“Umumiy harbiy majburiyat va harbiy xizmat to‘g‘risida”gi O‘zbekiston Respublikasi Qonuni, O‘zbekiston Respublikasi Prezidentining “O‘zbekiston Respublikasi fuqarolarining xorijga chiqish tartibini takomillashtirishga doir muhim chora-tadbirlar to‘g‘risida” 2017-yil 16-avgustdagi PF-5156-son Farmoni, “Yoshlarni vatanparvarlik ruhida va jismoniy tarbiyalash hamda chaqiriluvchilarni harbiy-texnik mutaxassisliklar bo‘yicha tayyorlash tartibini takomillashtirish bo‘yicha qo‘shimcha chora-tadbirlar to‘g‘risida” 2018-yil 12-dekabrdagi PQ-4061-son qarori va “Axborot-kommunikatsiya texnologiyalari va aloqa sohasida ofitser kadrlar tayyorlash tizimini yanada takomillashtirish chora-tadbirlari to‘g‘risida” 2019-yil 17-yanvardagi PQ-4122-son qaroriga muvofiq, shuningdek, harbiy hujjatlarni rasmiylashtirish va berish, O‘zbekiston Respublikasi oliy harbiy ta’lim muassasalariga tanlash tartibi va qabul qilish qoidalarini yanada takomillashtirish maqsadida Vazirlar Mahkamasi qaror qiladi:

1. O‘zbekiston Respublikasi Hukumatining ilovaga muvofiq ayrim qarorlariga o‘zgartirish va qo‘shimchalar kiritilsin.

2. O‘zbekiston Respublikasi Mudofaa vazirligi manfaatdor vazirlik va idoralar bilan birgalikda o‘zlari qabul qilgan normativ-huquqiy hujjatlarni ikki oy muddatda ushbu qarorga muvofiqlashtirsin.

3. Mazkur qarorning bajarilishini nazorat qilish O‘zbekiston Respublikasi Bosh vazirining ijtimoiy rivojlantirish masalalari bo‘yicha o‘rinbosari A.A. Abduxakimov hamda O‘zbekiston Respublikasi mudofaa vaziri B.N. Kurbanov zimmasiga yuklansin.

1. Vazirlar Mahkamasining “O‘zbekiston Respublikasi Qurolli Kuchlari harbiy xizmatchilarining shaxsiy guvohnomasini va harbiy xizmatga majburlarning guvohnomasini amalga kiritish to‘g‘risida” 2002-yil 15-fevraldagi 55-son qarorida (O‘zbekiston Respublikasi QT, 2002-y., 2-son, 9-modda):

a) 4-bandga “boshqarmalarida” so‘zidan keyin “yoki tuman (shahar) mudofaa ishlari bo‘linmalarida” so‘zlari qo‘shilsin;

b) O‘zbekiston Respublikasi Qurolli Kuchlari ofitserining, bitimga binoan harbiy xizmatchining shaxsiy guvohnomalari va zaxiradagi ofitserning guvohnomasi to‘g‘risidagi nizomda:

5-banddagi “O‘zbekiston Respublikasi fuqarosining pasporti beriladi” so‘zlari “O‘zbekiston Respublikasi fuqarosining xorijga chiqish uchun biometrik pasporti beriladi” so‘zlari bilan almashtirilsin;

6-bandning ikkinchi xatboshiga “boshqarmalari” so‘zidan keyin “yoki tuman (shahar) mudofaa ishlari bo‘limlari” so‘zlari qo‘shilsin;

13-banddagi “serjantlar tayyorlash maktabiga” so‘zlari “kichik mutaxassislar tayyorlash markaziga” so‘zlari bilan almashtirilsin;

22-bandga “boshqarmalari” so‘zidan keyin “yoki tuman (shahar) mudofaa ishlari bo‘limlari” so‘zlari qo‘shilsin;

26-bandga “boshqarmalariga” so‘zidan keyin “, ular orqali esa tuman (shahar) mudofaa ishlari bo‘limlariga” so‘zlari qo‘shilsin;

