NAMUNA

“TASDIQLANDI”
‎Buyurtmachi nomi:
‎______________________
‎F.I.O.

_______________________________________________________________________________________________________

(obyekt nomi)

TANLOV HUJJATI

TANLOV HUJJATINI IShLAB ChIQDI

___________________________

(tashkilot nomi)

2020-yil

MUNDARIJA

NAShRDA ChOP ETILADIGAN E’LON MATNI
‎(Tanlov ishtirokchilariga taqdim etilmaydi)

‎‎TANLOV HUJJATLARI

‎‎UMUMIY QISM

‎‎TANLOVDA IShTIROK ETISh UChUN TAKLIFNOMA
‎TANLOV IShTIROKChILARI UChUN YO‘RIQNOMA
‎TANLOV TAKLIFLARINI TEXNIK BAHOLASh MEZONLARI
‎TANLOV KOMISSIYASI TARKIBI
‎PUDRAT TAShKILOTLARINI ANIQLASh
‎SXEMASI
‎
‎TEXNIK QISM

‎‎BAJARILADIGAN ISh HAJMLARI RO‘YXATI
‎
‎TIJORAT QISM
‎BUYuRTMAChINING BOShLANG‘ICh NARXI
‎QURILIShNI YAKUNLASh MUDDATI
‎MOLIYALAShTIRISh MANBASI
‎MOLIYALAShTIRISh ShARTLARI
‎ShARTNOMA VALYUTASI
‎ShARTNOMA LOYIHASI

NAMUNA

BARChA QURILISh TAShKILOTLARI DIQQATIGA !!!

_______________________________________________________________________________________________________

(Buyurtmachi tashkilot nomi)

TANLOV ELON QILADI

_______________________________________________________________________________________________________

• Tanlov ishtirokchilari quyidagi talablarga loyiq bo‘lishlari lozim: ish (xizmat)larni bajarish uchun zarur bo‘lgan mehnat resurslari va mutaxassislarning mavjudligi, mutaxassislarning yetarli kasbiy va texnikaviy malakaga, moliyaviy imkoniyatlarga, shartnoma tuzish yuzasidan fuqarolik-muomala layoqati vakolatlariga ega va tajribali bo‘lishlari shart.
‎• Mahalliy va xorijiy qurilish tashkilotlari tanlovda qatnashganda, tanlov takliflarini baholashda mahalliy tanlov ishtirokchilarga quyidagi narx ko‘rsatkichlari hisobga olinadi:
‎• Takliflarni baholashda ishtirokchilarning tanlov takliflari qonun hujjatlariga muvofiq qo‘shilgan qiymat solig‘idan ozod qilingan import qiluvchilarning tovar (ish, xizmat)lari qo‘shilgan qiymat solig‘i summasi qo‘shimcha ravishda hisobga olinadi.
‎• Tanlov ishtirokchilari tanlovda qatnashish to‘g‘risidagi takliflari va tanlov hujjatlari bo‘yicha so‘rovnomalar bilan tanlov tashkilotchisi ______________________ ga quyidagi manzil bo‘yicha murojaat etishlari mumkin:
‎• _______________ shahar ____________ ko‘cha, _____-uy, tel. (998 ___)__________.
‎• Tasdiqlangan tanlov hujjatlari buyurtmachi tomonidan joylashtiriladigan davlat xaridlari bo‘yicha maxsus axborot portalidan yuklab olishlari mumkin.
‎• Takliflar tanlov tashkilotchisi tomonidan yuqoridagi manzilda tanlov e’lonida chop etilgan kuni va vaqtiga qadar qabul qilinadi.

E’lon _______________________________________ da berilgan.

Buyurtmachi tashkilot rahbari:

____________________________________

TANLOVDA IShTIROK ETISh UChUN TAKLIFNOMA

________________________________________________________________ nomidan tanlovda ishtirok etishga tanlov ishtirokchilarini taklif etamiz va quyidagi obyekt bo‘yicha tanlov taklifini taqdim etilishini so‘raymiz.
‎Obyekt nomi: _______________________________________________________________________________________
‎Obyektning boshlang‘ich narxi (QQS bilan) — _______________ so‘m.
‎Ishlarni tugallash muddati — ______ kun.

Buyurtmachi: ______________________________________________________________
‎manzil:__________________________________________________________________

Loyihani moliyalashtirish manbasi: ______________________________________________________________________.
‎Taklif etilgan shartlar bo‘yicha tanlovda murojaat bilan mahalliy va xorijiy qurilish tashkilotlari ishtirok etishlari mumkin.
‎Tanlovda ishtirok etishi uchun ishtirokchilarga quyidagi talablar qo‘yiladi:
‎fuqarolik-muomala layoqati va shartnoma tuzish vakolati;
‎doimiy xodimlari, jumladan muhandis-texnik xodimlariga ega bo‘lishi;
‎ishlab turgan asosiy vositalari, shu jumladan ishlab chiqarish bazasi, mashina va mexanizmlar, kichik mexanizatsiya vositalariga ega bo‘lishi;
‎o‘z aylanma mablag‘lari bilan ta’minlanganligi (ko‘rsatkich 0,2 koeffitsiyentdan kam bo‘lmagan);
‎to‘lovga qodirligi (ko‘rsatkich 1,25 koeffitsiyentdan kam bo‘lmagan);
‎tanlov obyektiga o‘xshash obyektlarda ishlaganlik tajribasi mavjudligi;
‎bajarilgan ishlar, shu jumladan o‘z kuchi bilan oldin bajarilgan ishlar hajmi haqidagi ma’lumotlarni taqdim etish;
‎‎ustav fondi miqdori to‘g‘risidagi ma’lumotlar.
‎Agar tanlov predmeti bo‘lgan ish (xizmat)larni bajarish bilan bog‘liq faoliyat qonun hujjatlariga muvofiq litsenziyalanishi zarur bo‘lsa, tanlovda ishtirok etish uchun belgilangan tartibga asosan tegishli litsenziyaga ega bo‘lgan tanlov ishtirokchilarga ruxsat etiladi.
‎Quyidagi tanlov ishtirokchilariga tanlov jarayonlarida ishtirok etishga ruxsat berilmaydi:
‎qayta tashkil etilish (bo‘linish, qo‘shilish), tugatish yoki bankrotlik arafasida turganlar;
‎mol-mulki musodaraga olinganlar hamda muassislik kelishuv, moliyaviy ishtirok, xolding va boshqa shaklda ifodalangan bevosita tashkiliy-huquqiy yoki bir-biriga moliyaviy qaramligi mavjud tashkilotlar.
‎Tanlov taklifini tayyorlash va taqdim etish uchun kerakli barcha hujjatlar tanlov ishtirokchilari uchun yo‘riqnomada aks ettirilgan.
‎Tanlov ishtirokchilari tanishib chiqish va tanlov taklifini tuzish maqsadida tanlov predmetining loyiha hujjatlari, xususan, loyihaning grafik qismi (chizmalari)ni taqdim etilishi haqida tanlov tashkilotchisiga murojaat qilishga haqlidir.
‎Buyurtmachi yoki tanlov tashkilotchisi obyektning loyiha hujjatlarini, shuningdek uning grafik qismini (chizmalarning nusxasi yoki elektron varianti)ni tanlov ishtirokchilariga ularning birinchi talabidanoq taqdim etishga majbur.
‎Tanlov ishtirokchilari takliflari tashkilotchi tomonidan yuqoridagi manzilda ish kunlari soat 9-00 dan 18-00 gacha qabul qilinadi.
‎Tanlov tashkilotchisiga takliflarni taqdim etishning oxirgi muddati — takliflarni ochish kuni va vaqtigacha quyidagi manzilda:_____________________________________________________________________________________
‎______________________________________________________________________________________________________.
‎Takliflarni topshirish tanlov ishtirokchisining tanlov hujjatlariga qo‘yilgan talablarni o‘rgangani va unda ko‘rsatilgan ishlarni bajarish, ishlarning fizik hajmlari, material va konstruksiyalar hajmlari hamda boshqa shartlarga nisbatan loyihani tugallashga ta’sir etishi mumkin bo‘lgan savollar yo‘qligiga dalolat hisoblanadi.
‎Takliflarni ochish tanlov e’lon qilingan sanadan boshlab 10 (o‘n) kundan keyin 20___ yil “_____” _____________ kuni soat “_____” da bo‘lib o‘tadi.

