Oʻzbekiston Respublikasi Prezidentining “Oʻzbekiston Respublikasi Vazirlar Mahkamasining ijro etuvchi tuzilmasini takomillashtirishga doir qoʻshimcha chora-tadbirlar toʻgʻrisida” 2020-yil 22-yanvardagi PQ-4569-son hamda “Oʻzbekiston Respublikasi Vazirlar Mahkamasining faoliyatini takomillashtirishga oid qoʻshimcha chora-tadbirlar toʻgʻrisida” 2020-yil 24-fevraldagi PQ-4612-son qarorlari ijrosini taʼminlash yuzasidan Vazirlar Mahkamasi qaror qiladi:

1. Quyidagilar:

Oʻzbekiston Respublikasi Vazirlar Mahkamasi apparatining Xoʻjalik faoliyati boshqarmasi toʻgʻrisidagi nizom 1-ilovaga muvofiq;

Oʻzbekiston Respublikasi Vazirlar Mahkamasi apparati Xoʻjalik faoliyati boshqarmasi Hukumat uyidan foydalanish boshqarmasining ustavi 2-ilovaga muvofiq;

Oʻzbekiston Respublikasi Vazirlar Mahkamasi apparati Xoʻjalik faoliyati boshqarmasi Avtoxoʻjaligining ustavi 3-ilovaga muvofiq;

Oʻzbekiston Respublikasi Vazirlar Mahkamasi apparati Xoʻjalik faoliyati boshqarmasi Xoʻjalik hisobidagi oshxonasining ustavi 4-ilovaga muvofiq;

Oʻzbekiston Respublikasi Vazirlar Mahkamasi apparati Xoʻjalik faoliyati boshqarmasi Bosmaxonasining ustavi 5-ilovaga muvofiq;

Oʻzbekiston Respublikasi Vazirlar Mahkamasi apparati Xoʻjalik faoliyati boshqarmasi “Semurgʻ” bolalar sogʻlomlashtirish oromgohining ustavi 6-ilovaga muvofiq tasdiqlansin.

2. Oʻzbekiston Respublikasi Vazirlar Mahkamasi apparatining Xoʻjalik faoliyati boshqarmasi boshligʻi ikki hafta muddatda Boshqarma boshligʻi, Boshqarma boʻlimlari mudirlari, boʻlim mudirining oʻrinbosari va mutaxassislarining funksional vazifalari taqsimotini tasdiqlash uchun kiritsin.

3. Vazirlar Mahkamasining “Oʻzbekiston Respublikasi Vazirlar Mahkamasi Ijro etuvchi apparatining Xoʻjalik faoliyati boshqarmasi toʻgʻrisidagi nizomni hamda uning boʻlinmalari ustavlarini tasdiqlash haqida” 2017-yil 21-apreldagi 228-son hamda “Oʻzbekiston Respublikasi Vazirlar Mahkamasi apparatining Xoʻjalik faoliyati boshqarmasi faoliyatini tashkil etish toʻgʻrisida” 2019-yil 29-martdagi 260-son qarorlari oʻz kuchini yoʻqotgan deb hisoblansin.

4. Mazkur qarorning bajarilishini nazorat qilish Oʻzbekiston Respublikasi Vazirlar Mahkamasi apparati Xoʻjalik faoliyati boshqarmasining boshligʻi Yo.J. Maksudov zimmasiga yuklansin.

1. Oʻzbekiston Respublikasi Vazirlar Mahkamasi apparatining Xoʻjalik faoliyati boshqarmasi (keyingi oʻrinlarda — Boshqarma) Oʻzbekiston Respublikasi Vazirlar Mahkamasi apparatining (keyingi oʻrinlarda — Vazirlar Mahkamasi apparati) funksional tarkibiy boʻlinmasi hisoblanadi.

2. Boshqarma oʻz faoliyatida Oʻzbekiston Respublikasi Konstitutsiyasi va qonunlariga, Oʻzbekiston Respublikasi Oliy Majlisi palatalarining qarorlariga, Oʻzbekiston Respublikasi Prezidentining farmonlari, qarorlari va farmoyishlariga, Vazirlar Mahkamasining qarorlari va farmoyishlariga, shuningdek, ushbu Nizomga amal qiladi.

3. Boshqarma oʻz faoliyatini Oʻzbekiston Respublikasining Bosh vaziri rahbarligida amalga oshiradi.

Boshqarma Vazirlar Mahkamasi apparatining boshqaruvchisiga boʻysunadi.

4. Boshqarma oʻz faoliyatini Vazirlar Mahkamasi apparatining boshqa tarkibiy boʻlinmalari, Oʻzbekiston Respublikasi Prezidenti Administratsiyasining, Oʻzbekiston Respublikasi Oliy Majlisi Qonunchilik palatasi va Senatining tegishli boʻlinmalari, davlat va xoʻjalik boshqaruvi organlari, mahalliy ijro etuvchi hokimiyat organlari hamda boshqa tashkilotlar bilan oʻzaro hamkorlikda amalga oshiradi.

5. Boshqarma tarkibiga quyidagi idoraviy mansub tashkilotlar (keyingi oʻrinlarda — idoraviy mansub tashkilotlar) kiradi:

“Hukumat uyidan foydalanish boshqarmasi” davlat muassasasi;

“Oʻzbekiston Respublikasi Vazirlar Mahkamasining avtoxoʻjaligi” davlat muassasasi;

“Oʻzbekiston Respublikasi Vazirlar Mahkamasining xoʻjalik hisobidagi oshxonasi” davlat unitar korxonasi;

“Oʻzbekiston Respublikasi Vazirlar Mahkamasi bosmaxonasi” davlat unitar korxonasi;

““Semurgʻ” bolalar sogʻlomlashtirish oromgohi” davlat muassasasi.

6. Quyidagilar Boshqarmaning asosiy vazifalari hisoblanadi:

Vazirlar Mahkamasi rahbariyati va apparatining faoliyatini moddiy-texnik, transport, moliyaviy va ijtimoiy-maishiy jihatdan taʼminlash;

Vazirlar Mahkamasi va uning Rayosati majlislarini, Oʻzbekiston Respublikasining Bosh vaziri, uning oʻrinbosarlari va maslahatchilari, Vazirlar Mahkamasi apparatining boshqaruvchisi, uning oʻrinbosarlari ishtirokida oʻtkaziladigan yigʻilishlar va tadbirlarni, shuningdek, Vazirlar Mahkamasi apparati tomonidan oʻtkaziladigan yigʻilishlar, konferensiyalar va boshqa tadbirlarni moddiy-texnik, moliyaviy jihatdan va boshqacha tarzda taʼminlash;

Hukumat uyining binolari, obyektlari, xonalari va asbob-uskunalariga foydalanish-texnik jihatdan xizmat koʻrsatishni tashkil etish, ularni zarur holatda saqlash, shuningdek, ushbu maqsadlar uchun pul mablagʻlaridan oqilona foydalanilishini nazorat qilish;

Hukumat uyi va idoraviy mansub tashkilotlarning binolari hamda boshqa obyektlarini qurish, rekonstruksiya qilish va taʼmirlashni tashkil etish;

Oʻzbekiston Respublikasi Prezidentining hujjatlari va Vazirlar Mahkamasining qarorlariga muvofiq Vazirlar Mahkamasi rahbariyati va uning apparati, idoraviy mansub tashkilotlar, shuningdek, davlat organlari rahbariyatiga transport xizmati koʻrsatish;

tegishli binolar va obyektlarda belgilangan rejim hamda xavfsizlik talablariga idoraviy mansub tashkilotlar rioya etishini tashkil etish;

“Buxgalteriya hisobi toʻgʻrisida”gi Oʻzbekiston Respublikasi Qonuni va Oʻzbekiston Respublikasining Budjet kodeksiga muvofiq Vazirlar Mahkamasi apparatida buxgalteriya va statistika hisobini tashkil etish hamda yuritish, hisobotlarni tuzish, moliyaviy-iqtisodiy faoliyatni, shuningdek, idoraviy mansub tashkilotlarda nazorat-taftish faoliyatini amalga oshirish;

Vazirlar Mahkamasi apparatining boshqaruvchisiga Vazirlar Mahkamasi apparati xodimlarini moddiy va ijtimoiy taʼminlash boʻyicha takliflarni koʻrib chiqish uchun kiritish;

Vazirlar Mahkamasi apparatining masʼul tarkibiy boʻlinmalariga Hukumatning hududlarda mavzuga oid sayyor (ochiq) majlislarini tashkil etishga koʻmaklashish.

7. Boshqarma oʻziga yuklangan vazifalarni bajarish uchun quyidagi funksiyalarni amalga oshiradi:

a) Vazirlar Mahkamasi va uning apparati faoliyatini moddiy-texnik jihatdan taʼminlash masalalari boʻyicha:

Hukumat uyi binosidan foydalanilishini, uning saqlanishini va unga texnik xizmat koʻrsatilishini, muhandislik tizimlari, kommunikatsiyalar va uskunalarning belgilangan normalar va qoidalarga muvofiq uzluksiz ishlashini taʼminlaydi;

Xukumat uyi binosini mebel, inventar va ichki koʻrinish jihozlari bilan taʼminlaydi;

Vazirlar Mahkamasi rahbariyati va Vazirlar Mahkamasi apparati tarkibiy boʻlinmalarining rahbarlari hamda xodimlarini zarur kompyuter va boshqa texnika, aloqa vositalari, sarflash materiallari, idora anjomlari, bosma mahsulotlar va boshqa buyumlar bilan taʼminlaydi;

yigʻilishlar, shu jumladan, selektor va videokonferensaloqa rejimida yigʻilishlar oʻtkazilganda majlislar zallarini texnik jihozlashni tashkil etadi;

idoraviy mansub tashkilotlar binolarini va obyektlarini, jumladan, videokuzatuv tizimi hamda boshqa elektron-texnik vositalardan foydalangan holda yongʻinga qarshi muhofaza qilish, ularda kirish-chiqish rejimi va qoʻriqlashni tashkil etadi;

Vazirlar Mahkamasi rahbariyati va Vazirlar Mahkamasi apparati tarkibiy boʻlinmalarining rahbarlari ishtirokidagi protokol va boshqa tadbirlarga xizmat koʻrsatishni tashkil etadi, Vazirlar Mahkamasining sovgʻa-taqdimot fondini shakllantiradi;

idoraviy mansub tashkilotlarning moddiy-texnik taʼminoti masalalarini muvofiqlashtiradi va nazorat qiladi;

zarur tovarlar (ishlar, xizmatlar) xarid qilinishini tashkil etadi;

idoraviy mansub tashkilotlar obyektlarini qurish, rekonstruksiya qilish va mukammal taʼmirlash rejalarini ishlab chiqadi hamda tasdiqlaydi, loyihalashtirishni tashkil etadi va taʼminlaydi, koʻrsatib oʻtilgan obyektlarni qurish, rekonstruksiya qilish va mukammal taʼmirlash uchun loyiha-smeta hujjatlarini tasdiqlaydi;

idoraviy mansub tashkilotlarning obyektlarini qurish, rekonstruksiya qilish va mukammal taʼmirlash ishlarini tashkil etadi va nazorat qilinishini taʼminlaydi;

Vazirlar Mahkamasi apparati boshqaruvchisining topshiriqlari boʻyicha Vazirlar Mahkamasi apparatining ehtiyojlari uchun dasturiy taʼminot, shu jumladan, axborot-huquqiy tizimlar, virusga qarshi dasturlar va boshqa dasturiy komplekslar xarid qilinishini taʼminlaydi;

muhandislik-texnologik tizimlar qoʻllab-quvvatlanishini, serverlar va lokal-hisoblash tarmoqlari, telekommunikatsiya va audio-video uskunalari ishlashini, kompyuter uskunasi va periferiy qurilmalar texnik jihatdan kuzatib borilishini, kompyuter va boshqa tashkiliy texnika sozlanishi hamda taʼmirlanishini tashkil etadi, axborot xavfsizligini taʼminlashda ishtirok etadi;

xizmat safarlariga yuboriladigan Vazirlar Mahkamasi rahbariyati, Vazirlar Mahkamasi apparati va idoraviy mansub tashkilotlarning xodimlari uchun temir yoʻl chiptalari va aviachiptalar bron qilinishini tashkil etadi;

b) transport xizmati koʻrsatish masalalari boʻyicha:

Avtoxoʻjalikning avtotransport vositalaridan foydalanish qoidalarining loyihasini Vazirlar Mahkamasi apparatining boshqaruvchisiga tasdiqlash uchun kiritadi va ularga rioya etilishini tashkil etadi;

Vazirlar Mahkamasi apparati boshqaruvchisiga xizmat avtomobillarini biriktirish va navbatchi avtotransport vositalari ishini tashkil etish boʻyicha takliflar kiritadi;

transport xizmati koʻrsatish Avtoxoʻjalikka yuklangan davlat organlari bilan oʻzaro hamkorlik qiladi;

Avtoxoʻjalik transport vositalarining zarur tarzda saqlanishini, ulardan foydalanishni, ularning texnik jihatdan soz holatda boʻlishini nazorat qiladi;

Avtoxoʻjalik tomonidan avtotransport vositalarining hisobga olinishi, xarid qilinishi, taqsimlanishi va hisobdan chiqarilishini tashkil etadi hamda nazorat qiladi;

transport xizmatini koʻrsatish sifati va madaniyatini oshirish choralarini koʻradi;

v) moliya-iqtisodiyot masalalari boʻyicha:

Vazirlar Mahkamasi apparatida buxgalteriya hisobi va hisobotini tashkil etadi hamda amalga oshiradi;

idoraviy mansub tashkilotlarda buxgalteriya hisobi va hisoboti tashkil etilishini taʼminlaydi;

