatda) taqdim etiladi:

taʼlim xizmatlarini koʻrsatish uchun mulk huquqi yoki ijara huquqi asosida faoliyat yuritishini tasdiqlovchi hujjatlar;

tadbirkorlik, anʼanaviy va zamonaviy kasblar, axborot texnologiyalarini va xorijiy tillarni oʻrgatuvchi oʻqituvchilarning diplomi yoki malakasini tasdiqlovchi hujjat va JSHSHIR maʼlumoti. Bunda xorijiy tilni oʻrgatuvchi oʻqituvchilarning til bilish darajasi boʻyicha kamida B2 darajadagi yoki unga tenglashtirilgan darajadagi milliy yoxud xalqaro sertifikati taqdim etiladi;

v) taʼlim tashkiloti ariza beruvchilarning oʻquv mashgʻulotlarida qatnashganini kunlik elektron nazorat qilish imkonini beruvchi biometrik identifikatsiya tizimiga (Face ID) ega boʻlishi va ushbu tizimini Yoshlar yagona elektron platformasiga integratsiya qilishi talab etiladi.

39. “Mahalla yettiligi” tomonidan ariza beruvchiga tadbirkorlikni, anʼanaviy va zamonaviy kasblarni, axborot texnologiyalarini va xorijiy tillarni oʻrganish xarajatlari uchun subsidiya ajratish haqida qaror qabul qilinganda “Yoshlar daftari” jamgʻarmasi hisobidan har oylik toʻlovlar keyingi oyning 5-sanasiga qadar (ariza beruvchining ijtimoiy shartnoma shartlarini avvalgi oydagi bajarish darajasi hamda davomati holatiga mos holda) ariza beruvchi va oʻquv markazi oʻrtasidagi shartnomaga asosan oʻquv markazining bank hisobvaragʻiga oʻtkazib beriladi.

Ushbu paragrafda nazarda tutilgan subsidiya ajratilishi munosabati bilan ariza beruvchi bilan tuziladigan ijtimoiy shartnomada ariza beruvchining zimmasiga quyidagi majburiyatlar yuklanadi:

volontyorlik loyihalarida ishtirok etish;

6 oy davomida “Mutolaa” loyihasi doirasida har oyda bitta kitob mutolaa qilish;

6 oy davomida “Ibrat farzandlari” loyihasi doirasida xorijiy tillarni oʻzlashtirish boʻyicha kamida B1 darajaga erishish.

9-§. Ijtimoiy himoyaga muhtoj iqtidorli yoshlarga ilm-fan, sport, sanʼat va madaniyat yoʻnalishlaridagi oʻquv kurslari uchun subsidiya ajratish tartibi

40. Ijtimoiy reyestrga kiritilgan oilalarning 14 — 30 yoshdagi (31 yoshga toʻlmagan) aʼzosi boʻlgan ariza beruvchi ilm-fan, sport, sanʼat va madaniyat yoʻnalishlaridagi muddatli oʻquv kurslari xarajatlarini “Yoshlar daftari” jamgʻarmasi hisobidan qoplab berishni soʻrab mazkur Reglamentning 4-bandida belgilangan tartibda, ushbu Reglamentga 10-ilovadagi ariza shaklini toʻldirib murojaat qiladi.

Bunda oʻqish xarajatlari uchun 6 oygacha har oyda BHMning 1 baravarigacha miqdorda mablagʻ ajratiladi.

Ushbu subsidiya Yoshlar yagona elektron platformasidan roʻyxatdan oʻtgan taʼlim tashkilotlariga “Yoshlar daftari”ga kiritilgan yoshning ilm-fan, sport, sanʼat va madaniyat yoʻnalishlaridagi muddatli oʻquv kurslarida oʻqish xarajati uchun oʻtkazib beriladi.

Quyidagi talablar bajarilganda taʼlim tashkiloti Yoshlar yagona elektron platformasidan roʻyxatdan oʻtkaziladi:

b) Yoshlar yagona elektron platformasi orqali quyidagi hujjatlar (pdf formatda) taqdim etiladi:

taʼlim xizmatlarini koʻrsatish uchun mulk huquqi yoki ijara huquqi asosida faoliyat yuritishini tasdiqlovchi hujjatlar;

ilm-fan, sport, sanʼat va madaniyat yoʻnalishlari boʻyicha taʼlim beruvchi oʻqituvchilarning diplomi yoki malakasini tasdiqlovchi hujjat va JSHSHIR maʼlumoti;

41. Ariza beruvchining murojaati mazkur Reglamentning 4 — 9-bandlarida va unga 2-ilovada keltirilgan sxemaga muvofiq belgilangan tartibda koʻrib chiqiladi.

42. “Mahalla yettiligi” tomonidan ariza beruvchiga ilm-fan, sport, sanʼat va madaniyat yoʻnalishlaridagi oʻquv kurslarida oʻqish xarajatlari uchun subsidiya ajratish haqida qaror qabul qilinganda “Yoshlar daftari” jamgʻarmasi hisobidan har oylik toʻlovlar keyingi oyning 5-sanasiga qadar (ariza beruvchining ijtimoiy shartnoma shartlarini avvalgi oydagi bajarish darajasi hamda davomati holatiga mos holda) shartnomaga asosan taʼlim tashkilotining bank hisobvaragʻiga oʻtkazib beriladi.

Ilm-fan, sport, sanʼat va madaniyat yoʻnalishlaridagi oʻquv kurslarida oʻqish xarajatlari uchun subsidiya ajratilishi munosabati bilan ariza beruvchi bilan tuziladigan ijtimoiy shartnomada ariza beruvchining zimmasiga quyidagi majburiyatlar yuklanadi:

volontyorlik loyihalarida ishtirok etish;

6 oy davomida “Mutolaa” loyihasi doirasida har oyda bitta kitob mutolaa qilish;

“Besh tashabbus olimpiadasi” doirasidagi tanlov va musobaqalarning kamida bittasida ishtirok etish.

10-§. Yoshlarning ilm-fan, sport, sanʼat va madaniyat yoʻnalishlaridagi olimpiada, tanlov va musobaqalarda qatnashish xarajatlari uchun subsidiya berish tartibi

43. Ijtimoiy reyestrga kiritilgan oilalarning 14 — 30 yoshdagi (31 yoshga toʻlmagan) aʼzosi boʻlgan ariza beruvchi ilm-fan, sport, sanʼat va madaniyat yoʻnalishlaridagi olimpiada, tanlov va musobaqalarning mahalliy bosqichlarida qatnashish bilan bogʻliq yashash va transport xarajatlari uchun BHMning 4 baravarigacha hamda ushbu olimpiada, tanlov va musobaqalarning xalqaro bosqichlarida qatnashish bilan bogʻliq yashash va transport xarajatlari uchun BHMning 40 baravarigacha miqdorda “Yoshlar daftari” jamgʻarmasi hisobidan subsidiya ajratishni soʻrab mazkur Reglamentning 4-bandida belgilangan tartibda, ushbu Reglamentga 11-ilovadagi ariza shaklini toʻldirib murojaat qiladi.

44. Ariza beruvchining murojaati mazkur Reglamentning 4 — 9-bandlarida va unga 2-ilovada keltirilgan sxemaga muvofiq belgilangan tartibda koʻrib chiqiladi.

“Mahalla yettiligi” tomonidan ariza beruvchiga olimpiada, tanlov va musobaqalarda qatnashish xarajatlari uchun subsidiya ajratish haqida qaror qabul qilinganda, “Yoshlar daftari” jamgʻarmasi hisobidan qarorda belgilangan mablagʻlar ariza beruvchining ijtimoiy kartasiga oʻtkazib beriladi.

Olimpiada, tanlov va musobaqalarda qatnashish xarajatlari uchun subsidiya ajratilishi munosabati bilan ariza beruvchi bilan tuziladigan ijtimoiy shartnomada ariza beruvchining zimmasiga quyidagi majburiyatlar yuklanadi:

volontyorlik loyihalarida ishtirok etish;

6 oy davomida “Mutolaa” loyihasi doirasida har oyda bitta kitob mutolaa qilish;

“Besh tashabbus olimpiadasi” doirasidagi tanlov va musobaqalarning kamida bittasida ishtirok etish.

Ushbu paragrafda nazarda tutilgan yordam turi ayni bir ariza beruvchiga bir yilda bir marta beriladi.

11-§. Yoshlarga taʼlim, xorijiy tillar, madaniyat va sanʼat, sport, axborot texnologiyalari sohasiga va fanlarni oʻqitishga ixtisoslashgan nodavlat taʼlim tashkilotining noturar joy ijarasi yoki zarur jihozlar bilan taʼminlash xarajatlarini qoplab berish tartibi

45. Yoshlarga taʼlim, xorijiy tillar, madaniyat va sanʼat, sport, axborot texnologiyalari sohasiga va fanlarni oʻqitishga ixtisoslashgan chekka va olis hududlardagi qishloq joylarda tashkil etilgan nodavlat taʼlim tashkilotining rahbari oʻz faoliyatini amalga oshirish uchun noturar joy ijarasi yoki zarur jihozlar bilan taʼminlash xarajatlarini “Yoshlar daftari” jamgʻarmasi hisobidan qoplab berishni soʻrab mazkur Reglamentning 4-bandida belgilangan tartibda, ushbu Reglamentga 12-ilovadagi ariza shaklini toʻldirib murojaat qiladi. Bunda:

ariza beruvchi rahbarlik qilayotgan nodavlat taʼlim tashkiloti Vazirlar Mahkamasining 2025-yil 10-iyuldagi 426-son qarori bilan tasdiqlangan Yoshlar ishlari agentligi huzuridagi Yoshlar tadbirkorligini rivojlantirish davlat maqsadli jamgʻarmasi mablagʻlari hisobidan biznes loyihalarni moliyalashtirish tartibi toʻgʻrisidagi nizomga 3-ilovada (Yoshlar ishlari agentligi direktori tomonidan ushbu ilovaga kiritilgan qoʻshimchalar inobatga olingan holda) keltirilgan olis va chekka hududlarda faoliyat olib borayotgan boʻlishi;

nodavlat taʼlim tashkilotida oʻqiyotgan jami oʻquvchilarining kamida 20 foizini Ijtimoiy reyestrga kiritilgan oilalarning farzandlari tashkil etishi;

ijaraga beruvchi va ijaraga oluvchi (ariza beruvchi) oʻzaro yaqin qarindosh boʻlmasligi talab etiladi.

Ushbu paragrafda nazarda tutilgan yordam turi ayni bir ariza beruvchiga bir marta BHMning 50 baravarigacha miqdorda ajratiladi.

46. Ariza beruvchining murojaati mazkur Reglamentning 4 — 9-bandlarida va unga 2-ilovada keltirilgan sxemaga muvofiq belgilangan tartibda koʻrib chiqiladi.

“Mahalla yettiligi” tomonidan ariza beruvchiga nodavlat taʼlim tashkilotining noturar joy ijarasi yoki zarur jihozlar bilan taʼminlash xarajatlari uchun subsidiya ajratish boʻyicha qaror qabul qilinganda, belgilangan mablagʻ yetti ish kuni ichida shartnomaga asosan ijaraga beruvchi jismoniy shaxsning bank plastik kartasiga yoki ijaraga beruvchi yuridik shaxsning bank hisobvaragʻiga, jihozlash xarajatlari uchun ariza beruvchining bank hisobvaragʻiga oʻtkazib beriladi.

Ushbu paragrafda nazarda tutilgan yordam turi ajratilishi munosabati bilan ariza beruvchi bilan tuziladigan ijtimoiy shartnomada ariza beruvchining zimmasiga 6 oy davomida “Mutolaa” loyihasi doirasida har oyda bitta kitob mutolaa qilish majburiyati yuklanadi.

12-§ Yoshlarning safarbarlik chaqiruvi rezervidagi xizmatni bepul oʻtashi uchun yoshlar yetakchisi tomonidan tavsiya berish tartibi

47. Ijtimoiy reyestrga kiritilgan oilalarning oʻn sakkiz yoshdan yigirma yetti yoshgacha boʻlgan, salomatligiga koʻra Qurolli Kuchlar safida harbiy xizmatni oʻtashga yaroqli erkak aʼzosi safarbarlik chaqiruvi rezervidagi xizmatni bepul oʻtashi uchun tavsiyanoma (keyingi oʻrinlarda — tavsiyanoma) berishni soʻrab ushbu Reglamentning 4-bandida belgilangan tartibda, mazkur Reglamentga 13-ilovadagi ariza shaklini toʻldirib murojaat qiladi.

Bunda ariza beruvchi murojaatiga tuman (shahar) mudofaa ishlari boʻlimi huzurida tuzilgan hududiy tibbiy komissiya tomonidan berilgan harbiy xizmatga yaroqlilik boʻyicha xulosani ilova qilishi lozim.

Ariza beruvchining murojaati mazkur Reglamentga 13a-ilovadagi sxemada belgilangan tartibda koʻrib chiqiladi.

48. Ariza beruvchining oilasi Ijtimoiy reyestrda mavjud ekanligi tasdiqlanib, uning murojaati YIDXP orqali yuborilganda mahalladagi yoshlar yetakchisi uch ish kunida safarbarlik chaqiruvi rezervidagi xizmatni bepul oʻtash uchun tavsiyanomani Yoshlar yagona elektron platformasi orqali shakllantiradi va tavsiyanomani ariza beruvchining YIDXPdagi shaxsiy kabinetiga yuboradi.

Bunda tavsiyanoma berilgan ariza beruvchi Mudofaa vazirligi tomonidan safarbarlik chaqiruvi rezervidagi xizmatni bepul oʻtash uchun belgilangan tartibda yuboriladi.

49. Tavsiyanoma ayni bir yoshga faqat bir marta beriladi va ushbu ariza beruvchi bilan tuziladigan ijtimoiy shartnomada ariza beruvchining zimmasiga quyidagi majburiyatlar yuklanadi:

volontyorlik loyihalarida ishtirok etish;

6 oy davomida “Mutolaa” loyihasi doirasida har oyda bitta kitob mutolaa qilish;

6 oy davomida “Ibrat farzandlari” loyihasi doirasida xorijiy tillarni oʻzlashtirish boʻyicha kamida B1 darajaga erishish;

safarbarlik chaqiruvi rezervidagi xizmatni oʻtaganidan soʻng bir oy ichida rasmiy sektorda ish (oʻqish) faoliyatini boshlash (rasmiy sektorda band boʻlmaganlar uchun).

Ariza beruvchi safarbarlik chaqiruvi rezervidagi xizmatni oʻtab qaytgan kundan boshlab uch ish kuni ichida tuman (shahar) mudofaa ishlari boʻlimi tuman (shahar) yoshlar ishlari boʻlimini rasmiy xat orqali xabardor qiladi.

Ariza beruvchi safarbarlik chaqiruvi rezervidagi xizmatni oʻtab qaytgan sanadan boshlab uch ish kunidan soʻng ariza beruvchining ijtimoiy shartnomada belgilangan majburiyatlarni bajarish muddati boshlanadi.

13-§. Yoshlarning intellektual salohiyatini yuksaltirish, ularning boʻsh vaqtini mazmunli tashkil etish va huquqiy savodxonligini oshirish, shuningdek, besh muhim tashabbus doirasidagi tadbirlarni moliyalashtirish

50. Yoshlarning intellektual salohiyatini yuksaltirish, ularning boʻsh vaqtini mazmunli tashkil etish va huquqiy savodxonligini oshirish, shuningdek, besh muhim tashabbus doirasida kalendar-rejaga kiritilgan tadbir hamda loyihalarni tashkil etish va oʻtkazishda:

a) mahalla darajasidagi tadbirlarni tashkil qilish uchun “mahalla yettiligi”ning qaroriga asosan;

b) tuman (shahar) darajasidagi tadbirlarni tashkil etish uchun xalq deputatlari tuman (shahar) Kengashining qaroriga asosan;

v) hududiy darajadagi tadbirlarni tashkil etish uchun hududiy Vasiylik kengashining qaroriga asosan tegishli “Yoshlar daftari” jamgʻarmasi hisobidan mablagʻ ajratiladi.

Bunda har bir mahalla darajasidagi tadbirlarga bir kalendar oy uchun — BHMning 20 baravarigacha mablagʻ ajratiladi.

Ushbu bandda nazarda tutilgan tadbirlarni moliyalashtirishga moliya yili davomida “Yoshlar daftari” jamgʻarmasi tushumlarining 25 foizidan koʻp boʻlmagan qismini yoʻnaltirishga ruxsat etiladi.

51. Ushbu paragrafda nazarda tutilgan mahalla darajasida oʻtkaziladigan tadbirlarni amalga oshirish uchun mahalladagi yoshlar yetakchisi tuman (shahar) yoshlar ishlari boʻlimi boshligʻiga asoslangan hisob-kitoblar bilan talabnoma kiritadi.

Talabnoma kalendar-rejaga muvofiq boʻlgan taqdirda, tuman (shahar) yoshlar ishlari boʻlimi boshligʻi tegishli “mahalla yettiligi”ga talabnomani koʻrib chiqish haqida soʻrov yuboradi.

“Mahalla yettiligi” tegishli mablagʻlarni ajratish boʻyicha besh ish kuni ichida oddiy koʻpchilik ovoz bilan qaror qabul qiladi.

