Respublikaning yuqori sifatli quvurlarga boʻlgan ehtiyojini qondirish, quvurlar qurish samaradorligini oshirish, import oʻrnini bosishni kengaytirish, shuningdek respublikaning eksport salohiyatini oshirish maqsadida Vazirlar Mahkamasi qaror qiladi:

1. “V.P. Chkalov nomidagi Toshkent aviatsiya ishlab chiqarish birlashmasi” davlat aksiyadorlik jamiyatining (“TAPOiCh” DAJ) Shveytsariyaning “HOBAS AG) (HOBAS) kompaniyasi va Germaniyaning “WEMEX Handel GmbH” (WEMEX) kompaniyasi bilan nemis kompaniyasi “HOBAS ROHRE GmbH” texnologiyasidan foydalangan holda sentrifugalash usulida metall boʻlmagan quvurlarni ishlab chiqarish boʻyicha yopiq aksiyadorlik jamiyati shaklida “XOBAS-TAPO” Oʻzbekiston-Shveysariya-Germaniya qoʻshma korxonasini tashkil etish toʻgʻrisidagi taklifi qabul qilinsin.

2. “XOBAS-TAPO” qoʻshma korxonasi muassislarining ulushlarini taqsimlashning taklif etilgan sxemasiga 1-ilovaga* muvofiq rozilik berilsin.

3. Belgilansinki, loyihani moliyalashtirish:

“HOBAS ROHRE GmbH” firmasi bilan tuzilgan kontrakt qiymatining 85 foizi miqdorida (90,525 mln. nemis markasi) Oʻzbekiston Respublikasi Tashqi iqtisodiy faoliyat milliy banki tomonidan qayta moliyalashtiriladigan “Germes” jamiyatining sugʻurtasi ostida “Berliner Bank AG” bankining 8,5 yil muddatga berilgan krediti hisobiga;

Oʻzbekiston Respublikasi Tashqi iqtisodiy faoliyat milliy banki tomonidan qayta moliyalashtiriladigan “Berliner Bank AG” bankining 540 kunlik krediti hisobiga “HOBAS ROHRE GmbH” firmasi bilan tuzilgan kontrakt qiymatining 15 foizi (15,975 mln Germaniya markasi) miqdorida amalga oshirilsin.

4. Tashqi iqtisodiy faoliyat milliy banki:

ikki hafta muddatda kontrakt qiymatining 85 foizi va 15 foizini toʻlash uchun “Berliner Bank AG” banki bilan kredit bitimi tuzsin;

olingan kreditlarni “XOBAS-TAPO” qoʻshma korxonasiga belgilangan tartibda qayta moliyalashtirsin.

5. Maʼlumot uchun qabul qilinsinki:

“XOBAS-TAPO” qoʻshma korxonasi bilan “HOBAS ROHRE GmbH” firmasi bilan yiliga 970 km nometall quvurlar ishlab chiqarish boʻyicha texnologik asbob-uskunalar kompleksini yetkazib berish va foydalanishga topshirish yuzasidan umumiy qiymati 106,5 mln nemis markasi (DM) boʻlgan kontrakt tuzilgan boʻlib, quvvatlar 1999-yilning IV choragida ishga tushiriladi;

“XOBAS-TAPO” qoʻshma korxonasi tomonidan ishlab chiqariladigan quvurlar hajmining kamida 50 foizi eksport qilinadi;

“Berliner Bank AG” bankining Oʻzbekiston Respublikasi Tashqi iqtisodiy faoliyat milliy banki tomonidan qayta moliyalashtiriladigan kreditlari va ularga xizmat koʻrsatish xarajatlarini toʻlash 2-ilovaga* muvofiq “XOBAS-TAPO” qoʻshma korxonasining oʻz mablagʻlari hisobidan amalga oshiriladi.

6. “XOBAS-TAPO” qoʻshma korxonasi nometall quvurlarni sotish boʻyicha fyuchers shartnomalari tuzilishini taʼminlasin.

7. Oʻzbekiston Respublikasi moliya vaziri J.B. Sayfiddinov jalb etiladigan kreditlar boʻyicha “Berliner Bank AG” bankiga va Oʻzbekiston Respublikasi Tashqi iqtisodiy faoliyat milliy bankiga Oʻzbekiston Respublikasi Hukumati kafolatlarini belgilangan tartibda berishga vakil qilinsin.

8. Oʻzbekiston Respublikasi Adliya vazirligi Oʻzbekiston Respublikasi Hukumatining kafolatlari boʻyicha belgilangan tartibda yuridik xulosa bersin.

9. “XOBAS-TAPO” qoʻshma korxonasi “Oniks” aksiyadorlik jamiyati, “Oʻzeltexsanoat” uyushmasi va boshqa idoralar bilan birgalikda xomashyoga bogʻliqlikni kamaytirish va quvurlar komponentlarini ishlab chiqarishni mahalliylashtirish maqsadida uch oy muddatda ilgʻor xorijiy texnologiyalarni jalb etgan holda nometall quvurlar ishlab chiqarish uchun shisha tola, qatron va boshqa komponentlar ishlab chiqarishni tashkil etish boʻyicha Vazirlar Mahkamasiga takliflar kiritsin.

11. Oʻzbekiston Respublikasi Ichki ishlar vazirligi “XOBAS-TAPO” qoʻshma korxonasining buyurtmanomalari boʻyicha qoʻshma korxonaning xorijiy mutaxassislariga koʻp martalik vizalar berilishini va ularning muddati uzaytirilishini, shuningdek pasportlari roʻyxatdan oʻtkazilishini, ularni yigʻimlar va davlat bojlari toʻlashdan ozod qilgan holda, belgilangan tartibda taʼminlasin.

12. “XOBAS-TAPO” qoʻshma korxonasi, “Oʻzdavstandart” Oʻzbekiston Respublikasining “Standartlashtirish toʻgʻrisida”gi Qonuniga muvofiq ishlab chiqarilayotgan mahsulot sentrifuga qilingan nometall quvurlar uchun normativ hujjatlarni ishlab chiqsinlar va belgilangan tartibda tasdiqlasinlar hamda ularning sertifikatlashtirilishini taʼminlasinlar.

13. Oʻzbekiston Respublikasi Davlat arxitektura va qurilish qoʻmitasi amaldagi meʼyoriy-huquqiy hujjatlarga tegishli qoʻshimchalar kiritsin, loyihalash tashkilotlariga obyektlarni loyihalashda amaliy faoliyatda nometall quvurlarni keng qoʻllash tavsiya etilsin.

14. Mazkur qarorning bajarilishini nazorat qilish Oʻzbekiston Respublikasining Bosh vaziri Oʻ.T. Sultonov zimmasiga yuklansin.