Direktor

Xalqaro maslahatchi*

Kredit, grant va texnik ko‘mak mablag‘larini jalb qilish masalalari bo‘yicha direktor o‘rinbosari

Kredit, grant va texnik ko‘mak mablag‘lari loyihalarini amalga oshirish masalalari bo‘yicha direktor o‘rinbosari

Bosh yuriskonsult

Bosh buxgalter

Xalqaro moliya institutlari va xorijiy hukumat moliya tashkilotlari qarz mablag‘lari, grant va texnik ko‘mak mablag‘larini jalb qilish boshqarmasi

4

Xalqaro moliya institutlari va xorijiy hukumat moliya tashkilotlari ishtirokidagi loyihalar monitoringini olib borish va tahlil qilish boshqarmasi

4

Xodimlar bilan ishlash bo‘yicha bosh mutaxassis

Ishlar boshqaruvchisi

Loyihaoldi hujjatlarini ishlab chiqishni muvofiqlashtirish bo‘limi

2

Xalqaro moliya institutlari va xorijiy hukumat moliya tashkilotlari ishtirokidagi loyihalarni amalga oshirish guruhlari*

PR va protokol xizmati

1

Xalqaro moliya institutlari va xorijiy hukumat moliya tashkilotlari ishtirokidagi loyihalarni amalga oshirish bo‘yicha hududiy guruhlar*

AKT bo‘yicha mutaxassis

Devonxona

1

T/r

Tadbirlar nomi

Amalga oshirish mexanizmi

Ijro muddati

Mas’ul ijrochilar

I. Normativ-huquqiy bazani takomillashtirish

1.

Suv xo‘jaligi sohasidagi idoraviy normativ-huquqiy hujjatlar, texnik reglamentlar, standartlashtirish bo‘yicha normativ hujjatlar, jumladan suvni tejaydigan va raqamli texnologiyalarni joriy qilish, texnik jihatdan tartibga solish sohasidagi boshqa hujjatlarni xatlovdan o‘tkazish va ularni bosqichma-bosqich takomillashtirish.

Amaliy chora-tadbirlar

2021-2022-yillar bosqichma-bosqich

Suv xo‘jaligi vazirligi, Favqulodda vaziyatlar vazirligi, ISMITI*

2.

Suv omborlarini suv bilan to‘ldirish va suvni chiqarish rejimi tartibini ishlab chiqish.

Suv xo‘jaligi vazirligining buyrug‘i

2021-yil 1-may

Suv xo‘jaligi vazirligi, Energetika vazirligi, “O‘zbekgidroenergo” AJ

3.

Suv resurslarini dispetcherlik xizmati orqali boshqarish tartibini ishlab chiqish.

Suv xo‘jaligi vazirligining buyrug‘i

2021-yil 1-dekabr

Suv xo‘jaligi vazirligi, “O‘zgidromet” markazi, “O‘zbekgidroenergo” AJ, “Amudaryo” va “Sirdaryo” havzalari suv xo‘jaligi birlashmalari

4.

Gidropostlar pasportlarining namunaviy shakllarini va ularni attestatsiyadan o‘tkazish tartibini ishlab chiqish.

Suv xo‘jaligi vazirligining buyrug‘i

2021-yil 1-iyun

Suv xo‘jaligi vazirligi, Inspeksiya, Davlat geologiya qo‘mitasi, “O‘zgidromet” markazi

5.

Yangidan quriladigan va rekonstruksiya qilinadigan, shuningdek, avvaldan foydalanib kelinayotgan suv xo‘jaligi obyektlari xavfsizlik darajasini baholash mezonlarini ishlab chiqish.

Chora-tadbirlar

2021-yil 1-may

Suv xo‘jaligi vazirligi, Inspeksiya, Favqulodda vaziyatlar vazirligi, Mudofaa vazirligi, Ichki ishlar vazirligi, Milliy gvardiya, Ekologiya va atrof-muhitni muhofaza qilish davlat qo‘mitasi, “O‘zbekgidroenergo” AJ

6.

“Suvqurilishinvest” davlat unitar korxonalarini davlat muassasalari sifatida qayta tashkil etish va ularning nizomlarini tasdiqlash.

