Oʻzbekiston Respublikasi Prezidentining “Oʻzbekiston Respublikasi Tibbiy-ijtimoiy xizmatlarni rivojlantirish agentligi faoliyatini tashkil etish toʻgʻrisida” 2021-yil 25-martdagi PQ-5038-son qarori ijrosini hamda Oʻzbekiston Respublikasi Tibbiy-ijtimoiy xizmatlarni rivojlantirish agentligi faoliyatini samarali tashkil etishni taʼminlash maqsadida Vazirlar Mahkamasi qaror qiladi:

1. Quyidagilarni nazarda tutuvchi Oʻzbekiston Respublikasi Tibbiy-ijtimoiy xizmatlarni rivojlantirish agentligi (keyingi oʻrinlarda — Agentlik) toʻgʻrisidagi nizom ilovaga muvofiq tasdiqlansin:

Agentlikning huquqiy maqomi, tuzilmasi, asosiy vazifalari va funksiyalari;

Agentlik faoliyatini tashkil etish tartibi;

Agentlik va uning hududiy boʻlinmalarining huquqlari va javobgarligi, oʻz tarkibiy boʻlinmalari bilan hamda boshqa tashkilotlar bilan oʻzaro hamkorlik qilishi;

Agentlik rahbarlarining asosiy funksional vazifalari va javobgarligi;

Agentlikni moliyalashtirish va moddiy-texnik jihatdan taʼminlash, uning xodimlari mehnatiga haq toʻlash va ularni moddiy ragʻbatlantirish.

2. Agentlik ushbu qaror bilan tasdiqlangan Nizomdan kelib chiqib:

bir oy muddatda Qoraqalpogʻiston Respublikasi, viloyatlar va Toshkent shahar tibbiy-ijtimoiy xizmatlarni rivojlantirish boshqarmalari (keyingi oʻrinlarda — hududiy boshqarmalar) toʻgʻrisida nizomlarni tasdiqlasin;

ikki oy muddatda hududiy boshqarmalar tomonidan tuman (shahar) tibbiy-ijtimoiy xizmatlarni rivojlantirish boʻlimlari (keyingi oʻrinlarda — tuman (shahar) boʻlimlari) toʻgʻrisidagi nizomlar tasdiqlanishini taʼminlansin.

3. Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari bir oy muddatda:

Agentlikning hududiy boshqarmalari va tuman (shahar) boʻlimlarini transport kommunikatsiyalari qulay, shuningdek, xizmat koʻrsatiladigan kontingent — keksalar va nogironligi boʻlgan shaxslarning jismoniy imkoniyatlarini hisobga olgan holda zarur sharoitlarga ega boʻlgan bino (xonalar) bilan taʼminlash choralarini koʻrsin;

Agentlikning hududiy boshqarmalariga bittadan, jami 14 ta yengil xizmat avtotransport vositalarini saqlashga limit hamda ularning xaridi uchun zarur boʻlgan mablagʻlarni ajratsin.

4. Oʻzbekiston Respublikasi Sogʻliqni saqlash vazirligi:

Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari bilan birgalikda Agentlikning hududiy boshqarmalari va tuman (shahar) boʻlimlariga bino (xonalar) ajratilishiga qadar ular foydalanilayotgan bino (xona)larda uzluksiz ravishda faoliyat yuritishi imkoniyatini taʼminlasin;

nogironligi boʻlgan shaxslarning elektron maʼlumotlarini oʻzida jamlaydigan “TIEK” tibbiy-ijtimoiy ekspertiza komissiyalari dasturiy kompleksini 2022-yil yakuniga qadar Agentlikka bepul bersin. Dasturiy kompleks Agentlikka bepul berilgunga qadar sogʻliqni saqlash organlari bilan tuzilgan shartnoma asosida xizmat koʻrsatilishini tashkil qilsin.

5. Vazirlar Mahkamasining “Oʻzbekiston Respublikasi Sogʻliqni saqlash vazirligi huzuridagi Tibbiy-ijtimoiy xizmatlar agentligi faoliyatini tashkil etish toʻgʻrisida” 2019-yil 26-martdagi 252-son qarori (Oʻzbekiston Respublikasi qonun hujjatlari toʻplami, 2019-yil, 13-son, 241-modda) oʻz kuchini yoʻqotgan deb hisoblansin.

6. Mazkur qarorning bajarilishini nazorat qilish Oʻzbekiston Respublikasi Bosh vazirining ijtimoiy rivojlantirish masalalari boʻyicha oʻrinbosari B.A. Musayev hamda Oʻzbekiston Respublikasi Tibbiy-ijtimoiy xizmatlarni rivojlantirish agentligi direktori A.K. Inakov zimmasiga yuklansin.

1. Ushbu Nizom Oʻzbekiston Respublikasi Tibbiy-ijtimoiy xizmatlarni rivojlantirish agentligining (keyingi oʻrinlarda — Agentlik) asosiy vazifalari, funksiyalari, huquqlari va javobgarligini, shuningdek, faoliyatini tashkil etish tartibini belgilaydi.

2. Agentlik keksalar, nogironligi boʻlgan shaxslar va aholining ijtimoiy himoyaga muhtoj boshqa toifalariga tibbiy-ijtimoiy xizmatlar koʻrsatish sohasida yagona davlat siyosatini olib boruvchi davlat boshqaruvi organi hisoblanadi hamda oʻz faoliyatida Oʻzbekiston Respublikasi Vazirlar Mahkamasiga (keyingi oʻrinlarda — Vazirlar Mahkamasi) boʻysunadi.

3. Agentlik oʻz faoliyatida Oʻzbekiston Respublikasi Konstitutsiyasi va qonunlariga, Oʻzbekiston Respublikasi Oliy Majlisi palatalarining qarorlariga, Oʻzbekiston Respublikasi Prezidentining farmonlari, qarorlari va farmoyishlariga, Vazirlar Mahkamasining qarorlari va farmoyishlariga, ushbu Nizomga va boshqa qonunchilik hujjatlariga amal qiladi.

4. Agentlikning oʻz vakolatlari doirasida qabul qilgan qarorlari, tashkiliy-huquqiy shaklidan qatʼi nazar, davlat boshqaruvi organlari, mahalliy ijro etuvchi hokimiyat organlari, xoʻjalik birlashmalari, boshqa tashkilotlar va ularning mansabdor shaxslari, shuningdek, fuqarolar tomonidan bajarilishi majburiydir.

5. Agentlik oʻz faoliyatini davlat boshqaruvi organlari, mahalliy ijro etuvchi hokimiyat organlari, xoʻjalik birlashmalari, shuningdek, jismoniy va yuridik shaxslar bilan oʻzaro hamkorlikda amalga oshiradi.

6. Agentlik yuridik shaxs hisoblanadi, Oʻzbekiston Respublikasi Davlat gerbi tasviri tushirilgan va oʻz nomi davlat tilida yozilgan muhrga hamda blankalarga, mustaqil balansga, Oʻzbekiston Respublikasi Moliya vazirligining Gʻaznachiligida shaxsiy gʻazna hisobvaraqlariga ega boʻladi.

7. Agentlikning Qoraqalpogʻiston Respublikasi, viloyatlar va Toshkent shahar tibbiy-ijtimoiy xizmatlarni rivojlantirish boshqarmalari (keyingi oʻrinlarda — hududiy boshqarmalar) Agentlik tomonidan tasdiqlangan nizomlarga, tuman (shahar) tibbiy-ijtimoiy xizmatlarni rivojlantirish boʻlimlari (keyingi oʻrinlarda — tuman (shahar) boʻlimlari) hududiy boshqarmalar tomonidan tasdiqlangan nizomlarga muvofiq oʻz faoliyatini amalga oshiradilar.

8. Agentlikning rasmiy nomi:

a) davlat tilida:

toʻliq nomi — Oʻzbekiston Respublikasi Tibbiy-ijtimoiy xizmatlarni rivojlantirish agentligi;

b) rus tilida:

toʻliq nomi — Agentstvo po razvitiyu mediko-sotsialnix uslug Respubliki Uzbekistan;

v) ingliz tilida:

toʻliq nomi — Agency for development of medical and social services of the Republic of Uzbekistan.

9. Agentlik joylashgan joy (pochta manzili): Toshkent shahri, Shayxontohur tumani, Navoiy koʻchasi, 12 A-uy.

10. Agentlik tizimiga quyidagilar kiradi:

Agentlikning markaziy apparati;

hududiy boshqarmalar;

tuman (shahar) boʻlimlari;

idoraviy mansub tashkilotlar:

“Saxovat” keksalar va nogironligi boʻlgan shaxslar uchun internat uylari;

“Muruvvat” nogironligi boʻlgan shaxslar uchun internat uylari;

“Muruvvat” nogironligi boʻlgan bolalar uchun internat uylari;

Urush va mehnat faxriylari uchun respublika pansionati;

Keksalar va nogironligi boʻlgan shaxslar, urush va mehnat faxriylari uchun sanatoriylar;

Nogironligi boʻlgan shaxslarni reabilitatsiya qilish va protezlash milliy markazi;

Nogironligi boʻlgan shaxslarni reabilitatsiya qilish va protezlash hududiy markazlari;

Odam savdosidan jabrlanganlarga yordam berish va ularni himoya qilish boʻyicha respublika reabilitatsiya markazi;

Respublika tibbiy-ijtimoiy ekspertiza inspeksiyasi va uning hududiy boʻlinmalari.

Agentlik tizimiga kiradigan tashkilotlar oʻz faoliyatini belgilangan tartibda tasdiqlanadigan nizomlar va ustavlarga muvofiq amalga oshiradilar.

“11. Agentlik tarkibida yuridik shaxs hisoblanmaydigan, Nogironligi boʻlgan shaxslarni qoʻllab-quvvatlash jamgʻarmasi hamda budjetdan tashqari “Muruvvat” va “Saxovat” internat uylarini qoʻllab-quvvatlash jamgʻarmasi faoliyat yuritadi.

Ushbu jamgʻarmalar mablagʻlarini shakllantirish va sarflash tartibi Vazirlar Mahkamasi tomonidan belgilanadi”.

12. Quyidagilar Agentlikning asosiy vazifalari hisoblanadi:

keksalar, nogironligi boʻlgan shaxslar va aholining ijtimoiy himoyaga muhtoj boshqa toifalariga tibbiy-ijtimoiy xizmat koʻrsatish sohasida yagona davlat siyosatini amalga oshirish;

tibbiy-ijtimoiy muassasalarning, jumladan, “Muruvvat” nogironligi boʻlgan shaxslar uchun internat uylari hamda “Saxovat” keksalar va nogironligi boʻlgan shaxslar uchun internat uylarining keksalar, nogironligi boʻlgan shaxslarga xizmat koʻrsatish boʻyicha faoliyatini tashkil etish va boshqarish;

keksalar, nogironligi boʻlgan shaxslar va aholining ijtimoiy himoyaga muhtoj boshqa toifalariga tibbiy-ijtimoiy xizmatlar koʻrsatishda davlat organlari va tashkilotlari faoliyatini muvofiqlashtirish va ularga metodik rahbarlik qilish;

nogironligi boʻlgan shaxslarni tibbiy, kasbiy va ijtimoiy reabilitatsiya qilish sohasida ilmiy tadqiqotlar oʻtkazilishini hamda mutaxassislar tayyorlashni tashkil etish;

muhtoj shaxslarni protez-ortopediya buyumlari va reabilitatsiya texnik vositalari bilan taʼminlash faoliyatini tashkil etish;

tibbiy-ijtimoiy xizmatlar koʻrsatishning samaradorligini ilgʻor xorijiy tajriba va zamonaviy rivojlanish tendensiyalari asosida tahlil qilish va monitoring olib borish;

tibbiy-ijtimoiy ekspertiza xizmati, nogironligi boʻlgan shaxslarni reabilitatsiya qilish faoliyatiga tashkiliy-metodik rahbarlik qilish;

odam savdosidan jabrlanganlarni tibbiy-ijtimoiy reabilitatsiya qilish va psixologik qoʻllab-quvvatlash tizimini muvofiqlashtirish;

nogironligi boʻlgan shaxslarning huquqlari toʻgʻrisidagi qonunchilik hujjatlari ijrosini tashkil etish.

