O‘zbekiston Respublikasi Prezidentining 2021-yil 26-martdagi “Jamoat xavfsizligini ta’minlash va jinoyatchilikka qarshi kurashish sohasida ichki ishlar organlari faoliyatini sifat jihatidan yangi bosqichga ko‘tarish chora-tadbirlari to‘g‘risida”gi PF-6196-son Farmoniga muvofiq, shuningdek, jamoat xavfsizligini ta’minlash bo‘yicha o‘rnatilayotgan yangi mexanizmlarning samarali amalga oshirilishini ta’minlashda ichki ishlar organlarining roli va mas’uliyatini yanada oshirish maqsadida:
tuman (shahar) hokimlari har oyda mahalla huquq-tartibot maskaniga rahbarlik qilayotgan profilaktika katta inspektori bilan shaxsan uchrashib, hududda jamoat xavfsizligini ta’minlash borasida aniqlangan muammoli masalalarni hal etish choralarini ko‘radi;
xalq deputatlari tuman (shahar) Kengashlari har yarim yilda mahalla huquq-tartibot maskaniga rahbarlik qilayotgan profilaktika katta inspektorining hududda jamoat xavfsizligini ta’minlash ahvoli bo‘yicha hisobotini eshitadi va zarur choralarni belgilaydi.
bir oy muddatda bevosita joylarga chiqqan holda profilaktika inspektorlari tomonidan har bir oila va xonadondagi muhitni, shuningdek, huquqbuzarliklar sodir etilishiga ta’sir etuvchi ijtimoiy, infratuzilma va boshqa muammolarni o‘rganish hamda bartaraf etish bo‘yicha “Xavfsiz xonadon” va “Xavfsiz hovli” tizimini yo‘lga qo‘ysin;
Oliy sud (K.F. Kamilov), Bosh prokuratura (N.T. Yo‘ldoshev) va Adliya vazirligi (R.K. Davletov) bilan birgalikda bir oy muddatda profilaktika inspektorining mahalla osoyishtaligini ta’minlash bilan bog‘liq huquqbuzarliklar bo‘yicha ma’muriy jazo qo‘llash vakolatini kengaytirishni nazarda tutuvchi qonun loyihasini kiritsin;
Axborot texnologiyalari va kommunikatsiyalarini rivojlantirish vazirligi (Sh.M. Sadikov) hamda Oliy sud (K.F. Kamilov) bilan birgalikda 2021-yil 1-sentabrga qadar profilaktika inspektorlari vakolatiga kiruvchi ma’muriy huquqbuzarliklar bo‘yicha ish yurituvni to‘liq elektron shaklga o‘tkazsin va profilaktika inspektorlarining sud majlislarida “masofaviy” tarzda qatnashish amaliyotini joriy etsin.
2. Toshkent shahri va Toshkent viloyati ichki ishlar organlarining jamoat xavfsizligini ta’minlash borasidagi faoliyatini samarali tashkil etish maqsadida quyidagilarni nazarda tutuvchi yangi boshqaruv tizimi joriy etilsin:
Toshkent shahri va Toshkent viloyatida jamoat xavfsizligini ta’minlash ushbu hududlardagi ichki ishlar va boshqa vakolatli organlarning mavjud kuch va vositalarini yagona “poytaxt mintaqasi” tamoyili asosida safarbar qilgan holda hamkorlikda amalga oshiriladi;
Toshkent shahridagi patrul-post xizmati batalonlari Toshkent shahar Ichki ishlar bosh boshqarmasining bevosita bo‘ysunuvidan chiqarilib, to‘g‘ridan-to‘g‘ri tuman ichki ishlar organlari tarkibiga o‘tkaziladi va ularning kunlik xizmati mahallalar kesimida yo‘lga qo‘yiladi;
jamoat tartibini ommaviy buzish bilan bog‘liq holatlar yuzaga kelganda poytaxtdagi barcha ichki ishlar organlari faoliyatini, shuningdek, jamoat xavfsizligini ta’minlash bo‘yicha vakolatli davlat organlari va jamoat tuzilmalari kuch va vositalarining yagona tezkor boshqaruvi Toshkent shahar Ichki ishlar bosh boshqarmasi zimmasiga, umumiy boshqaruvi ichki ishlar vaziri zimmasiga yuklatiladi.
3. Yagona “poytaxt mintaqasi” tamoyili asosida ishlarni samarali tashkil etish maqsadida Toshkent shahar va Toshkent viloyati ichki ishlar bosh boshqarmalari boshliqlarining hamraisligida Jamoat xavfsizligini ta’minlash masalalari bo‘yicha muvofiqlashtiruvchi kengash (keyingi o‘rinlarda — Kengash) tashkil etilsin.
Toshkent shahar va Toshkent viloyati Milliy gvardiya boshqarmalarining boshliqlari Kengash raisining o‘rinbosarlari hisoblanadi;
Kengash yig‘ilishlari har oyda kamida bir marotaba o‘tkaziladi hamda ularda poytaxt mintaqasida kriminogen va ijtimoiy vaziyatni tahlil qilish natijasida aniqlangan muammolarni o‘zaro hamkorlikda hal etish bo‘yicha manzilli choralar belgilanadi.
Ichki ishlar vaziri P.R. Bobojonov, Milliy gvardiya qo‘mondoni R.M. Jo‘rayev mutasaddi vazirlik va idoralar bilan birgalikda bir hafta muddatda Kengash tarkibini tasdiqlasin, ichki ishlar vazirining o‘rinbosari A.I. Ikramov Kengash faoliyatini samarali yo‘lga qo‘yish bo‘yicha barcha zarur choralarni ko‘rsin.
4. Ichki ishlar vazirligi, Milliy gvardiya va Toshkent shahar hokimligining Toshkent shahar Ichki ishlar bosh boshqarmasi huzurida Yagona tezkor boshqaruv markazini (keyingi o‘rinlarda — Markaz) tashkil etish to‘g‘risidagi taklifi ma’qullansin.
poytaxt hududida kriminogen va ijtimoiy vaziyatni uzluksiz monitoring qilish, jamoat xavfsizligini ta’minlashga jalb etilgan ichki ishlar organlari, Milliy gvardiya, Favqulodda vaziyatlar vazirligi va Toshkent shahar hokimligining tegishli kuch va vositalarini boshqarish;
jinoyat, hodisalar va favqulodda holatlar haqidagi xabarlarga tezkorlik bilan munosabat bildirish, jamoat tartibini ommaviy buzish bilan bog‘liq holatlar yuzaga kelganda vakolatli idoralarning harakatlarini markazlashgan holda muvofiqlashtirish.
5. Ish unumdorligini oshirish maqsadida shunday tartib o‘rnatilsinki, unga muvofiq 2021-yil 1-iyuldan boshlab, shaxslarni profilaktik hisobga olishning elektron tizimi joriy etiladi.
Axborot texnologiyalari va kommunikatsiyalarini rivojlantirish vazirligi (O.A. Pekos) bilan birgalikda joriy yilning birinchi yarmi yakuniga qadar elektron tizimining dasturiy ta’minoti ishlab chiqilishi va huquqbuzarliklar profilaktikasi tizimiga joriy etilishini ta’minlasin;
Adliya vazirligi (R.K. Davletov) bilan birgalikda bir oy muddatda profilaktik hisobga olinadigan shaxslar ro‘yxatini qisqartirish bo‘yicha takliflarni kiritsin.
Oldingi tahrirga qarang.
7. Ichki ishlar vazirligi huzuridagi Jazoni ijro etish departamenti (keyingi o‘rinlarda — Jazoni ijro etish departamenti) to‘g‘risidagi nizom 2-ilovaga muvofiq tasdiqlansin.
Ichki ishlar vazirligi (N.S. Turaxo‘jayev, R.A. Tursunov) 2021 — 2023-yillar davomida jazoni ijro etish tizimini raqamlashtirish orqali sohada inson omilini istisno etish va jazoni o‘tashning tartibotini ta’minlash maqsadida:
jazoni ijro etish muassasalari va tergov hibsxonalarida qat’iy intizom va qonuniylikni ta’minlash, korrupsiyaviy holatlarning oldini olish, shuningdek, mahkumlarni saqlash holati ustidan nazorat olib borish jarayonlarini to‘liq avtomatlashtirish;
jazoni ijro etish muassasalarida mahkumlar, shu jumladan ularning qarindoshlari tomonidan qonun bilan taqiqlanmagan buyumlarni erkin bozor mexanizmlariga asoslangan elektron do‘konlar orqali sotib olish imkoniyatini yaratish;
mahkumlarni qayta tarbiyalashning taktikasini to‘g‘ri belgilash va ular tomonidan huquqbuzarlik sodir etilishining barvaqt oldini olish maqsadida har bir mahkumning xulq-atvori va shaxsi haqidagi ma’lumotlar elektron bazasini yuritish va uning asosida mahkumlarni taqsimlash jarayonini to‘liq raqamlashtirish choralarini ko‘rsin.
8. Mahkumlarni mehnatga jalb qilish orqali qayta tarbiyalash va sohaga raqamli texnologiyalarni keng joriy etish maqsadida mavjud shtat birliklari doirasida quyidagi lavozimlar kiritilsin:
Jazoni ijro etish departamenti boshlig‘ining axborot texnologiyalari hamda ishlab chiqarishni rivojlantirish bo‘yicha o‘rinbosarlari;
jazoni ijro etish muassasalari boshliqlarining ishlab chiqarishni rivojlantirish bo‘yicha o‘rinbosari.
joriy etilayotgan lavozimlarga ishlab chiqarish, marketing va axborot texnologiyalari bo‘yicha mutaxassislikka hamda zarur tajribaga ega shaxslar tayinlanadi, shuningdek, ularga mehnat bozori konyunkturasidan kelib chiqib, Jazoni ijro etish departamentining budjetdan tashqari mablag‘lari hisobidan qo‘shimcha to‘lovlar amalga oshiriladi;
jazoni ijro etish muassasalari huzuridagi davlat unitar korxonalari jazoni ijro etish muassasalarining yuridik shaxs hisoblanmagan va budjetdan tashqari faoliyatni amalga oshiradigan ishlab chiqarish bo‘linmalari sifatida qayta tashkil etiladi;
jazoni ijro etish muassasalarining ishlab chiqarish faoliyatidan kelib tushadigan mablag‘lar mazkur sohaga zamonaviy texnologiyalarni joriy etish va talab yuqori bo‘lgan yangi turdagi mahsulotlar ishlab chiqarishni yo‘lga qo‘yishga yo‘naltiriladi;
Oldingi tahrirga qarang.
jazoni ijro etish muassasalari huzuridagi budjetdan tashqari faoliyatni amalga oshiradigan ishlab chiqarish bo‘linmalari lavozimlariga tegishli sohada amaliy ish tajribasiga ega bo‘lgan shaxslar shahodatlangan lavozimlar hisobidan tayinlanishi mumkin.
(8-band O‘zbekiston Respublikasi Prezidentining 2023-yil 20-noyabrdagi PF-197-sonli Farmoniga asosan sakkizinchi xatboshi bilan to‘ldirilgan — Qonunchilik ma’lumotlari milliy bazasi, 20.11.2023-y., 06/23/197/0865-son)
9. Vazirlar Mahkamasi va Ichki ishlar vazirligining 2021-yil yakuniga qadar ichki ishlar organlari faoliyatiga raqamli texnologiyalar va sun’iy intellektni joriy etish bo‘yicha quyidagilarni nazarda tutuvchi takliflariga rozilik berilsin:
ichki ishlar organlari sohaviy xizmatlarining elektron ma’lumotlar bazalarini yagona platforma negizida birlashtirish asosida “E-ichki ishlar organlari” markazlashgan axborot tizimini yaratish;
ichki ishlar organlarining barcha axborot tizimlarini integratsiya qilish va ulardan samarali foydalanishni ta’minlash maqsadida Ichki ishlar vazirligining Ma’lumotlarni qayta ishlash yagona markazini yaratish.
