T/r

Tadbir nomi

Amalga oshirish shakli

Amalga oshirish muddati

Masʼul ijrochilar

I. Jamoat tartibini saqlash tizimini takomillashtirish

1.

Quyidagilarni nazarda tutuvchi jamoat xavfsizligini taʼminlash sohasida davlat organlari, tashkilotlar va jamoat tuzilmalari faoliyatini tashkil etish va muvofiqlashtirish tartibini belgilash:

jamoat xavfsizligini taʼminlashni muvofiqlashtirish uchun respublika hududlariga biriktirilgan rahbarlarning faoliyati natijalarini tizimli monitoring qilish va baholash mexanizmi;

har oy xalq deputatlari tuman (shahar) Kengashlarining majlislarida tegishli hududda sodir etilgan ogʻir va oʻta ogʻir jinoiy holatlarni tanqidiy muhokama qilish boʻyicha choralar koʻrish.

Respublika komissiyasi qarori

2019-yil

yanvar

Respublika komissiyasi (Yoʻldoshev),

Bosh prokuratura (Murodov),

Milliy gvardiya (Tashmatov),

IIV

(Bobojonov)

2.

Respublikaning har bir mahallasida “Fidokor yoshlar” jamoatchilik patrul guruhlarini tashkil etish choralarini koʻrish va unda quyidagi tartibni belgilash:

harbiy xizmatga chaqiriluvchilar, oliy harbiy bilim yurtlari va ichki ishlar organlariga nomzodlar orasidan shakllantirish;

guruhlarga tuman mudofaa ishlari boʻyicha boʻlimlari yoki ichki ishlar organlari tomonidan beriladigan yoʻllanmalar asosida qabul qilish;

guruhlar faoliyatini samarali tashkil etishni tuman ichki ishlar organlari boshliqlarining yoshlar masalalari boʻyicha oʻrinbosarlari va profilaktika inspektorlari zimmasiga yuklash;

guruh aʼzolarini kechki va tungi vaqtlarda belgilangan patrullik yoʻnalishlariga umumiy hisobda 100 soatdan kam boʻlmagan muddatga jalb qilib, buni xizmatga (oʻqishga) hujjatlarni yakuniy qabul qilishning asosi sifatida belgilash.

qoʻshma qaror

2019-yil

yanvar

IIV

(Xatamov),

Mudofaa vazirligi

(Ikramov),

Yoshlar ittifoqi (Kuranbayev),

“Mahalla” jamgʻarmasi (Javlonov)

3.

Quyidagilarni inobatga olgan holda Oʻzbekiston Respublikasida qoʻriqlash faoliyati bilan shugʻullanishni yanada takomillashtirish boʻyicha choralarni koʻrish:

nodavlat tashkilotlarga jismoniy va yuridik shaxslarga tegishli obyektlarda xavfsizlikni taʼminlash boʻyicha qoʻriqlash faoliyatiga va xizmatlar koʻrsatishga ruxsat berish;

qoʻriqlanadigan obyektlarda jamoat tartibini taʼminlashda huquqni muhofaza qiluvchi organlar bilan yaqindan hamkorlik qilish zaruratini inobatga olgan holda, nodavlat tashkilotlarning qoʻriqlash faoliyati bilan shugʻullanishini litsenziyalash shartlari va talablarini oʻrnatish;

nodavlat tashkilotlarning qoʻriqlash faoliyati bilan shugʻullanish tartibini belgilash;

nodavlat qoʻriqlash tashkilotlarini xodimlar bilan toʻldirish, ularning kasbiy tayyorgarligi va malakasini oshirish mexanizmlarini ishlab chiqish.

Oʻzbekiston Respublikasi Prezidenti Farmoni loyihasi

2019-yil

yanvar

IIV (Nazarmuxamedov),

Bosh prokuratura

(Tadjiyev),

DXX,

Moliya vazirligi

(Kuchkarov)

4.

