“O‘zbekneftgaz” AJ va uning tarkibiga kiruvchi tashkilotlarning foydalanilmayotgan va ixtisosli bo‘lmagan aktivlaridan samarali foydalanishni ta’minlash hamda Xorazm viloyati Gurlan tumanida paxta klasterini tashkil qilish orqali viloyatda to‘qimachilik sanoatini yanada rivojlantirish maksadida Vazirlar Mahkamasi qaror qiladi:
1. “Muruvvat teks” MChJning Xorazm viloyati, Gurlan tumani, Mustaqillik ko‘chasi, 5-uy manzilida joylashgan Gurlan trikotaj fabrikasi hamda “Muruvvat teks Xorazm” shu’ba korxonasini (keyingi o‘rinlarda — mulkiy majmualar) belgilangan tartibda “E-IJRO AUKSION” yagona elektron savdo maydonchasida elektron onlayn-auksion orqali 119 mlrd. so‘m baholash qiymatida sotuvga qo‘yilganligi;
onlayn-auksionlarda ishtirok etish uchun talabgorlardan arizalar kelib tushmaganligi sababli mulkiy-majmualar bugungi kunga qadar sotilmaganligi ma’lumot uchun qabul qilinsin.
Oldingi tahrirga qarang.
2. Davlat aktivlarini boshqarish agentligi (keyingi o‘rinlarda — Agentlik), Xorazm viloyat hokimligi, “O‘zbekneftgaz” AJning mulkiy-majmualarni kelgusida belgilangan tartibda sotish uchun Agentlikka berish bunda xaridorga mulkiy majmualarning qiymatini 7 yil muddatgacha har chorakda teng ulushlarda bo‘lib to‘lash huquqini berish to‘g‘risidagi taklifiga rozilik berilsin.
(2-band O‘zbekiston Respublikasi Vazirlar Mahkamasining 2020-yil 19-noyabrdagi 733-sonli qarori tahririda)
3. Belgilansinki, mulkiy-majmualarni Agentlikka berish “O‘zbekneftgaz” AJning ustav kapitalidagi davlat ulushini hamda o‘z navbatida “Muruvvat teks” MChJning ustav kapitalidagi “O‘zbekneftgaz” AJga tegishli ulushini mulkiy-majmualarning balans (qoldiq) qiymati miqdoriga kamaytirish hisobiga amalga oshiriladi.
4. O‘zbekiston Respublikasi Hukumatining ilovaga muvofiq ayrim qarorlari o‘z kuchini yo‘qotgan deb hisoblansin.
5. Mazkur qarorning bajarilishini nazorat qilish O‘zbekiston Respublikasi Davlat aktivlarini boshqarish agentligi direktori S.X. Bekenov va “O‘zbekneftgaz” AJ boshqaruvi raisi M.R. Abdullayev zimmasiga yuklansin.
1. Vazirlar Mahkamasining “Xorazm viloyatida kichik sanoat zonalarini tashkil etish chora-tadbirlari to‘g‘risida” 2018-yil 26-apreldagi 308-son qarorining 2-bandi.
2. Vazirlar Mahkamasining “Neft-gaz tarmog‘i tashkilotlarining aktivlaridan yanada samarali foydalanish chora-tadbirlari to‘g‘risida” 2018-yil 25-avgustdagi 685-son qaroriga 1-ilovaning 154-pozitsiyasi.