13. Agentlik oʻziga yuklangan vazifalarga muvofiq quyidagi funksiyalarni amalga oshiradi:

a) keksalar, nogironligi boʻlgan shaxslar va aholining ijtimoiy himoyaga muhtoj boshqa toifalariga tibbiy-ijtimoiy xizmat koʻrsatish sohasida yagona davlat siyosatini amalga oshirish sohasida:

keksalar, nogironligi boʻlgan shaxslar va aholining boshqa ijtimoiy himoyaga muhtoj toifalariga tibbiy-ijtimoiy xizmat koʻrsatish tizimi faoliyatini tashkil etish va yaxshilash masalalarida yagona davlat boshqaruvini amalga oshiradi;

keksalar, nogironligi boʻlgan shaxslar va aholining boshqa ijtimoiy himoyaga muhtoj toifalariga manzilli tibbiy-ijtimoiy xizmat koʻrsatish sohasida qonunchilikni yanada takomillashtirish boʻyicha takliflar kiritadi;

keksalar, nogironligi boʻlgan shaxslar va aholining ijtimoiy himoyaga muhtoj boshqa toifalariga tibbiy-ijtimoiy xizmat koʻrsatishni rivojlantirishga oid davlat dasturlari va hududiy dasturlarni ishlab chiqadi va amalga oshiradi;

keksalar, nogironligi boʻlgan shaxslar va aholining ijtimoiy himoyaga muhtoj boshqa toifalariga tibbiy-ijtimoiy xizmat koʻrsatishni yanada takomillashtirish va samaradorligini oshirishga qaratilgan yangi usul va ijtimoiy texnologiyalarni tatbiq etish boʻyicha takliflarni ishlab chiqadi;

keksalar va aholining ijtimoiy himoyaga muhtoj boshqa toifalariga tibbiy-ijtimoiy xizmatning yangi shakl va mexanizmini tatbiq etish, tibbiy-ijtimoiy ekspertiza, keksalar, nogironligi boʻlgan shaxslar va aholining ijtimoiy himoyaga muhtoj boshqa toifalarini reabilitatsiya qilish faoliyatini muvofiqlashtiradi;

Agentlik faoliyati bilan bogʻliq qonunchilikda belgilangan keksalar, nogironligi boʻlgan shaxslar va aholining boshqa ijtimoiy himoyaga muhtoj toifalariga imtiyozlar, sanatoriy-kurortda sogʻlomlashtirish uchun yoʻllanmalar, protez-ortopediya buyumlari va reabilitatsiya texnik vositalarini taqdim etish sohasida faoliyatni muvofiqlashtiradi;

mahalliy ijro etuvchi hokimiyat organlari bilan birgalikda yolgʻiz keksa fuqarolar, nogironligi boʻlgan shaxslar va aholining boshqa ijtimoiy himoyaga muhtoj toifalariga ijtimoiy-maishiy xizmat koʻrsatishni tashkil etadi;

mahalliy ijro etuvchi hokimiyat organlari, fuqarolarning oʻzini oʻzi boshqarish organlari bilan hamkorlikda oʻzgalar parvarishiga muhtoj yolgʻiz keksalar va nogironligi boʻlgan shaxslarga uyida ijtimoiy-maishiy xizmat koʻrsatish boʻyicha ishlarni tashkil etadi va muvofiqlashtiradi;

sohani axborotlashtirish tizimi shakllantirilishini taʼminlaydi, manfaatdor vazirliklar va idoralar bilan birgalikda zamonaviy axborot-kommunikatsiya texnologiyalarini, shu jumladan, tibbiy-ijtimoiy xizmat tizimida hisob va hisobotni yuritish boʻyicha zamonaviy axborot-kommunikatsiya texnologiyalarini joriy etadi;

b) tibbiy-ijtimoiy muassasalarning, jumladan, “Muruvvat” nogironligi boʻlgan shaxslar uchun internat uylari hamda “Saxovat” keksalar va nogironligi boʻlgan shaxslar uchun internat uylarining keksalar, nogironligi boʻlgan shaxslarga xizmat koʻrsatish boʻyicha faoliyatini tashkil etish va boshqarish sohasida:

keksalar, nogironligi boʻlgan shaxslar va aholining boshqa ijtimoiy himoyaga muhtoj toifalariga tibbiy-ijtimoiy xizmatlar oʻz vaqtida malakali va sifatli koʻrsatilishini taʼminlash borasida tibbiy-ijtimoiy muassasalar faoliyatini muvofiqlashtiradi;

keksalar, nogironligi boʻlgan shaxslar va aholining boshqa ijtimoiy himoyaga muhtoj toifalariga tibbiy-ijtimoiy xizmat koʻrsatishning yangi shakl va mexanizmlarini tatbiq etish boʻyicha tibbiy-ijtimoiy muassasalar faoliyatini muvofiqlashtiradi;

tibbiy-ijtimoiy muassasalarda yashaydigan keksalar va nogironligi boʻlgan shaxslarga maishiy, tibbiy va madaniy xizmat koʻrsatishni tashkil etadi, mazkur muassasalarning moddiy-texnik bazasini mustahkamlashni taʼminlaydi;

“Muruvvat” nogironligi boʻlgan shaxslar uchun internat uylari hamda “Saxovat” keksalar va nogironligi boʻlgan shaxslar uchun internat uylarining vasiylikka olinganlarga dastlabki tibbiy yordam koʻrsatish, sogʻliqni saqlash tizimining yuqori malakali mutaxassislarini jalb etgan holda dispanserizatsiyadan oʻtkazish, ularni sanatoriylarda sogʻlomlashtirish va ixtisoslashtirilgan statsionarlarda davolashni tashkil qilish faoliyatini muvofiqlashtiradi;

“Muruvvat” nogironligi boʻlgan shaxslar uchun internat uylari hamda “Saxovat” keksalar va nogironligi boʻlgan shaxslar uchun internat uylarining maʼnaviy-maʼrifiy va madaniy tadbirlarni, shu jumladan, konsert dasturlarini tashkil etish orqali keksalar va nogironligi boʻlgan shaxslarning madaniy hayotda faol ishtirok etishlarini tashkil etish faoliyatini muvofiqlashtiradi;

keksalar, nogironligi boʻlgan shaxslar va aholining boshqa ijtimoiy himoyaga muhtoj toifalariga tibbiy-ijtimoiy yordam dasturlarini moliyalashtirish uchun mablagʻlarni jalb etishga oid ishlarda nodavlat notijorat va boshqa tashkilotlarning oʻzaro hamkorligini taʼminlaydi;

keksalar, nogironligi boʻlgan shaxslar va aholining boshqa ijtimoiy himoyaga muhtoj toifalariga tibbiy-ijtimoiy yordam koʻrsatish sohasida davlat-xususiy sheriklik mexanizmlarini tatbiq etishga koʻmaklashadi;

v) keksalar, nogironligi boʻlgan shaxslar va aholining ijtimoiy himoyaga muhtoj boshqa toifalariga tibbiy-ijtimoiy xizmatlar koʻrsatishda davlat organlari va tashkilotlari faoliyatini muvofiqlashtirish va ularga metodik rahbarlik qilish sohasida:

keksalar, nogironligi boʻlgan shaxslar va aholining ijtimoiy himoyaga muhtoj boshqa toifalariga tibbiy-ijtimoiy xizmatlar koʻrsatish borasida amalga oshirilgan ishlar toʻgʻrisida davlat organlari va tashkilotlaridan tegishli maʼlumotlarni soʻrab oladi;

davlat organlari va tashkilotlari tomonidan keksalar, nogironligi boʻlgan shaxslar va aholining boshqa ijtimoiy himoyaga muhtoj toifalariga tibbiy-ijtimoiy yordam koʻrsatishning monitoringi va tahlilini olib boradi, ushbu sohadagi muammolarni bartaraf qilish boʻyicha takliflarni ishlab chiqadi;

davlat organlari va tashkilotlarining keksalar, nogironligi boʻlgan shaxslar va aholining boshqa ijtimoiy himoyaga muhtoj toifalariga tibbiy-ijtimoiy xizmat koʻrsatish boʻyicha faoliyatini muvofiqlashtiradi;

g) nogironligi boʻlgan shaxslarni tibbiy, kasbiy va ijtimoiy reabilitatsiya qilish sohasida ilmiy tadqiqotlar oʻtkazilishini hamda mutaxassislar tayyorlashni tashkil etish sohasida:

nogironligi boʻlgan shaxslarni tibbiy, kasbiy va ijtimoiy reabilitatsiya qilish yoʻnalishlarida ilmiy tadqiqotlar oʻtkazilishini tashkil etadi va muvofiqlashtiradi;

nogironligi boʻlgan shaxslarni tibbiy, kasbiy va ijtimoiy reabilitatsiya qilish sohasidagi ilmiy tadqiqotlarni olib borishda manfaatdor vazirliklar va idoralar, ilmiy, ilmiy-amaliy markazlar bilan hamkorlik qiladi;

Sogʻliqni saqlash vazirligi bilan birgalikda tibbiy-ijtimoiy xizmat koʻrsatish, tibbiy-ijtimoiy ekspertiza va reabilitatsiya qilish tizimi xodimlarini tayyorlash, qayta tayyorlash, malakasini oshirish ishlarini tashkil etadi va muvofiqlashtiradi;

tibbiy-ijtimoiy xizmat koʻrsatish, tibbiy-ijtimoiy ekspertiza va reabilitatsiya qilishning dolzarb muammolari boʻyicha ilmiy tadqiqotlar oʻtkazish uchun muassasalar, tashkilotlarga, shu jumladan, Oʻzbekiston Respublikasi Innovatsion rivojlanish vazirligiga buyurtma beradi;

tibbiy-ijtimoiy xizmat koʻrsatish, tibbiy-ijtimoiy ekspertiza va reabilitatsiya qilishning dolzarb masalalari boʻyicha respublikada xalqaro tadbirlar (konferensiyalar, koʻrgazmalar va shu kabilar) oʻtkazilishini tashkil etadi;

d) muhtoj shaxslarni protez-ortopediya buyumlari va reabilitatsiya texnik vositalari bilan taʼminlash faoliyatini tashkil etish sohasida:

muhtoj shaxslarni protez-ortopediya buyumlari va reabilitatsiya texnik vositalari bilan taʼminlash tartibini belgilaydi;

protez-ortopediya buyumlari va reabilitatsiya texnik vositalariga yillik ehtiyojni aniqlaydi, fuqarolarni bosqichma-bosqich taʼminlash ishlarini tashkil etadi va muvofiqlashtiradi;

respublikada mahalliy ishlab chiqaruvchilar tomonidan jahon andozalariga mos keladigan protez-ortopediya buyumlari va reabilitatsiya texnik vositalari ishlab chiqarilishini tashkil etadi va muvofiqlashtiradi;

muhtoj shaxslarni davlat tomonidan bepul protez-ortopediya buyumlari va reabilitatsiya texnik vositalari bilan taʼminlash sohasini takomillashtirish boʻyicha takliflar ishlab chiqadi;

protez-ortopediya buyumlari va reabilitatsiya texnik vositalari ishlab chiqarilishini tashkil etishda ilgʻor chet el tajribasini oʻrganadi va amaliyotga tatbiq qilinishini muvofiqlashtiradi;

e) tibbiy-ijtimoiy xizmatlar koʻrsatishning samaradorligini ilgʻor xorijiy tajriba va zamonaviy rivojlanish tendensiyalari asosida tahlil qilish va monitoring olib borish sohasida:

keksalar, nogironligi boʻlgan shaxslar va aholining ijtimoiy himoyaga muhtoj boshqa toifalariga tibbiy-ijtimoiy xizmatlar koʻrsatishni muvaffaqiyatli amalga oshirishga salbiy taʼsir oʻtkazayotgan tizimli muammo va kamchiliklarni tahlil qiladi;

keksalar, nogironligi boʻlgan shaxslar va aholining ijtimoiy himoyaga muhtoj boshqa toifalariga tibbiy-ijtimoiy xizmatlar koʻrsatishda muntazam ravishda ilgʻor xorijiy tajribani oʻrganadi va tahlil qiladi;

tahlil natijalari koʻra keksalar, nogironligi boʻlgan shaxslar va aholining ijtimoiy himoyaga muhtoj boshqa toifalariga tibbiy-ijtimoiy xizmatlar koʻrsatishning zamonaviy shakl va usullarini joriy etish boʻyicha takliflar tayyorlaydi va amalga oshiradi;

fuqarolarni tibbiy-ijtimoiy ekspertizadan oʻtkazish, nogironlikni belgilash va reabilitatsiya qilish sohasiga ilgʻor xorijiy tajribani joriy etish boʻyicha takliflar tayyorlaydi va amalga oshiradi;

j) tibbiy-ijtimoiy ekspertiza xizmati, nogironligi boʻlgan shaxslarni reabilitatsiya qilish faoliyatiga tashkiliy-metodik rahbarlik qilish sohasida:

tibbiy-ijtimoiy ekspertiza xizmatini boshqaradi, nogironlik holati, dinamikasi va unga olib keladigan omillarning tizimli tahlilini oʻtkazadi;

nogironlikni belgilash tartibini ishlab chiqadi va takomillashtirish boʻyicha takliflar ishlab chiqadi;

nogironlik sabablari, unga taʼsir koʻrsatuvchi salbiy omillarning tahlili asosida davlat organlari va tashkilotlarining nogironlikning oldini olish yuzasidan faoliyatini tashkil etadi va muvofiqlashtiradi;

nogironligi boʻlgan shaxslarni tibbiy-ijtimoiy reabilitatsiya qilish va ularga tibbiy-ijtimoiy yordam berish choralarini amalga oshirish sohasida kompleks dasturlarni ishlab chiqadi va amalga oshiradi;

nogironligi boʻlgan shaxslarni tibbiy, kasbiy va ijtimoiy reabilitatsiya qilishni tashkil etadi va muvofiqlashtiradi;

nogironligi boʻlgan shaxslarni tibbiy-ijtimoiy reabilitatsiya qilish borasidagi ilgʻor chet el tajribasini oʻrganadi, respublikada nogironligi boʻlgan shaxslarni tibbiy-ijtimoiy reabilitatsiya qilishning samarali usul va mexanizmlarini joriy qilish ishlarini muvofiqlashtiradi;

nogironligi boʻlgan shaxslarni tibbiy-ijtimoiy reabilitatsiya qilish yoʻnalishida maqsadli ilmiy izlanishlarni olib boradi, ular asosida samarali takliflarni ishlab chiqadi va amaliyotga tatbiq etilishini muvofiqlashtiradi;

z) odam savdosidan jabrlanganlarni tibbiy-ijtimoiy reabilitatsiya qilish va psixologik qoʻllab-quvvatlash tizimini muvofiqlashtirish sohasida:

odam savdosidan jabrlanganlarni tibbiy-ijtimoiy reabilitatsiya qilish va ularni psixologik qoʻllab-quvvatlash tadbirlari amalga oshirilishini tashkil etadi;

odam savdosidan jabrlanganlarni ijtimoiy-psixologik qoʻllab-quvvatlash va reabilitatsiya qilish sohasida ilgʻor xorijiy mamlakatlarning tajribasini oʻrganadi, tahlil qiladi hamda amaliyotga joriy etishni muvofiqlashtiradi;

odam savdosidan jabrlanganlarni reabilitatsiya qilish rejasini ishlab chiqadi, tasdiqlaydi va amalga oshiradi;

odam savdosiga qarshi kurashish sohasidagi davlat dasturlarini va boshqa dasturlarni ishlab chiqishda hamda amalga oshirishda ishtirok etadi;

odam savdosiga qarshi kurashishga doir faoliyatni amalga oshiruvchi va unda ishtirok etuvchi davlat organlari, fuqarolarning oʻzini oʻzi boshqarish organlari, nodavlat notijorat tashkilotlar va fuqarolik jamiyatining boshqa institutlari bilan hamkorlik qiladi;

odam savdosidan jabrlanganlarga qulay yashash va shaxsiy gigiyena shart-sharoitlari yaratilishida, shuningdek, ularni oziq-ovqat, dori vositalar va tibbiy buyumlar bilan taʼminlashda davlat organlari va tashkilotlari bilan hamkorlik qiladi;

nodavlat notijorat tashkilotlar bilan birgalikda odam savdosi jabrdiydalarini tibbiy-ijtimoiy reabilitatsiya qilish boʻyicha takliflarni ishlab chiqadi va amalga oshiradi;

i) nogironligi boʻlgan shaxslarning huquqlari toʻgʻrisidagi qonunchilik hujjatlari ijrosini tashkil etish sohasida:

nogironligi boʻlgan shaxslarning huquqlari toʻgʻrisidagi qonunchilik hujjatlarining ijrosini taʼminlash borasida tegishli qonunosti hujjatlari ishlab chiqilishini muvofiqlashtiradi;

nogironligi boʻlgan shaxslarning huquqlarini taʼminlash masalalarini hal etish uchun zarur boʻlgan axborotni davlat boshqaruvi organlaridan, xoʻjalik birlashmalaridan hamda mahalliy davlat hokimiyati organlaridan belgilangan tartibda soʻrab oladi;

nogironligi boʻlgan shaxslarning huquqlari toʻgʻrisidagi qonunchilik hujjatlarining ijro etilishini taʼminlash sohasidagi muammolarni bartaraf qilish boʻyicha takliflarni ishlab chiqadi va Vazirlar Mahkamasiga, davlat boshqaruvi organlariga, xoʻjalik birlashmalariga hamda mahalliy davlat hokimiyati organlariga kiritadi;

nogironligi boʻlgan shaxslarning huquqlari toʻgʻrisidagi qonunchilik hujjatlarining ijro etilishini taʼminlashda davlat organlari va tashkilotlari bilan hamkorlik qiladi.

14. Agentlik oʻziga yuklangan vazifalar va funksiyalarni amalga oshirish uchun quyidagi huquqlarga ega:

Agentlik vakolatiga kiradigan masalalar boʻyicha hujjatlar, statistik maʼlumotlar, hisobotlar, tahliliy materiallar va boshqa axborotlarni davlat boshqaruvi organlaridan, xoʻjalik birlashmalaridan, mahalliy davlat hokimiyati organlaridan belgilangan tartibda soʻrash va olish;

Agentlik vakolatiga kiradigan masalalar boʻyicha zarur statistik axborotni davlat statistika organlaridan bepul asosda olish;

Oʻzbekiston Respublikasi Vazirlar Mahkamasiga yoki Oʻzbekiston Respublikasi Prezidenti Administratsiyasiga normativ-huquqiy hujjatlar loyihalarini, shuningdek, Agentlikka yuklangan vazifalar va funksiyalarni bajarish bilan bogʻliq boʻlgan boshqa hujjatlarni belgilangan tartibda kiritish;

vazirliklar va idoralar, mahalliy ijro etuvchi hokimiyat organlari, tashkilotlar, mansabdor shaxslar va fuqarolar tomonidan bajarilishi majburiy boʻlgan normativ-huquqiy hujjatlarni qabul qilish, zarur hollarda boshqa vazirliklar va idoralar bilan birgalikda qoʻshma qarorlar va boshqa hujjatlar qabul qilish;

keksalar, nogironligi boʻlgan shaxslar va aholining boshqa ijtimoiy himoyaga muhtoj toifalariga tibbiy-ijtimoiy xizmat koʻrsatish masalalari boʻyicha davlat tashkilotlari va boshqa tashkilotlar ishini belgilangan tartibda muvofiqlashtirish;

Agentlikning vakolatiga kiruvchi masalalar yuzasidan sudlarga arizalar va daʼvolar kiritish;

Agentlikning va uning tizimidagi davlat mulkini bir boʻlinmadan boshqasiga belgilangan tartibda berish;

Oʻzbekiston Respublikasining xalqaro shartnomalarini belgilangan tartibda ishlab chiqish, Agentlik vakolatiga kiradigan masalalar boʻyicha idoralararo tusdagi xalqaro shartnomalarni belgilangan tartibda tuzish;

Agentlik vakolatiga tegishli boʻlgan masalalar boʻyicha xalqaro darajada Oʻzbekiston Respublikasi manfaatlarini belgilangan tartibda ifodalash;

Agentlik va uning tizimidagi tashkilotlar xodimlarini ular tomonidan tegishli sohada ular faoliyatining asosiy koʻrsatkichlari parametrlari bajarilishini hisobga olgan holda moddiy ragʻbatlantirish tartibi, miqdorlari va shartlarini belgilash;

oʻz vakolati doirasida xalqaro va xorijiy tashkilotlar bilan hamkorlik qilish;

Agentlik vakolatlariga kiruvchi masalalar boʻyicha takliflarni koʻrib chiqish uchun Oʻzbekiston Respublikasi Prezidenti Administratsiyasiga, Vazirlar Mahkamasiga, davlat boshqaruvi organlariga, xoʻjalik birlashmalariga hamda mahalliy ijro etuvchi hokimiyat organlariga kiritish;

oʻzining yuritishiga tegishli muammolarni hal etishga ilmiy muassasalar, olimlar va mutaxassislarni, shu jumladan, xorijiy olimlar va mutaxassislarni shartnoma asosida jalb etish;

Agentlik tizimiga kiradigan tashkilotlarning amaldagi qonunchilik hujjatlari buzilgan holda chiqarilgan buyruqlarini bekor qilish;

Agentlik va Agentlik tizimiga kiradigan tashkilotlarning moddiy-texnik bazasini yaxshilash choralarini koʻrish;

amaldagi qonunchilik hujjatlariga muvofiq Agentlikning ijtimoiy infratuzilmasini tashkil etish va takomillashtirish;

Agentlik faoliyatini keng yoritish maqsadida ijtimoiy tarmoqlarda rasmiy veb-saytlar, shuningdek, sahifalar yaratish;

oʻz vakolati doirasida konferensiyalar, seminarlar, simpoziumlar, koʻrgazmalar, yarmarkalar oʻtkazish, shuningdek, boshqa tashkilotlar tomonidan tashkil etilgan shunga oʻxshash tadbirlarda ishtirok etish;

tibbiy-ijtimoiy xizmat mutaxassislari malakasini oshirish dasturlariga kiritish uchun takliflar ishlab chiqish;

tibbiy-ijtimoiy xizmat muammolari boʻyicha ilmiy-metodik va axborot-tahliliy materiallarni tayyorlash va nashr etish.

Agentlik qonunchilik hujjatlariga muvofiq boshqa huquqlarni ham amalga oshirishi mumkin.

15. Agentlik:

oʻziga yuklatilgan vazifalar va funksiyalarning samarali bajarilishi, shuningdek, tegishli sohadagi davlat siyosatining samarali amalga oshirilishi;

oʻz faoliyati bilan bogʻliq prognoz koʻrsatkichlarga soʻzsiz erishilishini taʼminlash;

Oʻzbekiston Respublikasi Prezidenti Administratsiyasiga hamda Vazirlar Mahkamasiga kiritiladigan normativ-huquqiy hujjatlar va boshqa hujjatlar loyihalari, shuningdek, Agentlik tomonidan qabul qilinadigan buyruqlar amalga oshirilishining sifati, pirovard natijalari va oqibatlari;

oʻz faoliyati sohasini rivojlantirish boʻyicha dasturlar, tadbirlar rejalari, “yoʻl xaritalari” va boshqa dasturiy hujjatlarning samarali amalga oshirilishi uchun javob beradi.

16. Agentlikning markaziy apparati oʻziga yuklangan vazifalar va funksiyalarni amalga oshirish uchun:

tahlil qilish va qayta ishlash uchun zarur boʻlgan tibbiy-ijtimoiy xizmat masalalari boʻyicha materiallar va maʼlumotlarni Agentlikning hududiy boʻlinmalaridan va tizimidagi tashkilotlardan soʻrash va olish;

Agentlikda koʻrib chiqiladigan masalalarni tahlil qilish, axborot va tahliliy materiallarni, shuningdek, normativ-huquqiy hujjatlar va boshqa hujjatlar loyihalarini tayyorlash uchun zarur boʻlganda Agentlikning hududiy boʻlinmalari va idoraviy mansub tashkilotlar rahbarlari hamda vakillarini belgilangan tartibda jalb qilish, shu maqsadda ekspert va ishchi guruhlar tashkil etish;

Agentlikning hududiy boʻlinmalari va idoraviy mansub tashkilotlaridan oʻzlari tomonidan kiritilgan tibbiy-ijtimoiy xizmat, tibbiy-ijtimoiy ekspertiza va reabilitatsiya boʻyicha normativ-huquqiy hujjatlar va boshqa hujjatlar loyihalarini puxta ishlashni talab qilish, zarurat boʻlganda ularni qayta ishlash uchun qaytarish;

Agentlikning hududiy boʻlinmalari va idoraviy mansub tashkilotlar rahbarlari hamda vakillari ishtirokida yigʻilishlar oʻtkazish;

Agentlikning hududiy boʻlinmalari va idoraviy mansub tashkilotlar rahbarlariga tezkor hal qilinishi talab etiladigan va Agentlikka yuklangan vazifalar hamda funksiyalarni bajarish bilan bogʻliq masalalar yuzasidan topshiriqlar berish;

Agentlikning hududiy boʻlinmalari va idoraviy mansub tashkilotlarning qabul qilingan qonunchilik hujjatlari va boshqa normativ-huquqiy hujjatlar, Oʻzbekiston Respublikasi Prezidenti va Vazirlar Mahkamasining topshiriqlari, shuningdek, Agentlik va uning rahbariyatining hujjatlari va topshiriqlari bajarilishiga oid faoliyatini oʻrganish va tekshirish;

hududiy boʻlinmalar va idoraviy mansub tashkilotlar tomonidan qabul qilingan qarorlarni bekor qilish, toʻxtatib turish (toʻliq yoki qisman) yoki ularni qonunchilik hujjatlariga muvofiqlashtirish toʻgʻrisida qaror qabul qilish huquqiga ega.

