Oʻzbekiston Respublikasi Prezidentining 2018-yil 7-maydagi “Oʻzbekiston Respublikasi Bosh prokuraturasi huzuridagi Agrosanoat majmui va oziq-ovqat xavfsizligi taʼminlanishi ustidan nazorat qilish inspeksiyasi faoliyatini tashkil etish chora-tadbirlari toʻgʻrisida”gi 3699-son qarori, (Qonun hujjatlari maʼlumotlari milliy bazasi,11.05.2018-y., 07/18/3699/1184-son) va Oʻzbekiston Respublikasi Bosh prokuraturasi huzuridagi Agrosanoat majmui va oziq-ovqat xavfsizligi taʼminlanishi ustidan nazorat qilish inspeksiyasi boshligʻining 2018-yil 02-oktabrdagi “Texnika holati va agrotexnik tadbirlarni nazorat qilish boshqarmasi toʻgʻrisida”gi Nizomni tasdiqlash haqidagi 25-son buyrugʻi ijrosini taʼminlash maqsadida, Oʻzbekiston Respublikasining “Mahalliy davlat hokimiyati toʻgʻrisida”gi Qonunning 6-moddasiga asosan, qaror qilaman:

1. Tumanda 2019-yilda qishloq xoʻjaligi va meliorativ texnikani, shuningdek mashina-traktor parklari, ustaxonalar va servis puktlarining asbob-uskunalari 2019-yil 1-fevraldan 2019-yil 30-noyabrga qadar texnik koʻrikdan oʻtkazilsin.

2. Tumandagi mulkchilik shaklidan qatʼiy nazar, qishloq xoʻjaligi va meliorativ texnikani, shuningdek mashina-traktor parklari, ustaxonalar va servis punktlarining asbob-uskunalarini texnik koʻrikdan oʻtkazish ish rejasi 1-ilovaga muvofiq, qishloq xoʻjaligi va meliorativ texnikani, mashina-traktor parklari, ustaxonalar va servis punktlarining asbob-uskunalarini texnik koʻrikdan oʻtkazish boʻyicha tuman komissiyasi tarkibi 2-ilovaga muvofiq tasdiqlansin.

3.Oʻzbekiston Respublikasi Bosh prokuraturasi huzuridagi Agrosanoat majmui va oziq-ovqat xavfsizligi taʼminlanishi ustidan nazorat qilish inspeksiyasi Navoiy viloyati, Uchquduq tuman boʻlimi Texnika holati va agrotexnik tadbirlarni nazorat qilish shuʼbasi katta inspektori (A. Aminov)ga:

qishloq xoʻjaligi va meliorativ texnikalari, shuningdek mashina-traktor parklari, ustaxonalar va servis punktlarining asbob-uskunalarini texnik koʻrikdan oʻtkazish toʻgʻrisidagi ish rejani yuridik va jismoniy shaxslarga yetkazish;

Oʻzbekiston Respublikasi Prezidentining 2018-yil 7-maydagi “Oʻzbekiston Respublikasi Bosh prokuraturasi huzuridagi Agrosanoat majmui va oziq-ovqat xavfsizligi taʼminlanishi ustidan nazorat qilish inspeksiyasi faoliyatini tashkil etish chora-tadbirlari toʻgʻrisida”gi 3699-son qarori, va Oʻzbekiston Respublikasi Bosh prokuraturasi huzuridagi Agrosanoat majmui va oziq-ovqat xavfsizligi taʼminlanishi ustidan nazorat qilish inspeksiyasi boshligʻining 2018-yil 02-oktabrdagi “Texnika holati va agrotexnik tadbirlarni nazorat qilish boshqarmasi toʻgʻrisida”gi Nizomni tasdiqlash haqidagi 25-son buyrugʻiga muvofiq texnikalarni texnik koʻrikdan oʻtkazilganligi uchun yigʻim undirish;

texnikani qayta koʻrikdan oʻtkazish uchun mulkdordan yigʻim undirilmaslik topshirilsin.

4. Mazkur qaror qabul qilinishi munosabati bilan tuman hokimining 2018-yil 22-yanvardagi “Tuman hududidagi yuridik va jismoniy shaxslarga tegishli boʻlgan traktor, oʻziyurar shassilar, meliorativ, yoʻl-qurilish va qishloq xoʻjalik mashinalari, traktor tirkamalarini texnik koʻrikdan oʻtkazish toʻgʻrisida”gi Q-33-sonli (“UCHQUDUQ” gazetasi, 2018-yil 31-yanvar, 3-son) qarori oʻz kuchini yoʻqotgan deb hisoblansin.

5. Tuman hokimligi tashkiliy-nazorat guruhi (L. Gadoyev)ga mazkur qarorni “UCHQUDUQ” gazetasida rasman eʼlon qilinishini va tuman hokimligining rasmiy veb-saytida joylashtirilishini taʼminlash topshirilsin.

6. Ushbu qarorning ijrosini nazorat qilishni oʻz zimmamga qoldiraman.

7. Mazkur qaror rasmiy eʼlon qilingan kundan eʼtiboran kuchga kiradi.