O‘zbekiston Respublikasi Prezidentining “Sanoat, radiatsiya va yadro xavfsizligi sohasida davlat boshqaruvi va nazorati tizimini tubdan takomillashtirish chora-tadbirlari to‘g‘risida” 2018-yil 12-dekabrdagi PF-5594-son Farmoniga muvofiq:
1. O‘zbekiston Respublikasi Sanoat xavfsizligi davlat qo‘mitasi (keyingi o‘rinlarda — Sanoat xavfsizligi davlat qo‘mitasi) tarkibida yuridik shaxs tashkil etmagan holda:
O‘zbekiston Respublikasi Davlat budjetidan moliyalashtiriladigan boshqaruv xodimlarining umumiy soni 71 shtat birligidan iborat Radiatsiya va yadro xavfsizligi departamenti;
O‘zbekiston Respublikasi Davlat budjetidan moliyalashtiriladigan boshqaruv xodimlarining umumiy soni 5 shtat birligidan iborat Angren kon-texnika inspeksiyasi;
Qizilqum mintaqaviy inspeksiyasi negizida “Navoiy KMK” DK mablag‘lari hisobidan moliyalashtiriladigan Qizilqum kon-texnika inspeksiyasi tashkil etilsin.
radiatsiya va yadro xavfsizligini ta’minlash sohasida davlat siyosatining ustuvor yo‘nalishlari bo‘yicha takliflarni ishlab chiqish;
ionlashtiruvchi nurlanish manbalari muomalada bo‘lish va atom energiyasidan foydalanish borasidagi faoliyatni amalga oshirishda radiatsiya va yadro xavfsizligi sohasida samarali davlat nazorati va tekshiruvini tashkil etish va ta’minlash;
nazorati ostidagi obyektlarda radiatsiya va yadro xavfsizligini ta’minlash bo‘yicha profilaktika chora-tadbirlarini ishlab chiqish va amalga oshirish;
yadroviy va radioaktiv materiallar bilan ishlashda, atom energiyasidan foydalanishda, yadroviy materiallar, radioaktiv moddalar, ular mavjud bo‘lgan radioaktiv manbalar va radioaktiv chiqindilarni qazib olish, qayta ishlash, tashish, saqlash, foydalanish, ko‘mish hamda jismoniy himoyalash va hisobini yuritishda radiatsiya va yadro xavfsizligini ta’minlash masalalari bo‘yicha normativ-huquqiy hujjatlar va texnik jihatdan tartibga solish sohasidagi normativ hujjatlarni ishlab chiqish;
atom energiyasidan tinchlik yo‘lida foydalanish sohasidagi xalqaro shartnomalar bo‘yicha O‘zbekiston Respublikasining majburiyatlari bajarilishini ta’minlash.
O‘zbekiston Respublikasi Sanoat xavfsizligi davlat qo‘mitasining tashkiliy tuzilmasi 1-ilovaga muvofiq;
O‘zbekiston Respublikasi Davlat budjetidan moliyalashtiriladigan boshqaruv xodimlarining umumiy cheklangan soni 122 shtat birligidan iborat O‘zbekiston Respublikasi Sanoat xavfsizligi davlat qo‘mitasi markaziy apparati tuzilmasi 2-ilovaga muvofiq;
O‘zbekiston Respublikasi Sanoat xavfsizligi davlat qo‘mitasi hududiy boshqarmalarining namunaviy tuzilmasi 3-ilovaga muvofiq;
Sanoat xavfsizligi davlat qo‘mitasining 20 nafar boshqaruv xodimlari shtat birligini saqlash davlat sanitariya-epidemiologiya nazorati markazlarida shtatlar sonini zarur miqdorda qisqartirgan holda, ularni moliyalashtirish uchun O‘zbekiston Respublikasi davlat budjetidan ajratiladigan mablag‘lar hisobidan amalga oshiriladi;
Sanoat xavfsizligi davlat qo‘mitasining 65 nafar boshqaruv xodimlari shtat birligini saqlash 5-ilovaga muvofiq grafik bo‘yicha 2019 — 2028-yillar mobaynida bosqichma-bosqich ajratish orqali O‘zbekiston Respublikasi Davlat budjeti mablag‘lari hisobidan amalga oshiriladi.