Agentlikning markaziy apparati qonunchilik hujjatlariga muvofiq boshqa huquqlarga ham ega boʻlishi mumkin.

17. Agentlikning markaziy apparati:

hududiy boʻlinmalar va idoraviy mansub tashkilotlar bilan birgalikda Agentlikka yuklangan vazifalar va funksiyalarning sifatli va oʻz vaqtida bajarilishini taʼminlash;

Agentlik faoliyati bilan bogʻliq prognoz koʻrsatkichlarga erishishni taʼminlash boʻyicha Agentlik markaziy apparati boʻlinmalarining ishini tashkil etish;

Agentlik tomonidan koʻrib chiqish uchun Vazirlar Mahkamasi va Oʻzbekiston Respublikasi Prezidenti Administratsiyasiga kiritiladigan normativ-huquqiy hujjatlar va boshqa hujjatlar loyihalari, shuningdek, Agentlik tomonidan qabul qilinadigan buyruqlarning tayyorlanishi sifati va ekspertizadan oʻtkazilishi;

dasturlar, tadbirlar rejalari, “yoʻl xaritalari” va boshqa dasturiy hujjatlar hududiy boʻlinmalar va idoraviy mansub tashkilotlar tomonidan amalga oshirilishini tashkil etish uchun javob beradi.

18. Agentlikning hududiy boshqarmalari ularga yuklangan vazifalar va funksiyalarni amalga oshirish uchun:

oʻz vakolatiga kiradigan masalalarni hal qilish uchun davlat boshqaruvi organlari, xoʻjalik birlashmalari, mahalliy davlat hokimiyati organlari, tibbiy-ijtimoiy muassasalar va tuman (shahar) boʻlimlaridan zarur boʻlgan axborotni belgilangan tartibda soʻrash va olish;

Agentlik vakolatiga taalluqli sohadagi muhim muammolar yechimi boʻyicha takliflar tayyorlash va ularni koʻrib chiqish uchun hududiy komissiyalar va ishchi guruhlar tashkil qilish;

davlat dasturlari bajarilishi boʻyicha tuman (shahar) boʻlimlari faoliyatini oʻrganish;

tibbiy-ijtimoiy muassasalar faoliyatini tashkil etishda amaliy-metodik yordam koʻrsatish, tuman (shahar) boʻlimlari faoliyatini nazorat qilish, muvofiqlashtirish va ularga rahbarlik qilish;

Agentlik koʻrsatmasiga muvofiq tibbiy-ijtimoiy muassasalar faoliyatini oʻrganish va xulosalar tayyorlash;

Agentlik vakolatiga kiradigan masalalar boʻyicha davlat boshqaruvi organlari, xoʻjalik birlashmalari hamda mahalliy davlat hokimiyati organlarining koʻrib chiqishi uchun takliflar kiritish huquqiga ega.

Hududiy boshqarmalar qonunchilik hujjatlariga muvofiq boshqa huquqlarga ham ega boʻlishi mumkin.

19. Agentlikning hududiy boshqarmalari:

Agentlikka yuklangan vazifalar va funksiyalar sifatli va oʻz vaqtida bajarilishini taʼminlash;

Agentlikning hududiy boshqarmalari faoliyati bilan bogʻliq boʻlgan prognoz koʻrsatkichlarga erishishni taʼminlash;

Agentlikka kiritilayotgan hujjatlar loyihalari va takliflar, shuningdek, Agentlikning hududiy boshqarmalari tomonidan qabul qilinadigan qarorlarning amalga oshirilishi sifati, pirovard natijalari va oqibatlari;

tumanlarda (shaharlarda) aniqlangan muammolarni har tomonlama va chuqur tahlil qilish hamda umumlashtirish asosida tibbiy-ijtimoiy xizmat sohasini Qoraqalpogʻiston Respublikasi, viloyatlar va Toshkent shahrida rivojlantirishga doir takliflarni tayyorlash;

tibbiy-ijtimoiy xizmat sohasini rivojlantirish boʻyicha dasturlar, tadbirlar rejalari, “yoʻl xaritalari” va boshqa dasturiy hujjatlarning Qoraqalpogʻiston Respublikasi, viloyatlar va Toshkent shahrida samarali amalga oshirilishi, muammoli masalalar hal etilishi uchun javob beradi.

20. Agentlik tuman (shahar) boʻlimlari ularga yuklangan vazifalar va funksiyalarni amalga oshirish uchun:

davlat boshqaruvi organlari, xoʻjalik birlashmalari hamda mahalliy davlat hokimiyati organlaridan oʻz vakolatiga kiradigan masalalarni hal qilish uchun zarur boʻlgan axborotni belgilangan tartibda soʻrab olish;

davlat dasturlarini amalga oshirish boʻyicha davlat boshqaruvi organlari, xoʻjalik birlashmalari hamda mahalliy davlat hokimiyati organlari tuman (shahar) boʻlinmalari bilan hamkorlik qilish;

oʻz vakolatiga kiradigan masalalar yuzasidan takliflarni koʻrib chiqish uchun hududiy boshqarmalar, mahalliy davlat hokimiyati organlariga kiritish huquqiga ega.

Agentlik tuman (shahar) boʻlimlari qonunchilik hujjatlariga muvofiq boshqa huquqlarga ham ega boʻlishi mumkin.

21. Agentlik tuman (shahar) boʻlimlari:

tuman (shahar) boʻlimlariga yuklangan vazifalar va funksiyalar sifatli va oʻz vaqtida bajarilishini taʼminlash;

hududiy boshqarmalarga kiritiladigan hujjatlar loyihalari va takliflar, shuningdek, oʻzlari tomonidan qabul qilinadigan qarorlarning sifati, pirovard natijalari va oqibatlari;

sohada dolzarb muammolarni, shuningdek, tumanni (shaharni) rivojlantirishga toʻsqinlik qilayotgan tizimli kamchiliklarni aniqlash;

tumanlarda (shaharlarda) tibbiy-ijtimoiy xizmat sohasini rivojlantirish, muammoli masalalarni hal qilish boʻyicha dasturlar, tadbirlar rejalari, “yoʻl xaritalari” va boshqa dasturiy hujjatlarning samarali amalga oshirilishi uchun javob beradi.

22. Quyidagilar Agentlik direktorining asosiy funksional vazifalari hisoblanadi:

Oʻzbekiston Respublikasi Konstitutsiyasi va qonunlari talablariga, shuningdek, boshqa normativ-huquqiy hujjatlarga rioya etish;

Agentlikning faoliyatiga umumiy rahbarlik qilish, Oʻzbekiston Respublikasi Prezidenti, Vazirlar Mahkamasining qarorlari va boshqa qonunchilik hujjatlari bilan Agentlikka yuklangan vazifalar va funksiyalar bajarilishini tashkil etish;

Oʻzbekiston Respublikasi Prezidenti va Vazirlar Mahkamasining qarorlari bilan tasdiqlangan Agentlik faoliyatini yanada takomillashtirish boʻyicha kompleks dasturlar va kompleks tadbirlar ijrosini tanqidiy va chuqur tahlil qilish;

Agentlik, uning hududiy boʻlinmalari va idoraviy mansub tashkilotlar faoliyati bilan bogʻliq prognoz koʻrsatkichlarga erishishni soʻzsiz taʼminlash boʻyicha amaliy chora-tadbirlarni ishlab chiqish va qabul qilish;

tibbiy-ijtimoiy xizmat va tibbiy-ijtimoiy ekspertiza masalalari yuzasidan Oʻzbekiston Respublikasi Prezidenti Administratsiyasi tarkibiy boʻlinmalari va Vazirlar Mahkamasi, shuningdek, tegishli vazirliklar va idoralar bilan hamkorlik qilish, Vazirlar Mahkamasi va uning Rayosati majlislarida masalalarni koʻrib chiqishda ishtirok etish;

Oʻzbekiston Respublikasi Prezidenti, Oʻzbekiston Respublikasining Bosh vaziri va uning oʻrinbosarlari topshiriqlarini bajarish;

oʻz oʻrinbosarlari vakolatlarini belgilash, ular oʻrtasida vazifalarni taqsimlash, Agentlikning boshqa mansabdor shaxslari vakolatlarini belgilash, Agentlik faoliyatining alohida uchastkalariga rahbarlik qilish uchun oʻz oʻrinbosarlari va boshqa mansabdor shaxslarning shaxsiy masʼuliyati darajasini belgilash;

Agentlikning faoliyati rejalashtirilishini tashkil etish, davriy ish rejalarini tasdiqlash, ularning bajarilishi yuzasidan nazoratni taʼminlash;

Oʻzbekiston Respublikasi Prezidenti va Vazirlar Mahkamasining qarorlari va topshiriqlari ijrosini tashkil etish va monitoring olib borishning amaliy tizimini yaratish, Agentlik faoliyatida ijro intizomini mustahkamlash boʻyicha kompleks amaliy chora-tadbirlarni bajarish, shuningdek, Oʻzbekiston Respublikasi Prezidentining “Qonunchilik hujjatlari ijrosini samarali tashkil etishda davlat boshqaruvi organlari va mahalliy ijro etuvchi hokimiyat organlari rahbarlarining shaxsiy javobgarligini kuchaytirishga doir qoʻshimcha chora-tadbirlar toʻgʻrisida” 2021-yil 10-fevraldagi PF-6166-son Farmoniga va Vazirlar Mahkamasining “Ijro intizomini mustahkamlash chora-tadbirlari toʻgʻrisida” 1999-yil 12-yanvardagi 12-son qaroriga muvofiq hududiy boʻlinmalar, shuningdek, idoraviy mansub tashkilotlar rahbarlarining shaxsiy masʼuliyatini oshirish chora-tadbirlarini koʻrish;

Agentlik tizimi mutaxassislarini Sogʻliqni saqlash vazirligi bilan birgalikda tizimli qayta tayyorlashni va ularning malakasini oshirishni tashkil etish;

Agentlik tizimida kadrlarni tanlash va joy-joyiga qoʻyish, ularning samarali faoliyati uchun zarur shart-sharoitlar yaratish, Agentlikning kadrlar zaxirasini shakllantirish;

Agentlikka ishga qabul qilinayotgan kadrlarning professionalligi va oʻz ishini bilishi, yuksak darajadagi ishchanlik va maʼnaviy-axloqiy fazilatlarga ega boʻlishini taʼminlashga qaratilgan choralarni amalga oshirish;

faoliyat sohasi masalalari boʻyicha normativ-huquqiy hujjatlar loyihalari sifatli ishlab chiqilishini, ular “Normativ-huquqiy hujjatlar toʻgʻrisida”, “Qonunlar loyihalarini tayyorlash va ularni Oʻzbekiston Respublikasi Oliy Majlisi Qonunchilik palatasiga kiritish tartibi toʻgʻrisida”gi Oʻzbekiston Respublikasi qonunlari, Oʻzbekiston Respublikasi Vazirlar Mahkamasining Reglamenti va Oʻzbekiston Respublikasi Prezidenti Administratsiyasining Reglamenti talablariga qatʼiy muvofiq ravishda oʻz vaqtida kiritilishini tashkil etish, ularning Vazirlar Mahkamasi apparatida puxta ishlanishida, Vazirlar Mahkamasi rahbariyati huzurida himoya qilinishi va Oʻzbekiston Respublikasi Prezidenti Administratsiyasida koʻrib chiqilishida ishtirok etish;

“Normativ-huquqiy hujjatlar toʻgʻrisida”, “Qonunlar loyihalarini tayyorlash va ularni Oʻzbekiston Respublikasi Oliy Majlisi Qonunchilik palatasiga kiritish tartibi toʻgʻrisida”gi Oʻzbekiston Respublikasi qonunlariga va Vazirlar Mahkamasining 2016-yil 17-oktabrdagi 345-son qarori bilan tasdiqlangan Davlat va xoʻjalik boshqaruvi organlari, mahalliy ijro etuvchi hokimiyat organlarining qonun loyihasi faoliyatining Namunaviy reglamentiga muvofiq Agentlikning qonun loyihalarini tayyorlash faoliyatini tashkil etish;

