“Fuqarolarning oʻzini oʻzi boshqarish organlari toʻgʻrisida”gi (Oliy Majlis Axborotnomasi, 1999-y., 5-son, 111-modda) Oʻzbekiston Respublikasining Qonuni hamda Oʻzbekiston Respublikasi Prezidentining 2017-yil 3-fevraldagi “Mahalla institutini yanada takomillashtirish chora-tadbirlari toʻgʻrisida”gi PF-4944-son Farmoni (Oʻzbekiston Respublikasi qonun hujjatlari toʻplami, 2017-y., 6-son, 69-modda), Oʻzbekiston Respublikasi Oliy Majlis Senatining 2019-yil 3-maydagi “Toshkent viloyatining Zangiota tumani va Toshkent shahrining Sergeli tumani chegaralarini oʻzgartirish toʻgʻrisida”gi SQ-418-III-sonli Qarori, Oʻzbekiston Respublikasi Vazirlar Mahkamasining 2014-yil 4-martdagi “Shaharlar, posyolkalar, qishloqlar va ovullarning mahallalarini tuzish, birlashtirish, boʻlish va tugatish, shuningdek ularning chegaralarini belgilash va oʻzgartirish, ularga nom berish va ularning nomini oʻzgartirish tartibi toʻgʻrisidagi Nizomni tasdiqlash haqida”gi 48-sonli qarori (Oʻzbekiston Respublikasi qonun hujjatlari toʻplami, 2014-y., 10-son, 107-modda) talablaridan kelib chiqqan holda, xalq deputatlari Toshkent shahar Kengashi qaror qiladi:

1. Geografik obyektlarni nomlash va qayta nomlash masalalari boʻyicha shahar komissiyasining 2019-yil 23-maydagi 07-B-31-sonli bayoni, Sergeli tuman hokimi va Fuqarolarning oʻzini oʻzi boshqarish organlari faoliyatini muvofiqlashtirish boʻyicha tuman kengashining ayrim mahalla fuqarolar yigʻinlari hududiy chegaralarini qayta koʻrib chiqish va yangi mahalla fuqarolar yigʻinlarini tashkil etish toʻgʻrisidagi takliflari maqullansin.

2. Oʻzbekiston Respublikasi Oliy Majlisi Senatining 2019-yil 3-maydagi “Toshkent viloyati Zangiota tumani va Toshkent shahrining Sergeli tumani chegaralarini oʻzgartirish toʻgʻrisida”gi SQ-418-III-sonli Qarori inobatga olinsin.

3. Oʻzbekiston Respublikasi Oliy Majlis Senatining 2019-yil 3-maydagi SQ-418-III-sonli Qarori qoʻshilgan va Sergeli tumanidagi mahalla fuqarolar yigʻinlarining hududiy chegaralarini qayta koʻrib chiqish hisobiga yangi tashkil etilayotgan mahalla fuqarolar yigʻinlar roʻyxati hamda ularning nomlari 1-ilovaga, boʻlinishi hisobiga tashkil etilayotgan mahalla fuqarolar yigʻini chegaralari tavsiflari 2-ilovaga muvofiq tasdiqlansin.

4. Toshkent shahridagi mahalla fuqarolar yigʻinlari soni 514 ta deb hisoblansin.

5. Mahalla fuqarolar yigʻinlari hududiga oʻzgartirish kiritilgan Sergeli tuman hokimligi va Fuqarolarning oʻzini oʻzi boshqarish organlari faoliyatini muvofiqlashtirish boʻyicha Toshkent shahar kengashi raisining birinchi oʻrinbosari (F. Maxmudxoʻjayev):

yangi tashkil etilgan mahalla fuqarolar yigʻinlarining toʻliq shakllanishi va faoliyati uchun zarur shart-sharoitlar yaratilsin;

hududlarga oʻzgartirish kiritilgan mahalla fuqarolar yigʻinlarida aholi oʻrtasida tushuntirish ishlari olib borilsin.

6. Toshkent shahar Moliya bosh boshqarmasi (L. Ismatullayev):

yangi tashkil etilgan mahalla fuqarolar yigʻini xodimlari mehnatiga haq toʻlash uchun zarur mablagʻlarni mahalliy budjetdan belgilangan tartibda ajratish choralari koʻrilsin.

7. Fuqarolarning oʻzini oʻzi boshqarish organlari faoliyatini muvofiqlashtirish boʻyicha Toshkent shahar kengashi raisining birinchi oʻrinbosari (F. Maxmudxoʻjayev), Yer resurslari va davlat kadastri boshqarmasi (Gʻ. Rasulov), Davlat soliq boshqarmasi (N. Tursunov):

— mazkur qarorga asosan hujjatlarga oʻrnatilgan tartibda tegishli oʻzgartirishlar kiritilsin.

