Oʻzbekiston Respublikasi Prezidentining 2018-yil 26-dekabrdagi PQ-4086-sonli hamda Xalq deputatlari Sirdaryo viloyati Kengashining 2018-yil 26-dekabrdagi 158/44-44-sonli, Sirdaryo viloyati hokimining 2018-yil 27-dekabrdagi № 567-sonli, Xalq deputatlari Mirzaobod tuman Kengashining 2019-yil 5-yanvardagi 123/41-04-sonli qarorlari ijrosini taʼminlash maqsadida “Mahalliy davlat hokimiyati toʻgʻrisida”gi Oʻzbekiston Respublikasi Qonunining 6, 25-moddalariga muvofiq qaror qilaman:

1. Oʻzbekiston Respublikasi Prezidentining 2018-yil 26-dekabrdagi “Oʻzbekiston Respublikasining 2019-yilgi asosiy makroiqtisodiy koʻrsatkichlari prognozi va Davlat budjeti parametrlari hamda 2020-2021-yillarga budjet moʻljallari toʻgʻrisida”gi PQ-4086-sonli qarori (bundan buyon — Prezident qarori) hamda Xalq deputatlari Sirdaryo viloyati Kengashining 2018-yil 26-dekabrdagi 158/44-44-sonli, Sirdaryo viloyati hokimining 2018-yil 27-dekabrdagi № 567-sonli, Xalq deputatlari Mirzaobod tuman Kengashining 2019-yil 5-yanvardagi 123/41-04-sonli qarorlari rahbarlik va ijro uchun qabul qilinsin.

2. Oʻzbekiston Respublikasi Prezidentining 2018-yil 26-dekabrdagi “Oʻzbekiston Respublikasining 2019-yilgi asosiy makroiqtisodiy koʻrsatkichlari prognozi va Davlat budjeti parametrlari hamda 2021-2021-yillarga budjet moʻljallari toʻgʻrisida”gi PQ-4086-sonli qaroriga muvofiq va Xalq deputatlari Sirdaryo viloyati Kengashining 2018-yil 26-dekabrdagi 158/44-44-sonli qarori ijrosini taʼminlash maqsadida 2019-yil uchun:

Quyidagilar:

Mirzaobod tuman mahalliy budjetining 2019-yilgi asosiy budjet parametrlari 1-ilovaga*;

tuman mahalliy budjetining daromadlar va xarajatlar hajmlari, respublika budjetidan hamda viloyat mahalliy budjetidan ajratiladigan maqsadli ijtimoiy transfertlar miqdorlari 2-ilovaga*;

tuman mahalliy budjetining aylanma kassa mablagʻlarining yoʻl qoʻyiladigan eng kam miqdorlari 3-ilovaga*;

tuman mahalliy budjetidan viloyat mahalliy budjetiga umumdavlat soliqlari va tushumlaridan ajratmalar meʼyori 4, 5-ilovaga*;

2019-yil uchun tuman budjetining zaxira jamgʻarmasi miqdorlari 6-ilovaga* muvofiq tasdiqlansin.

3. Tuman moliya boʻlimiga daromadlar va xarajatlar ijrosi 7-ilovaga* muvofiq kutilayotganligi inobatga olingan holda, viloyat moliya bosh boshqarmasining koʻrsatmasi asosida hamda 2018-yilgi budjet daromadlari va xarajatlari koʻrsatkichlarini ayrim manbalar va sohalari tuman kesimida aniqlashtirish topshirilsin.

4. Ijrosini taʼminlashda Prezident qarori bilan:

a) Oʻzbekiston Respublikasini rivojlantirishning 2019-yilgi asosiy makroiqtisodiy koʻrsatkichlari prognozi hamda 2020-2021-yillarga maqsadli moʻljallari;

Oʻzbekiston Respublikasining 2019-yil uchun konsolidatsiyalashgan budjeti jamlanma parametrlari hamda 2020-2021-yillarga budjet moʻljallari;

Oʻzbekiston Respublikasining 2019-yilgi Davlat budjeti asosiy parametrlari;

