T/r

Tadbirlarning nomlanishi

Amalga oshirish shakli

Muddati

Masʼul ijrochilar

Kutilayotgan natija (indikator)

I. Shaxsiy va siyosiy huquqlarni himoya qilish sohasidagi ustuvor yoʻnalishlar

1.

BMTning ustav organlari va shartnomaviy qoʻmitalarining tavsiyalarini amalga oshirish maqsadida qonun hujjatlariga oʻzgartish va qoʻshimchalar kiritish boʻyicha takliflar tayyorlash.

Bunda:

inson huquq va erkinliklari sohasida davlat hokimiyati hamda boshqaruvi organlarining Inson huquqlari boʻyicha Oʻzbekiston Respublikasi Milliy markazi bilan oʻzaro hamkorligini belgilash;

BMTning inson huquqlari boʻyicha ustav organlari va shartnomaviy qoʻmitalari tavsiyalarining bajarilishi yuzasidan milliy harakat rejalarini tayyorlash va qabul qilishning yagona tizimini, shuningdek davlat organlari va mansabdor shaxslarning ularni oʻz vaqtida bajarishi boʻyicha javobgarligini belgilash;

Oʻzbekiston Respublikasi Oliy Majlisi palatalari, Oʻzbekiston Respublikasi Prezidenti va Vazirlar Mahkamasiga Inson huquqlari boʻyicha Oʻzbekiston Respublikasi Milliy markazining inson huquqlari sohasida xalqaro majburiyatlarga rioya etilishi holati toʻgʻrisidagi yillik axborotni taqdim etish va koʻrib chiqish tartib-taomillarini mustahkamlash nazarda tutiladi.

Chora-tadbirlar majmui

2020-yil

1-dekabr

Inson huquqlari boʻyicha milliy markaz, Adliya vazirligi, IIV, Qonunchilik muammolari va parlament tadqiqotlari instituti

BMTning ustav organlari va shartnomaviy qoʻmitalarining tavsiyalarini davlat hokimiyati hamda boshqaruvi organlari tomonidan amalga oshirish mexanizmlari takomillashtiriladi

2.

Xalqaro majburiyatlardan kelib chiqib “Favqulodda holat toʻgʻrisida”gi qonun loyihasini ishlab chiqish.

Bunda:

favqulodda holatni joriy etishda vujudga kelishi mumkin boʻlgan munosabatlarni tartibga solishga qaratilgan normalar, favqulodda holatni joriy etish asoslari va tartibi;

favqulodda holatda qoʻllaniladigan choralar va cheklovlar, ushbu davr uchun joriy etiladigan maxsus davlat boshqaruv organlari, shuningdek jismoniy va yuridik shaxslarning huquqlari kafolatlari hamda boshqa maxsus qoidalar nazarda tutiladi.

Qonun loyihasi

2021-yil

1-yanvar

Vazirlar Mahkamasi, Favqulodda vaziyatlar vazirligi, Adliya vazirligi, IIV, DXX, Inson huquqlari boʻyicha milliy markaz

Favqulodda holat joriy etishda vujudga kelishi mumkin boʻlgan munosabatlar qonuniy tartibga solinadi

3.

“Oʻzbekiston Respublikasida ommaviy tadbirlar toʻgʻrisida”gi qonun loyihasini ishlab chiqish.

Bunda:

ommaviy tadbirlar, madaniy va boshqa tadbirlar tushunchalarini qonun bilan belgilash;

ommaviy tadbirlarni tashkil etish va oʻtkazish tartibi;

ommaviy tadbirlar oʻtkazilayotgan vaqtda jamoatchilik tartibi va xavfsizlikni taʼminlash;

ommaviy tadbirlar oʻtkazishga boʻlgan huquqlar kafolatlarini mustahkamlashnazarda tutiladi.

Qonun loyihasi

2021-yil 20-mart

IIV, Milliy gvardiya, DXX, Bosh

prokuratura, Adliya vazirligi, Inson huquqlari boʻyicha milliy markaz, Oliy Majlisning

Inson huquqlari boʻyicha vakili

Fuqarolar tomonidan ommaviy tadbirlarni oʻtkazishning huquqiy mexanizmlari takomillashtiriladi

4.

Davlat organlarining tegishli xodimlari va fuqarolik jamiyati institutlari vakillarining inson huquqlari sohasidagi malakasini Inson huquqlari boʻyicha Oʻzbekiston Respublikasi Milliy markazi huzuridagi inson huquqlari boʻyicha malaka oshirish oʻquv kurslarida muntazam ravishda oshirishni tashkil etish.

Chora-tadbirlar majmui

2021-yil 1-yanvardan boshlab

Inson huquqlari boʻyicha milliy markaz, Moliya vazirligi, Oliy va oʻrta maxsus taʼlim vazirligi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari

Davlat organlari xodimlarini inson huquqlari sohasida muntazam malaka oshirish tizimi yaratiladi

5.

“Sudlar tomonidan xalqaro huquq prinsiplari va normalarini hamda Oʻzbekiston Respublikasining xalqaro shartnomalarini qoʻllash amaliyoti toʻgʻrisida”gi Oʻzbekiston Respublikasi Oliy sudi Plenumi qarorini qabul qilish.

Oʻzbekiston Respublikasi Oliy sudi Plenumi qarori

2020-yil 20-noyabr

Oliy sud, Inson huquqlari boʻyicha milliy markaz

Sudlar tomonidan inson huquqlari boʻyicha xalqaro shartnomalarini qoʻllash amaliyoti yanada kengaytiriladi

6.

Inson huquqlari boʻyicha xalqaro majburiyatlarga rioya etish masalalariga bagʻishlangan amaliy qoʻllanma, sharh va uslubiy adabiyotlarni tayyorlash va nashr etish.

Davlat organlari xodimlari, shu jumladan, sudyalar va huquqni muhofaza qilish organlari xodimlarini inson huquqlari masalalari boʻyicha Oʻzbekiston Respublikasining xalqaro shartnomalari, inson huquqlarini himoya qilish sohasidagi xalqaro mexanizmlar tavsiyalari matnlari bilan taʼminlash.

Chora-tadbirlar majmui

2020-yil

1-oktabrdan boshlab

Inson huquqlari boʻyicha milliy markaz, Sudyalar oliy kengashi, Bosh prokuratura, IIV, Adliya vazirligi

Davlat organlari xodimlari va mansabdor shaxslarning inson huquqlari boʻyicha bilim va koʻnikmalari oshiriladi

7.

Oʻzbekiston Respublikasi Jinoyat kodeksining yangi tahririni ishlab chiqish.

Bunda:

jinoiy jazolarning muqobil turlarini oqilona va mutanosib ravishda qoʻllashni taʼminlash;

ijtimoiy xavfi katta boʻlmagan va uncha ogʻir boʻlmagan jinoyatlarni birinchi marotaba sodir etgan, shuningdek, aholining ijtimoiy zaif qatlamlari (voyaga yetmaganlar, keksalar, nogironligi boʻlgan shaxslar, homilador ayollar va qarmogʻida voyaga yetmagan bolalari boʻlgan yolgʻiz shaxslar)ga nisbatan insonparvarlik tamoyilini taʼminlash;

terrorizm, ekstremizm va korrupsiyaviy jinoyatlarni, shu bilan birga uyushgan guruh hamda jinoiy uyushma tarkibida qiynoqqa solish usullaridan foydalangan holda jinoyat sodir etishda aybdor boʻlgan shaxslarga nisbatan keskin jinoiy siyosatni davom ettirish nazarda tutiladi.

Kodeks loyihasi

2021-yil

1-may

Bosh prokuratura, IIV, DXX, Oliy sud, Adliya vazirligi

Xorijiy tajriba inobatga olingan holda jinoyat qonunchiligi normalari unifikatsiya qilinadi va liberallashtiriladi, jinoiy javobgarlik va jazo tizimini takomillashtiriladi

8.

Oʻzbekiston Respublikasi Jinoyat-protsessual kodeksining yangi tahririni ishlab chiqish.

Bunda:

xalqaro standartlar va inson huquqlarini himoya qilish boʻyicha xalqaro mexanizmlarning tavsiyalarini hisobga olgan holda odil sudlovga oid huquqni taʼminlash hamda “Xabeas korpus” institutini yanada takomillashtirish;

sud jarayoni ishtirokchilarining huquqlarini taʼminlash mexanizmini yanada kuchaytirish, advokatlarning protsessual huquqlarini yanada kuchaytirish orqali taraflarning oʻzaro tortishuv tamoyilini amalda roʻyobga chiqarish, ul?rning haqqoniy mustaqilligini taʼminlash, shuningdek, jinoyat ishi boʻyicha himoyachining ishtiroki shart boʻlgan ishlarga oid asoslarni kengaytirish;

voyaga yetmaganlarining huquq va qonuniy manfaatlarini himoya qilishni taʼminlashga qaratilgan jinoyat-protsessual normalarni takomillashtirish, ularning buzilgan huquqlarini tiklash, shuningdek, voyaga yetmaganlar tomonidan sodir etiladigan jinoyatlarni profilaktika qilish va oldini olish boʻyicha choralarni kuchaytirish;

mahkumlarga nisbatan amnistiya va afv etish shaklidagi insonparvarlik aktlarini qoʻllash tartibini takomillashtirish nazarda tutiladi.

Kodeks loyihasi

2021-yil

20-may

Bosh prokuratura, IIV, DXX, Oliy sud, Adliya vazirligi

Jinoyat protsessi ishtirokchilarining huquqlari kafolatlari xalqaro standartlarga muvofiq takomillashtiriladi

9.

Sudyalar hamjamiyati organlarifaoliyatining huquqiy asoslarini shakllantirish.

Bunda:

sudyalar hamjamiyati tushunchasi, sudyalar hamjamiyati organlarining sud tizimidagi oʻrnini belgilash;

sudyalar hamjamiyati organlarining vazifalari,funksiyalariva vakolatlarinibelgilash;

sudyalar hamjamiyati organlarini shakllantirish, shu jumladan ushbu organlarga nomzod koʻrsatish tartibini belgilash;

sudyalar hamjamiyati organlarining sud hokimiyati mustaqilligini taʼminlashdagi rolini huquqiy mustahkamlash nazarda tutiladi.

Qonun loyihasi

2020-yil

1-oktabr

Sudyalar oliy kengashi, Oliy sud

Sud mustaqilligini taʼminlash maqsadida sudyalar hamjamiyati organlari faoliyatining huquqiy asoslarini shakllantiriladi

10.

“Advokatura va advokatlik faoliyati toʻgʻrisida”gi qonun loyihasini ishlab chiqish.

