Vazirlar Mahkamasi qaror qiladi:

1. Oʻzbekiston Respublikasi Prezidenti huzuridagi Vazirlar Mahkamasining Istiqbolni belgilash va statistika (“Oʻzistiqbolstat”) davlat qoʻmitasi toʻgʻrisidagi ilova qilinayotgan Nizom tasdiqlansin.

2. Viloyatlar hokimliklarining istiqbolni belgilash va statistika boshqarmasi toʻgʻrisida ilova qilinayotgan Namunaviy Nizom va nohiya, shahar, shaharlardagi nohiya hokimliklarining iqtisodiyot va statistikani muvofiqlashtirish boʻlimi toʻgʻrisidagi Namunaviy Nizom maʼqullansin.

3. Istiqbolni belgilash va statistika organlarining joylardagi maqomini oshirish maqsadida:

Qoraqalpogʻiston Respublikasida Iqtisodiyot va statistika vazirligi Iqtisodiyot va statistika qoʻmitasiga, Toshkent viloyatida hamda Toshkent shahrida istiqbolni belgilash va statistika boshqarmalari istiqbolni belgilash va statistika bosh boshqarmalariga aylantirilsin;

istiqbolni belgilash va statistika organlarining hududiy boʻlinmalariga rahbarlik qilish hokimlarning darajadagi oʻrinbosarlaridan biriga yuklatilsin;

istiqbolni belgilash va statistika hududiy boʻlinmalari rahbarlari va xodimlariga Qoraqalpogʻiston Respublikasi Vazirlar Kengashi va hokimliklarning tegishli darajadagi xodimlari mehnatiga haq toʻlash shartlari joriy qilinsin.

4. “Oʻzbekiston SSR Ministrlar Sovetining “Oʻzbekiston SSR Davlat plan komiteti (OʻzSSR Gosplani toʻgʻrisidagi nizomni tasdiqlash haqida” 1982-yil noyabrdagi 722-son qarori (OʻzSSR QT 1982-yil, № 11, 38-modda) va Oʻzbekiston SSR Ministrlar Sovetining “Oʻzbekiston Statistika davlat komiteti toʻgʻrisidagi Nizomni tasdiqlash haqida” 1988-yil 7-maydagi 166-son qarori (OʻzSSR QT, 1988-yil, № 5, 18-modda);

Oʻzbekiston SSR Ministrlar Sovetining “Oʻzbekiston SSR xalq deputatlari oblast, rayon, shahar, shahardagi rayon Soveti ijroiya komitetining boʻlimlari toʻgʻrisidagi baʼzi nizomlarni tasdiqlash haqida” 1983-yil 10-fevraldagi 79-son qarorining 1-bandi, “a” kichik bandi (OʻzSSR QT, 1983-yil, № 2, 4-modda) oʻz kuchini yoʻqotgan deb hisoblansin.

5. Mazkur qarorning bajarilishini nazorat qilish Vazirlar Mahkamasi Raisining oʻrinbosari oʻrtoq B. S. Hamidov zimmasiga yuklatilsin.

1. Vazirlar Mahkamasining Istiqbolni belgilash va statistika (“Oʻzistiqbolstat”) davlat qoʻmitasi* Oʻzbekiston Respublikasi Prezidentining 1992-yil 5-avgustdagi Farmoni bilan Oʻzbekiston Respublikasi Vazirlar Mahkamasi huzuridagi Oʻzbekistonning taraqqiyot istiqbolini belgilash qoʻmitasi va Oʻzbekiston Respublikasi Davlat statistika qoʻmitasi negizida tashkil etilgan.

2. Qoʻmita oʻz faoliyatida Oʻzbekiston Respublikasi Konstitutsiyasiga, Oʻzbekiston Respublikasi qonunlariga, Oʻzbekiston Respublikasi Oliy Kengashining boshqa qarorlariga, Oʻzbekiston Respublikasi Prezidentining farmonlariga, Oʻzbekiston Respublikasi Vazirlar Mahkamasining qarorlari va farmoyishlariga, mazkur Nizomga amal qiladi.

3. Qoʻmitaning asosiy vazifalari va faoliyati yoʻnalishlari quyidagilar hisoblanadi:

Oʻzbekistonni rivojlantirish strategiyasini, uning ustuvor yoʻnalishlari va tashqi iqtisodiy aloqalarini, jahon hamjamiyatiga kirish, jahon bozori konyunkturasini hisobga olgan holda respublika xalq xoʻjaligi majmuining samarali ixtisoslashuvini ishlab chiqish;

Oʻzbekiston Respublikasi ijtimoiy-iqtisodiy rivojlanishi tamoyillarini, qisqa muddatli va istiqboldagi istiqbolni belgilashlarni, yirik iqtisodiy va ijtimoiy muammolarni hal etish, xalq xoʻjaligining moddiy-moliyaviy muvozanatliligi, tabiiy, mehnat resurslari, yaratilgan ishlab chiqarish imkoniyatlaridan samarali foydalanishi boʻyicha maqsadli dasturlarni ishlab chiqish;

respublika iqtisodiy organlari, vazirliklar, idoralar, konsernlar, uyushmalar, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, korxonalar va tashkilotlarning respublikani iqtisodiy va ijtimoiy rivojlantirish istiqbolini belgilash va koʻrsatkichlarini aniqlash sohasidagi faoliyatini muvofiqlashtirish;

respublika aholisining moddiy farovonligini mustahkamlash, uning kam taʼminlangan tabaqalarini himoya qilish, xalq turmushi darajasini oshirish, ekologik vaziyatni sogʻlomlashtirish yoʻnalishlari va yoʻllari istiqbolini belgilash boʻyicha takliflarni asoslash;

bozor iqtisodiyotini shakllantirish jarayoniga tahliliy-istiqbolni belgilovchi baho berish, xoʻjalik mexanizmini, boshqaruvning shakl va usullarini takomillashtirish boʻyicha takliflar ishlab chiqish;

xalq xoʻjaligini tarkibiy qayta qurish va investitsiya siyosatini shakllantirish, raqobatga qobilga qobil tayyor mahsulotlar tayyorlovchi ishlab chiqarishlarni ustuvor rivojlantirish, ishlab chiqarish kuchlarini oqilona joylashtirish, Qoraqalpogʻiston Respublikasi, viloyatlar, nohiyalar va shaharlarni kompleks rivojlantirish boʻyicha takliflar tayyorlash;

xorijiy mamlakatlar bilan iqtisodiy hamkorlikni kengaytirish, oʻzaro foydali iqtisodiy savdo va ilmiy-texnikaviy aloqalarni rivojlantirish, xorijiy investitsiyalardan samarali foydalanish yoʻnalishlarini aniqlash;

yagona statistika siyosati kirgizish, xalq xoʻjaligi faoliyat koʻrsatishining shakllanayotgan shart-sharoitlarini, bozor munosabatlariga oʻtishni, narxlarning oʻzgarishini, mulkchilikning xilma-xil shakllari rivojlanishini yaks ettiruvchi ilmiy asoslangan hisobot koʻrsatkichlari tizimini joriy etish; maʼlumotlarni toʻplash va ularni qayta ishlashning ilgʻor tizimlarini joriy etish, kompyuterlashtirishni keng joriy etish va respublika hisoblash markazlari faoliyatini muvofiqlashtirish;

milliy schyotlar tizimi va xalq xoʻjaligi balansi metodologiyasini ishlab chiqish, butun statistikani bosqichma-bosqich zamonaviy meyeriy andozalarga muvofiqlashtirishni amalga oshirish.