Vazirlar Mahkamasi apparatining navbatdagi yil uchun xarajatlar smetasini tuzadi hamda Vazirlar Mahkamasi apparatining boshqaruvchisiga tasdiqlash uchun kiritadi;

idoraviy mansub tashkilotlar tomonidan navbatdagi yil uchun tuzilgan xarajatlar smetasi hisob-kitoblari toʻgʻri amalga oshirilganligini tekshiradi;

Vazirlar Mahkamasi apparatining shtatlar jadvalini tuzadi hamda Vazirlar Mahkamasi apparatining boshqaruvchisiga kelishish uchun kiritadi;

idoraviy mansub tashkilotlar tomonidan shtatlar jadvallari toʻgʻri tuzilganligini tekshiradi;

budjetdan ajratiladigan mablagʻlar va budjet majburiyatlari limitlarini idoraviy mansub tashkilotlar oʻrtasida taqsimlaydi;

budjet hisoboti, shuningdek, moliya, soliq va statistika hisobotini tuzadi va tegishli organlarga belgilangan tartibda taqdim etadi;

budjetdan ajratiladigan mablagʻlardan maqsadli va samarali foydalanilishini taʼminlash yuzasidan idoraviy mansub tashkilotlarning moliya-xoʻjalik faoliyatini moliyaviy nazorat va tahlil qiladi, shuningdek, idoraviy mansub tashkilotlar faoliyatining iqtisodiy samaradorligi hisobini yuritadi;

tegishli birlamchi hujjatlar asosida Vazirlar Mahkamasi rahbariyatiga va apparati xodimlariga ish haqi, ragʻbatlantiruvchi tusdagi toʻlovlar, vaqtincha mehnatga layoqatsizlik nafaqalari va boshqa toʻlovlar hisoblanishi hamda belgilangan muddatlarda toʻlanishini taʼminlaydi;

tushadigan pul mablagʻlari va tovar-moddiy boyliklar hisobga olinishini nazorat qiladi, idoraviy mansub tashkilotlarning choraklik va yillik buxgalteriya hisobotlarini tekshiradi hamda qabul qiladi, yigʻma hisobotlar tuzadi;

idoraviy mansub tashkilotlarning moliya-xoʻjalik faoliyati taftishdan oʻtkazilishini tashkil qiladi va oʻtkazadi;

zarur hollarda, idoraviy mansub tashkilotlarining kassa va kassa binolari, omborlar, arxivlar va boshqa binolarni muhrlash, shuningdek idoraviy mansub tashkilotlarning masʼul xodimlaridan asosiy vositalar, tovar-moddiy boyliklar, pul mablagʻlari va hisob-kitoblarni xatlovdan oʻtkazilishini talab etadi va nazorat qiladi;

idoraviy mansub tashkilotlarning buxgalteriya hisobi va hisobotlarini toʻgʻri yuritilishini nazorat qilish maqsadida ularning elektron bazasidan foydalanadi;

idoraviy mansub tashkilotlarni hisobga olish va hisobot berish boʻyicha yoʻriqnoma hujjatlari bilan taʼminlaydi;

g) ijtimoiy-maishiy taʼminot masalalari boʻyicha:

Hukumat uyi binosida va idoraviy mansub tashkilotlarda umumiy ovqatlanish va chakana savdoni tashkil etish xizmatlari koʻrsatilishini tashkil qiladi, sotilayotgan mahsulotlar va tovarlarning sifati nazorat qilinishini taʼminlaydi;

Vazirlar Mahkamasi apparatining xodimlari uchun sogʻlomlashtirish tadbirlari va madaniy tadbirlar oʻtkazilishini tashkil etadi;

“Semurgʻ” bolalar sogʻlomlashtirish oromgohiga yoʻllanmalar taqsimlanishi va sotilishini taʼminlaydi;

d) idoraviy mansub tashkilotlar faoliyatining samaradorligini oshirish masalalari boʻyicha:

Oʻzbekiston Respublikasining Bosh vaziri, uning oʻrinbosarlari va maslahatchilari, Vazirlar Mahkamasi apparatining faoliyati uchun zarur shart-sharoitlar yaratish maqsadida idoraviy mansub tashkilotlar ishini tashkil etadi, muvofiqlashtiradi va nazorat qiladi;

idoraviy mansub tashkilotlar xodimlarini moddiy-texnik, transport, moliyaviy va ijtimoiy-maishiy jihatdan samarali taʼminlash boʻyicha Vazirlar Mahkamasi apparatining boshqaruvchisi koʻrib chiqishi uchun takliflar kiritadi;

idoraviy mansub tashkilotlar faoliyatini takomillashtirish, shuningdek, ularga biriktirilgan davlat mulkidan samarali foydalanish boʻyicha takliflar kiritadi;

Boshqarma vakolatiga kiruvchi masalalar boʻyicha normativ-huquqiy va boshqa hujjatlar loyihalarini ishlab chiqadi;

idoraviy mansub tashkilotlarning rahbarlarini lavozimga tayinlash va lavozimdan ozod etish, ularni ragʻbatlantirish va ularga nisbatan intizomiy jazo choralarini qoʻllash masalalari boʻyicha Vazirlar Mahkamasi apparatining boshqaruvchisiga takliflar kiritadi;

idoraviy mansub tashkilotlarning boʻlimlari va boshqa tarkibiy birliklari rahbarlarini lavozimga tayinlash va lavozimdan ozod etish masalalarini kelishadi;

oʻz vakolati doirasida davlat sirlarini tashkil etuvchi maʼlumotlar va maxfiy tusdagi maʼlumotlar himoya qilinishini, shuningdek, bunday maʼlumotlarni himoya qilish boʻyicha idoraviy mansub tashkilotlar faoliyati nazorat qilinishi va muvofiqlashtirilishini taʼminlaydi.

Boshqarma unga yuklangan vazifalarga, Oʻzbekiston Respublikasi Prezidentining hujjatlariga, Vazirlar Mahkamasining qarorlariga, Oʻzbekiston Respublikasi Bosh vazirining va Vazirlar Mahkamasi apparati boshqaruvchisining topshiriqlariga muvofiq boshqa funksiyalarni ham amalga oshiradi.

8. Boshqarma oʻziga yuklangan vazifalar va funksiyalarni bajarish uchun quyidagi huquqlarga egadir:

davlat va xoʻjalik boshqaruvi organlari, mahalliy ijro etuvchi hokimiyat organlari, boshqa organlar va tashkilotlardan Boshqarma vakolatiga kiruvchi masalalar boʻyicha materiallar va maʼlumotlarni soʻrash va olish;

zarurat boʻlganda, Boshqarma yurituviga kiritilgan masalalarni hal etish uchun davlat va xoʻjalik boshqaruvi organlari, mahalliy ijro etuvchi hokimiyat organlari, boshqa organlar va tashkilotlarning rahbarlari hamda mutaxassislarini jalb etish, ushbu maqsadlarda komissiyalar va ishchi guruhlar tashkil etish;

davlat va xoʻjalik boshqaruvi organlari, mahalliy ijro etuvchi hokimiyat organlari, boshqa organlar va tashkilotlar vakillari ishtirokida yigʻilishlar oʻtkazish;

davlat va xoʻjalik boshqaruvi organlari, mahalliy ijro etuvchi hokimiyat organlari, boshqa organlar va tashkilotlar bilan Boshqarma hamda unga idoraviy mansub boʻlgan tashkilotlar faoliyati masalalari boʻyicha belgilangan tartibda yozishmalar olib borish;

idoraviy mansub tashkilotlar faoliyatini yanada takomillashtirish, ularni qayta tashkil etish, shuningdek, idoraviy mansub yangi tashkilotlarni tashkil etish yuzasidan Vazirlar Mahkamasi apparati boshqaruvchisiga takliflar kiritish;

idoraviy mansub tashkilotlar tomonidan bajariladigan (koʻrsatiladigan) ishlar (xizmatlar) roʻyxatini kelishish;

idoraviy mansub tashkilotlar obyektlarini qurish, rekonstruksiya qilish va mukammal taʼmirlash boʻyicha takliflar kiritish, ushbu obyektlar boʻyicha buyurtmachi funksiyalarini bajarish;

idoraviy mansub tashkilotlarga biriktirilgan mulkdan foydalanish tartibi va shartlarini belgilash;

Vazirlar Mahkamasi apparatining boshqaruvchisi tomonidan berilgan ishonchnoma asosida, idoraviy mansub tashkilotlarga nisbatan muassis funksiyalarini amalga oshirish;

Vazirlar Mahkamasi apparatining boshqaruvchisi bilan kelishgan holda, idoraviy mansub tashkilotlarning daromadlaridan foydalanish yoʻnalishlarini belgilash;

Vazirlar Mahkamasi apparatining boshqa tarkibiy boʻlinmalaridan buxgalteriya operatsiyalarini rasmiylashtirish uchun zarur hujjatlar va maʼlumotlarni talab qilish.

Boshqarma qonun hujjatlariga muvofiq vazifalar va funksiyalarni bajarish uchun zarur boshqa huquqlarga ham ega boʻlishi mumkin.

9. Boshqarma unga yuklangan vazifalar va funksiyalar samarali, sifatli va oʻz vaqtida bajarilishi uchun javob beradi.

10. Boshqarmaning tuzilmasiga:

moddiy-texnika taʼminoti boʻlimi;

moliya-iqtisodiyot boʻlimi kiradi.

Boshqarma tuzilmasi Vazirlar Mahkamasi tomonidan tasdiqlanadi.

11. Boshqarma ishiga boshliq rahbarlik qiladi.

12. Boshqarma boshligʻi, boʻlim mudirlari, boʻlim mudirining oʻrinbosari va mutaxassislari belgilangan tartibda lavozimga tayinlanadilar va lavozimdan ozod etiladilar.

13. Boshqarmaning ishi “Oʻzbekiston Respublikasi Vazirlar Mahkamasi toʻgʻrisida”gi Oʻzbekiston Respublikasi Qonuniga, Oʻzbekiston Respublikasi Vazirlar Mahkamasining Reglamentiga, Oʻzbekiston Respublikasi Vazirlar Mahkamasining apparati toʻgʻrisidagi nizomga, ushbu Nizomga, Oʻzbekiston Respublikasi Prezidenti, Oʻzbekiston Respublikasi Bosh vazirining topshiriqlariga, Vazirlar Mahkamasi apparati boshqaruvchisining buyruqlari va topshiriqlariga muvofiq, shuningdek, Vazirlar Mahkamasining ish rejalari, Boshqarmaning ish rejasi, boʻlimlarning ish rejalari va mutaxassislarning shaxsiy ish rejalari asosida tashkil etiladi.

Boshqarmaning ish rejasi va Boshqarma boshligʻining shaxsiy ish rejasi Vazirlar Mahkamasi apparatining boshqaruvchisi tomonidan tasdiqlanadi.

Boʻlimlarning ish rejalari va mutaxassislarning shaxsiy ish rejalari Vazirlar Mahkamasi apparatining boshqaruvchisi bilan kelishiladi va Boshqarma boshligʻi tomonidan tasdiqlanadi.

14. Boshqarma boshligʻi:

boshqarma ishiga bevosita rahbarlik qiladi, boʻlimlar ishini tashkil etadi hamda Boshqarmaga yuklangan vazifalar va funksiyalarning bajarilishi uchun shaxsan javob beradi.

Boshqarma yuritadigan sohaga kiradigan masalalar boʻyicha Vazirlar Mahkamasi va uning Rayosati majlislarida, Oʻzbekiston Respublikasining Bosh vaziri, uning oʻrinbosarlari va maslahatchilari, Vazirlar Mahkamasi apparatining boshqaruvchisi oʻtkazadigan yigʻilishlarda qatnashadi;

Boshqarma mutaxassislari oʻrtasida vazifalarni taqsimlaydi va ularning taqsimlanishini tasdiqlash uchun Vazirlar Mahkamasi apparatining boshqaruvchisiga kiritadi;

mutaxassislar ijro intizomining sifatini, ichki mehnat tartibi qoidalarining talablariga rioya etilishini, ularning vazifalar va topshiriqlarni ishonchli, oʻz vaqtida, sifatli hamda samarali bajarishini, takliflar va loyihalar tayyorlashini, tegishli masalalar yuzasidan topshiriqlar hamda qabul qilingan qarorlarning bajarilishi taʼminlanishini, tegishli materiallar bilan ishlashda maxfiylik rejimini nazorat qiladi;

Boshqarmaning tasdiqlangan tuzilmasi va shtat jadvaliga muvofiq lavozimlarga tavsiya etiladigan nomzodlar, ularning professional darajasi va ishchanlik malakasini oshirish, ularni ragʻbatlantirish hamda ularga nisbatan intizomiy jazo choralarini qoʻllash toʻgʻrisidagi takliflarni puxta ishlab chiqadi va Vazirlar Mahkamasi apparatining boshqaruvchisiga kiritadi;

biriktirilgan masalalar boʻyicha tizimli monitoring tashkil etilishi va maʼlumotlar banki shakllantirilishini, shuningdek, yuzaga keladigan muammoli masalalarni hal etishga doir amaliy chora-tadbirlar ishlab chiqilishi hamda amalga oshirilishini taʼminlaydi;

moliyaviy ahvolni tahlil qiladi, xarajatlar smetasiga tegishli oʻzgartirishlar va tuzatishlar kiritadi, xarajatlar smetasini bajarish boʻyicha tezkor maʼlumotlarni Vazirlar Mahkamasi apparatining boshqaruvchisiga kelishish uchun kiritadi;