Oʻzbekiston Respublikasi Moliya vazirligi huzuridagi budjetdan tashqari Pensiya jamgʻarmasining, Bandlikka koʻmaklashish davlat jamgʻarmasining, Xususiylashtirilgan korxonalarga koʻmaklashish va raqobatni rivojlantirish davlat qoʻmitasi huzuridagi Xususiylashtirilgan korxonalarga koʻmaklashish jamgʻarmasining 2019-yilgi asosiy parametrlari tasdiqlanganligi;

b) 2019-yil uchun:

yagona soliq toʻlovi stavkalari; yagona ijtimoiy toʻlovi stavkalari;

yakka tartibdagi tadbirkorlar uchun qatʼiy belgilangan soliq stavkalari;

yer qaʼridan foydalanganlik uchun soliq, imzolanadigan bonus va tijoratbop topilma bonusi, ayrim turdagi mahsulotlar boʻyicha qoʻshimcha foyda soliq stavkalari;

suv resurslaridan foydalanganlik uchun soliq, jismoniy shaxslarning mol-mulkiga solinadigan soliq, yuridik va jismoniy shaxslardan olinadigan yer soligʻi stavkalari;

kelib tushayotgan mablagʻlarni Oʻzbekiston Respublikasi respublika budjetiga oʻtkazgan holda ichki ishlar organlarida roʻyxatdan oʻtkazishda avtotransport vositalarining egalari (foydalanuvchilari) tomonidan toʻlanadigan avtotransport vositalarini sotib olganlik va (yoki) Oʻzbekiston Respublikasi hududiga vaqtinchalik olib kirganlik uchun yigʻimlar hamda xorijiy davlatlar avtotransport vositalarini Oʻzbekiston Respublikasi hududiga kirishi va tranziti uchun yigʻimlar stavkalari tasdiqlanganligi;

v) 2019-yilning 1-yanvaridan boshlab:

yagona soliq toʻlovi va yagona ijtimoiy toʻlovning eng kam miqdorlari;

yuk tashish boʻyicha xizmatlar koʻrsatuvchi yuridik shaxslar uchun, soliqqa tortish tizimidan qatʼi nazar, bitta transport vositasiga hisoblaganda ular tomonidan toʻlanayotgan soliqlarning jami miqdori yakka tartibdagi tadbirkorlar ushbu faoliyat turi boʻyicha toʻlayotgan qatʼiy belgilangan soliq miqdoridan kam boʻlmasligi toʻgʻrisidagi tartib bekor qilinganligi;

g) Yuridik shaxslardan olinadigan foyda soligʻi yoki obodonlashtirish va ijtimoiy infratuzilmani rivojlantirish soligʻini toʻlashdan toʻliq ozod qilish koʻrinishidagi vaqtinchalik imtiyozlarga ega boʻlgan yuridik shaxslar yuridik shaxslardan olinadigan foyda soligʻini imtiyozlar amal qilish muddati tugagunga qadar ikki baravar pasaytirilgan stavkada toʻlash tartibi saqlab qolinganligi;

d) belgilangan stavkadan kelib chiqib hisoblangan va Davlat budjetiga toʻlanadigan jismoniy shaxslardan olinadigan daromad soligʻi summasi fuqarolarning shaxsiy jamgʻarib boriladigan pensiya hisobvaraqlariga oʻtkaziladigan har oylik majburiy badallar summasiga kamaytirilishi. Ushbu badal miqdori jismoniy shaxslardan olinadigan daromad soligʻi solinadigan daromadlaridan 0,1 foiz miqdorida hisoblab chiqarilishi belgilanganligi;

e) 2019-yil 1-yanvardan boshlab yuridik shaxslar xizmat koʻrsatuvchi banklardan ish haqi va unga tenglashtirilgan toʻlovlar uchun pul mablagʻlarini olishda (yoki plastik kartalarga oʻtkazishda) yagona ijtimoiy toʻlov hamda jismoniy shaxslardan olinadigan daromad soligʻini toʻlash boʻyicha toʻlov hujjatlarini taqdim etishi nazarda tutilganligi;

yo) ish beruvchi tashkilotlarga soliq yukining, shu jumladan yagona ijtimoiy toʻlovning kamaytirilishi natijasida boʻshaydigan mablagʻlar hisobidan xodimlar ish haqi miqdorini oshirish tavsiya etilganligi;