4. Qoʻmita oʻziga yuklatilgan vazifalarga muvofiq:

respublika iqtisodiy organlari, vazirliklar, idoralar, konsernlar, uyushmalar Qoraqalpogʻiston Respublikasi Vazirlar Kengashi, mahalliy boshqaruv organlarining istiqbolni belgilash va statistika, respublikani iqtisodiy va ijtimoiy rivojlantirishning istiqboldagi va qisqa muddatli koʻrsatkichlarini aniqlash, respublikaning bozor munosabatlariga oʻtishi boʻyicha davlat siyosatini shakllantirish, xalq xoʻjaligini tarkibiy qayta qurish sohasidagi faoliyatini muvofiqlashtiradi;

respublika va mintaqaviy maqsadli dasturlar istiqbolni belgilashlarini tuzish uchun istiqbolni belgilash va statistikaning ilmiy negizini, uslubiy koʻrsatmalarni, koʻrsatkichlarni va shakllarni ishlab chiqadi;

istiqbolni belgilash va statistika koʻrsatkichlari tizimini takomillashtiradi, eng yangi fan-texnika yutuqlari, zamonaviy axborot texnologiyalari va tizimlari negizida statistika axborotining sifati va tezkorligini oshirishga koʻmaklashadi;

Oʻzbekiston Respublikasi FTDQ, Fanlar akademiyasi, Oʻzbekiston Qishloq xoʻjaligi fanlari akademiyasi, boshqa ilmiy muassasalar va loyiha tashkilotlari, vazirliklar, idoralar, korxonalar, birlashmalar, konsernlar va uyushmalar, boshqaruvning hududiy organlari bilan birgalikda istiqbol belgilanayotgan davrga respublika iqtisodiy va ijtimoiy rivojlanishining davlat dasturlari va tamoyillarini ishlab chiqadi;

Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, Oʻzbekiston Respublikasi Moliya vazirligi, Mehnat vazirligi, Tashqi iqtisodiy aloqalar vazirligi, Davlat mulki qoʻmitasi, Fan va texnika davlat qoʻmitasi, “Oʻzshartnomasavdo”, respublika banklari, Fanlar akademiyasi, Oʻzbekiston Qishloq xoʻjaligi fanlari akademiyasi, boshqa ilmiy muassasalar bilan birgalikda vazirliklar, idoralar, konsernlar va uyushmalar, ittifoqlar va boshqa yirik xoʻjalik subyektlarining takliflarini hisobga olgan holda xalq xoʻjaligi faoliyat koʻrsatishining istiqboldagi va qisqa muddatli ijtimoiy-iqtisodiy istiqbolni belgilashlarini tayyorlaydi;

yirik iqtisodiy va ijtimoiy muammolar boʻyicha respublika va mintaqaviy maqsadli dasturlari ishlab chiqilishini va roʻyobga chiqarilishini nazorat qilishni tashkil etadi;

xalq xoʻjaligini tarkibiy qayta qurish va respublika hududida investitsiya faoliyatini takomillashtirish boʻyicha asoslangan takliflarni tayyorlaydi;

Qoʻmita tomonidan respublika Hukumatiga taqdim etishning belgilangan muddatlaridan kelib chiqqan holda respublika iqtisodiy organlari, vazirliklar, idoralar, konsernlar, uyushmalar, ittifoqlar va yirik xoʻjalik subyektlari, mahalliy boshqaruv organlari tamoyillar, istiqbolni belgilashlar, maqsadli dasturlar loyihalari materiallarini tayyorlashlari va taqdim etishlari tartibi hamda muddatlarini belgilaydi;

vazirliklar, idoralar, konsernlar, uyushmalar, moddiy-texnika taʼminoti organlari Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari bilan birgalikda eng muhim ishlab chiqarish quvvatlarini ishga tushirish, qoʻshma korxonalar erkin iqtisodiy tegralar tashkil etish boʻyicha takliflar tayyorlaydi;

“Oʻzshartnomasavdo”, Tashqi iqtisodiy aloqalar vazirligi bilan birgalikda eng muhim xalq xoʻjaligi, tabiiy-moddiy, moddiy-moliyaviy, tashqi savdo va boshqa balanslarni ishlab chiqadi, ular asosida aniqlangan xalq xoʻjaligi rivojlanishidagi tarmoqlararo va mintaqaviy mutanosibsizliklarni bartaraf etish boʻyicha takliflarni, shuningdek, “Oʻzshartnomasavdo” bilan birgalikda mahsulotlarning eng muhim turlarini ishlab chiqarish topshiriqlarini belgilash va ularni davlat ehtiyojlari uchun yetkazib berishni ishlab chiqadi;

respublika isteʼmolchilariga, Hamdoʻstlik mamlakatlariga va eksportga taqsimlagan holda paxta tolasi yetishtirish va isteʼmol qilish balansini ishlab chiqadi, uni tasdiqlash uchun Vazirlar Mahkamasiga taqdim etadi;

rangli, nodir va qimmatbaho metallar ishlab chiqarish, taqsimlash va isteʼmol qilish balansini ishlab chiqishda qatnashadi;

FTDQ bilan birgalikda innovatsiya siyosatini shakllantiradi, respublika kompleks dasturlarini roʻyobga chiqarish boʻyicha takliflar tayyorlaydi hamda ularning bajarilishini nazorat qiladi, respublikalararo va xalqaro ilmiy-texnologik ayirboshlashni ragʻbatlantirish, xalq xoʻjaligining ilm-fanni koʻp talab qiladigan tarmoqlarini, mahsulotlarning qobilligini taʼminlovchi sanoat va qishloq xoʻjaligi texnologiyalarini, resurslarni tejashni, ekologik vaziyatni sogʻlomlashtirishni taʼminlovchi sanoat va qishloq xoʻjaligi texnologiyalarini rivojlantirishni davlat yoʻli bilan qoʻllab-quvvatlash boʻyicha takliflar tayyorlaydi;

ijtimoiy jarayonlarni, hayot darajasi, sifati va qiymatini oʻrganadi, aholi roʻyxatini, ijtimoiy-demografik tekshirishlarni, soʻrovlarni oʻtkazadi, oilaviy budjetlar statistikasini tashkil etadi, ana shu maqsadlar uchun metodologiya ishlab chiqadi;

aholini ijtimoiy himoya qilish va salomatlikni muhofaza qilish, mehnat resurslarining ish bilan bandligi, madaniyat, xalq taʼlimi, jismoniy tarbiya va sportni rivojlantirish masalalarida davlat siyosatining asosiy prinsiplari va yoʻnalishlarini shakllantiradi;

aholi soni, demografiya va mehnatning boshqa koʻrsatkichlari boʻyicha hisobot va istiqbolni belgilash koʻrsatkichlarini ishlab chiqadi;

Mehnat vazirligi bilan birgalikda mehnat resurslari va ishchi oʻrinlar balanslarini, mehnat faolligini kuchaytirish, mehnatga haq toʻlash tizimini takomillashtirish boʻyicha takliflarni ishlab chiqishni amalga oshiradi;

respublikaning resurs imkoniyatlaridan kelib chiqqan holda respublikaning qisqa muddatli va uzoq muddatli istiqbolga moʻljallangan eksport negizini rivojlantirish koʻrsatkichlarini, uning hududiy va tarmoq tuzilmalarini takomillashtirish yoʻllarini belgilaydi;

Tashqi iqtisodiy aloqalar vazirligi, respublika banklari, boshqa manfaatdor organlar bilan birgalikda ishlab chiqarishning samaradorligini oshirish, resurslarni tejash, importni almashtirish, xomashyo, oziq-ovqatlar, materiallar, asbob-uskunalar va texnologiyalarning asosiy turlarini tashqaridan keltirish va tashqariga chiqarishni optimallashtirishni taʼminlovchi respublikaga xorijiy sarmoyalarning kreditlarini jalb qilishning ustuvor yoʻnalishlari va birinchi navbatdagi tadbirlarini ishlab chiqadi;

respublikaning tashqi iqtisodiy aloqalari statistikasini yuritadi, bojxona statistika maʼlumotlaridan, istiqbolda esa — tovarlarni roʻyxat qilish va kodlashtirishning xalqaro uygʻunlashtirilgan tizimidan keng foydalanadi. Eksport negizning ahvolini tahlil qiladi, hisobot maʼlumotlarini oʻrganish asosida xorijiy mamlakatlar bilan hamkorlik qilish shakllarini takomillashtirish, valyuta mablagʻi bilan oʻzini oʻzi taʼminlash va oʻzini oʻzi qoplash prinsiplarini rivojlantirish, tashqi iqtisodiy faoliyatning respublikadagi va uning ayrim mintaqalaridagi ijtimoiy-iqtisodiy ahvolga taʼsiri boʻyicha takliflar tayyorlaydi. Respublikani rivojlantirishning asosiy koʻrsatkichlarini xalqaro koʻrsatkichlar bilan taqqoslashni amalga oshiradi;