Ichki ishlar vazirligi (N.S. Turaxo‘jayev) Axborot texnologiyalari va kommunikatsiyalarini rivojlantirish vazirligi (O.A. Pekos) bilan birgalikda bir oy muddatda ichki ishlar organlarining faoliyatini bosqichma-bosqich to‘liq raqamlashtirishni nazarda tutuvchi Hukumat qarori loyihasini ishlab chiqsin va kiritsin.
10. Ichki ishlar organlarida ma’naviy-ma’rifiy ishlarni tashkil etish konsepsiyasi 3-ilovaga muvofiq tasdiqlansin.
ichki ishlar organlari xodimlarining ma’naviy va intellektual salohiyatini yuksaltirish ishlari “Vatanga va xalqqa sadoqat bilan xizmat qilish — oliy burchimiz!” konseptual g‘oyasi asosida tashkillashtiriladi;
ichki ishlar organlarining xodimlarida mamlakatda tinchlik va osoyishtalikni ta’minlash, fuqarolarning huquq va erkinliklarini muhofaza qilish kabi oliy mas’uliyat tuyg‘usini shakllantirish maqsadida har bir hududiy ichki ishlar organlarida “vatanparvarlik burchagi” tashkil etiladi;
ma’naviy-ma’rifiy ishlar ichki ishlar organlari shaxsiy tarkibi bilan ishlash sohasining ustuvor yo‘nalishi sifatida belgilanadi.
Ichki ishlar vazirligi (P.R. Bobojonov), Respublika ma’naviyat va ma’rifat markazi (M.M. Xojimatov) boshqa manfaatdor idora va tashkilotlar bilan birgalikda ichki ishlar organlarida ma’naviy-ma’rifiy ishlarni yuqori saviyada tashkil etish choralarini ko‘rib borsin.
11. Belgilansinki, mazkur qaror bilan amalga oshirilayotgan tashkiliy-shtat o‘zgarishlariga muvofiq ichki ishlar organlari xodimlarining tizimda egallab turgan lavozimi bo‘yicha pul ta’minoti va ijtimoiy imtiyozlar ular lavozimga qayta tayinlanguniga yoki pensiyaga chiqquniga qadar, biroq uch oydan ko‘p bo‘lmagan muddatga saqlab qolinadi.
12. O‘zbekiston Respublikasi Prezidentining ayrim qarorlariga 4-ilovaga muvofiq o‘zgartirish va qo‘shimchalar kiritilsin.
bir oy muddatda Moliya vazirligi, Xalq ta’limi vazirligi bilan birgalikda ushbu qarorga muvofiq xarajatlar smetalariga o‘zgartirishlar kiritsin;
ikki oy muddatda manfaatdor idoralar bilan birgalikda qonunchilik hujjatlariga ushbu qarordan kelib chiqadigan o‘zgartirish va qo‘shimchalar to‘g‘risida Vazirlar Mahkamasiga takliflar kiritsin.
14. Mazkur qaror ijrosini samarali tashkil etishga mas’ul va shaxsiy javobgar etib ichki ishlar vaziri P.R. Bobojonov belgilansin.
Mazkur qaror ijrosini muhokama qilib borish, ijro uchun mas’ul idoralar faoliyatini muvofiqlashtirish va nazorat qilish O‘zbekiston Respublikasi Prezidenti Administratsiyasi rahbari Z.Sh. Nizomiddinov zimmasiga yuklansin.
Amalga oshirilayotgan chora-tadbirlar natijadorligi yuzasidan 2021-yil 1-iyul va 2022-yil 1-yanvargacha O‘zbekiston Respublikasi Prezidentiga axborot berilsin.
1. Mahalla huquq-tartibot maskani (keyingi o‘rinlarda — Maskan) mahalla va qishloqlarda jamoat tartibini saqlash, huquqbuzarliklar profilaktikasi va jinoyatchilikka qarshi kurashish faoliyatini bevosita amalga oshiradigan, shuningdek, fuqarolarning xavfsizligi va osoyishtaligini ta’minlash borasida ichki ishlar organlari, boshqa huquq-tartibot organlari va jamoat tuzilmalarining mahallalar kesimida birgalikda ishlashini tashkil etadigan ichki ishlar organlarining eng quyi bo‘g‘inidagi tarkibiy tuzilmasi hisoblanadi.
2. Maskan o‘z faoliyatida O‘zbekiston Respublikasining Konstitutsiyasiga, O‘zbekiston Respublikasining “Ichki ishlar organlari to‘g‘risida”gi qonuni va boshqa qonunlariga, O‘zbekiston Respublikasi Oliy Majlisi palatalarining qarorlariga, O‘zbekiston Respublikasi Prezidentining farmonlari, qarorlari va farmoyishlariga, O‘zbekiston Respublikasi Vazirlar Mahkamasining qarorlari va farmoyishlariga, Ichki ishlar vazirligining normativ hujjatlariga, shuningdek, ushbu Nizomga amal qiladi.
3. Maskanlar Toshkent shahri tumanlarida, Qoraqalpog‘iston Respublikasi va viloyatlar markazlarida, shuningdek, yirik tuman va shaharlarda tashkil etiladi.
Maskanlar binolariga qo‘yiladigan talablar va ularda faoliyatni olib borish tartibi O‘zbekiston Respublikasi ichki ishlar vaziri tomonidan belgilanadi.
profilaktika katta inspektori, profilaktika inspektori, profilaktika inspektorining jamoat tartibini saqlash bo‘yicha yordamchisi (har kunlik asosida);
hududda xizmat qilish uchun biriktirilgan tuman (shahar) ichki ishlar organining xotin-qizlar masalalari bo‘yicha inspektori, probatsiya bo‘linmasi inspektori, tezkor vakil, patrul-post xizmati xodimlari;
hududda jamoat tartibini saqlash va huquqbuzarliklar profilaktikasiga ko‘maklashish uchun yuborilgan Milliy gvardiya bo‘linmasi, boshqa vakolatli davlat organlarining xodimlari va jamoat tuzilmalarining vakillari tarkibida amalga oshiradi.
mahallada (qishloqda) jamoat tartibini saqlash, huquqbuzarliklar profilaktikasi va jinoyatchilikka qarshi kurashishni bevosita amalga oshirish;
fuqarolarning xavfsizligi va osoyishtaligini ta’minlash borasida ichki ishlar organlari, boshqa davlat organlari va jamoat tuzilmalarining mahallalar kesimida birgalikda ishlashini tashkil etish;
aholi muammolarini hal etish, shuningdek, huquqbuzarlikdan jabrlangan, g‘ayriijtimoiy xulq-atvorga ega, huquqbuzarlik sodir etgan shaxslarni ijtimoiy moslashtirish ishlarini tashkil etish;
mahallaning (qishloqning) kirish-chiqish joylarida va hududdagi boshqa obyektlarda o‘rnatilgan videokuzatuv moslamalaridan foydalangan holda, yagona markazlashgan elektron kuzatish va monitoringni amalga oshirish orqali huquqbuzarliklarni barvaqt oldini olish, aniqlash va fosh etish.
a) mahallada (qishloqda) jamoat tartibini saqlash, huquqbuzarliklar profilaktikasi va jinoyatchilikka qarshi kurashishni bevosita amalga oshirish sohasida:
O‘zbekiston Respublikasining “Huquqbuzarliklar profilaktikasi to‘g‘risida”gi Qonunida nazarda tutilgan profilaktik chora-tadbirlarni amalga oshirish;
jamoat joylarida huquqbuzarliklarning oldini olish, jinoyat sodir etilishiga imkon beruvchi shart-sharoitlarni bartaraf etish;
jinoyatlarni aniqlash va fosh etish, surishtiruv, tergov va sud organlaridan yashirinib yurgan, jinoiy jazodan bo‘yin tovlayotgan, bedarak yo‘qolgan shaxslarni qidirish bo‘yicha tezkor-qidiruv tadbirlarini amalga oshirishga ko‘maklashish;
“jinoyat o‘choqlari” hisoblangan joylarda piyoda, moto- va avtopatrul yo‘nalishlarini tashkil etish;
sodir etilgan jinoyatlarni “issiq izidan” fosh etish bo‘yicha zarur dastlabki tadbirlarni tashkil etish, fuqarolarning shaxslarini aniqlash choralarini ko‘rish;
“Fidokor yoshlar” jamoatchilik patrul guruhi a’zolaridan iborat patrul yo‘nalishlarini tashkil etish;
b) fuqarolarning xavfsizligi va osoyishtaligini ta’minlash borasida ichki ishlar organlari, boshqa davlat organlari va jamoat tuzilmalarining mahallalar kesimida birgalikda ishlashini tashkil etish sohasida:
jinoyatning sabablarini va uning sodir etilishiga imkon bergan shart-sharoitlarni bartaraf qilish to‘g‘risida surishtiruvchi, tergovchi, prokurorning taqdimnomasini, sudning xususiy ajrimini fuqarolar ishtirokida ta’sirchan muhokama qilish, mazkur sabab va shart-sharoitlarni bartaraf qilish bo‘yicha zarur chora-tadbirlarni belgilash;
jinoyatlarning usullari va oqibatlari haqida tushuntirish-targ‘ibot ishlarini amalga oshirish, ijtimoiy so‘rovlar o‘tkazish;
narkologik kasalliklarga (surunkali alkogolizm, giyohvandlik, zaharvandlikka) chalingan shaxslarni tibbiy-ijtimoiy reabilitatsiya qilish ishlarini nazorat qilish;
v) aholi muammolarini hal etish, shuningdek, huquqbuzarlikdan jabrlangan, g‘ayriijtimoiy xulq-atvorga ega, huquqbuzarlik sodir etgan shaxslarni ijtimoiy moslashtirish ishlarini tashkil etish sohasida:
aholining eng muhim muammolarini aniqlash va ijtimoiy keskinlikni yumshatish masalalari bo‘yicha fuqarolar bilan to‘g‘ridan-to‘g‘ri ochiq muloqot qilish yuzasidan zarur choralarni ko‘rish;
fuqarolar tomonidan bildirilgan muammolarning elektron ro‘yxatini shakllantirish va ularni mahallada yashovchi har bir shaxs kesimida hal etish choralarini ko‘rish;
alohida ko‘makka muhtoj (nogiron, og‘ir kasal, keksa va nuroniy) fuqarolarning yashash manziliga borgan holda mobil qurilmalar orqali identifikatsiya ID-karta va xorijga chiqish biometrik pasportini rasmiylashtirish;
muammoli oilalar va uzoq muddat mobaynida chet elda bo‘lib qaytgan shaxslarning elektron ro‘yxatini yuritish, ularga huquqiy, tibbiy va psixologik yordam ko‘rsatilishini tashkil etish;
profilaktik hisob, ma’muriy nazorat va probatsiya nazoratidagi shaxslar bilan ijtimoiy moslashtirish ishlarini ularning elektron ijtimoiy-psixologik portretini tuzgan holda yakka tartibdagi ijtimoiy moslashtirish dasturi asosida amalga oshirilishini tashkil etish;
g) mahallaning (qishloqning) kirish-chiqish joylarida va hududdagi boshqa obyektlarda o‘rnatilgan videokuzatuv moslamalaridan foydalangan holda, yagona markazlashgan elektron kuzatish va monitoringni amalga oshirish orqali huquqbuzarliklarning barvaqt oldini olish, aniqlash va fosh etish sohasida:
hududning kirish-chiqish joylariga, shuningdek, ko‘p qavatli uylarda zamonaviy videokuzatuv moslamalari o‘rnatilishini va uzluksiz ishlashini ta’minlash;
hududidagi obyektlarda o‘rnatilgan videokuzatuv moslamalarini Maskanga integratsiya qilinishi yuzasidan zarur tashkiliy choralarni ko‘rish;
videokuzatuv lavhalarini sifatli va uzluksiz tahlil qilib borish orqali huquqbuzarliklarning barvaqt oldini olish, aniqlash va fosh etish choralarini amalga oshirish.