Buyurtmachi tashkilot rahbari

____________________________________

Izoh: Dastlabki manzilli ro‘yxat tasdiqlanib taqdim etilgandan so‘ng, tanlov o‘tkazilishi to‘g‘risidagi e’lon davlat xaridlari bo‘yicha maxsus axborot portaliga joylashtiriladi.

TANLOV IShTIROKChILARIGA YO‘RIQNOMA

I. IShLARNING QISQAChA TA’RIFI

1.1. Buyurtmachi — tanlov axborot jadvalida (keyingi o‘rinlarda TAJ deb ataladi) ko‘rsatilgan obyekt bo‘yicha ishlarni olib borishni mo‘ljallab, tanlov tashkilotchisi nomidan ish yuritib, TAJda ko‘rsatilgan obyekt bo‘yicha tanlov e’lon qiladi.
‎1.2. Tanlovning turi — ochiq tanlov, agar TAJda boshqacha aytib o‘tilmagan bo‘lsa.
‎1.3. Ishlar tanlov hujjatlarining tijorat qismida joylashgan namunaviy pudrat shartnomasi talablariga binoan bajarilishi lozim.
‎1.4. Qurilish ishlari, O‘zbekiston Respublikasi hududida amal qiluvchi shaharsozlik normalari va qoidalariga to‘la mos kelishini ta’minlash maqsadida, talab qilinadigan barcha ishchi kuchlari, qurilish materiallari, yonilg‘i, jihozlar, umumiy va alohida xarakterdagi ish turlari, barcha zarur bo‘lgan yo‘ldosh va yordamchi ish va materiallar, tanlov ishtirokchilari faoliyatini muvofiqlashtirishni nazarda tutadi.

II. TANLOV HUJJATLARINING MUNDARIJASI

2.1. Ushbu tanlov hujjatlari “Davlat xaridlari to‘g‘risida”gi O‘zbekiston Respublikasining Qonuni va O‘zbekiston Respublikasi Vazirlar Mahkamasining “Kapital qurilishda tanlov savdolari tizimini takomillashtirish chora-tadbirlari to‘g‘risida” 2003-yil 3-iyuldagi 302-son qarorining talablariga binoan ishlab chiqilgan va umumiy, texnik va tijorat qismlaridan iborat.
‎2.2. Umumiy qism tanlov ishtirokchilariga taklif, shartnomaning umumiy talablari va mazkur yo‘riqnomani, shakl va ilovalar qo‘shilgan holda, o‘z ichiga oladi.
‎2.2.1. Shakllar ro‘yxati:
‎1-shakl. Tanlov buyurtmasini ta’minlash kafolati.
‎2-shakl. Tanlov ishtirokchisi haqida umumiy ma’lumotlar.
‎3-shakl. Tanlov ishtirokchisining moliyaviy ko‘rsatkichlari.
‎4-shakl. Tanlov ishtirokchisining ish haqi jamg‘armasi va hodimlar o‘rtacha soni bo‘yicha ko‘rsatkichlari.
‎5-shakl. Bank kafilligi.
‎6-shakl. Tanlovdagi obyektga o‘xshash obyektlarda oxirgi uch yillik ish tajribasi.
‎7-shakl. Tanlov ishtirokchisining ishlarni bajarishda foydalanadigan mashina va mexanizmlari ro‘yxati.
‎8-shakl. Tanlov ishtirokchisining joriy davrdagi boshqa (pudrat shartnomalari) obyektlari.
‎9-shakl. Qurilish maydonchasini ko‘zdan kechirganligi to‘g‘risida ma’lumotnoma.
‎2.2.2. Ilovalar ro‘yxati:
‎1-ilova. Loyihani bajarish buyurtmanomasi.
‎2-ilova. Obyektning qurilish ishlarini bajarish grafigi.
‎3-ilova. Obyekt qurilishini moliyalashtirish grafigi.
‎4-ilova. Obyektning jamlanma jadvali, obyektda bajariladigan ish hajmlari ro‘yxati, obyekt qurilishining shartnomaviy narxini belgilashda ishlatilgan asosiy narx shakllantiruvchi komponentlarning narxlari.
‎2.3. Texnik qism:
‎buyurtmachi tomonidan tasdiqlangan qiymati kiritilmagan fizik ish hajmlari ro‘yxati;
‎(4-ilova asosida)
‎jihozlar, material va konstruksiyalar buyurtmasining to‘liq ro‘yxatidan iborat.
‎Izoh: Loyihaning xususiyatiga qarab texnikaviy qism tarkibiga TAJga binoan boshqa hujjatlar ham kiritilishi mumkin.
‎2.4. Tijorat qismi:
‎qurilishning boshlang‘ich narxi;
‎qurilishning muddati;
‎moliyalashtirish manbasi, shartlari hamda shartnoma loyihasidan iborat.

III. IShTIROKChILARINING TANLOVDA IShTIROK ETISh ShARTLARI

3.1. Mazkur loyiha bo‘yicha tanlovda taklif etilgan shartlar bo‘yicha ishtirok etish maqsadida murojaat etgan mahalliy va xorijiy qurilish tashkilotlari tanlov ishtirokchisi bo‘lishi mumkin.
‎3.2. Tanlov ishtirokchisi tanlovda ishtirok etish uchun tanlov tashkilotchisiga murojaat etishi, mazkur yo‘riqnomaning VII bobi talablariga binoan tanlov taklifini taqdim etishi lozim.
‎3.3. Tanlov ishtirokchisi o‘zining tanlov takliflarini tayyorlash va taqdim etish bilan bog‘liq barcha xarajatlarni o‘z zimmasiga olishi kerak. Bunda buyurtmachi, tanlov tashkilotchisi va tanlov komissiyasi tanlov natijalaridan qat’iy nazar mazkur xarajatlar uchun javobgar bo‘lmaydi.
‎3.4. Tanlov ishtirokchilar tomonidan taqdim etiladigan hujjatlar (takliflar) tanlov hujjatlarida ko‘rsatilgan talablarga javob berishi kerak.

IV. TANLOV HUJJATLARIGA O‘ZGARTIRISh KIRITISh

4.1. Buyurtmachi tanlovda ishtirok etish uchun takliflar berish muddati tugaydigan sanadan kamida uch kun oldin tanlov hujjatlariga o‘zgartirishlar kiritish to‘g‘risida qaror qabul qilishga haqli. Ish hajmlarni (xizmatlarni) o‘zgartirishga yo‘l qo‘yilmaydi. Bunda ushbu tanlovda takliflar berish tugaydigan muddat tanlov hujjatlariga o‘zgartirishlar kiritilgan sanadan e’tiboran kamida o‘n kunga uzaytirilishi kerak.
‎Shu bilan bir vaqtda, tanlov tashkilotchisi kiritilgan o‘zgartirishlar haqida tanlovda ishtirok etish istagini bildirgan tanlov ishtirokchilariga bildirishnomalar yuboradi.
‎4.2. TAJda ko‘rsatilgan muddat doirasida tanlov ishtirokchisi yozma ravishda tanlov tashkilotchisiga tanlov hujjatlari bo‘yicha tushuntirish va aniqlik kiritish maqsadida murojaat qilishga haqli.
‎4.3. Tanlov tashkilotchisi tanlov ishtirokchisining so‘rovi bo‘yicha tanlov hujjatlariga oid ma’lumot va materiallarga tushuncha berish bilan bog‘liq so‘rovlar mohiyati bo‘yicha takliflarni topshirishning TAJda ko‘rsatilgan muddatdan kechikmasdan yozma ravishda javob berishga, so‘rov manbasini ko‘rsatmagan holda tanlovda ishtirok etish istagini bildirgan tanlov ishtirokchilariga javoblarni jo‘natishga majbur.
‎4.4. Tanlov hujjatlariga o‘zgartirishlar va qo‘shimchalar kiritish ular buyurtmachi, tanlov tashkilotchisining shaxsiy tashabbusi bilan yoki tanlov ishtirokchisining so‘roviga javoban amalga oshirilganligidan qat’iy nazar “Tanlov ishtirokchilariga xabarnoma” ko‘rinishda rasmiylashtiriladi va tanlov hujjatlariga qo‘shimcha bo‘lib qoladi. Shu ko‘rinishda rasmiylashtirilmagan o‘zgartirishlar va ko‘shimchalar kuchga ega bo‘lmaydi. Buyurtmachi yoki tanlov tashkilotchisi tanlov ishtirokchilari noqonuniy kiritgan o‘zgartirish va qo‘shimcha uchun javobgar bo‘lmaydilar.
‎4.5. Tanlov ishtirokchilari xabarnomani olgach uning ilova qilingan nusxasiga imzo chekib, darhol uni tashkilotchiga qaytarishlari kerak.
‎4.6. Tanlov ishtirokchilari uchun xabarnoma tuzishdan oldin og‘zaki shaklda qilingan yo‘riqnomalar e’tiroz uchun asos bo‘la olmaydi.
‎4.7. Tanlov ishtirokchilariga o‘z takliflariga o‘zgartirishlar kiritish uchun zarur vaqt taqdim etish maqsadida tashkilotchi tanlov komissiyasi bilan kelishilgan holda mazkur yo‘riqnomaning XIII bobiga muvofiq takliflar taqdim etish muddatini uzaytirishi mumkin. Bunda tanlov ishtirokchilariga jo‘natiladigan xabarnomada takliflar taqdim etish muddatini yangi oxirgi sanasi belgilanadi.