vazirliklar, idoralar, konsernlar, uyushmalar, moddiy-texnika taʼminoti organlari, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari bilan birgalikda xalq xoʻjaligining safarbarlik tayyorgarligi boʻyicha istiqboldagi va qisqa muddatli istiqbolni belgilashlarni ishlab chiqadi;

xoʻjalik mexanizmini takomillashtirishning asosiy prinsiplari va yoʻnalishlarini shakllantiradi, xalq xoʻjaligi rivojlanishi jarayoniga iqtisodiy usullar va taʼsir koʻrsatish vositalari rolini kuchaytirish boʻyicha takliflarini tayyorlaydi;

mulkchilik shakllarini chegaralash, koʻp ukladli iqtisodiyotni, tadbirkorlik faoliyati turlarini, bozor munosabatlarini shakllantirish, xalq xoʻjaligining ustuvor tarmoqlarini rivojlantirish, dehqon (fermer) xoʻjaliklari tashkil etish va ularning shakllanishi, aholini oziq-ovqat va boshqa xalq isteʼmol mollari bilan taʼminlash jarayonlarini oʻrganadi;

statistika axborotini toʻplash, qayta ishlash va berish texnologiyasida yagona siyosatni amalga oshiradi;

statistika ishlarining yillik rejalarini tayyorlaydi va tasdiqlash uchun Vazirlar Mahkamasiga kiritadi;

davlat statistika hisobotini va bir marta hisobga olish, tekshirish va roʻyxatga olishni tegishli yoʻriqnomalari, shakllari va dasturlarini tasdiqlaydi hamda amalga kiritadi;

iqtisodiyotning faoliyat koʻrsatishi, uning tamoyillari va oʻzgarishi, aholi turmush darajasi va ish bilan bandligidagi oʻzgarishlarning yoʻnalishlari toʻgʻrisidagi maʼlumotlar va boshqa tahliliy materiallarni belgilangan muddatlarda tayyorlaydi;

narxlar va tariflarni kuzatish va roʻyxatga olish boʻyicha statistika ishlarini olib boradi, chakana va ulgurji narxlar, xizmatlarga tariflar indekslarini ishlab chiqadi, narxlar oʻzgarishini, ularning turmush darajasi oʻzgarishiga taʼsirini tahlil qiladi, aholining katta yoshli tarkibini hisobga olgan holda oziq-ovqat va tovarlar isteʼmol qilishning oqilona normalari boʻyicha takliflar tayyorlaydi;

respublika va kommunal mulkni davlat tasarrufidan chiqarish va xususiylashtirishning, mahsulotlar yetkazib berish (keltirish-joʻnatish) toʻgʻrisidagi davlatlararo bitimlar qanday bajarilayotganligini statistika hisobini amalga oshiradi;

hisobot, aholi roʻyxati, bir marta hisobga olishlar, respublika hududida tanlab monografik va boshqa tekshirishlar oʻtkazish asosida statistika negizi, maʼlumotlar banki, shuningdek, murakkab ijtimoiy-iqtisodiy muammolar boʻyicha monitoring xizmati faoliyati uchun indikatorlar tizimini yaratadi, yagona axborot makoni tashkil etish ishlarini olib boradi;

respublika hududida joylashgan hamda davlat roʻyxatidan oʻtishi kerak boʻlgan korxonalar va tashkilotlarni mulkchilik shaklidan qatʼi nazar, avtomatlashtirilgan hisobga olish va kodlashtirishni yuritadi;

vazirliklar, idoralar va boshqa manfaatdor organlar bilan birgalikda respublika hududidagi korxonalar, birlashmalar, tashkilotlar, muassasalarni davlat statistika organlarida markazlashgan davlat statistika blankalari bilan hamda ularni toʻldirish boʻyicha yoʻriqnomalar bilan taʼminlash ishlarini tashkil etadi;

davlat boshqaruvining respublika organlarini ular faoliyatining yoʻnalishlari boʻyicha zarur statistika axboroti bilan taʼminlaydi.

5. Qoʻmitaga quyidagi huquqlar beriladi:

respublika iqtisodiy organlari, vazirliklar, idoralar, konsernlar, uyushmalar, Qoraqalpogʻiston Respublikasi Vazirlar Kengashi, mahalliy boshqaruv organlarining istiqbolni belgilash, statistika va respublikaning iqtisodiy va ijtimoiy rivojlanishining istiqboldagi koʻrsatkichlarini belgilash sohasidagi faoliyatini muvofiqlashtirish;

idoraviy boʻysunishidan qatʼi nazar, barcha vazirliklar, idoralar, korxonalar, muassasalar va tashkilotlar, mahalliy boshqaruv organlari, shuningdek tadbirkorlik faoliyatini amalga oshiruvchi fuqarolar bajarishi majbur boʻlgan yagona statistika andozalari, klassifikatsiyalar, metodologiyalar asosida statistika masalalari boʻyicha qarorlar qabul qilish va yoʻriqnomalar hamda shakllarni tasdiqlash;

respublikaning bozor munosabatlariga bosqichma-bosqich kirishining dasturlari loyihalarini, yirik iqtisodiy va ijtimoiy muammolarni hal etish, xalq xoʻjaligini tarkibiy qayta qurish boʻyicha loyihalarni, investitsiya, turmush darajasini oshirish hamda aholini ijtimoiy himoya qilish sohasida davlat siyosatini shakllantirish boʻyicha takliflarni koʻrib chiqish uchun Vazirlar Mahkamasiga kiritish;

vazirliklar, idoralar, konsernlar, uyushmalar, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari tomonidan respublika xalq xoʻjaligining safarbarlik tayyorgarligi boʻyicha tadbirlarning bajarilishi ustidan nazoratni amalga oshirish, sanoat, transport va moddiy ishlab chiqarish boshqa tarmoqlarining yirik obyektlarini alohida davrda iqtisodiyotning faoliyat koʻrsatishi barqarorligi talablariga javob berishiga koʻra joylashtirish loyihalarini ekspertiza qilish hamda bu masalalar boʻyicha Vazirlar Mahkamasiga takliflar kiritish;

vazirliklar, idoralar, shu jumladan moliya, bank, bojxona va boshqa idoralar va xizmatlardan, mahalliy boshqaruv organlaridan idoraviy boʻysunishi va mulkchilik shaklidan qatʼi nazar, korxonalar, muassasalar, tashkilotlar, boshqa yuridik shaxslardan, shuningdek, tadbirkorlik faoliyatini amalga oshiruvchi fuqarolardan davlat statistika hisobotini barcha hisobga olish — statistika ishlari boʻyicha zarur maʼlumotlar va materiallarni tegishli hajmlarda va nazarda tutilgan muddatlarda olish;

eng muhim xalq xoʻjaligi muammolarini ishlab chiqish va koʻrib chiqish boʻyicha idoralararo komissiyalar va kengashlar tuzish;

istiqbolni belgilashlarni, respublika ijtimoiy-iqtisodiy rivojlanishining istiqbol koʻrsatkichlarini ishlab chiqishga, istiqbolni belgilash va statistikani takomillashtirish boʻyicha takliflar tayyorlashga Fanlar akademiyasi, Oʻzbekiston Qishloq xoʻjaligi fanlari akademiyasi, ilmiy-tadqiqot, texnologik, loyiha-konstruktorlik tashkilotlarini, oliy oʻquv yurtlari va boshqa muassasalarni, shuningdek, alohida olimlar va yirik mutaxassislarni jalb qilish;

berilgan vakolatlar doirasida idoraviy va uslubiy hujjatlarni tasdiqlash, noshirlik faoliyatini amalga oshirish;

vazirliklar, idoralar, mahalliy boshqaruv organlari, korxonalar, tashkilotlar, boʻysunishidan va mulkchilik shaklidan qatʼi nazar, boshqa yuridik shaxslar tomonidan statistika va hisob masalalari boʻyicha qonunchilik va meʼyoriy aktlar bajarilishi ustidan nazoratni amalga oshirish;

vazirliklar, idoralar, muassasalar va tashkilotlarda hisobotning va dastlabki hisobga olishning holati va bu ishlarning idoraviy boʻysunishi va mulkchilik shaklidan qatʼi nazar, boshqa jismoniy va yuridik shaxslar tomonidan amalga oshirilishi ishonchliligini tekshirish;

buzilishlar aniqlangan hollarda tegishli yuridik va jismoniy shaxslarga bu tuzatishlarni dastlabki va buxgalteriya hisoblarida, boshqa oʻzaro bogʻliq koʻrsatkichlarda aks ettirish majburiyatini yuklash; davlat statistika hisoboti buzilganligi aniqlangan hollarda buzuvchilarga nisbatan Oʻzbekiston Respublikasi qonunchiligida belgilangan intizomiy, moddiy, maʼmuriy va jinoiy javobgarlikni qoʻllash toʻgʻrisida iltimos qilish;

qonunchilikda nazarda tutilgan tartibda va xalqaro huquq normalariga muvofiq iqtisodiy, demografik, ijtimoiy, ekologik sohalarda statistika metodologiyasi va amaliyotini takomillashtirish, axborotni elektron yordamida qayta ishlashning yangi texnologiyalaridan foydalanish masalalari boʻyicha boshqa davlatlar va xalqaro statistika organlari bilan hamkorlik qilish toʻgʻrisida shartnomalar tuzish.

