O‘zbekiston Respublikasi Prezidentining 2018-yil 24-dekabrdagi “Jamoat xavfsizligini ta’minlash samaradorligini oshirish bo‘yicha qo‘shimcha chora-tadbirlar to‘g‘risida”gi PQ-4075-son qaroriga muvofiq:
1. O‘zbekiston Respublikasi Prezidentining ayrim hujjatlariga ilovaga muvofiq o‘zgartirishlar va qo‘shimcha kiritilsin.
2. O‘zbekiston Respublikasi Ichki ishlar vazirligi manfaatdor vazirlik va idoralar bilan birgalikda bir oy muddatda o‘zlari qabul qilgan normativ-huquqiy hujjatlarni ushbu Farmonga muvofiqlashtirsin.
3. Mazkur Farmonning ijrosini nazorat qilish O‘zbekiston Respublikasining Bosh vaziri A.N. Aripov va O‘zbekiston Respublikasi Prezidenti maslahatchisining birinchi o‘rinbosari B.M. Mavlonov zimmasiga yuklansin.
1. O‘zbekiston Respublikasi Prezidentining 2012-yil 9-iyuldagi “Fuqarolarning o‘zini o‘zi boshqarish organlari xodimlari mehnatini rag‘batlantirishga oid qo‘shimcha chora-tadbirlar to‘g‘risida”gi PF-4451-son Farmonining 1-bandidagi “Mahalla posboni” rahbarlariga” so‘zlari “profilaktika (katta) inspektorlarining jamoat tartibini saqlash bo‘yicha yordamchilariga” so‘zlari bilan almashtirilsin.
2. O‘zbekiston Respublikasi Prezidentining 2013-yil 10-oktabrdagi “Fuqarolarning o‘zini o‘zi boshqarish organlari xodimlarining malakasini oshirish bo‘yicha o‘quv kurslarini tashkil etish to‘g‘risida”gi PQ-2050-son qarori 4-bandining beshinchi xatboshidagi “Mahalla posboni” jamoatchilik tuzilmalarining rahbarlari” so‘zlari “profilaktika (katta) inspektorlarining jamoat tartibini saqlash bo‘yicha yordamchilari” so‘zlari bilan almashtirilsin.
3. O‘zbekiston Respublikasi Prezidentining 2017-yil 18-apreldagi PQ-2896-son qarori bilan tasdiqlangan Ichki ishlar organlari tayanch punkti to‘g‘risidagi nizomda:
“Tayanch punktlari o‘z faoliyatini profilaktika katta inspektorlari va profilaktika inspektorlari (keyingi o‘rinlarda — profilaktika inspektorlari) hamda profilaktika (katta) inspektorlarining jamoat tartibini saqlash bo‘yicha yordamchilari tarkibida amalga oshiradi.”;
yigirma to‘qqizinchi xatboshidan “Mahalla posboni” jamoatchilik tuzilmalari” so‘zlari chiqarib tashlansin;
“profilaktika (katta) inspektorlarining yordamchilarini lavozimga tayinlash va lavozimidan ozod etish haqida tuman (shahar) ichki ishlar organlarining boshliqlariga tavsiyalar beradi”;
o‘ttizinchi — o‘ttiz to‘rtinchi xatboshilar tegishlicha o‘ttiz birinchi — o‘ttiz beshinchi xatboshilar deb hisoblansin;
4. O‘zbekiston Respublikasi Prezidentining 2017-yil 16-avgustdagi “Ichki ishlar organlari xodimlarini tayyorlash, qayta tayyorlash va malakasini oshirish tizimini tubdan takomillashtirish chora-tadbirlari to‘g‘risida”gi PQ-3216-son qarori 6-bandining o‘ninchi xatboshi quyidagi tahrirda bayon etilsin:
“2020/2021 o‘quv yilidan boshlab Akademiya kunduzgi ta’lim shakliga qabul faqat idoraviy akademik litseylar, harbiy akademik litseylar bitiruvchilari, ichki ishlar organlari xodimlari, shuningdek profilaktika (katta) inspektorlarining jamoat tartibini saqlash bo‘yicha yordamchilari tarkibidan amalga oshiriladi”.
5. O‘zbekiston Respublikasi Prezidentining 2018-yil 14-fevraldagi “Toshkent shahrida jamoat tartibini saqlash, huquqbuzarliklar profilaktikasi va jinoyatchilikka qarshi kurashishning sifat jihatidan yangi tizimini joriy etish to‘g‘risida”gi PQ-3528-son qarori 8-bandining to‘rtinchi xatboshidagi “Mahalla posboni” jamoatchilik tuzilmasi rahbarining” so‘zlari “profilaktika (katta) inspektorlarining jamoat tartibini saqlash bo‘yicha yordamchilarining” so‘zlari bilan almashtirilsin.