7. Maskan xodimlarini ularning vazifa va faoliyat yo‘nalishlari bilan bog‘liq bo‘lmagan tadbirlarga jalb qilish, ularning zimmasiga taalluqli bo‘lmagan vazifalarni yuklash, faoliyatiga asossiz aralashish taqiqlanadi.
8. Profilaktika katta inspektori Maskanning bevosita rahbari hisoblanadi va uning zimmasiga mahallada (qishloqda) jamoat tartibini saqlash va huquqbuzarliklar profilaktikasi bo‘yicha kunlik ishni samarali tashkil etish mas’uliyati yuklanadi.
Maskan faoliyatiga yuklatilgan vazifalarning lozim darajada bajarilishi uchun shaxsan javobgar bo‘ladi;
Maskanda faoliyat ko‘rsatadigan xodimlarga yuklatilgan vazifalarning bajarilishini nazorat qiladi, hududda patrul yo‘nalishlarini belgilaydi va patrullik xizmatini tashkil etadi;
hududda jamoat tartibini saqlash va huquqbuzarliklar profilaktikasiga ko‘maklashish uchun yuborilgan Milliy gvardiya bo‘linmasi, boshqa vakolatli davlat organlarining xodimlari va jamoat tuzilmalari vakillarining faoliyatini muvofiqlashtiradi;
vazifalarini sidqidildan bajarib kelayotgan profilaktika inspektorining jamoat tartibini saqlash bo‘yicha yordamchisiga ichki ishlar organlarida xizmatga belgilangan tartibda qabul qilish uchun tavsiyaviy taqdimnoma kiritadi;
Maskanda samarali faoliyat ko‘rsatadigan xodimlarni rag‘batlantirish to‘g‘risida hududiy ichki ishlar organi rahbariga to‘g‘ridan-to‘g‘ri taklif kiritadi;
10. Profilaktika katta inspektori yo‘qligida uning vakolatlari profilaktika inspektori tomonidan amalga oshiriladi.
11. Qonuniylikning ta’minlanganligi, mahalladagi (qishloqdagi) kriminogen vaziyatning barqarorligi va huquq-tartibot organlari faoliyati to‘g‘risida jamoatchilikda ijobiy fikrning shakllanganligi Maskan faoliyati samaradorligini baholashning asosiy mezonlari hisoblanadi.
12. Maskan uchun yer maydoni, binolarni ajratish, qurish, ta’mirlash, kapital ta’mirlash va mebel bilan jihozlash tuman (shahar) hokimliklari tomonidan mahalliy budjet mablag‘lari hisobidan, boshqa moddiy-texnik vositalar bilan ta’minlash O‘zbekiston Respublikasi Ichki ishlar vazirligi tomonidan budjet va budjetdan tashqari mablag‘lar hisobidan amalga oshiriladi.
13. Maskanni zaruriy texnik vositalar, ko‘rgazmali qo‘llanmalar, xizmat hujjatlari va avtotransport vositalari bilan ta’minlash O‘zbekiston Respublikasi Ichki ishlar vazirligi tomonidan budjet va budjetdan tashqari mablag‘lar hisobidan amalga oshiriladi.
14. Ish yuritish va maxfiylik tartiboti bo‘yicha tadbirlar Maskan tomonidan o‘rnatilgan tartibda amalga oshiriladi.
15. Ushbu Nizom talablarining buzilishida aybdor bo‘lgan shaxslar qonunchilik hujjatlariga muvofiq javob beradi.
1. O‘zbekiston Respublikasi Ichki ishlar vazirligi huzuridagi Jazoni ijro etish departamenti (keyingi o‘rinlarda — Departament) ozodlikdan mahrum qilingan shaxslarning (keyingi o‘rinlarda — mahkumlar) jazolarini ijro etish, qamoqqa olish tarzidagi ehtiyot chorasi qo‘llanilgan gumon qilinuvchi va ayblanuvchilarni (keyingi o‘rinlarda — qamoqqa olingan shaxslar) saqlash, ularni qo‘riqlash va boshqa erga ko‘chirish bo‘yicha faoliyatni muvofiqlashtirish va tashkil etishni ta’minlovchi O‘zbekiston Respublikasi Ichki ishlar vazirligi markaziy apparatining (keyingi o‘rinlarda — IIV) mustaqil tarkibiy bo‘linmasi hisoblanadi.
2. Departament o‘z faoliyatida O‘zbekiston Respublikasining Konstitutsiyasiga, O‘zbekiston Respublikasining Jinoyat-ijroiya kodeksiga, O‘zbekiston Respublikasining “Ichki ishlar organlari to‘g‘risida”gi Qonuni va boshqa qonunlariga, O‘zbekiston Respublikasi Oliy Majlisi palatalarining qarorlariga, O‘zbekiston Respublikasi Prezidentining farmonlari, qarorlari va farmoyishlariga, O‘zbekiston Respublikasi Vazirlar Mahkamasining qarorlari va farmoyishlariga, IIVning normativ hujjatlariga, shuningdek, mazkur Nizomga amal qiladi.
4. Departament ichki ishlar organlarining jazoni ijro etish tizimi uchun yagona boshqaruv faoliyatini amalga oshiradi.
Mintaqaviy muvofiqlashtirish markazlari ichki ishlar organlari tergov hibsxonalari va jazoni ijro etish muassasalarining faoliyatini tashkil etish va kunlik nazoratini olib borish borasidagi ishlarni amalga oshiradi.
Jazoni ijro etish muassasalari va tergov hibsxonalari faoliyatining asosiy yo‘nalishlari qonun hujjatlariga muvofiq belgilanadi.
5. Departament o‘z faoliyati bilan bog‘liq masalalar bo‘yicha belgilangan tartibda ichki ishlar organlarining boshqa bo‘linmalari, huquqni muhofaza qiluvchi va boshqa davlat organlari, tashkilotlar, shuningdek, ommaviy axborot vositalari bilan o‘zaro hamkorlikni amalga oshiradi.
6. Departament mustaqil balansga, bank hisobvarag‘iga, O‘zbekiston Respublikasining Davlat gerbi tasviri tushirilgan hamda o‘zining to‘liq nomi yozilgan blank va muhrga, shtampga ega, shuningdek, O‘zbekiston Respublikasi ichki ishlar vaziri tomonidan ta’sis etiladigan Departament faoliyatining o‘ziga xos xususiyatlari aks ettirilgan emblema va farqlovchi belgilarga ega bo‘lishi mumkin.
mahkumlarga nisbatan jinoiy jazolarni ijro etish, qamoqqa olingan shaxslarni tergov hibsxonalarida saqlashni tashkil etish va muvofiqlashtirish;
jazoni ijro etish muassasalarida va tergov hibsxonalarida qo‘riqlash va xavfsizlikni ta’minlash, mahkumlar va qamoqqa olingan shaxslarning huquqlari, erkinliklari va qonuniy manfaatlarini ishonchli himoya qilinishiga rioya etish;
mahkumlarni tarbiyalash, ular tomonidan huquqbuzarliklar sodir etilishining oldini olish, shuningdek, ularga ozod etilganidan so‘ng ijtimoiy moslashuvi uchun ko‘maklashish faoliyatini tashkil etish;
jazoni ijro etish muassasalarining moliya-xo‘jalik va ishlab chiqarish faoliyati samaradorligini oshirish orqali mahkumlarning bandligini ta’minlash;
kadrlarni tanlash va joy-joyiga qo‘yish, ularni qayta tayyorlash va malakasini oshirish, xodimlarni ijtimoiy-huquqiy himoya qilishning samarali tizimini tashkil etish.
8. O‘z zimmasiga yuklatilgan vazifalardan kelib chiqqan holda Departament quyidagi funksiyalarni amalga oshiradi:
a) mahkumlarga nisbatan jinoiy jazolarni ijro etish, qamoqqa olingan shaxslarni tergov hibsxonalarida saqlashni tashkil etish va muvofiqlashtirish sohasida:
jazoni ijro etish tizimini raqamlashtirish, mahkumlarning “elektron nazorati”ni ta’minlovchi axborot texnologiyalarini joriy qilish orqali jazolarni ijro etishni tashkil qilish;
sudlarning, shuningdek, ish yurituvida jinoyat ishi bo‘lgan boshqa organlarning tegishli hukm, ajrim va qarorlarini aniq va so‘zsiz ijro etish;
mahkumlarning jazoni ijro etish uchun o‘z vaqtida yuborilishini, ularning joylashtirilishini, shuningdek, mahkumlarning va qamoqqa olingan shaxslarning belgilangan tartibda bir jazoni ijro etish muassasasi va tergov hibsxonasidan boshqasiga ko‘chirilishini ta’minlash;
mahkumlarning va qamoqqa olingan shaxslarning ajratib qo‘yilishi, qo‘riqlanishi va nazorat qilinishini ta’minlash;
O‘zbekiston Respublikasi vakolatli davlat organlarining jinoyat ishi yurituvi sohasidagi xalqaro hamkorlik bilan bog‘liq, shu jumladan chet el fuqarolari yoki fuqaroligi bo‘lmagan mahkumlarni topshirish (ekstraditsiya qilish) bilan bog‘liq qarorlarining ijro etilishini tashkil etish;
ichki ishlar organlarining jazoni ijro etish tizimidagi bo‘linmalari va muassasalarida axborot-tahliliy ishlarni tashkil etish, ularning faoliyatini rejalashtirish va prognoz qilish;
jinoiy jazoni ijro etish va qamoqda saqlash faoliyatini tashkil etish va ta’minlash bo‘yicha uslubiy materiallarni ishlab chiqish;
b) jazoni ijro etish muassasalarida va tergov hibsxonalarida qo‘riqlash va xavfsizlikni ta’minlash, mahkumlar va qamoqqa olingan shaxslarning huquqlari, erkinliklari va qonuniy manfaatlarini ishonchli himoya qilinishiga rioya etish sohasida:
jazoni ijro etish muassasalarida va tergov hibsxonalarida huquq-tartibot va qonuniylikni ta’minlash;
jazoni ijro etish muassasalari va tergov hibsxonalari hududlarida bo‘lgan mahkumlar va qamoqqa olingan shaxslarning, shuningdek, xodimlar (ishchilar va xizmatchilar) va fuqarolarning xavfsizligini ta’minlash;
jazoni ijro etish muassasalari, tergov hibsxonalari, ishlab chiqarishdagi mahkumlarni mehnatga jalb etadigan tashkilotlar obyektlarini nazorat qilishning zamonaviy axborot texnologiya va muhandislik-texnik vositalaridan foydalangan holda lozim darajada qo‘riqlashni tashkil etish;
jazoni ijro etish muassasalarning xavfsizligini ta’minlash borasida Qorovul qo‘shinlari, hududiy ichki ishlar organlari, prokuratura, Davlat xavfsizlik xizmati va boshqa vakolatli davlat organlari bilan hamkorlikda texnik, tezkor va profilaktik tadbirlarni tizimli ravishda amalga oshirish;
hududiy hokimliklar bilan hamkorlikda jazoni ijro etish muassasalaridan 50 metr masofada ma’muriy, maishiy, xo‘jalik bino va inshootlari qurilishi uchun yer uchastkalarini ajratishga, ularni ijaraga berishga, shuningdek, balandligi 6 metrdan ortiq bo‘lgan bino va inshootlarni qurishga yo‘l qo‘ymaslik choralarini ko‘rish;
Departament, uning bo‘linmalari va muassasalarida yong‘in xavfsizligini ta’minlash bo‘yicha chora-tadbirlarni ishlab chiqish va amalga oshirish;
mahkumlar orasida ko‘ngilli yong‘in o‘chirish otryadlarini tashkil etish, ularga tushuntirishlar berishda Favqulodda vaziyatlar vazirligining hududiy tuzilmalari bilan hamkorlik qilish;
mahkumlar va qamoqqa olingan shaxslarning taklif, ariza va shikoyatlarini belgilangan tartibda ko‘rib chiqishni ta’minlash;
mahkumlar va qamoqqa olingan shaxslar tomonidan jazoni ijro etish, qamoqda saqlashning belgilangan tartibiga rioya etilishini ta’minlash;
jazoni ijro etish muassasalari va tergov hibsxonalarida tegishli belgilangan normalarga mos keladigan ushlab turish shart-sharoitlarini yaratish;
mahkumlar va qamoqqa olingan shaxslarning moddiy-maishiy ta’minotini va ularga tibbiy xizmat ko‘rsatilishini samarali tashkil etish, shuningdek, mahkumlarga nisbatan tibbiy yo‘sindagi majburlov choralarini qo‘llashni amalga oshirish;