6. Qoʻmita respublikani iqtisodiy va ijtimoiy rivojlantirishning istiqboldagi va qisqa muddatli statistikasi va istiqbolni belgilashlari ilmiy darajasini oshirish usullarini takomillashtirish va ularni tashkil etishni yaxshilash, iqtisodiy, ijtimoiy va ilmiy-texnika dasturlarini ishlab chiqish uchun javob beradi.

Qoʻmita amaldagi qonunchilik doirasida respublikani iqtisodiy va ijtimoiy rivojlantirishning hisobot va istiqboldagi koʻrsatkichlari, eng muhim maqsadli dasturlar sifatli va oʻz vaqtida ishlab chiqilishini taʼminlash, bozor munosabatlarini shakllantirish boʻyicha barcha zarur chora-tadbirlarni koʻrish huquqiga egadir.

7. Qoʻmitaning oʻz vakolatlari doirasida qabul qilgan qarori vazirliklar, idoralar, konsernlar, uyushmalar, korxonalar (birlashmalar), muassasalar va tashkilotlar, mahalliy boshqaruv organlari, mansabdor shaxslar va fuqarolar tomonidan bajarilishi majburiy hisoblanadi.

8. Qoʻmitaga Rais boshchilik qiladi. Raisni lavozimga tayinlash va ozod qilish Oʻzbekiston Respublikasi Konstitutsiyasiga muvofiq amalga oshiriladi.

Qoʻmita Raisi Qoʻmitaga yuklatilgan vazifalarning bajarilishi va u oʻz funksiyalarini amalga oshirishi uchun shaxsan javob beradi, Qoʻmita faoliyatining alohida yoʻnalishlariga rahbarlik qilish uchun Qoʻmita markaziy apparati tarkibiy boʻlinmalari rahbarlarining shaxsan javobgarligi darajasini belgilaydi.

Qoʻmita Raisi Vazirlar Mahkamasi tomonidan tayinlanadigan oʻrinbosarlarga ega boʻladi. Raisning birinchi oʻrinbosarlari xizmat maqomi, moddiy-maishiy taʼminot, transport va tibbiy xizmat koʻrsatish shart-sharoitlariga koʻra vazirlarga, rais oʻrinbosarlari—vazirning birinchi oʻrinbosarlariga tenglashtiriladi.

Qoʻmita Raisi Qoʻmitaning markaziy apparati boʻlinmalari va unga qarashli tashkilotlar bajarishi majburiy boʻlgan buyruqlar chiqaradi va koʻrsatmalar beradi.

9. Qoʻmitada hayʼat tashkil etiladi, uning shaxsiy tarkibi Vazirlar Mahkamasi tomonidan tasdiqlanadi.

Hayʼat oʻzining muntazam oʻtkaziladigan majlislarida yirik xalq xoʻjaligi muammolarini koʻrib chiqadi, respublika ijtimoiy-iqtisodiy rivojlanishini jadallashtirish, ijtimoiy ishlab chiqarishni intensivlash, iqtisodiyotning muvozanatliligini taʼminlash va uning koʻp ukladliligini shakllantirish, bozor infrastrukturasini rivojlantirish, istiqbolni belgilash metodologiyasini va uni tashkil etishni yaxshilash hamda iqtisodiy va ijtimoiy rivojlanish koʻrsatkichlarini aniqlash masalalarini, statistika hisobi va hisobotini takomillashtirish, milliy schyotlar tizimini joriy etish, Qoʻmita apparatining ishini tashkil etish darajasini oshirish, kadrlarni tanlash va joy-joyiga qoʻyish, ijro intizomini mustahkamlash yoʻllarini belgilaydi.

Hayʼatning qarorlari Qoʻmita Raisining buyrugʻi bilan hayotga joriy etiladi.

Qoʻmita boshqa iqtisodiy organlar, vazirliklar va idoralar bilan birgalikda qarorlar va yoʻriqnoma materiallar qabul qiladi.

10. Boshqarmalar va boʻlimlar Qoʻmitaning asosiy tarkibiy boʻlinmalari hisoblanadi, ular oʻzaro bogʻliq tarmoqlar va faoliyat sohalari boʻyicha Qoʻmita Raisi oʻrinbosari boshchilik qiladigan majmualarga birlashadi.

Qoʻmita boshqarmalari va boʻlimlarining boshliqlari Vazirlar Mahkamasining qarori bilan lavozimga tayinlanadilar va lavozimdan ozod qilinadilar.

11. Qoʻmita oʻz huzuridagi Iqtisodiyot va statistika ilmiy tadqiqot-instituti, Bosh hisoblash markazi, Kadrlar tayyorlash va ularning malakasini oshirish markazi faoliyatiga rahbarlik qiladi, “Iqtisod va hisobot” (“Ekonomika i statistika”) jurnalini nashr etadi.

Qoraqalpogʻiston Respublikasi iqtisodiyot va statistika qoʻmitasi, Toshkent viloyati va Toshkent shahar istiqbolni belgilash va statistika bosh boshqarmalari, viloyatlardagi istiqbolni belgilash va statistika boshqarmalari, respublika shaharlari va nohiyalaridagi iqtisodiyot va statistikani muvofiqlashtirish boʻlimlari tegishlicha Qoraqalpogʻiston Respublikasi Vazirlar Kengashiga, viloyatlar, shaharlar va nohiyalar hokimliklariga boʻysunadilar.

Ularga uslubiy rahbarlikni va ular faoliyatini muvofiqlashtirishni Istiqbolni belgilash va statistika davlat qoʻmitasi amalga oshiradi.

12. Qoʻmita markaziy apparati tuzilmasi va xodimlari soni Vazirlar Mahkamasi tomonidan tasdiqlanadi. Qoʻmita Raisi belgilangan xodimlar soni va mehnatga haq toʻlash fondi doirasida Qoʻmita markaziy apparatining tasdiqlangan tuzilmasiga oʻzgarishlar kiritish huquqiga ega boʻladi.

Qoʻmita markaziy apparatining shtat jadvali va uning tarkibiy boʻlinmalari toʻgʻrisidagi nizomi Qoʻmita Raisi tomonidan tasdiqlanadi.

13. Istiqbolni belgilash va statistika davlat qoʻmitasi yuridik shaxs hisoblanadi, Oʻzbekiston Respublikasi Davlat gerbi tasviri tushirilgan va oʻz nomi yozilgan muhrga ega boʻladi.

1. Istiqbolni belgilash va statistika viloyat Boshqarmasi* Oʻzbekiston Respublikasi Prezidentining 1992-yil 5-avgustdagi Farmoniga muvofiq istiqbolni belgilash va statistika viloyat boshqarmasi negizida viloyat hokimligi tomonidan tashkil etilgan hamda viloyat hokimliligiga boʻysunadi, unga uslubiy rahbarlik qilish va uning faoliyatini muvofiqlashtirishni “Oʻzistiqbolstat” davlat qoʻmitasi amalga oshiradi.

2. Viloyat Boshqarmasi oʻz faoliyatida Oʻzbekiston Respublikasi Konstitutsiyasiga, Oʻzbekiston Respublikasi qonunlariga, Oliy Kengashning boshqa qarorlariga, Oʻzbekiston Respublikasi Prezidenti farmonlariga, Oʻzbekiston Respublikasi Vazirlar Mahkamasining qarorlari va farmoyishlariga, viloyat hokimligining qarorlari va farmoyishlariga, Istiqbolni belgilash va statistika davlat qoʻmitasining qarorlari, buyruqlari, yoʻriqnomalari va koʻrsatmalariga, mazkur Nizomga amal qiladi.

