Oldingi tahrirga qarang.
O‘zbekiston Respublikasi “Rasmiy statistika to‘g‘risida”gi Qonuni va Vazirlar Mahkamasining 2017-yil 2-sentabrdagi 690-son “O‘zbekiston Respublikasi Davlat statistika qo‘mitasi to‘g‘risidagi nizomni tasdiqlash haqida”gi qaroriga muvofiq O‘zbekiston Respublikasi Davlat statistika qo‘mitasi qaror qiladi:
(muqaddima O‘zbekiston Respublikasi Davlat statistika qo‘mitasining 2021-yil 1-dekabrdagi 14-mb-sonli qarori (ro‘yxat raqami 3312-1, 24.12.2021-y.) tahririda — Qonunchilik ma’lumotlari milliy bazasi, 24.12.2021-y., 10/21/3312-1/1191-son)
1. Statistika hisobotini elektron shaklda taqdim etish tartibi to‘g‘risidagi nizom ilovaga muvofiq tasdiqlansin.
O‘zbekiston Respublikasi Davlat statistika qo‘mitasining 2013-yil 24-iyundagi 3-mb-son “Elektron raqamli imzodan foydalangan holda elektron shaklda davlat statistika hisobotini taqdim etish tartibi to‘g‘risidagi nizomni tasdiqlash haqida”gi qarori (ro‘yxat raqami 2479, 2013-yil 17-iyul) (O‘zbekiston Respublikasi qonun hujjatlari to‘plami, 2013-y., 29-son, 380-modda);
O‘zbekiston Respublikasi Davlat statistika qo‘mitasining 2018-yil 26-sentabrdagi 5-mb-son “Elektron raqamli imzodan foydalangan holda elektron shaklda davlat statistika hisobotini taqdim etish tartibi to‘g‘risida nizomning 1-bandiga o‘zgartirish kiritish haqida”gi qarori (ro‘yxat raqami 2479-1, 2018-yil 8-oktabr) (Qonun hujjatlari ma’lumotlari milliy bazasi, 09.10.2018-y., 10/18/2479-1/2008-son).
O‘zbekiston Respublikasi Davlat statistika qo‘mitasining 2021-yil 16-iyundagi 9-mb-son qaroriga
ILOVA
ILOVA
Oldingi tahrirga qarang.
Ushbu Nizom O‘zbekiston Respublikasining “Rasmiy statistika to‘g‘risida”gi, “Elektron raqamli imzo to‘g‘risida”gi va “Elektron hujjat aylanishi to‘g‘risida”gi qonunlariga muvofiq Internet tarmog‘i orqali elektron raqamli imzodan foydalangan holda elektron shaklda statistika hisobotini (bundan buyon matnda statistika hisoboti deb yuritiladi) taqdim etish tartibini belgilaydi.
(muqaddima O‘zbekiston Respublikasi Davlat statistika qo‘mitasining 2021-yil 1-dekabrdagi 14-mb-sonli qarori (ro‘yxat raqami 3312-1, 24.12.2021-y.) tahririda — Qonunchilik ma’lumotlari milliy bazasi, 24.12.2021-y., 10/21/3312-1/1191-son)
Oldingi tahrirga qarang.
statistika hisoboti — O‘zbekiston Respublikasi Prezidenti huzuridagi Statistika agentligi (bundan buyon matnda Statistika agentligi deb yuritiladi) tomonidan tasdiqlanadigan shakl, tartib va muddatlarda respondentlar tomonidan birlamchi ma’lumotlar asosida shakllantiriladigan va bepul taqdim etiladigan statistik ma’lumotlar;
(1-bandning ikkinchi xatboshisi O‘zbekiston Respublikasi Prezidenti huzuridagi Statistika agentligi direktorining 2023-yil 14-apreldagi 30-mb-sonli buyrug‘i (ro‘yxat raqami 3312-3, 26.04.2023-y.) tahririda — Qonunchilik ma’lumotlari milliy bazasi, 26.04.2023-y., 10/23/3312-3/0230-son)
Oldingi tahrirga qarang.