Boshqarma va idoraviy mansub tashkilotlar boʻyicha buyruqlar chiqaradi;

tovar-moddiy boyliklarni olish yoki berish uchun tuziladigan shartnomalar Moliya-iqtisodiyot boʻlimi tomonidan koʻrib chiqilib imzolangach, ularga viza qoʻyadi;

idoraviy mansub tashkilotlar faoliyatini yanada takomillashtirish, ularni qayta tashkil etish, shuningdek, idoraviy mansub yangi tashkilotlarni tashkil etish yuzasidan Vazirlar Mahkamasi apparatining boshqaruvchisiga takliflar kiritadi;

idoraviy mansub tashkilotlarning ishlash holati va natijadorligini muntazam oʻrganib boradi, ularning faoliyati samaradorligini oshirishga oid takliflar kiritadi;

idoraviy mansub tashkilotlar hisobi va hisobotlari tekshirilishini taʼminlaydi;

moliya-xoʻjalik faoliyatining holati boʻyicha xulosalar tayyorlanishini taʼminlaydi;

idoraviy mansub tashkilotlarning xarajatlar smetalari va shtat jadvallarini tasdiqlaydi;

hujjatlarning oʻz vaqtida va toʻgʻri rasmiylashtirilishi hamda amalga oshiriladigan operatsiyalarning qonuniyligini, mablagʻlar maqsadli sarflanishini nazorat qiladi;

Vazirlar Mahkamasi va uning Rayosati majlislarida, Oʻzbekiston Respublikasining Bosh vaziri, uning oʻrinbosarlari va maslahatchilari oʻtkazadigan yigʻilishlarda koʻrib chiqishga materiallar tayyorlash uchun davlat va xoʻjalik boshqaruvi organlari, boshqa organlar va tashkilotlar rahbarlari hamda vakillari, olimlar va mutaxassislar ishtirokida Boshqarmaga biriktirilgan masalalar boʻyicha yigʻilishlar oʻtkazadi;

qabul qilingan hujjatlar boʻyicha nazorat rejasini yoki tashkiliy chora-tadbirlarni ishlab chiqadi va tasdiqlash uchun belgilangan tartibda kiritadi, davlat va xoʻjalik boshqaruvi organlari, mahalliy ijro etuvchi hokimiyat organlari tomonidan Oʻzbekiston Respublikasi qonunlari, Oʻzbekiston Respublikasi Prezidentining farmonlari, qarorlari va farmoyishlari, Vazirlar Mahkamasining qarorlari, Boshqarma vakolatiga kiradigan masalalar boʻyicha Oʻzbekiston Respublikasi Prezidentining, Oʻzbekiston Respublikasining Bosh vaziri, uning oʻrinbosarlari va maslahatchilarining bayonnomalari hamda topshiriqlari bajarilishini tizimli nazorat qiladi;

chiquvchi xat-xabarlarni imzolaydi, Vazirlar Mahkamasi apparati boshqaruvchisining topshirigʻiga binoan belgilangan tartibda rasmiylashtirilgan ishonchnoma asosida shartnomalar tuzadi va imzolaydi, belgilangan tartibda ishonchnomalar beradi;

jismoniy va yuridik shaxslarning murojaatlarini koʻrib chiqadi, jismoniy shaxslarni va yuridik shaxslar vakillarini qabul qiladi.

15. Boshqarma boshligʻi vaqtincha boʻlmaganda, uning vazifalarini Vazirlar Mahkamasi apparatining boshqaruvchisi bilan kelishilgan holda boʻlim mudirlaridan biri bajaradi.

16. Boshqarmaning boʻlim mudirlari, boʻlim mudirining oʻrinbosari va mutaxassislari oʻz faoliyatini funksional vazifalar taqsimlanishiga muvofiq amalga oshiradilar.

17. Moliya-iqtisodiyot boʻlimi mudiri zimmasiga qonun hujjatlari va funksional vazifalar taqsimlanishida nazarda tutilgan bosh buxgalter funksiyalari ham yuklanadi.

Moliya-iqtisodiyot boʻlimi mudiri vaqtinchalik boʻlmaganda, uning vazifasini boʻlim mudirining oʻrinbosari bajaradi.

18. Inspektor Boshqarmada ish yuritilishini taʼminlaydi, hujjatlarning oʻtishini nazorat qiladi, ishlarning tayyorlanishini va arxivda saqlash uchun oʻz vaqtida berilishini taʼminlaydi, oʻziga yuklangan boshqa funksiyalarni bajaradi.

1. Oʻzbekiston Respublikasi Vazirlar Mahkamasi apparati Xoʻjalik faoliyati boshqarmasining “Hukumat uyidan foydalanish boshqarmasi” davlat muassasasi (keyingi oʻrinlarda — Hukumat uyidan foydalanish boshqarmasi) Oʻzbekiston Respublikasi Vazirlar Mahkamasi apparati Xoʻjalik faoliyati boshqarmasining (keyingi oʻrinlarda — Xoʻjalik faoliyati boshqarmasi) idoraviy mansub tashkiloti hisoblanadi va unga boʻysunadi.

2. Oʻzbekiston Respublikasi Vazirlar Mahkamasi apparati (keyingi oʻrinlarda — Muassis deb ataladi) Hukumat uyidan foydalanish boshqarmasining Muassisi hisoblanadi.

Hukumat uyidan foydalanish boshqarmasi Muassisga hisobot beradi.

3. Hukumat uyidan foydalanish boshqarmasi oʻz faoliyatida Oʻzbekiston Respublikasi Konstitutsiyasi va qonunlariga, Oʻzbekiston Respublikasi Oliy Majlisi palatalarining qarorlariga, Oʻzbekiston Respublikasi Prezidentining farmonlari, qarorlari va farmoyishlariga, Oʻzbekiston Respublikasi Vazirlar Mahkamasining qarorlari va farmoyishlariga, Oʻzbekiston Respublikasi Vazirlar Mahkamasi apparati boshqaruvchisining buyruqlari va topshiriqlariga, Xoʻjalik faoliyati boshqarmasi boshligʻining topshiriqlariga, shuningdek, ushbu Ustavga amal qiladi.

4. Hukumat uyidan foydalanish boshqarmasi unga operativ boshqaruv uchun berilgan davlat mulki boʻlgan mol-mulk negizida tashkil etilgan davlat muassasasi shaklidagi notijorat tashkiloti hisoblanadi, oʻziga biriktirilgan mol-mulkka nisbatan oʻz faoliyati maqsadlariga, Muassisning topshiriqlariga muvofiq egalik qilish, foydalanish va tasarruf etish huquqlarini qonunda belgilangan doirada amalga oshiradi.

5. Hukumat uyidan foydalanish boshqarmasi yuridik shaxs hisoblanadi, alohida mol-mulkka, mustaqil balansga, Oʻzbekiston Respublikasi Moliya vazirligining Gʻaznachiligida gʻazna hisobvaraqlariga, shtamplar va blankalarga, tovar belgilariga, Oʻzbekiston Respublikasi Davlat gerbining tasviri tushirilgan, oʻz nomi davlat tilida yozilgan muhrga hamda boshqa rekvizitlarga ega boʻladi.

6. Hukumat uyidan foydalanish boshqarmasining rasmiy nomi:

a) davlat tilida:

toʻliq nomi — “Oʼzbekiston Respublikasi Vazirlar Mahkamasi apparati Xoʼjalik faoliyati boshqarmasining Hukumat uyidan foydalanish boshqarmasi” Davlat muassasasi;

qisqartirilgan nomi — “Hukumat uyidan foydalanish boshqarmasi” DM;

b) rus tilida:

toʻliq nomi — Gosudarstvennoye uchrejdeniye “Upravleniye po ekspluatatsii Doma Pravitelstva Upravleniya xozyaystvennoy deyatelnosti apparata Kabineta Ministrov”;

qisqartirilgan nomi — GU “Upravleniye po ekspluatatsii Doma Pravitelstva”.

7. Hukumat uyidan foydalanish boshqarmasi qonun hujjatlarida belgilangan tartibda oʻz nomidan moddiy va shaxsiy nomoddiy huquqlarni sotib olishi va ularni amalga oshirishi, majburiyatlar olishi, sudda daʼvogar va javobgar boʻlishi, nizolarni hal qilishda boshqa organlarda vakillik qilishi mumkin.

8. Hukumat uyidan foydalanish boshqarmasining joylashgan joyi (pochta manzili): Toshkent shahri, Hukumat uyi, Mustaqillik maydoni, 5.

9. Quyidagilar Hukumat uyidan foydalanish boshqarmasining asosiy vazifalari hisoblanadi:

Hukumat uyi binosidan foydalanilishini, uning saqlanishini va unga texnik jihatdan xizmat koʻrsatilishini, muxandislik tizimlari, kommunikatsiyalar va uskunalar amaldagi normalar va qoidalarga muvofiq uzluksiz ishlashini taʼminlash;

Hukumat uyi binosini mebel, inventar va ichki koʻrinish jihozlari bilan taʼminlash;

Oʻzbekiston Respublikasi Vazirlar Mahkamasi rahbariyati va uning tarkibiy boʻlinmalarini zarur kompyuter va boshqa texnika, aloqa vositalari, sarflash materiallari, idora anjomlari, bosma mahsulotlar va boshqa buyumlar bilan taʼminlash;

yigʻilishlar oʻtkazilganda majlislar zallarini texnik jihozlar, shu jumladan, selektor jihozlari va videokonferensiya aloqa jihozlari bilan taʼminlashni tashkil etish;

shu jumladan, elektron-texnik jihozlar yordamida va videokuzatuv tizimini qoʻllab yongʻinga qarshi muhofaza, kirish-chiqish rejimi, idoraviy mansub tashkilotlar binolarini va obyektlarini qoʻriqlash taʼminlanishini tashkil etish;

kadrlarni tanlash va ularni toʻgʻri joy-joyiga qoʻyish, xodimlarning malakasini oshirish chora-tadbirlarini ishlab chiqish.

10. Hukumat uyidan foydalanish boshqarmasi yuklangan vazifalarni bajarish uchun quyidagi funksiyalarni amalga oshiradi:

Oʻzbekiston Respublikasi Vazirlar Mahkamasi rahbariyati va Hukumat apparati xodimlarini zarur mebel, inventar, ichki koʻrinish buyumlari va idora anjomlari bilan taʼminlaydi;

binolar, asbob-uskunalar va Hukumat uyiga tutash hududlar zarur holatda saqlanishini taʼminlaydi;

maʼmuriy binolar, inshootlar va xonalardagi muhandislik tizimlari va asbob-uskunalar amaldagi norma va qoidalarga muvofiq uzluksiz ishlashini taʼminlaydi;

elektr va issiqlik energiyasi oʻz vaqtida yetkazib berilishini taʼminlaydi;

suv taʼminoti, oqava suvlarni chiqarib tashlash, toza havo bilan taʼminlash va shamollatish tizimlariga texnik jihatdan xizmat koʻrsatish va ulardan foydalanish ishlari bajarilishini taʼminlaydi;

Hukumat uyi binosidagi barcha xonalarni yigʻishtirish va toza tutish ishlari bajarilishini taʼminlaydi;

Milliy gvardiyaning qoʻriqlash boʻlinmalari tomonidan markazlashtirilgan qoʻriqlash taʼminlanishiga koʻmaklashadi;

yongʻin xavfsizligini taʼminlashga va yongʻin xavfsizligi uchun masʼul boʻlgan shaxslar faoliyati nazorat qilinishiga koʻmaklashadi;

yongʻin signalizatsiya tizimiga texnik xizmat koʻrsatish va joriy taʼmirlash ishlari bajarilishini taʼminlaydi;

kirishni nazorat qilish va videokuzatuv tizimiga texnik xizmat koʻrsatish va joriy taʼmirlash ishlari bajarilishini taʼminlaydi;

liftlarga texnik xizmat koʻrsatish va rejali — oldini oluvchi taʼmirlash ishlari bajarilishini taʼminlaydi;

muzokaralar, yigʻilishlar, shu jumladan, selektor va videokonferensiya aloqa oʻtkazilayotganda muzokaralar, yigʻilishlar oʻtkaziladigan zallar va asbob-uskunalarni texnik jihatdan kuzatib boradi;

buxgalteriya hisobi va hisoboti yuritilishi tashkil etadi, hisobotlar va balanslarni tuzadi va belgilangan tartibda Xoʻjalik faoliyati boshqarmasiga taqdim etadi.

Hukumat uyidan foydalanish boshqarmasi xodimlarining funksional vazifalarini ishlab chiqadi va Xoʻjalik faoliyati boshqarmasi boshligʻiga tasdiqlash uchun kiritadi;

Mukammal va joriy taʼmirlashning amaldagi va yillik rejasini, shuningdek, ushbu ishlarni moliyaviy taʼminlash rejasini ishlab chiqadi hamda tasdiqlash uchun Xoʻjalik faoliyati boshqarmasiga taqdim etadi;

Xoʻjalik faoliyati boshqarmasi tasdiqlagan rejaga muvofiq asosiy fondlar joriy va mukammal taʼmirlanishini taʼminlaydi;

Hukumat uyi binosini zarur mebel, turli tovarlar, uskunalar va materiallar bilan jihozlash uchun ehtiyojni aniqlaydi, buning uchun zarur talabnomalar tayyorlaydi hamda ularni kelishadi, shuningdek, Xoʻjalik faoliyati boshqarmasiga tasdiqlash uchun belgilangan tartibda taqdim etadi;

mehnat intizomi, mehnatni muhofaza qilish va fuqaro mudofaasiga, texnika xavfsizligi, yongʻin xavfsizligi, sanitariya normalari va qoidalariga hamda gigiyena normativlariga rioya etilishining nazoratini taʼminlaydi;

ishdagi kamchiliklarni bartaraf etish choralarini ishlab chiqadi, Hukumat uyidan foydalanish boshqarmasi xodimlarining murojaatlari koʻrib chiqilishini tashkil qiladi;

Hukumat uyidan foydalanish boshqarmasi xodimlarining uy-joy va maishiy sharoitlarini yaxshilashga doir takliflar kiritadi.