V. HUJJATLARNI O‘RGANISh

5.1. Tanlov ishtirokchilari tanlov va loyiha hujjatlarini o‘rganib chiqishlari kerak, tanlov ishtirokchilari tanishib chiqish maqsadida tanlov predmetining loyiha hujjatlari, xususan, loyihaning grafik qismi (chizmalari)ni buyurtmachi yoki tanlov tashkilotchisi tomonidan taqdim etilishi haqida murojaat kilishga haqlidirlar.
‎Shuningdek, buyurtmachi yoki tanlov tashkilotchisi loyiha hujjatlarini (chizmalarning asli nusxasi yoki elektron varianti)ni tanlov ishtirokchilariga ularning birinchi talabidanoq taqdim etishga majbur.
‎5.2. Tanlov ishtirokchilari ishlar olib boriladigan yer uchastkasini, mavjud bino va inshootlarni borib ko‘rishlari, joyning o‘zida loyiha-smeta hujjatlarini o‘rganish natijasida, talab etilgan ishlarni olib borish uchun hal etilishi lozim bo‘lgan muammolarning mazmun va mohiyati bilan tanishishlari, shuningdek ish muddati va uning qiymatiga ta’sir etishi mumkin bo‘lgan boshqa masalalarni o‘rganishlari zarur.
‎5.3. Takliflarni topshirish tanlov ishtirokchisining yuqoridagilarni o‘rgangani va unda bajariladigan ish hajmlariga, material va konstruksiyalar hajmiga, boshqa shartlarga nisbatan, loyihani tugallashga ta’sir etishi mumkin bo‘lgan savol yo‘qligiga dalolat hisoblanadi.

VI. TANLOV TAKLIFINI TAYYORLASh

6.1. Tanlov ishtirokchilari tomonidan tayyorlangan taklif, tanlovga oid barcha xabarnomalar va hujjatlar, tanlov ishtirokchilari bilan buyurtmachi va tashkilotchi o‘rtasidagi ma’lumot almashuvlar TAJda ko‘rsatilgan tilda olib borilishi lozim.
‎6.2. Tanlov ishtirokchisi tomonidan tayyorlangan tanlov taklifida, unga oid barcha xabarnomalar va hujjatlarda metr sistemasi o‘lchovidan foydalaniladi.
‎6.3. Tanlov ishtirokchisi tanlov taklifini mazkur tanlov hujjatlari asosida tayyorlaydi. TAJda va tanlo� hujjatlarining boshqa qismlarida ko‘rsatilgan ma’lumotlarda tafovut bo‘lganida, tanlov ishtirokchisi tanlov taklifini tayyorlashda TAJ ma’lumotlarini hisobga olishi lozim.
‎6.4. Tanlov ishtirokchisi o‘z tanlov taklifining tarkibida faqat to‘g‘ri ma’lumotlarni taqdim etishi shart va ma’lumotlarning to‘g‘riligiga javobgardir.

VII. TANLOV TAKLIFI TARKIBIDAGI HUJJATLAR

7.1. Tanlov takliflari, 7.7-bandda ko‘rsatilgan hollardan tashqari, ikkita — birinchi va ikkinchi yig‘ma jilddan iborat. Birinchi yig‘ma jildga kiruvchi hujjatlarda tanlov taklifi qiymatiga oid hech qanday axborotlar bo‘lmasligi kerak. Taklifni tashkil etuvchi barcha narxlar, tariflar va yakuniy summalar faqat ikkinchi yig‘ma jild hujjatlarida bo‘lishi kerak.