3. Boshqarmaning bosh vazifalari va faoliyati yoʻnalishlari quyidagilar hisoblanadi:

bozor iqtisodiyotiga oʻtish sharoitlarida viloyatni rivojlantirishning ustuvor yoʻnalishlari va istiqbolini aniqlash boʻyicha istiqbolni belgilash-tahliliy ishlarni amalga oshirish, ishonchli va haqiqiy statistika axborotini shakllantirish;

viloyatni ijtimoiy-iqtisodiy rivojlantirishning, tabiiy va mehnat resurslaridan, yaratilgan ishlab chiqarish imkoniyatlaridan samarali foydalanishning qisqa muddatli va istiqboldagi istiqbolni belgilashlarini ishlab chiqish;

hokimlik boshqarmalari va boʻlimlari, nohiya, shahar hokimliklari, korxonalar, tashkilotlar hamda boshqa jismoniy va yuridik shaxslarning hududlarni iqtisodiy va ijtimoiy rivojlantirish istiqbollarini belgilash hamda statistika ishlarini amalga oshirishga oid faoliyatini muvofiqlashtirish, shuningdek, uslubiy rahbarlik qilish va ishda tajriba almashish;

ishlab chiqarishni raqobatga qobil mahsulotlar tayyorlash boʻyicha ustuvor rivojlantirishni, ishlab chiqarish kuchlarini oqilona joylashtirish, viloyat, shaharlar va nohiyalarni kompleks rivojlantirish, ekologik vaziyatni sogʻlomlashtirish yuzasidan asoslangan takliflarni tayyorlash;

yagona statistika siyosati yurgizish, xalq xoʻjaligi faoliyat koʻrsatishining vujudga kelayotgan shart-sharoitlarini, bozor munosabatlariga oʻtishni, narxlar oʻzgarishini mulkchilikning xilma-xil shakllarini aks ettiruvchi hisobot koʻrsatkichlarining ilmiy asoslangan tizimini joriy etish;

maʼlumotlarni toʻplash va qayta ishlashning ilgʻor tizimlarini joriy etish, keng kompyuterlashtirish, butun statistikani zamonaviy xalqaro normalarga va andozalarga bosqichma-bosqich muvofiqlashtirishni amalga oshirish viloyat hisoblash markazlari faoliyatini muvofiqlashtirish.

4. Viloyat boshqarmasi unga yuklatilgan vazifalarga muvofiq:

viloyatni iqtisodiy va ijtimoiy rivojlantirish istiqbolini belgilashning ilmiy darajasini oshirish, uning usullarini takomillashtirish va tashkil etilishini yaxshilash, bozor munosabatlariga kirish sharoitlarida ularning har tomonlama asoslanganligi va muvozanatliligi, ishlab chiqarish kuchlarini oqilona joylashtirish, ishlab chiqarish samaradorligining oʻsishida mavjud zaxiralardan eng koʻp darajada foydalanish uchun javob beradi;

nohiyalar va shaharlar iqtisodiyot va statistikani muvofiqlashtirish boʻlimlarida amaldagi qonunchilikning toʻgʻri qoʻllanilishini taʼminlaydi;

viloyatning mineral-xomashyo va boshqa resurslarini hisobga olgan hamda ekologik vaziyatni sogʻlomlashtirish talablariga rioya etgan holda ishlab chiqarish kuchlarini oqilona joylashtirishni taʼminlaydi;

bozor iqtisodiyotini shakllantirish jarayoniga tahliliy-istiqbolni belgilash jihatidan baho beradi, yuqori organlarda koʻrib chiqish uchun xoʻjalik mexanizmini, boshqaruv shakllarini va usullarini takomillashtirish boʻyicha takliflarni ishlab chiqadi;

tayyor va raqobatga qobil mahsulotlar, xalq isteʼmol mollari, mahalliy binokorlik materiallari va yoqilgʻi ishlab chiqarishni ustuvor (rivojlantirish, xalq badiiy hunarmandchiligini rivojlantirish xalq xoʻjaligi majmui tuzilmasini takomillashtirish boʻyicha takliflar tayyorlaydi;

vazirliklar, konsernlar, idoralar bilan birgalikda barcha investitsiyalardan, shu jumladan, xorijiy investitsiyalardan samarali foydalanishni amalga oshiradi;

viloyat aholisi moddiy farovonligini mustahkamlash, uning kam taʼminlangan tabaqalarini ijtimoiy himoya qilish, aholi turmush darajasini oshirish yoʻnalishlari va yoʻllari istiqbolini belgilash, mehnat faolligi va tadbirkorlikni kuchaytirish boʻyicha takliflarni asoslaydi;

aholining toʻlovga qobiliyatli talabini toʻlaroq qondirish maqsadida viloyat hududida pul daromadlarini va aholi xarajatlarining muvozanatini taʼminlaydi;

boshqa mintaqalar bilan, shuningdek, xorijiy mamlakatlar bilan; iqtisodiy hamkorlikni kengaytirish, oʻzaro foydali mintaqalararo tashqi iqtisodiy, savdo va ilmiy-texnika aloqalarini rivojlantirish boʻyicha takliflar tayyorlaydi;

respublika ahamiyatiga ega boʻlgan tegishli maqsadli dasturlardan kelib chiquvchi vazifalarning hal etilishini taʼminlaydi;

hisobot koʻrsatkichlarining ilmiy asoslangan tizimini, maʼlumotlarni toʻplash va ularni qayta ishlashning ilgʻor shakllarini joriy etishning yagona statistika siyosatini yuritadi;

statistika ishlarining tasdiqlangan rejalari sifatli va oʻz vaqtida bajarilishini taʼminlaydi;

nohiyalar, shaharlar, shahardagi nohiyalar iqtisodiyot va statistikani muvofiqlashtirish boʻlimlarining ijtimoiy-iqtisodiy muammolarini kompleks ishlab chiqish, ularni zarur axborot, tahliliy va istiqbolni belgilash maʼlumotlari bilan taʼminlash masalalari sohasida boshqa iqtisodiy organlar bilan oʻzaro aloqasini amalga oshiradi;

iqtisodiy-statistika axboroti tizimining barqarorligi va ishonchliligini, narxlar va tariflarni kuzatish va roʻyxatga olish boʻyicha statistika ishlari oʻtkazilishini, xalq isteʼmol mollariga, pulli xizmatlarga, sanoat va qishloq xoʻjaligi mahsulotlariga ulgurji va chakana narxlar, transportda tashish tariflari indekslarini ishlab chiqishni, narxlarning oʻzgarishi darajasi toʻgʻrisidagi maʼlumotlarni hamda ularning aholi turmush darajasi va kun kechirish darajasi oʻzgarishiga taʼsirini tahlil qilish ishlarini amalga oshiradi;

viloyat hududidagi xorijiy sheriklar ishtirokidagi qoʻshma korxonalar faoliyatini hamda valyuta investitsiyalari samaradorligini tahlil qilishni amalga oshiradi;

viloyat barcha statistikasini milliy schyotlar tizimiga bosqichma-bosqich oʻtkazish mexanizmini joriy qilish tartibini belgilaydi;

viloyat shaharlari va nohiyalari rivojlanishi xususiyatlarini hisobga olgan holda statistika koʻrsatkichlari tizimini takomillashtirish, eng yangi fan-texnika yutuqlari, zamonaviy axborot texnologiyalari va tizimlari negizida statistika axboroti sifati va tezkorligini oshirish boʻyicha takliflar tayyorlaydi. Elektron-hisoblash mashinalarining texnika bilan qayta jihozlanishini, ularning yangi avlodlari, aloqaning ilgʻor vositalari qoʻllanilishini, foydalanuvchilarning bank maʼlumotlariga telekommunikatsiya orqali kirib borishlarini rivojlantirishni amalga oshiradi;

viloyatda yuz berayotgan ijtimoiy jarayonlarni oʻrganish ishlarini olib boradi, turmush darajasi, sifati va qiymati oʻzgarishini tahlil qiladi, yagona metodologiya boʻyicha aholi roʻyxatini, tekshirishlar, soʻrovlarni oʻtkazadi, oilaviy budjetlar statistikasini tashkil etadi;