respondent — rasmiy statistikani tayyorlovchilarga individual va boshqa ma’lumotlarni statistika maqsadlarida taqdim etuvchi jismoniy yoki yuridik shaxs;
(1-bandning uchinchi xatboshisi O‘zbekiston Respublikasi Davlat statistika qo‘mitasining 2021-yil 1-dekabrdagi 14-mb-sonli qarori (ro‘yxat raqami 3312-1, 24.12.2021-y.) tahririda — Qonunchilik ma’lumotlari milliy bazasi, 24.12.2021-y., 10/21/3312-1/1191-son)
statistika hisobotini elektron shaklda yig‘ish axborot tizimi (bundan buyon matnda axborot tizimi deb yuritiladi) — statistika hisobotini Internet tarmog‘i orqali elektron raqamli imzodan foydalangan holda elektron shaklda taqdim etish va qayta ishlashni ta’minlovchi axborot tizimi;
elektron namuna — ko‘rsatkichlar tavsifini, birlamchi statistik ma’lumotlarni tekshirish qismlarini, zarur me’yoriy-axborot ma’lumotlarini o‘z ichiga olgan axborot tizimining bir qismi bo‘lgan statistika hisobotining elektron shakli;
elektron raqamli imzo — elektron hujjatdagi mazkur elektron hujjat axborotini elektron raqamli imzoning yopiq kalitidan foydalangan holda maxsus o‘zgartirish natijasida hosil qilingan hamda elektron raqamli imzoning ochiq kaliti yordamida elektron hujjatdagi axborotda xatolik yo‘qligini aniqlash va elektron raqamli imzo yopiq kalitining egasini identifikatsiya qilish imkoniyatini beradigan imzo;
elektron hujjat — elektron shaklda qayd etilgan, elektron raqamli imzo bilan tasdiqlangan hamda elektron hujjatning uni identifikatsiya qilish imkonini beradigan boshqa rekvizitlariga ega bo‘lgan axborot;
statistika hisoboti kelib tushganligi haqida xabarnoma (bundan buyon matnda Xabarnoma deb yuritiladi) — statistika hisobotining axborot tizimiga kelib tushgan sanasi va statistika organi tomonidan uni ko‘rib chiqish natijasini respondentga ma’lum qilish muddati to‘g‘risidagi ma’lumotlarni o‘z ichiga olgan, axborot tizimi tomonidan avtomatik tarzda shakllantiriluvchi xabar;
statistika hisobotini taqdim etish tartibi buzilganligi haqida ko‘rsatma (bundan buyon matnda Ko‘rsatma deb yuritiladi) — hisobot va boshqa ma’lumotlarni taqdim etmaslikda ifodalangan statistika hisobotini taqdim etish tartibini buzish, hisobot ma’lumotlarini buzib ko‘rsatish yoki hisobotni taqdim etish muddatini buzish holatlari aniqlanganda mazkur kamchiliklarni bartaraf etish muddati haqida ma’lumotlarni o‘z ichiga olgan, axborot tizimi tomonidan avtomatik tarzda shakllantiriluvchi xabar;
statistika hisoboti qabul qilinganligi haqida ma’lumotnoma (bundan buyon matnda Ma’lumotnoma deb yuritiladi) — statistika organi tomonidan statistika hisobotining qabul qilinganligini tasdiqlovchi, sanasi va qabul qilgan xodimning familiyasi ko‘rsatilgan, uning elektron raqamli imzosi bilan imzolangan va respondentga yuboriladigan elektron xabar;
Oldingi tahrirga qarang.
qayta ishlash davri — taqdim etilgan statistika hisobotini tahlil qilish va umumlashtirish uchun Statistika agentligi tomonidan belgilangan vaqt oralig‘i. Qayta ishlash davri tegishli yig‘ma statistika ma’lumotlarini O‘zbekiston Respublikasi Vazirlar Mahkamasi tomonidan tasdiqlanadigan bir yillik statistika dasturida belgilangan tarqatish muddatidan oshmasligi kerak.