Bunda:

advokatlik faoliyatini tashkil etish, advokatlar mustaqilligi kafolatlari va ularning daxlsizligini taʼminlash;

advokaturani aholi ishonchini qozongan institutga aylantirish, professional huquqiy yordam sifatini oshirish va advokat kasbining nufuzini oshirish;

sud jarayonida tenglik va tortishuv tamoyillarini toʻliq taʼminlash nazarda tutiladi.

Qonun loyihasi

2021-yil

1-iyul

Adliya vazirligi, Advokatlar palatasi,Oliy sud, Bosh prokuratura

Xalqaro standartlar asosida advokatlik faoliyatining huquqiy asoslari va kafolatlari yanada takomillashtiriladi hamda advokatlik kasbining nufuzi oshiriladi

11.

Xalqaro standartlarga asosan prokuratura organlari faoliyatini takomillashtirish.

Bunda:

xalqaro standartlarga muvofiq prokuratura faoliyati ustidan nazorat mexanizmlarini takomillashtirish;

prokuratura faoliyatining shaffofligini va uning jamiyat oldidagi hisobdorligini taʼminlash,prokurorlar malakasini uzluksiz oshirish;

prokuratura tizimi boshqaruvida kollegial organlar rolini kuchaytirish nazarda tutiladi.

Qonun loyihasi

2021-yil 1-iyun

Bosh prokuratura, Adliya vazirligi, Inson huquqlari boʻyicha milliy markaz

Prokuratura organlari faoliyati xalqaro standartlarga muvofiqlashtiriladi

12.

“Teng muomala qilish va kamsitmaslik toʻgʻrisida”gi qonun loyihasini tayyorlash.

Bunda:

“kamsitish”, “toʻgʻridan-toʻgʻri, bilvosita va koʻp marta kamsitish”, “kamsitish belgilari” tushunchalarini qonunchilikk? kiritish;

irqi, jinsi, tili, dini, siyosiy qarashlari, milliy yoki ijtimoiy kelib chiqishi, mulkiy, sinfiy yoki boshqa holatlardan qatʼi nazar jamiyat hayotining turli sohalarida fuqarolarni kamsitilish yuzaga kelishidan toʻliq himoya qilinishini taʼminlash;

fuqarolar huquqlarini himoya qilishning usullari va vositalarini takomillashtirish, shuningdek, fuqarolarning huquq va erkinliklarini himoya qilish boʻyicha samarali mexanizmni joriy qilish nazarda tutiladi.

Qonun loyihasi

2021-yil 1-aprel

Adliya vazirligi, Millatlararo munosabatlar va xorijiy mamlakatlar bilan doʻstlik aloqalari qoʻmitasi,

Inson huquqlari boʻyicha milliy markaz, Oliy sud, Qonunchilik muammolari va parlament tadqiqotlari instituti

Jamiyat hayotining turli sohalarida fuqarolarni kamsitilishdan himoya qilishning qonuniy asoslari takomillashtiriladi

13.

“Vijdon erkinligi va diniy tashkilotlar toʻgʻrisida”gi qonunning yangi tahririloyihasini ishlab chiqish.

Qonun loyihasi

2020-yil

1-oktabr

Oliy Majlis palatalari (kelishuv asosida),

Vazirlar Mahkamasi, Din ishlari boʻyicha qoʻmita,

Adliya vazirligi

Mamlakatda vijdon erkinligini taʼminlashning huquqiy mexanizmlari takomillashtiriladi

14.

BMTning Inson huquqlari boʻyicha qoʻmitasi tavsiyalarini inobatga olgan holda sud zalida temir panjaralardan foydalanish tartibini qayta koʻrib chiqish.

Normativ-huquqiy hujjat loyihasi

2021-yil 20-may

Oliy sud, IIV, Inson huquqlari boʻyicha milliy markaz

Sudlanuvchilarni sud zalida boʻlishlari xalqaro standartlarga muvofiqlashtiriladi

15.

“Oʻzbekiston Respublikasida chet el fuqarolari va fuqaroligi boʻlmagan shaxslarning huquqiy maqomi toʻgʻrisida”gi qonun loyihasini Oʻzbekiston Respublikasi Oliy Majlisining Qonunchilik palatasiga kiritish.

Qonun loyihasi

2020-yil 1-sentabr

Vazirlar Mahkamasi, TIV, IIV, Adliya vazirligi

Chet elliklar va fuqaroligi boʻlmagan shaxslarning huquqiy maqomi qonuniy mustahkamlanadi

16.

“Shaxsga doir maʼlumotlar toʻgʻrisida”gi qonun ijrosi yuzasidan parlament va jamoatchilik monitoringini oʻtkazish.

Shaxsiy maʼlumotlarni tartibga soluvchi qonunchilik va himoya qilish mexanizmlarini takomillashtirish boʻyicha takliflar tayyorlash.

Chora-tadbirlar majmui

2021-yil 1-yanvardan boshlab

Oliy Majlis palatalari (kelishuv asosida), Qonunchilik muammolari va parlament tadqiqotlari instituti

Shaxsga doir maʼlumotlarni tartibga soluvchi qonunchilik takomillashtiriladi

17.

2019 — 2021-yillarda Millatlararo munosabatlar sohasida Oʻzbekiston Respublikasi davlat siyosati konsepsiyasini amalga oshirish, kam sonli millatlarning ijtimoiy va madaniy huquqlarini taʼminlash.

Bunda:

Oʻzbekiston Respublikasida yashayotgan barcha millat va elatlarning tili va madaniyati rivojlanishi uchun barcha shart-sharoitlarni taʼminlash mexanizmini takomillashtirish;

?larning mamlakatning ijtimoiy-siyosiy hayotdagi faolligini yanada oshirish;

kam sonli millat vakillarining taʼlim olish huquqini taʼminlash, ularning tillarida oʻquv adabiyotlarini yaratish nazarda tutiladi.

Chora-tadbirlar majmui

2020-yil

1-oktabrdan boshlab

Millatlararo munosabatlar va xorijiy mamlakatlar bilan doʻstlik aloqalari qoʻmitasi, Madaniyat vazirligi, Adliya vazirligi, Xalq taʼlimi vazirligi, Inson huquqlari boʻyicha milliy markaz

Mamlakatdagi barcha millat va elatlarning barcha sohalardagi huquqlarini taʼminlash mexanizmlari takomillashtiriladi

18.

“Bepul yuridik yordam toʻgʻrisida”gi qonun loyihasini Oʻzbekiston Respublikasi Oliy Majlisi Qonunchilik palatasiga kiritish.

Bunda:

bepul yuridik yordam sohasida xalqaro standartlar va xalqaro tajribani hisobga olish;

kam taʼminlangan va boshqa ijtimoiy himoyaga muhtoj boʻlgan fuqarolar uchun jinoiy, maʼmuriy, fuqarolik ishlari boʻyicha davlat tomonidan bepul yuridik yordam olish imkoniyatlarini kengaytirish nazarda tutiladi.

Qonun loyihasi

2021-yil 1-noyabr

Adliya vazirligi, Moliya vazirligi, Advokatlar palatasi, Inson huquqlari boʻyicha milliy markaz

Xalqaro standartlar asosida bepul yuridik xizmatdan foydalanish imkoniyatlari kengaytiriladi

19.

Voyaga yetmaganlarga nisbatan odil sudlovni amalga oshirish tizimini takomillashtirish, bola manfaatlarini taʼminlashning eng ustun tamoyillarini amaliyotga yanada samarali tatbiq etish.

Normativ-huquqiy hujjat loyihasi va Chora-tadbirlar majmui

2021-yil

1-noyabr

Oliy sud, Sudyalar oliy kengashi, Bosh prokuratura, IIV, Adliya vazirligi, Bola huquqlari boʻyicha vakil

Voyaga yetmaganlarga nisbatan odil sudlovni amalga oshirishning xalqaro standartlarga muvofiq tizimi shakllantiriladi

20.

Bolalar va ayollar savdosigaqarshi kurashish, odam savdosidan jabr koʻrgan shaxslarning huquqlarini himoya qilishga oid normativ-huquqiy hujjatlarni takomillashtirish, shuningdek, uysiz, qarovsiz va nazoratsiz qolgan bolalarni aniqlash, bolalar va ayollar pornografiyasini targʻib qiluvchi sabablar va shart-sharoitlarni oldini olishga tizimli yondashish.

Amaliy chora-tadbirlar majmui

2020-yil 1-iyuldan boshlab

Odam savdosiga va majburiy mehnatga qarshi kurashish milliy komissiyasi, IIV, Bosh prokuratura, Mahalla va oilani qoʻllab-quvvatlash vazirligi, Inson huquqlari boʻyicha milliy markaz, Bola huquqlari boʻyicha vakil

Odam savdosidan jabr koʻrganlarning huquqlarini himoya qilishning huquqiy asoslari takomillashtiriladi

21.

Aholining ijtimoiy-siyosiy faolligini, saylov madaniyatini oshirish, demokratik, adolatli va erkin saylovlarga oid xalqaro standartlarni hisobga olgan holda saylovlarni tashkil etish va oʻtkazish tizimini yanada takomillashtirish.

Normativ-huquqiy hujjatlar loyihalari va Chora-tadbirlar majmui

2020 — 2025-yillar

Oliy Majlis palatalari (kelishuv asosida), Markaziy saylov komissiyasi,

Adliya vazirligi,

Jamoatchilik palatasi

Milliy saylov qonunchiligi va tizimi xalqaro standartlar asosida yanada takomillashtiriladi

22.

Qonun normalarining Konstitutsiyaga muvofiqligini oʻrganish yuzasidan Konstitutsiyaviy sudga murojaat qilish tartibini soddalashtirish,uning subyektlari doirasini kengaytirish.

Bunda:

qonunlarning Konstitutsiyaga muvofiqligini koʻrib chiqish boʻyicha Konstitutsiyaviy sudga masala kiritish huquqiga ega boʻlgan subyektlar qatoriga fuqarolar va yuridik shaxslarni kiritish;

Konstitutsiyaviy sudda oʻrganib chiqish uchun masala kiritish huquqiga ega boʻlgan subyektlarqatoriga Oʻzbekiston Respublikasi Prezidenti huzuridagi Tadbirkorlik subyektlarining huquqlariva qonuniy manfaatlarini himoya qilish boʻyicha vakil, Inson huquqlari boʻyicha Oʻzbekiston Respublikasimilliy markazini kiritish nazarda tutiladi.

Qonun loyihasi

2020-yil 1-iyul

Oliy Majlis palatalari

(kelishuv asosida),

Konstitutsiyaviy sud,

Qonunchilik muammolari va parlament tadqiqotlari instituti

Konstitutsiyaviy sudga murojaat qilish tartibi soddalashtiriladi va unga murojaat kirituvchi subyektlar doirasi kengaytiriladi

23.