Agentlikka taqdim etilgan takliflar va normativ-huquqiy hujjatlar loyihalari toʻliq va oʻz vaqtida koʻrib chiqilishini taʼminlash, ularni puxta huquqiy, moliyaviy, iqtisodiy ekspertizadan oʻtkazish, shuningdek, Oʻzbekiston Respublikasi Prezidenti Administratsiyasining Reglamenti va Vazirlar Mahkamasining Reglamentida belgilangan muddatlarda ularni kelishish (viza qoʻyish);

Agentlik rahbarlari va xodimlari xizmat safarlarini Oʻzbekiston Respublikasi Prezidentining “Mansabdor shaxslarning xorijiy mamlakatlarga chiqish tartibini takomillashtirish choralari toʻgʻrisida” 2014-yil 5-martdagi PQ-2142-son va “Xorijiy xizmat safarlarida boʻlishning samaradorligi va xorijiy delegatsiyalarning Oʻzbekiston Respublikasiga tashrifini tashkil etish uchun mansabdor shaxslarning shaxsiy javobgarligini yanada oshirish chora-tadbirlari toʻgʻrisida” 2017-yil 3-avgustdagi PQ-3170-son qarorlari talablariga muvofiq tashkil etish, xizmat safarlarining asoslanganligi, samaradorligi va natijadorligini, safar uchun ajratiladigan mablagʻlardan maqsadli va oqilona foydalanishni taʼminlash;

oʻz oʻrinbosarlari va hududiy boʻlinmalar, shuningdek, idoraviy mansub tashkilotlar rahbarlari faoliyati samaradorligini va natijadorligini muntazam tanqidiy tahlil qilish, majlislarda ularning shaxsiy hisobotlarini eshitish, ularning yakunlari boʻyicha zarur chora-tadbirlar koʻrish;

Agentlik xodimlarini ragʻbatlantirish va intizomiy javobgarlikka tortish masalalarini hal qilish, oʻz oʻrinbosarlarini ragʻbatlantirish va intizomiy javobgarlikka tortish, shu jumladan, ularning egallab turgan lavozimda qolishining maqsadga muvofiqligiga doir masalalarni koʻrib chiqish toʻgʻrisida takliflar kiritish, ularning shaxsiy masʼuliyatini oshirishga doir tizimli chora-tadbirlarni amalga oshirish;

Agentlik xodimlari tomonidan Davlat boshqaruvi organlari xodimlarining odob-axloq qoidalari talablariga rioya qilinishi ustidan nazoratni tashkil etish;

“Korrupsiyaga qarshi kurashish toʻgʻrisida”gi Oʻzbekiston Respublikasi Qonuni talablariga muvofiq Agentlik tizimida korrupsiya va boshqa huquqbuzarliklarning oldini olish choralarini koʻrish, shuningdek, huquqni qoʻllash amaliyotini va qonunchilik hujjatlarini takomillashtirishga doir chora-tadbirlarni ishlab chiqish va amalga oshirish orqali ularning sodir etilishiga koʻmaklashuvchi sabablar va shart-sharoitlarni aniqlash, tahlil qilish, bartaraf etish;

Agentlik va uning hududiy boʻlinmalari, shuningdek, idoraviy mansub tashkilotlar va muassasalar ishini tashkil etishning zamonaviy shakllari joriy etilishini taʼminlash;

qonunchilik hujjatlarida belgilangan muddatlarda va tartibda jismoniy va yuridik shaxslarning murojaatlarini koʻrib chiqish boʻyicha samarali ishlarni tashkil etish, aholi bilan toʻgʻridan-toʻgʻri va ochiq muloqotni yoʻlga qoʻyish, jismoniy shaxslarni va yuridik shaxslar vakillarini muntazam ravishda shaxsan qabul qilish, shu jumladan, joylarga borib qabul qilish;

Oʻzbekiston Respublikasi Prezidentining Xalq qabulxonalari bilan samarali hamkorlik qilishni tashkil etish, Agentlikning rahbarlari va xodimlari ularning faoliyatida faol ishtirok etishini, jismoniy va yuridik shaxslarning Oʻzbekiston Respublikasi Prezidentining Virtual qabulxonasidan tushgan murojaatlari oʻz vaqtida va toʻlaqonli koʻrib chiqilishini taʼminlash;

davlat siriga kiritilgan maʼlumotlar va maxfiy axborot bilan ishlashda qonunchilik hujjatlari talablariga rioya qilish;

Agentlik tizimidagi tashkilotlar va muassasalarni moliyalashtirish, qurish, rekonstruksiya qilish va moddiy-texnik bazasini mustahkamlash ishlarini tashkil etish;

davlat organlari va boshqa tashkilotlarda, Oʻzbekiston Respublikasi sudlarida, shuningdek, xalqaro tashkilotlar va xorijiy mamlakat vakillari ishtirokida oʻtkaziladigan rasmiy tadbirlarda Agentlik nomidan ishtirok etish;

zarurat boʻlganda, boshqaruv xodimlarining belgilangan umumiy soni va mehnatga haq toʻlash fondi doirasida Agentlik markaziy apparati, hududiy boʻlinmalar va idoraviy mansub tashkilotlarning tasdiqlangan tuzilmasiga oʻzgartirishlar kiritish;

amaldagi shtat meʼyorlariga muvofiq Agentlik va uning tizimidagi tashkilotlar tashkiliy tuzilmalari va boshqaruv xodimlarining cheklangan sonini tasdiqlash;

Agentlik markaziy apparatining tarkibiy tuzilmalari toʻgʻrisidagi nizomlarni, shuningdek, Agentlikning hududiy boshqarmalari toʻgʻrisidagi nizomlarni tasdiqlash;

Agentlik tizimiga kiradigan idoraviy mansub tashkilotlarning ustavlarini belgilangan tartibda tasdiqlash;

Agentlik markaziy apparati xodimlarini, hududiy boshqarmalar, shuningdek, idoraviy mansub tashkilotlar rahbarlarini qonunchilik hujjatlarida belgilangan tartibda lavozimga tayinlash va lavozimdan ozod etish;

Agentlik markaziy apparati, hududiy boʻlinmalar, idoraviy mansub tashkilotlar mansabdor shaxslari bajarishi majburiy boʻlgan buyruqlar chiqarish va koʻrsatmalar berish, shuningdek, ularning ijrosini belgilangan tartibda nazorat qilish;

Agentlik hududiy boʻlinmalari va idoraviy mansub tashkilotlar tuzilmasini tasdiqlangan xodimlarning soni doirasida tasdiqlash.

23. Quyidagilar direktor oʻrinbosarlarining asosiy funksional vazifalari hisoblanadi:

Oʻzbekiston Respublikasi Konstitutsiyasi va qonunlari talablariga, shuningdek, boshqa normativ-huquqiy hujjatlarga rioya qilish;

direktor vaqtincha boʻlmaganda tegishli buyruq asosida uning vazifalarini bajarish;

Agentlikning mutasaddilik qilinadigan tarkibiy boʻlinmalari faoliyatini muvofiqlashtirish, nazorat qilish va ularga bevosita rahbarlik qilish, ularning xodimlari oʻrtasida vazifalarni taqsimlash;

Agentlik faoliyatining mutasaddilik qilinadigan yoʻnalishlari boʻyicha Oʻzbekiston Respublikasi Prezidenti va Vazirlar Mahkamasining qarorlari bilan tasdiqlangan Agentlik faoliyatini yanada takomillashtirish boʻyicha dasturlar va tadbirlar ijrosini tanqidiy va chuqur tahlil qilish;

mutasaddilik qilinadigan tarkibiy boʻlinmalar tomonidan prognoz koʻrsatkichlarga erishishni soʻzsiz taʼminlash chora-tadbirlarini koʻrish, boʻlinmalar rahbarlarining hisobotlarini muntazam eshitish va ushbu koʻrsatkichlarga erishish uchun ularning shaxsiy javobgarligini oshirish;

mutasaddilik qilinadigan tarkibiy boʻlinmalar rejalarini tasdiqlash, ular bajarilishi ustidan nazoratni taʼminlash;

Oʻzbekiston Respublikasi Prezidenti va Vazirlar Mahkamasining qarorlari va topshiriqlari ijrosini taʼminlash, Agentlikning mutasaddilik qilinadigan tarkibiy boʻlinmalarida ijro intizomi boʻyicha kompleks amaliy chora-tadbirlarni amalga oshirish, shuningdek, Oʻzbekiston Respublikasi Prezidentining “Qonunchilik hujjatlari ijrosini samarali tashkil etishda davlat boshqaruvi organlari va mahalliy ijro etuvchi hokimiyat organlari rahbarlarining shaxsiy javobgarligini kuchaytirishga doir qoʻshimcha chora-tadbirlar toʻgʻrisida” 2021-yil 10-fevraldagi PF-6166-son Farmoniga va Vazirlar Mahkamasining “Ijro intizomini mustahkamlash chora-tadbirlari toʻgʻrisida” 1999-yil 12-yanvardagi 12-son qaroriga muvofiq topshiriqlar oʻz vaqtida va sifatli ijro etilishi uchun tarkibiy boʻlinmalar rahbarlarining shaxsiy masʼuliyatini oshirish chora-tadbirlarini koʻrish;

Direktorning buyruqlari va topshiriqlari oʻz vaqtida va sifatli bajarilishini taʼminlash;

mutasaddilik qilinadigan tarkibiy boʻlinmalarda kadrlarni tanlash va joy-joyiga qoʻyish boʻyicha direktorga takliflar taqdim etish, ularning professional, oʻz ishini bilishi, amaliy tajribaga, yuksak darajada ishlash xususiyatlariga va maʼnaviy-axloqiy fazilatlarga ega boʻlish choralarini koʻrish, ularning kasbiy malakasini oshirish chora-tadbirlarini koʻrish, mutasaddilik qilinadigan boʻlinmalarda kadrlar zaxirasini shakllantirish;

normativ-huquqiy hujjatlar loyihalari mutasaddilik qilinadigan boʻlinmalar tomonidan sifatli ishlab chiqilishini tashkil etish, Agentlikning mutasaddilik qilinadigan tarkibiy boʻlinmalarida tayyorlangan hujjatlar loyihalarini koʻrib chiqish va ular keyinchalik direktor tomonidan koʻrib chiqilishi, imzolanishi (viza qoʻyilishi) uchun viza qoʻyish, ularning Oʻzbekiston Respublikasi Prezidenti Administratsiyasi Reglamenti talablariga qatʼiy muvofiq ravishda Vazirlar Mahkamasiga oʻz vaqtida kiritilishini taʼminlash, shuningdek, Vazirlar Mahkamasi apparatida normativ-huquqiy hujjatlar loyihalarini ishlab chiqishda direktorning topshirigʻiga binoan ishtirok etish;

Agentlikka taqdim etilgan takliflar va normativ-huquqiy hujjatlar loyihalarini toʻliq va har tomonlama koʻrib chiqish, ularni puxta huquqiy, moliyaviy, iqtisodiy ekspertizadan oʻtkazish;

xizmat safarlarini Oʻzbekiston Respublikasi Prezidentining “Mansabdor shaxslarning xorijiy mamlakatlarga chiqish tartibini takomillashtirish chora-tadbirlari toʻgʻrisida” 2014-yil 5-martdagi PQ-2142-son va “Xorijiy xizmat safarlarida boʻlishning samaradorligi va xorijiy delegatsiyalarning Oʻzbekiston Respublikasiga tashrifini tashkil etish uchun mansabdor shaxslarning shaxsiy masʼuliyatini yanada oshirish chora-tadbirlari toʻgʻrisida” 2017-yil 3-avgustdagi PQ-3137-son qarorlari talablariga toʻliq muvofiq amalga oshirish, xizmat safarlarining asoslanganligi, samaradorligi va natijadorligini, safar uchun ajratiladigan mablagʻlardan maqsadli va oqilona foydalanishni taʼminlash;

mutasaddilik qilinadigan tarkibiy boʻlinmalar rahbarlari va xodimlari faoliyati samaradorligi va natijadorligini muntazam tanqidiy tahlil qilish, Agentlik majlislarida ularning shaxsiy hisobotlarini eshitish, ularning yakunlari boʻyicha zarur chora-tadbirlar koʻrish;

sohaga tegishli masalalar boʻyicha Agentlik faoliyatini takomillashtirishga doir amaliy chora-tadbirlar koʻrish, sohadagi qonunchilik hujjatlarini takomillashtirish boʻyicha takliflarni ishlab chiqish va ularni direktorga kiritish;

mutasaddilik qilinadigan tarkibiy boʻlinmalar rahbarlari va xodimlarini ragʻbatlantirish va intizomiy javobgarlikka tortish, shu jumladan, ularning egallab turgan lavozimda qolishi maqsadga muvofiqligiga masalasini koʻrib chiqish boʻyicha takliflarni direktorga kiritish, funksional vazifalar va yuklangan vazifalar bajarilishi uchun ularning shaxsiy masʼuliyatini oshirish boʻyicha tizimli chora-tadbirlar koʻrish;