(1-bandning o‘n birinchi xatboshisi O‘zbekiston Respublikasi Prezidenti huzuridagi Statistika agentligi direktorining 2023-yil 14-apreldagi 30-mb-sonli buyrug‘i (ro‘yxat raqami 3312-3, 26.04.2023-y.) tahririda — Qonunchilik ma’lumotlari milliy bazasi, 26.04.2023-y., 10/23/3312-3/0230-son)
faoliyat yuritayotgan respondentlar (faoliyat ko‘rsatmayotgan va harakatsiz holatga o‘tkazilganlardan tashqari);
yangi tashkil etilgan respondentlar birinchi marotaba, belgilangan statistika hisobotining navbatdagi davridan boshlab;
faoliyati tugatilgan respondentlar faoliyat yuritgan hisobot davri uchun, o‘z faoliyatini tugatish vaqtida.
3. Statistika organlari tomonidan statistika hisobotini taqdim etishning belgilangan davriyligidan ko‘proq davriylikda talab qilinishiga yo‘l qo‘yilmaydi.
4. Elektron shakldagi statistika hisoboti qog‘oz hujjatga tenglashtiriladi va u bilan bir xil yuridik kuchga ega hamda belgilangan tartibda elektron arxivda saqlanishi lozim.
Elektron shakldagi statistika hisobotining saqlanish muddati, qog‘oz shaklidagi statistika hisobotlari uchun belgilangan muddatdan kam bo‘lmasligi kerak.
5. Zaruriyatga ko‘ra, statistika organi tomonidan elektron statistika hisobotining qog‘oz shakldagi nusxasi tayyorlanishi mumkin, nusxada tegishli rekvizitlar, tayyorlangan vaqti va sanasi ko‘rsatiladi. Elektron statistika hisobotining qog‘oz shaklidagi nusxasi uni tayyorlagan statistika organi rahbari tomonidan imzolanadi.
Oldingi tahrirga qarang.
6. Respondentlar axborot tizimidan Statistika agentligining elektron interaktiv xizmatlar portalida (my.stat.uz) avtomatik tarzda yaratilgan shaxsiy kabineti orqali bepul foydalanadi.
(6-band O‘zbekiston Respublikasi Prezidenti huzuridagi Statistika agentligi direktorining 2023-yil 14-apreldagi 30-mb-sonli buyrug‘i (ro‘yxat raqami 3312-3, 26.04.2023-y.) tahririda — Qonunchilik ma’lumotlari milliy bazasi, 26.04.2023-y., 10/23/3312-3/0230-son)
Oldingi tahrirga qarang.
7. Statistika hisoboti shakliga belgilangan tartibda o‘zgartirishlar kiritilgan taqdirda, Statistika agentligi tegishli elektron namunaga zarur o‘zgartirishlarni kiritib, o‘zining rasmiy sayti orqali respondentni o‘zgartirishlar to‘g‘risida xabardor qiladi.
(7-band O‘zbekiston Respublikasi Prezidenti huzuridagi Statistika agentligi direktorining 2023-yil 14-apreldagi 30-mb-sonli buyrug‘i (ro‘yxat raqami 3312-3, 26.04.2023-y.) tahririda — Qonunchilik ma’lumotlari milliy bazasi, 26.04.2023-y., 10/23/3312-3/0230-son)
Oldingi tahrirga qarang.
Statistika agentligining elektron interaktiv xizmatlar portali (my.stat.uz) orqali elektron raqamli imzodan foydalangan holda axborot tizimidagi shaxsiy kabinetiga kiradi;
(8-bandning ikkinchi xatboshisi O‘zbekiston Respublikasi Prezidenti huzuridagi Statistika agentligi direktorining 2023-yil 14-apreldagi 30-mb-sonli buyrug‘i (ro‘yxat raqami 3312-3, 26.04.2023-y.) tahririda — Qonunchilik ma’lumotlari milliy bazasi, 26.04.2023-y., 10/23/3312-3/0230-son)
Oldingi tahrirga qarang.
tegishli statistika hisoboti shaklini taqdim etish davriyligi va belgilangan muddatidan kechiktirmay elektron statistika hisobotini shakllantiradi va Statistika agentligiga axborot tizimi orqali jo‘natadi.