Idoraviy buyruq

2021-yil 10-may

Suv xo‘jaligi vazirligi, Qoraqalpog‘iston Respublikasi Vazirlar Kengashi va viloyatlar hokimliklari

II. Suv xo‘jaligi obyektlari xavfsizligini ta’minlash

7.

Gidrotexnika inshootlarining xavfsizligini ta’minlash uchun avariya moddiy-texnika zaxiralarini yaratish va ulardan foydalanishning yangilangan tartibini, shu jumladan avariya moddiy-texnika vositalari ro‘yxatini ishlab chiqish.

Tashkiliy chora-tadbirlar

2021-yil 1-iyun

Suv xo‘jaligi vazirligi, Inspeksiya, Favqulodda vaziyatlar vazirligi

8.

Yirik suv omborlari va gidrotexnika inshootlarida avariya va favqulodda vaziyatlar haqida aholini ogohlantirishning zamonaviy tizimini respublika budjeti mablag‘lari hisobidan bosqichma-bosqich yaratish.

Tashkiliy chora-tadbirlar

2021-yildan boshlab jadval bo‘yicha

Suv xo‘jaligi vazirligi, Energetika vazirligi, “O‘zbekgidroenergo” AJ, “O‘zbekiston temir yo‘llari” AJ, “Amudaryo” va “Sirdaryo” havzalari suv xo‘jaligi birlashmalari, Favqulodda vaziyatlar vazirligi, Moliya vazirligi, Inspeksiya

9.

Ilmiy tadqiqotlar natijalari asosida suv omborlari, sel-suv omborlari, boshqa yirik suv xo‘jaligi obyektlari, daryolar va gidrotexnika inshootlarining xavfsizligini ta’minlash, ishonchliligini oshirish va ularni ishlatish bo‘yicha yo‘riqnomalar ishlab chiqish.

Yo‘riqnomalar

2021 — 2023-yillar

Suv xo‘jaligi vazirligi, Inspeksiya, ISMITI*, TIQXMMIMTU**

10.

Suv omborlarida qo‘riqlash va kuzatuv tizimini tanqidiy o‘rganish va ularni takomillashtirish tadbirlarini ishlab chiqish.

Bunda quyidagilar nazarda tutiladi:

qo‘riqlash xizmatining nazorat maydonlarining mavjudligi;

zamonaviy videokuzatuv va favqulodda xabar berish tizimining mavjudligi;

qo‘riqlashning samaradorligi;

suv omborlari xavfsizligining to‘liq ta’minlanganligi;

suv omborlari xavfsizligiga tahdid soluvchi omillar.

Tashkiliy chora-tadbirlar

2021-yil avgust

Milliy gvardiya, Ichki ishlar vazirligi, Mudofaa vazirligi, Favqulodda vaziyatlar vazirligi, Inspeksiya, Suv xo‘jaligi vazirligi, Moliya vazirligi, “O‘zbekgidroenergo” AJ

11.

Suv omborlari ta’sir hududidagi aholini tabiiy va texnogen favqulodda vaziyatlarda evakuatsiya qilishda idoralararo hamkorlikni yo‘lga qo‘yish.

Idoralararo chora-tadbirlar

Har yili fevral

Mahalliy davlat hokimiyati organlari, Favqulodda vaziyatlar vazirligi, Milliy gvardiya, Ichki ishlar vazirligi, Mudofaa vazirligi, Inspeksiya, Suv xo‘jaligi vazirligi, Energetika vazirligi, “O‘zbekgidroenergo” AJ

12.

Tabiiy va texnogen xususiyatli favqulodda vaziyatlarda suv omborlari, gidrouzellar, nasos stansiyalari va boshqa yirik suv xo‘jaligi obyektlarida amalga oshiriladigan tadbirlar yuzasidan o‘quv-taktik mashg‘ulotlarni o‘tkazish chora-tadbirlarini ishlab chiqish va Vazirlar Mahkamasiga kiritish.

Tashkiliy chora-tadbirlar

Har yili aprel

Suv xo‘jaligi vazirligi, Favqulodda vaziyatlar vazirligi, Milliy gvardiya, Ichki ishlar vazirligi, Mudofaa vazirligi, Inspeksiya, Energetika vazirligi, “O‘zbekgidroenergo” AJ

13.