v) mahkumlarni tarbiyalash, ular tomonidan huquqbuzarliklar sodir etilishini oldini olish, shuningdek, ularga ozod etilganidan so‘ng ijtimoiy moslashuvi uchun ko‘maklashish faoliyatini tashkil etish sohasida:
mahkumlar jazodan ozod etilganidan so‘ng jamiyatga moslashishi uchun davlat siyosati doirasida imtiyoz va imkoniyatlardan foydalanishi, mehnat bozorida yuqori talabga ega mutaxassisliklarni egallash imkoniyatini yaratish bo‘yicha choralarni ko‘rish;
mahkumlarning huquqiy ongi va madaniyatini yuksaltirish, milliy g‘oya va Vatanga muhabbat ruhida tarbiyalash, ma’naviy barkamol, mustaqil fikr va keng dunyoqarashga ega shaxs sifatida kamol toptirish yuzasidan tadbirlarni amalga oshirish;
davlat ta’lim standartlari doirasida ta’lim olayotgan mahkumlarni yuqori saviyadagi bilim olishi va kasbiy tayyorgarlikdan o‘tishini ta’minlaydigan umumiy o‘rta va kasb-hunar ta’limini tashkil etish, bu borada mutasaddi organlar bilan hamkorlikni ta’minlash;
mahkumlarni axloqan tuzatish jarayoniga vakolatli davlat organlari, jamoatchilik tashkilotlari, fuqarolik jamiyatining boshqa institutlarini keng jalb qilishni tashkil etish;
mamlakatimizda turli sohalarda amalga oshirilayotgan islohotlarning mazmun-mohiyatini mahkumlarga yetkazish va ularda bu borada daxldorlik hissini shakllantirishni ta’minlash;
tarbiyaviy, ijtimoiy va psixologik ishlarni tashkil etish bo‘yicha ilg‘or tajribalardan foydalanish;
mahkumlarning muammolarini muntazam ravishda o‘rganib borish, ularning oilasidagi ijtimoiy va moddiy muammolarini hal etishda hududiy davlat organlari bilan hamkorlik qilish;
mahkumlarni qonunga itoatkorlik ruhida tarbiyalash va ozodlikka tayyorlash ishlarining ta’sirchan shakl va usullarini tatbiq etish;
mahkumlar va qamoqqa olingan shaxslar o‘rtasida huquqbuzarliklar profilaktikasiga, shu jumladan huquqbuzarliklar sodir etilishiga imkon beruvchi shart-sharoitlarni aniqlash va bartaraf etishga qaratilgan chora-tadbirlarni tashkil etish;
jazoni ijro etish muassasalari va tergov hibsxonalarida tezkor-qidiruv faoliyatining samaradorligini tizimli ravishda tahlil qilish va uni takomillashtirish bo‘yicha choralarni ko‘rish;
jazoni ijro etish muassasalari va tergov hibsxonalariga taqiqlangan predmetlarning kirib kelish yo‘llarini aniqlash va bartaraf etish;
g) jazoni ijro etish muassasalari va ularning tashkilotlarining moliya-xo‘jalik va ishlab chiqarish faoliyati samaradorligini oshirish orqali mahkumlarning bandligini ta’minlash sohasida:
moliyaviy-iqtisodiy faoliyatni samarali tashkil etish, olib borilayotgan moliyaviy va xo‘jalik harakatlarning maqsadga muvofiqligi hamda qonunchilikka mosligi ustidan nazorat qilishni ta’minlash;
jazoni ijro etish muassasalarida ishlab chiqarish hamda qishloq xo‘jaligi faoliyatini muvofiqlashtirish va rivojlantirish, zamonaviy marketing usullarini joriy etish;
ishlab chiqarilgan mahsulotlarni ommalashtirish va ularni bozorga kiritish choralarini ko‘rish hamda bu borada davlat va xususiy sheriklik mexanizmlarini joriy etish;
jazoni ijro etish muassasalarining ishlab chiqarish faoliyatiga shu sohada amaliy tajribaga ega bo‘lgan yuqori malakali mutaxassislarni jalb qilish, shu bilan birga ularni lavozimga shahodatlangan lavozimlar hisobidan tayinlash;
Departament, uning bo‘linmalari va muassasalarini moddiy-texnik jihatdan ta’minlash, mol-mulkdan maqsadga muvofiq tarzda foydalanish, texnik xizmat ko‘rsatish va qo‘riqlash, shuningdek, ularni saqlanishi va oqilona ishlatilishi bo‘yicha zarur choralar ko‘rish;
jazoni ijro etish muassasalari va tergov hibsxonalari moddiy-texnik bazasini mustahkamlash, ishlab chiqarish faoliyatiga fan va texnika yutuqlarini, ilg‘or tajriba va texnologiyalarni, boshqaruvning yangicha usul va shakllarini joriy qilish;
o‘z ishlab chiqarish (qishloq xo‘jaligi) joylarida, alohida hollarda esa boshqa korxonalarda, mahkumlarning axloqiy va moddiy manfaatdorligi uchun shart-sharoitlar yaratish yo‘li orqali ularning ish bilan bandligini ta’minlash;
d) kadrlarni tanlash va joy-joyiga qo‘yish, ularni qayta tayyorlash va malakasini oshirish, xodimlarni ijtimoiy-huquqiy himoya qilishning samarali tizimini tashkil etish sohasida:
kadrlarni tanlash va joy-joyiga qo‘yish, ularni qayta tayyorlash, jangovar va jismoniy tayyorgarligi hamda professional darajasini oshirish, shuningdek, ma’naviy-ma’rifiy ishlar bo‘yicha samarali tadbirlarni tashkil qilish;
shaxsiy tarkibning safarbarlik tayyorgarligini oshirish, favqulodda vaziyatlarda kuch va vositalarning harakatlanishi uchun shaylik darajasi ustidan nazorat olib borish;
xodimlar (ishchilar va xizmatchilar) va ular oila a’zolarining huquqiy, ijtimoiy himoyasini hamda shaxsiy xavfsizligini ta’minlash;
xodimlar o‘rtasida o‘z vakolatlarini suiiste’mol qilish va boshqa huquqbuzarliklar sodir etilishining oldini olish va bartaraf etish bo‘yicha tadbirlarni amalga oshirish, odob-axloq qoidalari hamda muomala madaniyatiga qat’iy amal qilishlarini ta’minlash;
vakolatiga kiradigan masalalar bo‘yicha davlat boshqaruvi organlari, mahalliy davlat hokimiyati organlari, huquqni muhofaza qiluvchi idoralar va boshqa muassasalarning bazalari (shu jumladan elektron bazalari)dan axborot, statistik va boshqa materiallarni so‘rash hamda olish;
qonunchilik va huquqni qo‘llash amaliyotini takomillashtirish masalalari bo‘yicha belgilangan tartibda takliflarni kiritish;
tegishli davlat organlari va jamoat tashkilotlari vakillarini tarbiyaviy-profilaktika tadbirlariga, mahkumlarning ijtimoiy reabilitatsiyasi va moslashuviga jalb etish;
mahkumlar va qamoqqa olingan shaxslarni belgilangan yo‘nalishlar bo‘yicha boshqa erga ko‘chirishni amalga oshirishda ichki ishlar organlarining tegishli bo‘linmalari bilan hamkorlikni tashkil etish;
mahkumlar va qamoqqa olingan shaxslarning huquqlari, erkinliklari va qonuniy manfaatlariga rioya qilish masalalari bo‘yicha O‘zbekiston Respublikasi Oliy Majlisining Inson huquqlari bo‘yicha vakili (Ombudsman), O‘zbekiston Respublikasi Prezidentining tadbirkorlik subyektlari huquqlari va qonuniy manfaatlarini himoya qilish bo‘yicha vakili, Inson huquqlari bo‘yicha O‘zbekiston Respublikasi Milliy markazi, shuningdek, boshqa tashkilotlar bilan hamkorlikni amalga oshirish;
mahkumlarning ma’naviy-axloqiy saviyasi darajasini oshirish, ular bilan tarbiyaviy tadbirlarni o‘tkazish, jazoni ijro etish muassasalaridan ozod etilayotgan shaxslarga ijtimoiy va moddiy yordam ko‘rsatishda fuqarolik jamiyati institutlari, jamoatchilik vakillari va fuqarolarni jalb etish;
mahkumlarning ta’lim olishi va kasb-hunar o‘rganishini ta’lim va mehnat organlari bilan hamkorlikda tashkil etish;
ozod etilayotgan shaxslarni ishga joylashtirish va ularning maishiy turmush sharoitlarini yaxshilash masalalari bo‘yicha ijtimoiy moslashtirish markazlari bilan hamkorlikni amalga oshirish;
qonunchilikda belgilangan tartibda Departament va uning muassasalari tibbiy kadrlarini tayyorlash va qayta tayyorlash;
sog‘liqni saqlash organlari bilan hamkorlikda manzil-koloniyalarda saqlanayotgan mahkumlarni tibbiy vositalar bilan ta’minlagan holda barcha turdagi tibbiy yordam ko‘rsatish, mahkumlar va qamoqqa olingan shaxslarga malakali davolash-diagnostika hamda shoshilinch yordam ko‘rsatish, turli xil ekspertiza va ko‘rikdan o‘tkazish;
Moliya vazirligi huzuridagi Budjetdan tashqari pensiya jamg‘armasi tibbiy-mehnat ekspert komissiyalari bilan mahkumlarning nogironligini tasdiqlash va belgilash, ularning kasbiy mehnatga qobiliyatini yo‘qotganlik darajasini aniqlash masalalari bo‘yicha hamkorlikni amalga oshirish;
davlat organlari, ta’lim, ilmiy muassasalar va boshqa tashkilotlardan Departament faoliyatini tartibga soluvchi normativ-huquqiy hujjatlar loyihalari yuzasidan takliflarni olish hamda tegishli organlar va tashkilotlarning rahbarlari bilan kelishilgan holda ushbu loyihalarni tayyorlash bo‘yicha komissiyalar (ishchi guruhlar) tuzish;
qonunchilikka, IIVning ko‘rsatmalari va farmoyishlariga rioya etilishi yuzasidan jazoni ijro etish tizimida moliya-xo‘jalik faoliyatini tekshirish va taftish o‘tkazish;
xodimlarning moddiy-texnik va ijtimoiy ta’minotini yaxshilash, ularning malakasini oshirish va qayta tayyorlash bo‘yicha takliflarni kiritish;
ishlab chiqarish va qishloq xo‘jaligi faoliyatini amalga oshiruvchi jazoni ijro etish muassasalarini rivojlantirish va moddiy-texnik bazasini modernizatsiya qilish uchun investitsiyalar (shu jumladan xorijiy) jalb qilish bo‘yicha choralarni ko‘rish;
Oldingi tahrirga qarang.
budjetdan tashqari faoliyat hisobidan ta’minlanadigan ishchi va xizmatchilar shtat soniga o‘zgartirish va qo‘shimchalar kiritish;
(9-band O‘zbekiston Respublikasi Prezidentining 2023-yil 20-noyabrdagi PF-197-sonli Farmoniga asosan o‘n yettinchi xatboshi bilan to‘ldirilgan — Qonunchilik ma’lumotlari milliy bazasi, 20.11.2023-y., 06/23/197/0865-son)
muassasalar xavfsizligini ta’minlash borasidagi tadbirlarga mahalliy hokimliklar va huquqni muhofaza qiluvchi organlarni jalb etish.
mahkumlar va qamoqqa olingan shaxslarning huquqlari, erkinliklari va qonuniy manfaatlarini ro‘yobga chiqarish hamda majburiyatlarini ado etish bo‘yicha o‘z vakolatlari doirasida zarur choralarni ko‘rish;
sudlarning, shuningdek, ish yurituvida jinoyat ishi bo‘lgan boshqa organlarning tegishli hukmlari, ajrimlari va qarorlari asosida ozodlikdan mahrum etish bilan bog‘liq jazolarni ijro etish, qamoqqa olingan shaxslarni saqlash;
jazoni ijro etish tizimining faoliyati haqida zarur ma’lumotlarni tayyorlash va IIV rahbariyatiga taqdim etish;
mahkumlarni qonunga itoatkorlik ruhida tarbiyalash, ularga psixologik, ijtimoiy, huquqiy yordam ko‘rsatish va kasb-hunar o‘rgatish orqali kelgusidagi ijtimoiylashuvga tayyorlash ishlarini sifatli va to‘laqonli amalga oshirish.