Inson huquqlari sohasida xalqaro majburiyatlarga rioya qilinishini nazorat qilish boʻyicha parlament komissiyasini tashkil qilish.

Normativ-huquqiy hujjat loyihasi

2020-yil 1-avgust

Oliy Majlis palatalari (kelishuv asosida), Qonunchilik muammolari va parlament tadqiqotlari instituti, Inson huquqlari boʻyicha milliy markaz

Inson huquqlari sohasida xalqaro majburiyatlarga rioya qilinishi boʻyicha parlament nazorati kuchaytiriladi

24.

BMTning shartnomaviy qoʻmitalarida inson huquqlari boʻyicha Oʻzbekistonning milliy maʼruzalarini tayyorlash va koʻrib chiqish natijalarini deputatlar va senatorlar tomonidan muntazam eshitib borish, shartnomaviy qoʻmitalarning tavsiyalarini amalga oshirish boʻyicha Milliy harakatlar rejalarini Oliy Majlis palatalari tomonidan tasdiqlanishi amaliyotini takomillashtirish.

Amaliy chora-tadbirlar majmui

2020-yil

1-avgustdan boshlab

Oliy Majlis palatalari (kelishuv asosida), Inson huquqlari boʻyicha milliy markaz, Oliy sud, Bosh prokuratura, Oliy Majlisning

Inson huquqlari boʻyicha vakili, vazirlik va idoralar, fuqarolik jamiyati institutlari

Inson huquqlari boʻyicha Oʻzbekistonning milliy maʼruzalarini tayyorlash va koʻrib chiqishda parlament va fuqarolik jamiyati institutlarining keng ishtiroki taʼminlanadi

25.

“Jamoatchilik nazorati toʻgʻrisida”gi Qonunga oʻzgartish va qoʻshimchalar kiritish.

Bunda:

jamoatchilik nazoratining har bir shakliniamalga oshirish mexanizmlari va tartib-taomillarini belgilash;

inson huquq va erkinliklariga taalluqli xalqaro va milliy huquqiy normalarning amalga oshirilishini nazorat qilish boʻyicha “jamoat inspektori”, “jamoat kuzatuvchisi”, “jamoat komissiyasi” institutlarini shakllantirish;

inson huquqlari sohasidagi qonunlar samaradorligini baholash va ilmiy asoslangan hamda chuqur oʻylangan jamoatchilik monitoringi tizimini shakllantirish nazarda tutiladi.

Qonun loyihasi,Chora-tadbirlar majmui

2021-yil 1-mart

Adliya vazirligi, Jamoatchilik palatasi, Inson huquqlari boʻyicha milliy markaz, Oliy Majlisning

Inson huquqlari boʻyicha vakili, fuqarolik jamiyati institutlari

Jamoatchilik nazoratini amalga oshirish mexanizmi va tartib-taomillari, ularning huquqiy asoslari takomillashtiriladi

26.

Oʻzbekiston Respublikasining Nodavlat notijorat tashkilotlari toʻgʻrisidagi kodeksi loyihasini ishlab chiqish.

Bunda:

fuqarolarning nodavlat va notijorat tashkilotlariga birlashish huquqi va uni amalga oshirish usullari;

nodavlat va notijorat tashkilotlarini tashkil etish, roʻyxatga olish, ularning faoliyatini olib borish va tugatishning huquqiy asoslari va boshqalar nazarda tutiladi.

Kodeks loyihasi

2020-yil 1-avgust

Oliy Majlis palatalari (kelishuv asosida), Adliya vazirligi,

Oʻzbekiston nodavlat notijorat tashkilotlari milliy assotsiatsiyasi

Nodavlat notijorat tashkilotlari faoliyatining huquqiy asoslari hamda roʻyxatdan oʻtkazish tartibi yanada takomillashtiriladi,

ularning davlat boshqaruv organlari faoliyatini monitoring qilish mexanizmi mustahkamlanadi

27.

Inson huquqlari va manfaatlari sohasidagi vaziyatni yaxshilash sohasida davlat organlari va nodavlat notijorat tashkilotlar hamkorligi yakunlariga bagʻishlangan Nodavlat notijorat tashkilotlarning yillik Milliy forumini oʻtkazish amaliyotini yoʻlga qoʻyish.

Chora-tadbirlar majmui

2020-yil

1-noyabrdan boshlab

Jamoatchilik palatasi, Oʻzbekiston Nodavlat notijorat tashkilotlari milliy assotsiatsiyasi

Nodavlat notijorat tashkilotlarning inson huquqlarini himoya qilish boʻyicha faoliyati qoʻllab-quvvatlashning yangi mexanizmi yaratiladi

28.

Fuqarolik jamiyati institutlarini yanada qoʻllab-quvvatlash.

Bunda:

Oʻzbekistonda inson huquqlari holati, shu jumladan inson huquqlari boʻyicha xalqaro hujjatlar bajarilishini monitoring qilishda jamoatchilik nazorati rolini oshirish;

inson huquqlari boʻyicha xalqaro konvensiyalar bajarilishi toʻgʻrisida davlat organlari va mansabdor shaxslar hisobotlarining jamoatchilikmuhokamasinitashkil etish nazarda tutiladi.

Chora-tadbirlar majmui

2020 — 2025-yillar

Jamoatchilik palatasi,

“Yuksalish” umummilliy harakati, fuqarolik jamiyati institutlari

Nodavlat notijorat tashkilotlar inson huquqlarini himoya qilish masalalariga yanada kengroq jalb qilinadi

II. Iqtisodiy, ijtimoiy va madaniy huquqlarni himoya qilish hamda barqaror rivojlanish sohasidagi ustuvor yoʻnalishlar

29.

Insonning iqtisodiy va ijtimoiy huquqlarini taʼminlashning samarali omili sifatida Kambagʻallikni qisqartirish dasturini ishlab chiqish va hayotga tatbiq etish.

Bunda:

kambagʻallik tushunchasi, uni hududiy xususiyatlardan kelib chiqib aniqlash mezonlari va baholash usullarini qamrab olgan metodologiyani ishlab chiqish;

aholi, ayniqsa yoshlar va ayollarda tadbirkorlik va biznes yuritishning zamonaviy koʻnikmasini shakllantirish boʻyicha kompleks chora-tadbirlar;

tadbirkorlik tashabbuslarini, eng avvalo, joylardagi ijtimoiy muammolarni hal qilishga koʻmaklashuvchi tashabbuslarni qoʻllab-quvvatlashning samarali mexanizmlari;

tadbirkorlik subyektlarining moliyaviy resurslar, jumladan mikromoliyalash xizmatlaridan keng foydalanishi, shuningdek, davlat xaridlarida ishtirok etishi uchun shart-sharoitlar yaratish;

band boʻlmagan aholini qayta tayyorlash va ishsiz fuqarolarni zarur kasblarga oʻqitish boʻyicha keng koʻlamli dasturlarni amalga oshirish nazarda tutiladi.

Normativ-huquqiy hujjat loyihasi

2020-yil 1-avgust

Iqtisodiy taraqqiyot va kambagʻallikni qisqartirish vazirligi, Moliya vazirligi,

Bandlik va mehnat munosabatlari vazirligi,

Investitsiyalar

va tashqi savdo vazirligi,

Qoraqalpogʻiston Respublikasi Vazirlar Kengashi,

viloyatlar va Toshkent shahar hokimliklari

Kambagʻallikni qisqartirish orqali aholining turli qatlamlari farovonligi yaxshilanadi

30.

Oʻzbekiston Respublikasi Fuqarolik kodeksining yangi tahriri loyihasini ishlab chiqish.

Bunda:

insonning fuqarolik-huquqiy munosabatlarda vujudga keladigan huquqlari, erkinliklari hamda qonuniy manfaatlariga oid ilgʻor xalqaro standartlarni implementatsiya qilish;

xususiy mulkning daxlsizligi kafolatlarini taʼminlaydigan, jismoniy va yuridik shaxslarning, ayniqsa tadbirkorlarning huquq va qonuniy manfaatlarini himoya qiladigan samarali fuqarolik-huquqiy mexanizmlarni belgilash;

fuqarolik-huquqiy javobgarlik institutinitakomillashtirish, jumladan, zararni qoplashning adolatli tartibinitaʼminlash nazarda tutiladi.

Kodeks loyihasi

2026-yil may

Qonunchilik va huquqiy siyosat instituti, Adliya vazirligi, Oliy sud, Bosh prokuratura, Iqtisodiyot va moliya vazirligi, Toshkent davlat yuridik universiteti, Sudyalar oliy maktabi, Inson huquqlari boʻyicha milliy markaz

Xalqaro standartlarga muvofiq fuqarolik-huquqiy munosabatlarni tartibga soluvchi huquqiy mexanizmlar joriy etiladi

31.

BMTning Inson huquqlari nuqtai nazaridan tadbirkorlik faoliyatining asosiy tamoyillarini amalga oshirish boʻyicha Milliy harakatlar rejalarini ishlab chiqish.

Milliy harakatlar rejalari loyihalari

2020-yil 1-iyuldan boshlab

Inson huquqlari boʻyicha milliy markaz, Oliy Majlis palatalari (kelishuv asosida), Biznes ombudsman, Kasaba uyushmalari Federatsiyasi

Tadbirkorlik faoliyatida xalqaro standartlarga asosan inson huquqlari kafolatlari mustahkamlanadi

32.

Oʻzbekiston Respublikasi Tadbirkorlik kodeksi loyihasini ishlab chiqish.

Bunda:

tadbirkorlik faoliyati sohasidagi qonun hujjatlarini toʻliq kodifikatsiya qilish, milliy iqtisodiyotning bozor munosabatlariga oʻtishini hisobga olgan holda, tadbirkorlik faoliyatini monopoliyaga qarshi tartibga solishni tubdan qayta koʻrib chiqish;

tadbirkorlik erkinligini taʼminlaydigan huquqiy, iqtisodiy va ijtimoiy shart-sharoit va kafolatlarni kuchaytirish;

iqtisodiy huquq va erkinliklar sohasidagi xalqaro standartlarni hisobga olgan holda tadbirkorlarning ijtimoiy masʼuliyatini oshirish, ishbilarmonlik muhitini yaxshilash;

tadbirkorlik subyektlari faoliyatiga aralashganlik, tadbirkorlik subyektlari faoliyatini cheklash yoki toʻxtatish, ularga zarar yetkazishga qaratilgan noqonuniy va asossiz harakatlarni sodir etganlik uchun mansabdor shaxslarning javobgarligini kuchaytirish;

tadbirkorlarning huquqlari va qonuniy manfaatlarini himoya qilish masalasida jamoatchilik nazorati mexanizmlarini kengaytirish nazarda tutiladi.