(8-bandning uchinchi xatboshisi O‘zbekiston Respublikasi Prezidenti huzuridagi Statistika agentligi direktorining 2023-yil 14-apreldagi 30-mb-sonli buyrug‘i (ro‘yxat raqami 3312-3, 26.04.2023-y.) tahririda — Qonunchilik ma’lumotlari milliy bazasi, 26.04.2023-y., 10/23/3312-3/0230-son)
Statistika hisobotini taqdim etish muddatining so‘nggi kuni dam olish yoki bayram (ishlanmaydigan) kuniga to‘g‘ri kelsa, undan keyin keladigan birinchi ish kuni muddat tugaydigan kun deb hisoblanadi.
9. Elektron shaklda taqdim etilgan statistika hisoboti, ishonchli ma’lumotlar asosida to‘liq to‘ldirilgan va hisobot ma’lumotlarining mantiqiy tekshirish natijasida aniqlangan kamchiliklar to‘liq bartaraf etilgan bo‘lishi kerak.
Elektron namunaning har bir katakchasidagi ko‘rsatkich statistika hisoboti namunasida yoki unga ilova qilingan ro‘yxatda (nomenklatura, tasniflagich) keltirilgan o‘lchov birliklariga muvofiq ko‘rsatiladi.
ko‘rsatkich qiymati belgilangan o‘lchov birligidan kam bo‘lgan holda verguldan keyingi qiymat to‘liq aniqlikda yozib qo‘yiladi.
Oldingi tahrirga qarang.
respondentning nomi va identifikatsion kodlari (soliq to‘lovchining identifikatsiya raqami — STIR (yuridik shaxslar uchun), korxona, tashkilotning asosiy kodi — KTUT, jismoniy shaxsning shaxsiy identifikatsiya raqami — JShShIR (jismoniy shaxslar uchun);
(10-bandning ikkinchi xatboshisi O‘zbekiston Respublikasi Davlat statistika qo‘mitasining 2022-yil 1-iyuldagi 20-mb-sonli qarori (ro‘yxat raqami 3312-2, 29.07.2022-y.) tahririda — Qonunchilik ma’lumotlari milliy bazasi, 29.07.2022-y., 10/22/3312-2/0697-son)
Oldingi tahrirga qarang.
11. Respondentning elektron raqamli imzosi bilan imzolangan va o‘zida majburiy rekvizitlarni to‘liq aks ettirgan elektron shakldagi statistika hisoboti respondentdan chiquvchi hujjat deb hisoblanadi.
(11-band O‘zbekiston Respublikasi Prezidenti huzuridagi Statistika agentligi direktorining 2023-yil 14-apreldagi 30-mb-sonli buyrug‘i (ro‘yxat raqami 3312-3, 26.04.2023-y.) tahririda — Qonunchilik ma’lumotlari milliy bazasi, 26.04.2023-y., 10/23/3312-3/0230-son)
12. Respondentdan elektron statistika hisobotini qabul qilishda, axborot tizimi uning elektron manzilini avtomatik ravishda ro‘yxatdan o‘tkazadi. Axborot tizimi tomonidan elektron manzilning ro‘yxatdan o‘tkazilishi, respondent uchun statistika hisobotini faqat elektron shaklda taqdim etish majburiyatini bermaydi.
13. Statistika hisobotini yuborgandan so‘ng respondent uning axborot tizimiga kelib tushganligi va uni ko‘rib chiqish muddati to‘g‘risida axborot tizimi orqali avtomatik tarzda shakllantirilgan elektron Xabarnomani oladi, ushbu Xabarnoma hisobotning statistika organi tomonidan qabul qilinganligini tasdiqlamaydi.