11. Hukumat uyidan foydalanish boshqarmasi yuklangan vazifalar va funksiyalarni bajarish uchun quyidagi xuquqlarga egadir:

Hukumat uyidan foydalanish boshqarmasi vakolatiga kiradigan masalalarni hal etish uchun, zarurat boʻlganda, boshqa xoʻjalik yurituvchi subyektlardan va boshqa organlardan mutaxassislarni belgilangan tartibda jalb etish;

Hukumat uyidan foydalanish boshqarmasi faoliyatini yanada takomillashtirish boʻyicha takliflarni Xoʻjalik faoliyati boshqarmasi boshligʻi nomiga tashabbus koʻrsatish tartibida kiritish;

Boshqarma amaldagi qonun hujjatlariga muvofiq boshqa xuquqlarga ham ega boʻlishi mumkin.

12. Hukumat uyidan foydalanish boshqarmasi:

Boshqarmaga yuklangan vazifalar va funksiyalar samarali bajarilishi;

moddiy va moliyaviy resurslardan, asosiy va aylanma vositalardan oqilona va samarali foydalanilishi uchun javob beradi.

13. Hukumat uyidan foydalanish boshqarmasining mol-mulki asosiy va aylanma vositalardan hamda balansda aks ettiriladigan boshqa boyliklardan iborat.

14. Hukumat uyidan foydalanish boshqarmasi faoliyatini moliyalashtirish Oʻzbekiston Respublikasi Davlat budjeti mablagʻlari va qonun hujjatlarida taqiqlanmagan boshqa manbalar hisobiga amalga oshiriladi.

15. Hukumat uyidan foydalanish boshqarmasiga Oʻzbekiston Respublikasining Bosh vaziri bilan kelishgan holda Xoʻjalik faoliyati boshqarmasi boshligʻining taqdimnomasi boʻyicha Oʻzbekiston Respublikasi Vazirlar Mahkamasi apparati boshqaruvchisining buyrugʻi bilan lavozimga tayinlanadigan va lavozimdan ozod etiladigan boshliq boshchilik qiladi.

16. Hukumat uyidan foydalanish boshqarmasi bosh muhandisi va bosh buxgalteri Xoʻjalik faoliyati boshqarmasi boshligʻining taqdimnomasiga koʻra Oʻzbekiston Respublikasi Vazirlar Mahkamasi apparati boshqaruvchisining buyrugʻi bilan lavozimga tayinlanadi va lavozimdan ozod etiladi.

17. Boshliq:

Hukumat uyidan foydalanish boshqarmasi faoliyatiga rahbarlik qiladi, unga yuklangan vazifalar bajarilishi uchun javob beradi;

Hukumat uyidan foydalanish boshqarmasining barcha xodimlari bajarishi majburiy boʻlgan buyruqlar, farmoyishlar chiqaradi va koʻrsatmalar beradi;

qonun hujjatlariga, moliya-shtat intizomiga rioya etilishini, pul mablagʻlari va moddiy boyliklar saqlanishini taʼminlaydi;

Hukumat uyidan foydalanish boshqarmasi faoliyati bilan bogʻliq masalalar boʻyicha davlat organlarida va boshqa tashkilotlarda vakillik qiladi;

Xoʻjalik faoliyati boshqarmasi bilan kelishgan holda boshqa yuridik va jismoniy shaxslar bilan qonun hujjatlarida nazarda tutilgan vakolatlar doirasida shartnomalar tuzadi;

Xoʻjalik faoliyati boshqarmasi boshligʻi bilan kelishgan holda xodimlarni ishga qabul qiladi, ular bilan mehnat shartnomalari (kontraktlar) tuzadi, ularni oʻzgartiradi va amal qilishini toʻxtatadi;

moliyaviy hujjatlarni va boshqa hujjatlarni imzolaydi, shartnomalar tuzadi, qonun hujjatlarida belgilangan tartibda ishonchnomalar beradi;

mehnatga haq toʻlash fondi samarali sarflanishini nazorat qiladi;

oʻziga yuklangan vazifalar bajarilishi, shuningdek Hukumat uyidan foydalanish boshqarmasiga biriktirilgan davlat mulkining saqlanishi va undan maqsadli foydalanilishi uchun qonun hujjatlarida belgilangan tartibda javob beradi.

18. Hukumat uyidan foydalanish boshqarmasi boshligʻi vaqtincha boʻlmagan taqdirda uning vazifalarini bosh muhandis yoki Xoʻjalik faoliyati boshqarmasi boshligʻi bilan kelishilgan holda Hukumat uyidan foydalanish boshqarmasining boʻlimlari rahbarlaridan biri bajaradi.

19. Hukumat uyidan foydalanish boshqarmasining ishlab chiqarish va moliya-xoʻjalik faoliyatini taftish qilish Xoʻjalik faoliyati boshqarmasi tomonidan amalga oshiriladi.

20. Hukumat uyidan foydalanish boshqarmasini qayta tashkil etish va tugatish qonun hujjatlarida belgilangan tartibda amalga oshiriladi.

1. Oʻzbekiston Respublikasi Vazirlar Mahkamasi apparati Xoʻjalik faoliyati boshqarmasining “Oʻzbekiston Respublikasi Vazirlar Mahkamasining avtoxoʻjaligi” davlat muassasasi (keyingi oʻrinlarda — Avtoxoʻjalik) Oʻzbekiston Respublikasi Vazirlar Mahkamasi apparati Xoʻjalik faoliyati boshqarmasining (keyingi oʻrinlarda — Xoʻjalik faoliyati boshqarmasi) idoraviy mansub tashkiloti hisoblanadi va unga boʻysunadi.

2. Oʻzbekiston Respublikasi Vazirlar Mahkamasi apparati (keyingi oʻrinlarda — Muassis) Avtoxoʻjalikning muassisi hisoblanadi.

Avtoxoʻjalik Muassisga hisobot beradi.

3. Avtoxoʻjalik oʻz faoliyatida Oʻzbekiston Respublikasi Konstitutsiyasi va qonunlariga, Oʻzbekiston Respublikasi Oliy Majlisi palatalarining qarorlariga, Oʻzbekiston Respublikasi Prezidentining farmonlari, qarorlari va farmoyishlariga, Oʻzbekiston Respublikasi Vazirlar Mahkamasining qarorlari va farmoyishlariga, Oʻzbekiston Respublikasi Vazirlar Mahkamasi apparatining boshqaruvchisi buyruqlari va topshiriqlariga, Xoʻjalik faoliyati boshqarmasi boshligʻining buyruqlari va topshiriqlariga, shuningdek, ushbu Ustavga amal qiladi.

4. Avtoxoʻjalik unga operativ boshqaruv huquqi bilan berilgan davlat mulki boʻlgan mol-mulk negizida tashkil etilgan davlat muassasasi shaklidagi notijorat tashkiloti hisoblanadi, mol-mulkka nisbatan qonun hujjatlarida belgilangan doiralarda oʻz faoliyati maqsadlariga, Muassisning topshirigʻiga muvofiq egalik qilish, foydalanish va tasarruf etish huquqini amalga oshiradi.

5. Avtoxoʻjalik yuridik shaxs hisoblanadi, alohida mol-mulkka, mustaqil balansga, Oʻzbekiston Respublikasi Moliya vazirligining Gʻaznachiligida gʻazna hisobvaraqlariga, ramzlarga, shtamplar va blankalarga, tovar belgilariga, Oʻzbekiston Respublikasi Davlat gerbining tasviri tushirilgan va oʻz nomi davlat tilida yozilgan muhrga hamda boshqa rekvizitlarga ega boʻladi.

6. Avtoxoʻjalikning rasmiy nomi:

a) davlat tilida:

toʻliq nomi — “O'zbekiston Respublikasi Vazirlar Mahkamasi apparati Xo'jalik faoliyati boshqarmasining Avtoxoʼjaligi” Davlat muassasasi;

qisqartirilgan nomi — “O'zbekiston Respublikasi Vazirlar Mahkamasining Avtoxoʼjaligi” DM;

b) rus tilida:

toʻliq nomi — Gosudarstvennoye uchrejdeniye “Avtoxozyaystvo Upravleniya xozyaystvennoy deyatelnosti apparata Kabineta Ministrov Respubliki Uzbekistan”;

qisqartirilgan nomi — GU “Avtoxozyaystvo Kabineta Ministrov Respubliki Uzbekistan”.

7. Avtoxoʻjalik qonun hujjatlarida belgilangan tartibda oʻz nomidan mulkiy va shaxsiy nomulkiy huquqlarni sotib olishi va ularni amalga oshirishi, majburiyatlar olishi, sudda daʼvogar va javobgar boʻlishi, nizolarni hal etishda boshqa organlarda vakillik qilishi mumkin.

8. Avtoxoʻjalik joylashgan joy (pochta manzili): Oʻzbekiston Respublikasi, Toshkent shahri, Yunusobod tumani, Sh. Rashidov shoh koʻchasi, 11-uy.

9. Quyidagilar Avtoxoʻjalikning asosiy vazifalari hisoblanadi:

Oʻzbekiston Respublikasi Prezidentining va Vazirlar Mahkamasining hujjatlariga muvofiq Vazirlar Mahkamasi va uning apparati, idoraviy mansub tashkilotlar, shuningdek, davlat organlari rahbariyatiga transport xizmati koʻrsatishni tashkil etish va amalga oshirish;

Avtoxoʻjalik transport vositalarining zarur tarzda saqlanishini, ulardan foydalanishni, ularning texnik soz holatda boʻlishini taʼminlash;

Avtoxoʻjalikning avtotransport vositalaridan foydalanish qoidalari loyihasini ishlab chiqish va uni Oʻzbekiston Respublikasi Vazirlar Mahkamasi apparatining boshqaruvchisiga tasdiqlash uchun taqdim etish, shuningdek, tasdiqlangan Qoidalarga rioya qilinishini taʼminlash;

mehnat intizomiga rioya qilinishini, texnika xavfsizligi boʻyicha qoidalar va ishlab chiqarishda mehnatni muhofaza qilish va ishlab chiqarish qoidalari bajarilishini taʼminlash.

10. Avtoxoʻjalik oʻziga yuklangan vazifalarni badjarish uchun quyidagi funksiyalarni amalga oshiradi:

daromadlar va xarajatlar smetasini ishlab chiqadi va tasdiqlash uchun Xoʻjalik faoliyati boshqarmasiga taqdim etadi;

asosiy va aylanma mablagʻlardan, shuningdek, mehnat, moddiy va moliyaviy resurslardan oqilona va tejab foydalanilishi ustidan nazorat qiladi va ulardan samarali foydalanilishi va ularning saqlanishi uchun javob beradi;

ishlab chiqarish-foydalanish ehtiyojlari uchun mol-mulk, asbob-uskunalar va materiallarning har xil turlarini sotib olish, shuningdek, asosiy fondlarni mukammal taʼmirlash boʻyicha belgilangan tartibda takliflar kiritadi;

nazorat raqamlari, limitlarga muvofiq va normativlar asosida oʻz ishlab chiqarish-xoʻjalik faoliyatining rejalarini ishlab chiqadi va amalga oshiradi;

mehnat va ishlab chiqarish intizomini mustahkamlash, ish joyida mehnatni muhofaza qilish va texnika xavfsizligi, yoʻnalishlarda transport intizomini mustahkamlash, yoʻlda yoʻl-transport hodisalarining oldini olish tadbirlarini amalga oshiradi;

xodimlarning lavozim vazifalarini tasdiqlaydi, jamoa shartnomalari tuzilishi va ularning bajarilishi nazorat qilinishini taʼminlaydi;

jamoani ijtimoiy taʼminlash, madaniy-maishiy shart-sharoitlar yaratish tadbirlarini amalga oshiradi, Avtoxoʻjalik xodimlarini ijtimoiy taʼminlashni yaxshilash masalalari boʻyicha Xoʻjalik faoliyati boshqarmasiga takliflar kiritadi;

transport vositalari texnik soz, sanitariya jihatidan toza holatda, Avtoxoʻjalikning imorati, asbob-uskunalari va atrof hududi zarur holatda saqlanishini taʼminlaydi;

Xoʻjalik faoliyati boshqarmasiga idoraviy mansub tashkilotlarga transport xizmati koʻrsatishga shartnomalar tuzadi;

pulli xizmatlar koʻrsatadi, asosiy vazifalar bajarilishiga zarar yetkazmasdan ichki zaxiralardan foydalanish hisobiga tashkilotlarga transport xizmati koʻrsatishga shartnomalar tuzadi;

xodimlarning mehnatini tashkil etishni doimiy ravishda takomillashtiradi, yuqori unumli mehnat uchun shart-sharoitlar yaratadi;

xodimlarning murojaatlari oʻz vaqtida va sifatli koʻrib chiqilishini taʼminlaydi, ishdagi nuqsonlarni bartaraf etish chora-tadbirlarini koʻradi;

Xoʻjalik faoliyati boshqarmasi boshligʻiga xizmat avtomobillarini biriktirish va navbatchi avtotransport vositalaridan samarali foydalanish boʻyicha takliflar kiritadi;

avtotransport vositalarini belgilangan tartibda hisobga olish, xarid qilish, taqsimlash va hisobdan chiqarishni taʼminlaydi;

maʼmuriy binoda, inshootlarda, xonalarda amaldagi normalar va qoidalarga muvofiq muhandislik tizimlari va asbob-uskunalar uzluksiz ishlashini taʼminlaydi;

yongʻin xavfsizligini taʼminlaydi va yongʻin xavfsizligi uchun masʼul boʻlgan shaxslar faoliyatini nazorat qiladi.