Ushbu qaror asosida tuman (shahar) hokimligi buxgalteriyasi tadbir tashkil etish uchun xarajatlarni qonunchilik hujjatlarida belgilangan tartibda “Yoshlar daftari” jamgʻarmasi hisobidan amalga oshiradi.

52. Tuman (shahar) yoshlar ishlari boʻlimi boshligʻi ushbu paragrafda nazarda tutilgan tuman (shahar) darajasida oʻtkaziladigan tadbirlarni amalga oshirish uchun mablagʻ ajratish boʻyicha qaror qabul qilishni soʻrab tegishli hisob-kitoblar hamda zaruriy hujjatlarni xalq deputatlari tuman (shahar) Kengashiga taqdim qiladi.

Xalq deputatlari tuman (shahar) Kengashining qarori asosida tuman (shahar) hokimligi buxgalteriyasi tadbir tashkil etish uchun xarajatlarni qonunchilik hujjatlarida belgilangan tartibda “Yoshlar daftari” jamgʻarmasi hisobidan amalga oshiradi.

53. Ushbu paragrafda nazarda tutilgan hududiy darajada oʻtkaziladigan tadbirlarni amalga oshirish uchun Qoraqalpogʻiston Respublikasi, viloyatlar va Toshkent shahar yoshlar ishlari boshqarmasi boshliqlari hudud darajasida tadbir tashkil etish uchun mablagʻ ajratish boʻyicha qaror qabul qilishni soʻrab tegishli hisob-kitoblar hamda zaruriy hujjatlarni tegishliligi boʻyicha hududiy “Yoshlar daftari”ning Vasiylik kengashlariga taqdim qiladi.

Vasiylik kengashi qarori asosida Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari buxgalteriyasi tadbirni tashkil etish uchun xarajatlarni qonunchilik hujjatlarida belgilangan tartibda hududiy “Yoshlar daftari” jamgʻarmasi hisobidan amalga oshiradi.

Kalendar-rejada aks etmagan, biroq hududning oʻziga xosligidan kelib chiqib, mahalla, tuman (shahar) bosqichlarini oʻzida aks ettirgan tadbirlarni moliyalashtirish Qoraqalpogʻiston Respublikasi, viloyatlar va Toshkent shahar yoshlar ishlari boshqarmasi bilan kelishilgandan soʻng tuman (shahar) va hududiy “Yoshlar daftari” jamgʻarmasi hisobidan amalga oshirilishi mumkin.

54. Mahalladagi yoshlar yetakchisi tovar-moddiy boyliklarni yoshlarga tarqatish, topshirish — qabul qilish dalolatnomalarini rasmiylashtiradi va tuman (shahar) yoshlar ishlari boʻlimiga topshiradi.

Tuman (shahar) yoshlar ishlari boʻlimlari, shuningdek, Qoraqalpogʻiston Respublikasi, viloyatlar va Toshkent shahar yoshlar ishlari boshqarmalari mahalla, tuman (shahar), hududiy darajada oʻtkazilgan tadbirlar boʻyicha tegishligiga koʻra xalq deputatlari tuman (shahar) Kengashiga, shuningdek, Qoraqalpogʻiston Respublikasi Joʻqorgʻi Kengesi, viloyatlar va Toshkent shahar xalq deputatlari Kengashlariga hisobot taqdim etadi.

4-bob. “Yoshlar daftari” jamgʻarmasidan yordam ajratish tartibi

55. Ariza beruvchiga ijtimoiy yordam ajratish haqida qabul qilingan qarorlarga asosan ushbu qarorlar qabul qilingan sanalar ketma-ketligidan kelib chiqib, ushbu Reglamentda belgilangan muddatlarda “Yoshlar daftari” jamgʻarmalari hisobidan ariza beruvchilarga ijtimoiy yordam turlari ajratiladi.

Bunda “mahalla yettiligi”ning navbatdagi yigʻilishida ariza beruvchiga ijtimoiy yordam ajratilganligi toʻgʻrisidagi sertifikat tantanali ravishda topshiriladi.

56. Tuman (shahar) “Yoshlar daftari” jamgʻarmasidan mahallaga taqsimlangan mablagʻlar ariza beruvchiga yordam koʻrsatish uchun yetarli boʻlmaganda, “mahalla yettiligi” ijtimoiy yordam ajratishni yetarli mablagʻ shakllanguniga qadar kechiktirish boʻyicha qaror qabul qiladi. Bunda “Yoshlar daftari” jamgʻarmasida ushbu ariza beruvchiga yordam koʻrsatish uchun yetarli mablagʻ shakllanganida, ushbu qaror asosida ijtimoiy yordam ajratilishi taʼminlanadi.

57. Ariza beruvchiga uning arizasi maʼqullangan sanadan boshlab 30 kalendar kun mobaynida “Yoshlar daftari” jamgʻarmasida mablagʻ yetarli emasligi sababli tegishli yordam koʻrsatilmasa, tuman (shahar) hokimining yoki hududiy yoshlar ishlari boshqarmasining talabnomasiga asosan Qoraqalpogʻiston Respublikasi Joʻqorgʻi Kengesi, viloyatlar va Toshkent shahar xalq deputatlari Kengashlarining qaroriga asosan Qoraqalpogʻiston Respublikasi respublika budjeti, viloyatlar viloyat budjeti va Toshkent shahrining shahar budjetida shakllangan qoʻshimcha manbalar va qonunchilik hujjatlarida taqiqlanmagan boshqa manbalar hisobidan ushbu ariza beruvchiga tegishli ijtimoiy yordam koʻrsatish uchun tuman (shahar) “Yoshlar daftari” jamgʻarmasiga mablagʻ ajratiladi.

5-bob. Ijtimoiy shartnoma shartlarining ariza beruvchilar tomonidan bajarilishini monitoring qilish tartibi

1-§ Ijtimoiy shartnomani tuzish va uning shartlari bajarilishini baholash tartibi

58. Ijtimoiy shartnoma tegishli mahalladagi yoshlar yetakchisi hamda ariza beruvchi (oʻn olti yoshgacha boʻlganlar uchun ularning nomidan ota-onasi yoki ota-onaning oʻrnini bosuvchi shaxslar) oʻrtasida Yoshlar yagona elektron platformasida tuziladi.

Bunda ariza beruvchi “Yoshlar daftari” jamgʻarmasidan yordam olish uchun ariza yuborish vaqtida ommaviy ofertaga rozilik bildirish orqali yoshlar yetakchisi esa “mahalla yettiligi” tomonidan qaror qabul qilish uchun murojaatni yuborish vaqtida ijtimoiy shartnomani imzolaydi.

59. Ijtimoiy shartnoma shartlarining bajarilishi Yoshlar yagona elektron platformasi orqali avtomatik tarzda monitoring qilinadi.

Monitoring jarayonida ijtimoiy shartnomada belgilangan har bir shartning bajarilishi har oyda 100 balli tizimda baholanadi, barcha shartlar boʻyicha yigʻilgan ballarining umumiy yigʻindisini shartlarning soniga boʻlgan holda oʻrtacha koʻrsatkich aniqlanadi.

Bunda oʻrtacha koʻrsatkich:

0 ball boʻlsa — “bajarilmagan”

1 — 60 ball boʻlsa — “lozim darajada bajarilmagan”;

61 — 70 ball boʻlsa — “qoniqarli”;

71 — 85 ball boʻlsa — “yaxshi”;

86 — 100 ball boʻlsa — “aʼlo” deb baholanadi.

Yoshlar yetakchisi, zaruratga koʻra, ijtimoiy shartnoma shartlarining bajarilishini joyiga chiqqan holda nazorat qilish huquqiga ega.

2-§ Ijtimoiy shartnomaning shartlarini bajarishda yuqori natijalarga erishgan yoshlarni ragʻbatlantirish tartibi

60. Olti oy davomida ijtimoiy shartnoma shartlarini muntazam har oylik bajarish koʻrsatkichlari “aʼlo” boʻlgan yoshlar “Yoshlar daftari” jamgʻarmasidan yordam olish maqsadida murojaat qilganida, ijtimoiy yordamlarni soʻrab murojaat qilgan vaqtidan qatʼi nazar, ularning murojaati imtiyozli ravishda navbatdan tashqari mazkur Reglamentda belgilangan tartibda koʻrib chiqiladi va ijobiy qaror qabul qilingan taqdirda tegishli ijtimoiy yordam ajratilishi taʼminlanadi hamda ushbu yoshlar ularning tashabbuskorligi va faolligini ragʻbatlantirishga qaratilgan mukofotlarga tavsiya etiladi.

61. Kamida olti oy davomida har oy muntazam ijtimoiy shartnoma shartlarini “aʼlo” darajada bajargan, ushbu oylardagi koʻrsatkichlarining umumiy yigʻindisini tegishli oylar soniga boʻlganda oʻrtacha oylik koʻrsatkichlari eng yuqori boʻlgan 1 000 nafargacha yoshlar har yili dekabr oyida Yoshlarga oid davlat siyosatini qoʻllab-quvvatlash jamgʻarmasi hisobidan BHMning 3 baravari miqdorida pul mukofoti bilan taqdirlanadi.

Bunda 1 000-natijani qayd etgan koʻrsatkich bilan bir xil koʻrsatkich qayd etgan yoshlarga ham ushbu bandda belgilangan pul mukofoti beriladi.

3-§ Ijtimoiy shartnoma shartlari bajarilmaganda yoki lozim darajada bajarilmaganda choralarni qoʻllash tartibi

62. Mazkur Reglamentning 1, 3, 5, 6, 10, 11 va 12-paragraflarida belgilangan yordam turlari taqdim etilishi munosabati bilan tuzilgan ijtimoiy shartnoma shartlari boʻyicha ariza beruvchi tomonidan “bajarilmagan” yoki “lozim darajada bajarilmagan” koʻrsatkichlar qayd etilganda (bir oylik koʻrsatkich 0-60 ball boʻlganda), ijtimoiy shartnoma boʻyicha ariza beruvchining majburiyatlarini bajarish muddati boshlangan sanadan bir oydan soʻng quyidagi ketma-ketlikda choralar qoʻllanadi:

a) yoshlar yetakchisi tomonidan Yoshlar yagona elektron platformasi orqali shakllanadigan ijtimoiy shartnomaning bajarilmagan shartlarini oʻn besh kun ichida bajarish lozimligi toʻgʻrisidagi ogohlantirish xati ariza beruvchiga imzo qoʻydirib beriladi;

b) ariza beruvchiga ogohlantirish xati berilgan sanadan bir oydan soʻng ijtimoiy shartnoma shartlari “bajarilmagan” yoki “lozim darajada bajarilmagan” deb topilganda, ushbu ariza beruvchi “Yoshlar daftari”dan chiqariladi hamda uni “Yoshlar daftari”ga kiritish va “Yoshlar daftari” jamgʻarmasi hisobidan ijtimoiy yordam ajratishga bir yil muddatga cheklov qoʻyiladi.

Ushbu cheklov muddati yakuniga yetgandan soʻng “mahalla yettiligi”ning qaroriga asosan ariza beruvchini “Yoshlar daftari”ga kiritish va unga ijtimoiy yordam ajratish maʼqullanganda, unga ushbu ijtimoiy yordam uning eng koʻp miqdoridan 30 foizga kam miqdorda ajratiladi;

v) ijtimoiy yordam ajratilgan sanadan bir oydan soʻng ariza beruvchi tomonidan ijtimoiy shartnoma shartlari “bajarilmagan” yoki “lozim darajada bajarilmagan” deb topilganda, ushbu ariza beruvchi “Yoshlar daftari”dan chiqariladi hamda uni “Yoshlar daftari”ga kiritish va “Yoshlar daftari” jamgʻarmasi hisobidan ijtimoiy yordam ajratishga bir yil muddatga cheklov qoʻyiladi.

63. Mazkur Reglamentning 7 — 9-paragraflarida belgilangan yordam turlari uchun tuzilgan ijtimoiy shartnoma shartlari boʻyicha ariza beruvchi tomonidan “bajarilmagan” yoki “lozim darajada bajarilmagan” koʻrsatkichlari qayd etilganda, ijtimoiy shartnoma boʻyicha ariza beruvchining majburiyatlarni bajarish muddati boshlangan sanadan bir oydan soʻng quyidagi ketma-ketlikda choralar qoʻllanadi:

b) ariza beruvchiga ogohlantirish xati berilgan sanadan bir oydan soʻng ijtimoiy shartnoma shartlari boʻyicha ariza beruvchi tomonidan qayd etilgan koʻrsatkich 0 — 30 ball boʻlganda, unga toʻlanishi lozim boʻlgan keyingi oylik toʻlov miqdori 30 foizga kamaytirilib, 31 — 60 ball boʻlganda, 15 foizga kamaytirilib ajratiladi;

v) ushbu bandning “b” kichik bandida belgilangan chora qoʻllanganidan keyin bir oydan soʻng ariza beruvchi tomonidan ijtimoiy shartnoma shartlari boʻyicha “bajarilmagan” yoki “lozim darajada bajarilmagan” koʻrsatkichlari qayd etilganda, keyingi har oylik toʻlovni amalga oshirish toʻxtatiladi;

g) ushbu bandning “b” kichik bandida belgilangan chora qoʻllanganidan keyin bir oydan soʻng ariza beruvchi tomonidan ijtimoiy shartnoma shartlari boʻyicha “bajarilmagan” yoki “lozim darajada bajarilmagan” koʻrsatkichlari qayd etilganda, unga har oylik toʻlovlarni toʻlash bekor qilinib, ushbu ariza beruvchi “Yoshlar daftari”dan chiqariladi hamda uni “Yoshlar daftari”ga kiritish va “Yoshlar daftari” jamgʻarmasi hisobidan ijtimoiy yordam ajratishga bir yil muddatga cheklov qoʻyiladi.

Bunda agar ushbu bandning “b” va “v” kichik bandlarida belgilangan choralar qoʻllanganidan bir oydan soʻng ariza beruvchi tomonidan ijtimoiy shartnoma shartlarini bajarish boʻyicha “qoniqarli” (61-70 ball) va undan yuqori koʻrsatkich qayd etilganda:

“b” kichik bandda belgilangan ushlab qolingan mablagʻ va keyingi oylik toʻlov ariza beruvchi uchun toʻlab beriladi;

“v” kichik bandda belgilangan chora bekor qilinib, keyingi oylik toʻlov ariza beruvchi uchun toʻlab beriladi.

Ushbu bandda belgilangan choralar ariza beruvchiga nisbatan bir marta qoʻllanadi.

Agar ariza beruvchi tomonidan ijtimoiy shartnoma shartlarini bajarish boʻyicha “bajarilmagan” yoki “lozim darajada bajarilmagan” koʻrsatkichlaridan soʻng “qoniqarli” va undan yuqori koʻrsatkich qayd etilib, keyingi davrda yana “bajarilmagan” yoki “lozim darajada bajarilmagan” koʻrsatkichlar qayd etilganda, ushbu banddagi qoʻllangan choralar qoʻllanilmay, ketma-ketlik boʻyicha keyingi chora qoʻllanadi.

6-bob. “Yoshlar daftari”dan chiqarish tartibi

64. Yoshlar quyidagi hollarda “Yoshlar daftari”dan chiqariladi:

ushbu Reglamentning 3-bobida belgilangan tegishli amaliy yordam toʻliq koʻrsatilganda;

toʻliq davlat taʼminotiga olinganda;

oʻz arizasiga koʻra;

mazkur Reglamentning 3-bobi 5-paragrafidagi ijtimoiy yordamdan foydalanuvchi yosh ushbu yordamdan foydalanish uchun ariza bergan kundan boshlab 12 oy muddat ichida haydovchilik guvohnomasini olmaganda;

mazkur Reglamentning 62-bandi “b” yoki 63-bandning “g” kichik bandida belgilangan choralar qoʻllanganida;

“Yoshlar daftari”ga noqonuniy kirganligi aniqlanganda;

ishlash yoki doimiy yashash uchun boshqa davlatlarga chiqib ketganiga uch oydan koʻp vaqt oʻtganida;

sudning ozodlikdan mahrum etishni nazarda tutuvchi hukmi qonuniy kuchga kirganda;

vafot etgan taqdirda yoki sud qarori asosida bedarak yoʻqolgan deb topilganda.

“Yoshlar daftari”dan chiqarilayotgan yoshlarga bir kun ichida bu haqida SMS-xabarnoma yuboriladi.