Oʻzbekiston Respublikasi Ichki ishlar vazirligining buyurtma va talablari asosida ichki ishlar organlarining yoʻl-patrul boʻlinmalari xodimlari uchun mobil videokameralar hamda maʼmuriy huquqbuzarliklarga oid ishlarni rasmiylashtirish va koʻrib chiqishning elektron tizimi planshetlarini xarid qilish choralarini koʻrish.

tashkiliy tadbirlar

2019-yil

yanvar — mart

Mudofaa sanoati davlat qoʻmitasi

(Ibadullayev),

IIV

(Ergashev)

5.

Jamoatchilik faolligini oshirish, fuqarolarni jinoyatlarni fosh etishda hamda uni sodir etgan shaxslarning qidiruvida ichki ishlar organlariga koʻmaklashishga jalb qilish va bunda faol ishtirok etgan fuqarolarni ragʻbatlantirish tartibi va mexanizmlarini tanqidiy jihatdan qayta koʻrib chiqish, shuningdek, takomillashtirish boʻyicha asoslantirilgan takliflarni tayyorlash.

normativ-huquqiy hujjat loyihasi

2019-yil

fevral

IIV (Nazarmuxamedov),

Bosh prokuratura

(Tadjiyev),

DXX,

DBQ (Aripov),

Moliya vazirligi

(Kuchkarov)

6.

Alkogoldan oʻtkir mastlik holatida boʻlib, oʻzining harakatlari bilan huquq-tartibotga xavf tugʻdiruvchi shaxslarni vaqtincha izolyatsiyalash va reabilitatsiya qilish uchun qoʻshimcha sharoitlar yaratib, har bir tuman (shahar) sogʻliqni saqlash muassasalarida alohida xonalar ajratish, ularni zarur anjomlar bilan jihozlash va dori vositalari bilan taʼminlash.

normativ-huquqiy hujjat loyihasi

2019-yil

may

SSV

(Shadmanov),

Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari

II. Huquqbuzarliklarning barvaqt profilaktikasi samaradorligini oshirish

7.

Fuqarolar yigʻinlarining raislari va faollarini, profilaktika (katta) inspektorlari va ularning yordamchilarini, shuningdek, “Mahalla posboni” jamoatchilik tuzilmalarining alohida oʻrnak koʻrsatgan aʼzolarini moddiy ragʻbatlantirish tartibini quyidagilarni nazarda tutgan holda:

biriktirilgan hududda jinoyatlar darajasining pasayishi, ularning oʻz vaqtida oldini olish va chek qoʻyishda ijobiy natijalarga erishganligi uchun har oylik ustama haqi toʻlash mezonlarini;

Qoraqalpogʻiston Respublikasi IIV, Toshkent shahar IIBB va viloyatlar IIBlarining jamoat xavfsizligini taʼminlashni ragʻbatlantirish fondlari mablagʻlarini shakllantirish va maqsadli foydalanish mexanizmlarini belgilash;

biriktirilgan hududda jamoat xavfsizligini taʼminlashda yuqori natijalarga erishgan fuqarolar yigʻinlari faoliyatini muntazam yoritib borish.

qoʻshma qaror

2019-yil

yanvar

IIV

(Ergashev, Ismailov),

Bosh prokuratura

(Tadjiyev),
Moliya vazirligi

(Xaydarov),

“Mahalla”

jamgʻarmasi

(Javlonov)

8.

Tuman (shahar) hokimlariga quyidagi vakolatlarni berish boʻyicha choralar koʻrish:

jamoat joylari va ommaviy tadbirlarda jamoat xavfsizligini taʼminlash, shuningdek, qishloq xoʻjaligi ishlarini amalga oshirish davrida ichki ishlar organlari xodimlarini jalb qilish boʻyicha mahalliy budjet hisobidan shartnomalar tuzish;

yirik bozorlar, savdo majmualari va boshqa shu kabi obyektlarning huquqbuzarliklar profilaktikasi va jamoat tartibini saqlash sohasida ichki ishlar organlarining xizmatlaridan shartnoma asosida foydalanish boʻyicha faoliyatini nazorat qilish va tartibga solish.