11. Departament o‘ziga yuklatilgan vazifa va funksiyalarning samarali bajarilishi uchun javobgardir.
12. Departament bevosita O‘zbekiston Respublikasi ichki ishlar vaziriga bo‘ysunadi va vazirning zimmasiga ichki ishlar organlarining jinoiy jazolarni ijro etish tizimini rivojlantirish va qonuniylikni ta’minlash uchun shaxsiy javobgarlik yuklanadi.
13. Departamentga O‘zbekiston Respublikasi Prezidenti bilan kelishilgan holda ichki ishlar vaziri tomonidan lavozimga tayinlanadigan va ozod etiladigan Departament boshlig‘i rahbarlik qiladi.
14. Departament boshlig‘i O‘zbekiston Respublikasi ichki ishlar vaziri tomonidan lavozimga tayinlanadigan va lavozimidan ozod etiladigan 5 nafar o‘rinbosarga, shu jumladan bir nafar birinchi o‘rinbosarga ega.
Departament ishini tashkil etadi va faoliyatiga umumiy rahbarlik qiladi, o‘ziga yuklatilgan vazifalarni bajarishda shaxsan javobgar bo‘ladi, o‘z o‘rinbosarlari, Departament tarkibiy bo‘linmalari va mintaqaviy muvofiqlashtirish markazlari boshliqlarining vakolatlarini va funksional vazifalarini belgilaydi;
mintaqaviy muvofiqlashtirish markazlari, jazoni ijro etish muassasalari, tergov hibsxonalari to‘g‘risidagi nizomlarni, shuningdek, Departament shaxsiy tarkibining funksional vazifalarini tasdiqlaydi;
Departament, uning bo‘linmalari va muassasalari xodimlarini (ishchilari va xizmatchilarini) saqlash uchun budjet ajratmalari doirasida smeta xarajatlarini tasdiqlaydi;
iqtisodiy va ijtimoiy rivojlantirish, kapital ta’mirlash, mahkumlar va qamoqqa olingan shaxslarni mehnatidan foydalanishning istiqbolli va yillik ish rejalarini, moliyaviy rejalarni, iqtisodiy normativlarni tasdiqlaydi;
Departament, uning bo‘linmalari va muassasalarini tezkor-xizmat, ishlab chiqarish va moliya-xo‘jalik faoliyati natijalarini, ular ishini tekshirish materiallarini, prokuratura organlari taqdimnomalarini, O‘zbekiston Respublikasi Oliy Majlisi Inson huquqlari bo‘yicha vakilining (Ombudsmanning) monitoring natijalari va boshqalarni ko‘rib chiqadi;
o‘z vakolati doirasida Departament, uning bo‘linmalari va muassasalarining barcha shaxsiy tarkibi bajarishi majburiy bo‘lgan buyruqlar, ko‘rsatma va farmoyishlar chiqaradi;
Departament, uning bo‘linmalari va muassasalari xodimlarini (ishchi va xizmatchilarini) lavozimga tayinlaydi va lavozimdan ozod qiladi. O‘zbekiston Respublikasi ichki ishlar vaziri tomonidan lavozimga tayinlanadigan va lavozimdan ozod etiladigan xodimlar bundan mustasno;
o‘z vakolati doirasida Departament, uning bo‘linmalari va muassasalari xodimlariga “mayor” maxsus unvonigacha bo‘lgan (shu jumladan, “mayor” maxsus unvonini ham) unvonlarni beradi;
Departament, uning bo‘linmalari va muassasalari xodimlari (ishchi va xizmatchilari)ni rag‘batlantirish, ularga intizomiy jazo choralarini qo‘llash masalasini hal etadi;
xizmat vazifalarini samarali va sidqidildan bajarib kelayotgan xodimlari (ishchi va xizmatchilari)ga Departamentning budjetdan tashqari mablag‘lari hisobidan ularning pul ta’minoti miqdorining (mehnatga haq to‘lash fondining) 100 foizigacha oylik individual ustamalar belgilaydi;
mahkumlar va qamoqqa olingan shaxslar, shuningdek, Departament, uning bo‘linmalari va muassasalari xodimlari (ishchilari va xizmatchilari) tomonidan yo‘l qo‘yilgan hodisalar, qonun buzilishi, xizmat va mehnat intizomi, tovar-moddiy boyliklarni o‘zlashtirish holatlari yuzasidan xizmat tekshiruvi o‘tkazishni tayinlaydi;
jismoniy va yuridik shaxslarning vakillari qabulini amalga oshiradi, shikoyat, ariza va takliflarni ko‘rib chiqadi, ular yuzasidan qarorlar qabul qiladi;
Departament, uning bo‘linmalari va muassasalarini saqlash uchun O‘zbekiston Respublikasining Davlat budjetidan ajratiladigan moliyaviy mablag‘larni qonun hujjatlariga muvofiq tasarruf etadi;
tezkor-qidiruv faoliyatini amalga oshirish bilan bog‘liq chora-tadbirlarni o‘tkazish uchun moliyaviy mablag‘larni sarflash normasi va tartibini belgilaydi;
Oldingi tahrirga qarang.
Departament va tizim muassasalarining budjetdan tashqari faoliyatidan ta’minlanadigan ishchi va xizmatchilar shtat birliklarini kiritadi va qisqartiradi;
jazoni ijro etish koloniyalari tomonidan tizim tasarrufidagi boshqa bo‘linma yoki jazoni ijro etish koloniyasiga bir yildan ko‘p bo‘lmagan muddatga qaytarib berish sharti bilan moliyaviy yordam ko‘rsatilishini tashkil etadi;
(15-band O‘zbekiston Respublikasi Prezidentining 2023-yil 20-noyabrdagi PF-197-sonli Farmoniga asosan o‘n to‘qqizinchi va yigirmanchi xatboshilar bilan to‘ldirilgan — Qonunchilik ma’lumotlari milliy bazasi, 20.11.2023-y., 06/23/197/0865-son)
16. Departament boshlig‘i O‘zbekiston Respublikasi ichki ishlar vaziriga quyidagilar to‘g‘risidagi takliflarni kiritadi:
Departament, uning bo‘linmalari va muassasalari xodimlari (ishchi va xizmatchilari)ning cheklangan soni va mehnatga haq to‘lash fondi;
Oldingi tahrirga qarang.
Departament, uning bo‘linmalari va muassasalari tuzilmasiga hamda shtatlar soniga o‘zgartirish va qo‘shimchalar kiritish (budjetdan tashqari faoliyatidan ta’minlanadigan ishchi va xizmatchilar shtat birliklari bundan mustasno);
(16-bandning uchinchi xatboshisi O‘zbekiston Respublikasi Prezidentining 2023-yil 20-noyabrdagi PF-197-sonli Farmoni tahririda — Qonunchilik ma’lumotlari milliy bazasi, 20.11.2023-y., 06/23/197/0865-son)
belgilangan tartibda Departamentning bo‘linmalari va muassasalarini tashkil etish, qayta tashkil etish va tugatish;
jazoni ijro etish muassasalari va tergov hibsxonalari rejimi turini va ularni to‘ldirish limitlarini o‘zgartirish;
o‘zining o‘rinbosarlari, Departament bo‘linmalari va muassasalari boshliqlarini lavozimga tayinlash va lavozimdan ozod qilish;
o‘z vakolati doirasiga kirmaydigan shaxsiy tarkibga maxsus unvonlar berish, davlat va idoraviy mukofotlarga taqdim etish.
17. Departament boshlig‘i bo‘lmagan taqdirda uning vazifalarini birinchi o‘rinbosar amalga oshiradi.
18. Departament boshlig‘i jazoni ijro etish muassasalari va tergov hibsxonalarining faoliyatini kunlik tashkil etish va nazoratini olib borishni mintaqaviy muvofiqlashtirish markazlari orqali amalga oshiradi.
Oldingi tahrirga qarang.
jazoni ijro etish koloniyalari va tergov hibsxonalarining faoliyati samaradorligini tahlil qilish va baholash, moddiy-texnik, moliyaviy va ijtimoiy-maishiy jihatdan ta’minlashni tashkil etish, ularni kompleks tekshirish va nazorat qilish, amaliy va uslubiy yordam ko‘rsatish, shu jumladan ish natijadorligini oshirish yuzasidan takliflar ishlab chiqish;
(18-bandning uchinchi xatboshisi O‘zbekiston Respublikasi Prezidentining 2023-yil 20-noyabrdagi PF-197-sonli Farmoni tahririda — Qonunchilik ma’lumotlari milliy bazasi, 20.11.2023-y., 06/23/197/0865-son)
jazoni ijro etish muassasalarida jinoiy jazolarni ijro etish va tergov hibsxonalarida qamoqqa olingan shaxslarni saqlashni muvofiqlashtirish;
mahkumlar va qamoqqa olingan shaxslarning huquqlari, erkinliklari va qonuniy manfaatlarini ro‘yobga chiqarish hamda majburiyatlarini ado etishni o‘z vaqtida va to‘liq bajarilishi ustidan ta’sirchan nazoratni amalga oshirish;
jazoni ijro etish muassasalarining mahkumlarni tarbiyalash, ularga kasb-hunar o‘rgatish, psixologik, ijtimoiy va huquqiy yordam ko‘rsatish hamda axloqan tuzalishini ta’minlash borasidagi faoliyatni tashkil etish.
19. Mintaqaviy muvofiqlashtirish markazi boshlig‘i Departament boshlig‘ining hududiy vakili hisoblanib, maqomi va pul ta’minoti bo‘yicha uning o‘rinbosariga tenglashtiriladi.
Mintaqaviy muvofiqlashtirish markazlari, jazoni ijro etish muassasalari va tergov hibsxonalari boshliqlari Departament boshlig‘ining taqdimnomasiga asosan O‘zbekiston Respublikasi ichki ishlar vaziri tomonidan lavozimga tayinlanadi va lavozimidan ozod etiladi.
Jazoni ijro etish muassasalari va tergov hibsxonalari, shuningdek, mintaqaviy muvofiqlashtirish markazlari xodimlari mintaqaviy muvofiqlashtirish markazlari boshliqlarining taqdimnomasiga asosan Departament boshlig‘i tomonidan lavozimga tayinlanadi va lavozimdan ozod etiladi.
Jazoni ijro etish muassasalari va tergov hibsxonalari ishchi va xizmatchilari jazoni ijro etish muassasalari va tergov hibsxonalari boshliqlari tomonidan lavozimga tayinlanadi va lavozimdan ozod etiladi.
20. Jazoni ijro etish muassasalari va tergov hibsxonalari xodimlarining xizmat muddati mehnat staji hisoblanayotgan vaqtda xizmatning bir kuni xizmatning ikki kuni deb hisoblanadi.