11. Avtoxoʻjalik yuklangan vazifalar va funksiyalarni bajarish uchun quyidagi huquqlarga ega:

Avtoxoʻjalik vakolatiga kiradigan masalalarni hal etish uchun, zarurat boʻlganda, boshqa xoʻjalik yurituvchi subyektlar va boshqa organlarning mutaxassislarini belgilangan tartibda jalb etish;

tashabbus koʻrsatish tartibida Avtoxoʻjalik faoliyatini yanada takomillashtirish boʻyicha Xoʻjalik faoliyati boshqarmasi boshligʻi nomiga takliflar kiritish.

Avtoxoʻjalik qonun hujjatlariga muvofiq boshqa huquqlarga ham ega boʻlishi mumkin.

12. Avtoxoʻjalik:

oʻziga yuklangan vazifalar va funksiyalar zarur tarzda samarali bajarilishi;

moddiy va moliyaviy resurslardan, asosiy va aylanma vositalardan oqilona va tejab foydalanilishi uchun javob beradi.

13. Avtoxoʻjalikning mol-mulki mustaqil balansda aks ettiriladigan asosiy va aylanma vositalardan, shuningdek, boshqa moddiy boyliklardan iborat.

14. Avtoxoʻjalik faoliyatini moliyalashtirish Oʻzbekiston Respublikasi Davlat budjeti mablagʻlari va qonun hujjatlarida taqiqlanmagan boshqa manbalar hisobiga amalga oshiriladi.

15. Avtoxoʻjalikka Oʻzbekiston Respublikasining Bosh vaziri bilan kelishgan holda Xoʻjalik faoliyati boshqarmasi boshligʻining taqdimnomasi boʻyicha Oʻzbekiston Respublikasi Vazirlar Mahkamasi apparatining boshqaruvchisi buyrugʻi bilan lavozimga tayinlanadigan va lavozimdan ozod etiladigan direktor boshchilik qiladi.

16. Bosh muhandis, bosh buxgalter va foydalanish boʻlimi boshligʻi Xoʻjalik faoliyati boshqarmasi boshligʻining taqdimnomasi boʻyicha Avtoxoʻjalik direktorining tavsiyasiga koʻra Oʻzbekiston Respublikasi Vazirlar Mahkamasi apparatining boshqaruvchisi buyrugʻi bilan lavozimga tayinlanadi va lavozimdan ozod etiladi.

17. Direktor:

Avtoxoʻjalik faoliyatiga rahbarlik qiladi, unga yuklangan vazifalar bajarilishi uchun javob beradi;

Avtoxoʻjalikning barcha xodimlari uchun majburiy boʻlgan buyruqlar, farmoyishlar chiqaradi va koʻrsatmalar beradi;

qonun hujjatlariga, shtat-moliya va shartnoma intizomiga rioya etilishini, pul mablagʻlari va moddiy boyliklar saqlanishini taʼminlaydi;

Avtoxoʻjalik faoliyati bilan bogʻliq masalalar boʻyicha davlat organlarida va boshqa tashkilotlarda vakillik qiladi;

Xoʻjalik faoliyati boshqarmasi bilan kelishgan holda boshqa yuridik va jismoniy shaxslar bilan qonun hujjatlarida belgilangan tartibda shartnomalar tuzadi;

Xoʻjalik faoliyati boshqarmasi boshligʻi bilan kelishgan holda xodimlarni ishga qabul qiladi, ular bilan mehnat shartnomalari (kontraktlar) tuzadi, ularni oʻzgartiradi va amal qilishini toʻxtatadi;

qonun hujjatlarida belgilangan tartibda moliyaviy va boshqa hujjatlarni imzolaydi, shartnomalar tuzadi, ishonchnomalar beradi;

mehnatga haq toʻlash fondi samarali sarflanishini nazorat qiladi;

oʻziga yuklangan vazifalar bajarilishi, shuningdek, Avtoxoʻjalikka biriktirilgan davlat mulkining saqlanishi va undan maqsadli foydalanish uchun qonun hujjatlarida belgilangan tartibda javob beradi.

18. Avtoxoʻjalik direktori vaqtincha boʻlmagan taqdirda, uning vazifalarini bosh muhandis bajaradi.

19. Avtoxoʻjalikning ishlab chiqarish va moliya-xoʻjalik faoliyatini taftish qilish Xoʻjalik faoliyati boshqarmasi tomonidan amalga oshiriladi.

20. Avtoxoʻjalik qonun hujjatlarida belgilangan tartibda qayta tashkil etiladi va tugatiladi.

1. Oʻzbekiston Respublikasi Vazirlar Mahkamasi apparati Xoʻjalik faoliyati boshqarmasining “Oʻzbekiston Respublikasi Vazirlar Mahkamasining xoʻjalik hisobidagi oshxonasi” davlat unitar korxonasi (keyingi oʻrinlarda — Xoʻjalik hisobidagi oshxona) Oʻzbekiston Respublikasi Vazirlar Mahkamasi apparati Xoʻjalik faoliyati boshqarmasining (keyingi oʻrinlarda — Xoʻjalik faoliyati boshqarmasi) idoraviy mansub tashkiloti hisoblanadi va unga boʻysunadi.

2. Oʻzbekiston Respublikasi Vazirlar Mahkamasi apparati (keyingi oʻrinlarda — Muassis) Xoʻjalik hisobidagi oshxonaning Muassisi hisoblanadi.

Xoʻjalik hisobidagi oshxona Muassisga hisobot beradi.

3. Xoʻjalik hisobidagi oshxona oʻz faoliyatida Oʻzbekiston Respublikasi Konstitutsiyasi va qonunlariga, Oʻzbekiston Respublikasi Oliy Majlisi palatalarining qarorlariga, Oʻzbekiston Respublikasi Prezidentining farmonlari, qarorlari va farmoyishlariga, Oʻzbekiston Respublikasi Vazirlar Mahkamasining qarorlari va farmoyishlariga, Oʻzbekiston Respublikasi Vazirlar Mahkamasi apparatining boshqaruvchisi buyruqlari va topshiriqlariga, Xoʻjalik faoliyati boshqarmasi boshligʻining topshiriqlariga, shuningdek, ushbu Ustavga amal qiladi.

4. Xoʻjalik hisobidagi oshxona unga operativ boshqaruv huquqi bilan berilgan davlat mulki boʻlgan mol-mulk negizida tashkil etilgan davlat unitar korxonasi hisoblanadi, mol-mulkka nisbatan qonun hujjatlarida belgilangan tartibda oʻz faoliyati maqsadlariga, Muassisning topshirigʻiga muvofiq egalik qilish, foydalanish va tasarruf etish huquqini amalga oshiradi.

5. Xoʻjalik hisobidagi oshxona yuridik shaxs hisoblanadi, alohida mol-mulkka, mustaqil balansga, bank hisobvaraqlariga, shu jumladan, valyuta hisobvaraqlariga, ramzlarga, shtamplar va blankalarga, tovar belgilariga, Oʻzbekiston Respublikasi Davlat gerbining tasviri tushirilgan va oʻz nomi davlat tilida yozilgan muhrga hamda boshqa rekvizitlarga ega boʻladi.

6. Xoʻjalik hisobidagi oshxonaning rasmiy nomi:

a) davlat tilida:

toʻliq nomi — “Oʻzbekiston Respublikasi Vazirlar Mahkamasi apparati Xoʻjalik faoliyati boshqarmasining Xoʼjalik hisobidagi oshxonasi” Davlat unitar korxonasi;

qisqartirilgan nomi — “Oʻzbekiston Respublikasi Vazirlar Mahkamasining oshxonasi” DUK.

b) rus tilida:

toʻliq nomi — Gosudarstvennoye unitarnoye predpriyatiye “Xozraschetnaya stolovaya Upravleniya xozyaystvennoy deyatelnosti apparata Kabineta Ministrov Respubliki Uzbekistan”;

qisqartirilgan nomi — GUP “Xozraschetnaya stolovaya Kabineta Ministrov Republiki Uzbekistan”.

7. Xoʻjalik hisobidagi oshxona qonun hujjatlarida belgilangan tartibda oʻz nomidan mulkiy va shaxsiy nomulkiy huquqlarni sotib olishi va ularni amalga oshirishi, majburiyatlar olishi, sudda daʼvogar va javobgar boʻlishi, nizolarni hal etishda boshqa organlarda vakillik qilishi mumkin.

8. Xoʻjalik hisobidagi oshxona Muassisning roziligi bilan tijorat tashkilotlarining, shuningdek qonun hujjatlariga muvofiq yuridik shaxslarning ishtirok etishiga yoʻl qoʻyiladigan notijorat tashkilotlarining qatnashchisi (aksiyadori, aʼzosi) boʻlishi mumkin.

9. Xoʻjalik hisobidagi oshxona boshqa davlat unitar korxonasining muassisi boʻlishi mumkin emas.

10. Xoʻjalik hisobidagi oshxona joylashgan joy (pochta manzili): Oʻzbekiston Respublikasi, Toshkent shahri, Yunusobod tumani, Mustaqillik maydoni, 5-uy.

11. Oʻzbekiston Respublikasi Vazirlar Mahkamasi xodimlarining ovqatlanishini taʼminlash, ularning tovarlar va xizmatlarning har xil turlariga boʻlgan ehtiyojlarini qondirish Xoʻjalik hisobidagi oshxona faoliyatining maqsadi hisoblanadi.

12. Quyidagilar Xoʻjalik hisobidagi oshxona faoliyatining asosiy yoʻnalishlari hisoblanadi:

qonun hujjatlarida taqiqlanmagan halq isteʼmol tovarlarining keng turlarini ishlab chiqarish, ularni xarid qilish, saqlash va sotish;

qandolatchilik, non mahsulotlari, goʻsht va sut mahsulotlari, quruq mevalar, murabbolar, salqin ichimliklar, sharbatlarni tayyorlash, xarid qilish, saqlash va sotish;

qishloq xoʻjaligi va goʻsht-sut mahsulotlari, chorvachilik mahsulotlari yetishtirish boʻyicha yordamchi xoʻjaliklar tashkil qilish;

maishiy xizmatlar koʻrsatish;

tijorat doʻkonlari tarmogʻini tashkil etish;

oshxona faoliyati bilan bogʻliq boʻlgan taʼmirlash, montaj qilish va qurilish ishlarini tashkil etish;

pul oʻtkazish va naqd pul bilan hisob-kitob qilish yoʻli bilan ulgurji va chakana savdoni amalga oshirish, shuningdek, vositachilik xizmatlari koʻrsatish;

zamonaviy texnologik liniyalarni sotib olish va ulardan foydalanish;

Oʻzbekiston Respublikasi mintaqalarida qishloq xoʻjaligi va chorvachilik mahsulotlarini qayta ishlash boʻyicha ishlab chiqarishlarni tashkil etish.

Agar qonun hujjatlarida ushbu Ustavda nazarda tutilgan faoliyatning tegishli turi litsenziyalanishi belgilangan taqdirda, Xoʻjalik hisobidagi oshxona faoliyatning ushbu turini tegishli litsenziya organi bilan tuzilgan litsenziya bitimi asosida litsenziya olmasdan amalga oshirishi mumkin.

Xoʻjalik hisobidagi oshxona qonun hujjatlarida taqiqlanmagan faoliyatning boshqa turlarini amalga oshirilishi mumkin.

13. Muassis quyidagi xuquqlarga ega:

Xoʻjalik hisobidagi oshxona faoliyatining maqsadlari va yoʻnalishlarini belgilash;

Xoʻjalik hisobidagi oshxona ustaviga oʻzgartirish va qoʻshimchalar kiritish haqida qarorlar qabul qilish;

Xoʻjalik hisobidagi oshxonaning ortiqcha, foydalanilmayotgan yoxud oʻz maqsadidan boshqa maqsadlarda foydalanilayotgan mol-mulkini olib qoʻyish va ularni tasarruf etish;

Muassis tomonidan Xoʻjalik hisobidagi oshxonaga berilgan mol-mulkdan foydalanishdan tushgan sof foydaning bir qismini yoki barchasini olish;

Xoʻjalik hisobidagi oshxonaning mol-mulki bilan tuzilgan bitimni xaqiqiy emas deb eʼtirof etish toʻgʻrisida daʼvo arizasi bilan sudga murojaat qilish;

Xoʻjalik hisobidagi oshxonaga yetkazilgan zararlarni qoplash toʻgʻrisida daʼvo qoʻzgʻash;

mehnat haqidagi qonun hujjatlarida belgilangan tartibda Xoʻjalik hisobidagi oshxona rahbariyati bilan tuzilgan mehnat shartnomasini muddatidan oldin toʻxtatish.

Muassis qonun hujjatlariga muvofiq boshqa xuquqlarga ham ega boʻlishi mumkin.

14. Xoʻjalik hisobidagi oshxonaning joriy faoliyatiga rahbarlik qilish Oʻzbekiston Respublikasining Bosh vaziri bilan kelishgan holda Xoʻjalik faoliyati boshqarmasi boshligʻining taqdimnomasi boʻyicha Oʻzbekiston Respublikasi Vazirlar Mahkamasi apparatining boshqaruvchisi buyrugʻi bilan lavozimga tayinlanadigan va lavozimdan ozod etiladigan uning direktori tomonidan amalga oshiriladi.