Respublikadagi barcha suv omborlari va yirik gidrotexnik inshootlarni har yili sug‘orish mavsumi tugaganidan so‘ng (suv omborlarida suv sathi pasaygandan so‘ng), shuningdek, yozgi sug‘orish mavsumida Respublika idoralararo ishchi guruhi tomonidan o‘rganib chiqish va har bir suv ombori va gidrotexnika inshootining xavfsiz ishlashi yuzasidan chora-tadbirlarni belgilash.

Tashkiliy chora-tadbirlar

Har yili may-iyun va oktabr-noyabr

Inspeksiya, Suv xo‘jaligi vazirligi, Favqulodda vaziyatlar vazirligi, Energetika vazirligi, “O‘zbekgidroenergo” AJ, loyiha tashkilotlari hamda mahalliy hokimiyat organlari

III. Suv xo‘jaligi sohasida suvni va elektr energiyasini tejash texnologiyalarini keng joriy qilish

14.

Turli meliorativ sharoitlarda tomchilatib sug‘orish tizimlari uchun sug‘orishning avtomatlashtirilgan modulini yaratish va sinovdan o‘tkazish.

Tashkiliy chora-tadbirlar

2021-2022-yillar

ISMITI*, Suv xo‘jaligi vazirligi

15.

Amu-Buxoro mashina kanalidan foydalanish, Qarshi magistral kanalidan foydalanish hamda Jizzax bosh nasos stansiyasi boshqarmalariga qarashli va boshqa yirik 35 va 110 kVt/soat kuchlanishli elektr uzatish tarmoqlariga ulangan nasos stansiyalariga elektr ta’minoti bo‘yicha kiritiladigan cheklovlar va uzilishlarning oldini olish yuzasidan shartnomaviy majburiyatlar bajarilishini ta’minlash.

Tashkiliy chora-tadbirlar

Har yili shartnomalarni rasmiylashtirish jarayonida

“Hududiy elektr tarmoqlari” AJ, Suv xo‘jaligi vazirligi

16.

Melioratsiya sohasida xorijiy mamlakatlarning, shu jumladan Xalqaro irrigatsiya va drenaj komissiyasining ilg‘or tajribalarini o‘rganish va ularning natijalarini amaliyotga joriy qilish.

Tashkiliy chora-tadbirlar

2021-2022-yillar

Suv xo‘jaligi vazirligi, Tashqi ishlar vazirligi

IV. Suv xo‘jaligi sohasida raqamli texnologiyalarni rivojlantirish

17.

Suv omborlari, irrigatsiya tizimi kanallari va nasos stansiyalarida suv va elektr energiyasi sarfini raqamli texnologiyalar asosida nazorat qilish tizimini joriy qilish.

Tashkiliy chora-tadbirlar

2021 — 2023-yillar

Suv xo‘jaligi vazirligi, Moliya vazirligi, Energetika vazirligi, Axborot texnologiyalari va kommunikatsiyalarini rivojlantirish vazirligi, “O‘zeltexsanoat” uyushmasi

18.

Sug‘oriladigan yerlarda yer osti suv sathi monitoringini raqamli texnologiyalar asosida yuritish hamda yerlarning meliorativ holatini baholash.

Tashkiliy chora-tadbirlar

2021 — 2024-yillar

Suv xo‘jaligi vazirligi, Axborot texnologiyalari va kommunikatsiyalarini rivojlantirish vazirligi, Moliya vazirligi

19.

Suv xo‘jaligida qo‘llaniladigan raqamli texnologiyalarning butlovchi qismlarini ishlab chiqarishni mahalliylashtirish.

Tashkiliy chora-tadbirlar

2021-yil 1-iyun

“O‘zeltexsanoat” uyushmasi, Axborot texnologiyalari va kommunikatsiyalarini rivojlantirish vazirligi, Suv xo‘jaligi vazirligi, Davlat geologiya qo‘mitasi, Savdo-sanoat palatasi

20.

Geoaxborot va raqamli texnologiyalar asosida sug‘oriladigan yerlarning sho‘rlanishini aniqlash hamda ularning samaradorligini baholash bo‘yicha monitoring tizimini takomillashtirish.

Sizot suvlari sathi, minerallashuvi va sug‘oriladigan yerlarning sho‘rlanish dinamikasi ustidan real vaqt rejimida monitoring olib borishni ta’minlaydigan avtomatlashtirilgan tizimlar joriy etish.