mehnat boʻyicha viloyat organlari bilan birgalikda mehnat resurslari va ishchi oʻrinlari balanslarini, mehnat resurslarining toʻlaroq ish bilan taʼminlanishi boʻyicha takliflarni ishlab chiqadi;

boshqaruvning hududiy organlari korxonalar va tashkilotlar bilan birgalikda xalq xoʻjaligining safarbarlik tayyorgarligi boʻyicha istiqboldagi va qisqa muddatli istiqbolni belgilash uchun takliflar tayyorlaydi;

koʻp ukladli iqtisodiyotni, bozor infrastrukturasini shakllantirish, tadbirkorlik faoliyatini rivojlantirish, davlat tasarrufidan chiqarish va xususiylashtirish, dehqon (fermer) xoʻjaliklarini tashkil etish va ularning qaror topishi jarayonlarini, mana shu maqsadlar uchun ajratilayotgan yer uchastkalari va moddiy mablagʻlardan samarali foydalanishni oʻrganadi;

istiqbolni belgilashlar, maqsadli dasturlar, iqtisodiy va ijtimoiy rivojlanish tamoyillarini ishlab chiqish uchun belgilangan muddatlarda takliflar, koʻrsatkichlar tayyorlanishini hamda zarur shakllar toʻldirilishini taʼminlaydi;

“Oʻzshartnomasavdo” davlat uyushmasining viloyat boshqarmalari bilan birgalikda mahsulotlarning eng muhim turlarini ishlab chiqarish va ularni davlat ehtiyojlari uchun yetkazib berish koʻrsatkichlari boʻyicha takliflar tayyorlaydi;

ishlab chiqilayotgan hisobotlar, oʻtkazilayotgan aholi roʻyxatlari, tekshirishlar, bir marta hisobga olishlar asosida maʼlumotlar statistika bankini tashkil etadi;

belgilangan tartibga muvofiq davlat boshqaruvi viloyat organlarini ular faoliyatining yoʻnalishlari boʻyicha zarur statistika axboroti bilan taʼminlaydi.

5. Viloyat boshqarmasi tasdiqlangan istiqbolni belgilashlar qanday bajarilayotganligini muntazam va kompleks tahlil va nazorat qiladi, alohida tarmoqlar rivojlanishida aniqlangan kamchiliklarni bartaraf qilish toʻgʻrisida hokimlik boshqarmalari va boʻlimlariga takliflar kiritadi;

istiqbolni belgilashlar qanday bajarilayotganligi, iqtisodiyotning bozor munosabatlariga kirishi boʻyicha chora-tadbirlarning roʻyobga chiqarilishi, statistika va hisobga olish masalalariga oid qonunchilik va meʼyoriy aktlarga rioya qilinish toʻgʻrisida hokimlikka muntazam ravishda axborot berib turadi.

6. Boshqarmaga quyidagi huquqlar beriladi:

viloyat xalq xoʻjaligi va ijtimoiy rivojlanishining tegishli davrdagi yakunlarini chiqarish va eʼlon qilish;

amaldagi qonunchilik doirasida viloyatni iqtisodiy va ijtimoiy rivojlantirishning istiqbolni belgilashlarini sifatli ishlar chiqishni taʼminlash, ularning bajarilishi va statistika ishlarini takomillashtirish uchun barcha zarur choralarni koʻrish;

istiqbolni belgilash loyihalari va ayrim xoʻjalik muammolarini ishlab chiqish uchun viloyat hududidagi ilmiy-tadqiqot, texnologik va loyiha-konstruktorlik tashkilotlari, oliy oʻquv yurtlari va boshqa muassasalarni, shuningdek, alohida olimlar, mutaxassislarni belgilangan tartibda jalb qilish;

qisqa muddatli va istiqboldagi istiqbolni belgilashlarni ishlab chiqish hamda ayrim xoʻjalik masalalari boʻyicha takliflar tayyorlash uchun butun hisobga olish — statistika ishlari boʻyicha davlat hisobotini, shuningdek, boʻysunishi va mulkchilik shaklidan qatʼi nazar, barcha viloyat va mahalliy boshqaruv organlaridan, shu jumladan moliya, bank va boshqa xizmatlardan, korxonalar, tashkilotlar, muassasalar, boshqa yuridik va jismoniy shaxslardan zarur materiallarni belgilangan muddatlarda olish;

davlat statistika kuzatishlari oʻtkazish uchun maʼlumotlarni taqdim etmagan, yoxud ularni kechikib yoki buzib taqdim etgan yuridik va jismoniy shaxslarga nisbatan belgilangan tartibda iqtisodiy jazolar qoʻllash;

viloyat boshqarmalari, korxonalar, tashkilotlarda, ularning boʻysunishi va mulkchilik shaklidan qatʼi nazar, uyushmalar, konsernlar, ittifoqlar va boshqa birlashmalarda hisobotlarning ishonchliligi va dastlabki hisobga olishning holatini tekshirish;

maʼlumotlar buzilganligi aniqlangan hollarda davlat hisobotiga tuzatishlar kiritish, tegishli yuridik va jismoniy shaxslarga bu tuzatishlarni dastlabki va buxgalteriya hisobida, boshqa oʻzaro bogʻliq koʻrsatkichlarda aks ettirish majburiyatini yuklash, maʼlumotlarni buzuvchilarga nisbatan qonunda belgilangan intizomiy, moddiy, maʼmuriy va jinoiy javobgarlik choralarini qoʻllash toʻgʻrisida iltimos qilish;

barcha darajadagi hokimliklar boshqarmalari va boʻlimlari, korxonalar va muassasalar rahbarlarining viloyat Boshqarmasi vakolatiga kiruvchi masalalar boʻyicha hisobotlarini eshitish;

viloyat hokimligi boshqarmalari va boʻlimlarida, iqtisodiyot va statistikani muvofiqlashtirish boʻyicha nohiya va shahar boʻlimlarida, korxonalar, birlashmalari tashkilotlar, kolxozlar va sovxozlarda istiqbolni belgilash—iqtisodiy ishlarning yoʻlga qoʻyilishini tekshirish hamda bu ishlarni yaxshilash boʻyicha zarur koʻrsatmalar berish;

viloyatni iqtisodiy rivojlantirish masalalarini muhokama qilish uchun idoralararo kengashlar chaqirish;

qoʻyilgan talablarga javob bermaydigan istiqbolni belgilashlarni viloyat hokimligi boʻlimlariga, boshqarmalarga, quyi hokimliklarga puxta ishlash uchun qaytarish.

7. Boshqarma oʻz ishi yuzasidan viloyat hokimligi va “Oʻzistiqbolstat” davlat qoʻmitasi oldida javob beradi.

8. Istiqbolni belgilash va statistika boshqarmasiga rahbarlik qilish viloyat hokimi oʻrinbosarlaridan biriga yuklatiladi.

Boshqarma boshligʻi oʻrinbosarlarga ega boʻladi, ularni viloyat Boshqarmasi boshligʻining tavsiyasi boʻyicha viloyat hokimligi lavozimga tayinlaydi va lavozimdan ozod qiladi.

Boshliq bilan uning oʻrinbosarlari oʻrtasida vazifalarni taqsimlash Boshqarma boshligʻi tomonidan amalga oshiriladi.

9. Viloyat Boshqarmasi boshligʻi:

Istiqbolni belgilash va statistika boshqarmasi faoliyatiga rahbarlik qiladi va oʻziga yuklatilgan vazifalarning bajarilishi uchun shaxsan javob beradi;

viloyat hokimligining qarorlari, shuningdek, davlat hokimiyati va boshqaruv yuqori organlarining aktlari asosida hamda ularni bajarish yuzasidan oʻz huquq doirasida qarorlar, buyruqlar chiqaradi, zarur hollarda hokimlik boshqarmalari va boʻlimlari rahbarlari bilan birgalikda viloyat, nohiyalar, shaharlar, shahardagi nohiyalar hokimliklarining barcha boshqarmalari va boʻlimlari, mulkchilik shaklidan va idoraviy boʻysunishidan qatʼi nazar, viloyat hududidagi korxonalar, tashkilotlar ijro etishi majburiy boʻlgan qoʻshma buyruqlar chiqaradi;

apparat xodimlarini belgilangan tartibda ishga qabul qiladi va ishdan boʻshatadi;

boshqarmalar, nohiyalar va shaharlar iqtisodiyoti va statistikasini muvofiqlashtirish boʻlimlari xodimlarining malakalarini oshirish tadbirlarini oʻtkazadi;

viloyat istiqbolni belgilash va statistika Boshqarmasi boʻlimlari toʻgʻrisidagi nizomni tasdiqlaydi.