Kodeks loyihasi

2022-yil 20-yanvar

Biznes ombudsman, Adliya vazirligi,

Iqtisodiy taraqqiyot va kambagʻallikni qisqartirish vazirligi, Savdo-sanoat palatasi

Tadbirkorlik faoliyati sohasidagi qonun hujjatlari toʻliq kodifikatsiya qilinadi, tadbirkorlik subyektlari faoliyatining huquqiy asoslari yanada mustahkamlanadi

33.

“Xususiylashtirish toʻgʻrisida”gi qonun loyihasini ishlab chiqish.

Bunda:

obyektlarni xususiylashtirishda, ulardan foydalanayotgan shaxslarning huquqlari va qonuniy manfaatlarini himoya qilish hamda taʼminlashning samarali mexanizmlarini belgilab berish;

xususiylashtirishda shaffoflik va oshkoralik prinsiplariga asoslangan mexanizmni yaratish;

davlat obyektlari yoki boshqa ommaviy mulk obyektlarini xususiylashtirishda antikorrupsiyaviychoralarni kuchaytirishnazarda tutiladi.

Qonun loyihasi

2021-yil 15-yanvar

Davlat aktivlarini boshqarish agentligi, Iqtisodiy taraqqiyot va kambagʻallikni qisqartirish vazirligi, Adliya vazirligi

Xususiylashtirish faoliyatining huquqiy asoslari va mexanizmlari takomillashtiriladi

34.

“Ijtimoiy tadbirkorlik asoslari toʻgʻrisida”gi qonun loyihasini ishlab chiqish.

Bunda:

ijtimoiy tadbirkorlikning asoslari;

ijtimoiy tadbirkorlik subyektlarini aniqlashningtartibi va mezonlari nazarda tutiladi.

Qonun loyihasi

2020-yil 1-sentabr

Adliya vazirligi,

Iqtisodiy taraqqiyot va kambagʻallikni qisqartirish vazirligi,

Bandlik va mehnat munosabatlari vazirligi,

Moliya vazirligi,

Savdo-sanoat palatasi

Ijtimoiy tadbirkorlikning asoslari va uni ragʻbatlantirish boʻyicha munosabatlar huquqiy tartibga solinadi

35.

“Isteʼmolchilarning huquqlarini himoya qilish toʻgʻrisida”gi Oʻzbekiston Respublikasi qonuniga oʻzgartish va qoʻshimchalar kiritish.

Bunda xalqaro tan olingan isteʼmolchilar huquqlarining himoyasini kuchaytirishga oid normalarni belgilash nazarda tutiladi.

Qonun loyihasi

2021-yil 20-yanvar

Savdo-sanoat palatasi, Adliya vazirligi, Bosh prokuratura, Monopoliyaga qarshi kurashish qoʻmitasi

Isteʼmolchilar huquqlarini himoya qilish xalqaro standartlarga muvofiqlashtiriladi

36.

Fuqarolarning tibbiy xizmatdan foydalanish huquqini toʻlaqonli taʼminlanishiga yoʻnaltirilgan amaliy chora-tadbirlar kompleksini amalga oshirish.

Bunda:

Oʻzbekistonning sogʻliqni saqlash tizimi samaradorligi boʻyicha jahonni rivojlangan mamlakatlari darajasiga erishishi;

tibbiy sugʻurta sohasinitakomillashtirish;

aholining har tomonlama sifatli sogʻliqni saqlash xizmatlari qamrab olinishi, shu jumladan xavfsiz, samarali, sifatli va arzon narxlardagi asosiy dori-darmonlar va vaksinalardan foydalanishini taʼminlash;

2030-yilga qadar onalar oʻlimini uchdan bir qismga, bir yoshgacha boʻlgan goʻdaklar va besh yoshgacha boʻlgan bolalar oʻlimini ikki barobar, yurak-qon tomir, saraton, diabet va surunkali nafas olish kasalliklaridan erta oʻlim darajasini 30 foizga qisqartirish;

reproduktiv salomatliksohasida, OITS, gepatit S va tuberkulyozga qarshi kurashishda keng qamrovli sogʻliqni saqlash xizmatlari koʻrsatilishini taʼminlash nazarda tutiladi.

Amaliy chora-tadbirlar majmui

2020-yildan boshlab

Sogʻliqni saqlash vazirligi, Moliya vazirligi

Mamlakatning sogʻliqni saqlash tizimi takomillashtiriladi va aholining har tomonlama sifatli sogʻliqni saqlash xizmatlari bilan qamrab olinishi taʼminlanadi

37.

Oʻzbekiston Respublikasining Sogʻliqni saqlash kodeksi loyihasini ishlab chiqish.

Bunda:

sogʻliqni saqlash sohasini davlat tomonidan tartibga solish, idoralararo hamkorlik qilish;

sogʻliqni saqlash tizimini moliyalashtirish;

sanitariya-epidemiologik nazoratnitashkil qilish;

sogʻliqni saqlash sohasida taʼlim va ilmiy faoliyat normasini belgilash nazarda tutiladi.

Kodeks loyihasi

2020-yil 1-dekabr

Sogʻliqni saqlash vazirligi, Inson huquqlari boʻyicha milliy markaz, Bandlik va mehnat munosabatlari vazirligi, Moliya vazirligi, Adliya vazirligi

Mamlakatdagi sogʻliqni saqlash va ijtimoiy xizmatlar koʻrsatish sohasining huquqiy asoslari zamonaviy xalqaro mexanizmlar asosida mustahkamlanadi

38.

“Majburiy tibbiy sugʻurta toʻgʻrisida”gi qonun loyihasini Oʻzbekiston Respublikasi Oliy Majlis Qonunchilik palatasiga kiritish.

Bunda:

majburiy tibbiy sugʻurtalashning huquqiy asoslari, mexanizmlari va joriy etish bosqichlari;

majburiy tibbiy sugʻurtalash subyektlarini, ushbu sohadagi huquqiy munosabatlarni tartibga solish boʻyicha vakolatli organni, ularning huquq va majburiyatlarini belgilash;

majburiy tibbiy sugʻurtalash dasturlarini moliyalashtirish mablagʻlarini shakllantirish manbalari nazarda tutiladi.

Qonun loyihasi

2021-yil 1-mart

Sogʻliqni saqlash vazirligi, Adliya vazirligi, Moliya vazirligi, Kasaba uyushmalari Federatsiyasi

Majburiy tibbiy sugʻurta munosabatlari huquqiy jihatdan tartibga solinadi

39.

Xodimlarning, shu jumladan, davlat xizmatchilari, tibbiyot xodimlari va pedagoglarning mehnat shartnomalarida nazarda tutilmagan, ularning mehnat huquqlarini amalga oshirishga toʻsqinlik qilayotgan mehnatning turli shakl?aridan himoya qilishningtashkiliy-huquqiy mexanizmlarinitakomillashtirish.

Normativ-huquqiy hujjat loyihasi

2020-yil 1-oktabr

Bandlik va mehnat munosabatlari vazirligi, Davlat xizmatini rivojlantirish agentligi, Oliy va oʻrta maxsus taʼlim vazirligi, Xalq taʼlimi vazirligi, Maktabgacha taʼlim vazirligi

Barcha turdagi xodimlarning mehnat huquqlari buzilishi holatlarini bartaraf etishning huquqiy mexanizmlari takomillashtiriladi

40.

Oʻzbekiston Respublikasi Mehnat kodeksining yangi tahriri loyihasini ishlab chiqish.

Bunda:

ishga qabul qilish boʻyicha qonun hujjatlarida koʻzda tutilmagan talablarni ilgari surish orqali xotin-qizlarning ish beruvchilar tomonidan kamsitilishiga yoʻl qoʻymaslik, xotin-qizlar uchun taqiqlangan kasbiy faoliyat sohalarini qisqartirish;

ayrim sohalarda yoki kasb-hunarlarda ayollar mehnatini qoʻllashni taqiqlashni bekor qilish, ayollarning sogʻligʻiga salbiy taʼsir koʻrsatishi mumkin boʻlgan tarmoqlar yoki kasblar roʻyxatini aniqlash;

ish beruvchining tashabbusi bilan xodimning pensiya yoshiga yetishi yoki qonun hujjatlariga muvofiq 60 yoshga toʻlgunga qadar yoshga doir pensiya olish huquqi yuzaga kelishi munosabati bilan muddatsiz tuzilgan mehnat shartnomasining, shuningdek, uning amal qilish muddati tugagunga qadar muddatli mehnat shartnomasining bekor qilinishini taqiqlash;

xususiy sektorda mehnatga haq toʻlash tizimini tartibga solish va takomillashtirish orqali mehnatga yarasha munosib ish haqi toʻlanishini taʼminlash;

kasanachilik bilan shugʻullanuvchi shaxslarning huquqiy maqomi bilan bogʻliq munosabatlarni tartibga solish, shuningdek, ularning mehnat sohasidagi huquqlari kafolatlarini kuchaytirish;

jamoaviy mehnat nizolaritoʻgʻrisidagi normalarni takomillashtirish nazarda tutiladi.

Kodeks loyihasi

2020-yil 1-avgust

Bandlik va mehnat munosabatlari vazirligi, Adliya vazirligi,

Mahalla va oilani qoʻllab-quvvatlash vazirligi, Kasaba uyushmalari Federatsiyasi

Mehnat munosabatlarini tartibga solish xalqaro standartlarga muvofiqlashtiriladi, Xotin-qizlarning mehnat munosabatlarida kamsitilishining oldini olish boʻyicha qonunchilik takomillashtiriladi

41.

“Mehnat migratsiyasi toʻgʻrisida”gi qonun loyihasini ishlab chiqish.

Xususan:

jamiyat, davlat va inson manfaatlariga daxldor migratsiya muammolarini hal etish, migratsiya sohasidagi munosabatlarning barqarorligini taʼminlash;

mehnat migrantlari huquqlariga oid xalqaro standartlarni milliy qonunchilikka implementatsiya qilish nazarda tutiladi.

Qonun loyihasi

2021-yil 20-aprel

Bandlik va mehnat munosabatlari vazirligi, IIV, Adliya vazirligi, TIV

Mehnat migrantlari huquqlariga oid xalqaro standartlar milliy qonunchilikka implementatsiya qilinadi

42.

Mehnat munosabatlari va mehnatni muhofaza qilishga oid qonunchilikni takomillashtirishhamda mehnat bozori infratuzilmasini rivojlantirish.