15. Direktor Xoʻjalik hisobidagi oshxonaning ijro etuvchi organi hisoblanadi.

16. Xoʻjalik hisobidagi oshxonaning direktori:

qonun hujjatlari talablarini bajarishga, Xoʻjalik hisobidagi oshxona xodimlari mehnatini muhofaza qilish va mehnat shart-sharoitlarini yaxshilash sohasidagi normalar va qoidalarga rioya qilishga yoʻnaltirilgan tadbirlarni ishlab chiqadi va amalga oshiradi;

Xoʻjalik hisobidagi oshxonani rivojlantirish dasturlari amalga oshirilishini tashkil etadi;

Xoʻjalik hisobidagi oshxonaning asosiy faoliyatini takomillashtirishga, boshqaruvning zamonaviy usullarini joriy etishga yoʻnaltirilgan vazifalarni amalga oshirish chora-tadbirlarini koʻradi;

Xoʻjalik hisobidagi oshxona nomidan ishonchnomasiz ish koʻradi, barcha tashkilotlarda, shu jumladan, chet elda uning manfaatlarini ifodalaydi;

Xoʻjalik faoliyati boshqarmasi bilan kelishgan holda boshqa yuridik va jismoniy shaxslar bilan qonun hujjatlarida belgilangan tartibda shartnomalar tuzadi;

Xoʻjalik faoliyati boshqarmasi boshligʻi bilan kelishgan holda xodimlarni ishga qabul qiladi, ular bilan mehnat shartnomalari (kontraktlar) tuzadi, ularni oʻzgartiradi va amal qilishini toʻxtatadi;

qonun hujjatlarida belgilangan tartibda ishonchnomalar beradi;

kadrlarni tayyorlash, ularni qayta tayyorlash va ularning malakasini oshirish chora-tadbirlarini koʻradi;

Xoʻjalik hisobidagi oshxonaning barcha xodimlari uchun majburiy boʻlgan buyruqlar, farmoyishlar chiqaradi va koʻrsatmalar beradi;

Xoʻjalik hisobidagi oshxonaning ichki mehnat tartibi va xoʻjalik faoliyatini tartibga soluvchi hujjatlarni tasdiqlaydi;

Xoʻjalik hisobidagi oshxonada qonun hujjatlariga rioya etilishi tashkil etilishi va nazorat qilinishini taʼminlaydi;

Xoʻjalik hisobidagi oshxona faoliyatining maqsadlari va asosiy yoʻnalishlarini amalga oshirish uchun zarur boʻlgan boshqa funksiyalarni amalga oshiradi.

Xoʻjalik hisobidagi oshxona direktorining oʻrinbosari va bosh buxgalteri Xoʻjalik faoliyati boshqarmasining boshligʻi bilan kelishgan holda Xoʻjalik hisobidagi oshxona direktorining taqdimnomasi asosida Oʻzbekiston Respublikasi Vazirlar Mahkamasi apparatining boshqaruvchisi buyrugʻi bilan lavozimga tayinlanadilar va lavozimdan ozod etiladilar.

17. Xoʻjalik hisobidagi oshxona direktori oʻz huquqlarini amalga oshirish va vazifalarni ijro etish doirasida Xoʻjalik hisobidagi oshxona manfaatlarini koʻzlab ish koʻradi hamda Oʻzbekiston Respublikasi Davlat budjetiga va davlat maqsadli jamgʻarmalariga toʻlovlar, ish haqi va ularga tenglashtirilgan toʻlovlar oʻz vaqtida toʻlanishi, bevosita ishlab chiqarish faoliyati bilan bogʻliq ehtiyojlarga pul mablagʻlari oʻtkazilmaganligi, Xoʻjalik hisobidagi oshxonaga uning harakatlari (harakatsizligi) tufayli yetkazilgan zararlar, shu jumladan, Xoʻjalik hisobidagi oshxonaga biriktirilgan davlat mulki yoʻqotilganligi uchun qonun hujjatlarida belgilangan tartibda javob beradi.

18. Xoʻjalik hisobidagi oshxona direktori unga yuklangan vazifalar bajarilishi, shuningdek, Xoʻjalik hisobidagi oshxonaga biriktirilgan davlat mol-mulki saqlanishi va undan maqsadli foydalanilishi uchun qonun hujjatlarida belgilangan tartibda javob beradi.

19. Xoʻjalik hisobidagi oshxonaning ustav fondi Muassis tomonidan faoliyatni amalga oshirish uchun operativ boshqaruv huquqi bilan Xoʻjalik hisobidagi oshxonaga berilgan vositalar, mol-mulk va boshqa aktivlarning jamini ifodalaydi.

20. Xoʻjalik hisobidagi oshxonaning ustav fondi miqdori 32,0 mln. soʻmni tashkil etadi.

21. Xoʻjalik hisobidagi oshxonaning ustav fondi miqdorini koʻpaytirish va kamaytirish tartibi Muassisning qarori boʻyicha qonun hujjatlarida belgilangan tartibda amalga oshiriladi.

22. Xoʻjalik hisobidagi oshxonaning mol-mulki operativ boshqaruv huquqi bilan Muassis tomonidan Xoʻjalik hisobidagi oshxonaga biriktirilgan asosiy fondlardan va aylanma mablagʻlardan iborat.

23. Xoʻjalik hisobidagi oshxonaning asosiy fondlari va aylanma mablagʻlari boʻlinmaydi va hissalar (ulushlar, paylar) boʻyicha taqsimlanishi mumkin emas.

24. Muassis Xoʻjalik hisobidagi oshxonaga berilgan davlat mulkidan vazifasiga koʻra foydalanilishi va saqlanishi, shuningdek, ularning oʻzgalarga berilishi ustidan nazorat qiladi.

25. Muassis bilan kelishgan holda Xoʻjalik hisobidagi oshxona direktori quyidagi hollarda:

asosiy vositalarni sotishi, ularni ijaraga berishi yoki garovga qoʻyishi;

mol-mulkni boshqa xoʻjalik jamiyatining ustav fondiga hissa sifatida kiritishi;

boshqa xoʻjalik jamiyatlarining aksiyalari (ulushlari)ni sotib olishi va sotishi;

mol-mulk boshqacha tarzda tasarruf etilgan hollarda Xoʻjalik hisobidagi oshxonaning mol-mulkini tasarruf etishi mumkin.

26. Xoʻjalik hisobidagi oshxonaning daromadi:

umumiy ovqatlanish, savdo va xizmatlar koʻrsatishdan olingan daromadlar;

binolar va inshootlarni ijaraga berishdan tushumlarning bir qismi;

qonun hujjatlarida taqiqlanmagan boshqa tushumlar hisobiga shakllantiriladi.

27. Xoʻjalik hisobidagi oshxona tomonidan uning tasarrufida qolgan sof foyda hisobiga zaxira fondi, shuningdek, miqdori va shakllantirilishi tartibi Muassis tomonidan tasdiqlanadigan boshqa fondlar tashkil etilishi mumkin.

28. Barcha soliqlar hamda Oʻzbekiston Respublikasi Davlat budjetiga va davlat maqsadli jamgʻarmalariga boshqa majburiy toʻlovlar, shuningdek, sof foydadan Oʻzbekiston Respublikasi Davlat budjetiga ajratmalar toʻlanganidan keyin Xoʻjalik hisobidagi oshxonada qoladigan sof foyda qonun hujjatlariga muvofiq Xoʻjalik hisobidagi oshxona tasarrufiga oʻtadi.

29. Muassis mablagʻlarni tasarruf etish huquqini direktorga bergan holda oʻz qarori bilan xayriya maqsadlariga, boshqa yuridik va jismoniy shaxslarga yoʻnaltiradigan pul mablagʻlarining cheklangan summasini belgilaydi.

30. Xoʻjalik hisobidagi oshxonaning xoʻjalik faoliyati natijasida yetkazilgan zararlarni qoplash ushbu maqsadlar uchun tashkil etilgan zaxira fondi mablagʻlari hisobiga amalga oshirilishi mumkin.

31. Xoʻjalik hisobidagi oshxona hisobot davri tamom boʻlgandan keyin vakolatli organlarga moliyaviy hisobotni va qonun hujjatlarida belgilangan boshqa hujjatlarni taqdim etadi hamda hujjatlarning saqlanishi va ular belgilangan tartibda davlat tomonidan saqlash uchun berilishi uchun javob beradi.

32. Xoʻjalik hisobidagi oshxonaning ishlab chiqarish va moliya-xoʻjalik faoliyati Xoʻjalik faoliyat boshqarmasi tomonidan taftishdan oʻtkaziladi.

33. Xoʻjalik hisobidagi oshxona direktori Xoʻjalik hisobidagi oshxona faoliyati natijalari va tasdiqlangan rivojlanish dasturlari amalga oshirilishi toʻgʻrisida Xoʻjalik faoliyati boshqarmasi oldida hisobot beradi.

34. Xoʻjalik hisobidagi oshxona oʻz majburiyatlari boʻyicha oʻziga tegishli mol-mulk bilan javob beradi. Muassis Xoʻjalik hisobidagi oshxonaning mol-mulki yetarli boʻlmaganda uning majburiyatlari boʻyicha subsidiar javob beradi.

35. Xoʻjalik hisobidagi oshxona Muassisning majburiyatlari boʻyicha javob bermaydi.

36. Xoʻjalik hisobidagi oshxona Muassis bilan kelishgan holda Oʻzbekiston Respublikasi qonun hujjatlari talablariga rioya etgan holda ham Oʻzbekiston Respublikasi hududida, ham uning tashqarisida filiallar tashkil etishi va vakolatxonalar ochishi mumkin.

37. Xoʻjalik hisobidagi oshxonaning filiallari va vakolatxonalari Xoʻjalik hisobidagi oshxona tomonidan tasdiqlangan ustavlar asosida uning nomidan ish koʻradi.

38. Xoʻjalik hisobidagi oshxonaning filiali yoki vakolatxonasi rahbari Xoʻjalik faoliyati boshqarmasi bilan kelishgan holda Xoʻjalik hisobidagi oshxona direktori tomonidan tayinlanadi va u tomonidan berilgan ishonchnoma asosida ish koʻradi. Ishonchnoma ushbu rahbar bilan mehnat shartnomasi (kontrakt)ning amal qilishi toʻxtatilganda direktor tomonidan bekor qilinishi kerak.

39. Xoʻjalik hisobidagi oshxona oʻzi tomonidan tashkil etiladigan filiallar va vakolatxonalarning majburiyatlari boʻyicha javob beradi.

40. Xoʻjalik hisobidagi oshxona qonun hujjatlarida nazarda tutilgan tartibda qayta tashkil etilishi yoki tugatilishi mumkin.

1. Oʻzbekiston Respublikasi Vazirlar Mahkamasi apparati Xoʻjalik faoliyati boshqarmasining “Oʻzbekiston Respublikasi Vazirlar Mahkamasi apparati Xoʻjalik faoliyati boshqarmasining bosmaxonasi” davlat unitar korxonasi (keyingi oʻrinlarda — Bosmaxona) Oʻzbekiston Respublikasi Vazirlar Mahkamasi apparati Xoʻjalik faoliyati boshqarmasining (keyingi oʻrinlarda — Xoʻjalik faoliyati boshqarmasi) idoraviy mansub tashkiloti hisoblanadi va unga boʻysunadi.

2. Oʻzbekiston Respublikasi Vazirlar Mahkamasi apparati (keyingi oʻrinlarda — Muassis) Bosmaxonaning muassisi hisoblanadi.

Bosmaxona Muassisga hisobot beradi.

3. Bosmaxona oʻz faoliyatida Oʻzbekiston Respublikasi Konstitutsiyasi va qonunlariga, Oʻzbekiston Respublikasi Oliy Majlisi palatalarining qarorlariga, Oʻzbekiston Respublikasi Prezidentining farmonlari, qarorlari va farmoyishlariga, Oʻzbekiston Respublikasi Vazirlar Mahkamasining qarorlari va farmoyishlariga, Oʻzbekiston Respublikasi Vazirlar Mahkamasi apparatining boshqaruvchisi buyruqlari va topshiriqlariga, Xoʻjalik faoliyati boshqarmasi boshligʻining buyruqlari va topshiriqlariga, shuningdek, ushbu Ustavga amal qiladi.

4. Bosmaxona unga operativ boshqaruv huquqi bilan berilgan davlat mulki boʻlgan mol-mulk negizida tashkil etilgan davlat unitar korxonasi hisoblanadi, mol-mulkka nisbatan qonun hujjatlarida belgilangan doiralarda oʻz faoliyati maqsadlariga, Muassisning topshirigʻiga muvofiq egalik qilish, foydalanish va tasarruf etish huquqini amalga oshiradi.

5. Bosmaxona yuridik shaxs hisoblanadi, alohida mol-mulkka, mustaqil balansga, bankda hisobvaraqlariga, shu jumladan, valyuta hisobvaraqlariga, ramzlarga, shtamplar va blankalarga, tovar belgilariga, Oʻzbekiston Respublikasi Davlat gerbining tasviri tushirilgan va oʻz nomi davlat tilida yozilgan muhrga hamda boshqa rekvizitlarga ega boʻladi.

6. Bosmaxonaning rasmiy nomi:

a) davlat tilida:

toʻliq nomi — “Oʻzbekiston Respublikasi Vazirlar Mahkamasi apparati Xoʻjalik faoliyati boshqarmasining Bosmaxonasi” Davlat unitar korxonasi;

qisqartirilgan nomi — “Oʻzbekiston Respublikasi Vazirlar Mahkamasining bosmaxonasi” DUK;

b) rus tilida:

toʻliq nomi — Gosudarstvennoye unitarnoye predpriyatiye “Tipografiya Upravleniya xozyaystvennoy deyatelnosti apparata Kabineta Ministrov Respubliki Uzbekistan”;

qisqartirilgan nomi — GUP “Tipografiya Kabineta Ministrov Republiki Uzbekistan”.