10. Boʻlimda boshliq, uning oʻrinbosarlari va iqtisodiy xizmatlarning boshqa rahbarlaridan iborat tarkibda hayʼat tashkil etiladi. Hayʼat aʼzolarining tarkibi viloyat Boshqarmasining tavsiyasi boʻyicha viloyat hokimligi tomonidan tasdiqlanadi.

Boshqaruv hayʼati oʻz majlislarini muntazam oʻtkazadi, ularda qisqa muddatli va uzoq muddatli istiqbolni belgilash loyihalari, iqtisodiyotni rivojlantirish masalalari, ularning qanday bajarilayotganligi, statistika axborot tizimi faoliyat koʻrsatishi masalalari shuningdek, viloyatni iqtisodiy va ijtimoiy rivojlantirishning boshqa eng muhim muammolari koʻrib chiqiladi.

Hayʼat qaror Boshqarma boshligʻining buyruqlari bilan hayotga joriy etiladi.

11. Boshqaruv tuzilmasi va shtatlari viloyat hokimligi tomonidan tasdiqlanadi.

Boshqarmaning organlari xoʻjalik shartnomalari, bitimlar yoki bir martalik soʻrovlarga muvofiq tijorat asosida axborot-hisoblash va tahliliy xizmatlarni faol rivojlantiradilar. Foydalanuvchilarga iqtisodiy-statistika axborotini statistika ishlari rejasida belgilangan minimumdan ortiqcha taqdim etish ham tijorat asosida amalga oshiriladi.

Ishlar (xizmatlar)ning barcha turlarini bajarishdan olingan foyda (daromadi)dan Boshqarmaning ishlab chiqarish va ijtimoiy rivojlanishi, shuningdek, uning xodimlarini moddiy ragʻbatlantirish uchun foydalaniladi.

12. Viloyat istiqbolni belgilash va statistika Boshqarmasi yuridik shaxs hisoblanadi, Oʻzbekiston Respublikasi Davlat gerbi tasirlangan va oʻz nomi yozilgan muhrga ega boʻladi.

1. Nohiya, shahar, shahardagi nohiya hokimligining iqtisodiyot va statistika muvofiqlashtirish boʻlimi* Oʻzbekiston Respublikasi qonunchiligiga muvofiq nohiya, shahar, shahardagi nohiya hokimligi tomonidan Oʻzbekiston Respublikasi Prezidentining 1992-yil 5-avgustdagi Farmoniga muvofiq tashkil etiladi hamda oʻz faoliyatida nohiya, shahar, shahardagi nohiya hokimligiga boʻysunadi va viloyat istiqbolni belgilash va statistika Boshqarmasiga (Qoraqalpogʻiston Respublikasida — Iqtisodiyot va statistika qoʻmitasiga, Toshkent viloyati va Toshkent shahrida — istiqbolni belgilash va statistika bosh boshqarmalariga) hisob beradi. Nohiya, shahar, shahardagi nohiya hokimliklarining iqtisodiyot va statistikani muvofiqlashtirish boʻlimlariga uslubiy rahbarlikni va ular faoliyatini muvofiqlashtirishni viloyat Istiqbolni belgilash va statistika boshqarmasi hamda “Oʻzistiqbolstat” davlat qoʻmitasi amalga oshiradi.

2. Boʻlimning bosh vazifalari va faoliyati yoʻnalishlari quyidagilar hisoblanadi:

tabiiy, mehnat va boshqa mahalliy resurslardan, yaratilgan ishlab chiqarish imkoniyatlaridan samarali foydalanish asosida oʻziga qarashli hududiy ijtimoiy-iqtisodiy rivojlantirishning qisqa muddatga va istiqboldagi davrga moʻljallangan istiqbolni belgilash majmuini ishlab chiqish, tasdiqlangan istiqbolni belgilashlarni tahlil qilish va ularning bajarilishini nazorat qilish, statistika axborotini toʻplash va qayta ishlash hamda hokimiyat va boshqaruv organlarini ishonchli maʼlumotlar bilan taʼminlash;

boshqarmalar, boʻlimlar, nohiya, shahar, shahardagi nohiya hokimliklari, qishloq, shaharcha va ovul kengashlari ijroiya qoʻmitalarining iqtisodiy va ijtimoiy rivojlanish istiqbolini belgilash, yagona statistika siyosatini yuritish sohasidagi faoliyatini muvofiqlashtirish, shuningdek, bu ishga uslubiy rahbarlik qilish va tajriba almashish;

istiqbolni belgilashlarni tayyorlash jarayonida tegishli boshqarmalar va boʻlimlar, nohiya, shahar, shahardagi nohiyaning manfaatdor tashkilotlari bilan oʻzaro hamkorlikni taʼminlash, istiqbolni belgilashlar bajarilishi va hisobot koʻrsatkichlarining ilmiy-asoslangan tizimlari, maʼlumotlarni toʻplash va ularni qayta ishlash tizimlari joriy etilishi ustidan nazoratni amalga oshirish.

3. Boʻlim oʻz faoliyatida Oʻzbekiston Respublikasi Konstitutsiyasiga, Oʻzbekiston Respublikasi qonunlariga va Oʻzbekiston Respublikasi Oliy Kengashining boshqa qarorlariga, Oʻzbekiston Respublikasi Prezidentining farmonlariga, Oʻzbekiston Respublikasi Prezidenti huzuridagi Vazirlar Mahkamasining qarorlari va farmoyishlariga, viloyat, nohiya, shahar, shahardagi nohiya hokimliklarining qarorlari va farmoyishlariga istiqbolni belgilash va statistika yuqori organlarining qarorlari, buyruqlari, yoʻriqnomalari, koʻrsatmalariga, boshqa meʼyoriy aktlarga, shuningdek, mazkur Nizomga amal qiladi.

4. Boʻlim oʻziga yuklatilgan vazifalarga muvofiq:

hududlar va viloyatlarni kompleks rivojlantirishni, mulkchilikning xilma-xil shakllarini tashkil etishni hisobga olgan holda nohiya, shahar, shahardagi nohiyaning kompleks iqtisodiy va ijtimoiy rivojlanishini amalga oshiradi;

mehnat, tabiiy, mahalliy resurslardan hamda mavjud ishlab chiqarish imkoniyatlaridan samarali foydalanish asosida ishlab chiqarish kuchlarini joylashtirish boʻyicha takliflar tayyorlaydi;

istiqbolni belgilash va statistika hisoboti usullarini va tashkil etilishini takomillashtirish, nohiya, shahar, shahardagi nohiya iqtisodiy va ijtimoiy rivojlanishi istiqbolini belgilashning tayyorlanayotgan loyihalarining har tomonlama asoslanganligi va muvozanatliligi, iqtisodiyotdagi ishlab chiqarish samaradorligini oʻstirishning mavjud manbalaridan eng koʻp darajada foydalanish uchun javob beradi;

barcha investitsiyalardan, shu jumladan, chet el investitsiyalaridan, ishlab chiqarish fondlaridan, mehnat, moliya, moddiy va boshqa resurslardan samarali foydalanish ustidan nazoratni amalga oshiradi;

nohiyalararo, xoʻjaliklararo, ishlab chiqarish va madaniy aloqalarni, shuningdek, viloyat va respublikaning boshqa shaharlari, nohiyalari bilan aloqalarni kengaytirish boʻyicha takliflar tayyorlaydi;

respublika va mahalliy ahamiyatga ega boʻlgan tegishli maqsadli dasturlaridan kelib chiquvchi vazifalarning hal etilishini taʼminlaydi;

