O‘zbekiston Respublikasi Hukumatining ayrim qarorlarini qonun hujjatlariga muvofiqlashtirish maqsadida Vazirlar Mahkamasi qaror qiladi:

1. O‘zbekiston Respublikasi Hukumatining ilovaga muvofiq ayrim qarorlariga o‘zgartirish va qo‘shimchalar kiritilsin.

2. O‘zbekiston Respublikasi Milliy gvardiyasi manfaatdor vazirliklar va idoralar bilan birgalikda o‘zlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsin.

3. Mazkur qarorning bajarilishini nazorat qilish O‘zbekiston Respublikasi Milliy gvardiyasi qo‘mondoni B.X. Tashmatov zimmasiga yuklansin.

2. Vazirlar Mahkamasining 2001-yil 8-maydagi 207-son qarori (O‘zbekiston Respublikasi QHT, 2001-y., 9-son, 47-modda) bilan tasdiqlangan Xorijiy davlatlarning O‘zbekiston Respublikasidagi diplomatik vakolatxonalari va konsullik muassasalari to‘g‘risida nizomning 3.1-bandi birinchi xatboshi quyidagi tahrirda bayon etilsin:

“3.1. Diplomatik vakolatxonalar va diplomatik vakolatxonalar boshliqlarining xususiy qarorgohlari binosi, shuningdek, diplomatik vakolatxonalar a’zolarining uy-joylari daxlsiz hisoblanadi. Diplomatik vakolatxonani va xususiy qarorgohni qo‘riqlash O‘zbekiston Respublikasi Tashqi ishlar vazirligi taqdimnomasiga binoan shartnoma asosida qonunchilikda belgilangan tartibda O‘zbekiston Respublikasi Milliy gvardiyasi tomonidan amalga oshirilishi mumkin. O‘zbekiston Respublikasi Milliy gvardiyasi bo‘linmalariga qo‘riqlashga ishonib topshirilayotgan diplomatik vakolatxonalar va qarorgohlarning texnik mustahkamligi O‘zbekiston Respublikasi Milliy gvardiyasining normativ-huquqiy hujjatlari talablariga muvofiq bo‘lishi kerak”.

4. Vazirlar Mahkamasining 2008-yil 9-sentabrdagi 203-son qarori (O‘zbekiston Respublikasi QHT, 2008-y., 37-38-son, 373-modda) bilan tasdiqlangan O‘rmon qo‘riqchiligi to‘g‘risidagi nizomning 21-bandi birinchi xatboshidagi “Ichki ishlar vazirligi” so‘zlari “Milliy gvardiyasi” so‘zlari bilan almashtirilsin.

8. Vazirlar Mahkamasining “O‘zbekiston Respublikasida qo‘riqlash faoliyati bilan shug‘ullanishni tartibga solish chora-tadbirlari to‘g‘risida” 2014-yil 24-yanvardagi 16-son qarorining (O‘zbekiston Respublikasi QHT, 2014-y., 5-son, 57-modda) rus tilidagi matnida:

a) 4-banddagi “Ministerstvu vnutrennix del” so‘zlari “Natsionalnoy gvardii” so‘zlari bilan almashtirilsin;

b) 5-bandning birinchi va ikkinchi xatboshilaridagi “Ministerstva vnutrennix del” so‘zlari “Natsionalnoy gvardii” so‘zlari bilan almashtirilsin.

9. Vazirlar Mahkamasining 2014-yil 14-apreldagi 92-son qarori (O‘zbekiston Respublikasi QHT, 2014-y., 16-son, 180-modda) bilan tasdiqlangan Teleko‘rsatuvlar va radioeshittirishlar obyektlarini qo‘riqlash, muhofaza qilish hamda ularning xavfsiz faoliyat ko‘rsatishi qoidalarida:

a) 5-band quyidagi tahrirda bayon etilsin:

“5. Nodavlat teleko‘rsatuvlar va radioeshittirishlar obyektlari belgilangan tartibda Milliy gvardiya Qo‘riqlash bosh boshqarmasiga qo‘riqlash uchun berilishi, kirish cheklangan xonalari majburiy tartibda Milliy gvardiya qo‘riqlash bo‘limlarining texnik qo‘riqlash markaziga (punktiga) qo‘riqlash uchun topshirilishi kerak”;

b) 12-band quyidagi tahrirda bayon etilsin:

“12. Yong‘in, avariya yuz berganda va boshqa favqulodda vaziyatlarda obyekt bo‘yicha navbatchi yoki Milliy gvardiya Qo‘riqlash bosh boshqarmasi xodimi darhol yong‘in, avariya komandasini chaqiradi, nodavlat teleko‘rsatuvlar va radioeshittirishlar obyektining rahbariga va ijaraga beruvchiga, Milliy gvardiya, Davlat xavfsizlik xizmati bo‘linmalariga xabar beradi va ularni bartaraf etish chora-tadbirlarini ko‘radi”;

v) 18-banddagi “Davlat xavfsizlik xizmati” so‘zlaridan keyin “Milliy gvardiyasi” so‘zlari qo‘shilsin.

10. Vazirlar Mahkamasining 2014-yil 17-iyundagi 159-son qarori (O‘zbekiston Respublikasi QHT, 2014-y., 25-son, 309-modda) bilan tasdiqlangan “Do‘rmon” milliy bog‘i to‘g‘risidagi nizomning 15-bandidagi “ichki ishlar organlari” so‘zlari “Milliy gvardiya bo‘linmalari” so‘zlari bilan almashtirilsin.

12. Vazirlar Mahkamasining 2018-yil 3-maydagi 322-son qarori bilan tasdiqlangan Ma’muriy huquqbuzarlik sodir etgan shaxslar va ma’muriy huquqbuzarlik yo‘li bilan ma’naviy, jismoniy yoki mulkiy zarar yetkazilgan shaxslarni markazlashtirilgan hisobga olish tartibi to‘g‘risidagi nizomga 8-ilovada:

a) 076 kodli pozitsiya chiqarib tashlansin;

b) quyidagi mazmundagi 180-1 kodli pozitsiya qo‘shilsin:

v) quyidagi mazmundagi 380 va 381 kodli pozitsiyalar qo‘shilsin:

15. Vazirlar Mahkamasining 2018-yil 28-avgustdagi 697-son qarori bilan tasdiqlangan Toshkent shahrining jamoat tartibini ta’minlash kuchlari tarkibida xizmatni o‘tayotgan xodimlar va harbiy xizmatchilar faoliyatini baholash va ularga bir martalik pul mukofoti to‘lash mezonlarini belgilash tartibi to‘g‘risidagi nizomning 2-bandi quyidagi tahrirda bayon etilsin:

“2. Ushbu Nizom ichki ishlar organlarining yo‘l-patrul xizmati, O‘zbekiston Respublikasi Milliy gvardiyasi qo‘riqlash xizmatlari va saf bo‘linmalari xodimlari hamda Milliy gvardiyaning shartnoma asosida xizmatni o‘tayotgan harbiy xizmatchilariga tatbiq etiladi”.

16. Vazirlar Mahkamasining 2019-yil 15-yanvardagi 29-son qarori bilan tasdiqlangan O‘zbekiston Respublikasi Ekologiya va atrof muhitni muhofaza qilish davlat qo‘mitasi to‘g‘risidagi nizomning 18-bandi 23-kichik bandidagi “Ichki ishlar vazirligi” so‘zlari “Milliy gvardiyasi” so‘zlari bilan almashtirilsin.