Sanoat xavfsizligi davlat qo‘mitasining markaziy apparati, hududiy boshqarmalari va Angren kon-texnika inspeksiyasi tuzilmalariga boshqaruv xodimlarining belgilangan shtatlar soni va mehnatga haq to‘lash fondi doirasida o‘zgartirishlar kiritish;
O‘zbekiston Respublikasi hududida atom energiyasidan foydalanish sohasidagi faoliyatni litsenziyalash maqsadida ekspertiza bo‘yicha ishlarni amalga oshirish uchun xorijiy ixtisoslashtirilgan institutlar va kompaniyalar, shuningdek, xorijiy mutaxassis va ekspertlarni jalb qilish huquqi berilsin.
6. Sanoat xavfsizligi davlat qo‘mitasi Toshkent shahri, M-14, 27-uy manzili bo‘yicha joylashgan ma’muriy bino A blokining uchinchi, to‘rtinchi, beshinchi qavatlarida operativ boshqaruvi huquqi asosida joylashtirilsin.
7. O‘zbekiston Respublikasi Vazirlar Mahkamasi bir oy muddatda O‘zbekiston Respublikasi Sanoat xavfsizligi davlat qo‘mitasi to‘g‘risidagi nizomni tasdiqlasin.
Sanoat xavfsizligi davlat qo‘mitasining markaziy apparati, hududiy boshqarmalari va kon-texnika inspeksiyalarini Sanoat xavfsizligi davlat qo‘mitasiga yuklangan vazifalarni professional darajada bajarishga qodir bo‘lgan, zarur nazariy bilimlar va amaliy ko‘nikmalarga ega yuqori malakali kadrlar bilan to‘ldirilishini;
Sanoat xavfsizligi davlat qo‘mitasining tarkibiy va bo‘ysunuvidagi bo‘linmalari to‘g‘risidagi nizomlarni (ustavlarni), shuningdek, xodimlarning lavozim yo‘riqnomalarini tasdiqlanishini ta’minlasin.
2018-yilda ushbu qarorni amalga oshirish doirasida Sanoat xavfsizligi davlat qo‘mitasining xarajatlari uchun O‘zbekiston Respublikasi Davlat budjeti parametrlari chegarasida mablag‘lar ajratsin va 2019-yildan boshlab har yili zarur budjet mablag‘larini nazarda tutsin;
ushbu qaror talablaridan kelib chiqib O‘zbekiston Respublikasi Davlat budjetining 2018-yil uchun tasdiqlangan smeta xarajatlariga tegishli o‘zgartirishlar kiritsin;
Sanoat xavfsizligi davlat qo‘mitasiga 8 dona avtotransport vositalarini, shu jumladan 4 dona maxsus transport vositalarni saqlash uchun limit ajratsin.
qurilayotgan va foydalanilayotgan atom energetikasi obyektlari holatining doimiy kunu-tungi nazoratini ta’minlaydigan Radiatsiya va yadro xavfsizligi departamenti xodimlarining joylashuvi bevosita shu obyektlarda amalga oshiriladi;
yadroviy obyektlardan foydalanuvchi tashkilotlar va atom energetikasi obyektlarini quruvchi direksiyalar tomonidan Radiatsiya va yadro xavfsizligi departamenti xodimlariga yashashi va yuklatilgan funksiyalarni bajarishi uchun zarur sharoitlar beg‘araz asosda ta’minlanadi.
11. Belgilansinki, Sanoat xavfsizligi davlat qo‘mitasining mansabdor shaxslari yuklatilgan funksiyalarga muvofiq belgilangan tartibda quyidagi huquqlarga ega:
xavfli ishlab chiqarish obyektlari sanoat xavfsizligi, radiatsiya va yadro xavfsizligi, shuningdek, yer qa’ridan foydalanishda ishlarni olib borish xavfsizligi talablariga rioya etilishi holati ustidan nazorat qilish;
sanoat, radiatsiya va yadro xavfsizligi talablariga rioya etmagan holda olib borilayotgan yoki avariya sodir bo‘lishiga olib kelishi mumkin bo‘lgan ishlarni to‘xtatib turish, shuningdek, odamlar hayoti xavf ostida qolganda yoki avariya holatlari yuzaga kelganda ularni ish joylaridan olib chiqish;
o‘z vakolatlari doirasida qonun hujjatlari va texnik jihatdan tartibga solish sohasidagi normativ hujjatlar talablarini buzganlik uchun tashkilotlarning mansabdor shaxslari va jismoniy shaxslarni ma’muriy javobgarlikka tortish.