Tashkiliy chora-tadbirlar

2021-yil 1-oktabr

Suv xo‘jaligi vazirligi, Axborot texnologiyalari va kommunikatsiyalarini rivojlantirish vazirligi, ISMITI*

21.

Qashqadaryo viloyatining Mirishkor-Qamashi kanalida “Rubicon Water Pty. Ltd” korxonasi tomonidan yaratilgan suv resurslaridan foydalanishning zamonaviy avtomatlashtirilgan tizimini joriy qilish.

Obyektni o‘rganish; shartnomani rasmiylashtirish; loyihani amalga oshirish; obyektni foydalanishga kiritish

2021-yil aprel

2021-yil may

2021-yil sentabr — noyabr

2021-yil dekabr

Qishloq xo‘jaligi vazirligi, Suv xo‘jaligi vazirligi, ISMITI

V. Suv xo‘jaligi sohasidagi investitsiya loyihalarini amalga oshirish

22.

Islom taraqqiyot banki ishtirokida “Surxondaryo viloyatida suv resurslarini boshqarishni yaxshilash (Xazarbog‘-Oqqopchig‘ay kanallar tizimini qayta tiklash)”, Osiyo taraqqiyot banki va Yaponiyaning xalqaro hamkorlik agentligi (JICA) agentligi ishtirokidagi “Amu-Buxoro irrigatsiya tizimlarini qayta tiklash”, Jahon banki ishtirokida “Janubiy Qoraqalpog‘istonda suv resurslarini boshqarishni yaxshilash” loyihalari bo‘yicha qarz va kredit kelishuvlari muddatlarini uzaytirish.

Tashkiliy chora-tadbirlar

2021-yil may

Moliya vazirligi, Suv xo‘jaligi vazirligi, Investitsiyalar va tashqi savdo vazirligi

23.

Markaz tomonidan amalga oshirilayotgan har bir loyiha va subloyihalar bo‘yicha tijorat banklarida alohida talab qilib olgungacha depozit (ikkilamchi) hisobraqamlari ochish, ushbu hisobraqamlar orqali oylik ish haqi, soliq, korporativ plastik kartalarga mablag‘ o‘tkazish, shuningdek, loyiha doirasidagi boshqa xarajatlarni amalga oshirish vakolatini berish, hisobraqamlardan Markazning boshqa loyihalardagi qarzdorligi va majburiyatlarni bajarish uchun to‘lovlar amalga oshirilishiga yo‘l qo‘ymaslik maqsadida qonunchilik hujjatlariga o‘zgartirishlar kiritish.

Taklif tayyorlash

2021-yil may

Suv xo‘jaligi vazirligi, Markaziy bank

VI. Suv xo‘jaligi sohasida ta’lim va ilmiy-tadqiqot faoliyatini takomillashtirish

24.

Ilmiy-tadqiqot ishlarini olib borish jarayonlari hamda olingan natijalarni amaliyotga joriy etish tizimini takomillashtirish, sohaga ilg‘or texnologiyalarni transfer qilish hamda innovatsion ishlanmalarni amaliyotga joriy qilishni jadallashtirish.

Tashkiliy chora-tadbirlar

2021-yil iyun

Suv xo‘jaligi vazirligi, ISMITI*, TIQXMMI**

25.

Irrigatsiya va melioratsiya obyektlarini loyihalashtirish ishlariga yosh olim va tadqiqotchilarni keng jalb etish.

Tashkiliy chora-tadbirlar

Har yili jadval bo‘yicha

Suv xo‘jaligi vazirligi, ISMITI*, TIQXMMIMTU**

26.

Suv xo‘jaligi vazirligi tarkibidagi kollejlarda amaliy mashg‘ulotlar va tajriba-sinov ishlarini olib borish maqsadida tajriba xo‘jaligi uchun 5 gektardan yer maydonlarini ajratish.

Mahalliy davlat hokimiyati organlarining qarorlari

2021-yil 10-may

Qoraqalpog‘iston Respublikasi Vazirlar Kengashi, viloyatlar hokimliklari, Suv xo‘jaligi vazirligi

27.