j) soliq toʻlovchilar 2019-yil 1-aprelga qadar xodimlar soni va (yoki) mehnatga haq toʻlash fondini ixtiyoriy ravishda hisobotlarda rasmiylashtirgan va aks ettirgan taqdirda avvalgi hisobot davrlarida xodimlar sonini yashirganlik uchun javobgarlikdan, ilgari koʻrsatilmagan xodimlar boʻyicha jismoniy shaxslardan olinadigan daromad soligʻi va yagona ijtimoiy toʻlovi summasini qoʻshimcha hisoblashdan ozod qilinganligi;

z) 2019-yil 1-yanvardan:

kalendar yilida tovarlarni (ishlarni, xizmatlarni) realizatsiya qilishdan olingan tushumi 100 million soʻmdan oshgan, biroq bir milliard soʻmdan oshmagan yakka tartibdagi tadbirkorlar yagona soliq toʻlovini 4 foiz stavkada toʻlashga oʻtkazilishi;

kalendar yilida tovarlarni (ishlarni, xizmatlarni) realizatsiya qilishdan olingan tushumi 100 million soʻmdan oshmagan yakka tartibdagi tadbirkorlar uchun qatʼiy belgilangan soliqni hisoblash va toʻlash tartibi saqlab qolinishi;

kalendar yilida tovarlarni (ishlarni, xizmatlarni) realizatsiya qilishdan olingan tushumi bir milliard soʻmdan oshgan yakka tartibdagi tadbirkorlar soliqlar va boshqa majburiy toʻlovlarni yuridik shaxslar uchun nazarda tutilgan tartibda toʻlashi belgilanganligi;

i) 2019-yil 1-yanvardan, quyidagilar:

bir vaqtning oʻzida mobil aloqa xizmatlarini koʻrsatuvchi yuridik shaxslar (uyali aloqa kompaniyalari) tomonidan abonent raqamidan foydalanganlik uchun toʻlov haqini oyiga 2000 soʻmga pasaytirish xamda mablagʻlarni 14-ilovaga muvofiq normativlarga asosan taqsimlagan holda koʻrsatilgan xizmatlarning umumiy qiymatidan 15 foiz stavkada mobil aloqa xizmati uchun aksiz soligʻi;

bir vaqtning oʻzida polietilen granula boʻyicha qoʻshimcha foyda soligʻini bekor qilgan holda 25 foiz miqdoridagi polietilen granulalarga aksiz soligʻi;

2019-yil 1-martdan qatʼiy belgilangan soliq bilan bir qatorda advalor stavkaning kiritilishini nazarda tutuvchi Oʻzbekiston Respublikasida ishlab chiqarilgan sigaretalarga aksiz soligʻining aralash stavkasi kiritilganligi;

y) 2019-yil 1-iyuldan alkogol va tamaki mahsulotlariga belgilangan stavkalarni qoʻshimcha ravishda 20 foizgacha oshirgan holda 2019-yil uchun aksiz soligʻiga tortiladigan, Oʻzbekiston Respublikasida ishlab chiqariladigan (koʻrsatiladigan) tovarlarga (xizmatlarga) aksiz soligʻi stavkalari tasdiqlanganligi;

k) 2019-yil 1-iyuldan tovarlar (ishlar, xizmatlar)ni sotib oluvchilar qoʻshilgan qiymat soligʻi toʻlovchilari hisoblanmaydigan yetkazib beruvchilardan olingan hisob-fakturalar boʻyicha qoʻshilgan qiymat soligʻini hisobga olish huquqiga ega emasligi. Bunda, soliq toʻlovchilarning davlat soliq xizmati organlarida qoʻshilgan qiymat soligʻi toʻlovchisi sifatida hisobga olinganligi toʻgʻrisidagi maʼlumotlar Oʻzbekiston Respublikasi Davlat soliq qoʻmitasi rasmiy sayti orqali real vaqt rejimida aniqlanishi belgilanganligi;

l) 2019-yil 1-yanvardan:

sement va klinker uchun qoʻshimcha foyda soligʻi;