Sanoat xavfsizligi davlat qo‘mitasi xodimlariga O‘zbekiston Respublikasining tegishli hududlarida joylashgan nazorati ostidagi tashkilotlar xodimlari uchun qonun hujjatlariga muvofiq belgilangan miqdorlarda ish haqiga tuman (hududiy) koeffitsiyentlari saqlanib qolinadi;
Sanoat xavfsizligi davlat qo‘mitasi xodimlariga Sanoat xavfsizligi davlat qo‘mitasining budjetdan tashqari mablag‘lari hisobidan uzluksiz ish staji (ko‘p yillik xizmati) uchun lavozim maoshining: 3 yildan 5 yilgacha — 20 foizi, 5 yildan 10 yilgacha — 35 foizi, 10 yildan 15 yilgacha — 50 foizi, 15 yil va undan ortiq — 60 foizi miqdorida ustamalar to‘lanadi.
13. Sanoat xavfsizligi davlat qo‘mitasi sanoat, radiatsiya va yadro xavfsizligi sohasidagi xalqaro ixtisoslashtirilgan institutlar va tashkilotlarni jalb etgan holda xalqaro talablarga muvofiq mutaxassislarni mazkur sohalarda tizimli o‘qitish va tayyorlashni tashkil qilsin.
14. O‘zbekiston Respublikasi Tashqi ishlar vazirligi Sanoat xavfsizligi davlat qo‘mitasining buyurtmanomalariga ko‘ra atom energiyasidan foydalanish sohasidagi faoliyatni litsenziyalash maqsadida ekspertiza bo‘yicha ishlarda ishtirok etuvchi xorijiy mutaxassislarga kirish vizalari konsullik va boshqa yig‘imlarni undirmagan holda belgilangan tartibda rasmiylashtirilishini ta’minlasin.
Oldingi tahrirga qarang.
15. O‘zbekiston Respublikasi Ichki ishlar vazirligi Sanoat xavfsizligi davlat qo‘mitasining buyurtmanomalariga ko‘ra atom energiyasidan foydalanish sohasidagi faoliyatni litsenziyalash maqsadida ekspertiza bo‘yicha ishlarda ishtirok etuvchi xorijiy mutaxassislarga davlat boji undirmagan holda belgilangan tartibda ko‘p martalik vizalar rasmiylashtirilishi, berilishi va uzaytirilishini, shuningdek, vaqtincha turgan joyi bo‘yicha ro‘yxatga olinishi va muddati uzaytirilishini ta’minlasin.
(15-band O‘zbekiston Respublikasi Prezidentining 2021-yil 26-yanvardagi PF-6146-sonli Farmoni tahririda — Qonun hujjatlari ma’lumotlari milliy bazasi, 27.01.2021-y., 06/21/6146/0065-son)
16. O‘zbekiston Respublikasi Bandlik va mehnat munosabatlari vazirligi Sanoat xavfsizligi davlat qo‘mitasining buyurtmanomalariga ko‘ra atom energiyasidan foydalanish sohasidagi faoliyatni litsenziyalash maqsadida ekspertiza bo‘yicha ishlarda ishtirok etuvchi xorijiy mutaxassislarni jalb qilish uchun belgilangan tartibda ruxsatnomalar berilishini (uzaytirilishini), shuningdek, mazkur chet el fuqarolariga O‘zbekiston Respublikasi hududida mehnat faoliyatini amalga oshirish huquqini beruvchi tasdiqnomalar berilishini (uzaytirilishini) ta’minlasin.
17. Sanoat xavfsizligi davlat qo‘mitasi boshqa manfaatdor vazirlik va idoralar bilan birgalikda ikki oy muddatda qonun hujjatlariga ushbu qarordan kelib chiqadigan o‘zgartish va qo‘shimchalar to‘g‘risida O‘zbekiston Respublikasi Vazirlar Mahkamasiga takliflar kiritsin.
18. Ushbu qarorning ijrosini nazorat qilish O‘zbekiston Respublikasining Bosh vaziri A.N. Aripov, O‘zbekiston Respublikasi Prezidenti Administratsiyasi rahbari Z.Sh. Nizomiddinov va O‘zbekiston Respublikasi Prezidenti maslahatchisining birinchi o‘rinbosari B.M. Mavlonov zimmasiga yuklansin.