Xabarnomadagi statistika hisobotini ko‘rib chiqish muddati, uni qayta ishlash davrini hisobga olgan holda belgilanadi.
14. Xabarnomada ko‘rsatilgan vaqtdan kechiktirmay, respondent axborot tizimidagi o‘zining shaxsiy kabineti orqali quyidagi elektron hujjatlardan birini oladi:
Ma’lumotnomani — agar qayta ishlash uchun kelib tushgan statistika hisobotida ma’lumotlarni taqdim etmaslikda ifodalangan statistika hisobotini taqdim etish tartibini buzish, hisobot ma’lumotlarini buzib ko‘rsatish yoki hisobotni taqdim etish muddatini buzish holatlari aniqlanmaganda;
Ko‘rsatmani — agar statistika hisobotini taqdim etish tartibini buzish, hisobot ma’lumotlarini buzib ko‘rsatish yoki hisobotni taqdim etish muddatini buzish holatlari aniqlanganda. Bunda ko‘rsatma barcha xato va nomuvofiqliklar ro‘yxatini, ularni bartaraf etish bo‘yicha tavsiyalarni, shuningdek to‘g‘rilangan ma’lumotlarni taqdim etish muddati, aniqlangan qoidabuzilishlarning o‘z vaqtida bartaraf etilmasligi respondentga nisbatan ma’muriy choralar ko‘rilishiga sabab bo‘lishi mumkinligi to‘g‘risida ogohlantirishni va qayta ishlashni o‘tkazgan xodimning elektron raqamli imzosini o‘z ichiga olishi lozim.
Axborot tizimi tomonidan yuboriladigan xabarlar respondentning shaxsiy kabineti bilan bir qatorda, uning elektron pochta manzili, mobil telefon raqamiga SMS-xabar orqali yoki aloqaning boshqa vositalari yordamida yuborilishi mumkin.
15. Agar respondent, joriy hisobot davri uchun statistika hisobotini yuborgandan so‘ng, undagi xatolar va nomuvofiqliklarni mustaqil aniqlasa, u statistika organlariga to‘g‘rilangan hisobotni tushuntirishlar bilan yuboradi.
Qayta ishlash davri o‘tguniga qadar respondent tomonidan to‘g‘rilangan hisobotning qayta yuborilishi statistika hisobotini taqdim etish tartibini buzish hisoblanmaydi, hisobot mazkur Nizomda belgilangan tartibda statistika organlari tomonidan qabul qilinadi va qayta ishlanadi.
Oldingi tahrirga qarang.
16. Respondent tomonidan mustaqil to‘g‘rilangan hisobotning Statistika agentligi tomonidan belgilangan qayta ishlash davridan kechikib qayta yuborilishi statistika hisobotini taqdim etish tartibini buzish hisoblanadi va qonunchilik hujjatlariga muvofiq mansabdor shaxslarga nisbatan ma’muriy jazo choralari qo‘llanilishiga sabab bo‘ladi.
(16-band O‘zbekiston Respublikasi Prezidenti huzuridagi Statistika agentligi direktorining 2023-yil 14-apreldagi 30-mb-sonli buyrug‘i (ro‘yxat raqami 3312-3, 26.04.2023-y.) tahririda — Qonunchilik ma’lumotlari milliy bazasi, 26.04.2023-y., 10/23/3312-3/0230-son)
17. Statistika organi xodimi, joriy hisobot davri uchun respondentdan elektron shakldagi statistika hisobotini qabul qilganda:
statistika hisobotini ko‘rib chiqish tugaganidan so‘ng bir soatdan kechiktirmay, respondentga elektron raqamli imzo bilan imzolangan Ma’lumotnoma yoki Ko‘rsatmani yuborishi.
18. Ko‘rsatmadagi ma’lumotlarni to‘g‘rilab taqdim etish muddati, amaldagi qonunchilik va qayta ishlash davrini hisobga olgan holda belgilanadi.
19. Respondent topshirilgan hisobotni ko‘rib chiqish natijalari haqida Ma’lumotni axborot tizimidagi shaxsiy kabineti orqali olishi va ma’lumotni o‘qiganligi haqida munosabat bildirishi mumkin.