foydali xizmat muddati tugagan, toʻliq eskirgan uskunalardan foydalanish uchun toʻlov bekor qilinganligi;

m) 2019-yilda yagona yer soligʻi toʻlovchilar uchun soliqqa tortishning amaldagi tartibi saqlab qolinganligi;

n) 2019-yil 1-yanvardan, tajriba tariqasida meva-sabzavotchilik mahsulotlari (sabzavotlar, poliz ekinlari, mevalar, tokzorlar) bilan band qilingan sugʻoriladigan va sugʻorilmaydigan yerlar uchun meva-sabzavotchilik qishloq xoʻjaligi tovar ishlab chiqaruvchilaridan undiriladigan yagona yer soligʻining bazaviy stavkalari:

2019-yil uchun mahalliy yigʻimlarning chegaralangan stavkalari tasdiqlanganligi.

o) Qarzni undirishni soliq toʻlovchilarning mol-mulkiga qaratish uchun soliq boʻyicha qarzlarning eng kam miqdorlarida;

mol-mulkni ijaraga berishdan olinadigan daromadlarni soliqqa tortish shartnomada belgilangan ijara toʻlovi summasidan kelib chiqqan holda:

yuridik shaxslar uchun — davlat koʻchmas mulkidan foydalanganlik uchun ijara toʻlovining eng kam stavkalarida;

mol-mulkini ijaraga beruvchi jismoniy shaxslar uchun belgilangan ijara toʻlovining eng kam stavkalaridan kelib chiqqan holda hisoblangan summadan kam boʻlmagan miqdorda belgilanganligi.

p) Davlat budjeti mablagʻlaridan foydalanish samaradorligini oshirish va birinchi navbatdagi toʻlovlarni oʻz vaqtida moliyalashtirishni taʼminlash maqsadida budjet mablagʻlari oluvchilarga budjet mablagʻlari ajratishni avval ajratilgan mablagʻlarning amalda oʻzlashtirilishiga qarab amalga oshirilishi belgilanganligi;

r) Mahalliy davlat hokimiyati organlarining masʼuliyati va manfaatdorligini kuchaytirish, ularning daromadlar boʻyicha vakolatlari va xarajatlar boʻyicha majburiyatlarini oshirish maqsadida 2019-yil 1-yanvardan boshlab quyidagi daromadlar:

jismoniy shaxslarning mol-mulkiga solinadigan soliq, jismoniy shaxslardan olinadigan yer soligʻi, jismoniy shaxslarning mol-mulkni ijaraga berishdan olgan daromadlaridan olinadigan soliq, yakka tartibdagi tadbirkorlar uchun qatʼiy belgilangan soliq, suv resurslaridan foydalanganlik uchun soliq (elektr stansiyalaridan tashqari), yagona yer soligʻi, ayrim turdagi xizmatlarni koʻrsatish uchun yigʻimlar, bozorlardan tushadigan daromadlar, shuningdek, ayrim noruda qurilishi materiallari boʻyicha yer qaʼridan foydalanganlik uchun soliq tushumlari, qonunbuzarliklarning ayrim turlari uchun jarimalar tumanlar va shaharlar budjetlari yoʻnaltirilishi;

viloyat budjeti bilan tuman va shaharlar budjetlari oʻrtasida taqsimlagan holda yuridik shaxslardan olinadigan yer soligʻi, yuridik shaxslarning mol-mulkiga solinadigan soliq, yagona soliq toʻlovidan ajratmalar, alkogol mahsulotlari, pivo, benzin, dizel yoqilgʻisi va gazning chakana realizatsiyasiga aksiz soligʻi viloyat mahalliy budjetiga oʻtkazilishi;

qoʻshilgan qiymat soligʻi tushumlarining bir qismi (tovarlarni import qilishda olinadigan bunda mustasno), jismoniy shaxslardan olinadigan daromad soligʻi (mol-mulkni ijaraga berishdan olingan daromadlar bundan mustasno), yuridik shaxslardan olinadigan foyda soligʻi (Oʻzbekiston Respublikasida doimiy muassasa orqali faoliyat yuritayotgan Oʻzbekiston Respublikasi norezidenti tomonidan toʻlanadigani, shuningdek, norezidentning daromadlaridan toʻlov manbaida ushlab qolinadigani bundan mustasno) Oʻzbekiston Respublikasi Respublika budjeti bilan viloyat budjeti oʻrtasida taqsimlanishi;

budjet tashkilotlarini moliyalashtirishni Oʻzbekiston Respublikasi Respublika budjetidan viloyat, tuman va shaharlar mahalliy budjetlariga oʻtkazilishi;