7. Bosmaxona qonun hujjatlarida belgilangan tartibda oʻz nomidan mulkiy va shaxsiy nomulkiy huquqlarni sotib olishi va ularni amalga oshirishi, majburiyatlar olishi, sudda daʼvogar va javobgar boʻlishi, nizolarni hal etishda boshqa organlarda vakillik qilishi mumkin.

8. Bosmaxona Muassisning roziligi bilan tijorat tashkilotlarining, shuningdek, qonun hujjatlariga muvofiq yuridik shaxslarning ishtirok etishiga yoʻl qoʻyiladigan notijorat tashkilotlarining qatnashchisi (aksiyadori, aʼzosi) boʻlishi mumkin.

9. Bosmaxona boshqa davlat unitar korxonasining qatnashchisi boʻlishi mumkin emas.

10. Bosmaxonaning joylashgan joyi (pochta manzili): Oʻzbekiston Respublikasi, Toshkent shahri, Chilonzor tumani, Beshyogʻoch koʻchasi, 51-uy.

11. Noshirlik-matbaa faoliyatini amalga oshirish, shuningdek, ushbu Ustavda nazarda tutilgan boshqa xizmatlarni (ishlarni) koʻrsatishdan (bajarishdan) foyda olish Bosmaxona faoliyatining maqsadi hisoblanadi.

12. Quyidagilar Bosmaxona faoliyatining asosiy yoʻnalishlari hisoblanadi:

Oʻzbekiston Respublikasi Vazirlar Mahkamasining muayyan davriy nashrlari ikki tilda, yuqori matbaa darajasida belgilangan tartibda oʻz vaqtida chop etilishini taʼminlash;

Oʻzbekiston Respublikasi Vazirlar Mahkamasi va uning boʻlinmalarining ayrim davriy boʻlmagan buyurtmalarini bajarish;

qonun hujjatlarida taqiqlanmagan xizmatlar koʻrsatish uchun boshqa yuridik va jismoniy shaxslardan buyurtmalar qabul qilish.

Agar qonun hujjatlarida ushbu Ustavda nazarda tutilgan faoliyatning tegishli turi litsenziyalanishi belgilangan taqdirda, Bosmaxona faoliyatning ushbu turini tegishli litsenziya organi bilan tuzilgan litsenziya bitimi asosida litsenziya olmasdan amalga oshirishi mumkin.

Bosmaxona qonun hujjatlarida taqiqlanmagan faoliyatning boshqa turlarini amalga oshirishi mumkin.

13. Muassis quyidagi xuquqlarga ega:

Bosmaxona faoliyatining maqsadlari va yoʻnalishlarini belgilash;

Bosmaxona Ustaviga oʻzgartirish va qoʻshimchalar kiritish haqida qarorlar qabul qilish;

Bosmaxonaning ortiqcha, foydalanilmayotgan yoxud oʻz maqsadidan boshqa maqsadlarda foydalanilayotgan mol-mulkini olib qoʻyish va ularni tasarruf etish;

Muassis tomonidan Bosmaxonaga berilgan mol-mulkdan foydalanishdan tushgan sof foydaning bir qismini yoki barcha qismini olish;

Bosmaxonaning mol-mulki bilan tuzilgan bitimni xaqiqiy emas deb eʼtirof etish toʻgʻrisida daʼvo arizasi bilan sudga murojaat qilish;

Bosmaxonaga yetkazgan zararlarni qoplash toʻgʻrisida daʼvo qoʻzgʻash;

mehnat haqidagi qonun hujjatlarida belgilangan tartibda Bosmaxona rahbariyati bilan tuzilgan mehnat shartnomasini muddatidan oldin toʻxtatish.

Muassis qonun hujjatlariga muvofiq boshqa xuquqlarga ham ega boʻlishi mumkin.

14. Bosmaxonaning joriy faoliyatiga rahbarlik qilish Oʻzbekiston Respublikasining Bosh vaziri bilan kelishgan holda Xoʻjalik faoliyati boshqarmasi boshligʻining taqdimnomasi asosida Oʻzbekiston Respublikasi Vazirlar Mahkamasi apparatining boshqaruvchisi buyrugʻi bilan lavozimga tayinlanadigan va lavozimdan ozod etiladigan direktor tomonidan amalga oshiriladi.

15. Direktor Bosmaxonaning ijro etuvchi organi funksiyasini bajaradi.

16. Bosmaxona direktori:

qonun hujjatlari talablarini bajarishga, Bosmaxona xodimlari mehnatini muhofaza qilish va mehnat shart-sharoitlarini yaxshilash sohasidagi meʼyorlar va qoidalarga rioya qilishga yoʻnaltirilgan tadbirlarni ishlab chiqadi va joriy etadi;

Bosmaxonani rivojlantirish dasturlari amalga oshirilishini tashkil etadi;

Bosmaxonaning asosiy faoliyatini takomillashtirishga, boshqaruvning eng yangi zamonaviy usullarini joriy etishga yoʻnaltirilgan vazifalarni amalga oshirish chora-tadbirlarini koʻradi;

Bosmaxona nomidan ishonchnomasiz ish koʻradi, barcha tashkilotlarda, shu jumladan, chet elda uning manfaatlarini ifodalaydi;

Xoʻjalik faoliyati boshqarmasi bilan kelishgan holda boshqa yuridik va jismoniy shaxslar bilan qonun hujjatlarida belgilangan tartibda shartnomalar tuzadi;

Xoʻjalik faoliyati boshqarmasi boshligʻi bilan kelishgan holda xodimlarni ishga qabul qiladi, ular bilan mehnat shartnomalari (kontraktlar) tuzadi, ularni oʻzgartiradi va amal qilishini toʻxtatadi;

qonun hujjatlarida belgilangan tartibda ishonchnomalar beradi;

kadrlarni tayyorlash, ularni qayta tayyorlash va ularning malakasini oshirish chora-tadbirlarini koʻradi;

Bosmaxonaning barcha xodimlari uchun majburiy boʻlgan buyruqlar, farmoyishlar chiqaradi va koʻrsatmalar beradi;

Bosmaxonaning ichki mehnat tartibi va xoʻjalik faoliyatini tartibga soluvchi hujjatlarni tasdiqlaydi;

Bosmaxona tomonidan qonun hujjatlari talablariga rioya etilishi tashkil etilishi va nazorat qilinishini taʼminlaydi;

Bosmaxona maqsadlari va faoliyatining asosiy yoʻnalishlarini amalga oshirish uchun zarur boʻlgan boshqa funksiyalarni amalga oshiradi.

Bosmaxonaning yetakchi muhandis-texnologi va bosh buxgalteri Xoʻjalik faoliyati boshqarmasi boshligʻi bilan kelishilgan holda Bosmaxona direktorining buyrugʻi bilan lavozimga tayinlanadi va lavozimdan ozod etiladi.

17. Bosmaxona direktori oʻz huquqlarini amalga oshirish va vazifalarni ijro etish doirasida Bosmaxona manfaatlarini koʻzlab ish koʻradi hamda Oʻzbekiston Respublikasi Davlat budjetiga va davlat maqsadli jamgʻarmalariga toʻlovlar, ish haqi va ularga tenglashtirilgan toʻlovlar oʻz vaqtida toʻlanishi, bevosita ishlab chiqarish faoliyati bilan bogʻliq ehtiyojlarga pul mablagʻlari oʻtkazilmaganligi va Bosmaxonaga uning harakatlari (harakatsizligi) tufayli yetkazilgan zararlar, shu jumladan, Bosmaxonaga biriktirilgan davlat mulki yoʻqotilganligi uchun qonun hujjatlarida belgilangan tartibda javob beradi.

18. Bosmaxona direktori unga yuklangan vazifalar bajarilishi, shuningdek, Bosmaxonaga biriktirilgan davlat mol-mulki saqlanishi va undan maqsadli foydalanilishi uchun qonun hujjatlarida belgilangan tartibda javob beradi.

19. Bosmaxonaning ustav fondi Muassis tomonidan faoliyatni amalga oshirish uchun operativ boshqaruv huquqi bilan Bosmaxonaga berilgan vositalar, mol-mulk va boshqa aktivlarning jamini ifodalaydi.

20. Bosmaxonaning ustav fondi miqdori 61,0 mln. soʻmni tashkil etadi.

21. Bosmaxonaning ustav fondi miqdorini koʻpaytirish va kamaytirish tartibi Muassisning qarori boʻyicha qonun hujjatlarida belgilangan tartibda amalga oshiriladi.

22. Bosmaxonaning mol-mulki operativ boshqaruv huquqi bilan Muassis tomonidan Bosmaxonaga biriktirilgan asosiy fondlardan va aylanma mablagʻlardan iborat.

23. Bosmaxonaning asosiy fondlari va aylanma mablagʻlari boʻlinmaydi va hissalar (ulushlar, paylar) boʻyicha taqsimlanishi mumkin emas.

24. Muassis Bosmaxonaga tezkor foydalanish uchun berilgan davlat mulkidan vazifasiga koʻra foydalanilishi va saqlanishi ustidan nazorat qiladi.

25. Muassis bilan kelishgan holda Bosmaxona direktori:

asosiy vositalarni sotishi, ularni ijaraga berishi yoki garovga qoʻyishi;

mol-mulkni boshqa xoʻjalik jamiyatining ustav fondiga hissa sifatida kiritishi;

boshqa xoʻjalik jamiyatlarining aksiyalari (ulushlari)ni sotib olishi va sotishi;

boshqa hollarda Bosmaxona mulkini tasarruf etishi mumkin.

26. Bosmaxonaning daromadi:

noshirlik-matbaa faoliyatidan olingan daromadlar;

binolar va inshootlarni ijaraga berishdan tushumlarning bir qismi;

qonun hujjatlarida taqiqlanmagan boshqa tushumlar hisobiga shakllantiriladi.

27. Bosmaxonada uning tasarrufida qolgan sof foyda hisobiga zaxira jamgʻarmasi, shuningdek, miqdori va shakllantirilishi tartibi Muassis tomonidan tasdiqlanadigan boshqa jamgʻarmalar tashkil etilishi mumkin.

28. Barcha soliqlar hamda budjetga va davlat maqsadli jamgʻarmalariga boshqa majburiy toʻlovlar, shuningdek, sof foydadan Oʻzbekiston Respublikasi Davlat budjetiga ajratmalar toʻlangandan keyin Bosmaxonada qoladigan sof foyda qonun hujjatlariga muvofiq Bosmaxona tasarrufiga oʻtadi.

29. Muassis mablagʻlarni tasarruf etish huquqini direktorga bergan holda oʻz qarori bilan xayriya maqsadlariga, boshqa yuridik va jismoniy shaxslarga yoʻnaltiradigan pul mablagʻlarining cheklangan summasini belgilaydi.

30. Bosmaxonaning xoʻjalik faoliyati natijasida yetkazilgan zararlarni qoplash ushbu maqsadlar uchun tashkil etilgan zaxira jamgʻarmasi mablagʻlari hisobiga amalga oshirilishi mumkin.

31. Bosmaxona hisobot davri tamom boʻlgandan keyin vakolatli organlarga moliyaviy hisobotni va qonun hujjatlarida belgilangan boshqa hujjatlarni taqdim etadi hamda hujjatlarning saqlanishi va ular belgilangan tartibda davlat tomonidan saqlanishga topshirilishi uchun javob beradi.

32. Xoʻjalik yurituvchi subyekt sifatida Bosmaxona faoliyati ustidan nazorat qilish qonun hujjatlarida belgilangan tartibda Muassis tomonidan amalga oshiriladi.

33. Bosmaxona direktori Bosmaxona faoliyati natijalari va tasdiqlangan rivojlanish dasturlari amalga oshirilishi toʻgʻrisida Boshqarma oldida hisobot beradi.

34. Bosmaxona oʻz majburiyatlari boʻyicha oʻziga tegishli mol-mulk bilan javob beradi. Muassis Bosmaxonaning mol-mulki yetarli boʻlmaganda uning majburiyatlari boʻyicha subsidiar javob beradi.

35. Bosmaxona Muassisning majburiyatlari boʻyicha javob bermaydi.

36. Bosmaxona Muassis bilan kelishgan holda Oʻzbekiston Respublikasi qonun hujjatlari talablariga rioya etgan holda ham Oʻzbekiston Respublikasi hududida, ham uning tashqarisida filiallar tashkil etishi va vakolatxonalar ochishi mumkin.

37. Bosmaxonaning filiallari va vakolatxonalari Bosmaxona tomonidan tasdiqlangan ustavlar asosida uning nomidan ish koʻradi.

38. Bosmaxonaning filiali yoki vakolatxonasi rahbari Xoʻjalik faoliyati boshqarmasi bilan kelishgan holda Bosmaxona direktori tomonidan tayinlanadi va u tomonidan berilgan ishonchnoma asosida ish koʻradi. Ishonchnoma ushbu rahbar bilan mehnat shartnomasi (kontrakt)ning amal qilishi toʻxtatilganda Bosmaxona direktori tomonidan bekor qilinadi.

39. Bosmaxona oʻzi tomonidan tashkil etiladigan filiallar va vakolatxonalarning majburiyatlari boʻyicha javob beradi.

40. Bosmaxona qonun hujjatlarida nazarda tutilgan tartibda qayta tashkil etilishi yoki tugatilishi mumkin.

1. Oʻzbekiston Respublikasi Vazirlar Mahkamasi apparati Xoʻjalik faoliyati boshqarmasining ““Semurgʻ” bolalar sogʻlomlashtirish oromgohi” davlat muassasasi (keyingi oʻrinlarda — “Semurgʻ” BSO) Oʻzbekiston Respublikasi Vazirlar Mahkamasi apparati Xoʻjalik faoliyati boshqarmasining (keyingi oʻrinlarda — Xoʻjalik faoliyati boshqarmasi) idoraviy mansub tashkiloti hisoblanadi va unga boʻysunadi.