Normativ-huquqiy hujjatlar loyihalari

2020-yil

1-dekabr

Bandlik va mehnat munosabatlari vazirligi, Iqtisodiy taraqqiyot va kambagʻallikni qisqartirish vazirligi,

Adliya vazirligi

Mehnatni muhofaza qilishga oid qonunchilik takomillashtiriladi

43.

“Barcha mehnatkash-migrantlar va ularning oila aʼzolarining huquqlarini himoya qilish toʻgʻrisida”gi konvensiyani ratifikatsiya qilish masalasini oʻrganish boʻyicha chora-tadbirlar majmuini tayyorlash va amalga oshirish.

Tavsiyalar,

Chora-tadbirlar majmui

2020-yil 1-dekabr

Bandlik va mehnat munosabatlari vazirligi, TIV, IIV, Inson huquqlari boʻyicha milliy markaz, Oliy Majlisning

Inson huquqlari boʻyicha vakili, Adliya vazirligi

Mehnatkash-migrantlar va ular oila aʼzolarining huquqlarini himoya qilish masalasi har tomonlama oʻrganiladi

44.

Ijtimoiy hayotning barcha sohalarida gender tenglikni taʼminlash va zoʻravonlikning oldini olish boʻyicha takliflar ishlab chiqish.

Bunda:

2021 — 2025-yillarga moʻljallangan Oʻzbekiston Respublikasining gender tengligi strategiyasiniishlab chiqish;

BMT Xavfsizlik Kengashining 1325-rezolyutsiyasini (Ayollar, tinchlik va xavfsizlik toʻgʻrisida) bajarish boʻyicha Milliy harakat rejasini ishlab chiqish;

xotin-qizlarni ijtimoiy-iqtisodiy sohada oʻz huquq va manfaatlarini roʻyobga chiqarishda qoʻllab-quvvatlash dasturlarini kengaytirish, xotin-qizlarning huquq va imkoniyatlarini kengaytirishga koʻmaklashish uchun zamonaviy texnologiyalar, jumladan, axborot-kommunikatsiya texnologiyalaridan keng foydalanish;

oilada ayollarni zoʻravonlikdan himoya qilishning mexanizmlari va huquqiy bazasining xalqaro standartlarga toʻla muvofiqligini taʼminlash;

aholining gender tengligi boʻyicha ongini oshirish;

ijtimoiy hayotning barcha sohalarida, ayniqsa siyosiy faoliyat va qarorlar qabul qilish jarayonida gender tenglikni taʼminlash uchun samarali chora-tadbirlarni amalga oshirish nazarda tutiladi.

Normativ-huquqiy hujjat loyihasi

2021-yil 1-aprel

Oʻzbekiston Respublikasi Gender tenglikni taʼminlash masalalari boʻyicha komissiyasi,

Mahalla va oilani qoʻllab-quvvatlash vazirligi, Inson huquqlari boʻyicha milliy markaz, IIV

Barcha sohalarda gender tenglikni amalga oshirish boʻyicha tash?iliy chora-tadbirlar amalga oshiriladi, ayollarni zoʻravonlikdan himoya qilishning mexanizmlari takomillashtiriladi, shuningdek, ayollarning siyosiy faoliyat va qarorlar qabul qilish jarayonidagi ishtiroki oshiriladi

45.

Aholini ijtimoiy himoya qilish Konsepsiyasini ishlab chiqish.

Bunda:

ijtimoiy nafaqa toʻlashning mukammal tizimini joriy etish, jumladan, kam taʼminlangan oilalarga koʻmak koʻrsatish qamrovini kengaytirish;

kam taʼminlangan va daromadi past aholi qatlamini aniqlash mezonlarinibelgilash;

nafaqa tayinlashdagi mezonlarni qayta koʻrib chiqish va uni belgilashda ochiq va adolatli tizimni yaratish;

uy-joy sharoitlarini yaxshilashga muhtoj boʻlgan shaxslarga bozor tamoyillari asosida ajratilgan ipoteka krediti boʻyicha dastlabki badal va (yoki) foizlarning bir qismini qoplash uchun Davlat budjeti hisobidan subsidiyalar toʻlash tizimini takomillashtirish;

oʻzgalar parvarishiga muhtoj yakka-yolgʻiz keksalar va nogironligi boʻlgan shaxslarga “Muruvvat” va “Saxovat” uylarida statsionar sharoitda tibbiy-ijtimoiy xizmatlar koʻrsatish tizimini tubdan takomillashtirish;

ajratilayotgan ijtimoiy toʻlovlar miqdorini qayta koʻrib chiqish;

ijtimoiy taʼminot va ijtimoiy xizmatlarni bir-biriga muvofiqlashtirish;

yagona reyestr tashkil qilish orqali ijtimoiy taʼminot va ijtimoiy xizmatlarni yagona axborot kommunikatsiya tizimiga oʻtkazish;

“Mehribonlik uylari”da tarbiyalangan yoshlarning ijtimoiy moslashuvi, xususan ularni ish, uy-joy bilan taʼminlash boʻyicha alohida dastur ishlab chiqish nazarda tutiladi.

Normativ-huquqiy hujjat loyihasi

2020-yil 1-oktabr

Vazirlar Mahkamasi, Mahalla va oilani qoʻllab-quvvatlash vazirligi,

Ban?lik va mehnat munosabatlari vazirligi, Moliya vazirligi, Kasaba uyushmalari Federatsiyasi

Aholining ijtimoiy himoyaga muhtoj turli qatlamlarini xalqaro standartlarga muvofiq himoya qilinishining huquqiy mexanizmlari takomillashtiriladi

46.

“Aholi bandligi toʻgʻrisida”gi qonunni qabul qilish.

Bunda:

ish oʻrinlarini tashkil etishga doir davlat buyurtmasini shakllantirish tartibi

mahalliy mehnat organlariga murojaat etgan ish qidirayotgan shaxslarga va ishsiz shaxslarga koʻrsatiladigan xizmatlar turlari;

aholining ijtimoiy ehtiyojmand toifalarini ishga joylashtirish boʻyicha qoʻshimcha kafolatlar;

haq toʻlanadigan jamoat ishlarinitashkil etish;

ish qidirayotgan shaxslarni hamda ishsiz shaxslarni kasbga tayyorlash, qayta tayyorlash va ularning malakasini oshirishnazarda tutiladi.

Qonun loyihasi, amaliy chora-tadbirlar majmui

2020-yil 1-avgust

Oliy Majlis palatalari (kelishuv asosida),

Bandlik va mehnat munosabatlari vazirligi,

Qoraqalpogʻiston Respublikasi Vazirlar Kengashi,

viloyatlar va Toshkent shahar hokimliklari,

vazirlik va idoralar

Aholini ish bilan taʼminlash sohasi va bandlikka koʻmaklashish markazlari faoliyati takomillashtiriladi

47.

“Oʻzbekiston yoshlari — 2025” Konsepsiyasi loyihasini ishlab chiqish.

Bunda Oʻzbekiston Respublikasida yoshlarga oid davlat siyosatini amalga oshirishning yangicha va xalqaro standartlarga mos mexanizmlarini yaratish nazarda tutiladi.

Normativ-huquqiy hujjat loyihasi

2020-yil 1-avgust

Yoshlar ittifoqi, Sogʻliqni saqlash vazirligi, Bandlik va mehnat munosabatlari vazirligi, Mahalla va oilani qoʻllab-quvvatlash vazirligi, Kasaba uyushmalari Federatsiyasi

Yoshlarga oid davlat siyosatini amalga oshirishda xalqaro standartlarga mos mexanizmlar yaratiladi

48.

“Ijtimoiy sugʻurta toʻgʻrisida”gi qonun loyihasini ishlab chiqish.

Bunda:

ijtimoiy sugʻurta tushunchasi, uning turlari va amalga oshirish shartlari;

sugʻurtalangan shaxslarning huquq va majburiyatlari;

nogironlik, dafn marosimi, boquvchisini yoʻqotganlik boʻyicha nafaqalar, ish paytida mayib boʻlganlik uchun tovon puli kabi toʻlovlarni amalga oshirishva ularning miqdorini aniqlash tartibi nazarda tutiladi.

Qonun loyihasi

2023 yil 1 yanvar

Moliya vazirligi, Vazirlar Mahkamasi, Bandlik va mehnat munosabatlari vazirligi, Sogʻliqni saqlash vazirligi, Budjetdan tashqari pensiya jamgʻarmasi,

Kasaba uyushmalari Federatsiyasi

Ijtimoiy sugʻurta munosabatlari huquqiy jihatdan tartibga solinadi

49.

2030-yilgacha Oʻzbekiston Respublikasi maktabgacha taʼlim tizimini rivojlantirish konsepsiyasini amalga oshirish ustidan taʼsirchan parlament, deputatlik va jamoatchilik nazoratini taʼminlash.

Amaliy chora-tadbirlar majmui

2020-yil 1-iyuldan boshlab

Oliy Majlis palatalari (kelishuv asosida), Maktabgacha taʼlim vazirligi, Mahalla va oilani qoʻllab-quvvatlash vazirligi,Yoshlar ittifoqi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari

Konsepsiyada belgilangan vazifalarni toʻliq amalga oshirilishi ustidan taʼsirchan parlament nazorati oʻrnatiladi

50.

Har tomonlama adolatli va sifatli taʼlimni taʼminlash maqsadida “Taʼlim toʻgʻrisida”gi qonunning yangi tahririni qabul qilish.

Bunda ayollar va erkaklar uchun sifatli oʻrta maxsus, oliy, kasbiy va qoʻshimcha taʼlim olish, shuningdek, nogironligi boʻlgan shaxslar uchun barcha darajadagi taʼlim va kasbiy-texnik tayyorgarlikdanteng foydalanish imkoniyatini taʼminlash nazarda tutiladi.

Qonun loyihasi, amaliy chora-tadbirlar majmui

2020-yil 1-avgust

Oliy Majlis palatalari (kelishuv asosida),

Vazirlar Mahkamasi, Oliy va oʻrta maxsus taʼlim vazirligi, Xalq taʼlimi vazirligi, Moliya vazirligi, Adliya vazirligi

Ijtimoiy zaif qatlamning taʼlim olishi kafolatlarining huquqiy asoslari yaratiladi

51.

Ichimlik suvi taʼminoti va kanalizatsiya tizimini 2030-yilgacha rivojlantirish konsepsiyasini ishlab chiqish va amalga oshirish.