Agentlik xodimlarining Davlat boshqaruvi organlari xodimlarining odob-axloq qoidalari talablariga rioya qilishini, mutasaddilik qilinadigan tarkibiy boʻlinmalar rahbarlari va xodimlarining ushbu qoidalarga rioya etishini taʼminlash;

huquqni qoʻllash amaliyotini va qonunchilik hujjatlarini takomillashtirishga doir chora-tadbirlarni ishlab chiqish va amalga oshirish orqali “Korrupsiyaga qarshi kurashish toʻgʻrisida”gi Oʻzbekiston Respublikasi Qonuni talablariga muvofiq tizimda korrupsiya va boshqa huquqbuzarliklarning oldini olish choralarini koʻrish, shuningdek, ularning sodir etilishiga koʻmaklashuvchi sabablar va shart-sharoitlarni aniqlash, tahlil qilish, bartaraf etish;

sohada davlat xizmatlari samaradorligi, sifati va ulardan erkin foydalanishni oshirishga doir takliflarni direktorga kiritish;

“Jismoniy va yuridik shaxslarning murojaatlari toʻgʻrisida”gi Oʻzbekiston Respublikasi Qonunida belgilangan muddatlarda va tartibda jismoniy va yuridik shaxslarning murojaatlarini koʻrib chiqish boʻyicha samarali ishlarni tashkil etish, aholi bilan toʻgʻridan-toʻgʻri va ochiq muloqotni yoʻlga qoʻyish, jismoniy shaxslarni va yuridik shaxslar vakillarini muntazam ravishda shaxsan qabul qilish, shu jumladan, joylarga borib qabul qilish;

Oʻzbekiston Respublikasi Prezidentining Xalq qabulxonalari bilan samarali hamkorlik qilish, ularning faoliyatida faol ishtirok etish, jismoniy va yuridik shaxslarning Oʻzbekiston Respublikasi Prezidentining Virtual qabulxonasidan tushgan murojaatlari oʻz vaqtida va toʻlaqonli koʻrib chiqilishini taʼminlash;

davlat siriga kiritilgan maʼlumotlar va maxfiy axborot bilan ishlashda qonunchilik hujjatlari talablariga rioya qilish.

24. Quyidagilar Agentlik markaziy apparati tarkibiy boʻlinmalari rahbarlarining asosiy funksional vazifalari hisoblanadi:

Oʻzbekiston Respublikasi Konstitutsiyasi va qonunlari talablariga, shuningdek, boshqa normativ-huquqiy hujjatlarga rioya etish;

tarkibiy boʻlinmalar faoliyatiga bevosita umumiy rahbarlik qilish, ushbu boʻlinmalarga yuklangan vazifalar va funksiyalar bajarilishini tashkil etish;

tegishli tarkibiy boʻlinmalar va idoraviy mansub tashkilotlar faoliyatini oʻz vakolatlari doirasida muvofiqlashtirish;

prognoz koʻrsatkichlarning bajarilishini muntazam tahlil qilish hamda tarkibiy boʻlinmalar ushbu koʻrsatkichlarga soʻzsiz erishishini taʼminlashga qaratilgan qoʻshimcha chora-tadbirlar koʻrish boʻyicha takliflarni direktorning mutasaddilik qiladigan oʻrinbosarlariga kiritish;

Oʻzbekiston Respublikasi Prezidenti va Vazirlar Mahkamasi qarorlari va topshiriqlari ijrosini taʼminlash, Agentlik tarkibiy boʻlinmalari xodimlarining ijro intizomini mustahkamlash boʻyicha kompleks amaliy chora-tadbirlarni amalga oshirish, Oʻzbekiston Respublikasi Prezidentining “Qonunchilik hujjatlari ijrosini samarali tashkil etishda davlat boshqaruvi organlari va mahalliy ijro etuvchi hokimiyat organlari rahbarlarining shaxsiy javobgarligini kuchaytirishga doir qoʻshimcha chora-tadbirlar toʻgʻrisida” 2021-yil 10-fevraldagi PF-6166-son Farmoni va “Xorijiy xizmat safarlarida boʻlishning samaradorligi va xorijiy delegatsiyalarning Oʻzbekiston Respublikasiga tashrifini tashkil etish uchun mansabdor shaxslarning shaxsiy masʼuliyatini yanada oshirish chora-tadbirlari toʻgʻrisida” 2017-yil 3-avgustdagi PQ-3137-son qarori talablariga muvofiq topshiriqlarning oʻz vaqtida va sifatli bajarilishi uchun tarkibiy boʻlinmalar xodimlarining shaxsiy masʼuliyatini oshirish chora-tadbirlarini koʻrish;

direktorning buyruqlari va uning oʻrinbosarlari koʻrsatmalari hamda topshiriqlari oʻz vaqtida va sifatli bajarilishini taʼminlash;

tarkibiy boʻlinmalarning har choraklik ish rejalari ishlab chiqilishini taʼminlash, ularni tasdiqlash uchun kiritish, ularda koʻrsatilgan vazifalar va tadbirlar oʻz vaqtida va sifatli bajarilishini taʼminlash;

tarkibiy boʻlinmalarga yuklangan vazifalar bajarilishini nazorat qilish va muvofiqlashtirish, hududiy boʻlinmalar va idoraviy mansub tashkilotlar faoliyatiga amaliy va metodik yordam koʻrsatish;

tarkibiy boʻlinmalar faoliyatiga oid masalalar yuzasidan qonunchilik hujjatlarini takomillashtirish boʻyicha takliflarni ishlab chiqish va ularni koʻrib chiqish uchun Agentlik rahbariyatiga kiritish;

tarkibiy boʻlinmalarda kadrlarni tanlash va joy-joyiga qoʻyishda direktor oʻrinbosarlariga takliflar taqdim etish, professional, oʻz ishini bilishi, amaliy tajribaga, yuksak darajada ishlash xususiyatlariga va maʼnaviy-axloqiy fazilatlarga ega ekanligi kafolatini taʼminlash, ularning kasb malakasini oshirish choralarini koʻrish, tarkibiy boʻlinmalarda kadrlar zaxirasini shakllantirish;

normativ-huquqiy hujjatlar loyihalari tarkibiy boʻlinmalar tomonidan sifatli ishlab chiqilishini tashkil etish, Agentlikning tarkibiy boʻlinmalarida tayyorlangan hujjatlar loyihalarini keyinchalik Agentlik rahbariyati tomonidan koʻrib chiqish, imzolash (viza qoʻyish), uchun koʻrib chiqish va viza qoʻyish, ularning Oʻzbekiston Respublikasi Prezidenti Administratsiyasi Reglamenti va Vazirlar Mahkamasi Reglamenti talablariga qatʼiy muvofiq ravishda Vazirlar Mahkamasiga oʻz vaqtida kiritilishini taʼminlash, Agentlik rahbariyatining topshirigʻi boʻyicha normativ-huquqiy hujjatlar loyihalarini Vazirlar Mahkamasi apparatida ishlab chiqishda ishtirok etish;

Agentlikka taqdim etilgan takliflar va normativ-huquqiy hujjatlar loyihalarini toʻliq va har tomonlama koʻrib chiqish, ularni puxta huquqiy, moliyaviy, iqtisodiy ekspertizadan oʻtkazish;

xizmat safarlarini Oʻzbekiston Respublikasi Prezidentining “Mansabdor shaxslarning xorijiy mamlakatlarga chiqish tartibini takomillashtirish chora-tadbirlari toʻgʻrisida” 2014-yil 5-martdagi PQ-2142-son va “Xorijiy xizmat safarlarida boʻlishning samaradorligi va xorijiy delegatsiyalarning Oʻzbekiston Respublikasiga tashrifini tashkil etish uchun mansabdor shaxslarning shaxsiy javobgarligini yanada oshirish chora-tadbirlari toʻgʻrisida” 2017-yil 3-avgustdagi PQ-3170-son qarorlari talablariga muvofiq amalga oshirish, xizmat safarlari asoslanganligi, samaradorligi va natijadorligini, safar uchun ajratiladigan mablagʻlardan maqsadli va oqilona foydalanishni taʼminlash;

tarkibiy boʻlinmalar xodimlari faoliyati samaradorligi va natijadorligini muntazam ravishda tanqidiy tahlil qilish, yigʻilishlarda ularning shaxsiy hisobotlarini eshitish, ularning yakunlari boʻyicha zarur chora-tadbirlar koʻrish;

tarkibiy boʻlinmalar xodimlarining Odob-axloq qoidalari talablariga rioya etishini taʼminlash;

“Korrupsiyaga qarshi kurashish toʻgʻrisida”gi Oʻzbekiston Respublikasi Qonuni talablariga muvofiq Agentlik tizimida korrupsiya va boshqa huquqbuzarliklarning oldini olish choralarini koʻrish, shuningdek, huquqni qoʻllash amaliyotini va qonunchilik hujjatlarini takomillashtirishga doir chora-tadbirlarni ishlab chiqish va amalga oshirish orqali ularning sodir etilishiga koʻmaklashuvchi sabablar va shart-sharoitlarni aniqlash, tahlil qilish, bartaraf etish;

davlat xizmatlarining samaradorligi, sifati va ulardan erkin foydalanishni oshirishga doir takliflarni Agentlik rahbariyatiga kiritish;

jismoniy va yuridik shaxslarning murojaatlarini koʻrib chiqish, “Jismoniy va yuridik shaxslarning murojaatlari toʻgʻrisida”gi Oʻzbekiston Respublikasi Qonuni bilan belgilangan muddatlarda va tartibda aholi bilan toʻgʻridan-toʻgʻri va ochiq muloqotni yoʻlga qoʻyish, jismoniy shaxslarni va yuridik shaxslar vakillarini muntazam ravishda shaxsan qabul qilish, shu jumladan, joylarga borib qabul qilish;

Oʻzbekiston Respublikasi Prezidentining Xalq qabulxonalari bilan samarali hamkorlik qilish, ularning faoliyatida faol ishtirok etish, jismoniy va yuridik shaxslarning Oʻzbekiston Respublikasi Prezidentining Virtual qabulxonasidan tushgan murojaatlarini oʻz vaqtida va toʻlaqonli koʻrib chiqish;

davlat siriga kiritilgan maʼlumotlar va maxfiy axborot bilan ishlashda qonunchilik hujjatlari talablariga rioya qilish.

