Oʻzbekiston Respublikasi Prezidentining 2018-yil 12-dekabrdagi PF-5594-son “Sanoat, radiatsiya va yadro xavfsizligi sohasida davlat boshqaruvi va nazorati tizimini tubdan takomillashtirish chora-tadbirlari toʻgʻrisida”gi Farmoni va 2018-yil 12-dekabrdagi PQ-4058-son “Oʻzbekiston Respublikasi Sanoat xavfsizligi davlat qoʻmitasi faoliyatini tashkil etish toʻgʻrisida”gi qaroriga muvofiq Oʻzbekiston Respublikasi Sanoat xavfsizligi davlat qoʻmitasi qaror qiladi:

1. Oʻzbekiston Respublikasi Vazirlar Mahkamasi huzuridagi Yer qaʼrini geologik oʻrganish, sanoatda, konchilikda va kommunal-maishiy sektorda ishlarning bexatar olib borilishini nazorat qilish davlat inspeksiyasi boshligʻining 2016-yil 20-maydagi 54-son buyrugʻi (roʻyxat raqami 2803, 2016-yil 20-iyun) (Oʻzbekiston Respublikasi qonun hujjatlari toʻplami, 2016-y., 25-son, 310-modda) bilan tasdiqlangan Portlovchi materiallarning muomalasi sohasida faoliyatni amalga oshiruvchi tashkilotlarda portlovchi materiallarning yoʻqolishini texnik jihatdan tekshirish va hisobga olish tartibi toʻgʻrisidagi yoʻriqnomaga ilovaga muvofiq oʻzgartirishlar kiritilsin.

2. Mazkur qaror rasmiy eʼlon qilingan kundan eʼtiboran kuchga kiradi.

1. 2-bandagi “Milliy” degan soʻz “Davlat” degan soʻz bilan almashtirilsin.

2. 4-bandning beshinchi xatboshisi quyidagi tahrirda bayon etilsin:

“Sanoat xavfsizligi davlat qoʻmitasining tegishli hududiy boshqarmalariga (bundan buyon matnda hududiy boshqarma deb yuritiladi), hududiy ichki ishlar organiga, Davlat xavfsizlik xizmatining hududiy boʻlinmasiga hamda yuqori turuvchi organiga (agar mavjud boʻlsa oʻzi boʻysunuvchi tashkilotga) zudlik bilan tezkor xabar yuborishi;”.

3. 6-band quyidagi tahrirda bayon etilsin:

“6. Hududiy boshqarma, hududiy ichki ishlar organi hamda Davlat xavfsizlik xizmatining hududiy boʻlinmasi tezkor xabar kelib tushganda, bu haqda yuqori turuvchi organini darhol xabardor qilishi shart.”.

4. 8-band quyidagi tahrirda bayon etilsin:

“8. Portlovchi materiallarning yoʻqolishini texnik jihatdan tekshirish Sanoat xavfsizligi davlat qoʻmitasining raisining (rais oʻrinbosarlarining) buyrugʻi bilan tuziladigan hududiy boshqarma vakili raislik qiladigan Portlovchi materiallarning yoʻqolishi sabablarini texnik jihatdan tekshirish komissiyasi (bundan buyon matnda Komissiya deb yuritiladi) tomonidan amalga oshiriladi.

Komissiya yoʻqolgan portlovchi materiallarning turi, nomi, miqdori, xossalari, yoʻqolgan joy va boshqa holatlardan kelib chiqib Sanoat xavfsizligi davlat qoʻmitasi vakili raislik qiladigan tarkibda tuzilishi mumkin.”.

5. 9-bandning ikkinchi xatboshisidagi “Sanoatgeokontexnazorat” davlat inspeksiyasining” degan soʻzlar “Sanoat xavfsizligi davlat qoʻmitasining” degan soʻzlar bilan almashtirilsin.

6. 11-banddagi “mintaqaviy inspeksiyaga” degan soʻzlar “hududiy boʻlinmaga” degan soʻzlar bilan almashtirilsin.

7. 12-band quyidagi tahrirda bayon etilsin:

“12. Komissiyani tuzish haqidagi buyruq qabul qilingan kuni uning nusxasi Sanoat xavfsizligi davlat qoʻmitasi tomonidan Oʻzbekiston Respublikasi Davlat xavfsizlik xizmatiga yuboriladi.”.

8. 14-banddagi “Sanoatgeokontexnazorat” davlat inspeksiyasi boshligʻi” degan soʻzlar “Sanoat xavfsizligi davlat qoʻmitasi raisi” degan soʻzlar bilan almashtirilsin.

9. 24-bandning ikkinchi va uchinchi xatboshilari quyidagi tahrirda bayon etilsin:

“Sanoat xavfsizligi davlat qoʻmitasi hamda Oʻzbekiston Respublikasi Ichki ishlar vazirligiga (Sanoat xavfsizligi davlat qoʻmitasi vakili Komissiya raisi boʻlganda);

tegishli hududiy boshqarmaga hamda hududiy ichki ishlar boshqarmasiga (hududiy boshqarma vakili Komissiya raisi boʻlganda) yuborilishini taʼminlaydi.”.