7-bob. Yakunlovchi qoidalar

65. Ushbu Reglament talablarining buzilishida aybdor boʻlgan shaxslar qonunchilik hujjatlarida belgilangan tartibda javob beradilar. Bunda:

mahalladagi yoshlar yetakchisi — ushbu Reglamentda belgilangan muddatni uzrli sabablarsiz (ushbu Reglamentning 4-bandi oltinchi xatboshisida nazarda tutilgan yoshlar yetakchisi ish faoliyatida boʻlmagan holatlar bilan bogʻliq boʻlmagan holda) buzgan holda ariza beruvchining murojaatini “mahalla yettiligi”ga koʻrib chiqish uchun kiritganda yoki kiritmaganda, mazkur Reglamentning 3-bobi 12-paragrafidagi ijtimoiy yordamdan foydalanish boʻyicha kelib tushgan arizani koʻrib chiqish muddatini uzrli sabablarsiz buzgan holda tavsiya berganda yoki bermaganda, shuningdek, asossiz tarzda tavsiya berishni rad qilganda;

“mahalla yettiligi” aʼzosi — mahalladagi yoshlar yetakchisi tomonidan yoʻnaltirilgan ariza beruvchining murojaati boʻyicha tegishli qaror qabul qilish uchun ushbu Reglamentda belgilangan muddatni uzrli sabablarsiz buzgan holda ovoz bergan yoki ovoz bermaganda yoxud “Yoshlar daftari” jamgʻarmasi hisobidan yordam turini ajratishni asossiz tarzda rad qilish haqida xulosa berganda;

tarkibi mazkur Reglamentga 1b-ilova bilan tasdiqlangan Yoshlarning bandligi va ijtimoiy faolligini taʼminlash uchun grant ajratish boʻyicha kelib tushgan murojaatlarni koʻrib chiqish boʻyicha komissiya aʼzosi — “mahalla yettiligi” tomonidan ariza beruvchining murojaati tegishli tartibda yuborilganidan soʻng, ushbu Reglamentda belgilangan muddatni uzrli sabablarsiz buzgan holda yakuniy qarorga ovoz bergan yoki ovoz bermaganda yoxud “Yoshlar daftari” jamgʻarmasi hisobidan grant ajratishni asossiz tarzda rad qilish haqida xulosa berganda qonunchilik hujjatlarida belgilangan tartibda javob beradi.

“Yoshlar daftari” jamgʻarmasi hisobidan ijtimoiy yordam ajratish boʻyicha davlat xizmatlarini koʻrsatishning maʼmuriy reglamentiga
1-ILOVA

Yoshlarning bandligi va ijtimoiy faolligini taʼminlash uchun grant ajratish

SXEMASI

Bosqich	Subyektlar	Tadbirlar	Muddatlar
Bosqich	Subyektlar	Tadbirlar	Muddatlar

1-bosqich	Ariza beruvchi	Ijtimoiy yordam ajratish boʻyicha tuman (shahar) davlat xizmatlari markazi, YIDXP yoki Yoshlar yagona elektron platformasi orqali murojaat qiladi.	Oʻz xohishiga koʻra

2-bosqich	1. Davlat xizmatlari markazi. 2. YIDXP yoki Yoshlar yagona elektron platformasi.	Murojaat maʼmuriy reglament talablariga muvofiq boʻlganda murojaatni roʻyxatdan oʻtkazib, unga ilova qilingan hujjatlar bilan birga ariza beruvchining doimiy yoki vaqtincha roʻyxatga olingan joyidagi yoxud haqiqatan yashab turgan manzilidagi mahalla fuqarolar yigʻinida faoliyat olib borayotgan yoshlar yetakchisiga yuboradi.	1. 10 daqiqa ichida. 2. Avtomatik tarzda.

3-bosqich	Mahalladagi yoshlar yetakchisi	Yoshlar yagona elektron platformasi orqali “mahalla yettiligi”ga yigʻilishda ushbu murojaatni koʻrib chiqib, grant ajratishga tavsiya berish yoki grant ajratishga tavsiya berishni rad etish toʻgʻrisida qaror qabul qilish uchun yuboradi.	3 ish kuni ichida

4-bosqich	“Mahalla yettiligi”	1. Murojaat hamda unga ilova qilingan hujjatlarni oʻrganib chiqadi va ariza beruvchiga grant ajratishga tavsiya berish yoki grant ajratishga tavsiya berishni rad etish toʻgʻrisida qaror qabul qiladi. 2. Grant ajratishga tavsiya berilganda, murojaat va unga ilova qilingan hujjatlar bilan birga yakuniy qarorni qabul qilish uchun tuman (shahar) hokimining yoshlar siyosati, ijtimoiy rivojlantirish va maʼnaviy-maʼrifiy ishlar boʻyicha oʻrinbosari rahbarligidagi komissiyaga yuboradi.	5 ish kuni ichida

5-bosqich	Tuman (shahar) hokimining yoshlar siyosati, ijtimoiy rivojlantirish va maʼnaviy-maʼrifiy ishlar boʻyicha oʻrinbosari rahbarligidagi komissiya	Murojaat hamda unga ilova qilingan hujjatlarni oʻrganib chiqadi va ariza beruvchiga grant ajratish yoki grant ajratishni rad etish haqida qaror qabul qiladi.	10 ish kuni ichida

6-bosqich	Yoshlar ishlari agentligi	Yakuniy qaror boʻyicha Yoshlar yagona elektron platformasi orqali ariza beruvchiga SMS-xabarnoma, YIDXPdagi shaxsiy kabinetiga xabar yuboradi.	Yakuniy qaror qabul qilinganda avtomatik tarzda

“Yoshlar daftari” jamgʻarmasi hisobidan ijtimoiy yordam ajratish boʻyicha davlat xizmatlarini koʻrsatishning maʼmuriy reglamentiga
1a-ILOVA

		Namuna

Yoshlarning bandligi va ijtimoiy faolligini taʼminlash uchun grant ajratish boʻyicha
ARIZA

Ariza t/r	Qabul qilish sanasi	Qabul qilgan shaxs
-	-	-
Ariza beruvchi haqidagi maʼlumotlar
1.1. Ariza beruvchi — yakka tartibdagi tadbirkor yoki nodavlat tashkilot nomi			(avtomatik aniqlanadi)
1.2. Ariza beruvchi yakka tartibdagi tadbirkorning jismoniy shaxsning shaxsiy identifikatsiya raqami (JSHSHIR)			(maʼlumot kiritiladi)
1.3. Ariza beruvchi nodavlat tashkilotning soliq toʻlovchining identifikatsiya raqami (STIR)			(maʼlumot kiritiladi)
1.4. Ariza beruvchining yuridik manzili			(maʼlumot kiritiladi)
1.5. Ariza beruvchining bank rekvizitlari			(maʼlumot kiritiladi)
Bandligi taʼminlanishi nazarda tutilgan yosh fuqarolar haqidagi maʼlumotlar
2.1. Birinchi yosh fuqaroning jismoniy shaxsning shaxsiy identifikatsiya raqami (JSHSHIR)			(maʼlumot kiritiladi)
2.2. Birinchi yosh fuqaroning oilasi Ijtimoiy reyestrda mavjudligi			(avtomatik aniqlanadi)
2.3. Birinchi yosh fuqaroning bandlik holati			(avtomatik aniqlanadi)
2.4. Ikkinchi yosh fuqaroning jismoniy shaxsning shaxsiy identifikatsiya raqami (JSHSHIR)			(maʼlumot kiritiladi)
2.5. Ikkinchi yosh fuqaroning oilasi Ijtimoiy reyestrda mavjudligi			(avtomatik aniqlanadi)
2.6. Ikkinchi yosh fuqaroning bandlik holati			(avtomatik aniqlanadi)
2.7. Uchinchi yosh fuqaroning jismoniy shaxsning shaxsiy identifikatsiya raqami (JSHSHIR)			(maʼlumot kiritiladi)
2.8. Uchinchi yosh fuqaroning oilasi Ijtimoiy reyestrda mavjudligi			(avtomatik aniqlanadi)
2.9. Uchinchi yosh fuqaroning bandlik holati			(avtomatik aniqlanadi)
Grantlar hisobidan xarid qilinadigan asbob-uskunalar haqidagi maʼlumotlar (har bir asbob-uskuna haqidagi maʼlumotlar alohida toʻldiriladi)
3.1. Asbob uskunaning nomi			(maʼlumot kiritiladi)
3.2. Asbob uskunaning qiymati			(maʼlumot kiritiladi)
3.3. Asbob-uskunaning parametrlari (tavsifi)			(maʼlumot kiritiladi)
Ilova qilinadigan hujjatlar
4.1. Ariza beruvchining grant ajratilganda kamida 3 nafar yoshni (F.I.O.ni koʻrsatgan holda) ishga qabul qilish va ular tomonidan mehnat faoliyatida foydalanishi uchun asbob-uskuna xarid qilish majburiyatini zimmasiga olishi haqida kafolat xati			(pdf, png yoki jpeg formatda taqdim etiladi)
4.2. Bandligi taʼminlanadigan yoshlarning transport vositalarini boshqarish uchun tegishli toifadagi haydovchilik guvohnomasiga egaligini tasdiqlovchi hujjatlar (grantlar hisobidan dvigatelining ish hajmi 25 sm³ va undan ortiq, lekin 50 sm³dan oshmaydigan, shuningdek, elektr dvigatelining quvvati 0,25 kilovatt va undan ortiq, biroq 4 kilovattdan oshmaydigan, konstruktiv tezligi soatiga 25 kilometr va undan ortiq, lekin 50 kilometrdan oshmaydigan transport vositalari (moped va skuter) xarid qilinishi nazarda tutilganda taqdim etiladi)			(pdf, png yoki jpeg formatda taqdim etiladi)

“Yoshlar daftari” jamgʻarmasi hisobidan ijtimoiy yordam ajratish boʻyicha davlat xizmatlarini koʻrsatishning maʼmuriy reglamentiga
1b-ILOVA

Yoshlarning bandligi va ijtimoiy faolligini taʼminlash uchun grant ajratish boʻyicha kelib tushgan murojaatlarni koʻrib chiqish boʻyicha komissiya

TARKIBI

1.	Lavozimiga koʻra	—	tuman (shahar) hokimining yoshlar siyosati, ijtimoiy rivojlantirish va maʼnaviy-maʼrifiy ishlar boʻyicha oʻrinbosari, komissiya raisi
2.	Lavozimiga koʻra	—	tuman (shahar) iqtisodiyot va moliya boʻlimi boshligʻi
3.	Lavozimiga koʻra	—	tuman (shahar) yoshlar ishlari boʻlimi boshligʻi
4.	Lavozimiga koʻra	—	tuman (shahar) kambagʻallikni qisqartirish va bandlikka koʻmaklashish boʻlimi boshligʻi
5.	Lavozimiga koʻra	—	“Inson” ijtimoiy xizmatlar markazi direktori

“Yoshlar daftari” jamgʻarmasi hisobidan ijtimoiy yordam ajratish boʻyicha davlat xizmatlarini koʻrsatishning maʼmuriy reglamentiga
2-ILOVA

“Yoshlar daftari” jamgʻarmasidan ijtimoiy yordam turlarini ajratish boʻyicha murojaatlarni koʻrib chiqish

SXEMASI*

Bosqich	Subyektlar	Tadbirlar	Muddatlar
Bosqich	Subyektlar	Tadbirlar	Muddatlar

1-bosqich	Ariza beruvchi	Ijtimoiy yordam ajratish boʻyicha tuman (shahar) davlat xizmatlari markazi, YIDXP yoki Yoshlar yagona elektron platformasi orqali murojaat qiladi.	Oʻz xohishiga koʻra

2-bosqich	1. Davlat xizmatlari markazi. 2. YIDXP yoki Yoshlar yagona elektron platformasi.	Murojaat maʼmuriy reglament talablariga muvofiq boʻlganda, murojaatni roʻyxatdan oʻtkazib, unga ilova qilingan hujjatlar bilan birga ariza beruvchining doimiy yoki vaqtincha roʻyxatga olingan joyidagi yoxud haqiqatan yashab turgan manzilidagi mahalla fuqarolar yigʻinida faoliyat olib borayotgan yoshlar yetakchisiga yuboradi.	1. 10 daqiqa ichida. 2. Avtomatik tarzda.

3-bosqich	Mahalladagi yoshlar yetakchisi	Yoshlar yagona elektron platformasi orqali “mahalla yettiligi” yigʻilishida ushbu murojaat koʻrib chiqilib, qaror qabul qilinishi uchun yuboradi.	3 ish kuni ichida

4-bosqich	“Mahalla yettiligi”	Murojaat hamda unga ilova qilingan hujjatlarni oʻrganib chiqadi va ariza beruvchini “Yoshlar daftari”ga kiritish va ijtimoiy yordam ajratish yoki murojaatni qanoatlantirishni rad etish haqida qaror qabul qiladi.	5 ish kuni ichida

5-bosqich	Yoshlar ishlari agentligi	Yoshlar yagona elektron platformasi orqali “mahalla yettiligi”ning qarori mazmuni haqida ariza beruvchiga SMS-xabarnoma, YIDXPdagi shaxsiy kabinetiga xabar yuboradi.	“Mahalla yettiligi” qarori qabul qilinganda avtomatik tarzda

* Quyidagi yordam turlari ushbu sxema asosida koʻrsatiladi:

nogironligi boʻlgan yoshlarning parasport toʻgaraklariga qatnashishi uchun yoʻlkira xarajatlarini qoplash;

6 oy davomida muntazam sport va sanʼat toʻgaraklariga qatnashayotgan yoshlar uchun maxsus sport formasi, inventar yoki musiqa va cholgʻu asboblarini xarid qilish;

avtomototransport vositalari haydovchilarini tayyorlash oʻquv kursi xarajatlarini qoplash uchun subsidiya ajratish;

kasbiy taʼlim va oliy taʼlim tashkilotlari oʻquvchi-talabalarining toʻlov-kontrakt summasi toʻlab berish;

ijtimoiy himoyaga muhtoj yosh oilalarga turar joy ijarasi uchun kompensatsiya toʻlash;

yoshlarning tadbirkorlik, anʼanaviy va zamonaviy kasblarni egallash, axborot texnologiyalarini oʻrganish va xorijiy tillarga oʻqitish boʻyicha oʻquv kurslarida oʻqish xarajatlarini qoplash;

ijtimoiy himoyaga muhtoj iqtidorli yoshlarning ilm-fan, sport, sanʼat va madaniyat yoʻnalishlaridagi oʻquv kurslari uchun subsidiya ajratish;

yoshlarning ilm-fan, sport, sanʼat va madaniyat yoʻnalishlaridagi olimpiada, tanlov va musobaqalarda qatnashish xarajatlari uchun subsidiya berish;

“Yoshlar daftari” jamgʻarmasi hisobidan ijtimoiy yordam ajratish boʻyicha davlat xizmatlarini koʻrsatishning maʼmuriy reglamentiga
3-ILOVA

		Namuna

Nogironligi boʻlgan yoshlarning parasport toʻgaraklariga qatnashishi uchun yoʻlkira xarajatlarini qoplash yordamidan foydalanish boʻyicha
ARIZA

Ariza t/r	Qabul qilish sanasi	Qabul qilgan shaxs
-	-	-
1. F.I.O.			(avtomatik aniqlanadi)
2. Tugʻilgan sanasi			(avtomatik aniqlanadi)
3. Jismoniy shaxsning shaxsiy identifikatsiya raqami (JSHSHIR)			(maʼlumot kiritiladi)
4. Telefon raqami			(maʼlumot kiritiladi)
5. Yashash joyi			(maʼlumot kiritiladi)
6. Nogironligi mavjudligi			(avtomatik aniqlanadi)
7. Yoshning toʻgarakka aʼzoligi			(avtomatik aniqlanadi)
8. Shugʻullanayotgan sport turi			(maʼlumot kiritiladi)
9. Bir oyda oʻtkaziladigan sport mashgʻulotlari soni			(maʼlumot kiritiladi)
10. Ajratilishi lozim boʻlgan mablagʻ miqdori			(maʼlumot kiritiladi)
11. Yoshning oilasi Ijtimoiy reyestrda mavjudligi			(avtomatik aniqlanadi)

“Yoshlar daftari” jamgʻarmasi hisobidan ijtimoiy yordam ajratish boʻyicha davlat xizmatlarini koʻrsatishning maʼmuriy reglamentiga
4-ILOVA

		Namuna

6 oy davomida muntazam sport va sanʼat toʻgaraklariga qatnashayotgan yoshlar uchun maxsus sport formasi, inventar yoki musiqa va cholgʻu asboblarini xarid qilish yordamidan foydalanish boʻyicha
ARIZA

Ariza t/r	Qabul qilish sanasi	Qabul qilgan shaxs
-	-	-
1. F.I.O. (14 — 18 yoshgacha boʻlgan ariza beruvchi nomidan murojaat qiluvchi qonuniy vakilining F.I.O.)			(avtomatik aniqlanadi)
2. Tugʻilgan sanasi			(avtomatik aniqlanadi)
3. Jismoniy shaxsning shaxsiy identifikatsiya raqami (JSHSHIR)			(maʼlumot kiritiladi)
4. Telefon raqami			(maʼlumot kiritiladi)
5. Yashash joyi			(maʼlumot kiritiladi)
6. Xarid qilinadigan maxsus sport formasi, inventar yoki musiqa va cholgʻu asboblari nomi hamda zarur parametrlari			(maʼlumot kiritiladi)
7. Ajratilishi lozim boʻlgan mablagʻ miqdori			(maʼlumot kiritiladi)
8. Soʻnggi bir yil ichida kamida 6 oy davomida muntazam sport va sanʼat toʻgaraklariga qatnashayotganligi boʻyicha toʻgarak maʼmuriyati tomonidan berilgan maʼlumotnoma			(pdf, png yoki jpeg formatda kiritiladi)
9. Yoshning oilasi Ijtimoiy reyestrda mavjudligi			(avtomatik aniqlanadi)

“Yoshlar daftari” jamgʻarmasi hisobidan ijtimoiy yordam ajratish boʻyicha davlat xizmatlarini koʻrsatishning maʼmuriy reglamentiga
5-ILOVA

		Namuna

Jarrohlik amaliyotisiz davolanish va jarrohlik amaliyoti xarajatlarini qoplash yordamidan foydalanish boʻyicha
ARIZA

Ariza t/r	Qabul qilish sanasi	Qabul qilgan shaxs
-	-	-
1. F.I.O.			(avtomatik aniqlanadi)
2. Tugʻilgan sanasi			(avtomatik aniqlanadi)
3. Jismoniy shaxsning shaxsiy identifikatsiya raqami (JSHSHIR)			(maʼlumot kiritiladi)
4. Telefon raqami			(maʼlumot kiritiladi)
5. Yashash joyi			(maʼlumot kiritiladi)
6. Ajratilishi lozim boʻlgan mablagʻ miqdori			(maʼlumot kiritiladi)
7. Tuman (shahar) tibbiyot birlashmasi yoki boʻlimlari tomonidan berilgan xulosa*			(pdf, png yoki jpeg formatda taqdim etiladi)
8. Yoshning oilasi Ijtimoiy reyestrda mavjudligi yoki oylik daromadi oila aʼzolarining har biriga minimal isteʼmol xarajatlari miqdorining 2 baravarigacha boʻlgan oilaning aʼzosi ekanligi			(avtomatik aniqlanadi)

* Xulosada bemorni davolash uchun talab etiladigan mablagʻ miqdori (jarrohlik amaliyotisiz davolanish uchun — BHMning 50 baravarigacha, jarrohlik amaliyotini oʻtkazish uchun — Davlat tibbiy sugʻurtasi jamgʻarmasi tomonidan qoplanishi belgilangan bazaviy narxlar doirasida) aniq belgilangan boʻlishi lozim.