Bunda:

ichimlik suvini yetkazib berish sifati va xavfsizligini taʼminlash, kafolatlangan manbalardan foydalanish, zamonaviy texnika va texnologiyalarni tatbiq etish;

2030-yilgacha shahar aholisini ichimlik suvi bilan taʼminlanganlik darajasini 98 foizga va qishloq aholi punktlarini ichimlik suv bila? taʼm?nlanganlik darajasini 85 foizga yetkazish;

oqava suv inshootlarini qurish, rekonstruksiya qilish va modernizatsiya qilishga oid choralarni ishlab chiqish;

2030-yilgacha shahar markazlarida oqava xizmatlar taʼminotini 31 foizga yetkazish;

mavjud yer osti va yer usti suv manbalaridan oqilona foydalanish hamda oqava suvlarni sifatli tozalashga qaratilgan aniq choralar nazarda tutiladi.

Konsepsiya loyihasi, amaliy chora-tadbirlar majmui

2020-yil 1-sentabr

Uy-joy kommunal xizmat koʻrsatish vazirligi,

Iqtisodiy taraqqiyot va kambagʻallikni qisqartirish vazirligi, Moliya vazirligi, Davlat geologiya va mineral resurslar qoʻmitasi, Investitsiyalar va tashqi savdo vazirligi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari

Aholini toza ichimlik suvi bilan taʼminlash sharoitlari yaxshilanadi

52.

Shahar va aholi punktlarining ochiqligi, xavfsizligi va ekologik barqarorligini taʼminlash boʻyicha mintaqaviy dasturlarni amalga oshirish.

Bunda:

arzon uy-joylar va kommunal xizmat koʻrsatish, xavfsiz, arzon va ekologik barqaror transport xizmatlaridan foydalanishni taʼminlash;

aholining urbanizatsiya koʻrsatkichlarining izchil oʻsishini taʼminlash, respublikamiz shaharlarini dunyoning zamonaviy rivojlangan megapolislari modeli asosida, ularning tarixiy takrorlanmasligi, shuningdek turistik jozibadorligini saqlagan holda rivojlantirish, “aqlli va xavfsiz shaharlar” konsepsiyasini ishlab chiqish;

madaniy va tabiiy meros obyektlarini himoya qilish va asrab-avaylash borasidagi saʼy-harakatlarni faollashtirish;

tijorat va boshqa tashkilotlarning ekologiya va sanitariya normalariga rioya qilishini taʼminlash;

shahar va boshqa aholi punktlarida nogironligi boʻlgan shaxslar dam olishi uchun zarur shart-sharoitlarni yaratish, bolalar uchun yashil hududlar, dam olish bogʻlari, oʻyin maydonchalarini kengaytirish nazarda tutiladi.

Aholi punktlarini kompleks va barqaror rivojlantirish va ularni boshqarishning mintaqaviy dasturlari,

amaliy chora-tadbirlar majmui

2020-yil

1-noyabrdan boshlab

Iqtisodiy taraqqiyot va kambagʻallikni qisqartirish vazirligi,

Uy-joy kommunal xizmat koʻrsatish vazirligi, Qurilish vazirligi,

Ekologiya va atrof-muhitni muhofaza qilish davlat qoʻmitasi, Sogʻliqni saqlash vazirligi, Mahalla va oilani qoʻllab-quvvatlash vazirligi,Yoshlar ittifoqi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari

Urbanizatsiya darajasi oshiriladi, shahar va aholi punktlarida xavfsizlik va ekologik barqarorlik taʼminlanadi

53.

Oʻzbekiston Respublikasi Uy-joy kodeksining yangi tahriri loyihasini ishlab chiqish.

Bunda:

uy-joy sohasidagi davlat boshqaruvini qayta koʻrib chiqish, uy-joy siyosatini tartibga solishning samarali mexanizmlarini joriy etish;

davlat va jamoat ehtiyojlaridan kelib chiqqan holda qurilish, rekonstruksiya qilish va buzish ishlarini amalga oshirish tartibini yanada takomillashtirish;

jismoniy va yuridik shaxslarning uy-joydan foydalanishda qonunchilik va normativ hujjatlarga rioya etishdagi masʼuliyatini oshirish;

uy-joy obyektlarini qurishga tadbirkorlik subyektlarini keng jalb qilishni ragʻbatlantiruvchi mexanizmlar nazarda tutiladi.

Kodeks loyihasi, amaliy chora-tadbirlar majmui

2020-yil 1-dekabr

Uy-joy kommunal xizmat koʻrsatish vazirligi,

Adliya vazirligi,

Iqtisodiy taraqqiyot va kambagʻallikni qisqartirish vazirligi,

“Davergeodezkadastr” qoʻmitasi,

Moliya vazirligi, Qurilish vazirligi, Qoraqalpogʻiston Respublikasi Vazirlar Kengashi, viloyatlar hokimliklari

Uy-joy siyosatini tartibga solishning samarali mexanizmlari joriy etiladi, davlat va jamoat ehtiyojlaridan kelib chiqqan holda qurilish, rekonstruksiya qilish va buzish ishlarini amalga oshirish tartibi takomillashtiriladi

54.

Oʻzbekiston Respublikasining Ekologiya kodeksi loyihasini ishlab chiqish.

Bunda:

ekologiyaga oid qonunchilik bazasini tizimlashtirish;

atrof-muhitni muhofaza qilish boʻyicha vakolatli davlat organining faoliyati ustidan parlament va jamoatchilik nazoratini amalga oshirish;

atrof-muhitni muhofaza qilishda fuqarolar va jamoat birlashmalarining huquq hamda majburiyatlari;

ekologik nazorat va monitoring turlari hamda ularni amalga oshirish tarti??;

ekologik ekspertizani amalga oshirish tartibi;

oʻsimlik va hayvonot dunyosidan foydalanishga qoʻyiladigan talablar nazarda tutiladi.

Kodeks loyihasi va amaliy chora-tadbirlar majmui

2020-yil

1-oktabr

Ekologiya va atrof-muhitni muhofaza qilish davlat qoʻmitasi, Adliya vazirligi, Oʻrmon xoʻjaligi davlat qoʻmitasi, Sogʻliqni saqlash vazirligi, Suv xoʻjaligi vazirligi, IIV, Sanoat xavfsizligi davlat qoʻmitasi, “Davergeodezkadastr” qoʻmitasi

Xorijiy tajribani inobatga olgan holda ekologiyaga oid qonunchilik normalari unifikatsiya qilinadi,aholining ekologik xavfsizligini taʼminlash boʻyicha kompleks chora-tadbirlar amalga oshiriladi

III. Inson huquqlari sohasidagi xalqaro standartlarni qonunchilikka va huquqni qoʻllash amaliyotiga implementatsiya qilish hamda monitoring qilish mexanizmlarini takomillashtirish boʻyicha ustuvor yoʻnalishlar

55.

Oʻzbekiston Respublikasi tomonidan ratifikatsiya qilingan xalqaro hujjatlarning mazmuni toʻgʻrisida aholi hamda davlat hokimiyati va boshqaruvi organlari vakillarining xabardorligini oshirish boʻyicha axborot-taʼlim tizimini takomillashtirish.

Normativ-huquqiy hujjat loyihasi va amaliy chora-tadbirlar majmui

2020-yil 1-iyuldan boshlab

TIV, Inson huquqlari boʻyicha milliy markaz, Adliya vazirligi, Oliy Majlisning

Inson huquqlari boʻyicha vakili, IIV, Bosh prokuratura

Aholining inson huquqlari boʻyicha xalqaro shartnomalar boʻyicha tizimli xabardor qilish mexanizmi joriy qilinadi

56.

Oʻzbekiston Respublikasining Maʼmuriy javobgarlik toʻgʻrisidagi kodeksining yangi tahririni ishlab chiqish.

Bunda:

maʼmuriy huquqbuzarliklar toʻgʻrisidagi ishlarni koʻrishning protsessual tartibini takomillashtirish;

maʼmuriy huquqbuzarliklar toʻgʻrisidagi ishlarni yuritish tizimiga zamonaviy axborot-kommunikatsiya texnologiyalarini keng joriy qilish (elektron bayonnoma, elektron maʼmuriy ish va boshqalar);

jabrlanuvchi arizasiga asosan yuritiladigan maʼmuriy huquqbuzarliklarga oid ishlarni tugatish tartibini joriy qilish;

maʼmuriy jazo choralari tizimini liberallashtirish;

jarima jazosini ixtiyoriy ijro etishni ragʻbatlantirishning differensial tartibini joriy etish;

maʼmuriy javobgarlikka tortishga vakolatli boʻlgan organlar va mansabdor shaxslar toifasini maqbullashtirish nazarda tutiladi.

Kodeks loyihasi

2021-yil 20-yanvar

Adliya vazirligi, Oliy sud, Bosh prokuratura, IIV

Maʼmuriy huquqbuzarliklar boʻyicha ish yuritishning protsessual tartibi takomillashtiriladi, jumladan, protsess ishtirokchilarining huquq va majburiyatlari, maʼmuriy huquqbuzarlik toʻgʻrisidagi bayonnoma tuzishga vakolatli boʻlgan organlar va mansabdor shaxslarning toifasi maqbullashtiriladi

57.

Jamoatchilik nazoratini yanada kuchaytirish, davlat va jamiyat oʻrtasida oʻzaro yaqin hamkorlik oʻrnatish maqsadida “Oʻzbekiston Respublikasi Prezidenti huzuridagi Jamoatchilik palatasi toʻgʻrisida”gi qonun loyihasini ishlab chiqish.

Bunda Jamoatchilik palatasining:

faoliyatining huquqiy asoslari;

maqsad va vazifalari, huquq, majburiyatlari va funksiyalari;

tarkibini shakllantirish tartibi;

aʼzosi maqomi, faoliyati kafolatlari, huquq va majburiyatlari, shuningdek, ular vakolatini toʻxtatish va tugatish tartibi;

davlat organlari bilan oʻzaro hamkorligi;

faoliyatini moliyaviy va moddiy-texnik jihatdan taʼminlashtartibi nazarda tutiladi.

Qonun loyihasi

2020-yil 1-avgust

Jamoatchilik palatasi, Adliya vazirligi, Inson huquqlari boʻyicha milliy markaz,

fuqarolik jamiyati institutlari

Jamoatchilik palatasi faoliyatining huquqiy asoslari qonun orqali belgilanadi, jamoatchilik nazoratining aniq mexanizmi mustahkamlanadi

58.

Qiynoqlarning oldini olish boʻyicha institutsional mexanizmlarni takomillashtirish.

Bunda:

Oʻzbekiston Respublikasi Qiynoqning oldini olish qoʻmitasi faoliyatini samarali tashkil etish boʻyicha takliflar ishlab chiqish;

BMTning Qiynoqlarga qarshi konvensiyasiningFakultativ protokoliga qoʻshilish masalasini koʻrib chiqish.