21. Ish yuritish va maxfiylik rejimini tashkil etish hamda ta’minlash bo‘yicha chora-tadbirlar Departament tomonidan belgilangan tartibda mustaqil amalga oshiriladi.
22. Jazoni ijro etish tizimini moddiy-texnik vositalar va boshqa mol-mulk bilan ta’minlash belgilangan tartibda amalga oshiriladi.
23. Departament, jazoni ijro etish muassasalari va tergov hibsxonalarini tashkil etish va tugatish belgilangan tartibda amalga oshiriladi.
1. Ichki ishlar organlarida ma’naviy-ma’rifiy ishlarni tashkil etish konsepsiyasi (keyingi o‘rinlarda — Konsepsiya) ushbu sohadagi ishlarning ustuvor yo‘nalishlari va asosiy prinsiplari asosida ishlab chiqilgan bo‘lib, avvalo, ichki ishlar organlari tizimida xizmat qilayotgan barcha xodimlar va harbiy xizmatchilarning (keyingi o‘rinlarda — xodimlar) umumiy dunyoqarashi, siyosiy ongi, ma’naviy va intellektual salohiyatini yuksaltirish, ularda vatanparvarlik, g‘urur, iftixor, kasbiga nisbatan sadoqat va yuqori mas’uliyat hislarini oshirish bilan bog‘liq vazifalarni belgilab beradi.
2. Konsepsiya milliy va xalqaro huquq normalari asosida ichki ishlar organlarida ma’naviy-ma’rifiy ishlarni samarali tashkil etish tizimini yanada takomillashtirish, xodimlarning ma’naviy salohiyati va mafkuraviy immunitetini kuchaytirish, ularning ongida Vatan taqdiri hamda kelajagi uchun daxldorlik tuyg‘ularini mustahkamlash bilan bog‘liq faoliyatning ustuvor yo‘nalishlarini aks ettiradi.
3. Xodimlarning ma’naviy-ruhiy tayyorgarligini oshirish, faol hayotiy pozitsiyasi, intellektual salohiyatini, Ona Vatan taqdiriga bo‘lgan mas’uliyatini mustahkamlash, g‘oyaviy va axborot xurujlariga qarshi immunitetini kuchaytirish, ularni fuqarolik burchi va konstitutsion majburiyatlarini sadoqat va fidoyilik bilan vijdonan bajarishga yo‘naltirish bo‘yicha ma’naviy-ma’rifiy ishlarni tashkil etish ushbu konsepsiyaning asosiy mazmunini ifodalaydi.
4. Konsepsiyaga ko‘ra, ichki ishlar organlarida ma’naviy-ma’rifiy ishlar “Vatanga va xalqqa sadoqat bilan xizmat qilish — oliy burchimiz!” konseptual g‘oyasi asosida tashkil etilib, unda davlat mustaqilligini himoya qilish, huquq-tartibotni mustahkamlash, jamoat xavfsizligini ta’minlash hamda fuqarolarning huquqlari va erkinliklarini muhofaza qilish ustuvor vazifa sifatida belgilanadi.
Mazkur g‘oyaning asosiy mazmun-mohiyati fuqarolarning tinchligi va mamlakatda qonun ustuvorligini ta’minlash uchun har qanday huquqbuzarlikka qarshi kurashishda o‘z jonini ayamaydigan, vatanparvarlik, fidoyilik, sadoqat va halollik fazilatlariga ega xodimlarni shakllantirishdan iborat.
5. Ichki ishlar organlarida ma’naviy-ma’rifiy ishlarni tashkil etishning asosiy vazifalariga quyidagilar kiradi:
xodimlarni yuqori kasbiy tayyorgarlikka ega, jismonan va ma’nan yetuk, bilimli, halol, vatanparvar, mard va jasur etib tarbiyalash;
xodimlarning faol hayotiy pozitsiyasini mustahkamlash, intellektual salohiyatini yuksaltirish, ona Vatan taqdiriga bo‘lgan mas’uliyatini oshirish hamda g‘oyaviy va turli axborot xurujlariga qarshi mafkuraviy immunitetini kuchaytirish;
xodimlarni fuqarolik burchi va konstitutsion majburiyatlarini sadoqat va fidoyilik bilan vijdonan bajarishga yo‘naltirish.
6. Ichki ishlar organlarida ma’naviy-ma’rifiy ishlar O‘zbekiston Respublikasining Konstitutsiyasi va qonunlari, Oliy Majlis palatalarining qarorlari, O‘zbekiston Respublikasi Prezidentining farmon, qaror va farmoyishlari, Vazirlar Mahkamasining qarorlari va Ichki ishlar vazirligining normativ hujjatlariga muvofiq tashkil etiladi.
7. Konsepsiyaning asosiy maqsadi xodimlarni har qanday sharoitda davlat va xalq manfaatlariga xizmat qiladigan, milliy qadriyatlarga sodiq, umuminsoniy qadriyatlarga tayanadigan, yot va buzg‘unchi g‘oyalarga murosasiz kurashuvchi, iymon-e’tiqodi va irodasi mustahkam, ma’naviyatli va fidoyi, ajdodlarimiz va mardlik ko‘rsatib halok bo‘lgan xodimlarning bebaho merosiga tayanib yashaydigan barkamol shaxs sifatida tarbiyalash, ular qalbida davlat va xalqimizning xavfsizligini ta’minlashda shaxsiy daxldorlik va yuqori mas’uliyat hissini shakllantirishdan iborat.
xodimlarning ma’naviyati va intellektual salohiyatini yuksaltirish hamda boy madaniyatimiz, azaliy qadriyatlar va an’analarimizga asoslangan dunyoqarashini shakllantirishga yo‘naltirilgan yagona tizimni yaratish;
xodimlarning ongu tafakkuriga Vatan va xalq manfaatlariga xizmat qilish sharafli va muqaddas burch ekanini anglatish, davlatimiz va ichki ishlar organlarining timsollari bilan faxrlanib, qasamyodiga sodiq bo‘lish hamda kasbiy burchini bajarishda qonuniylikka qat’iy rioya etish tuyg‘usini chuqur singdirish orqali xalqning ularga bo‘lgan ishonchi va hurmat hissini yuksaltirish;
xodimlarning ongi va qalbiga “Yangi O‘zbekiston — uchinchi Renessans sari!” g‘oyasining mazmun-mohiyatini singdirish asosida ularning Vatan va xalq taqdiriga, davlatimiz hamda islohotlar talablariga daxldorligini yanada oshirish;
shaxsiy tarkibga mamlakatda amalga oshirilayotgan siyosiy, huquqiy, ijtimoiy-iqtisodiy islohotlar, qonunchilik hujjatlari mazmun-mohiyatini tizimli tushuntirish hamda dunyoda va yon-atrofimizda sodir bo‘layotgan globallashuv jarayonlariga nisbatan ularning ongli munosabati hamda faol hayotiy pozitsiyasini shakllantirish;
milliy merosimizning tarixiy ildizlarini o‘rganish hamda tahlil qilish, Vatanimiz ozodligi va tinchligi yo‘lida qahramonlik ko‘rsatgan buyuk ajdodlarimiz va jasur zamondoshlarimizning ibratli hayotini keng targ‘ib etish asosida xodimlarda xizmat burchini bajarish borasida qat’iy hayotiy e’tiqodni qaror toptirish;
xodimlarning estetik tarbiyasini kuchaytirish, ularning madaniyat va san’atning turli sohalariga bo‘lgan qiziqishlarini oshirish, ushbu maqsadda adabiyot, kino, teatr, tasviriy san’at imkoniyatlaridan keng foydalanishni tizimli asosda yo‘lga qo‘yish;
xodimlarning ichki va tashqi ma’naviy tahdidlar hamda korrupsiyaga qarshi mafkuraviy immunitetini kuchaytirish, ichki ishlar organlarining ijobiy imijini shakllantirish hamda shu maqsadda fuqarolik jamiyati institutlari, jamoat tashkilotlari va ommaviy axborot vositalari bilan o‘zaro hamkorlikni rivojlantirish.
9. Ma’naviy-ma’rifiy ishlarni amaliyotga uzluksiz tatbiq etish bo‘yicha ichki ishlar organlarining asosiy subyektlari:
10. Ma’naviy-ma’rifiy ishlarni amaliyotga uzluksiz tatbiq etish maqsadida ichki ishlar organlarining ta’lim muassasalari va quyi tizimdagi har bir (tuman, shahar, tarmoq) ichki ishlar organida quyidagi ko‘rgazmali vositalardan iborat alohida vatanparvarlik burchaklari (xonalari) tashkil etiladi:
Ichki ishlar vazirligining bayrog‘i va emblemasi, vazirlik tarixidagi muhim sanalar va ahamiyatga molik anjumanlar ro‘yxati;
tuman (shahar) ichki ishlar organining tashkil etilishi tarixi, uni tasvirlovchi fotosuratlar, faoliyatiga oid lavhalar va alohida namunali belgilar;
Amir Temurning “Temur tuzuklari” asari haqidagi ma’lumotlar, unda bayon etilgan davlat xizmati va xavfsizlikni ta’minlashga oid lavhalar;
xizmat vazifasini bajarish chog‘ida qahramonlik ko‘rsatib halok bo‘lgan xodimlar to‘g‘risidagi ma’lumotlar, fotosuratlar va ularning hayotiga oid lavhalar;
jangovar vazifalarni bajarishga jalb etilgan (Afg‘onistondagi harbiy harakatlar qatnashchilari, Chernobil AESdagi fojiani bartaraf etishga jalb etilganlar, mustaqillik yillarida terrorchi-jangarilar bilan qurolli to‘qnashuvlarda ishtirok etganlar va boshqa) xodimlarning faoliyatiga oid lavhalar va fotosuratlar;
davlat mukofotlariga sazovor bo‘lgan xodimlarning fotosuratlari va ularning xizmat faoliyatiga oid lavhalar;
xizmat vazifasini bajarishda alohida o‘rnak ko‘rsatib, yuqori kasbiy mahorat bilan faoliyat olib borayotgan xodimlar haqidagi ma’lumotlar, ularning fotosuratlari va erishgan yutuqlari namunalari;
jamoa va alohida xodimlar tomonidan sportda erishilgan yutuqlar, sport turlari bo‘yicha musobaqa sovrindorlarining kuboklari, medallar kabi yutuqlar va fotolavhalar;
o‘zbek xalqining buyuk siymolari, mutafakkir olimlari va allomalarining hayoti va faoliyatiga oid stendlar;
O‘zbekiston Respublikasi Prezidentining ichki ishlar organlariga tashriflari va faoliyatiga oid iqtiboslari aks ettirilgan stendlar.
11. Ichki ishlar vazirligi tomonidan Ikkinchi jahon urushi davridan ayni paytgacha xizmat vazifasini bajarish chog‘ida qahramonlik ko‘rsatib halok bo‘lgan xodimlar to‘g‘risidagi ma’lumotlarni aks ettiruvchi “Ichki ishlar organlarining mard o‘g‘lonlari” nomli kitob tayyorlanib, O‘zbekiston Respublikasi Ichki ishlar vazirligining 30 yilligiga bag‘ishlangan sanada nashr etiladi.
Ichki ishlar vazirligi Akademiyasi tomonidan “Vatanparvarlik asoslari”, “Kasb madaniyati va muomala odobi” nomli o‘quv-metodik qo‘llanmalar tayyorlanib, barcha ichki ishlar organlarida ma’naviy-ma’rifiy tarbiyani tashkil etish uchun tarqatiladi.
xodimlarda kasbiga nisbatan g‘urur va iftixor tuyg‘ularini shakllantirish maqsadida “O‘zbekiston Respublikasi Ichki ishlar vazirligining 30 yilligi” idoraviy ko‘krak nishoni ta’sis etiladi va kasb bayrami — 2021-yil 25-oktabr arafasida rag‘batlantirish tariqasida namunali xodimlarga tantanali ravishda topshiriladi;
xodimlar o‘rtasida sog‘lom raqobat va tashabbuskorlik muhitini shakllantirish, yoshlarga oid davlat siyosatini qo‘llab-quvvatlash maqsadida “Yoshlar fidoyisi” idoraviy ko‘krak nishoni ta’sis etiladi.