27-bandning birinchi xatboshiga “boshqarmalarida” so‘zidan keyin “va tuman (shahar) mudofaa ishlari bo‘limlarida” so‘zlari qo‘shilsin;

31-bandga “boshqarmalarida” so‘zidan keyin “va tuman (shahar) mudofaa ishlari bo‘limlarida” so‘zlari qo‘shilsin;

34-bandning birinchi xatboshiga “boshqarmalarida” so‘zidan keyin “va tuman (shahar) mudofaa ishlari bo‘limlarida” so‘zlari qo‘shilsin;

v) Harbiy guvohnoma to‘g‘risidagi nizomda:

2-banddagi “harbiy o‘quv yurti” so‘zlari “harbiy ta’lim muassasasi” so‘zlari bilan almashtirilsin;

3-banddagi “harbiy o‘quv yurtiga” so‘zlari “harbiy ta’lim muassasasiga” so‘zlari bilan almashtirilsin;

4-banddagi “zaxirada” so‘zi “rezervida va zaxirasida” so‘zlari bilan almashtirilsin;

8-bandda:

“b” kichik bandidagi “zaxiraga” so‘zi “rezerviga, zaxiraga” so‘zlari bilan almashtirilsin;

“g” kichik bandidagi “harbiy o‘quv yurti” so‘zlari “harbiy ta’lim muassasasi” so‘zlari bilan almashtirilsin;

“e” kichik bandidagi “o‘quv yurtlarida, Mudofaaga ko‘maklashuvchi “Vatanparvar” tashkilotining o‘quv tashkilotlarida” so‘zlari “ta’lim muassasasida, mudofaa ishlari boshqarmalari huzuridagi chaqiriluvchilarni harbiy-texnika mutaxassisliklari bo‘yicha tayyorlash markazlarida” so‘zlari bilan almashtirilsin;

10-bandda:

birinchi va ikkinchi xatboshilar quyidagi tahrirda bayon qilinsin:

“Harbiy guvohnoma mudofaa ishlari boshqarmasida yoki tuman (shahar) mudofaa ishlari bo‘limlarida taqdim etilgan hujjatlar asosida rasmiylashtiriladi. Harbiy guvohnomaning birinchi sahifasi o‘zi yelimlanadigan shaffof plastik plyonka bilan muhofazalanadi.

Harbiy guvohnomani harbiy xizmatga majburga topshirish va uni harbiy hisobga olish qoidalari bilan tanishtirish tuman (shahar) mudofaa ishlari bo‘limlari tomonidan amalga oshiriladi.”;

quyidagi mazmundagi xatboshi qo‘shilsin:

“Alohida hollarda, mudofaa vazirining qaroriga asosan harbiy guvohnomaning birinchi va ikkinchi sahifalarini qora rangli tushda qo‘lda yozish yo‘li bilan rasmiylashtirishga ruxsat beriladi.”;

12-bandga “boshqarmalari” so‘zidan keyin “, ular orqali esa tuman (shahar) mudofaa ishlari bo‘limlari” so‘zlari qo‘shilsin;

13-bandning birinchi xatboshidagi “boshqarmalarida” so‘zidan keyin “va tuman (shahar) mudofaa ishlari bo‘limlarida” so‘zlari qo‘shilsin;

16-bandga “boshqarmalarida” so‘zidan keyin “va tuman (shahar) mudofaa ishlari bo‘limlarida” so‘zlari qo‘shilsin;

18-bandga “boshqarmalari” so‘zidan keyin “va tuman (shahar) mudofaa ishlari bo‘limlari” so‘zlari qo‘shilsin.

3. Vazirlar Mahkamasining “Muhammad al-Xorazmiy nomidagi Toshkent axborot texnologiyalari universitetida kadrlar tayyorlash tizimini tubdan takomillashtirish va samaradorligini oshirish chora-tadbirlari to‘g‘risida” 2018-yil 24-iyuldagi 569-son qaroriga (O‘zbekiston Respublikasi QHMB, 2018-yil 24-iyul) 1-ilovadagi “Maxsus fakultet” bloki chiqarib tashlansin.