Chora-tadbirlar majmui

2020-yil 20-dekabr

Bosh prokuratura, IIV, Inson huquqlari boʻyicha milliy markaz, TIV, Adliya vazirligi, Oliy Majlisning

Inson huquqlari boʻyicha vakili

Qiynoqlarning oldini olishning huquqiy asoslari takomillashtiriladi va borada qatʼiy nazorat oʻrnatiladi

59.

Ozodlikdan mahrum qilish joylarida jazo muddatini oʻtayotgan shaxslarhuquqlarini himoya qilishning tashkiliy-huquqiy mexanizmlarini takomillashtirish, shu jumladan, penitensiar muassasalar xodimlarini muntazam oʻqitishni tashkil etish, mahkumlar huquqlariga bagʻishlangan oʻquv qoʻllanmalarini tayyorlash va chop etish.

Chora-tadbirlar majmui

2021-yil

1-yanvardan boshlab

Inson huquqlari boʻyicha milliy markaz, IIV, Adliya vazirligi, Oliy Majlisning

Inson huquqlari boʻyicha vakili

Ozodlikdan mahrum qilish joylarida jazo muddatini oʻtayotgan shaxslar huquqlarini himoya qilishning tashkiliy-huquqiy mexanizmlari takomillashtiriladi

60.

Oʻzbekiston Respublikasi Jinoyat-ijroiya kodeksining yangi tahririni ishlab chiqish.

Bunda:

inson huquqlari boʻyicha xalqaro standartlarga mos ravishda mahkumlar huquqlari doirasini yanada kengaytirish;

mahkumlarning huquqlari, erkinliklari va qonuniy manfaatlari himoyasini kuchaytirish, shu jumladan, tintuv jarayonida jismoniy kuch va maxsus vositalar asossiz qoʻllanilishiga yoʻl qoʻymaslik;

jazoni ijro etish muassasalarida mahkumlarning shaxsiy xavfsizligini taʼminlash boʻyicha aniq chora-tadbirlarni belgilash;

ozodlikdan mahrum etishga hukm qilingan shaxslarning ish haqidan davlat ijtimoiy sugʻurtasiga ajratmalar oʻtkazishga boʻlgan cheklovni bekor qilish orqali davlat pensiya taʼminoti kafolatini kuchaytirish;

mahkumlarni oliy va oʻrta maxsus taʼlim muassasalarida masofaviy oʻqitish shaklini joriy etish orqali ularning taʼlim olishga boʻlgan huquqlarini taʼminlash;

mahkumlarga uchrashuv berish va almashtirishning adolatli hamda shaffof tartibi va talablarini belgilash nazarda tutiladi.

Kodeks loyihasi

2020-yil 1-oktabr

Bosh prokuratura, Oliy sud, IIV, Adliya vazirligi

Jinoiy jazoni ijro etishda xalqaro standartlarga tayangan holda mahkumlarning huquqlari doirasi kengaytiriladi

61.

Bola huquqlari boʻyicha xalqaro standartlar normalarini implementatsiya qilish va mazkur sohada qonunchilik ijrosini taʼminlash boʻyicha taʼsirchan parlament, deputatlik va jamoatchilik nazoratini amalga oshirishga qaratilgan chora-tadbirlar majmuini ishlab chiqish va amalga oshirish.

Chora-tadbirlar majmui

2020-yil

1-noyabr

Oliy Majlis palatalari (kelishuv asosida), Bola huquqlari boʻyicha vakil, Xalq taʼlimi vazirligi, Maktabgacha taʼlim vazirligi, Sogʻliqni saqlash vazirligi, Mahalla va oilani qoʻllab-quvvatlash vazirligi

Bola huquqlari boʻyicha xalqaro standartlar milliy qonunchilik va huquqiy amaliyotga implementatsiya qilinadi

62.

Bolalarga nisbatan ota-onalik huquqining suiisteʼmol qilinishi va ularga gʻamxoʻrlik qilmaslik holatlarini aniqlash, ota-onalarga maslahat-metodik yordam koʻrsatishning samarali tizimini yaratish.

Bunda:

bolalarga qarshi zoʻravonlikning oldini olishga qaratilgan chora-tadbirlar majmuini ishlab chiqish;

bolalarga nisbatan ota-onalik huquqini suiiste?mol qilish holatlarini aniqlash boʻyicha oʻquv muassasalarida tushuntirish-tashviqot tadbirlarini amalga oshirish;

bolalarga nisbatan ota-onalik huquqini suiisteʼmol qilish holatlarini aniqlash boʻyicha pedagogik va tibbiy xodimlarning malakasini oshirish nazarda tutiladi.

Chora-tadbirlar majmui,

Axloq kodeksi loyihasi

2020-yil 1-dekabr

Bola huquqlari boʻyicha vakil,Bosh prokuratura, IIV, Adliya vazirligi,Mahalla va oilani qoʻllab-quvvatlash vazirligi

Bolalarga nisbatan ota-onalik huquqining suiisteʼmol qilinishi va ularga gʻamxoʻrlik qilmaslik holatlari aniqlanadi,

maslahat-metodik yordam koʻrsatishning yangi tizimi yaratiladi

63.

“Nogironligi boʻlgan shaxslarning huquqlari toʻgʻrisida”gi qonunni qabul qilish.

Qonun loyihasi

2020-yil 1-sentabr

Oliy Majlis palatalari (kelishuv asosida), Vazirlar Mahkamasi, Sogʻliqni saqlash vazirligi, Inson huquqlari boʻyicha milliy markaz, Bandlik va mehnat munosabatlari vazirligi, Moliya vazirligi, Adliya vazirligi

Nogironligi boʻlgan shaxslar huquqlarini taʼminlash sohasidagi umumeʼtirof etilgan xalqaro norma va standartlar milliy qonunchilikka implementatsiya qilinadi

IV. Inson huquqlari sohasida huquqiy savodxonlikni oshirish, jumladan bu borada axborot tarqatish, taʼlim berish faoliyatini samarali tashkil etish boʻyicha ustuvor yoʻnalishlar

64.

Jamiyatda huquqiy tarbiya, huquqiy madaniyat va inson huquqlari madaniyatini yuksaltirishga qaratilgan chora-tadbirlar majmuini ishlab chiqish va amalga oshirish.

Bunda:

Oʻzbekiston Respublikasi Konstitutsiyasini tizimli oʻrganishning samarali mexanizmlarini joriy qilish;

inson huquq va erkinliklarini himoya qilish boʻyicha metodik yordam koʻrsatuvchi va resurs markazlari vazifasini bajaruvchi “inson huquqlari masalalari boʻyicha maʼrifat uylari”ni tashkil etish;

inson huquqlari boʻyicha maqsadli mavzularni maktabgacha, umumiy oʻrta va oliy taʼlim muassasalarining tegishli oʻquv dasturlariga, shuningdek, malaka oshirish kurslarining dasturlariga kiritish nazarda tutiladi.

Chora-tadbirlar majmui

2020-yildan boshlab

Adliya vazirligi, Oliy va oʻrta maxsus taʼlim vazirligi, Xalq taʼlimi vazirligi, ?aktabgacha taʼlim vazirligi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari

Jamiyatda huquqiy tarbiya, huquqiy madaniyat va inson huquqlari madaniyatini yuksaltiriladi

65.

Bola huquqlarini taʼminlash va taʼlim-tarbiyani rivojlantirish sohasida chora-tadbirlar majmuini amalga oshirish.

Bunda:

taʼlimning barcha darajalarida bola huquqlari sohasidagi oʻquv faoliyati samaradorligini oshirish;

bolaning huquq va manfaatlarini himoya qilish usullari va shakllarinitakomillashtirishnazarda tutiladi.

Amaliy chora-tadbirlar majmui

2020-yil 1-iyuldan boshlab

Bola huquqlari boʻyicha vakil, Xalq taʼlimi vazirligi, Maktabgacha taʼlim vazirligi, Inson huquqlari boʻyicha milliy markaz, Adliya vazirligi, IIV

Taʼlim muassasalarida bola huquqlarini oʻqitish tartibi joriy etiladi

66.

Xalqaro hamkorlar koʻmagida TDYU, JIDU, Bosh prokuratura akademiyasida “Inson huquqlariga oid xalqaro huquq” mutaxassisligi boʻyicha qoʻshma magistratura yoʻnalishini (konsorsium) joriy qilish.

Ijrochilarning qoʻshma qarorlari

2021/

2022 oʻquv yilidan boshlab

Inson huquqlari boʻyicha milliy markaz, TIV, Adliya vazirligi, Bosh prokuratura

“Inson huquqlariga oid xalqaro huquq” mutaxassisligi boʻyicha magistratura yoʻnalishi joriy etiladi

67.

Xalqaro inson huquqlari kuni topshiriladigan “Inson huquqlari himoyasi uchun” koʻkrak nishonini taʼsis etish.

Normativ-huquqiy hujjat loyihasi

2020-yil 1-sentabr

Vazirlar Mahkamasi, Inson huquqlari boʻyicha milliy markaz, Moliya vazirligi

Inson huquqlarini taʼminlash sohasida faol ishtirok etayotgan shaxslarni ragʻbatlantirishning huquqiy asoslari yaratiladi

68.

Davlat oliy taʼlim muassasalari, kadrlar malakasini oshirish va ularni qayta tayyorlashga ixtisoslashtirilgan muassasalari (universitet, institut, markaz, fakultet, kurslar), shuningdek, umumiy oʻrta taʼlim, oʻrta maxsus, kasb-hunar taʼlimi muassasalarida “Inson huquqlari”, “Ayollar huquqlari” va “Bola huquqlari”ga oid oʻquv kurslari (darsliklari)ni joriy etish boʻyicha takliflar ishlab chiqish.

Chora-tadbirlar majmui

2020-yil

1-oktabr

Inson huquqlari boʻyicha milliy markaz, TDYU, JIDU, Oliy va oʻrta maxsus taʼlim vazirligi

Inson huquqlariga bagʻishlangan adabiyotlar chop etiladi

69.

Ilmiy faoliyat boʻyicha davlat dasturlari doirasida inson huquqlarini himoya qilishga oid dolzarb tadqiqot mavzularga bagʻishlangan ilmiy loyihalar va innovatsion ishlanmalar tanlovini oʻtkazish boʻyicha takliflarni ishlab chiqish.