“Yoshlar daftari” jamgʻarmasi hisobidan ijtimoiy yordam ajratish boʻyicha davlat xizmatlarini koʻrsatishning maʼmuriy reglamentiga
5a-ILOVA

Jarrohlik amaliyotisiz davolanish va jarrohlik amaliyoti xarajatlarini qoplash

SXEMASI

Bosqich	Subyektlar	Tadbirlar	Muddatlar
Bosqich	Subyektlar	Tadbirlar	Muddatlar

1-bosqich	Ariza beruvchi	Ijtimoiy yordam ajratishni soʻrab tegishli tartibda ariza qoldiradi.	Tuman (shahar) tibbiyot birlashmasi yoki boʻlimlari tomonidan xulosa olinganidan soʻng

2-bosqich	Yoshlar yetakchisi	Murojaatni oʻrganish va kollegial qaror qabul qilish uchun “mahalla yettiligi”ga kiritadi.	3 ish kuni ichida

3-bosqich	“Mahalla yettiligi”	Murojaat hamda unga ilova qilingan hujjatlarni oʻrganib chiqadi va ariza beruvchini “Yoshlar daftari”ga kiritish va ijtimoiy yordam ajratish yoki murojaatni qanoatlantirishni rad etish haqida qaror qabul qiladi.	5 ish kuni ichida

4-bosqich	Davlat tibbiy sugʻurta jamgʻarmasi	Tegishli xarajatlarni qoplash boʻyicha talabnoma kiritadi.	Ariza beruvchini jarrohlik amaliyotisiz davolash yakunlanganidan yoki jarrohlik amaliyoti oʻtkazilganidan soʻng

5-bosqich	Tuman (shahar) hokimligi	“Yoshlar daftari” jamgʻarmasi hisobidan Davlat tibbiy sugʻurta jamgʻarmasining tegishli hisobraqamlariga oʻtkazib beriladi.	3 ish kuni ichida

“Yoshlar daftari” jamgʻarmasi hisobidan ijtimoiy yordam ajratish boʻyicha davlat xizmatlarini koʻrsatishning maʼmuriy reglamentiga
6-ILOVA

		Namuna

Avtomototransport vositalari haydovchilarini tayyorlash oʻquv kursi xarajatlarini qoplash uchun subsidiya ajratish yordamidan foydalanish boʻyicha
ARIZA

Ariza t/r	Qabul qilish sanasi	Qabul qilgan shaxs
-	-	-
1. F.I.O.			(avtomatik aniqlanadi)
2. Tugʻilgan sanasi			(avtomatik aniqlanadi)
3. Jismoniy shaxsning shaxsiy identifikatsiya raqami (JSHSHIR)			(maʼlumot kiritiladi)
4. Telefon raqami			(maʼlumot kiritiladi)
5. Yashash joyi:			(maʼlumot kiritiladi)
6. Ajratilishi lozim boʻlgan mablagʻ miqdori			(maʼlumot kiritiladi)
7. Ariza beruvchi tahsil olmoqchi boʻlgan taʼlim tashkilotining ushbu faoliyat turi boʻyicha litsenziyasi mavjudligi			(avtomatik aniqlanadi)
8. Taʼlim tashkiloti bilan tuzilgan shartnoma*			(pdf, png yoki jpeg formatda kiritiladi)
9. Yoshning oilasi Ijtimoiy reyestrda mavjudligi			(avtomatik aniqlanadi)

* Shartnomada taʼlim tashkilotining nomi, STIR, oʻqitiladigan toifa nomi, oʻquv kursining jami toʻlovi miqdori va umumiy muddati koʻrsatilgan boʻlishi lozim.

“Yoshlar daftari” jamgʻarmasi hisobidan ijtimoiy yordam ajratish boʻyicha davlat xizmatlarini koʻrsatishning maʼmuriy reglamentiga
7-ILOVA

		Namuna

Kasbiy taʼlim va oliy taʼlim tashkilotlari oʻquvchi-talabalarining toʻlov-kontrakt summasini toʻlab berish yordamidan foydalanish boʻyicha
ARIZA

Ariza t/r	Qabul qilish sanasi	Qabul qilgan shaxs
-	-	-
1. F.I.O.			(avtomatik aniqlanadi)
2. Tugʻilgan sanasi			(avtomatik aniqlanadi)
3. Jismoniy shaxsning shaxsiy identifikatsiya raqami (JSHSHIR)			(maʼlumot kiritiladi)
4. Telefon raqami			(maʼlumot kiritiladi)
5. Yashash joyi			(maʼlumot kiritiladi)
6. Ariza beruvchi tahsil olayotgan taʼlim tashkiloti			(avtomatik aniqlanadi)
7. Ariza beruvchi tahsil olayotgan taʼlim shakli:			(avtomatik aniqlanadi)
8. Taʼlim tashkiloti bilan tuzilgan toʻlov-kontrakt shartnomasi			(avtomatik (elektron tizimdan) olinadi)
9. Ariza beruvchi talabaning toʻlov-kontrakt shartnomasi boʻyicha mavjud qarzdorligi miqdori (ajratilishi lozim boʻlgan yordam miqdori)			(oliy taʼlim tashkilotlari talabalari uchun avtomatik aniqlanadi, kasbiy taʼlim tashkilotlari oʻquvchilari maʼlumot kiritadi)
10. Yoshning oilasi Ijtimoiy reyestrda mavjudligi			(avtomatik aniqlanadi)

“Yoshlar daftari” jamgʻarmasi hisobidan ijtimoiy yordam ajratish boʻyicha davlat xizmatlarini koʻrsatishning maʼmuriy reglamentiga
8-ILOVA

		Namuna

Ijtimoiy himoyaga muhtoj yosh oilalarga turar joy ijarasi uchun kompensatsiya toʻlash yordamidan foydalanish boʻyicha
ARIZA

Ariza t/r	Qabul qilish sanasi	Qabul qilgan shaxs
-	-	-
1. F.I.O.			(avtomatik aniqlanadi)
2. Tugʻilgan sanasi			(avtomatik aniqlanadi)
3. Jismoniy shaxsning shaxsiy identifikatsiya raqami (JSHSHIR)			(maʼlumot kiritiladi)
4. Telefon raqami			(maʼlumot kiritiladi)
5. Yashash joyi			(maʼlumot kiritiladi)
6. Ajratilishi soʻralayotgan mablagʻ miqdori			(maʼlumot kiritiladi)
7 Turmush oʻrtogʻi boʻyicha maʼlumot			(avtomatik aniqlanadi)
8. Turar joy ijarasi shartnomasi			(avtomatik olinadi)
9. Yoshning oilasi Ijtimoiy reyestrda mavjudligi			(avtomatik aniqlanadi)

“Yoshlar daftari” jamgʻarmasi hisobidan ijtimoiy yordam ajratish boʻyicha davlat xizmatlarini koʻrsatishning maʼmuriy reglamentiga
9-ILOVA

		Namuna

Yoshlarning tadbirkorlik, anʼanaviy va zamonaviy kasblarni egallash, axborot texnologiyalarini oʻrganish va xorijiy tillarga oʻqitish boʻyicha oʻquv kurslarida oʻqish xarajatlarini qoplash yordamidan foydalanish boʻyicha
ARIZA

Ariza t/r	Qabul qilish sanasi	Qabul qilgan shaxs
-	-	-
1. F.I.O.			(avtomatik aniqlanadi)
2. Tugʻilgan sanasi			(avtomatik aniqlanadi)
3. Jismoniy shaxsning shaxsiy identifikatsiya raqami (JSHSHIR)			(maʼlumot kiritiladi)
4. Telefon raqami			(maʼlumot kiritiladi)
5. Yashash joyi			(maʼlumot kiritiladi)
6. Tahsil olmoqchi boʻlgan yoʻnalish			(maʼlumot kiritiladi)
7. Tahsil olish muddati			(maʼlumot kiritiladi)
8. Bir oylik toʻlov miqdori			(maʼlumot kiritiladi)
9. Tahsil olmoqchi boʻlgan taʼlim tashkilotining ushbu faoliyat turi boʻyicha litsenziyasi mavjudligi			(avtomatik aniqlanadi)
10. Tahsil olmoqchi boʻlgan taʼlim tashkilotining Yoshlar yagona elektron platformasidan belgilangan tartibda roʻyxatdan oʻtganligi			(avtomatik aniqlanadi)
11. Taʼlim tashkiloti bilan tuzilgan shartnoma*			(pdf, png yoki jpeg formatda kiritiladi)
12. Yoshning oilasi Ijtimoiy reyestrda mavjudligi			(avtomatik aniqlanadi)

* Shartnomada taʼlim tashkilotining nomi, STIR, oʻqitiladigan kasb, xorijiy til turi yoki axborot texnologiyalari yoʻnalishi, oʻquv kursining bir oylik hamda jami toʻlov miqdori va umumiy muddati koʻrsatilgan boʻlishi lozim.

“Yoshlar daftari” jamgʻarmasi hisobidan ijtimoiy yordam ajratish boʻyicha davlat xizmatlarini koʻrsatishning maʼmuriy reglamentiga
10-ILOVA

		Namuna

Ijtimoiy himoyaga muhtoj iqtidorli yoshlarga ilm-fan, sport, sanʼat va madaniyat yoʻnalishlaridagi oʻquv kurslari uchun subsidiya ajratish yordamidan foydalanish boʻyicha
ARIZA

Ariza t/r	Qabul qilish sanasi	Qabul qilgan shaxs
-	-	-
1. F.I.O.			(avtomatik aniqlanadi)
2. Tugʻilgan sanasi			(avtomatik aniqlanadi)
3. Jismoniy shaxsning shaxsiy identifikatsiya raqami (JSHSHIR)			(maʼlumot kiritiladi)
4. Telefon raqami			(maʼlumot kiritiladi)
5. Yashash joyi			(maʼlumot kiritiladi)
6. Tahsil olmoqchi boʻlgan yoʻnalish			(maʼlumot kiritiladi)
7. Tahsil olish muddati			(maʼlumot kiritiladi)
8. Bir oylik toʻlov miqdori			(maʼlumot kiritiladi)
9. Tahsil olmoqchi boʻlgan taʼlim tashkilotining ushbu faoliyat turi boʻyicha litsenziyasi mavjudligi			(avtomatik aniqlanadi)
10. Tahsil olmoqchi boʻlgan taʼlim tashkilotining Yoshlar yagona elektron platformasidan belgilangan tartibda roʻyxatdan oʻtganligi			(avtomatik aniqlanadi)
11. Taʼlim tashkiloti bilan tuzilgan shartnoma*			(pdf, png yoki jpeg formatda kiritiladi)
12. Yoshning oilasi Ijtimoiy reyestrda mavjudligi			(avtomatik aniqlanadi)

* Shartnomada taʼlim tashkilotining nomi, STIR, oʻqitiladigan yoʻnalish nomi, oʻquv kursining bir oylik va jami toʻlov miqdori hamda umumiy muddati koʻrsatilgan boʻlishi lozim.

“Yoshlar daftari” jamgʻarmasi hisobidan ijtimoiy yordam ajratish boʻyicha davlat xizmatlarini koʻrsatishning maʼmuriy reglamentiga
11-ILOVA

		Namuna

Yoshlarning ilm-fan, sport, sanʼat va madaniyat yoʻnalishlaridagi olimpiada, tanlov va musobaqalarda qatnashish xarajatlari uchun subsidiya ajratish yordamidan foydalanish boʻyicha
ARIZA

Ariza t/r	Qabul qilish sanasi	Qabul qilgan shaxs
-	-	-
1. F.I.O.			(avtomatik aniqlanadi)
2. Tugʻilgan sanasi			(avtomatik aniqlanadi)
3. Jismoniy shaxsning shaxsiy identifikatsiya raqami (JSHSHIR)			(maʼlumot kiritiladi)
4. Telefon raqami			(maʼlumot kiritiladi)
5. Yashash joyi			(maʼlumot kiritiladi)
6. Olimpiada, tanlov va musobaqa darajasi (mahalliy/xalqaro)			(maʼlumot kiritiladi)
7. Ajratilishi soʻralayotgan mablagʻ miqdori			(maʼlumot kiritiladi)
8. Olimpiada, tanlov va musobaqalarda ishtirok etish huquqini tasdiqlovchi hujjat			(pdf, png yoki jpeg formatda kiritiladi)
9. Yoshning oilasi Ijtimoiy reyestrda mavjudligi			(avtomatik aniqlanadi)

“Yoshlar daftari” jamgʻarmasi hisobidan ijtimoiy yordam ajratish boʻyicha davlat xizmatlarini koʻrsatishning maʼmuriy reglamentiga
12-ILOVA

		Namuna

Yoshlarga taʼlim, madaniyat va sanʼat, sport, axborot texnologiyalari sohasiga va fanlarni oʻqitishga ixtisoslashgan nodavlat taʼlim tashkilotining noturar joy ijarasi yoki zarur jihozlar bilan taʼminlash xarajatlarini qoplash yordamidan foydalanish boʻyicha
ARIZA

Ariza t/r	Qabul qilish sanasi	Qabul qilgan shaxs
-	-	-
1. F.I.O.			(avtomatik aniqlanadi)
2. Tugʻilgan sanasi			(avtomatik aniqlanadi)
3. Jismoniy shaxsning shaxsiy identifikatsiya raqami (JSHSHIR)			(maʼlumot kiritiladi)
4. Telefon raqami			(maʼlumot kiritiladi)
5. Yashash joyi			(maʼlumot kiritiladi)
6. Yordam turi (noturar joy ijarasi yoki zarur jihozlar bilan taʼminlash xarajatlari)			(maʼlumot kiritiladi)
7. Taʼlim tashkilotining ushbu faoliyat turi boʻyicha litsenziyasi mavjudligi			(avtomatik aniqlanadi)
8. Ariza beruvchining bank rekvizitlari			(maʼlumot kiritiladi)
9. Ajratilishi soʻralayotgan mablagʻ miqdori			(maʼlumot kiritiladi)
10. Ijara shartnomasi			(avtomatik olinadi)
11. Nodavlat taʼlim tashkilotida taʼlim olayotgan jami oʻquvchilarning kamida 20 foiz qismini Ijtimoiy reyestrga kiritilgan oilalarning aʼzolari (14 — 30 yosh) tashkil etishi boʻyicha maʼlumot (roʻyxat).			(pdf, png yoki jpeg formatda kiritiladi)

“Yoshlar daftari” jamgʻarmasi hisobidan ijtimoiy yordam ajratish boʻyicha davlat xizmatlarini koʻrsatishning maʼmuriy reglamentiga
13-ILOVA

		Namuna

Yoshlarning safarbarlik chaqiruvi rezervidagi xizmatni bepul oʻtashi uchun yoshlar yetakchisi tomonidan tavsiya berish yordamidan foydalanish boʻyicha
ARIZA

Ariza t/r	Qabul qilish sanasi	Qabul qilgan shaxs
-	-	-
1. F.I.O.			(avtomatik aniqlanadi)
2. Tugʻilgan sanasi			(avtomatik aniqlanadi)
3. Jismoniy shaxsning shaxsiy identifikatsiya raqami (JSHSHIR)			(maʼlumot kiritiladi)
4. Telefon raqami			(maʼlumot kiritiladi)
5. Yashash joyi			(maʼlumot kiritiladi)
6. Tuman (shahar) mudofaa ishlari boʻlimi huzurida tuzilgan hududiy tibbiy komissiya tomonidan berilgan harbiy xizmatga yaroqlilik boʻyicha xulosa			(pdf, png yoki jpeg formatda kiritiladi)
7. Yoshning oilasi Ijtimoiy reyestrda mavjudligi			(avtomatik aniqlanadi)

“Yoshlar daftari” jamgʻarmasi hisobidan ijtimoiy yordam ajratish boʻyicha davlat xizmatlarini koʻrsatishning maʼmuriy reglamentiga
13a-ILOVA