2. Oʻzbekiston Respublikasi Vazirlar Mahkamasi apparati (keyingi oʻrinlarda — Muassis) “Semurgʻ” bolalar sogʻlomlashtirish oromgohining Muassisi hisoblanadi.

“Semurgʻ” bolalar sogʻlomlashtirish oromgohi Muassisga hisobot beradi.

3. “Semurgʻ” bolalar sogʻlomlashtirish oromgohi oʻz faoliyatida Oʻzbekiston Respublikasi Konstitutsiyasi va qonunlariga, Oʻzbekiston Respublikasi Oliy Majlisi palatalarining qarorlariga, Oʻzbekiston Respublikasi Prezidentining farmonlari, qarorlari va farmoyishlariga, Oʻzbekiston Respublikasi Vazirlar Mahkamasining qarorlari va farmoyishlariga, Oʻzbekiston Respublikasi Vazirlar Mahkamasi apparati boshqaruvchisining buyruqlari va topshiriqlariga, Xoʻjalik faoliyati boshqarmasi boshligʻining topshiriqlariga, shuningdek, ushbu Ustavga amal qiladi.

4. “Semurgʻ” bolalar sogʻlomlashtirish oromgohi unga operativ boshqaruv huquqi bilan berilgan davlat mulki boʻlgan mol-mulk negizida tashkil etilgan davlat muassasasi shaklidagi notijorat tashkiloti hisoblanadi, mol-mulkka nisbatan qonun hujjatlarida belgilangan doiralarda oʻz faoliyati maqsadlariga, Muassisning topshirigʻiga muvofiq egalik qilish, foydalanish va tasarruf etish huquqini amalga oshiradi.

5. “Semurgʻ” bolalar sogʻlomlashtirish oromgohi yuridik shaxs hisoblanadi, alohida mol-mulkka, mustaqil balansga, Oʻzbekiston Respublikasi Moliya vazirligining Gʻaznachiligida gʻazna hisobvaraqlariga, ramzlarga, shtamplar va blankalarga, tovar belgilariga, Oʻzbekiston Respublikasi Davlat gerbining tasviri tushirilgan va oʻz nomi davlat tilida yozilgan muhrga hamda boshqa rekvizitlarga ega boʻladi.

6. “Semurgʻ” bolalar sogʻlomlashtirish oromgohining rasmiy nomi:

a) davlat tilida:

toʻliq nomi — “O'zbekiston Respublikasi Vazirlar Mahkamasi apparati Xo'jalik faoliyati boshqarmasining “Semurg'” bolalar sog'lomlashtirish oromgohi” Davlat muassasasi;

qisqartirilgan nomi — ““Semurg'” VSO” DM;

b) rus tilida:

toʻliq nomi — Gosudarstvennoye uchrejdeniye “Detskiy ozdorovitelniy lager “Semurg” Upravleniya xozyaystvennoy deyatelnosti apparata Kabineta Ministrov Respubliki Uzbekistan”;

qisqartirilgan nomi — GU “DOL “Semurg””.

7. “Semurgʻ” bolalar sogʻlomlashtirish oromgohi qonun hujjatlarida belgilangan tartibda oʻz nomidan mulkiy va shaxsiy nomulkiy huquqlarni sotib olishi va ularni amalga oshirishi, majburiyatlar olishi, sudda daʼvogar va javobgar boʻlishi, nizolarni hal etishda boshqa organlarda vakillik qilishi mumkin.

8. “Semurgʻ” bolalar sogʻlomlashtirish oromgohi joylashgan joy (pochta manzili): Oʻzbekiston Respublikasi, Toshkent viloyati, Boʻstonliq tumani, Soyliq posyolkasi.

9. Quyidagilar “Semurgʻ” bolalar sogʻlomlashtirish oromgohining asosiy vazifalari hisoblanadi:

bolalarning mazmunli dam olishini taʼminlash, shaxs sifatida, ijodiy, jismoniy va maʼnaviy-axloqiy kamol topish uchun bolalarga zarur shart-sharoitlar yaratish;

bolalarning ijtimoiy faolligini rivojlantirish, ularni jamiyat hayotiga moslashtirish, oʻzini oʻzi boshqarish, kollektivizm koʻnikmalarini singdirish;

sogʻlomlashtirish tadbirlari oʻtkazish yoʻli bilan bolalar sogʻligʻini mustahkamlash, ularni jismoniy tarbiya va sport bilan shugʻullanishga undash;

bolalar hayot faoliyati shart-sharoitlarini taʼminlash, shu jumladan, bolalarni joylashtirish, ovqatlantirish, ularga tibbiy xizmat koʻrsatish, ularning yashashi, hayoti, sogʻligʻi muhofaza qilinishini va xavfsizligini tashkil etish.

10. “Semurgʻ” bolalar sogʻlomlashtirish oromgohi unga yuklangan vazifalarni bajarish uchun quyidagi funksiyalarni amalga oshiradi:

Oʻzbekiston Respublikasi Prezidenti Administratsiyasi, Oʻzbekiston Respublikasi Vazirlar Mahkamasi, Oʻzbekiston Respublikasi Oliy Majlisining Qonunchilik palatasi va Senati, Xoʻjalik faoliyati boshqarmasining idoraviy mansub tashkilotlari xodimlarining 7 yoshdan 14 yoshgacha boʻlgan farzandlari, shuningdek, boshqa tashkilotlar va jismoniy shaxslarning bevosita “Semurgʻ” bolalar sogʻlomlashtirish oromgohiga buyurtmanomalari boʻyicha Xoʻjalik faoliyati boshqarmasi bilan kelishgan holda, ularning farzandlarini yoz davrida dam olishini tashkil etadi;

sogʻlomlashtirish-tarbiya ishlarini amalga oshirish, “Semurgʻ” bolalar sogʻlomlashtirish oromgohi xodimlarining oʻz vazifalarini bajarishi uchun tegishli sharoitlar yaratilishini taʼminlaydi;

mavsumdan tashqari vaqtlarda Xoʻjalik faoliyati boshqarmasi bilan kelishgan holda aholining dam olishini tashkil etish, tashkilotlar xodimlari uchun turli tadbirlar oʻtkazish boʻyicha qoʻshimcha xizmatlarni pulli asosda koʻrsatadi;

yoz mavsumida binolar va inshootlar, kommunikatsiyalar, texnologik uskunalardan tegishli ravishda foydalanilishini va oʻz vaqtida tayyorlanishini taʼminlaydi, hududni obodonlashtirish va koʻkalamzorlashtiradi, mavsumga tayyorgalik boʻyicha boshqa ishlarni amalga oshiradi;

qonun hujjatlari bilan taqiqlanmagan boshqa xizmatlarni koʻrsatadi va ishlab chiqarish faoliyatini amalga oshiradi.

11. “Semurgʻ” bolalar sogʻlomlashtirish oromgohi yuklangan vazifalar va funksiyalarni bajarish uchun quyidagi huquqlarga ega:

qonun hujjatlariga muvofiq xoʻjalik faoliyatini yuritish, shu jumladan, Xoʻjalik faoliyati boshqarmasi tomonidan tasdiqlangan turlar va tariflar boʻyicha aholi va tashkilotlarga belgilangan tartibda pulli xizmatlar koʻrsatish;

asosiy vazifalar va funksiyalar bajarilishiga ziyon yetkazmasdan ichki zaxiralardan foydalanish hisobiga boshqa organlar va tashkilotlarning, shuningdek, jismoniy shaxslarning 7 yoshdan 14 yoshgacha boʻlgan bolalari yoz davrida tashkiliy dam olishi boʻyicha belgilangan tartibda xizmatlar koʻrsatish;

Xoʻjalik faoliyati boshqarmasining boshligʻi tomonidan tasdiqlangan taqsimot va narxlar boʻyicha pulli asosda “Semurgʻ” bolalar sogʻlomlashtirish oromgohiga belgilangan tartibda yoʻllanmalar sotish;

Oʻzbekiston Respublikasi Vazirlar Mahkamasi Avtoxoʻjaligining transport xizmatlaridan budjet mablagʻlari hisobiga shartnoma asosida foydalanish, zarurat boʻlganda budjetdan tashqari mablagʻlar hisobiga transport xizmatlari koʻrsatishga boshqa tashkilotlar bilan belgilangan tartibda shartnomalar tuzish;

xoʻjalik faoliyatidan olingan foydani belgilangan tartibda xodimlarni moddiy ragʻbatlantirishga, “Semurgʻ” bolalar sogʻlomlashtirish oromgohining moddiy-texnika bazasini takomillashtirishga taqsimlash;

“Semurgʻ” bolalar sogʻlomlashtirish oromgohi faoliyatini yanada takomillashtirish boʻyicha Xoʻjalik faoliyati boshqarmasining boshligʻi nomiga tashabbus koʻrsatish tartibida belgilangan tartibda takliflar kiritish.

“Semurgʻ” bolalar sogʻlomlashtirish oromgohi qonun hujjatlariga muvofiq boshqa huquqlarga ham ega boʻlishi mumkin.

12. “Semurgʻ” bolalar sogʻlomlashtirish oromgohi:

oʻziga yuklangan vazifalar va funksiyalar zarur tarzda samarali bajarilishi;

moddiy va moliyaviy resurslardan, asosiy va aylanma vositalardan oqilona va tejab foydalanilishi uchun javob beradi.

13. “Semurgʻ” bolalar sogʻlomlashtirish oromgohining mol-mulki mustaqil balansda aks ettiriladigan asosiy va aylanma vositalardan, shuningdek, boshqa moddiy boyliklardan iborat.

14. “Semurgʻ” bolalar sogʻlomlashtirish oromgohi faoliyatini moliyalashtirish Oʻzbekiston Respublikasi Davlat budjeti mablagʻlari va qonun hujjatlarida taqiqlanmagan boshqa manbalar hisobiga amalga oshiriladi.

15. “Semurgʻ” bolalar sogʻlomlashtirish oromgohiga Oʻzbekiston Respublikasining Bosh vaziri bilan kelishgan holda Xoʻjalik faoliyati boshqarmasi boshligʻining taqdimnomasi boʻyicha Oʻzbekiston Respublikasi Vazirlar Mahkamasi apparati boshqaruvchisining buyrugʻi bilan lavozimga tayinlanadigan va lavozimdan ozod etiladigan boshliq boshchilik qiladi.

16. Boshliqning rejim boʻyicha oʻrinbosari, boshliqning xoʻjalik masalalari boʻyicha oʻrinbosari, boshliqning tashkiliy masalalar boʻyicha oʻrinbosari “Semurgʻ” bolalar sogʻlomlashtirish oromgohining tijorat faoliyati boʻyicha menejeri va bosh buxgalteri Xoʻjalik faoliyati boshqarmasi boshligʻining taqdimnomasi boʻyicha Oʻzbekiston Respublikasi Vazirlar Mahkamasi apparati boshqaruvchisining buyrugʻi bilan lavozimga tayinlanadi va lavozimdan ozod etiladi.

17. “Semurgʻ” bolalar sogʻlomlashtirish oromgohining boshligʻi:

“Semurgʻ” bolalar sogʻlomlashtirish oromgohi faoliyatiga rahbarlik qiladi, unga yuklangan vazifalar bajarilishi uchun javob beradi;

“Semurgʻ” bolalar sogʻlomlashtirish oromgohining barcha xodimlari uchun majburiy boʻlgan buyruqlar, farmoyishlar chiqaradi va koʻrsatmalar beradi;

qonun hujjatlariga, shtat-moliya va shartnoma intizomiga rioya etilishini, pul mablagʻlari va moddiy boyliklar saqlanishini taʼminlaydi;

“Semurgʻ” bolalar sogʻlomlashtirish oromgohi faoliyati bilan bogʻliq masalalar boʻyicha davlat organlarida va boshqa tashkilotlarda vakillik qiladi;

Xoʻjalik faoliyati boshqarmasi bilan kelishgan holda boshqa yuridik va jismoniy shaxslar bilan qonun hujjatlarida belgilangan tartibda shartnomalar tuzadi;

Xoʻjalik faoliyati boshqarmasi boshligʻi bilan kelishgan holda xodimlarni ishga qabul qiladi, ular bilan mehnat shartnomalari (kontraktlar) tuzadi, ularni oʻzgartiradi va amal qilishini toʻxtatadi;

qonun hujjatlarida belgilangan tartibda moliyaviy va boshqa hujjatlarni imzolaydi, shartnomalar tuzadi, ishonchnomalar beradi;

mehnatga haq toʻlash fondi samarali sarflanishini nazorat qiladi;

oʻziga yuklangan vazifalar bajarilishi, shuningdek, “Semurgʻ” bolalar sogʻlomlashtirish oromgohiga biriktirilgan davlat mulkining saqlanishi va undan maqsadli foydalanilishi uchun qonun hujjatlarida belgilangan tartibda javob beradi.

18. “Semurgʻ” bolalar sogʻlomlashtirish oromgohi boshligʻi vaqtincha boʻlmagan taqdirda, uning vazifalarini boshliqning xoʻjalik masalalari boʻyicha oʻrinbosari bajaradi.

19. “Semurgʻ” bolalar sogʻlomlashtirish oromgohining ishlab chiqarish va moliya-xoʻjalik faoliyatini taftish qilish Xoʻjalik faoliyati boshqarmasi tomonidan amalga oshiriladi.

20. “Semurgʻ” bolalar sogʻlomlashtirish oromgohi qonun hujjatlarida belgilangan tartibda qayta tashkil etiladi va tugatiladi.