nohiya, shahar, shahardagi nohiya hokimligining boshqarmalari va boʻlimlari, ilmiy muassasalar bilan birgalikda, shuningdek, idoraviy boʻysunishi va mulkchilik shaklidan qatʼi nazar, nohiya, shahar, shahardagi nohiya hududidagi korxonalar va tashkilotlar istisnosiz barchasining takliflari asosida qisqa muddatli va uzoq muddatli davrlarga moʻljallangan iqtisodiy va ijtimoiy rivojlanish istiqbolini belgilash loyihalarini tayyorlaydi;

ilmiy muassasalar bilan birgalikda iqtisodiy va ijtimoiy dasturlar majmui ishlab chiqilishini tashkil etadi;

davlat tasarrufidan chiqarish va xususiylashtirish yakunlariga tahliliy-istiqbolni belgilash jihatdan baho berilishini, mahalliy xoʻjalik va kommunal mulk shakllanishiga, nohiya, shahar, shahardagi nohiyada bozor iqtisodiyoti shakllanishi jarayoniga baho berilishini taʼminlaydi;

statistika axborotini toʻplash, qayta ishlash va berish texnologiyasining yagona texnika siyosatini amalga oshiradi;

ijtimoiy jarayonlarni oʻrganadi, aholini roʻyxatga olish, ijtimoiy-demografik tadqiqotlar, oila budjetlari soʻrovlari va statistikasi oʻtkazilishini tashkil qiladi, statistika axborotining sifati va tezkorligi oshishiga koʻmaklashadi;

iqtisodiy va ijtimoiy masalalar boʻyicha Oʻzbekiston Respublikasi Prezidenti farmonlarining, respublika Hukumati qarorlarining ijro etilishi ustidan statistika kuzatuvini amalga oshiradi, ularning bajarilishi toʻgʻrisida axborot tayyorlaydi, xalq xoʻjaligi rivojlanishi samaradorligini oshirish boʻyicha takliflar kiritadi.

5. Nohiya, shahar, shahardagi nohiya hokimligi boʻlimi istiqbolni belgilash qanday bajaraliyotganligini muntazam ravishda tahlil qilib boradi, nohiya, shahar, shahardagi nohiya hokimligi boshqarmalari va boʻlimlariga ayrim tarmoqlarni rivojlantirishda aniqlangan kamchiliklarni bartaraf etish toʻgʻrisida takliflar kiritadi, tasdiqlangan istiqbolni belgilashlarning qanday bajarilayotganligi toʻgʻrisida nohiya, shahar, shahardagi nohiya hokimligiga muntazam ravishda maʼlumot berib turadi, nohiya, shahar, shahardagi nohiya rivojlanishidagi nomutanosibliklarni bartaraf etish tadbirlarini ishlab chiqadi va amalga oshiradi.

6. Boʻlimga:

korxonalar va tashkilotlarning boʻysunishi va mulkchilik shaklidan qatʼi nazar, ularda hisobotning ishonchliligini va dastlabki hisobga olishning holatini tekshirish;

istiqbolni belgilash loyihalarini va alohida xoʻjalik muammolarini ishlab chiqish uchun nohiya, shahar, shahardagi nohiya hududidagi ilmiy-tadqiqot, texnologik va loyiha-konstruktorlik tashkilotlarni, oliy oʻquv yurtlari va boshqa muassasalarni, shuningdek, alohida olimlar va mutaxassislarni jalb qilish;

nohiya, shahar, shahardagi nohiyani ijtimoiy va iqtisodiy rivojlantirish istiqbolini belgilash va statistika axboroti sifatli va oʻz vaqtida ishlab chiqilishi va ularning roʻyobga chiqarilishi uchun amaldagi qonunchilik doirasida barcha zarur choralarni koʻrish;

nohiya, shahar, shahardagi nohiya hokimliklari boʻlimlari va boshqarmalaridan mulkchilikning barcha shakllaridagi korxonalar, tashkilotlar va muassasalardan, qishloq, shaharcha, ovul Kengashlari ijroiya qoʻmitalaridan belgilangan statistika axborotini, shuningdek, istiqbolni belgilash koʻrsatkichlari hamda hududlarning iqtisodiy va ijtimoiy rivojlanishi istiqbolini belgilashni, mahalliy binokorlik materiallari, xalq isteʼmol mollari ishlab chiqarish istiqbolini belgilashni ishlab chiqish, ishlab chiqarish, ijtimoiy, madaniy-maishiy obyektlarni rivojlantirish hamda ayrim xoʻjalik masalalari boʻyicha takliflar tayyorlash uchun zarur boʻlgan boshqa materiallarni olish;

oʻzining vakolatiga kiruvchi masalalar boʻyicha nohiya, shahar, shahardagi nohiya hokimliklari boʻlimlari va boshqarmalarining, idoraviy boʻysunishidan qatʼi nazar, korxonalar va muassasalar rahbarlarining hisobotlarini eshitish;

nohiya, shahar, shahardagi nohiya boshqarmalari va boʻlimlarida, korxonalar, tashkilotlar, kolxozlar va sovxozlarda istiqbolni belgilash-iqtisodiy va statistika ishlarining yoʻlga qoʻyilishini tekshirish, bu ishlarni yaxshilash boʻyicha ularga tavsiyalar berish;

nohiya, shahar, shahardagi nohiya xoʻjaliklarini rivojlantirish masalalarini muhokama qilish uchun idoralararo kengashlar chaqirish;

qoʻyiladigan talablarga javob bermaydigan istiqbolni belgilash loyihalarini nohiya, shahar, shahardagi nohiya hokimliklari boshqarmalari va boʻlimlariga, qishloq, shaharcha va ovul Kengashlariga puxta ishlash uchun qaytarish;

hisobot maʼlumotlari buzilganligi aniqlangan hollarda davlat hisobotiga oʻzgarishlar kiritish; tegishli yuridik va jismoniy shaxslarga bu tuzatishlarni dastlabki va buxgalteriya hisobida, boshqa oʻzaro bogʻliq koʻrsatkichlarda aks ettirish majburiyatini yuklash;

davlat statistika kuzatishlarini olib borish uchun maʼlumotlarni taqdim etmagan, yoxud ularni kechikib yoki buzilgan holda taqdim etgan yuridik va jismoniy shaxslarga nisbatan belgilangan tartibda iqtisodiy jazolar qoʻllash.

7. Boʻlim oʻz ishi toʻgʻrisida nohiya, shahar, shahardagi nohiya hokimligi, Qoraqalpogʻiston Respublikasi Iqtisodiyot va statistika qoʻmitasi, Toshkent viloyati va Toshkent shahar istiqbolni belgilash va statistika bosh boshqarmalari, viloyatlarning istiqbolni belgilash va statistika boshqarmalari oldida hisob beradi.

8. Boʻlimga rahbarlik qilish hokimlarning tegishli darajadagi oʻrinbosarlaridan biri zimmasiga yuklatiladi.

9. Boʻlim boshligʻi:

boʻlim faoliyatiga rahbarlik qiladi va unga yuklatilgan vazifalar bajarilishi uchun shaxsan javob beradi;

oʻz vakolati doirasida nohiya, shahar, shahardagi nohiya hokimligining qarorlari, shuningdek, davlat hokimiyati va boshqaruv yuqori organlarining aktlari asosida hamda ularni bajarish yuzasidan buyruqlar chiqaradi;

boʻlim xodimlarini belgilangan tartibda ishga qabul qiladi va ishdan boʻshatadi, ularning malakasini oshirish tadbirlarini oʻtkazadi.

10. Boʻlimda boshliq va boshqaruv aʼzolaridan iborat tarkibda boshqaruv tashkil etiladi. Boshqaruv aʼzolarining tarkibi nohiya, shahar, shahardagi nohiya hokimligi tomonidan tasdiqlanadi.

Boshqaruv oʻz majlislarini muntazam oʻtkazadi, ularda qisqa muddatli va uzoq muddatli istiqbolni belgilash loyihalari iqtisodiyotni rivojlantirish, hududda bozor tuzilmalarini shakllantirish, nohiya, shahar, shahardagi nohiya statistikasi masalalari istiqbolni belgilashlar bajarilishini taʼminlash boʻyicha tadbirlar koʻrib chiqiladi.

11. Boʻlimning tuzilishi va shtatlari qonunchilikda belgilangan tartibda tasdiqlanadi.

12. Boʻlim yuridik shaxs hisoblanadi, Oʻzbekiston Respublikasi Davlat gerbi tasvirlangan va oʻz nomi yozilgan muhrga ega boʻladi.