7.2.1. TAJda ko‘rsatilgan summaga bank kafolatini (1-shakl) yoki ushbu summani buyurtmachining maxsus hisob raqamiga o‘tkazish topshiriqnomasining nusxasini taqdim qilish yo‘li bilan tanlovda ishtirok etish buyurtmanomasini ta’minlash amalga oshiriladi. Tanlov buyurtmasini ta’minlash kafolati obyekt boshlang‘ich narxining 0,5 foizidan oshmasligi zarur. Tanlov buyurtmasini ta’minlash kafolatining amal qilish muddati TAJda ko‘rsatilgan.
‎7.2.2. Tanlov ishtirokchisi haqida umumiy ma’lumotlar (2-shakl). Shaklni to‘ldirishda mutaxassislar ro‘yxati va ishchilar soni tanlov ishtirokchisi tomonidan mustaqil ko‘rsatiladi. Ko‘rsatilgan xodimlarning haqiqatda mavjudligi, ularni ish staji va malakasini tasdiqlovchi hujjatlar nusxasini taqdim etishga majbur.
‎7.2.3. Tanlov ishtirokchisiining oxirgi uch yildagi moliyaviy ahvoli (3-shakl). Shaklga Tanlov ishtirokchisi auditor kompaniyasining xulosasi yoki moliyaviy natijalar haqidagi hisobotlar (balans hisobotlar)ning nusxalarini ilova qilishga majbur. Agar TAJda boshqacha ko‘rsatilmagan bo‘lsa, 4-shakldagi ma’lumotlar ming so‘mda keltiriladi.
‎Obyektning buyurtmachi belgilangan boshlang‘ich narxining 20 %gacha miqdoridagi aylanma mablag‘lar mavjudligi (xizmat qiluvchi bank tomonidan tasdiqlangan aylanma mablag‘lari mavjudligi to‘g‘risidagi ma’lumotnoma asosida baholanadi.)
‎7.2.4. Tender ishtirokchisining ish haqi jamg‘armasi va hodimlar o‘rtacha soni bo‘yicha ko‘rsatkichlari (4-shakl). Shakl tashkilotning oxirgi hisobot davri asosida moliyaviy ko‘rsatgichlari to‘ldirilib tegishli soliq organlari tomonidan tasdiqlanadi.
‎7.2.5. Tanlov predmetiga o‘xshash obyektlarda oxirgi 3 yillik ish tajribasi (5-shakl). Ushbu jadvalda tanlov ishtirokchisi tanlov predmetiga o‘xshash ishlarning asosiy turlarini ko‘rsatib o‘tishi (kengaytirilgan holda ham mumkin) va ushbu ishlarning bajarilgan summasini ko‘rsatishi kerak. Shaklda ko‘rsatilgan ma’lumotlarni tasdig‘i sifatida davlat qabul komissiyalarining dalolatnomalari (agar tanlov ishtirokchisi yordamchi pudratchi sifatida bo‘lgan bo‘lsa hisob-faktura ma’lumotnomalari) ilova qilinadi.
‎7.2.6. Tanlov ishtirokchisi ishlarni bajarishda foydalanadigan mashina va mexanizmlari ro‘yxati (6-shakl). Agar TAJda boshqa holat ko‘rsatilmagan bo‘lsa, ijara va lizing asosidagi mashina va mexanizmlardan foydalanishga ruxsat etiladi. Bunda tanlov ishtirokchisi loyihani bajarish davrida haqiqiy bo‘lgan lizing yoki ijara sharnomasining nusxasini ilova qilishi kerak.
‎7.2.7. Talabgorning tanlov o‘tkazilayotgan davrdagi joriy pudrat shartnomalari (obyektlari) �o‘yicha ma’lumot. ‎(7-shakl).
‎7.2.8. Qurilish maydonini ko‘zdan kechirganlik to‘g‘risida ma’lumotnoma (8-shakl).
‎7.2.9. Tanlov ishtirokchisiiga berilgan, hujjatlarga imzo chekish va tanlovda qatnashish huquqini beruvchi ishonchnoma (9-shakl). Tanlov ishtirokchisining birinchi shaxsi (rahbari) hozir bo‘lganda ushbu shakl to‘ldirilmaydi.
‎7.2.10. Ishtirokchining davlat ro‘yxatidan o‘tganligi to‘g‘risidagi hujjatlarining nusxalari.
‎7.2.11. Litsenziyalar yoki ruxsatnomalar nusxasi, subpudratchining litsenziyasi va boshqa hujjatlari (ayrim hollarda), ruxsatnomalari nusxalari bilan birga, agar TAJda boshqa holat ko‘rsatilmagan bo‘lsa. Litsenziyalar va ruxsatnomalar nomi ham TAJda ko‘rsatilgan.
‎7.2.12. Yuqorida so‘ralgan shakllar va hujjatlarga tanlov ishtirok�isi TAJda ko‘rsatilgan tasdiqlovchi hujjatlarni ilova qilishi kerak.
‎7.3. 2-yig‘ma jild tarkibidagi hujjatlar:
‎7.3.1. Loyihani bajarishga buyurtma (1-ilova).
‎7.3.2. Obyektning qurilish ishlarini bajarish grafigi (2-ilova).
‎7.3.3. Obyekt qurilishini moliyalashtirish grafigi (3-ilova).
‎7.3.4. Obyekt qurilishining shartnomaviy narxini belgilashda qo‘llanilgan:
‎— jamlanma jadval;
‎— obyektda bajariladigan ish hajmlari jadvali;
‎— byektda ishlatiladigan qurilish materiallari (materiallar tasnifi va miqdori bilan) ro‘yxatlari jadvali (4-ilova).
‎Bajariladigan ishlar hajmi jadvalini tanlov ishtirokchisi o‘z taklifida har bir ish turi bo‘yicha bir birlik ish hajmlari narxini resurslarni aks ettirmasdan taqdim qiladi.
‎Qurilish materiallari bo‘yicha jadvalni to‘ldirish yuzasidan 8.2 bandga qarang.
‎7.4. Buyurtmachi tanlovda qatnashish buyurtmasi ta’minotini quyidagi holatlarda qaytaradi:
‎7.4.1. Tanlov g‘olibiga — shartnoma (kontrakt) imzolangandan keyin;
‎7.4.2. Boshqa ishtirokchilarga — tanlov g‘olibi bilan shartnoma (kontrakt) tuzilgandan so‘ng, ammo ofertaning amal qilish muddatidan kechikmay;
‎7.4.3. Taklifni taqdim etishning oxirgi kuni va vaqti tugagunga qadar takliflarini qaytarib olgan ishtirokchilarga.
‎7.5. Buyurtma ta’minotini qaytarish, bank amaliyotlarining xarajatlaridan tashqari, qaytarish asosi vujudga kelgan vaqtdan e’tiboran 10 (o‘n) kun muddat mobaynida amalga oshiriladi.
‎7.6. Tanlovda ishtirok etishga buyurtma ta’minoti quyidagi holatlarda qaytarilmaydi:
‎7.6.1. Taklifni taqdim etishning oxirgi kuni va vaqti tugagandan keyin, unga o‘zgartirish kiritgan, tender taklifining amal qilish muddati va 7.4.2 bandda ko‘rsatilgan muddatdan oldin qaytarib olgan oferentga;
‎7.6.2. Tanlov g‘olibi uning taklifi amal qilish davrida o‘z taklifini qaytarib olganda yoki tanlov hujjatlarida belgilangan talablarda shartnoma tuzishdan bosh tortganda.
‎7.7. Dastlabki malaka tanlovi orqali tanlov o‘tkazilganda birinchi yig‘ma jild hujjatlari malakaviy hujjatlar deb, ikkinchi yig‘ma jild hujjatlari esa tanlov taklifi deb hisoblanadi.

VIII. TANLOV TAKLIFI NARXI

8.1. Ishlarning qiymati 4-ilovada ko‘rsatilgan obyektda bajariladigan ish hajmlari ro‘yxatiga binoan taqdim etilishi kerak. Obyektda bajariladigan ish hajmlari ro‘yxatida har qaysi o‘rin bo‘yicha bo‘sh joylar tanlov ishtirokchisi taklif etayotgan baho ko‘rsatilgan holda aniq to‘ldirilgan bo‘lishi lozim. Tanlov ishtirokchisi taklifining umumiy narxini aniqlashda oraliq summalar jamlanadi. Tanlov ishtirokchilar pudrat ishlari tanlovda ishtirok etayotganda obyektning taklif etilayotgan qiymatini, qurilish-montaj ishlarining shartnomaviy baholardagi to‘g‘ridan to‘g‘ri qiymati sifatida boshqa xarajatlar va qo‘shimcha qiymat solig‘i (QQS)ni hisobga olgan holda belgilashlari kerak. Qurilish-montaj ishlarining to‘g‘ridan to‘g‘ri qiymatiga doimiy koeffitsent sifatida qo‘llaniladigan boshqa xarajatlar qiymatini tanlov ishtirokchisi mustaqil ravishda belgilaydi va ishlar qiymatiga kiritadi. Bunda, tanlov ishtirokchisi tashkilotlar taklif etayotgan narxni hisoblashda 1 va 4-ilovalar talablariga amal qilishi shart.
‎8.2. Tanlov ishtirokchisi obyekt qurilishi (rekonstruksiya qilish, kapital ta’mirlash)ning shartnomaviy narxini belgilashda qo‘llanilgan qurilish materiallarining narxlar va komponentlar jadvalini to‘ldiradi. Bunda qurilish materiallari turini tanlov hujjatlarida F-5 shaklidagi (lokal resurs qaydnomasi) ro‘yxatdan oladi va pudratchi tomonidan mustaqil tanlov predmetining texnik jihatlaridan kelib chiqib to‘ldiradi.
‎Har bir aniq obyekt asosiy qurilish materiallari nomenklaturasi (rasmiy ro‘yxati) obyekt qiymatining 100 % ini (loyihada ko‘zda tutilgan) tashkil etuvchi qurilish materiallarini hisobga olgan holda to‘ldiriladi.
‎8.3. Tanlov ishtirokchisi obyektda bajariladigan ish hajmlarining baholangan ro‘yxatini va asosiy narx shakllantiruvchi komponentlarning narxlar jadvalini bosma ko‘rinishda, xat dog‘larisiz va tuzatishlarsiz taqdim etishi kerak.
‎8.4. So‘z bilan yozilgan narx va raqam bilan ko‘rsatilgan narx orasida tafovut bo‘lsa, so‘z bilan ko‘rsatilgan narx qabul qilinadi.
‎8.5. Hajm birligining qiymati va ishning umumiy hajmi summasi orasida tafovut bo‘lsa hajm birligiga belgilangan narx qabul qilinadi.
‎8.6. Tanlovda �elgilangan qurilishning narxi va muddati o‘zgartirilmaydi, qonunchilik bilan belgilangan holatlar (buyurtmachi tomonidan ishlar hajmini o‘zgartirilishi, yengilmas kuch ta’siri, qurilishning bir yildan ortiq davomiyligi) bundan mustasno.
‎8.7. Shartnoma narxini ikkinchi va keyingi yillarga muvofiqlashtirish asosiy narx shakllantiruvchi komponentlarning narxlari o‘zgarganda qonunchilikda belgilangan tartibda olib boriladi.