Yoshlarning safarbarlik chaqiruvi rezervidagi xizmatni bepul oʻtashi uchun yoshlar yetakchisi tomonidan tavsiya berish

SXEMASI

Bosqich	Subyektlar	Tadbirlar	Muddatlar
Bosqich	Subyektlar	Tadbirlar	Muddatlar

1-bosqich	Ariza beruvchi	Ijtimoiy yordam ajratish boʻyicha tuman (shahar) davlat xizmatlari markazi, YIDXP yoki Yoshlar yagona elektron platformasi orqali murojaat qiladi.	Oʻz xohishiga koʻra

2-bosqich	1. Davlat xizmatlari markazi. 2. YIDXP yoki Yoshlar yagona elektron platformasi.	Murojaatni va unga ilova qilingan hujjatlarni ariza beruvchining tegishliligi boʻyicha (doimiy yoki vaqtincha) yashash manzilidagi yoshlar yetakchisiga yuboradi.	1. 10 daqiqa ichida 2. Avtomatik tarzda

3-bosqich	Yoshlar yetakchisi	Ariza beruvchining hujjatlarini oʻrganadi. Murojaat hamda unga ilova qilingan hujjatlar asosli deb topilgan taqdirda Yoshlar yagona elektron platformasida ariza beruvchiga safarbarlik chaqiruvi rezervidagi xizmatni bepul oʻtash uchun tavsiyanoma shakllantiradi.	3 ish kuni ichida

Vazirlar Mahkamasining 2022-yil 7-iyundagi 312-son qaroriga
3-ILOVA

Oliy taʼlim tashkilotlari talabalari oʻrtasida intellektual olimpiadaga tayyorgarlik koʻrish va uni oʻtkazish boʻyicha tashkiliy qoʻmita

TARKIBI

1.	A.Z. Saʼdullayev	—	Yoshlar ishlari agentligi direktori, Tashkiliy qoʻmita raisi
2.	A.H. Toshqulov	—	oliy va oʻrta maxsus taʼlim vaziri, Tashkiliy qoʻmita hamraisi
3.	Sh.Oʻ. Turdiqulova	—	innovatsion rivojlanish vazirining oʻrinbosari
4.	A.U. Aslonov	—	sportni rivojlantirish vazirining oʻrinbosari
5.	B.T. Abdullayev	—	ichki ishlar vazirining oʻrinbosari
6.	I.A. Ibragimov	—	Milliy gvardiya qoʻmondonining jamoat xavfsizligini taʼminlash boʻyicha birinchi oʻrinbosari
7.	K.X. Abdijalilov	—	favqulodda vaziyatlar vazirining oʻrinbosari
8.	A.Sh. Inoyatov	—	sogʻliqni saqlash vazirining birinchi oʻrinbosari
9.	A.D. Xadjayev	—	Oʻzbekiston Milliy teleradiokompaniyasi raisi
10.	X.Gʻ. Xudoyberdiyev	—	Oʻzbekiston Milliy axborot agentligi bosh direktorining oʻrinbosari
11.	N.E. Davletova	—	Milliy mass-mediani qoʻllab-quvvatlash va rivojlantirish jamoat fondi direktori
12.	A.M. Abdullayev	—	“Zakovat” intellektual oʻyinlar klubi kengashining raisi — klub prezidenti
13.	U.M. Narimov	—	“Zakovat intellektual klubi” nodavlat notijorat tashkiloti direktori
14.	L.Oʻ. Mingishev	—	Oliy va oʻrta maxsus taʼlim vazirligining boshqarma boshligʻi
15.	B.K. Aralbayeva	—	Yoshlar ishlari agentligining boʻlim boshligʻi, Tashkiliy qoʻmita kotibi

1.	A.Z. Saʼdullayev	—	Yoshlar ishlari agentligi direktori, Tashkiliy qoʻmita raisi
2.	A.H. Toshqulov	—	oliy va oʻrta maxsus taʼlim vaziri, Tashkiliy qoʻmita hamraisi
3.	Sh.Oʻ. Turdiqulova	—	innovatsion rivojlanish vazirining oʻrinbosari
4.	A.U. Aslonov	—	sportni rivojlantirish vazirining oʻrinbosari
5.	B.T. Abdullayev	—	ichki ishlar vazirining oʻrinbosari
6.	I.A. Ibragimov	—	Milliy gvardiya qoʻmondonining jamoat xavfsizligini taʼminlash boʻyicha birinchi oʻrinbosari
7.	K.X. Abdijalilov	—	favqulodda vaziyatlar vazirining oʻrinbosari
8.	A.Sh. Inoyatov	—	sogʻliqni saqlash vazirining birinchi oʻrinbosari
9.	A.D. Xadjayev	—	Oʻzbekiston Milliy teleradiokompaniyasi raisi
10.	X.Gʻ. Xudoyberdiyev	—	Oʻzbekiston Milliy axborot agentligi bosh direktorining oʻrinbosari
11.	N.E. Davletova	—	Milliy mass-mediani qoʻllab-quvvatlash va rivojlantirish jamoat fondi direktori
12.	A.M. Abdullayev	—	“Zakovat” intellektual oʻyinlar klubi kengashining raisi — klub prezidenti
13.	U.M. Narimov	—	“Zakovat intellektual klubi” nodavlat notijorat tashkiloti direktori
14.	L.Oʻ. Mingishev	—	Oliy va oʻrta maxsus taʼlim vazirligining boshqarma boshligʻi
15.	B.K. Aralbayeva	—	Yoshlar ishlari agentligining boʻlim boshligʻi, Tashkiliy qoʻmita kotibi

Izoh.

Tashkiliy qoʻmita aʼzolari boshqa ishga oʻtgan taqdirda, uning tarkibiga ushbu lavozimga yangidan tayinlangan yoki zimmasiga tegishli vazifalarni bajarish yuklangan xodimlar kiritiladi.

Tashkiliy qoʻmita ishiga boshqa vazirlik, idora va tashkilotlar, shuningdek, fuqarolik jamiyati institutlarining vakillari jalb qilinishi mumkin.

Vazirlar Mahkamasining 2022-yil 7-iyundagi 312-son qaroriga
4-ILOVA

Oʻzbekiston Respublikasi Hukumatining ayrim qarorlariga kiritilayotgan oʻzgartirish va qoʻshimchalar

1. Vazirlar Mahkamasining 2017-yil 23-noyabrdagi 940-son qarori bilan tasdiqlangan Hududlarni ijtimoiy-iqtisodiy rivojlantirishning dolzarb masalalarini hal etishda fuqarolarning oʻzini oʻzi boshqarish organlari roli va faoliyati samaradorligini yanada oshirishga doir kompleks chora-tadbirlar dasturining 7-pozitsiyasi “Masʼul ijrochilar” ustuni quyidagi tahrirda bayon etilsin:

“Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari, Mahalla va nuroniylarni qoʻllab-quvvatlash vazirligi, Yoshlar ishlari agentligi”.

2. Vazirlar Mahkamasining 2018-yil 15-avgustdagi 666-son qarori bilan tasdiqlangan Davlat umumiy oʻrta taʼlim muassasalari oʻquvchilari uchun zamonaviy yagona maktab formasini joriy etish tartibi toʻgʻrisidagi nizomning 20-bandidan “yoshlar yetakchisi” soʻzlari chiqarib tashlansin.

3. Vazirlar Mahkamasining 2020-yil 25-martdagi 182-son qarori bilan tasdiqlangan Uy-joy sotib olish yoki yakka tartibdagi uy-joylarni qurish va rekonstruksiya qilish uchun fuqarolarga subsidiya toʻlash tartibi toʻgʻrisida nizomda:

a) 10-band quyidagi mazmundagi “j” kichik band bilan toʻldirilsin:

“j) ariza beruvchining alohida namuna koʻrsatayotgan yosh oilalar toifasiga mansubligini tasdiqlovchi hujjatlar (fan, sanʼat, adabiyot, sport sohasida va boshqa sohalarda yuqori natijalarga erishganligini, turli musobaqalar, tanlovlar yoki olimpiadalarning sovrindori boʻlganini yoxud mehnat jamoasida alohida namuna koʻrsatganligini tasdiqlovchi hujjatlar)”;

b) 15-bandning oʻninchi xatboshisi quyidagi tahrirda bayon etilsin:

“Yoshlar ishlari agentligining tuman (shahar) boʻlimi — ariza beruvchining alohida namuna koʻrsatayotgan yosh oilalar toifasiga mansubligini (mahalladagi yoshlar yetakchisining tavsiyasiga asosan)”;

v) 1-ilova quyidagi tahrirda bayon etilsin:

“Uy-joy sotib olish yoki yakka tartibdagi uy-joylarni qurish va rekonstruksiya qilish uchun fuqarolarga subsidiya toʻlash tartibi toʻgʻrisidagi nizomga
1-ILOVA

Uy-joyga muhtoj fuqarolarni aniqlashning ijtimoiy
MEZONLARI

T/r	Mezonlar	Ball	Masʼul organ
I. Ariza beruvchi va/yoki uning oilasining daromadi (mehnatga haq toʻlashning eng kam miqdori — MHTEKM asosida)
Qishloq joylarda (tuman va tuman markazlari)
1.	MHTEKMning 3,0 baravariga teng va undan koʻp boʻlgan, 6,0 baravariga teng va undan kam boʻlgan	10	Tuman (shahar) davlat soliq inspeksiyasi
2.	MHTEKMning 6,0 baravaridan koʻp boʻlgan, 6,5 baravariga teng va undan kam boʻlgan	6	Tuman (shahar) davlat soliq inspeksiyasi
3.	MHTEKMning 6,5 baravaridan koʻp boʻlgan, 6,9 baravariga teng va undan kam boʻlgan	2	Tuman (shahar) davlat soliq inspeksiyasi
Shaharlarda (Qoraqalpogʻiston Respublikasi va viloyatlar shaharlari)
1.	MHTEKMning 3,0 baravariga teng va undan koʻp boʻlgan, 7,0 baravariga teng va undan kam boʻlgan	10	Tuman (shahar) davlat soliq inspeksiyasi
2.	MHTEKMning 7,0 baravaridan koʻp boʻlgan, 7,5 baravariga teng va undan kam boʻlgan	6
3.	MHTEKMning 7,5 baravaridan koʻp boʻlgan, 8,0 baravariga teng va undan kam boʻlgan	2
Toshkent shahrida
1.	MHTEKMning 3,0 baravariga teng va undan koʻp boʻlgan 8,0 baravariga teng va undan kam boʻlgan	10	Tuman (shahar) davlat soliq inspeksiyasi
2.	MHTEKMning 8,0 baravaridan koʻp boʻlgan 8,5 baravariga teng va undan kam boʻlgan	6
3.	MHTEKMning 8,5 baravaridan koʻp boʻlgan 9,2 baravariga teng va undan kam boʻlgan	2
II. Hozirgi turar joy maqomi*
1.	Ijara (er-xotin oʻz mulkida uy-joyi mavjud emas)	20	Tuman (shahar) davlat soliq inspeksiyasi, Kadastr agentligi tuman (shahar) boʻlimi
2.	Egasining ruxsati bilan tekin turar joy (er-xotin oʻz mulkida uy-joyi mavjud emas)
3.	Ariza beruvchi yaroqsiz yakka tartibdagi uy-joyda yashashi yoki uy-joy yashash maydonining bir shaxs uchun qonunchilik hujjatlarida nazarda tutilgan ijtimoiy normaga muvofiq emasligi.
III. Ijtimoiy himoyaga muhtoj boʻlgan ayrim shaxslar
1.	“labor-migration” dasturida roʻyxatdan oʻtgan mehnat migranti	10	Tuman (shahar) bandlikka koʻmaklashish markazi
2.	Yetim bolalar va ota-onasining qaramogʻidan mahrum boʻlgan bolalar	10	Tuman (shahar) hokimligi
3.	Alohida namuna koʻrsatayotgan yosh oilalar**	10	Yoshlar ishlari agentligining tuman (shahar) boʻlimi
4.	Ogʻir ijtimoiy vaziyatga tushib qolgan ayollar***	10	Tuman (shahar) oila va xotin-qizlar boʻlimi
5.	Yagona (yolgʻiz) boquvchiga ega boʻlgan oila (erkak yoki ayol)	9
6.	Boshqalar	0
IV. Ariza beruvchi va uning oilasidagi shaxslarning quyidagi toifaga mansubligi****
1.	Birinchi guruh nogironligi boʻlgan shaxs	10	Tuman tibbiyot birlashmasi xulosasi
2.	Surunkali kasallikning ogʻir turlaridan azob chekuvchi	10
3.	Ogʻir nogironlikka olib keluvchi kasallikka chalingan bolani parvarishlayotgan	10
Jami ball:		50

T/r	Mezonlar	Ball	Masʼul organ
I. Ariza beruvchi va/yoki uning oilasining daromadi (mehnatga haq toʻlashning eng kam miqdori — MHTEKM asosida)
Qishloq joylarda (tuman va tuman markazlari)
1.	MHTEKMning 3,0 baravariga teng va undan koʻp boʻlgan, 6,0 baravariga teng va undan kam boʻlgan	10	Tuman (shahar) davlat soliq inspeksiyasi
2.	MHTEKMning 6,0 baravaridan koʻp boʻlgan, 6,5 baravariga teng va undan kam boʻlgan	6	Tuman (shahar) davlat soliq inspeksiyasi
3.	MHTEKMning 6,5 baravaridan koʻp boʻlgan, 6,9 baravariga teng va undan kam boʻlgan	2	Tuman (shahar) davlat soliq inspeksiyasi
Shaharlarda (Qoraqalpogʻiston Respublikasi va viloyatlar shaharlari)
1.	MHTEKMning 3,0 baravariga teng va undan koʻp boʻlgan, 7,0 baravariga teng va undan kam boʻlgan	10	Tuman (shahar) davlat soliq inspeksiyasi
2.	MHTEKMning 7,0 baravaridan koʻp boʻlgan, 7,5 baravariga teng va undan kam boʻlgan	6
3.	MHTEKMning 7,5 baravaridan koʻp boʻlgan, 8,0 baravariga teng va undan kam boʻlgan	2
Toshkent shahrida
1.	MHTEKMning 3,0 baravariga teng va undan koʻp boʻlgan 8,0 baravariga teng va undan kam boʻlgan	10	Tuman (shahar) davlat soliq inspeksiyasi
2.	MHTEKMning 8,0 baravaridan koʻp boʻlgan 8,5 baravariga teng va undan kam boʻlgan	6
3.	MHTEKMning 8,5 baravaridan koʻp boʻlgan 9,2 baravariga teng va undan kam boʻlgan	2
II. Hozirgi turar joy maqomi*
1.	Ijara (er-xotin oʻz mulkida uy-joyi mavjud emas)	20	Tuman (shahar) davlat soliq inspeksiyasi, Kadastr agentligi tuman (shahar) boʻlimi
2.	Egasining ruxsati bilan tekin turar joy (er-xotin oʻz mulkida uy-joyi mavjud emas)
3.	Ariza beruvchi yaroqsiz yakka tartibdagi uy-joyda yashashi yoki uy-joy yashash maydonining bir shaxs uchun qonunchilik hujjatlarida nazarda tutilgan ijtimoiy normaga muvofiq emasligi.
III. Ijtimoiy himoyaga muhtoj boʻlgan ayrim shaxslar
1.	“labor-migration” dasturida roʻyxatdan oʻtgan mehnat migranti	10	Tuman (shahar) bandlikka koʻmaklashish markazi
2.	Yetim bolalar va ota-onasining qaramogʻidan mahrum boʻlgan bolalar	10	Tuman (shahar) hokimligi
3.	Alohida namuna koʻrsatayotgan yosh oilalar**	10	Yoshlar ishlari agentligining tuman (shahar) boʻlimi
4.	Ogʻir ijtimoiy vaziyatga tushib qolgan ayollar***	10	Tuman (shahar) oila va xotin-qizlar boʻlimi
5.	Yagona (yolgʻiz) boquvchiga ega boʻlgan oila (erkak yoki ayol)	9
6.	Boshqalar	0
IV. Ariza beruvchi va uning oilasidagi shaxslarning quyidagi toifaga mansubligi****
1.	Birinchi guruh nogironligi boʻlgan shaxs	10	Tuman tibbiyot birlashmasi xulosasi
2.	Surunkali kasallikning ogʻir turlaridan azob chekuvchi	10
3.	Ogʻir nogironlikka olib keluvchi kasallikka chalingan bolani parvarishlayotgan	10
Jami ball:		50

Izoh.

* Toʻliq oʻz mulkida uy-joyga ega boʻlgan oilalar (er yoki xotin)ga subsidiya ajratilmaydi.

** Mahalladagi yoshlar yetakchisining tavsiyasiga asosan ball beriladi.

*** III boʻlimdagi “Ogʻir ijtimoiy vaziyatga tushib qolgan ayollar” mezoni boʻyicha 10 ball olgan nomzodlarga IV boʻlim mezonlari boʻyicha ball berilmaydi.

Shuningdek, IV boʻlim mezonlari boʻyicha 10 ball olgan nomzodlarga III boʻlimdagi “Ogʻir ijtimoiy vaziyatga tushib qolgan ayollar” mezoni boʻyicha ball berilmaydi.