8. “Toshkent oqshomi” va “Vecherniy Tashkent” gazetalari tahririyati (A. Akromov), Axborot va kommunikatsiya texnologiyalarini rivojlantirish boʻlimi (P. Xaliulin):

mazkur qaror rasmiy eʼlon qilinsin hamda www.toshkent.uz veb-saytiga joylashtirilsin.

9. Mazkur qaror rasmiy eʼlon qilingan kundan soʻng kuchga kiradi.

10. Ushbu qarorning ijrosini nazorat qilish xalq deputatlari Toshkent shahar Kengashining Ijtimoiy-madaniy, rivojlanish masalalari boʻyicha doimiy komissiyasi va Toshkent shahar hokimining oʻrinbosari E. Shukurov zimmasiga yuklatilsin.

Yangi Sergeli koʻchasining chap tomoni boʻylab Yorqin hayot koʻchasigacha, Yorqin hayot koʻchasining chap tomoni boʻylab Doʻstlik koʻchasigacha, Doʻstlik koʻchasining chap tomoni boʻylab Navroʻz asosiy koʻchasigacha, Navroʻz asosiy koʻchasining chap tomoni boʻylab Charogʻon 4-tor koʻchasigacha, Charogʻon 4-tor koʻchasining chap tomoni boʻylab Toshkent halqa avtomobil yoʻligacha, Toshkent halqa avtomobil yoʻlining chap tomoni boʻylab Yangi Sergeli koʻchasigacha boʻlgan hududlarda.

Toshkent halqa avtomobil yoʻlining oʻng tomoni boʻylab Navroʻz asosiy koʻchasigacha, Navroʻz asosiy koʻchasining oʻng tomoni boʻylab Past darxon koʻchasigacha, Past darxon koʻchasining oʻng tomoni boʻylab Navroʻz 5, 6, 7, 8-tor koʻchalarini qamrab olgan holda Yuqori darxon mahallasi hududiy chegarasigacha.

Sergeli tumani 5A-mavzesidagi 1, 2, 3, 4, 5, 6, 7, 8, 9, 10, 11, 12, 13, 14, 15, 16, 17, 18, 19, 20, 21, 22, 23, 24, 25, 26, 27, 28, 29, 30 koʻp qavatli uylarni oʻz ichiga olgan chegaralarda.

Sergeli tumani 5A-mavzesidagi 31, 32, 33, 34, 35, 36, 37, 38, 39, 40, 41, 42, 43, 44, 45, 46, 47 koʻp qavatli uylarni oʻz ichiga olgan chegaralarda.

Qipchoq koʻchasining oʻng tomoni boʻylab Zangiota tumani maʼmuriy chegarasigacha, Zangiota tumani maʼmuriy chegarasining oʻng tomoni boʻylab Shokirariq-Oʻzgarish koʻchasigacha, Shokirariq-Oʻzgarish koʻchasining oʻng tomoni boʻylab Mirzo Tursunzoda koʻchasi kesishgan joyigacha, Shokirariq-Oʻzgarish va Mirzo Tursunzoda koʻchalarining kesishgan joyi oʻng tomoni boʻylab Olchazor koʻchasigacha, Olchazor koʻchasining oʻng tomoni Lutfikor 3-tor koʻchasigacha. Lutfikor 3-tor koʻchasining oʻng tomoni boʻylab Qipchoq koʻchasigacha.

Shokirariq-Oʻzgarish koʻchasining oʻng tomoni boʻylab Zangiota tumani maʼmuriy chegarasigacha, Zangiota tumani maʼmuriy chegarasining oʻng tomoni boʻylab Mehrigiyo koʻchasigacha, Mehrigiyo koʻchasining oʻng tomoni boʻylab Mirzo Tursunzoda koʻchasigacha, Mirzo Tursunzoda koʻchasining oʻng tomoni boʻylab Shokirariq-Oʻzgarish koʻchasigacha boʻlgan hududlarda.

Oʻzar koʻchasining chap tomoni boʻylab Choshtepa koʻchasigacha, Choshtepa koʻchasining chap tomoni boʻylab Toshkent halqa avtomobil yoʻligacha, Toshkent halqa avtomobil yoʻlining chap tomoni boʻylab Oʻzar-Joʻnariq koʻchalari kesishmasigacha, Oʻzar-Joʻnariq koʻchalari kesishmasining chap tomoni boʻylab Oʻzar koʻchasigacha boʻlgan chegaralarda.

Oʻzar koʻchasida joylashgan 1, 2, 3, 4, 5, 6, 7, 8, 9, 10, 11, 12, 13, 14, 15, 16, 17, 18, 19, 20, 21, 22, 23, 24, 25, 26, 27, 28, 29, 30, 31, 32, 33, 34, 35, 36, 37, 38, 39, 40, 41, 42, 43, 44, 45, 46, 47, 48, 49, 50, 51, 52, 53, 54, 55, 56, 57, 58, 59, 60, 61, 62, 63, 64, 65, 66-uylarni qamrab olgan chegaralarda.