Bunda:

inson huquqlari sohasida ilmiy tadqiqotlarni ixtisoslashtirish, salmogʻi va sifatini yaxshilash, inson huquqlari ixtisoslig? boʻyicha ilmiy va ilmiy pedagogik kadrlar tayyorlash maqsadida alohida tarmoqlararo “Inson huquqlari” ixtisoslik shifrini kiritish;

inson huquqlari boʻyicha Oʻzbekiston Respublikasi Milliy markazi huzuridagi Ilmiy-muvofiqlashtiruvchi kengash faoliyatini takomillashtirib, “Inson huquqlari” boʻyicha fan doktori (DSc) va falsafa doktori (PhD) ilmiy darajalarini olish uchun ilmiy kengash faoliyatini yoʻlga qoʻyish nazarda tutiladi.

Chora-tadbirlar majmui

2020-yildan boshlab

Inson huquqlari boʻyicha milliy markaz, Innovatsion rivojlanish vazirligi, OAK

Inson huquqlari sohasida ilmiy tadqiqotlarni amalga oshirish tartibi takomillashtiriladi

70.

Fuqarolik va axborot jamiyati rivojlanishining eng muhim omillaridan biri sifatida maʼlumot olish imkoniyatlarini tizimlashtirish, axborot makonida inson huquqlarining erkinligini himoya qilish, kiberxavfsizlik, media madaniyat va onlayn gigiyenaga rioya qilishni taʼminlash maqsadida Oʻzbekiston Respublikasining Axborot kodeksi loyihasini ishlab chiqish.

Kodeks loyihasi

2022-yil 20-yanvar

Axborot va ommaviy kommunikatsiyalar agentligi, Oʻzbekiston milliy axborot agentligi, DXX, Axborot texnologiyalari va kommunikatsiyalarini rivojlantirish vazirligi

Mamlakatda axborot xavfsizligi, fuqarolarning maʼlumot olish huquqlariga oid qonunlar umumlashtiriladi

V. Inson huquqlarini himoya qilish sohasidagi xalqaro va mintaqaviy tuzilmalar, xorijiy mamlakatlarning inson huquqlari boʻyicha milliy institutlari bilan hamkorlikni rivojlantirish boʻyicha ustuvor yoʻnalishlar

71.

BMTning barqaror rivojlanish maqsadlarini amalga oshirish masalasida xorijiy davlatlar, shuningdek inson huquqlari boʻyicha BMT, Yevropa Ittifoqi, YEXHT organlari va tuzilmalari bilan ikki tomonlama hamda koʻp tomonlama hamkorlikni yanada rivojlantirish, ular bilan hamkorlik toʻgʻrisidagi memorandum va bitimlar tuzish, bu sohada fuqarolik jamiyati institutlari bilan hamkorlik qilish.

Amaliy chora-tadbirlar majmui

2020 — 2025-yillar

Iqtisodiy taraqqiyotva kambagʻallikni qisqartirish vazirligi, Inson huquqlari boʻyicha milliy markaz, vazirlik va idoralar, Jamoatchilik palatasi

BMTning Barqaror rivojlanish maqsadlarini amalga oshirishda xalqaro hamkorlik rivojlantiriladi

72.

Inson huquqlari boʻyicha xalqaro shartnomalarga, shu jumladan, bolalar, ayollar, nogironligi boʻlgan shaxslar, migrantlar va keksalar huquqlarini himoya qilish sohasidagi xalqaro shartnomalargaOʻzbekiston Respublikasining qoʻshilishi yuzasidan aniq takliflar ishlab chiqish hamda inson huquqlari sohasida xalqaro hamkorlikning shartnomaviy-huquqiy bazasini kengaytirish.

Amaliy chora-tadbirlar majmui

2020 — 2025-yillar

Inson huquqlari boʻyicha milliy markaz, TIV, Oliy sud, Bosh prokuratura, Adliya vazirligi, IIV, Bandlik va mehnat munosabatlari vazirligi, Oliy Majlisning

Inson huquqlari boʻyicha vakili, Biznes ombudsman

Xalqaro shartnomalarga qoʻshilish orqali milliy qonunchiligimiz xalqaro standartlar asosida takomillashtiriladi

73.

Oʻzbekistonning inson huquqlarini taʼminlash boʻyicha quyidagi xalqaro shartnomalarga qoʻshilishi masalasini koʻrib chiqish:

Yevropa Kengashining Jinoiy faoliyatdan va terrorizmni moliyalashdan olingan daromadlarni aniqlash, olib qoʻyish, musodara qilish toʻgʻrisidagi konvensiyasi (Varshava, 2005-yil 16-may);

Xalqaro Mehnat Tashkilotining 156-sonli “Erkak va ayol xodimlarga: oilaviy majburiyatlarga ega ishchilarga teng munosabat va teng imkoniyatlar toʻgʻrisida”gi konvensiyasi;

Xalqaro Mehnat Tashkilotining 183-sonli “1952-yilga Onalikni muhofaza qilish toʻgʻrisidagi konvensiyani qayta koʻrib chiqish haqida”gi konvensiyasi;

Xalqaro Mehnat Tashkilotining 17-sonli “Mehnatkashlarga ishlab chiqarish davomida baxtsiz holatlar uchun zararni qoplash toʻgʻrisida”gi konvensiyasi;

Xalqaro Mehnat Tashkilotining 187-sonli “Mehnat xavfsizligi va gigiyenasini taʼminlash asoslari toʻgʻrisida”gi konvensiyasi;

Xalqaro Mehnat Tashkilotining 97-sonli “Mehnatkash-migrantlar toʻgʻrisida”gi konvensiyasi;

Xalqaro Mehnat Tashkilotining 132-sonli “Haq toʻlanadigan taʼtillar (1970-yilda qayta koʻrib chiqilgan) toʻgʻrisida”gi konvensiyasi.

Chora-tadbirlar majmui

2020 — 2025-yillar

Bosh prokuratura, TIV, Adliya vazirligi, IIV, Bandlik va mehnat munosabatlari vazirligi, Kasaba uyushmalari Federatsiyasi

Xalqaro shartnomalar ratifikatsiya qilish masalalari koʻrib chiqiladi va milliy qonunchilik ular asosida takomillashtiriladi

74.

“Yoshlar huquqlari toʻgʻrisida”gi konvensiya loyihasining BMT tomonidan qabul qilinishmasalasini xalqaro hamkorlar bilan birgalikda ilgari surishga oid chora-tadbirlar majmuini amalga oshirish.

Konvensiya loyihasi,

amaliy chora-tadbirlar majmui

2020 — 2025-yillar

Inson huquqlari boʻyicha milliy markaz, Vazirlar Mahkamasi, TIV, vazirlik va idoralar

“Yoshlar huquqlari toʻgʻrisida”gi konvensiya loyihasi BMT doirasida muhokama qilinishi taʼminlanadi

75.

Inson huquqlari va erkinliklari masalasiga doir Oʻzbekiston milliy maʼruzalarini koʻrib chiqish yakunlari boʻyicha yakuniy mulohazalar va tavsiyalarni amalga oshirish uslublarini shartnomaviy organlar va Inson huquqlari boʻyicha Oliy komissar boshqarmasi bilan muntazam maslahatlashib turish.

Bunda:

BMTning inson huquqlari boʻyicha Kengashi maxsus maʼruzachilari institutlari bilan maqsadli ishlarni tashkil etish;

inson huquq va erkinliklarini roʻyobga chiqarish sohasida ilgʻor xorijiy tajribani Oʻzbekiston sharoitida implementatsiya qilish boʻyicha takliflar ishlab chiqish amaliyotini kengaytirish nazarda tutiladi.

Amaliy chora-tadbirlar majmui

2020-yil

1-iyuldan boshlab

Inson huquqlari boʻyicha milliy markaz, TIV, Oliy sud, Bosh prokuratura, Adliya vazirligi, IIV, Oliy Majlisning

Inson huquqlari boʻyicha vakili, Advokatlar palatasi, fuqarolik jamiyati institutlari

Inson huquqlari va erkinliklari masalasiga doir ?av?iyalar?i amalga oshirish mexanizmlari yanada takomillashtiriladi

76.

Har ikki yilda bir marotaba Inson huquqlari boʻyicha Samarqand forumini yuqori tashkiliy darajada oʻtkazish.

Normativ-huquqiy hujjatlar loyihalari

2020-yildan boshlab doimiy asosda

Inson huquqlari boʻyicha milliy markaz, TIV, Moliya vazirligi, Samarqand viloyati hokimligi

Inson huquqlari boʻyicha xalqaro hamkorlik uchun yangi muzokara maydoni yaratiladi

77.

Barqaror rivojlanish maqsadlarini roʻyobga chiqarish boʻyicha global hamkorlikni mustahkamlash va faollashtirish, ijtimoiy-iqtisodiy rivojlanish dasturlarini amalga oshirish uchun tashqi manbalardan qoʻshimcha moliyaviy resurslarni safarbar etish masalasini koʻrib chiqish.

Amaliy chora-tadbirlar majmui

2020 — 2025-yillar

Investitsiyalar va tashqi savdo vazirligi, Iqtisodiy taraqqiyot va kambagʻallikni qisqartirish vazirligi

Barqaror rivojlanish maqsadlarini amalga oshirish boʻyicha xorijiy hamkorlarning moliyaviy resurslarni jalb qilish masalasi koʻrib chiqiladi

78.

Inson huquqlarini himoya qilishga taalluqli sifat va miqdor koʻrsatkichlari boʻyicha maʼlumotlarni toʻplashga oid xalqaro talablarni hisobga olgan holda, davlat va nodavlat axborot yigʻish statistik tizimini takomillashtirish.

Bunda:

maʼlumo?larni yigʻish tizimini BMT Barqaror rivojlanish maqsadlariga erishishda hech kim chetda qolmasligiga alohida ahamiyat bergan holda ishlab chiqish va joriy qilish;

inson huquqlarini himoya qilish bilan bogʻliq sud statistikasini yanada takomillashtirish maqsadida bu borada yetarli amaliy tajriba hamda koʻnikmalarga ega boʻlgan xorijiy ekspertlarni jalb qilib, sud statistikasi bilan shugʻullanadigan xodimlarning malakasini oshirish nazarda tutiladi.

Amaliy chora-tadbirlar majmui

2020-2021-yillar

Inson huquqlari boʻyicha milliy markaz, Bosh prokuratura,Davlat statistika qoʻmitasi, Oliy sud, IIV, Sogʻliqni saqlash vazirligi, Bandlik va mehnat munosabatlari vazirligi, Oliy va oʻrta maxsus taʼlim vazirligi,

“Davergeodezkadastr” qoʻmitasi, Uy-joy kommunal xizmat koʻrsatish vazirligi, Ekologiya va atrof-muhitni muhofaza qilish davlat qoʻmitasi, Oliy Majlisning

Inson huquqlari boʻyicha vakili

Xalqaro standartlarga muvofiq statistik maʼlumotlarni toʻplash tizimi takomillashtiriladi