25. Quyidagilar Agentlikning hududiy boshqarmalari boshliqlarining asosiy funksional vazifalari hisoblanadi:

Oʻzbekiston Respublikasi Konstitutsiyasi va qonunlari talablariga, shuningdek, boshqa normativ-huquqiy hujjatlarga rioya qilish;

hududiy boshqarma faoliyatiga umumiy rahbarlik qilish, Oʻzbekiston Respublikasi Prezidenti, Vazirlar Mahkamasining tegishli qarorlari va boshqa qonunchilik hujjatlari va Agentlik buyruqlari bilan ularga yuklangan vazifalar va funksiyalar bajarilishini tashkil etish;

hududiy boʻlinmalar faoliyati bilan bogʻliq prognoz koʻrsatkichlarga erishishni soʻzsiz taʼminlash boʻyicha amaliy chora-tadbirlarni ishlab chiqish va qabul qilish;

Oʻzbekiston Respublikasi Prezidenti va Vazirlar Mahkamasining qarorlari va topshiriqlari ijrosini taʼminlash, ijro intizomini mustahkamlash boʻyicha kompleks amaliy chora-tadbirlarni amalga oshirish, shuningdek, Oʻzbekiston Respublikasi Prezidentining “Qonunchilik hujjatlari ijrosini samarali tashkil etishda davlat boshqaruvi organlari va mahalliy ijro etuvchi hokimiyat organlari rahbarlarining shaxsiy javobgarligini kuchaytirishga doir qoʻshimcha chora-tadbirlar toʻgʻrisida” 2021-yil 10-fevraldagi PF-6166-son Farmoniga va Vazirlar Mahkamasining “Ijro intizomini mustahkamlash chora-tadbirlari toʻgʻrisida” 1999-yil 12-yanvardagi 12-son qaroriga muvofiq topshiriqlarning oʻz vaqtida va sifatli bajarilishi uchun hududiy boʻlinmalar xodimlarining shaxsiy masʼuliyatini oshirish chora-tadbirlarini koʻrish;

direktorning buyruqlari va uning oʻrinbosarlari koʻrsatmalari hamda topshiriqlari oʻz vaqtida va sifatli bajarilishini taʼminlash;

sohaga kiradigan masalalar yuzasidan mahalliy davlat hokimiyati organlari va kompleks ijtimoiy-iqtisodiy rivojlantirish boʻyicha sektorlar bilan hamkorlik qilish;

xodimlar oʻrtasida vazifalarni taqsimlash, hududiy boʻlinmalarning boshqa mansabdor shaxslari vakolatlarini belgilash, hududiy boʻlinmalar faoliyatining alohida uchastkalariga rahbarlik qilish uchun xodimlarning shaxsiy javobgarligi darajasini belgilash;

Agentlikning hududiy boʻlinmalari faoliyatini rejalashtirishni tashkil etish, hududiy boʻlinmalar har choraklik ish rejalarini tasdiqlash, ularning bajarilishi ustidan nazoratni taʼminlash;

Agentlik hududiy boʻlinmalarida kadrlarni tanlash va joy-joyiga qoʻyish, ularning samarali faoliyat koʻrsatishi uchun zarur shart-sharoitlar yaratish, hududiy boʻlinmalar kadrlar zaxirasini shakllantirish;

direktor nomenklaturasiga kiradigan boʻsh lavozimlarga taklif etilgan kadrlarning, shuningdek, hududiy boʻlinmalarga ishga qabul qilinayotgan boshqa kadrlarning professional, oʻz ishini bilishi, amaliy tajribaga, yuksak darajada ishlash xususiyatlariga va maʼnaviy-axloqiy fazilatlarga ega ekanligi kafolatini taʼminlash;

hududiy boʻlinmalar xodimlarini ragʻbatlantirish va intizomiy javobgarlikka tortish masalalarini hal qilish, shu jumladan, ular egallab turgan lavozimda qolishi maqsadga muvofiqligiga doir masalalarni koʻrib chiqish, ularning shaxsiy masʼuliyatini oshirish boʻyicha muntazam chora-tadbirlar koʻrish;

hududiy boʻlinmalar xodimlari tomonidan Odob-axloq qoidalari talablariga rioya etishini taʼminlash;

huquqni qoʻllash amaliyotini va qonunchilik hujjatlarini takomillashtirishga doir chora-tadbirlarni ishlab chiqish va amalga oshirish orqali hududiy boʻlinmalar tizimida “Korrupsiyaga qarshi kurashish toʻgʻrisida”gi Oʻzbekiston Respublikasi Qonuni talablariga muvofiq korrupsiya va boshqa huquqbuzarliklarning oldini olish choralarini koʻrish, shuningdek, ularning sodir etilishiga koʻmaklashuvchi sabablar va shart-sharoitlarni aniqlash, tahlil qilish, bartaraf etish;

prognoz koʻrsatkichlarning bajarilishini muntazam tahlil qilish hamda hududiy boʻlinmalar tomonidan ushbu koʻrsatkichlarga soʻzsiz erishilishini taʼminlashga qaratilgan qoʻshimcha chora-tadbirlar koʻrish boʻyicha takliflarni direktorning mutasaddilik qiladigan oʻrinbosarlariga kiritish;

hududiy boʻlinmalar xodimlari faoliyatining samaradorligi va natijadorligini tizimli ravishda tanqidiy tahlil qilish, yigʻilishlarda ularning shaxsiy hisobotlarini eshitish, ularning yakunlari boʻyicha zarur chora-tadbirlar koʻrish;

hududiy boʻlinmalar faoliyatiga oid masalalar boʻyicha qonunchilik hujjatlarini takomillashtirish, samaradorligi, sifati va ulardan erkin foydalanishni oshirish boʻyicha takliflarni ishlab chiqish hamda ularni koʻrib chiqish uchun Agentlik rahbariyatiga kiritish;

tuman (shahar) boʻlimlari faoliyatini muvofiqlashtirish va nazorat qilish;

jismoniy va yuridik shaxslarning murojaatlarini koʻrib chiqish, “Jismoniy va yuridik shaxslarning murojaatlari toʻgʻrisida”gi Oʻzbekiston Respublikasi Qonuni bilan belgilangan muddatlarda va tartibda aholi bilan toʻgʻridan-toʻgʻri va ochiq muloqotni yoʻlga qoʻyish, jismoniy shaxslarni va yuridik shaxslarning vakillarini muntazam ravishda shaxsan qabul qilish, shu jumladan, joylarga borib qabul qilish;

Oʻzbekiston Respublikasi Prezidentining Xalq qabulxonalari bilan samarali hamkorlik qilish, ularning faoliyatida faol ishtirok etish, jismoniy va yuridik shaxslarning Oʻzbekiston Respublikasi Prezidentining Virtual qabulxonasidan tushgan murojaatlarini oʻz vaqtida va toʻlaqonli koʻrib chiqish;

hududiy boʻlinmalar xodimlari lavozim maoshiga mukofotlar, ustamalar toʻlash, ularga moddiy yordam berish, ularni mukofotlash, ragʻbatlantirish va ularga intizomiy chora qoʻllash toʻgʻrisida qaror qabul qilish, ularni davlat mukofotlari va idoraviy mukofotlar bilan taqdirlash toʻgʻrisidagi takliflarni Agentlikka kiritish;

davlat sirini yoki qonunchilik hujjatlari bilan qoʻriqlanadigan boshqa sirni tashkil etuvchi maʼlumotlarning himoya qilinishini taʼminlash.

26. Quyidagilar tuman (shahar) boʻlimlari boshliqlarining asosiy funksional vazifalari hisoblanadi:

Oʻzbekiston Respublikasi Konstitutsiyasi va qonunlari talablariga, shuningdek, boshqa normativ-huquqiy hujjatlarga rioya qilish;

tuman (shahar) boʻlimiga rahbarlik qilish;

faoliyatning ayrim yoʻnalishlari boʻyicha xodimlar oʻrtasida funksional vazifalarni taqsimlash va ularning javobgarligi darajasini belgilash;

tuman (shahar) boʻlimiga yuklangan vazifalar va funksiyalar bajarilishini tashkil etish;

Oʻzbekiston Respublikasi Prezidenti va Vazirlar Mahkamasining qarorlari va topshiriqlari ijrosini taʼminlash, ijro intizomini mustahkamlash boʻyicha kompleks amaliy chora-tadbirlarni amalga oshirish, shuningdek, Oʻzbekiston Respublikasi Prezidentining “Qonunchilik hujjatlari ijrosini samarali tashkil etishda davlat boshqaruvi organlari va mahalliy ijro etuvchi hokimiyat organlari rahbarlarining shaxsiy javobgarligini kuchaytirishga doir qoʻshimcha chora-tadbirlar toʻgʻrisida” 2021-yil 10-fevraldagi PF-6166-son Farmoniga va Vazirlar Mahkamasining “Ijro intizomini mustahkamlash chora-tadbirlari toʻgʻrisida” 1999-yil 12-yanvardagi 12-son qaroriga muvofiq topshiriqlarning oʻz vaqtida va sifatli bajarilishi uchun xodimlarining shaxsiy masʼuliyatini oshirish chora-tadbirlarini koʻrish;

direktorning buyruqlari, uning oʻrinbosarlari va hududiy boshqarma boshliqlarining koʻrsatmalari hamda topshiriqlari oʻz vaqtida va sifatli bajarilishini taʼminlash;

sohaga kiradigan masalalar yuzasidan mahalliy davlat hokimiyati organlari va kompleks ijtimoiy-iqtisodiy rivojlantirish boʻyicha sektorlar bilan hamkorlik qilish;

tuman (shahar) boʻlimida kadrlarni tanlash va joy-joyiga qoʻyishda hududiy boshqarma boshliqlariga takliflar kiritish, ularning professional, oʻz ishini bilishi, amaliy tajribaga, yuksak darajada ishlash xususiyatlariga va maʼnaviy-axloqiy fazilatlarga ega ekanligi kafolatini taʼminlash, ularning kasbiy malakasini oshirish chora-tadbirlarini koʻrish, tuman (shahar) boʻlinmasida kadrlar zaxirasini shakllantirish;

xodimlarning Odob-axloq qoidalari talablariga rioya qilishini taʼminlash;

huquqni qoʻllash amaliyotini va qonunchilik hujjatlarini takomillashtirishga doir chora-tadbirlarni ishlab chiqish va amalga oshirish orqali tuman (shahar) boʻlimlarida korrupsiya va boshqa huquqbuzarliklarning oldini olish choralarini koʻrish, shuningdek, ularning sodir etilishiga koʻmaklashuvchi sabablar va shart-sharoitlarni aniqlash, tahlil qilish, bartaraf etish;

tuman (shahar) boʻlimlari xodimlari lavozim maoshiga mukofotlar, ustamalar toʻlash, ularga moddiy yordam berish, ularni mukofotlash, ragʻbatlantirish va ularga intizomiy chora qoʻllash, ularni davlat mukofotlari va idoraviy mukofotlar bilan taqdirlash toʻgʻrisida takliflar kiritish;

davlat sirini yoki qonunchilik hujjatlari bilan qoʻriqlanadigan boshqa sirni tashkil etuvchi maʼlumotlarning himoya qilinishini taʼminlash.

27. Agentlik direktori:

Agentlikka yuklangan vazifalar va funksiyalarning bajarilishi;

ushbu Nizomning 15-bandida nazarda tutilgan javobgarlik sohalari boʻyicha;

ushbu Nizomning 22-bandida koʻrsatilgan oʻz funksional vazifalarining sifatli bajarilishi uchun javob beradi.

28. Agentlik oʻrinbosarlari:

Agentlikning mutasaddilik qilinadigan tarkibiy tuzilmalarida Agentlikka yuklangan vazifalar va funksiyalarning bajarilishi;

ushbu Nizomning 15-bandida nazarda tutilgan Agentlikning mutasaddilik qilinadigan masalalarga doir sohalari boʻyicha;

ushbu Nizomning 23-bandida koʻrsatilgan oʻz funksional vazifalarining sifatli bajarilishi uchun javob beradi.

29. Markaziy apparatning tarkibiy boʻlinmalari rahbarlari:

tegishli tarkibiy tuzilmalarga yuklangan vazifalar va funksiyalarning amalga oshirilishi;

ushbu Nizomning 17-bandida nazarda tutilgan Agentlik markaziy apparatining javobgarlik sohalari boʻyicha;

ushbu Nizomning 24-bandida koʻrsatilgan oʻz funksional vazifalarining sifatli bajarilishi uchun javob beradi.

30. Agentlikning Qoraqalpogʻiston Respublikasi, viloyatlar, Toshkent shahar va tumanlar (shaharlar)dagi hududiy boʻlinmalari rahbarlari:

hududiy boʻlinmalarga yuklangan vazifalar va funksiyalarning bajarilishi;

Agentlik hududiy boʻlinmalarining ushbu Nizomning tegishliligi boʻyicha 19 va 21-bandlarida nazarda tutilgan javobgarlik sohalari boʻyicha;

ushbu Nizomning tegishliligi boʻyicha 25 va 26-bandlarida koʻrsatilgan oʻz funksional vazifalarining sifatli bajarilishi uchun javob beradi.

31. Agentlikka Oʻzbekiston Respublikasi Prezidenti bilan kelishgan holda Vazirlar Mahkamasi tomonidan lavozimga tayinlanadigan va lavozimdan ozod etiladigan direktor rahbarlik qiladi.

32. Direktorning Oʻzbekiston Respublikasi Prezidenti bilan kelishgan holda Vazirlar Mahkamasi tomonidan lavozimga tayinlanadigan va lavozimdan ozod etiladigan 2 nafar oʻrinbosari, shu jumladan, bir nafar birinchi oʻrinbosari boʻladi.

Agentlik oʻz faoliyatida Oʻzbekiston Respublikasi Vazirlar Mahkamasiga boʻysunadi va hisobot beradi.

33. Direktor boʻlmagan davrda uning vakolatlari direktorning birinchi oʻrinbosari, u boʻlmaganda esa — direktorning buyrugʻiga binoan boshqa oʻrinbosar tomonidan amalga oshiriladi.