IX. TANLOV TAKLIFINING AMAL QILISh DAVRI

9.1. Tanlov taklifining amal qilish davri tanlov takliflari ochilgan kundan boshlab 30 kundan kam bo‘lmasligi kerak, agarda TAJda boshqa holat ko‘rsatilmagan bo‘lsa.
‎9.2. Alohida hollarda taklifning birlamchi amal qilish davri tugash vaqtigacha tanlov tashkilotchisi tanlov ishtirokchilari bilan taklifning amal qilish muddatini uzaytirish haqida kelishishi mumkin, kelishuv yozma shaklda rasmiylashtirilgan holda.

X. TAKLIFLARNI BERISh ShAKLI

10.1. Tanlov ishtirokchisi taklifni tashkil etuvchi barcha hujjatlarning aslini va bitta nusxasini ularga “asli” va “nusxa” deb aniq belgi qo‘yib, taqdim etishi kerak. Ular orasida farqi bo‘lgan taqdirda “asli”ga ustunlik beriladi.
‎10.2. Taklifning asli va nusxasi bosma yozuvda bo‘lishi kerak. 2,3,4,5,6,7,8-shakllarning va 1,2,3,4-ilovalarning har bir beti tanlov ishtirokchisi rahbari yoki vakolat berilgan shaxs tomonidan imzo chekilgan va tanlov ishtirokchisining muhri bilan tasdiqlangan bo‘lishi kerak. 8-shakl tanlov ishtirokchisining rahbari tomonidan imzolangan va uning muhri bilan tasdiqlangan bo‘lishi kerak.
‎10.3. “Tanlov ishtirokchilariga xabarnoma”ga muvofiq zarur yozuvlar yoki tuzatishlar kiritilgan taklifning barcha betlari tanlov taklifi ostiga o‘z imzosini qo‘ygan shaxs tomonidan tasdiqlanishi kerak.
‎10.4. Taklifda o‘zgartirishlar, satrlar orasiga kir�tmalar va o‘chirishlar bo‘lmasligi kerak. Tanlov tashkilotchisi xabarnomasiga muvofiq kiritilgan yoki tanlov ishtirokchisi yo‘l qo‘ygan xatolarni tuzatish uchun zarur bo‘lgan o‘zgartirishlar bundan mustasno. Mazkur tuzatishlar taklif ostiga o‘z imzosini chekkan shaxs tomonidan imzolanib, tasdiqlangan bo‘lishi kerak.
‎10.5. Tanlov komissiyasi har qanday o‘zgartirishlar, chetga chiqishlar yoki muqobil takliflarni qabul qilish yoki rad etish huquqini o‘zida saqlab qoladi. Tanlov hujjatlari talablarini oshiruvchi o‘zgartirishlar, chetga chiqishlar, muqobil takliflar va boshqa omillar tanlov takliflarini baholashda e’tiborga olinmaydi.

XI. TAKLIFNI KONVERTGA JOYLAShTIRISh VA BELGI QO‘YISh

11.1. Tanlov ishtirokchisini imzo va muhr bilan tasdiqlangan taklifi, ikkita bir-biriga solingan konvertlarga muhrlangan va mazkur yo‘riqnomaning 11.2, 11.3, 11.4-bandlariga muvofiq belgi qo‘yilgan holda savdo tashkilotchisiga taqdim etiladi (11.8-bandda ko‘rsatilgan holatlardan tashqari).
‎11.2. Tashqi konvertda 1-yig‘ma jildga tegishli hujjatlar va ichki konvert joylashadi. Ichki konvertda esa 2-yig‘ma jildga tegishli hujjatlar joylashadi.
‎11.3. Tashqi konvert quyidagicha belgilanadi:
‎— taklifni qabul qilish manzili ko‘rsatiladi;
‎— tanlov ishtirokchisi nomi;
‎— tanlov predmetining nomi;
‎— taklifni topshirish sanasi.
‎11.4. Ichki konvert quyidagicha belgilanadi:
‎— tanlov ishtirokchisi nomi;
‎— tanlov predmetining nomi;
‎— “moliyaviy taklif” yozuvi.
‎11.5. Tanlov taklifini o‘zgartirish yoki uni hisobdan chiqarish haqidagi xabarnoma konvertda muhrlangan, tanlov ishtirokchisining imzosi va muhri bilan tasdiqlangan holda savdo tashkilotchisiga taqdim etiladi.
‎11.6. O‘zgartirishlar kiritilgan konvertlar 11.3 va 11.4-bandlarga muvofiq “O‘zgartirishlar” yozuvi bilan belgilanadi.
‎11.7. Taklifni hisobdan chiqarish haqidagi xabarnoma konvertida quyidagilar ko‘rsatiladi:
‎— tanlov ishtirokchisi nomi;
‎— tanlov predmetining nomi;
‎— “tanlov taklifini hisobdan chiqarish haqida xabarnoma” yozuvi.
‎— tanlo� taklifini hisobdan chiqarish haqidagi xabarnomani berish sanasi.
‎11.8. Dastlabki malaka tanlovi orkali tanlov o‘tkazilganda birinchi va ikkinchi yig‘ma jild hujjatlari alohida topshiriladi.

XII. TANLOV TAKLIFINI BERISh

12.1. Takliflar tanlov tashkilotchisiga TAJda ko‘rsatilgan tartibda, o‘z muddatida va manzil bo‘yicha taqdim etilishi kerak.
‎12.2. Dastlabki malaka tanlovi orkali tanlov o‘tkazilganda (mazkur yo‘riqnomaning 1.2-bandiga va TAJga qarang) dastlabki malakani o‘tkazish sanasi tayinlanadi (TAJga qarang).
‎12.3. Buyurtmachi tanlov komissiyasi bilan kelishgan holda taklif berish muddatini uzaytirishi mumkin. Bu hakda tanlov tashkilotchisi tanlov ishtirokchilariga xabarnomalar orqali bildiradi.
‎12.4. Taklif tanlov tashkilotchisiga taqdim etilgandan so‘ng, u taklif qabul qilinganligini alohida qayd etish kitobida ro‘yxatga oladi.
‎12.5. Buyurtmachi tomonidan loyiha hujjatlari tanlov ishtirokchisiga mazkur yo‘riqnomaning 5.3-bandi talablariga asosan taqdim etilmagan yoki rad qilingan hollarda tanlov ishtirokchisi tanlov taklifini topshirish muddatini uzaytirish haqida tanlov tashkilotchisiga murojaat qilishi mumkin.
‎12.6. Yuqoridagi bandda qayd etilgan holat ro‘y bergan hollarda tanlov tashkilotchisi, buyurtmachi bilan kelishgan holda, tanlov ishtirokchisi buyurtmachidan loyiha hujjatlarini olganligi haqidagi dalolatnomani qabul qilgan kundan boshlab, eng kamida 3 kun muddatga tanlov taklifini topshirish muddatini uzaytirishi mumkin.

XIII. TANLOV TAKLIFINI O‘ZGARTIRISh YOKI HISOBDAN ChIQARISh

13.1. Taklif berilganidan keyin tanlov ishtirokchisi tanlov taklifiga o‘zgartirishlar kiritishi yoki uni hisobdan chiqarishi mumkin, shu shart bilanki, ushbu o‘zgartirishlar yoki taklifni hisobdan chiqarish xabari takliflarni berish muddati ichida yozma ravishda tanlov tashkilotchisiga taqdim etilgan bo‘lsa.
‎13.2. Tanlov ishtirokchisi kiritayotgan o‘zgartirishlar yoki taklifni hisobdan chiqarish haqidagi xabarnoma mazkur yo‘riqnomaning 11.5, 11.6, va 11.7-bandlariga binoan tayyorlangan, muhrlangan va belgi qo‘yilgan bo‘lishi hamda 12.1-bandda ko‘rsatilgan tanlov takliflarini berish muddati tugamasdan oldin yetkazib berilishi kerak.
‎13.3. Takliflar berish muddati tugagandan keyin takliflarga o‘zgartirishlar kiritishga yo‘l qo‘yilmaydi.