Oʻzbekiston Respublikasi Respublika budjeti bilan viloyat budjeti oʻrtasida taqsimlanadigan soliqlardan (yer qaʼridan foydalanganlik uchun soliq va tamaki mahsulotlari uchun aksiz soligʻi bundan mustasno) mahalliy budjetlarga ajratmalar 50 foizdan kam boʻlgan taqdirda, ushbu soliqlar boʻyicha daromadlarning prognozdan oshirib bajarilishidan hosil boʻlgan mablagʻlarning 50 foizi mahalliy budjetlarga qaytarilishi;

tuman mahalliy budjetining daromadlari va xarajatlari hajmlarini tasdiqlash boʻyicha qaror qabul qilishda xalq deputatlari mirzaobod tuman Kengashiga yuklatilishi;

xarajatlarning yetishmayotgan summasini alohida tumanlar va shaharlar budjetlarini rejalashtirishda shakllanadigan ortiqcha daromadlarni viloyat budjeti bilan tumanlar va shaharlar budjetlari oʻrtasida qayta taqsimlash hisobidan qoplanishi;

qoʻshilgan qiymat soligʻi (import qilinadigan tovarlarga qoʻshilgan qiymat soligʻi bundan mustasno), jismoniy shaxslardan olinadigan daromad soligʻi (mol-mulkni ijaraga berishdan olgan daromadlaridan olinadigan soliq bundan mustasno), yuridik shaxslardan olinadigan foyda soligʻi (Oʻzbekiston Respublikasida doimiy muassasa orqali faoliyat yuritayotgan Oʻzbekiston Respublikasi norezidenti tomonidan toʻlanadigani, shuningdek, norezidentning daromadlaridan toʻlov manbaida ushlab qolinadigani bundan mustasno)ning bir qismini tegishli hududlarda qolayotgan daromadlar doirasida yoʻnaltirilishi;

daromadlar prognozining oshirib bajarilgan mablagʻlardan bir qismini hududlarni ijtimoiy-iqtisodiy rivojlantirish dasturlarini amalga oshirish uchun tegishli tumanlar va shaharlar budjetlariga oʻtkazish boʻyicha vakolatlar berilishi nazarda tutilganligi;

s) suv taʼminoti tashkilotlari tomonidan jalb qilingan xalqaro moliyaviy institutlar va xorijiy hukumat moliya tashkilotlari qarzlari va kreditlarining qaytarilishi yetishmagan qismida Oʻzbekiston Respublikasi Davlat budjeti mablagʻlari hisobidan amalga oshirilishi belgilanganligi;

t) tuman hokimlikligi suv taʼminoti tashkilotlarining moliyaviy holatini qatʼiy nazorat qilish, ularning moliyaviy oqimlari ustidan monitoring olib borishni taʼminlash, kreditlarga xizmat koʻrsatish boʻyicha qoʻshimcha mablagʻlarni undirish choralarini koʻrish va mablagʻlar yetmagan hollarda, asosiy qarz va foiz toʻlovlarining qoplanmagan qismini viloyat mahalliy budjetlarining qoʻshimcha daromadlari hisobidan moliyalashtirilishi;

u) 2019-yil uchun quyidagilar:

Tuman mahalliy budjetining daromadlar va xarajatlar hajmlari, respublika budjetidan maqsadli ijtimoiy transfertlar miqdorlari;

tuman mahalliy budjetlariga umumdavlat soliqlari tushumlaridan ajratmalar normativlari;

tuman mahalliy budjetlarining aylanma kassa mablagʻlarining yoʻl qoʻyiladigan eng kam miqdorlari;

tuman mahalliy budjetining zaxira jamgʻarmasi miqdori tasdiqlanganligi;

f) 2019-yil 1-mayga qadar Oʻzbekiston Respublikasi Davlat budjeti mablagʻlari hisobidan moliyalashtiriladigan maktabgacha taʼlim muassasalarida bolalar taʼminoti uchun ota-onalar toʻlovini 2018-yil uchun belgilangan miqdorlarda saqlab qolgan holda 2019-yil 1-maydan boshlab ularning miqdori belgilanganligi;

x) Oʻzbekiston Respublikasi Prezidentining “Oʻzbekiston Respublikasining 2010-yilgi asosiy makroiqtisodiy koʻrsatkichlari va Davlat budjeti parametrlari toʻgʻrisida”gi 2009-yil 22-dekabrdagi PQ-1245-sonli qarori 24-bandining amal qilishi 2020-yilning 1-yanvariga qadar uzaytirilganligi;

ts) Prezident qarorining ilovasidagi Oʻzbekiston Respublikasi Prezidentining ayrim qarorlariga oʻzgartirish va qoʻshimchalar kiritilganligi hamda 2019-yil 1-yanvardan oʻz kuchini yoʻqotganligi eʼtiborga olinsin.

5. Tuman hokimining birinchi oʻrinbosari B. Asomov budjetga oid vakolatlariga kiruvchi daromadlarning toʻliqligini va xarajatlar oʻz vaqtida moliyalashtirilishini taʼminlasin.

6. Mirzaobod tuman Davlat xizmatlari markazi (R. Normatov) 2019-yil oxiriga qadar pensiyalar tayinlanganligi holati va ularning toʻlovi miqdorlari toʻgʻrisidagi maʼlumotnomalarni berish, shuningdek, Pensiya jamgʻarmasi maʼlumotlar bazasi bilan integratsiyalashuvini amalga oshirgan holda bola tugʻilganda beriladigan nafaqa va dafn marosimi uchun nafaqalar tayinlash yuzasidan murojaatlar boʻyicha davlat xizmatlari koʻrsatish jarayoni toʻliq avtomatlashtirilishini taʼminlasin.

7. Tuman hokimining birinchi oʻrinbosari B. Asomovga xalq deputatlari Mirzaobod tuman Kengashlari tegishli Kengashlar bilan kelishilgan holda:

xarajatlarning yetishmayotgan summasini tumanlar va shaharlar budjetlarida shakllanadigan ortiqcha daromadlarni viloyat budjeti bilan tumanlar va shaharlar budjetlari oʻrtasida qayta taqsimlash hisobidan qoplanishi;

qoʻshilgan qiymat soligʻi (import qilinadigan tovarlarga qoʻshilgan qiymat soligʻi bundan mustasno), jismoniy shaxslardan olinadigan daromad soligʻi (mol-mulkni ijaraga berishdan olgan daromadlaridan olinadigan soliq bundan mustasno), yuridik shaxslardan olinadigan foyda soligʻi (Oʻzbekiston Respublikasida doimiy muassasa orqali faoliyat yuritayotgan Oʻzbekiston Respublikasi norezidenti tomonidan toʻlanadigani, shuningdek, norezidentning daromadlaridan toʻlov manbaida ushlab qolinadigani bundan mustasno)ning bir qismini tegishli hududlarda qolayotgan daromadlar doirasida yoʻnaltirilishi;

daromadlar prognozining oshirib bajarilgan mablagʻlardan bir qismini hududlarni ijtimoiy-iqtisodiy rivojlantirish dasturlarini amalga oshirish uchun tegishli tumanlar va shaharlar budjetlariga oʻtkazish boʻyicha oʻrnatilgan tartibda foydalanilishini taʼminlasin.

8. Tuman Bandlikka koʻmaklashish (S. Safarov) tuman soliq inspeksiyasi (I. Xolqoʻziyev) bilan birgalikda mehnatga haq toʻlash fondini asossiz pasaytirish holatlarini aniqlash maqsadida xoʻjalik yurituvchi subyektlar faoliyati monitoringini amalga oshirsin.

9. Mazkur qarorning bajarilishini nazorat qilish tuman hokimining birinchi oʻrinbosari B. Asomov zimmasiga yuklatilsin.