Suv xo‘jaligi sohasida “Gidrotexnika va melioratsiya qurilishi”, “Gidravlika va muhandislik gidrologiyasi” hamda “Melioratsiya va sug‘orma dehqonchilik” ixtisosliklari bo‘yicha ilmiy darajaga ega xodimlar tayyorlash tizimini yaratish.

Oliy attestatsiya komissiyasi qarori

2021-yil 20-may

Oliy attestatsiya komissiyasi, Suv xo‘jaligi vazirligi, ISMITI*, TIQXMMI**

28.

Suv xo‘jaligi vazirligi tarkibidagi kollejlarning moddiy-texnik bazasi va o‘quv laboratoriya xonalarini zamon talablari asosida jihozlash.

Tashkiliy chora-tadbirlar

2021-yil 10-iyun

Moliya vazirligi, Suv xo‘jaligi vazirligi, Qoraqalpog‘iston Respublikasi Vazirlar Kengashi va viloyatlar hokimliklari

VII. Kadrlar tayyorlash, qayta tayyorlash va ularning malakasini oshirish tizimini takomillashtirish

29.

Suv xo‘jaligi vazirligi tarkibidagi kollejlar huzurida tashkil etilgan mintaqaviy malaka oshirish markazlarida suv xo‘jaligi sohasidagi xodimlarning malakasini oshirishni tizimli tashkil qilish.

Tashkiliy chora-tadbirlar

Har yili jadval bo‘yicha

Suv xo‘jaligi vazirligi, TIQXMMIMTU**, kollejlar

30.

“Toshkent irrigatsiya va qishloq xo‘jaligini mexanizatsiyalash muhandislari instituti” milliy tadqiqot universiteti huzuridagi Pedagog kadrlarni qayta tayyorlash va ularning malakasini oshirish tarmoq markazida shartnoma asosida rahbar-xodimlar malakasini oshirish hamda mintaqaviy malaka oshirish markazlari uchun trenerlar tayyorlash.

Tashkiliy chora-tadbirlar

Har yili jadval bo‘yicha

TIQXMMIMTU**, Suv xo‘jaligi vazirligi

31.

Suv xo‘jaligi vazirligi markaziy apparati xodimlari uchun 120 kvartirali ko‘p qavatli turar joy majmuini qurish maqsadida Toshkent shahri hududidan yer maydoni ajratish.

Toshkent shahar hokimligining qarori

2021-yil 20-may

Toshkent shahar hokimligi, Suv xo‘jaligi vazirligi

32.

Suv iste’molchilari uyushmalari (SIU) rahbar-xodimlari uchun suv va suv resurslarini rejalashtirish, taqsimlash hamda ulardan foydalanish, shuningd?k, SIUni boshqarish va uning faoliyatini tashkil etish (buxgalteriya hisobini yuritish, ish yuritish va boshqalar) bo‘yicha qisqa muddatli sayyor o‘quv kurslarini tashkil qilish.

Tashkiliy chora-tadbirlar

2021-yil 1-oktabr

Qoraqalpog‘iston Respublikasi Vazirlar Kengashi va viloyatlar hokimliklari, Suv xo‘jaligi vazirligi

33.

Suvdan samarali foydalanish, suv iste’moli madaniyatini shakllantirishga qaratilgan konferensiyalar, davra suhbatlari va seminar-treninglar tashkil etish.

Tashkiliy chora-tadbirlar

2021-2022-yillar

Suv xo‘jaligi vazirligi, O‘zbekiston fermer, dehqon xo‘jaliklari va tomorqa yer egalari kengashi, Qoraqalpog‘iston Respublikasi Vazirlar Kengashi va viloyatlar hokimliklari

34.

Suv xo‘jaligi sohasida suvdan foydalanuvchilarning bilim va ko‘nikmalarini oshirish, suvdan oqilona foydalanish, suv iste’moli madaniyatini shakllantirish va sohada innovatsion texnologiyalarni qo‘llashga qaratilgan materiallar va roliklarni Internet tarmog‘ida keng yoritish hamda “Tomchi” mobil ilovasiga tizimli joylashtirib borishni tashkil etish.

Tashkiliy chora-tadbirlar

2021-2022-yillar

Suv xo‘jaligi vazirligi, O‘zbekiston fermer, dehqon xo‘jaliklari va tomorqa yer egalari kengashi, Qoraqalpog‘iston Respublikasi Vazirlar Kengashi va viloyatlar hokimliklari