XIV. TANLOV TAKLIFLARINI OChISh VA BAHOLASh

14.1. Tanlov buyurtmachining manzilida o‘tkaziladi, agarda TAJda boshqa holat ko‘rsatilmagan bo‘lsa.
‎14.2. Takliflar (1 va 2-yig‘ma jildlar) solingan konvertlarni ochish qatnashish istagini bildirgan tanlov ishtirokchisilar yoki ularning vakolatli vakillari hozirligida TAJda ko‘rsatilgan manzilda, e’lon/taklifnoma yoki xabarnomada ko‘rsatilgan kun va soatda o‘tkaziladi.
‎14.3. Tanlov ishtirokchilarni hozir bo‘lgan vakolatli vakillari o‘zlarining ishtiroki haqida guvohlik belgisi sifatida reyestrga o‘z imzolarini qo‘yishlari kerak.
‎14.4. Tanlov komissiyasi takliflarini hisobdan chiqarish haqida xabarnoma yo‘llagan tanlov ishtirokchilarini e’lon qiladi (agar bo‘lsa).
‎14.5. Taklifni hisobdan chiqarish haqidagi xabarnomalar berilgan takliflar ochilmaydi. Tanlov hujjatlarida belgilangan muddatdan keyin tushgan takliflar ko‘rib chiqilmaydi. Takliflarni taqdim etish sanasi tanlov tashkilotchisining takliflarni olinganligi haqidagi pochta xabarnomasidagi belgi bo‘yicha yoki tanlov tashkilotchisining takliflarni ishtirokchilarga berilgan sanasi haqidagi xabarnoma sanasi bo‘yicha (takliflarni qo‘lda yetkazib bergan hollarda) aniqlanadi.
‎14.6. Yig‘ma jildlar tarkibini o‘rganish va baholash, shuningdek tanlov g‘olibini aniqlash yopiq yig‘ilishlarda amalga oshiriladi. Tanlov takliflarini o‘rganish va baholashga oid axborot oshkor qilinmaydi, qonunchilikda nazarda tutilgan hollar bundan mustasno.
‎14.7. Taqdim etilgan takliflarning ochilgunga qadar butligi uchun javobgarlik tanlov tashkilotchisi zimmasida bo‘ladi.
‎14.8. Agar TAJda boshqa holat ko‘rsatilmagan bo‘lsa, takliflarni baholash davri tanlov takliflari ochilgan kundan e’tiboran uzog‘i bilan 3 kunni tashkil etadi.
‎14.9. Tanlov komissiyasi tashqi konvertni (1-yig‘ma jild hujjatlarini) ochadi, takliflarni to‘g‘ri to‘ldirilganligi, imzolanganligi va umumiy holati yuzasidan o‘rganadi, tanlov ishtirokchilar malakasini baholashni amalga oshiradi.
‎14.10. Malaka baholanganidan so‘ng malakadan o‘tgan va 2 yig‘ma jildni ochilishiga ruxsat olgan tanlov ishtirokchilari e’lon qilinadi. Tanlov komissiyasi 1-yig‘ma jildlar tarkibini o‘rganish va baholash natijalari e’lon qilinmasdan oldin tanlov ishtirokchilarning 2-yig‘ma jildlarini ochishga xaqqi yo‘q.
‎14.11. Tanlov komissiyasi ichki konvertni (2-yig‘ma jild hujjatlarini) ochadi, ularni o‘rganadi, baholashni o‘tkazadi, g‘olibni aniqlaydi yoki boshqa qarorlarni qabul qiladi.
‎14.12. Tanlov komissiyasining barcha qarorlari ko‘pchilik ovoz bilan qabul qilinadi, ovozlar teng bo‘lganda komissiya raisining ovozi hal etuvchi hisoblanadi.
‎14.13. Malakani baholash va yakuniy baholash tanlov komissiyasi tasdiqlagan va ushbu yo‘riqnomaning ilovalarida ko‘rsatilgan baholash mezonlariga binoan amalga oshiriladi.
‎14.14. Tanlov komissiyasi tomonidan tanlov ishtirokchilar taqdim etgan ma’lumotlar noto‘g‘riligi aniqlangan holda, tanlov komissiyasi ushbu tanlov taklifini rad qilishga haqli.
‎14.15. Tanlov komissiyasi tanlov hujjatlari talablaridan taklifdagi ahamiyatsiz farqlarni e’tiborga olmaslikka haqli, agarda ular boshqa qatnashchilar reytingiga ta’sir qilmasa.
‎14.16. Markazlashtirilgan manbalar hisobidan moliyalashtiriladigan obyektlarni baholash O‘zbekiston Respublikasi “Davlat xaridlari to‘g‘risida”gi Qonuniga binoan va TAJda ko‘rsatilgan holda amalga oshiriladi.
‎14.17. Tanlov komissiyasining har bir yig‘ilishida bayonnoma yuritiladi.
‎14.18. Tanlovga kiritilmagan yoki rad qilingan (diskvalifikatsiya qilingan) takliflar bayonnomalarda qayd etilib, ularni rad qilish yoki diskvalifikatsiya qilish sabablari ko‘rsatiladi.
‎14.19. Tanlov komissiyasi tanlov takliflarini batafsil o‘rganish va baholash uchun baholash guruhlarini tuzishi mumkin. Baholash guruhlarining tarkibiga tanlov komissiyasi a’zolari bilan birgalikda jalb qil�ngan ekspert va konsultantlar (tanlov komissiyasining qarori bo‘yicha) kiritilishi mumkin. Baholash guruhlarining a’zolari tanlov komissiyasi a’zolari kabi tanlovni tashkillashtirish va o‘tkazishga doir qonunchilikka va mazkur tanlov hujjatlari talablariga rioya etish mas’uliyatini o‘z zimmalariga oladilar.

XV. TAKLIFLARNI TUShUNTIRISh

15.1. Tanlov komissiyasi takliflarni baholash va taqqoslash uchun taklifni tanlov komissiyasi majlisida ko‘rib chiqish vaqtida tanlov ishtirokchilaridan takliflar mazmuniga tushunchalar berishni so‘rashi mumkin. Bunda taklifning mazmunini, shu jumladan narxi yoki bajarish muddatini o‘zgartiruvchi tushuntirishlar berilishiga yo‘l qo‘yilmaydi.

XVI. TANLOV IShTIROKChILARINING MALAKASINI BAHOLASh (TEXNIK BAHOLASh)

16.1. Tanlov ishtirokchisini talab qilinadigan malakaga mos kelishini hal etish uchun to‘ldirilgan shakllar va ularga ilova qilingan, uning taklifida taqdim etilgan tasdiqlovchi hujjatlar o‘rganiladi.
‎16.2. Tanlov ishtirokchilari takliflarini baholash ularni texnik jihatdan amalga oshirish yuzasidan TAJda ko‘rsatilgan tanlov takliflarini baholash mezonlariga binoan baholanadi. O‘rganish natijalari bo‘yicha baholash guruhi a’zolari tanlov takliflarining baholash varaqlarini to‘ldirishadi (texnik baholash varag‘i TAJda alohida ilovalarda namunaviy jadvalda taqdim etiladi).
‎16.3. Agar TAJda boshqa holat ko‘rsatilmagan bo‘lsa, baholash varag‘i quyidagi shaklda to‘ldiriladi:

TANLOV TAKLIFLARINI BAHOLASh VARAG‘I
‎(TEXNIK BAHOLASh)

T/r

Parametrlar nomi

Shakl

Maksimal
‎ball

Tanlov ishtirokchilari

1‎

2

3

4

5‎

6‎

7

1.

Tanlov buyurtmasini ta’minlash kafolati

1-shakl

Izohga qarang

‎

‎

2‎.

Tanlov ishtirokchisi haqida umumiy ma’lumotlar

2-shakl‎‎

19

3‎.

Oxirgi uch yildagi moliyaviy ahvoli haqidagi hujjatlar, auditor kompaniyasining xulosasi yoki moliyaviy natijalar haqidagi hisobotlar (balans hisobotlar)ning nusxasi bilan)
‎Tanlov ishtirokchisining saloxiyati (jumladan, to‘lovga qodirligi va aylanma mablag‘lar bilan ta’minlanganligi) to‘g‘risida ma’lumot

3-shakl

34

4‎.

Obyektning buyurtmachi belgilangan boshlang‘ich narxining 20 % gacha miqdoridagi aylanma mablag‘lar mavjudligi

Bank ma’lumotnomasi

‎

‎

‎

5.‎

Tender ishtirokchisining ish haqi jamg‘armasi va hodimlar o‘rtacha soni bo‘yicha ko‘rsatkichlar

‎‎4-shakl

6‎.