20. Respondent Ko‘rsatmani olgandan so‘ng, Ko‘rsatmada belgilangan muddatda statistika hisobotini to‘g‘rilab, uni statistika organiga qaytadan yuboradi. Bunda Ko‘rsatmada belgilanadigan muddat respondent tomonidan statistika hisobotini to‘g‘rilab, uni statistika organiga qaytadan yuborish uchun mutanosib ravishda belgilanishi lozim.
Agar joriy hisobot davri uchun to‘g‘rilangan statistika hisoboti Ko‘rsatmada belgilangan muddatda taqdim etilgan bo‘lsa, hisobotlarni taqdim etish muddatlarini buzganlik uchun belgilangan ma’muriy jazo choralari qo‘llanilmaydi.
21. Agar joriy hisobot to‘g‘ri bo‘lib, joriy statistika hisobotidagi nomuvofiqliklar ilgari yo‘l qo‘yilgan xatolar va buzib ko‘rsatishlar (o‘tgan hisobot davrlarida) bilan bog‘liq bo‘lganligi uchun respondent tomonidan uni to‘g‘rilash mumkin bo‘lmasa, bu holda respondent Ko‘rsatmada belgilangan muddatdan kechiktirmay:
o‘tgan hisobot davrlari uchun to‘g‘rilangan statistika hisobotini statistika organiga taqdim etadi (elektron yoki qog‘oz shaklida).
22. Nomuvofiqliklar sabablariga izoh berilgan holda yuborilgan joriy hisobotni respondentdan olganda, statistika organi:
respondentdan buzib ko‘rsatishlar yo‘l qo‘yilgan barcha o‘tgan davrlar uchun to‘g‘rilangan statistika hisobotini qabul qiladi va ularga nisbatan tegishli qonunchilik hujjatlarida belgilangan tartibda ma’muriy javobgarlik choralarini ko‘rish masalasini hal etadi;
qonunchilik hujjatlarida belgilangan tartibda yig‘ma davlat statistika ma’lumotlariga o‘zgartirishlar kiritish bo‘yicha zarur harakatlarni amalga oshiradi.
23. Respondentda Ma’lumotnoma mavjud bo‘lgan taqdirda, statistika hisoboti qabul qilingan deb hisoblanadi. Ma’lumotnomada ko‘rsatilgan vaqt va sana statistika hisoboti qabul qilingan muddat bo‘lib hisoblanadi.
24. Texnik sabablarga ko‘ra, mazkur Nizomda belgilangan muddatlarda Xabarnoma yoki Ma’lumotnomani olmagan respondent, ushbu holat bo‘yicha o‘zi ro‘yxatdan o‘tgan joydagi statistika organiga xabar (elektron pochta orqali, telefonda yoki shaxsan) beradi.
25. Statistika organi xabarni olgandan so‘ng, respondent bilan birgalikda, bir ish kunidan oshmagan muddatda mazkur holatning kelib chiqish sabablarini aniqlash va uni bartaraf etish bo‘yicha zarur harakatlarni amalga oshirishi zarur.
26. Elektron shakldagi statistika hisobotini qabul qiluvchi statistika organlari xodimlari ularning o‘z vaqtida qayta ishlanishi va olingan ma’lumotlar maxfiyligini ta’minlagan holda ulardan kelgusida faqat statistika maqsadlarida foydalanilishi uchun shaxsan javobgardirlar.
27. Statistika organlari xodimlari statistika hisobotining respondentning elektron raqamli imzosi bilan noqonuniy imzolanishi uchun javobgar bo‘lmaydilar.
28. Mazkur Nizom talablarining buzilishida aybdor bo‘lgan shaxslar qonunchilik hujjatlariga muvofiq javobgarlikka tortiladi.
29. Ushbu Nizom O‘zbekiston Respublikasi Axborot texnologiyalari va kommunikatsiyalarini rivojlantirish vazirligi bilan kelishilgan.