**** III va IV boʻlimlar boʻyicha ball bitta mezonga beriladi”;

d) 4-ilovada:

2-bosqich “Tadbirlar” ustuni “Yoshlar ishlari agentligining tuman (shahar) boʻlimiga” soʻzlaridan keyin “va mahalladagi yoshlar yetakchisiga” soʻzlari bilan toʻldirilsin;

3-bosqich “Subyektlar” ustunidagi “Yoshlar ishlari agentligining tuman (shahar) boʻlimi” soʻzlaridan keyin “mahalladagi yoshlar yetakchisi tavsiyasi asosida” soʻzlari bilan toʻldirilsin.

4. Vazirlar Mahkamasining 2020-yil 11-sentabrdagi 550-son qarori bilan tasdiqlangan Oʻzbekiston Respublikasi Yoshlar ishlari agentligi toʻgʻrisidagi nizomda:

a) 10-band quyidagi tahrirda bayon etilsin:

“10. Hududiy boshqarmalar va tuman (shahar) boʻlimlari yuridik shaxs tashkil etgan holda faoliyat yuritadi”;

b) 11-band quyidagi tahrirda bayon etilsin:

“11. Quyidagilar Agentlikning asosiy vazifalari hisoblanadi:

yoshlar bilan bogʻliq soha va yoʻnalishlarda yagona davlat siyosatini, strategik yoʻnalishlar va davlat dasturlarini ishlab chiqish hamda amalga oshirish;

mamlakatimizda yoshlarni qoʻllab-quvvatlash, ularning qonuniy huquq va manfaatlarini himoya qilishga qaratilgan normativ-huquqiy hujjatlarni takomillashtirish yuzasidan takliflar tayyorlash;

yoshlarga oid davlat siyosati toʻgʻrisidagi qonunchilikka rioya etilishi ustidan nazoratni amalga oshirish;

yoshlarni Vatanga sadoqat, milliy va umuminsoniy qadriyatlarga hurmat ruhida tarbiyalash, ularning sogʻligʻiga zarar yetkazuvchi axborotdan himoya qilish, oʻsib kelayotgan yosh avlodni ilm-fan va innovatsiyalarga keng jalb etish, ularni “Milliy tiklanishdan — milliy yuksalish sari!” gʻoyasi atrofida birlashtirishga qaratilgan chora-tadbirlarni amalga oshirish;

yoshlarning huquq va erkinliklari, qonuniy manfaatlarini himoya qilish, yoshlar oʻrtasida huquqbuzarliklar va jinoyatchilik profilaktikasini, shu jumladan, huquqbuzarliklarning maxsus profilaktikasiga qaratilgan chora-tadbirlarni amalga oshirishda faol ishtirok etish;

yoshlarga oid davlat siyosatini amalga oshirish jarayonida nodavlat notijorat tashkilotlar va fuqarolik jamiyatining boshqa institutlari bilan samarali hamkorlik qilish;

yoshlarga oid dasturlar, loyihalar va ilmiy-tadqiqot ishlarini moliyalashtirish uchun ijtimoiy buyurtma shaklida ajratiladigan davlat grantlari va subsidiyalarni taqsimlash, ulardan maqsadli va samarali foydalanilishini taʼminlash;

ijtimoiy himoyaga muhtoj, yetim va ota-onasining qaramogʻidan mahrum boʻlgan yoshlarning ijtimoiy-huquqiy himoyasini tashkil etish, shuningdek, huquqbuzarlikdan jabrlanuvchilarni, huquqbuzarliklar sodir etishga moyil boʻlgan, huquqbuzarlik sodir etgan, shu jumladan, ilgari sudlangan va ozodlikdan mahrum etish joylaridan ozod qilingan yoshlarni ijtimoiy reabilitatsiya qilish va ijtimoiy moslashtirish boʻyicha chora-tadbirlarni amalga oshirishda ishtirok etish;

iqtidorli yoshlarni yetakchi xorijiy oliy taʼlim muassasalariga taʼlim olish uchun yuborish, xalqaro tanlovlarda ishtirok etishini taʼminlash, yosh avlodni madaniyat, sanʼat, jismoniy tarbiya va sportga keng jalb etish, ularning axborot texnologiyalari boʻyicha savodxonligini oshirish, yoshlar oʻrtasida kitobxonlikni targʻib qilish, xotin-qizlar bandligini taʼminlash vazifalarini qamrab olgan beshta muhim tashabbusni keng joriy etishga qaratilgan ishlarni muvofiqlashtirish;

yoshlarning intellektual rivojlanishga boʻlgan intilishlarini qoʻllab-quvvatlash va bu sohadagi ishlarni muvofiqlashtirib borish;

yoshlarni kichik biznes va xususiy tadbirkorlikka keng jalb etish, zamonaviy kasb-hunarlar, raqamli iqtisodiyot koʻnikmalarini puxta egallashlari uchun qoʻshimcha shart-sharoitlar yaratish, ularni ish bilan taʼminlash jarayonlariga koʻmaklashish;

yoshlar siyosati sohasida xalqaro hamkorlikni rivojlantirish, yoshlar sohasidagi xalqaro reytinglarda mamlakatimiz mavqeyini oshirish boʻyicha zarur choralar koʻrish, xorijda taʼlim olayotgan yoshlar bilan olib borilayotgan ishlarni tizimli yoʻlga qoʻyish;

yoshlar faoliyati bilan bogʻliq sohalarga xorijiy investitsiyalar va ilgʻor texnologiyalarni jalb qilish boʻyicha manfaatdor vazirliklar va idoralar bilan birgalikda xalqaro moliya institutlari, donor mamlakatlar hamda xorijiy tashkilotlar bilan hamkorlikni rivojlantirish”;

v) 12-bandda:

“a” kichik band quyidagi mazmundagi xatboshi bilan toʻldirilsin:

“yoshlarga oid davlat siyosatining roʻyobga chiqarilishini tahlil qiladi, shuningdek, uni takomillashtirish boʻyicha takliflar ishlab chiqadi”;

“v” kichik band quyidagi tahrirda bayon etilsin:

“v) yoshlarga oid davlat siyosati toʻgʻrisidagi qonunchilikka rioya etilishi ustidan nazoratni amalga oshirish sohasida:

yoshlarga oid davlat siyosati toʻgʻrisidagi qonunchilikka rioya etilishi ustidan nazoratni amalga oshiradi;

yoshlarning taʼlim, ilm-fan, sport, madaniyat va boshqa sohalardagi faoliyati va tashabbuslarini qoʻllab-quvvatlashga oid vazifalarni roʻyobga chiqarish maqsadida qonun hujjatlariga rioya etilishi ustidan nazoratni tashkil etadi, zarur hollarda ushbu vazifalarni huquqni muhofaza qiluvchi va nazorat qiluvchi organlar xodimlarini jalb qilgan holda amalga oshiradi;

oʻz vakolatlari doirasida yoshlar huquqlarini himoya qilish hamda yoshlarga oid davlat siyosati toʻgʻrisidagi qonunchilik hujjatlarining buzilishi holatlarini bartaraf etish yuzasidan tashkilotlar, muassasalar va korxonalarga bajarilishi majburiy boʻlgan koʻrsatmalar kiritadi;

yoshlarga oid davlat siyosati toʻgʻrisidagi qonunchilikning aniqlangan buzilishlarini, ularga imkon beruvchi sabablar va shart-sharoitlarni bartaraf etish haqida davlat organlari va tashkilotlari rahbarlariga koʻrib chiqilishi majburiy boʻlgan taqdimnomalar kiritadi;

davlat organlari va tashkilotlarining yoshlarga oid faoliyatini tahlil qiladi, baholaydi va ular boʻyicha xulosalar tayyorlaydi, shuningdek, ushbu sohadagi ishlarni takomillashtirish boʻyicha tavsiyalar ishlab chiqadi;

yoshlarga oid qonunchilik hujjatlari ijrosining holati toʻgʻrisidagi axborot va materiallarni tahlil qiladi hamda umumlashtiradi, ularni takomillashtirish boʻyicha takliflar tayyorlaydi;

“Yoshlar balansi”ni shakllantiradi, yoshlar toʻgʻrisidagi zarur maʼlumotlarni “Yoshlar daftari” va “Yoshlar portali” elektron platformalariga kiritib boradi, ular bilan samarali ish tashkil qiladi”;

“g” kichik bandda:

birinchi xatboshi quyidagi tahrirda bayon etilsin:

“yoshlarni Vatanga sadoqat, milliy va umuminsoniy qadriyatlarga hurmat ruhida tarbiyalash, ularning sogʻligʻiga zarar yetkazuvchi axborotdan himoya qilish, oʻsib kelayotgan yosh avlodni ilm-fan va innovatsiyalarga keng jalb etish, ularni “Milliy tiklanishdan — milliy yuksalish sari!” gʻoyasi atrofida birlashtirishga qaratilgan chora-tadbirlarni amalga oshirish sohasida:”;

quyidagi mazmundagi xatboshilar bilan toʻldirilsin:

“bolalarning har tomonlama, uygʻun rivojlanishiga hamda milliy va umuminsoniy qadriyatlarga hurmat ruhida tarbiyalanishiga koʻmaklashuvchi axborotdan erkin foydalanish uchun ularga sharoitlar yaratadi;

bolalarni ularning sogʻligʻiga zarar yetkazuvchi axborotdan himoya qilishni taʼminlashga qaratilgan chora-tadbirlarni amalga oshiradi;

bolalarni ularning sogʻligʻiga zarar yetkazuvchi axborotdan himoya qilish sohasida yakka tartibdagi profilaktika ishlarini amalga oshirishda ishtirok etadi;

bolalarning axborotga oid va huquqiy madaniyatini yuksaltirishga, shuningdek, maʼnaviy-axloqiy tarbiyasiga doir faoliyatda ishtirok etadi;

bolalarni ularning sogʻligʻiga zarar yetkazuvchi axborotdan himoya qilishga doir faoliyatni amalga oshiruvchi hamda ushbu faoliyatda ishtirok etuvchi boshqa organlar va tashkilotlar bilan hamkorlik qiladi”;

“d” kichik band quyidagi tahrirda bayon etilsin:

“d) yoshlarning huquq va erkinliklari, qonuniy manfaatlarini himoya qilish, yoshlar oʻrtasida huquqbuzarliklar va jinoyatchilik profilaktikasini, shu jumladan, huquqbuzarliklarning maxsus profilaktikasiga qaratilgan chora-tadbirlarni amalga oshirishda faol ishtirok etish sohasida:

yoshlarning huquqlari, erkinliklari va qonuniy manfaatlarini himoya qilish, ularning oʻz iqtidor va isteʼdodlarini toʻlaqonli namoyon etishlari hamda imkoniyatlaridan toʻliq foydalanishlariga toʻsqinlik qiluvchi omillarni aniqlash va bartaraf etish, yoshlar oʻrtasida huquqbuzarlik va jinoyatchilikning oldini olishda, shu jumladan, huquqbuzarliklarning maxsus profilaktikasiga qaratilgan chora-tadbirlarni amalga oshirishda ishtirok etadi;

yoshlarning huquqlari va erkinliklari buzilishi toʻgʻrisidagi murojaatlarini koʻrib chiqadi, ularning buzilgan huquqlarini tiklash boʻyicha qonun hujjatlariga muvofiq choralar koʻradi;

yoshlar oʻrtasida salbiy holatlar yuzaga kelishining oldini olish, huquqbuzarlik va jinoyatchilikni keskin kamaytirishga qaratilgan, shuningdek, yoshlar oʻrtasida nazoratsizlik va huquqbuzarliklarning profilaktikasida ishtirok etadi;

yoshlarning huquqiy madaniyatini oshirishga qaratilgan kompleks chora-tadbirlarni ishlab chiqadi va amalga oshiradi, shu jumladan yoshlar oʻrtasida jamiyatda huquqiy ongni yuksaltirishga va qonuniylikni mustahkamlashga, shuningdek korrupsiyaga nisbatan murosasiz munosabatni shakllantirishga qaratilgan huquqiy targʻibot boʻyicha faoliyatda ishtirok etadi;

yoshlarning boʻsh vaqtlarini mazmunli tashkil etish maqsadida ularning fikr-mulohazalarini oʻrganishga qaratilgan ijtimoiy soʻrovlar oʻtkazadi va natijasi boʻyicha tegishli tadbirlarni belgilaydi;

yoshlar oʻrtasida huquqbuzarliklar sodir etilishiga imkon berayotgan sabablar va shart-sharoitlarni aniqlashda hamda bartaraf etishda koʻmaklashadi”;

“z” kichik band “j” kichik band deb oʻqilsin;

“j” va “i” kichik bandlar quyidagi tahrirda bayon etilsin:

“z) ijtimoiy himoyaga muhtoj, yetim va ota-onasining qaramogʻidan mahrum boʻlgan yoshlarning ijtimoiy-huquqiy himoyasini tashkil etish, shuningdek, huquqbuzarlikdan jabrlanuvchilarni, huquqbuzarliklar sodir etishga moyil boʻlgan, huquqbuzarlik sodir etgan, shu jumladan, ilgari sudlangan va ozodlikdan mahrum etish joylaridan ozod qilingan shaxslarni (yoshlarni) ijtimoiy reabilitatsiya qilish va ijtimoiy moslashtirish boʻyicha chora-tadbirlarni amalga oshirishda ishtirok etish sohasida:

ijtimoiy himoyaga muhtoj, yetim va ota-onasining qaramogʻidan mahrum boʻlgan yoshlarni huquqiy va ijtimoiy himoya qilishga, shuningdek, ularning bandligini taʼminlashga qaratilgan chora-tadbirlarni amalga oshiradi;

ijtimoiy himoyaga muhtoj, yetim va ota-onasining qaramogʻidan mahrum boʻlgan, shu jumladan, jazoni ijro etish muassasalaridan ozod qilingan yoki ixtisoslashtirilgan oʻquv-tarbiya muassasalaridan qaytib kelgan yoshlar uchun belgilangan ijtimoiy kafolatlar boʻyicha ishlar holatini muntazam ravishda oʻrganadi, ularni taʼminlash yuzasidan zarur choralar koʻradi;

ijtimoiy himoyaga muhtoj, yetim va ota-onasining qaramogʻidan mahrum boʻlgan, shu jumladan, jazoni ijro etish muassasalaridan ozod qilingan yoki ixtisoslashtirilgan oʻquv-tarbiya muassasalaridan qaytib kelgan yoshlarning ishga joylashtirilishi yuzasidan tizimli monitoring oʻrnatadi, ularning bandligini taʼminlash boʻyicha chora-tadbirlarni belgilaydi va amalga oshiradi;

oʻz vakolatlari doirasida ijtimoiy himoyaga muhtoj, yetim va ota-onasining qaramogʻidan mahrum boʻlgan, shu jumladan, jazoni ijro etish muassasalaridan ozod qilingan yoki ixtisoslashtirilgan oʻquv-tarbiya muassasalaridan qaytib kelgan yoshlarning huquqlarini himoya qilish yuzasidan tashkilotlar, muassasalar va korxonalarga bajarilishi majburiy boʻlgan koʻrsatmalar kiritadi;

i) iqtidorli yoshlarni yetakchi xorijiy oliy taʼlim muassasalariga taʼlim olish uchun yuborish, xalqaro tanlovlarda ishtirok etishini taʼminlash, yosh avlodni madaniyat, sanʼat, jismoniy tarbiya va sportga keng jalb etish, ularning axborot texnologiyalari boʻyicha savodxonligini oshirish, yoshlar oʻrtasida kitobxonlikni targʻib qilish, xotin-qizlar bandligini taʼminlash vazifalarini qamrab olgan beshta muhim tashabbusni keng joriy etishga qaratilgan ishlarni muvofiqlashtirish sohasida:

yoshlarning ijodiy qobiliyatini rivojlantirish, madaniyat va sanʼatga boʻlgan intilishini qoʻllab-quvvatlashga qaratilgan dasturlarni ishlab chiqadi hamda bu boradagi tadbirlar tizimli amalga oshirilishini taʼminlaydi, yoshlar oʻrtasida tanlov, festival, forum, musobaqa va boshqa tadbirlarni tashkil etadi;

yoshlarning musiqa, rassomlik, adabiyot, teatr va sanʼatning boshqa turlariga boʻlgan qiziqishlarini oshirishga qaratilgan ijtimoiy ahamiyati yuqori boʻlgan loyihalarni ragʻbatlantirishni tashkil etadi va amalga oshiradi;

yoshlar, yosh oilalar oʻrtasida kitobxonlik madaniyatini rivojlantirish chora-tadbirlarini belgilaydi va amalga oshiradi, tanlovlar tashkil etadi va oʻtkazadi;

yosh avlodni jismonan barkamol qilib voyaga yetkazish maqsadida ular oʻrtasida sogʻlom turmush tarzini shakllantirish yuzasidan manzilli chora-tadbirlarni amalga oshiradi;

mahallalarda yoshlarning boʻsh vaqtini mazmunli tashkil etish, milliy xalq oʻyinlari va sport turlarini yoshlar orasida ommalashtirish, besh muhim tashabbus loyihalari, yoshlar festivallari va boshqa madaniy-maʼrifiy tadbirlarni amalga oshirish;

yoshlarning innovatsion gʻoya va tashabbuslarini har tomonlama qoʻllab-quvvatlash, axborot texnologiyalariga boʻlgan qiziqishlarini yanada rivojlantirish, ularni “Yoshlar akademiyasi” faoliyatiga keng jalb qilish choralarini koʻradi;

yoshlar oʻrtasida volontyorlik tashabbuslarini qoʻllab-quvvatlaydi, ular faoliyatini samarali tashkil etishga qaratilgan chora-tadbirlarni amalga oshiradi;

yosh xotin-qizlarning bandligini taʼminlash, ularga zamonaviy kasb-hunar oʻrgatishga qaratilgan tizimli ishlarni tashkil etadi”;

quyidagi mazmundagi “i¹” kichik band bilan toʻldirilsin:

“i¹) yoshlarning intellektual rivojlanishga boʻlgan intilishlarini qoʻllab-quvvatlash va bu sohadagi ishlarni muvofiqlashtirib borish sohasida:

yoshlar oʻrtasida intellektual oʻyinlar, notiqlik musobaqalari, chet tillarda munozara va uchrashuvlar oʻtkazadi;

yoshlar oʻrtasida intellektual oʻyinlarni rivojlantirish hamda ommalashtirishga qaratilgan loyihalarga grantlar ajratadi;

intellektual oʻyinlar va ulardagi iqtidorli ishtirokchilar haqidagi maʼlumotlarning elektron platformaga kiritilishini taʼminlash va intellektual oʻyinlar natijalarini ommaviy axborot vositalarida yoritib boradi”;

g) 19-bandda:

“a”, “b” va “v” kichik bandlar quyidagi tahrirda bayon etilsin:

a) direktorning birinchi oʻrinbosarining asosiy vazifalari:

davlat boshqaruvi organlari va xoʻjalik birlashmalarining yoshlarga oid siyosatini muvofiqlashtirish;

mahalladagi yoshlar yetakchilari bilan ishlash;

besh tashabbus loyihalarini muvofiqlashtirish;

jismoniy va yuridik shaxslarning murojaatlari bilan ishlash;

b) direktor oʻrinbosarining asosiy vazifalari:

yoshlar bandligini taʼminlash va tadbirkorligini rivojlantirish;

yoshlar oʻrtasida innovatsiya va raqamli texnologiyalarni rivojlantirish;

yoshlarni harbiy-vatanparvarlik ruhida tarbiyalash, ularning huquqiy savodxonligini oshirish;

jismoniy va yuridik shaxslarning murojaatlari bilan ishlash;

v) direktor oʻrinbosarining asosiy vazifalari:

taʼlim muassasalaridagi yoshlar bilan ishlash;

yoshlar oʻrtasida intellektual oʻyinlarni rivojlantirish;

yoshlar oʻrtasida volontyorlikni rivojlantirish va qoʻllab-quvvatlash;

yoshlarni ijtimoiy himoya qilish va ular oʻrtasida sogʻlom turmush tarzini targʻib qilish;

yoshlar tashkilotlari bilan xalqaro aloqalarni rivojlantirish”;

jismoniy va yuridik shaxslarning murojaatlari bilan ishlash;

“g” kichik band chiqarib tashlansin;

d) quyidagi mazmundagi 19¹-band bilan toʻldirilsin:

19¹. Agentlik faoliyatining mutasaddilik qilinadigan faoliyatlaridan kelib chiqib, quyidagilar direktor oʻrinbosarlarining maqsadli vazifalari hisoblanadi:

1) direktorning birinchi oʻrinbosari (yoshlarga oid davlat siyosatini muvofiqlashtirish, mahalladagi yoshlar bilan ishlash va besh muhim tashabbus loyihalarini amalga oshirish boʻyicha):

mahallalarda yoshlarning boʻsh vaqtini mazmunli tashkil etish, milliy xalq oʻyinlari va sport turlarini yoshlar orasida ommalashtirish, Besh muhim tashabbus loyihalari, yoshlar festivallari va boshqa madaniy-maʼrifiy tadbirlarni amalga oshirish;

vazirliklar, idoralar va tashkilotlar hamda mahalliy davlat hokimiyati organlarida faoliyat yuritayotgan yoshlarni qoʻllab-quvvatlash;

vazirliklar, idoralar va tashkilotlar hamda mahalliy davlat hokimiyati organlari rahbarlarining yoshlar bilan ochiq muloqotlarini tashkil etish;

Besh muhim tashabbus doirasidagi ishlarni tizimli ravishda muvofiqlashtirish orqali yoshlar qamrovini kengaytirish;

jismoniy va yuridik shaxslarning murojaatlari bilan ishlash;

“Ijro.gov.uz” ijro intizomi idoralararo yagona elektron tizimi orqali topshiriq va vazifalar ijrosining taʼminlanishi.

2) Direktor oʻrinbosari (yoshlar bandligiga koʻmaklashish va tadbirkorligini qoʻllab-quvvatlash masalalari boʻyicha):

“Yoshlar daftari”ni tizimli ravishda yuritish, ishsiz yoshlarning bandligini taʼminlash ishlarini muvofiqlashtirish;

xususiy korxona va tashkilotlarga ishga qabul qilingan hamda faoliyat boshlaganiga olti oydan oshmagan “Yoshlar daftari”ga kiritilgan yoshlarni qayta tayyorlov kurslarida oʻqitish bilan bogʻliq boʻlgan xarajatlarni kompensatsiya qilish;

“Bir million dasturchi” loyihasi doirasida oʻquv kurslarini muvaffaqiyatli tugatgan va sertifikat olgan yoshlarga kompyuter (shu jumladan, Oʻzbekiston Respublikasida ishlab chiqarilmagan) xaridlari uchun isteʼmol kreditlari ajratish;

professional taʼlim tashkilotlarida tahsil olayotgan “Yoshlar daftari”ga kiritilgan yoshlarga ular ishlab chiqarish yoki xizmat koʻrsatish korxonalarida amaliyot oʻtgan vaqtida har oylik subsidiya ajratish;

yoshlarning huquqiy savodxonligi va madaniyatini oshirish;

yoshlarni Vatanga sadoqat ruhida tarbiyalash, ularda mamlakatimizda amalga oshirilayotgan islohotlarga daxldorlik hissini shakllantirish;

yoshlarni Vatanga sadoqat ruhida tarbiyalashga xizmat qiluvchi targʻibot materiallarini chop etish;

jismoniy va yuridik shaxslarning murojaatlari bilan ishlash;

“Ijro.gov.uz” ijro intizomi idoralararo yagona elektron tizimi orqali topshiriq va vazifalar ijrosining taʼminlanishi.

3) Direktor oʻrinbosari (taʼlim muassasalaridagi va ijtimoiy himoyaga muhtoj yoshlar bilan ishlash hamda xalqaro aloqalarni rivojlantirish masalalari boʻyicha):

xalqaro taʼlim dasturlari (imtihonlar) boʻyicha eng yuqori ball toʻplagan iqtidorli yoshlarga imtihon topshirish xarajatlarini qoplab berish;

yoshlarning xorijiy tillarni oʻrganishlari uchun yanada kengroq imkoniyat yaratish;

taʼlim muassasalarida tahsil olayotgan yoshlarni volontyorlik faoliyatiga jalb etish;

yoshlar tashkilotlarida volontyorlik klublari va guruhlari faoliyatini yoʻlga qoʻyish;

“Imkon taʼlim” granti orqali nogironligi boʻlgan yoshlarni axborot texnologiyalari sohasining “Veb dasturlash”, “Grafik dizayn”, “Sotsial media marketing” va shu kabi yoʻnalishlarda grant asosida bepul oʻqitish;

“Mehribonlik” uylari Bolalar shaharchasi yoki oilaviy bolalar uyida tarbiyalanuvchilari hamda “Yoshlar daftari”ga kiritilgan yoshlarning haydovchilik kurslarida oʻqish xarajatlarini va safarbarlik chaqiruvi rezervi xizmati badalini toʻlab berish tizimini joriy qilish;

yoshlar muammolarini tadqiq qilish ishlari samaradorligini oshirish, sotsiologik tadqiqotlar oʻtkazish;

yoshlar siyosati sohasida xalqaro hamkorlikni rivojlantirish, yoshlar sohasidagi xalqaro reytinglarda mamlakatimiz mavqeyini oshirish boʻyicha zarur choralar koʻrish;

Oʻzbekistonda yoshlar muammolari va ularni hal qilish yoʻllari, hududlar va tashkilotlarda ushbu yoʻnalishdagi ishlar natijadorligi hamda xorijiy mamlakatlar tajribasiga doir tahliliy hujjatlar tayyorlash;

jismoniy va yuridik shaxslarning murojaatlari bilan ishlash;

“Ijro.gov.uz” ijro intizomi idoralararo yagona elektron tizimi orqali topshiriq va vazifalar ijrosining taʼminlanishi”;

e) 23-band quyidagi mazmundagi xatboshi bilan toʻldirilsin:

“ushbu Nizomning 19 va 19¹-bandlarida koʻrsatilgan oʻz funksional vazifalarining sifatli bajarilishi uchun javobgar boʻladi”;

j) quyidagi mazmundagi 40¹-band bilan toʻldirilsin:

“40¹. Hududlarda yangi mahallalar tashkil etilganda Agentlikning tegishli tuman (shahar) boʻlimiga qoʻshimcha mahalladagi yoshlar yetakchisi shtat birligi ajratiladi va ularni saqlash xarajatlari (moddiy-texnik taʼminoti, ish haqi, lavozim maoshi, qoʻshimchalar, ustamalar va boshqa ragʻbatlantiruvchi toʻlovlar) Davlat budjetidan Yoshlar ishlari agentligiga ajratiladigan qoʻshimcha mablagʻlar hisobidan amalga oshiriladi.

5. Vazirlar Mahkamasining “Yoshlarni ijtimoiy qoʻllab-quvvatlash boʻyicha qoʻshimcha chora-tadbirlar toʻgʻrisida” 2021-yil 11-martdagi 132-son qarorida:

a) 2, 3, 4, 5, 6 va 9-bandlar oʻz kuchini yoʻqotgan deb hisoblansin;

b) 1, 2-ilovalar oʻz kuchini yoʻqotgan deb hisoblansin.

6. Vazirlar Mahkamasining “Moddiy yordam va koʻmakka muhtoj oilalarni, xotin-qizlar va yoshlarni ijtimoiy qoʻllab-quvvatlash boʻyicha qoʻshimcha chora-tadbirlar toʻgʻrisida” 2021-yil 28-apreldagi 250-son qarorida:

a) 3-band quyidagi tahrirda bayon etilsin:

“3. “Temir daftar”ni yuritish orqali ijtimoiy ahvoli va turmush sharoiti ogʻir oilalar muammolarini tizimli ravishda hal etish va ularni ijtimoiy qoʻllab-quvvatlash boʻyicha vaqtinchalik tartib 1-ilovaga muvofiq tasdiqlansin”;

b) 4-banddan “v” kichik band chiqarib tashlansin;

v) 6-band oʻz kuchini yoʻqotgan deb hisoblansin;

g) 8-band quyidagi tahrirda bayon etilsin:

“8. Belgilab qoʻyilsinki, “Temir daftar”ning yuritilishi boʻyicha Iqtisodiy taraqqiyot va kambagʻallikni qisqartirish vazirligi masʼul hisoblanadi”;

d) 9-bandda:

birinchi xatboshidagi ““Temir daftar” va “Yoshlar daftari”ning” soʻzlari ““Temir daftar”ning” soʻzlari bilan almashtirilsin;

“b” kichik band oʻz kuchini yoʻqotgan deb hisoblansin;

e) 3-ilova oʻz kuchini yoʻqotgan deb hisoblansin.

7. Vazirlar Mahkamasining 2021-yil 29-iyundagi 400-son qarori bilan tasdiqlangan Oʻzbekiston Respublikasi Yoshlar ishlari agentligining Yoshlarga oid davlat siyosatini qoʻllab-quvvatlash jamgʻarmasi mablagʻlarini shakllantirish va ulardan foydalanish tartibi toʻgʻrisidagi nizomda:

a) 3-banddagi “boʻlinmalari va” soʻzlari “boshqarmalari va tuman (shahar) boʻlimlari (keyingi oʻrinlarda – hududiy boʻlinmalar) hamda” soʻzlari bilan almashtirilsin;

b) 6-band:

quyidagi mazmundagi xatboshilar bilan toʻldirilsin:

“yoshlarni zamonaviy kasbga oʻrgatish, axborot texnologiyalari va xorijiy tillarga oʻqitish boʻyicha olti oygacha muddatli oʻquv kurslari uchun har oyda BHMning 4 baravarigacha miqdorda subsidiya ajratish;

ijtimoiy himoyaga muhtoj iqtidorli yoshlarning ilm-fan, sport, sanʼat va madaniyat yoʻnalishlaridagi olimpiada, tanlov va musobaqalarning mahalliy bosqichlarida qatnashish xarajatlari uchun BHMning 4 baravarigacha hamda xalqaro bosqichlarida qatnashish xarajatlari uchun bazaviy hisoblash miqdorining 40 baravarigacha miqdorda subsidiya ajratish;

yoshlarni taʼlim, madaniyat va sanʼat, sport, axborot texnologiyalari va fanlarni oʻqitishga ixtisoslashgan oʻquv markazlarining uch oy muddatgacha noturar joy ijara xarajatlari uchun BHMning 50 baravarigacha miqdorda subsidiya ajratish;

“Xorijdagi yoshlar balansi”ni shakllantirish va yuritish, xorijda sayyor qabullarni oʻtkazish vaqtida aniqlangan Oʻzbekiston Respublikasi fuqarosi boʻlgan yoshlarning muammolari va ehtiyojlarini hal qilish boʻyicha xarajatlarni amalga oshirish;

har chorakda mahallada yoshlar siyosatini samarali amalga oshirishda yuqori natijadorlikka erishayotgan mamlakat boʻyicha eng ilgʻor 100 nafar mahalladagi yoshlar yetakchilarini bir oylik ish haqiga teng miqdorda bir martalik pul mukofoti bilan, shuningdek, faoliyat samaradorligi koʻrsatkichlaridan kelib chiqib, mahalladagi yoshlar yetakchilarini har chorak yakuni boʻyicha oylik ish haqining 50 foizigacha miqdorda pul mukofoti bilan taqdirlash;

faoliyatini samarali tashkil etayotgan, oʻzining shaxsiy fazilatlari bilan yoshlarga namuna boʻlayotgan va ularga yetakchilik qilayotgan mahalladagi yoshlar yetakchilarini “Yangi Oʻzbekiston islohotchisi” koʻkrak nishoni bilan taqdirlash;

yil yakuni boʻyicha oʻziga biriktirilgan hududda yuqori natijalarga erishgan mahalladagi yoshlar yetakchilariga ipoteka krediti asosida sotib olinayotgan uy-joy qiymatining 50 foizi miqdorida, biroq qonunchilik hujjatlarida belgilanadigan uy-joy hisoblangan qiymatining 50 foizidan yuqori boʻlmagan miqdorda subsidiya ajratish;

boshqa hududlardan kelib oʻz faoliyatini olib borayotgan mahalladagi yoshlar yetakchilariga bazaviy hisoblash miqdorining ikki baravarigacha boʻlgan miqdorda turar joy ijara toʻlovi qoplab berish”;

oʻn sakkizinchi — yigirmanchi xatboshilar tegishlicha yigirma yettinchi — yigirma toʻqqizinchi xatboshilar deb hisoblansin;

v) 9-bandda:

birinchi xatboshidagi “hududiy boshqarmalar” soʻzlaridan keyin “va tuman (shahar) boʻlimlari” soʻzlari bilan toʻldirilsin;

ikkinchi xatboshidagi “400 mln soʻmdan” soʻzlari “bazaviy hisoblash miqdorining 1600 baravaridan” soʻzlari bilan almashtirilsin;

uchinchi xatboshidagi “100 mln soʻmdan” soʻzlari “bazaviy hisoblash miqdorining 400 baravaridan, tuman (shahar) boʻlimlari tomonidan qiymati bazaviy hisoblash miqdorining 200 baravaridan” soʻzlari bilan almashtirilsin.