Tanlovdagi obyektga o‘xshash obyektlarda oxirgi 3 yillik ish tajribasi

5-shakl

25

7‎.

Ishlarni bajarishda foydalaniladigan tanlov ishtirokchisining mashina va mexanizmlari ro‘yxati

6-shakl

15

‎

‎

‎

8.‎

Tanlov ishtirokchisi tanlov vaqtida ishtirok etayotgan va mazkur tanlovning predmeti bo‘lmish obyektni qurish (rekonstruksiyalash, ta’mirlash) davrida ishtirok etadigan shartnomalar (obyektlar) haqida ma’lumot

7-shakl

Izohga qarang

‎

‎

‎

9‎.

Qurilish maydonini ko‘rganlik to‘g‘risidagi ma’lumotnoma

8-shakl

7

Jami ballar

100

Izohlar:
‎Tanlov ishtirokchisi baholash yakunlariga ko‘ra 60 balldan kam ball to‘plasa (kelgusida — o‘tish ballari), tanlov komissiyasi a’zolarining ovozi qarshi hisoblanib, texnik jihatdan malakasi yetarli emas deb hisoblanadi, agar TAJda boshqacha tartib belgilanmagan bo‘lsa.
‎Taklif quyidagi hollarda ko‘rib chiqilmaydi va hujjatlarning 2-yig‘ma jildi ochilmasdan tanlov ishtirokchisiga qaytariladi:

— agar taklif tanlov komissiyasining ovoz berish natijalariga ko‘ra texnik malakasi yetarli emas deb topilsa;
‎— 1, 3, 4, 5 va 8 shakllar mavjud bo‘lmasa yoki belgilangan tartibda rasmiylashtirilmagan bo‘lsa.
‎Agar shartnomani tuzish mo‘ljallanayotgan sana vaqtiga baholash mezonlariga binoan loyihani amalga oshirish uchun kerakli barcha mashina va mexanizmlar boshqa obyektlarda ishga jalb qilinadigan hollarda 7-shakl bahosi 0 ga tenglashtiriladi. Boshqa hollarda baholash interpolatsiya yo‘li bilan amalga oshiriladi.
‎2, 3, 6 va 7-shakllar mavjud bo‘lmasa yoki belgilangan tartibda rasmiylashtirilmagan bo‘lsa, ularni bahosi 0 ga tenglashtiriladi.
‎Tanlov ishtirokchisi tashkilotning rahbari bo‘lmagan yoki 9-shaklda keltirilgan shakl bo‘yicha ishonchnomaga ega bo‘lmagan tanlov ishtirokchisi vakili tanlovda hozir bo‘lishga va tanlov taklifini (ofertani) imzolashga haqli emas.
‎9-shakl mavjud bo‘lmasa tanlov taklifi va kelgusida buyurtmachi va tanlov g‘olibi o‘rtasidagi pudrat shartnomasini faqat tanlov ishtirokchisi tashkilotning rahbari imzolash huquqiga ega.

Baholash guruhi a’zolari:

________

_________________________________________

____________

(imzosi)

(F.I.O.)

(sanasi)

16.4. Tanlov komissiyasi tanlov ishtirokchisidan uni malaka talablariga javob berishini tasdiqlovchi dalillarni rasmiy shaklda taqdim etishni talab qilishga haqli.
‎16.5. Zarur bo‘lganda tanlov komissiyasi 1-yig‘ma jild hujjatlarida keltirilgan ma’lumotlarni batafsil o‘rganish va to‘g‘riligini tekshirish uchun komissiya tarkibi va jalb etilgan mutaxassislardan iborat baholash guruhini tuzishga va keyinchalik komissiyaga tegishli xulosani kiritishga haqli.
‎16.6. Baholash guruhi tuzilgan holatda tanlov komissiyasi a’zosi baholash guruhining tavsiyalari asosida qaror qabul qilishga yoki tanlov takliflari baholash varag‘ini mustaqil to‘ldirishga haqli.
‎16.7. Tanlov komissiyasi tanlov ishtirokchisining intellektual mulkiga va tijorat siriga tajovuz qilishga xaqqi yo‘q.

XVII. MOLIYAVIY TAKLIFLARNI KO‘RIB ChIQISh, YAKUNIY BAHOLASh, TANLOV G‘OLIBINI ANIQLASh

17.1. Moliyaviy takliflarni ochish va baholash tanlov komissiyasi tomonidan tanlov takliflarining birinchi yig‘ma jildlarini tasdiqlash va ularni ko‘rib chiqish natijalari e’lon qilinganidan so‘ng amalga oshiriladi.
‎17.2. Ikkinchi yig‘ma jildlarni ochilishiga malaka tanlovidan muvaffaqiyatli o‘tgan tanlov ishtirokchilariga ruxsat etiladi.
‎17.3. Ikkinchi yig‘ma jildlarni ochilishi mazkur tanlov ishtirokchilari yo‘riqnomasining XIV bobi talablariga asosan amalga oshiriladi.
‎17.4. Tanlov komissiyasi takliflarni butligini tekshiradi, 2-yig‘ma jild hujjatlarini to‘g‘ri to‘ldirilganligi, imzolangani va umumiy holati yuzasidan o‘rganadi.
‎‎17.5. Agar tanlov komissiyasi tomonidan 2-yig‘ma jilddagi taklif hujjatlarining birortasini tanlov hujjatlari talablariga javob bermasligi aniqlangan taqdirda tanlov ishtirokchisining taklifi rad etilib, uning mazmuni e’lon qilinmasdan tanlovdan chetlatiladi.
‎17.6. Tanlov komissiyasi takliflari 17.5-bandning talablariga zid bo‘lmagan tanlov ishtirokchilarining 1-ilovada ko‘rsatib o‘t�lgan narxi va ishlarni yakunlash muddatlarini o‘qib eshittiradi.
‎17.7. So‘ngra takliflar arifmetik tekshiruvdan o‘tkazilib, taklif tarkibida keltirilgan obyektda bajariladigan ish hajmlari bilan tanlov hujjatlari tarkibida keltirilgan ish hajmlarini solishtirish amalga oshiriladi va tanlov takliflariga moliyaviy baho beriladi.
‎17.8. Arifmetik xatolar mazkur tanlov ishtirokchilari yo‘riqnomasining 8.4 va 8.5-bandlariga binoan tuzatiladi.
‎17.9. Zarur bo‘lganda, tanlov komissiyasi 2-yig‘ma jild hujjatlarida keltirilgan ma’lumotlarni, xususan hisob-kitoblarning iqtisodiy asoslanganligi, ish hajmlari tanlov hujjatlariga javob berishi va boshqa hollarni batafsil o‘rganish uchun komissiya a’zolari va jalb etilgan mutaxassislardan iborat baholash guruhi tuzish huquqiga ega.
‎17.10. Agar TAJda boshqacha ko‘rsatilmagan bo‘lsa, barcha moliyaviy takliflar O‘zbekiston Respublikasi milliy valyutasida baholanadi (o‘tkaziladi).
‎17.11. Agar TAJda boshqacha ko‘rsatilmagan bo‘lsa, tanlov ishtirokchilarining takliflari quyida ko‘rsatilgan tanlov takliflarining moliyaviy baholash mezonlariga binoan baholanadi:

TANLOV TAKLIFLARI MOLIYAVIY QISMINI BAHOLASh MEZONLARI

T/r

Ilovalarni baholash parametrlarining nomi

Ballar miqdori

Tanlov ishtirokchisilar

I. Taklif etilayotgan narx. 1-ilova (35 ball)

1‎.

Buyurtmachining boshlang‘ich narxi — 10 ball, taklif etilgan eng past narxi — 35 ball.
‎Takliflar bo‘yicha boshlang‘ich va eng past narxlar o‘rtasidagi ballar formula yordamida interpolatsiya bilan aniqlanadi* (izohga qarang). Tanlov ishtirokchilarining buyurtmachi boshlang‘ich narxidan yuqori takliflari rad etiladi.

10 — 35

II. Qurilishni yakunlashni taklif etilayotgan muddati. 1-ilova (5 ball)

1‎.

Ijro muddati tanlov hujjatlarida belgilanganga mos yoki kam.

5

‎

‎

‎

2‎.

Tanlov hujjatlarida belgilangan ijro muddatidan ortgan har 10 kun uchun 1 ball olib tashlanadi, lekin 5 balldan ortiq emas.