13. Ichki ishlar organlari tomonidan ta’lim muassasalarida ma’naviy-ma’rifiy ishlarni kuchaytirishga qaratilgan quyidagi tadbirlar tizimi joriy etiladi:
Ixtisoslashtirilgan maktab-internat va “Temurbeklar maktabi” harbiy-akademik litseyi o‘quvchilari ongida vatanparvarlik hissini shakllantirishga qaratilgan “Ichki ishlar organlari tarixi” va “Vatanparvarlik asoslari” fanlari o‘qitiladi;
idoraviy akademik litseylar o‘quvchilarini milliy an’ana va qadriyatlarimizga sadoqat ruhida tarbiyalash maqsadida “Ma’naviyat asoslari” fani o‘qitiladi;
Ichki ishlar vazirligi Akademiyasida kursant va tinglovchilarni Vatan va xalq manfaatlarini shaxsiy manfaatlardan ustun qo‘yadigan, qonunlarga qat’iy bo‘ysunuvchi, kasbiga sadoqatli xodimlar sifatida tayyorlash maqsadida “Ichki ishlar organlari xodimining muomala odobi va estetikasi”, “Vatanparvarlik tarbiyasi” va “Kasbiy madaniyat” kabi fanlarni o‘qitish nazarda tutiladi;
Malaka oshirish instituti tinglovchilarida mafkuraviy immunitetni mustahkamlash maqsadida “Geosiyosiy manfaatlar to‘qnashuvi va mafkuraviy kurash” va “Korrupsiya — ichki ma’naviy tahdid” maxsus kurslari o‘qitiladi.
14. Ichki ishlar organlarining aholi bilan bevosita ishlaydigan xizmatlarida ma’naviy-ma’rifiy faoliyatning asosiy yo‘nalishlari etib quyidagilar belgilanadi:
fuqarolarning murojaatlariga xolisona va vijdonan yondashish, ayniqsa, bolalar, ayollar, keksalar va nuroniylarga alohida e’tibor qaratish;
xizmat vazifalarini bajarishda shubha paydo qilishi mumkin bo‘lgan xulq-atvordan o‘zini tiyish, shuningdek, o‘z obro‘siga yoki davlat organining nufuziga zarar yetkazishga sabab bo‘ladigan vaziyatlarga yo‘l qo‘ymaslik;
har qanday vaziyatda fuqarolarga hurmat bilan murojaat qilish, munosabatlarda vazmin bo‘lish, muomala madaniyati va qonuniylikka qat’iy rioya qilish;
xizmat faoliyati mobaynida turli etnik, ijtimoiy guruhlar va konfessiyalarning madaniy hamda o‘ziga xos jihatlarini hurmat qilish, ijtimoiy barqarorlikka, millatlararo va konfessiyalararo totuvlikka ko‘maklashish;
Vatan ravnaqi uchun xizmat qilishdek ulug‘ va oliyjanob maqsadga intilish, jasurlik va fidoyilik bilan el-yurtga xizmat qilish;
fuqarolarning huquqlari, majburiyatlari va qonuniy manfaatlarini hurmat qilish, ularni kamsitish holatlariga yo‘l qo‘ymaslik;
ichki ishlar organlariga chaqirilgan (olib kelingan) fuqarolarga nisbatan hurmat bilan munosabatda bo‘lish, har bir inson shaxsiy daxlsizlik huquqiga ega ekanligini chuqur anglagan holda, aybsizlik prezumpsiyasi prinsipiga va protsessual qonunchilikka qat’iy amal qilish;
fuqarolarning sha’ni va qadr-qimmatini kamsituvchi xatti-harakatlarga, qonunga xilof ravishda jismoniy kuch ishlatishga, haqorat qilish yoki qiynoqqa solishga yo‘l qo‘ymaslik.
15. Ichki ishlar organlari tizimida har haftada “Vatanparvarlik kuni” tadbirlar kompleksi tashkil etiladi.
16. Ichki ishlar organlarida ma’naviy-ma’rifiy ishlar mazkur Konsepsiyaning asosiy maqsadi va vazifalaridan kelib chiqqan holda quyidagi yo‘nalishlarda olib boriladi:
17. Tarbiyaviy ishlar vatanparvarlik, ijtimoiy-siyosiy, ma’naviy-ma’rifiy, oilaviy-maishiy tarbiya hamda yakka tartibdagi tarbiyaviy chora-tadbirlardan iborat.
Xodimlarni vatanparvarlik ruhida tarbiyalash doirasida ularda Vatanga sadoqat, kasbiga nisbatan g‘urur hissini shakllantirish, jamoat xavfsizligi va qonun ustuvorligini ta’minlash uchun har qanday huquqbuzarlikka qarshi kurashishda shaxsiy mas’uliyatni oshirishga qaratilgan kompleks chora-tadbirlar o‘tkazib boriladi;
ijtimoiy-siyosiy tarbiya doirasida xodimlarga ijtimoiy-iqtisodiy islohotlar, qonunchilik hujjatlari, davlat dasturlarining mazmun-mohiyati tizimli ravishda yetkazib boriladi hamda ularda dunyoda va yon-atrofimizda sodir bo‘layotgan globallashuv jarayonlariga nisbatan ongli munosabat va faol hayotiy pozitsiya shakllantiriladi;
ma’naviy-ma’rifiy tarbiya o‘z ichiga milliy merosimizning tarixiy ildizlarini o‘rganish, Vatan ozodligi yo‘lida qahramonlik ko‘rsatgan buyuk ajdodlarimiz va jasur zamondoshlarimizning ibratli umr yo‘lini keng targ‘ib etish tadbirlarini qamrab olib, xizmat burchini bajarish bo‘yicha qat’iy hayotiy e’tiqodni qaror toptirishga qaratiladi;
oilaviy-maishiy tarbiya doirasida xodimlarning oila a’zolari bilan uzviy bog‘liqligini ta’minlash, ular tomonidan xodimlarga kasbiy burchini bajarishga ruhiy ko‘maklashishga qaratilgan tadbirlar o‘tkaziladi;
yakka-tartibdagi tarbiyaviy ishlar xodimlarda kasb uchun zarur bo‘lgan shaxsiy fazilatlarni shakllantirishga, ularni xizmat intizomi va qonunchilikka qat’iy rioya etishga yo‘naltiradi.
Tarbiyaviy yo‘nalishda xodimlarning ongi va tafakkuriga kuchli ta’sir ko‘rsatadigan, qalbiga yetib boradigan, kayfiyatini ko‘taradigan, yangi marralar sari ilhomlantiradigan hamda zamonaviy axborot va targ‘ibot texnologiyalarini qo‘llagan holda ta’sirchan ruhda o‘tkaziladigan tadbirlar tashkil etiladi.
18. Targ‘ibot-tashviqot ishlari xodimlarga mamlakatimizda amalga oshirilayotgan siyosiy, ijtimoiy, iqtisodiy, madaniy ishlarning mazmun va mohiyatini tushuntirish, ichki va tashqi siyosatning tendensiyalari haqidagi ma’lumotlarni tizimli ravishda yetkazib borishdan iborat.
19. Psixologik faoliyat xodimlarning ruhiy holatini kuzatish hamda ularning shaxsiy fazilatlari va jamoadagi munosabatlarini kasbiy burchini samarali bajarishga yo‘naltirishdan iborat.
20. Ijtimoiy-huquqiy faoliyat xodimlar, faxriylar va ularning oila a’zolarining huquqlari, erkinliklari va qonuniy manfaatlarini himoya qilishga, ularga har tomonlama moddiy va ma’naviy ko‘maklashishga qaratilgan tadbirlardan iborat.
21. Madaniy tadbirlar xodimlar ongida milliy madaniyatimiz va qadriyatlarimizga hurmat va ehtirom his-tuyg‘ularini oshirish, yuksak estetik did va axloqiy me’yorlarni shakllantirish, O‘zbekiston xalqining boy tarixi, madaniyati, an’analari va urf-odatlariga hurmat, milliy va jahon madaniyatining eng yaxshi namunalarini ommaviy tadbirlar (muzey, teatr, kino, istirohat bog‘lari, konsert va boshqa tadbirlarga tashriflar) orqali singdirishdan iborat.
22. Konsepsiyani amalga oshirishda olimlar, yozuvchi, shoir va siyosatchilar, ijodkor ziyolilar, davlat va jamoat tashkilotlari, oliy ta’lim muassasalarining professor-o‘qituvchilari hamda ichki ishlar organlari xodimlari va faxriylari ishtirok etadi.
O‘zbekiston Respublikasi Ichki ishlar vazirligi tomonidan ichki ishlar organlarining tarixi, tizimda xizmat qilib, jangovar-xizmat faoliyatini amalga oshirgan, xizmat vazifalarini bajarishda qahramonlarcha halok bo‘lgan, shuningdek, davlat va idoraviy mukofotlarga sazovor bo‘lgan hamda sport musobaqalarining sovrindorlari, alohida namunali xizmat qilayotgan xodimlar to‘g‘risidagi ma’lumotlar tayyorlanadi;
viloyat (tuman, shahar) hokimliklari bilan hamkorlikda har bir (tuman, shahar, tarmoq) ichki ishlar organida ko‘rgazmali vositalardan iborat alohida vatanparvarlik burchaklari (xonalari) tashkil etiladi;
O‘zbekiston Respublikasi Madaniyat vazirligi bilan hamkorlikda buyuk ajdodlarimiz va allomalar faoliyatiga oid teatr spektakllari va sahna ko‘rinishlari, konsert dasturlari, ekskursiyalar hamda milliy g‘urur, faxr va iftixor tuyg‘ularini mustahkamlashga, notiqlik san’atini shakllantirishga qaratilgan ommaviy madaniy tadbirlar tashkil etiladi;
Respublika Ma’naviyat va ma’rifat markazi bilan hamkorlikda xalqimizning ma’naviy qadriyatlari, madaniyati va urf-odatlarini, boy merosimizning hayotimizdagi o‘rni va ahamiyatini hamda odob-axloq, halollik, poklik, sadoqat va fidoyilikni chuqur singdirishga qaratilgan davra suhbatlari o‘tkaziladi;
Oldingi tahrirga qarang.
O‘zbekiston Respublikasi Din ishlari bo‘yicha qo‘mitasi bilan hamkorlikda islom dinining asl mazmun-mohiyatini yetkazish, diniy savodxonlikni oshirish, diniy bag‘rikenglik, millatlararo totuvlik g‘oyalarini targ‘ib qilish hamda yot g‘oyalarga qarshi mafkuraviy immunitetni kuchaytirish, hushyorlik va ogohlik kabi tuyg‘ularni mustahkamlashga qaratilgan uchrashuvlar o‘tkaziladi;
(22-bandning yettinchi xatboshisi O‘zbekiston Respublikasi Prezidentining 2023-yil 23-maydagi PF-75-sonli Farmoni tahririda — Qonunchilik ma’lumotlari milliy bazasi, 24.05.2023-y., 06/23/75/0292-son)
O‘zbekiston Yozuvchilar uyushmasi bilan hamkorlikda mumtoz va zamonaviy adabiyotimizning eng sara namunalari mazmun-mohiyatini tushuntirish, kitobxonlik madaniyatini yuksaltirish hamda vatanparvarlik, mardlik, faxr va iftixor tuyg‘ularini mustahkamlashga qaratilgan ijodiy uchrashuvlar o‘tkaziladi;
Mahalla va oilani qo‘llab-quvvatlash vazirligi, “Oila” ilmiy-amaliy tadqiqotlar markazi bilan hamkorlikda xodimlar oilalarini ijtimoiy-huquqiy jihatdan qo‘llab-quvvatlash, oilalarda sog‘lom ma’naviy muhitni yaratish, oila sha’nini saqlashda ota-ona va farzandlar mas’uliyati hamda burchlari, or-nomus, qadr-qimmat, sharm-hayo kabi axloqiy me’yorlarni yetkazib borish, oilalarning ijtimoiy ahvoli, ehtiyojlari va muammolarini tizimli o‘rganib borishga qaratilgan tadbirlar tashkil etiladi;
O‘zbekiston Respublikasi Jismoniy tarbiya va sport vazirligi bilan hamkorlikda sport bilan muntazam shug‘ullanish, jismoniy va ma’naviy barkamollikka intilish, jismonan yetuk, kuchli va shijoatli, mutaxassislarni tarbiyalashga yo‘naltirilgan mashg‘ulotlar, musobaqalar va amaliy tadbirlar tashkil etib boriladi.