8. Vazirlar Mahkamasining 2021-yil 28-iyuldagi 467-son qarori bilan tasdiqlangan Agentliklar rahbarlari oʻrinbosarlarining faoliyati samaradorligini hamda maqsadli vazifalarga erishishlarini baholashning asosiy mezonlarining XII bobi quyidagi tahrirda bayon etilsin:

T/r

Asosiy mezonlar

Oʻlchov birligi

(koʻrsatkich)

shu jumladan:

I chorak

II chorak

III chorak

IV chorak

Yillik

reja

XII. YOSHLAR ISHLARI AGENTLIGI

1. Direktorning birinchi oʻrinbosari (yoshlarga oid davlat siyosatini muvofiqlashtirish, mahalladagi yoshlar bilan ishlash va besh muhim tashabbus loyihalarini amalga oshirish boʻyicha)

Mahallalarda yoshlarning boʻsh vaqtini mazmunli tashkil etish, milliy xalq oʻyinlari va sport turlarini yoshlar orasida ommalashtirish, Besh muhim tashabbus loyihalari, yoshlar festivallari va boshqa madaniy-maʼrifiy tadbirlarni amalga oshirish

nafar

Vazirliklar, idoralar va tashkilotlar hamda mahalliy davlat hokimiyati organlarida faoliyat yuritayotgan yoshlarni qoʻllab-quvvatlash

mlrd. soʻm

Vazirlik, idora va tashqi lotlar hamda mahalliy davlat hokimiyati organlari rahbarlarining yoshlar bilan ochiq muloqotlarini tashkil etish

dona

Besh muhim tashabbus doirasidagi ishlarni tizimli ravishda muvofiqlashtirish orqali yoshlar qamrovini kengaytirish

mln. nafar

Jismoniy va yuridik shaxslarning murojaatlari bilan ishlash

nafar

“Ijro.gov.uz” ijro intizomi idoralararo yagona elektron tizimi orqali topshiriq va vazifalar ijrosining taʼminlanishi

2. Direktor oʻrinbosari (yoshlar bandligiga koʻmaklashish va tadbirkorligini qoʻllab-quvvatlash masalalari boʻyicha)

“Yoshlar daftari”ni tizimli ravishda yuritish, ishsiz yoshlarning bandligini taʼminlash ishlarini muvofiqlashtirish

mlrd. Soʻm

Professional taʼlim tashkilotlarida tahsil olayotgan “Yoshlar daftari”ga kiritilgan yoshlarga ular ishlab chiqarish yoki xizmat koʻrsatish korxonalarida amaliyot oʻtgan vaqtida har oylik subsidiya ajratish

ming nafar

Xususiy korxona va tashkilotlarga ishga qabul qilingan hamda faoliyat boshlaganiga olti oydan oshmagan “Yoshlar daftari”ga kiritilgan yoshlarni qayta tayyorlov kurslarida oʻqitish bilan bogʻliq boʻlgan xarajatlarni kompensatsiya qilish

ming nafar

nafar

Yoshlarning huquqiy savodxonligi va madaniyatini oshirish

Yoshlarni Vatanga sadoqat ruhida tarbiyalash, ularda mamlakatimizda amalga oshirilayotgan islohotlarga daxldorlik hissini shakllan tirish

mln nafar

Yoshlarni Vatanga sadoqat ruhida tarbiyalashga xizmat qiluvchi targʻibot materiallarini chop etish

ming dona

Jismoniy va yuridik shaxslarning murojaatlari bilan ishlash;

nafar

“Ijro.gov.uz” ijro intizomi idoralararo yagona elektron tizimi orqali topshiriq va vazifalar ijrosining taʼminlanishi

3. Direktor oʻrinbosari (taʼlim muassasalaridagi va ijtimoiy himoyaga muhtoj yoshlar bilan ishlash hamda xalqaro aloqalarni rivojlantirish masalalari boʻyicha)

Xalqaro taʼlim dasturlari (imtihonlar) boʻyicha eng yuqori ball toʻplagan iqtidorli yoshlarga imtihon topshirish xarajatlarini qoplab berish

nafar

Yoshlarning xorijiy tillarni oʻrganishlari uchun yanada kengroq imkoniyat yaratish

Taʼlim tashkilotlarida tahsil olayotgan yoshlarni volontyorlik faoliyatiga jalb etish

ming nafar

Yoshlar tashkilotlarida volontyorlik klublari va guruhlari faoliyatini yoʻlga qoʻyish

dona

nafar

“Mehribonlik” uylari, Bolalar shaharchasi yoki oilaviy bolalar uyi tarbiyalanuvchilari hamda “Yoshlar daftari”ga kiritilgan yoshlarning haydovchilik kurslarida oʻqish xarajatlarini va safarbarlik chaqiruvi rezervi xizmati badalini toʻlab berish tizimini joriy qilish

ming nafar

Yoshlar muammolarini tadqiq qilish ishlari samaradorligini oshirish, sotsiologik tadqiqotlar oʻtkazish

Jismoniy va yuridik shaxslarning murojaatlari bilan ishlash;

nafar

10.

“Ijro.gov.uz” ijro intizomi idoralararo yagona elektron tizimi orqali topshiriq va vazifalar ijrosining taʼminlanishi

dona

9. Vazirlar Mahkamasining “Ijtimoiy himoyaga muhtoj yoshlarni qoʻllab-quvvatlashning qoʻshimcha chora-tadbirlari toʻgʻrisida” 2021-yil 4-oktabrdagi 617-son qarorida:

a) 1-ilovaning 5-bandi quyidagi tahrirda bayon etilsin:

“5. Vasiylik kengashi ariza beruvchining murojaatiga asosan “Yoshlar daftari” jamgʻarmasi mablagʻlari hisobidan qonunchilik hujjatlarida belgilangan tartibda ariza beruvchining oʻqish xarajati bir qismini qoplab beradi”;

b) 2-ilovada:

5-band quyidagi tahrirda bayon etilsin:

“5. Vasiylik kengashi “Mehribonlik” uylari, Bolalar shaharchalari va oilaviy bolalar uylarida tarbiyalangan yoshlarning ushbu muassasalarda tarbiyalanganini tasdiqlovchi hujjatlarni, “Yoshlar daftari”ga kiritilgan ariza beruvchilarning oilasi “Ijtimoiy himoya yagona reyestri”ga kiritilganini oʻrganib, ariza beruvchilarning murojaatiga asosan “Yoshlar daftari”ga kiritilgan yoshlarni qoʻllab-quvvatlash jamgʻarmasi (keyingi oʻrinlarda — “Yoshlar daftari” jamgʻarmasi) mablagʻlari hisobidan qonunchilik hujjatlarida belgilangan tartibda ariza beruvchiga subsidiya ajratilishi mumkin”;

6-banddagi “6-7-bandlarida” soʻzlari “3-4-bandlarida” soʻzlari bilan almashtirilsin;

v) 5-ilovada:

1-banddagi “oilalarning farzandlariga” soʻzlari “yoshlarga” soʻzi bilan almashtirilsin;

2-banddagi “oilalar farzandlariga” soʻzlari “yoshlarga” soʻzi bilan almashtirilsin;

3-bandning uchinchi xatboshisidan “oilasi” soʻzi chiqarib tashlansin;

5-banddan “oilasi” soʻzi chiqarib tashlansin;

12-banddan “oilasi” soʻzi chiqarib tashlansin;

13-banddan “oilasi” soʻzlari chiqarib tashlansin;

14-bandning “a” kichik bandidagi “oilasi” soʻzi “uning” soʻzi bilan almashtirilsin;

17-bandning ikkinchi xatboshisida “oilasi” soʻzi “oʻquvchilarning” soʻzi bilan almashtirilsin;

ilovada:

1-bosqich “Chora-tadbirlar” ustunidagi “oilasi” soʻzi chiqarib tashlansin;

2-bosqich “Chora-tadbirlar” ustunining birinchi va ikkinchi xatboshilaridagi “oilasi” soʻzlari chiqarib tashlansin;

3-bosqich “Chora-tadbirlar” ustunidagi “oilasi” soʻzi chiqarib tashlansin;

g) 6-ilovada:

2-bandning oltinchi xatboshisi quyidagi tahrirda bayon etilsin:

“kompensatsiya – kompyuter sotib olish uchun ajratilgan isteʼmol kreditiga hisoblanadigan barcha foizlarni qoplash (kompensatsiya qilish) maqsadida vakolatli organning hududiy boʻlinmalari tomonidan har oyda bankka oʻtkaziladigan, bank tomonidan esa ariza beruvchining nomiga ochilgan tegishli bank hisobvaragʻiga oʻtkaziladigan mablagʻ”;

9-band quyidagi tahrirda bayon etilsin:

“9. Ariza beruvchining murojaatiga asosan davlat xizmatlari markazi xodimi ariza beruvchining nomidan, YIDXP orqali murojaat qilinganda esa — ariza beruvchi mustaqil ravishda ushbu Tartibga 2-ilovaga muvofiq davlat xizmatidan foydalanish uchun soʻrovnomani elektron tarzda toʻldiradi va quyidagi hujjatlarni elektron tarzda ilova qiladi:

kreditning foiz toʻlovlarini kompensatsiya qilib berish toʻgʻrisidagi ariza;

ariza beruvchi jismoniy shaxsning shaxsiy identifikatsiya raqami (JSHSHIR) (agar ariza sertifikat olgan bolaning qonuniy vakili tomonidan berilsa, uning shaxsiy identifikatsiya raqami (JSHSHIR) va bolaning qonuniy vakili ekanligini tasdiqlovchi hujjat ilova qilinadi);

“Bir million dasturchi” loyihasi doirasida oʻquv kurslarini muvaffaqiyatli tugatganligi toʻgʻrisida sertifikat nusxasi (pdf shaklda) va uning haqiqiyligini tekshirish uchun sertifikatni taqdim etgan tashkilotning elektron tizimidagi sertifikat havolasi.

Ariza beruvchidan ushbu bandda koʻrsatilmagan maʼlumot va hujjatlarni talab qilish qatʼiyan taqiqlanadi.

Taqdim etilgan hujjatlardagi maʼlumotlarning haqqoniyligiga ariza beruvchi masʼul hisoblanadi”;

16-bandda:

uchinchi xatboshidagi “60” raqami “180” raqami bilan almashtirilsin;

toʻrtinchi xatboshidan “va toʻgʻriligi” soʻzlari chiqarib tashlansin;

18-banddan ikkinchi xatboshi chiqarib tashlansin;

19-band quyidagi tahrirda bayon etilsin:

“19. Verifikatsiya natijasiga koʻra sertifikatning haqiqiy emasligi aniqlanganda kompensatsiya toʻlanmaydi va bu haqida ariza beruvchiga SMS xabar yuboriladi”;

22-banddagi “bir ish kuni mobaynida” soʻzlari “har oyning 15-kunida” soʻzlari bilan almashtirilsin;

23-band quyidagi tahrirda bayon etilsin:

“23. Kredit boʻyicha foiz toʻlovlarini toʻlash uchun zarur summalar har oyning 25-kunigacha Davlat budjetidan ajratilgan mablagʻlar hisobidan Yoshlar ishlari agentligining hududiy boʻlinmalari tomonidan tegishlicha AT “Xalq banki”, AT “Aloqabank” va “Mikrokreditbank” ATBning Qoraqalpogʻiston Respublikasi, viloyatlar va Toshkent shahar hududiy filiallari va bank xizmatlari ofislarining tegishli hisob raqamiga ariza beruvchilarning reyestrini ilova qilgan holda oʻtkazib boriladi.

Taqdim etilgan reyestrga muvofiq banklar ushbu mablagʻlarni isteʼmol krediti foizlarini qoplash uchun ariza beruvchilarning bankdagi hisobvaragʻiga oʻtkazib boradi”;

1-ilovada:

1-bosqichning “Tadbirlar” ustuni “ilova qilgan holda” soʻzlaridan keyin “sertifikatni taqdim etgan tashkilotning elektron tizimidagi sertifikat havolasini koʻrsatib” soʻzlari bilan toʻldirilsin;

1-bosqichning “Ijro muddatlari” ustunidagi “60” raqami “180” raqami bilan almashtirilsin;

3-bosqichdagi “Tadbirlar” va “Ijro muddatlari” ustunlaridan ikkinchi xatboshilar chiqarib tashlansin;

5-bosqichning “Ijro muddatlari” ustunidagi “Bir ish kuni mobaynida” soʻzlari “har oyning 15-kuniga qadar” soʻzlari bilan almashtirilsin;

6-bosqichning “Tadbirlar” ustuni quyidagi tahrirda bayon etilsin:

“Kredit boʻyicha foiz toʻlovlarini toʻlash uchun zarur summalar har oyning 25-kunigacha Davlat budjetidan ajratilgan mablagʻlar hisobidan Yoshlar ishlari agentligining hududiy boʻlinmalari tomonidan tegishlicha AT “Xalq banki”, AT “Aloqabank” va “Mikrokreditbank” ATBning Qoraqalpogʻiston Respublikasi, viloyatlar va Toshkent shahar hududiy filiallari va bank xizmatlari ofislarining tegishli hisob raqamiga ariza beruvchilarning reyestrini ilova qilgan holda oʻtkazib boriladi.

Taqdim etilgan reyestrga muvofiq banklar ushbu mablagʻlarni isteʼmol krediti foizlarini qoplash uchun ariza beruvchilarning bankdagi hisobvaragʻiga oʻtkazib boradi”;

2-ilova quyidagi tahrirda bayon etilsin:

“Bir million dasturchi” loyihasi doirasida oʻquv kurslarini muvaffaqiyatli tugatgan va sertifikat olgan yoshlarga kompyuter xaridlari uchun isteʼmol kreditlari ajratish hamda mazkur kreditlarning foiz toʻlovlarini kompensatsiya qilishning maʼmuriy reglamentiga
2-ILOVA

Kompensatsiya olish boʻyicha davlat xizmatlaridan foydalanish uchun

SOʻROVNOMA

T/r	Qabul qilish sanasi	Qabul qilgan shaxs
I. Ariza beruvchi (jismoniy shaxs) haqida maʼlumot:
1.1. F.I.O.:		-
1.2. Tugʻilgan sanasi:		kun/oy/yil
1.3. Jismoniy shaxsning shaxsiy identifikatsiya raqami (JSHSHIR):		-
1.4. Telefon raqami:		-
1.5. Yashash joyi:		Tuman (shahar), viloyat, respublika
1.6. Uzbekcoders.uz veb-saytida roʻyxatdan oʻtgan elektron pochta manzili (mavjud boʻlgan taqdirda)		-
1.7. “Bir million dasturchi”loyihasi doirasida oʻquv kurslarini muvaffaqiyatli tamomlaganligi toʻgʻrisidagi sertifikat havolasi		-
II. Sertifikat olgan oʻn olti yoshga toʻlmagan shaxs va uning qonuniy vakili haqidagi maʼlumot:
2.1.1. Oʻn olti yoshga toʻlmagan shaxsning F.I.O.:		-
2.2. Tugʻilgan sanasi:		kun/oy/yil
2.3. Tugʻilganlik haqidagi guvohnoma raqami:		-
2.4. Bolaning qonuniy vakili F.I.O.:		-
2.5. Shaxsiy identifikatsiya raqami (JSH SHIR):		-
2.6. Sertifikat olgan bolaning vakili ekanligini tasdiqlovchi hujjat:
2.7. Telefon raqami:		-
2.8. Yashash joyi:		Tuman (shahar), viloyat, respublika
2.9. Uzbekcoders.uz veb-saytida roʻyxatdan oʻtgan elektron pochta manzili (mavjud boʻlgan taqdirda)		-
2.10. “Bir million dasturchi”loyihasi doirasida oʻquv kurslarini muvaffaqiyatli tamomlaganligi toʻgʻrisidagi sertifikatni taqdim etgan tashkilotning elektron tizimidagi sertifikat havolasi.		-

T/r	Qabul qilish sanasi	Qabul qilgan shaxs
I. Ariza beruvchi (jismoniy shaxs) haqida maʼlumot:
1.1. F.I.O.:		-
1.2. Tugʻilgan sanasi:		kun/oy/yil
1.3. Jismoniy shaxsning shaxsiy identifikatsiya raqami (JSHSHIR):		-
1.4. Telefon raqami:		-
1.5. Yashash joyi:		Tuman (shahar), viloyat, respublika
1.6. Uzbekcoders.uz veb-saytida roʻyxatdan oʻtgan elektron pochta manzili (mavjud boʻlgan taqdirda)		-
1.7. “Bir million dasturchi”loyihasi doirasida oʻquv kurslarini muvaffaqiyatli tamomlaganligi toʻgʻrisidagi sertifikat havolasi		-
II. Sertifikat olgan oʻn olti yoshga toʻlmagan shaxs va uning qonuniy vakili haqidagi maʼlumot:
2.1.1. Oʻn olti yoshga toʻlmagan shaxsning F.I.O.:		-
2.2. Tugʻilgan sanasi:		kun/oy/yil
2.3. Tugʻilganlik haqidagi guvohnoma raqami:		-
2.4. Bolaning qonuniy vakili F.I.O.:		-
2.5. Shaxsiy identifikatsiya raqami (JSH SHIR):		-
2.6. Sertifikat olgan bolaning vakili ekanligini tasdiqlovchi hujjat:
2.7. Telefon raqami:		-
2.8. Yashash joyi:		Tuman (shahar), viloyat, respublika
2.9. Uzbekcoders.uz veb-saytida roʻyxatdan oʻtgan elektron pochta manzili (mavjud boʻlgan taqdirda)		-
2.10. “Bir million dasturchi”loyihasi doirasida oʻquv kurslarini muvaffaqiyatli tamomlaganligi toʻgʻrisidagi sertifikatni taqdim etgan tashkilotning elektron tizimidagi sertifikat havolasi.		-

10. Vazirlar Mahkamasining 2021-yil 12-oktabrdagi 637-son qarori bilan tasdiqlangan “Temir daftar” va “Ayollar daftari”ga kiritilgan oilalarning farzandlari hamda “Yoshlar daftari”ga kiritilgan yangi turmush qurgan yoshlarning yakka tartibdagi xonadonida qoʻshimcha uy-joy qurish uchun garovsiz kredit ajratish tartibi toʻgʻrisidagi nizomning 11-bandi quyidagi mazmundagi xatboshi bilan toʻldirilsin:

““Yoshlar daftari” jamgʻarmasining kafilligi qarzdorning doimiy yashash joyidagi mahalladagi yoshlar yetakchisining tavsiyasi asosida beriladi”.

Кўриниш

Кўриниш