1 — 5

III. Birinchi yig‘ma jildni baholashdagi ballar miqdori.
‎Tanlov takliflarining baholash varag‘i (texnik baholash). (60 ball)

1.

Tanlov takliflarini texnik baholash yakuniga ko‘ra eng ko‘p ball to‘plagan tanlov ishtirokchisiga — 60 ball;
‎2-yig‘ma jildlarni ochilishigacha kiritilgan va tanlov takliflarini texnik baholash yakuniga ko‘ra o‘tish bali bilan teng to‘plagan tanlov ishtirokchisiga — 45 ball;
‎qolgan takliflar bo‘yicha ballar interpolatsiya bilan aniqlanadi.

45 — 60

Izohlar:
‎a) tanlov ishtirokchisi taklifi quyidagi xollarda rad etiladi (diskvalifikatsiya qilinadi):
‎— 1, 2, 3, 4 son ilovalardan birontasi, shuningdek 4-ilovadagi jamlanma jadval mavjud bo‘lmasa yoki belgilangan tartibda rasmiylashtirilmagan bo‘lsa, taklif rad etiladi va hujjatlarning 2-yig‘ma jildi mazmuni e’lon qilinmasdan qaytariladi;
‎— taklifda ko‘rsatilgan ishlar hajmi tanlov hujjatlarida ko‘rsatilgan ishlar hajmiga to‘g‘ri kelmasa;
‎b) malakali deb topilgan va preferensiyalarni qo‘shgan holda eng ko‘p ball to‘plagan tanlov ishtirokchisining taklifi g‘olib deb hisoblanadi;
‎v) ballar tengligida taklif etilgan eng kam narxli taklif tanlanadi.
‎* Takliflar bo‘yicha boshlang‘ich va eng past narxlar o‘rtasidagi ballarni aniqlash interpolatsiya formulasi:
‎A= 10+((SSZ-SP)*25)/(SSZ-NPS)), bu erda
‎A — moliyaviy taklif uchun ballar miqdori;
‎10 — tanlov ishtirokchisi narxi uchun berilgan, buyurtmachining boshlang‘ich narxiga teng bo‘lgan, ballar miqdori;
‎SSZ — (BBN) buyurtmachining boshlang‘ich narxi;
‎SP — (TN) tanlov ishtirokchisi narxi;
‎25 — moliyaviy taklif uchun berilgan eng ko‘p va eng kam (35 — 10) ballar miqdorining farqi;
‎NPS — (ETN) eng kam taklif etilgan na�x.
‎** Birinchi yig‘ma jild takliflarining yakuniy baholari bo‘yicha ballarni aniqlash interpolatsiya formulasi:
‎B= 45+((KB1�-PB)*15)/(NBKB1P-PB)), bu erda
‎B — birinchi yig‘ma jild yakuniy bahosi bo‘yicha ballar miqdori;
‎45 — o‘tish balliga tenglashtirilgan birinchi yig‘ma jild ballari;
‎KB1P — (1PBM) tanlov ishtirokchisining birinchi yig‘ma jild bo‘yicha to‘plagan ballar miqdori;
‎PB — (O‘B) birinchi yig‘ma jild bo‘yicha o‘tish bali;
‎15 — eng ko‘p va eng kam (60 — 45) ballar yakuni bahosi bo‘yicha farqi;
‎NBKB1P — (1PYuBM) tanlov ishtirokchisining birinchi yig‘ma jild bo‘yicha to‘plagan yuqori ballar miqdori.

17.12. Agar TAJda boshqa ma’lumotlar keltirilmagan bo‘lsa, o‘rganish natijalariga ko‘ra, baholash guruhi a’zolari tanlov takliflarining quyidagi baholash yakuniy jadvalini to‘ldirishadi:

TANLOV TAKLIFLARINI BAHOLAShNING YAKUNIY JADVALI

T/r

‏Parametr nomi

‏Ilovalar

Maksimal ballar

Tanlov ishtirokchisilar

1‎.

Taklif etilayotgan narx (narx preferensiyalarini hisobga olgan holda)

1-ilova

35

2‎.

Qurilishni yakunlashni taklif etilayotgan muddati

1-ilova

5

3‎.

1-yig‘ma jildni baholash bo‘yicha ballar miqdori

Tanlov takliflarini baholash varag‘i (texnik baholash)

60

Jami ballar

100

________

____________________________________________

_____________

(imzosi)

(F.I.O.)

(sanasi)

1-ILOVA

(buyurtmachining nomi)

LOYIHANI BAJARISh BUYuRTMANOMASI

_______________________________________________________________________________________________________

(obyekt nomi)

1. Biz, quyida imzo chekuvchilar, yuqorida aytilgan ishlarni bajarish maydonchasini ko‘zdan kechirib, umumiy, texnik va tijorat qismlaridan iborat tanlov hujjatlarini o‘rganib, yuqorida ko‘rsatilgan hujjatlarga muvofiq

__________________________________________________________________________________________

(raqamda va yozuv bilan summa, qo‘shilgan qiymat solig‘i bilan)

so‘mga aytilgan barcha ishlarni (qurilish ishlarining kamida 50 %ini o‘z kuchimiz bilan) bajarish va yakunlashni hamda ulardagi topilgan defektlarni belgilangan muddatda tuzatishni taklif etamiz.
‎2. Bizning taklifimiz qabul qilingan holda, buyurtmachidan ishga kirishish haqidagi yozma xabarnomani olgan kundan boshlab 10 (o‘n) kun ichida ishlarni bajarishga kirishish va ishlarni bajarishni boshlanishidan e’tiboran ___________________________ kun mobaynida ularni yakunlash majburiyatini olamiz.
‎3. Bizning taklifimiz tanlov takliflari ochilgan kundan boshlab ____________________________________

(raqam va yozuv bilan)

4. Shartnoma tuzilgunga qadar mazkur tanlov taklifi uning qabul qilinganligi haqidagi yozma xabarnoma bilan birga oramizdagi yuridik majburiyat hisoblanadi.
‎5. Taklif qabul qilinganligi to‘g‘risidagi Biz olgan xabarnoma, Bizni Siz bilan rasmiy shartnoma tuzishga majburiyat yuklashini va Biz uning ijrosini ta’minlashimizni tasdiqlaymiz.
‎6. Buyurtmachi va tanlov komissiyasi taqdim etilgan takliflardan eng past narx taklifini qabul qilishga majbur emasligiga rozilik bildiramiz.
‎7. Tanlov Tanlov ishtirokchisilariga jo‘natilgan ______ son xabarnomalar Biz tomondan hisobga olingan.
‎8. Qurilish jarayonida jalb qilingan ishchi xodimlarni belgilangan tartibda rasmiylashtirib, ijtimoiy ximoyasi va texnik xavfsizligini ta’minlaymiz.
‎9. Buyurtmachi bilan o‘zaro hisob-kitoblarni tanlov komissiyasining majlislari bayonnomalari bilan tasdiqlangan va kelgusida o‘zgartirilmaydigan shartnomaviy narxda amalga oshirish majburiyatini olamiz.
‎10. Shartnoma majburiyatlarini bajarilishi haqidagi monitoring ma’lumotlarini Qurilish vazirligining viloyat tanlov savdolarini o‘tkazish konsalting markaziga, belgilangan shaklda, har oyning 2 sanasiga qadar, qurilishni olib borishni butun davri davomida taqdim etib borish kafolatini beramiz.

2-ILOVA

OBYEKTNING QURILISh IShLARINI BAJARISh GRAFIGI
‎ __________________________________________________________________
‎(obyekt nomi)

T/r‎

Ishlar nomlanishi

Ishlarni boshlash sanasi

Ishlarni tugatish sanasi

1.‎

2.‎

3.‎

4.‎

‎

Izoh: Jadvalda ishlarni umumiy dasturi (obyektning xususiyatlari hisobga olingan holda) va ularni bajarish muddatlari ko‘rsatiladi. Qurilishning umumiy jadvali pudratchining ishlarni va ma’lum uchastkalarni belgilangan muddatda yakunlash va qurilayotgan obyektda xavfsiz va uzluksiz ishlar olib borish majburiyatiga ta’sir ko‘rsatmasligi kerak.