23. Konsepsiyada belgilangan tadbirlarning amalga oshirilishi natijasida yuksak ma’naviyatli, vatanparvar, o‘z kasbiga sadoqatli va fidoyi xodimlar shakllanadi.
24. Ma’nan yetuk, kasbiy ixtisosliklarni puxta egallagan, har qanday sharoitda xizmat vazifalarini vijdonan bajaradigan, matonat va jasoratda, hayotda va kasbiy faoliyatida boshqalarga o‘rnak bo‘lgan xodimlar imkoniyatlaridan keng foydalangan holda Konsepsiyada belgilangan natijalarga erishiladi.
25. Mazkur Konsepsiya ichki ishlar organlarida xodimlarning ma’naviy-ma’rifiy saviyasini tizimli va bosqichma-bosqich yuksaltirib borish, ular qalbida Vatanimiz taqdiri va kelajagi uchun daxldorlik, yuqori mas’uliyat, sadoqat hamda vatanparvarlik hissini mustahkamlash uchun uslubiy asos bo‘lib xizmat qiladi.
26. Konsepsiyaning amalga oshirilishi har jihatdan sodiq, halol, vatanparvar, fidoyi, mard va jasur xodimlarni tarbiyalash bilan birga, xalqimiz o‘rtasida ichki ishlar organlariga nisbatan faxr va iftixor tuyg‘ularini mustahkamlash, yoshlarda huquq ustuvorligini ta’minlash, kasbiga bo‘lgan havas va qiziqishlarini orttirish hamda shu orqali ichki ishlar organlari safini mustahkam irodali, faol fuqarolik pozitsiyasiga ega bo‘lgan, xalq manfaatlarini har narsadan ustun qo‘yadigan yosh va istiqbolli xodimlar bilan to‘ldirib borish imkonini beradi.
1. O‘zbekiston Respublikasi Prezidentining 2017-yil 11-avgustdagi “Ichki ishlar organlarining ozodlikdan mahrum etish bilan bog‘liq bo‘lgan jazolarni ijro etish sohasidagi faoliyatini tubdan takomillashtirish chora-tadbirlari to‘g‘risida”gi PQ-3200-son qarorida:
“O‘zbekiston Respublikasi Ichki ishlar vazirligi huzuridagi Jazoni ijro etish departamenti (keyingi o‘rinlarda — Jazoni ijro etish departamenti)ning Markazlashtirilgan jamg‘armasini tashkil etib, uni shakllantirish manbalari sifatida jazoni ijro etish muassasalarining ishlab chiqarish va qishloq xo‘jalik faoliyati, ular tomonidan xizmatlar ko‘rsatish evaziga olinadigan foydasi hisobidan Jazoni ijro etish departamenti tomonidan belgilanadigan miqdordagi ajratmalarni, shuningdek qonun hujjatlari bilan taqiqlanmagan boshqa manbalarni belgilash”;
6-band “b” kichik bandining birinchi va to‘rtinchi xatboshilaridagi “Jazoni ijro etish bosh boshqarmasi” so‘zlari “Jazoni ijro etish departamenti” so‘zlari bilan almashtirilsin;
9-bandning ikkinchi — to‘rtinchi xatboshilaridagi “Jazoni ijro etish bosh boshqarmasi”, “jazoni ijro etish muassasalari va ularning tashkilotlari”, “jazoni ijro etish muassasalari va ular tashkilotlarining”, “Jazoni ijro etish bosh boshqarmasining” degan so‘zlar tegishlicha “Jazoni ijro etish departamenti”, “jazoni ijro etish muassasalari”, “jazoni ijro etish muassasalarining”, “Jazoni ijro etish departamentining” degan so‘zlar bilan almashtirilsin;
10-bandda “Jazoni ijro etish bosh boshqarmasi” so‘zlari “Jazoni ijro etish departamenti” so‘zlari bilan almashtirilsin.
2. O‘zbekiston Respublikasi Prezidentining 2017-yil 29-noyabrdagi “Ichki ishlar organlari kadrlari bilan ishlash va ularning xizmatini tashkil etish tartibini tubdan takomillashtirish chora-tadbirlari to‘g‘risida”gi PQ-3413-son qarorida:
144-bandning “l” kichik bandida “jinoyati” degan so‘z “sodir etgan jinoyati” degan so‘zlar bilan almashtirilsin;
“155. Ushbu Nizomning 144-bandi “l” kichik bandiga asosan ichki ishlar organlari xizmatidan bo‘shatilgan shaxslarni xizmatga tiklash sudning xizmatga tiklash to‘g‘risidagi qonuniy kuchga kirgan qarori yoki O‘zbekiston Respublikasi ichki ishlar vazirining qarori asosida amalga oshiriladi.
Qolgan barcha asoslarga ko‘ra ichki ishlar organlari xizmatidan bo‘shatilgan shaxslarni xizmatga tiklash O‘zbekiston Respublikasi ichki ishlar vaziri qarori bilan amalga oshiriladi.
Tiklanishi lozim bo‘lgan shaxslarni shaxsiy tarkib ro‘yxatiga kiritish va lavozimga tayinlash O‘zbekiston Respublikasi ichki ishlar vaziri qarori bilan amalga oshiriladi”;
156-bandning birinchi, uchinchi va to‘rtinchi xatboshilarida “uch” so‘zi “bir” so‘zi bilan almashtirilsin;
“O‘zbekiston Respublikasi ichki ishlar vazirining o‘rinbosarlari — departament boshliqlari, Qoraqalpog‘iston Respublikasi ichki ishlar vaziri, Toshkent shahar va Toshkent viloyati ichki ishlar bosh boshqarmalari, viloyatlar ichki ishlar boshqarmalari, O‘zbekiston Respublikasi IIV huzuridagi Jazoni ijro etish departamenti hamda ta’lim muassasalari boshliqlari, shuningdek ularga tenglashtirilgan rahbarlar quyidagi huquqlarga ega:”.
3. O‘zbekiston Respublikasi Prezidentining 2018-yil 14-fevraldagi “Toshkent shahrida jamoat tartibini saqlash, huquqbuzarliklar profilaktikasi va jinoyatchilikka qarshi kurashishning sifat jihatidan yangi tizimini joriy etish to‘g‘risida”gi PQ-3528-son qarori 5-bandining ikkinchi xatboshisidan, 6-bandining oltinchi xatboshisidan, 9-bandining yettinchi xatboshisidan va 22-bandining ikkinchi xatboshisidan “O‘zbekiston Respublikasi ichki ishlar vazirining o‘rinbosari — ” degan so‘zlar chiqarib tashlansin.
4. O‘zbekiston Respublikasi Prezidentining 2019-yil 29-yanvardagi “Ozodlikdan mahrum etilgan shaxslarning mehnat bilan bandligini ta’minlash bo‘yicha qo‘shimcha chora-tadbirlari to‘g‘risida”gi PQ-4138-son qarorida:
1-bandning yettinchi xatboshisidan “huzuridagi davlat unitar korxonalari (keyingi o‘rinlarda — unitar korxonalar)” degan so‘zlar chiqarib tashlansin;
2-bandda “unitar korxonalar” so‘zlari “jazoni ijro etish muassasalari” so‘zlari bilan almashtirilsin;
birinchi xatboshisida “unitar korxonalarga” so‘zlari “jazoni ijro etish muassasalariga” so‘zlari bilan almashtirilsin;
“jazoni ijro etish muassasalarining ishlab chiqarish bo‘linmalariga yuqori malakali menedjer (mutaxassis)larni, shu jumladan ish haqini mehnat bozoridagi amaldagi konyunkturani inobatga olgan holda belgilash orqali ularni jazoni ijro etish muassasalari boshliqlarining ishlab chiqarishni rivojlantirish bo‘yicha o‘rinbosari lavozimiga tayinlash imkoniyati bilan jalb qilish”;
4-bandda “Jazoni ijro etish bosh boshqarmasi”, “unitar korxonalarda” va “unitar korxonalarning” degan so‘zlar tegishlicha “Jazoni ijro etish departamenti”, “jazoni ijro etish muassasalarida” va “jazoni ijro etish muassasalarining” so‘zlari bilan almashtirilsin;
“5. O‘zbekiston Respublikasi Ichki ishlar vazirligi hamda Mahalla va oilani qo‘llab-quvvatlash vazirligining Ichki ishlar vazirligi Jazoni ijro etish departamenti tarbiya koloniyasi huzurida ota-onalar kengashini tashkil etish haqidagi taklifi ma’qullansin va uning asosiy vazifalari etib quyidagilar belgilansin:”;
7 va 10-bandlarda “unitar korxonalarning”, “unitar korxonalar” va “unitar korxonalarni” degan so‘zlar tegishlicha “jazoni ijro etish muassasalarining”, “jazoni ijro etish muassasalari” va “jazoni ijro etish muassasalarini” so‘zlari bilan almashtirilsin;
11-bandning “g” kichik bandida “Jazoni ijro etish bosh boshqarmasining” degan so‘zlar “Jazoni ijro etish departamentining” so‘zlari bilan almashtirilsin.
5. O‘zbekiston Respublikasi Prezidentining 2019-yil 29-maydagi “Ixtisoslashtirilgan o‘quv-tarbiya muassasalari faoliyatini tubdan takomillashtirish to‘g‘risida”gi PQ-4342-son qarorida:
“i) 2021-yil 1-maydan boshlab ichki ishlar organlari tarbiya koloniyasi huzuridagi 35-son umumiy o‘rta ta’lim maktabi filiali o‘qituvchilari va tarbiya koloniyasining tarbiyachilariga, shu jumladan shahodatlangan tarkibga mansub tarbiyachilariga ham amaldagi ustama haqlar va to‘lovlardan qat’i nazar, alohida mehnat sharoitlari uchun tegishlicha bazaviy tarif stavkasining va lavozim maoshining 75 foizi miqdorida qo‘shimcha oylik ustama haq to‘lab beriladi”;
voyaga yetmaganlar ishlari bo‘yicha hududiy idoralararo komissiyalar voyaga yetmaganlarni respublika o‘quv-tarbiya muassasalariga joylashtirish uchun sudga yuborilgan iltimosnomalarning asoslantirilganligi bo‘yicha mas’uldirlar;
ichki ishlar organlari tarbiya koloniyasi huzuridagi 35-son umumiy o‘rta ta’lim maktabi filiali o‘qituvchilari va tarbiya koloniyasining tarbiyachilariga, shu jumladan shahodatlangan tarkibga mansublariga ham, ixtisoslashtirilgan o‘quv-tarbiya muassasalarining xodimlari uchun belgilanadigan mehnatga haq to‘lash miqdori va boshqa ijtimoiy himoya turlarining oshirilishi shartlari tatbiq etiladi”.
6. O‘zbekiston Respublikasi Prezidentining 2019-yil 29-maydagi “Toshkent viloyatida huquqbuzarliklar profilaktikasi va jinoyatchilikka qarshi kurashish sohasida ichki ishlar organlari kuch va vositalarini boshqarishning sifat jihatdan yangi tizimini joriy etish to‘g‘risida”gi PQ-4343-son qarorining 8-bandida “50” raqami “100” raqami bilan almashtirilsin.