Oʻzbekiston Respublikasi Prezidentining “Iqtidorli yoshlarni saralab olish tizimi va akademik litseylar faoliyatini takomillashtirish chora-tadbirlari toʻgʻrisida” 2020-yil 3-dekabrdagi PQ-4910-son qaroriga muvofiq Oʻzbekiston Respublikasi Oliy va oʻrta maxsus taʼlim vazirligi va Bandlik va mehnat munosabatlari vazirligi qaror qiladi:

1. Oʻzbekiston Respublikasi Oliy va oʻrta maxsus taʼlim vazirligining Oʻrta maxsus, kasb-hunar taʼlimi markazi, Bandlik va mehnat munosabatlari vazirligining 2017-yil 30-iyundagi 53/QQ va 20-Q/Q-son qarori (roʻyxat raqami 2910, 2017-yil 3-avgust) (Oʻzbekiston Respublikasi qonun hujjatlari toʻplami, 2017-y., 31-son, 787-modda) bilan tasdiqlangan Akademik litseylarga oʻqituvchilarni tanlov asosida ishga qabul qilish tartibi toʻgʻrisidagi nizomga ilovaga muvofiq oʻzgartirish va qoʻshimchalar kiritilsin.

2. Ushbu qaror rasmiy eʼlon qilingan kundan eʼtiboran kuchga kiradi.

1. 1-band quyidagi tahrirda bayon etilsin:

“Ushbu Nizom barcha akademik litseylarga nisbatan tatbiq etiladi, harbiy akademik litseylar bundan mustasno.”.

2. 4-band quyidagi tahrirda bayon etilsin:

“4. Akademik litseylarning oʻqituvchi lavozimiga oʻtkaziladigan tanlovda oliy maʼlumotga ega boʻlgan shaxslar ishtirok etadi.”.

3. 8-banddagi “Oʻzbekiston Respublikasi Oliy va oʻrta maxsus taʼlim vazirligining Oʻrta maxsus, kasb-hunar taʼlimi markazi” degan soʻzlar “tegishli oliy taʼlim muassasalari” degan soʻzlar bilan almashtirilsin.

4. 9-banddagi “ommaviy axborot vositalarida, shuningdek akademik litseyning rasmiy veb-saytida (agar mavjud boʻlsa)” degan soʻzlar “ommaviy axborot vositalarida, Bandlik va mehnat munosabatlari vazirligining milliy vakansiyalar bazasi (ish.mehnat.uz)da va akademik litseyning rasmiy veb-saytida” degan soʻzlar bilan almashtirilsin.

5. 10-band quyidagi tahrirda bayon etilsin:

“10. Tanlovda ishtirok etish uchun nomzodlardan onlayn ariza, soʻrovnoma (rezyume)larni ommaviy axborot vositalarida, milliy vakansiyalar bazasi (ish.mehnat.uz)da va akademik litseyning veb-saytida qabul qilish eʼlon berilgan kundan boshlanadi va 20 kun davom etadi.”.

6. 11 — 13-bandlar oʻz kuchini yoʻqotgan deb topilsin.

7. 15-bandda:

quyidagi mazmundagi uchinchi xatboshi bilan toʻldirilsin:

“komissiya raisi oʻrinbosari — oliy taʼlim muassasasi taʼlim sifatini nazorat qilish boʻlimi xodimi”;

uchinchi va toʻrtinchi xatboshilar tegishlicha toʻrtinchi va beshinchi xatboshilar deb hisoblansin;

beshinchi xatboshidagi “tegishli kafedra mudiri, kamida 5 yil” degan soʻzlar “tegishli oliy taʼlim muassasasi va akademik litseyning 3 nafar tajribali” degan soʻzlar bilan almashtirilsin.

8. 34-banddagi “55” raqami “71” raqami bilan almashtirilsin.