34. Direktor:

Agentlik faoliyatiga yakka boshchilik asosida umumiy rahbarlik qiladi va Agentlikka yuklangan vazifalar va funksiyalarning bajarilishi uchun shaxsan javob beradi;

Agentlik faoliyatining alohida yoʻnalishlari va uchastkalariga rahbarlik qilish va idoraviy boʻysunuvdagi tashkilotlar faoliyati uchun direktor oʻrinbosarlari va Agentlik tizimining boshqa mansabdor shaxslari vakolatlarini va shaxsiy javobgarligi darajasini belgilaydi;

oʻz vakolati doirasida Agentlik tizimi xodimlari tomonidan ijro etilishi shart boʻlgan buyruqlar chiqaradi va koʻrsatmalar beradi;

xodimlarning belgilangan umumiy soni doirasida markaziy apparat xarajatlar smetasini va shtat jadvalini tasdiqlaydi, Agentlikning respublika budjetida turgan idoraviy mansub tashkilotlarning xarajatlar va daromadlar smetalarini roʻyxatdan oʻtkazadi;

hududiy boʻlinmalar, shuningdek, Agentlikning idoraviy mansub tashkilotlari markaziy apparati tuzilmasiga, zarur boʻlsa, xodimlarning umumiy soni va mehnatga haq toʻlash fondi doirasida oʻzgartirishlar kiritadi;

markaziy apparat boʻlinmalari, hududiy boʻlinmalar toʻgʻrisidagi nizomlarni, Agentlik tizimiga kiradigan idoraviy mansub tashkilotlar ustavlarini belgilangan tartibda tasdiqlaydi;

xodimlar, shu jumladan, boshqaruv xodimlari, idoraviy boʻysunuvdagi tashkilotlar xodimlari sonini umumiy belgilangan shtat birliklari doirasida mustaqil belgilaydi, idoraviy boʻysunuvdagi tashkilotlar tuzilmasini, shtatlar sonini, shu jumladan boshqaruv xodimlarini, mehnatga haq toʻlash fondini, xarajatlar smetasini, avtotransport vositalari limitini tasdiqlaydi, shuningdek, ularning mol-mulkini tasarruf etadi;

Agentlik tizimida belgilangan tartibda moliyaviy ishlarni tashkil etadi;

qonunchilik hujjatlariga muvofiq boshqa vakolatlarni amalga oshiradi.

35. Quyidagilar:

markaziy apparat xodimlari, Agentlik tizimiga kiruvchi idoraviy mansub tashkilotlar rahbarlari qonunchilik hujjatlarida belgilangan tartibda Agentlik direktori tomonidan lavozimga tayinlanadi va lavozimdan ozod etiladi;

hududiy boshqarmalar boshliqlari Qoraqalpogʻiston Respublikasi Vazirlar Kengashi Raisi, viloyatlar va Toshkent shahri hokimlari bilan kelishgan holda Agentlik direktori tomonidan lavozimga tayinlanadi va lavozimdan ozod etiladi;

tuman (shahar) boʻlimlari boshliqlari, mahalliy budjetda turgan tibbiy-ijtimoiy muassasalarning rahbar oʻrinbosarlari, hududiy boshqarmalar bosh buxgalteri Agentlik direktori bilan kelishgan holda hududiy boshqarmalar boshliqlari tomonidan lavozimga tayinlanadi va lavozimdan ozod etiladi;

respublika budjetida turgan idoraviy mansub tashkilotlarning rahbar oʻrinbosarlari Agentlik direktori bilan kelishgan holda ushbu tashkilotning rahbari tomonidan lavozimga tayinlanadi va lavozimdan ozod etiladi;

hududiy boshqarmalar boshligʻi lavozimiga tayinlashda qonunchilik hujjatlarida belgilangan tartib-taomil yakunlanguniga qadar direktor mazkur tarkibiy boʻlinmaning samarali hamda uzluksiz faoliyat koʻrsatishini taʼminlash maqsadida vaqtincha boshliq vazifalarini bajaruvchini tayinlaydi.

36. Agentlik markaziy apparati tarkibiy boʻlinmalarining Agentlikning hududiy boʻlinmalari va idoraviy mansub tashkilotlar bilan oʻzaro hamkorligi markaziy apparat tarkibiy boʻlinmalarining rahbarlari tomonidan taʼminlanadi.

Agentlik markaziy apparatining tarkibiy boʻlinmalari Agentlikning hududiy boʻlinmalari va idoraviy mansub tashkilotlar bilan oʻz faoliyati yoʻnalishlari boʻyicha hamkorlik qilib:

topshiriqlarni hududiy boʻlinmalar va idoraviy mansub tashkilotlarga yetkazadi hamda ularning bajarilishini nazorat qiladi;

Agentlikning hududiy boʻlinmalari va idoraviy mansub tashkilotlarga tarkibiy boʻlinmalarning bevosita faoliyati masalalari boʻyicha soʻrovlar yuboradi hamda ularning ijro etilishini nazorat qiladi;

Agentlikning hududiy boʻlinmalari va idoraviy mansub tashkilotlar faoliyati amaliyotini tekshiradi va oʻrganadi, umumlashtiradi, uni takomillashtirishga qaratilgan chora-tadbirlarni ishlab chiqadi va qabul qiladi;

Agentlikning hududiy boʻlinmalari va idoraviy mansub tashkilotlar faoliyatini tashkil etish va faoliyati natijalari toʻgʻrisida hisobot va axborot materiallari, statistika maʼlumotlari va boshqa maʼlumotlar oʻrganilishini tashkil etadi;

Agentlikning hududiy boʻlinmalari va idoraviy mansub tashkilotlar ish rejalarini tahlil qiladi, ularning faoliyatini rejalashtirishni takomillashtirishga doir chora-tadbirlar koʻradi;

Agentlikning hududiy boʻlinmalari va idoraviy mansub tashkilotlaridan tushgan takliflarni koʻrib chiqadi;

normativ-huquqiy hujjatlar loyihalarini tayyorlashda Agentlikning hududiy boʻlinmalari va idoraviy mansub tashkilotlar masʼul xodimlari ishtirokini tashkil etadi, tibbiy-ijtimoiy xizmat koʻrsatish sohasida qonunchilik hujjatlarini takomillashtirish boʻyicha ulardan tushgan takliflarni koʻrib chiqadi.

37. Agentlikning hududiy boʻlinmalari va idoraviy mansub tashkilotlar Agentlik markaziy apparatining tarkibiy boʻlinmalari bilan hamkorlik qiladi, shu jumladan:

Agentlik rahbariyati topshiriqlari ijrosi haqida maʼlumot beradi;

tibbiy-ijtimoiy xizmat va tibbiy-ijtimoiy ekspertiza sohasida qonunchilik hujjatlari ijrosi boʻyicha faoliyat natijalari toʻgʻrisida markaziy apparatga axborot taqdim etadi;

ularning faoliyatini tekshirish va oʻrganish natijasida aniqlangan ishdagi kamchiliklarni va qoidabuzarliklarni bartaraf etish natijalari toʻgʻrisida maʼlumot beradi;

oʻz faoliyati natijalari toʻgʻrisidagi hisobotlarni belgilangan tartibda va muddatlarda Agentlikning markaziy apparatiga taqdim etadi;

tibbiy-ijtimoiy xizmat va tibbiy-ijtimoiy ekspertiza masalalarini hal qilishga qaratilgan takliflarni Agentlikning markaziy apparatiga yuboradi;

kompleks ijtimoiy-iqtisodiy rivojlantirish boʻyicha sektorlar bilan oʻzaro hamkorlik natijalari toʻgʻrisida axborot beradi;

vakolatli organlar tomonidan oʻtkazilgan oʻz faoliyatini tekshirish natijalari toʻgʻrisida xabar beradi.

38. Agentlik markaziy apparati tarkibiy boʻlinmalari, hududiy boʻlinmalar hamda idoraviy mansub tashkilotlarning oʻzaro hamkorligi jarayonida yuzaga keladigan kelishmovchiliklar direktorning topshirigʻiga binoan uning tegishli oʻrinbosari tomonidan koʻrib chiqiladi.

Agar koʻrsatib oʻtilgan koʻrib chiqishdan keyin kelishmovchiliklar tartibga solinmasa, u boʻyicha qaror bevosita direktor tomonidan qabul qilinadi.

39. Agentlik oʻz vazifalari va funksiyalarini amalga oshirishda boshqa davlat boshqaruvi organlari, mahalliy ijro etuvchi hokimiyat organlari, xoʻjalik birlashmalari va boshqa tashkilotlar bilan oʻzaro hamkorlik qiladi.

40. Agentlikning hududiy boʻlinmalari oʻz vakolati doirasida boshqa davlat boshqaruvi organlarining hududiy organlari, mahalliy ijro etuvchi hokimiyat organlari, xoʻjalik birlashmalari va boshqa tashkilotlar bilan oʻzaro hamkorlik qiladi.

Agentlikning hududiy boʻlinmalari tegishli hududlarni ijtimoiy-iqtisodiy rivojlantirish boʻyicha “yoʻl xaritalari”ni ishlab chiqishda va amalga oshirishda kompleks ijtimoiy-iqtisodiy rivojlantirish boʻyicha sektorlar bilan oʻzaro yaqin hamkorlik qiladi.

41. Agentlik faoliyatiga Vazirlar Mahkamasining tegishli tuzilmalari hamda Oʻzbekiston Respublikasining Bosh vaziri mutasaddilik qiladi.

42. Agentlik faoliyatini moliyalashtirishning asosiy manbalari Oʻzbekiston Respublikasi Davlat budjeti mablagʻlari va qonunchilik hujjatlarida taqiqlanmagan boshqa manbalar hisoblanadi.

43. Agentlik markaziy apparati va uning hududiy boshqarmalari xodimlari mehnatga haq toʻlash, moddiy ragʻbatlantirish va ijtimoiy muhofaza qilish boʻyicha, tegishli ravishda, Sogʻliqni saqlash vazirligi va uning Qoraqalpogʻiston Respublikasi, viloyatlar va Toshkent shahar hududiy boshqarmalari xodimlariga tenglashtiriladi.

Tuman (shahar) boʻlimlari xodimlari mehnatiga haq toʻlashda Oʻzbekiston Respublikasi Vazirlar Mahkamasining 1997-yil 30-sentabrdagi 459-son qaroriga 9a, 10a, 11a va 12a-ilovalarda nazarda tutilgan mehnatga haq toʻlash shartlari tatbiq etiladi.

Agentlikning budjetdan tashqari hisobvaraqlarida shakllanadigan mablagʻlardan Agentlik markaziy apparati xodimlariga Agentlik direktori tomonidan lavozim maoshining 200 foizigacha miqdorda har oylik shaxsiy ustamalar belgilanadi.

44. Agentlik tizimi xodimlarining Yagona tarif setkasi boʻyicha mehnatga haq toʻlashning tasdiqlangan razryadlariga muvofiq lavozim maoshini belgilashda tarif koeffitsiyenti markaziy apparat xodimlariga — 1,5 baravar, uning hududiy boʻlinmalari hamda Respublika tibbiy-ijtimoiy ekspertiza inspeksiyasi markaziy apparati va uning hududiy komissiyalari xodimlariga — 1,2 baravar oshirilgan miqdorda qoʻllaniladi.

“Muruvvat” nogironligi boʻlgan shaxslar uchun internat uylari, “Saxovat” keksalar va nogironligi boʻlgan shaxslar uchun internat uylari hamda Urush va mehnat faxriylari uchun respublika pansionati xodimlarining Yagona tarif setkasi boʻyicha mehnatga haq toʻlashning tasdiqlangan razryadlariga muvofiq lavozim maoshini belgilashda rahbar va shifokor xodimlariga — 1,5 baravar, oʻrta va kichik tibbiyot xodimlariga — 2,0 baravar, boshqa barcha xodimlarining — 1,2 baravar oshirilgan miqdorda qoʻllaniladi.

45. Agentlik xodimlarining ish haqi lavozim maoshi, mukofotlar, qoʻshimcha haqlar, ustamalardan va qonunchilik hujjatlarida nazarda tutilgan boshqa toʻlovlardan iborat.

Agentlik xodimlari lavozim maoshlariga har oyda qoʻshiladigan ragʻbatlantirish xususiyatiga ega boʻlgan qoʻshimcha haqlar va ustamalar direktor tomonidan tasdiqlanadigan nizomga muvofiq toʻlanadi.

46. Agentlikni qayta tashkil etish va tugatish qonunchilik hujjatlarida belgilangan tartibda amalga oshiriladi.