Vazirlar Mahkamasi qarori loyihasi

2019-yil

yanvar

IIV

(Bobojonov),

Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari

9.

“Mahalla posboni” jamoatchilik tuzilmalarini profilaktika inspektorlariga koʻmaklashuvchi professional faoliyat sifatida shakllantirish maqsadida:

“Mahalla posboni” jamoatchilik tuzilmasi rahbari lavozimini tugatish hisobiga joriy etiladigan profilaktika inspektorlarining jamoat tartibini saqlash boʻyicha yordamchilari faoliyatini tashkil etish;

profilaktika inspektorlarining jamoat tartibini saqlash boʻyicha yordamchilari mehnatiga haq toʻlash mexanizmi hamda ularning vazifa va vakolatlarini belgilash;

profilaktika inspektorlarining jamoat tartibini saqlash boʻyicha yordamchilarini tayinlash va ichki ishlar organlari xizmatiga hamda oliy oʻquv yurtlariga oʻqishga qabul qilishda belgilanadigan imtiyozlarning mezonlarini tanqidiy jihatdan qayta koʻrib chiqish va belgilash.

Vazirlar Mahkamasi qarori loyihasi

2019-yil

fevral

IIV (Xatamov, Ismailov),

“Mahalla” jamgʻarmasi

(Javlonov), Boshprokuratura

(Tadjiyev)

10.

Tegishli hududda jinoyatchilikni oʻrganish, uning sabab va sharoitlarini aniqlash hamda ahvolining oʻzgarishini kriminologik prognozlash mexanizmlarini quyidagilarni nazarda tutgan holda takomillashtirish:

prokuratura organlarining ichki ishlar organlari bilan hamkorlikda tuman (shahar)larning mahallalar kesimida jinoyatchilik holati aks ettirilgan elektron geoinformatsion xaritalarini bosqichma-bosqich tuzish va tizimli ravishda yuritish;

har bir davlat organi va tashkiloti tomonidan faoliyatining oʻziga xos jihatlaridan kelib chiqqan holda, xavflarni hamda jinoyatlarni sodir etish sabab va sharoitlarini aniqlash va ularning oldini olish boʻyicha oʻz strategiyasini (komplayens-kontrol) ishlab chiqish.

qoʻshma qaror

2019-yil

fevral

Bosh prokuratura

(Tadjiyev, Kolenko),

IIV (Nazarmuxamedov, Norgitov)

11.

Oʻzbekiston Respublikasi Ichki ishlar vazirligi Akademiyasi Ilmiy-amaliy tadqiqotlar markazining ish natijalarini tanqidiy jihatdan oʻrganish asosida, hududiy ichki ishlar organlarining huquqbuzarliklar profilaktikasi va jinoyatchilikka qarshi kurashish boʻyicha faoliyatini tashkil etishda Markazning uslubiy rolini inobatga olgan holda:

respublikadagi har bir tuman (shahar)ning kriminologik prognozini tuzish maqsadida markaz mutaxassislarining joylarga chiqish amaliyotini;

Oʻzbekiston Respublikasi Bosh prokuraturasi Akademiyasi hamda Jinoyatlarning sodir etilish sabablarini tizimli tahlil qilish va oʻrganish markazi oʻrtasida hamkorlik mexanizmini oshirish.

2019-yil uchun hamkorlikdagi chora-tadbirlar rejasi

2019-yil

yanvar

IIV

(Matlyubov),

Bosh prokuratura (Kolenko)

12.

Respublikaning barcha oʻquv muassasalarida tushuntirish-profilaktik tadbirlarni oʻtkazish bilan bir qatorda, voyaga yetmaganlar tomonidan jinoyat sodir etishning oqibatlari aks ettirilgan qisqa metrajli hujjatli filmlar va roliklar (shu jumladan tarbiya koloniyalarida olingan lavhalar) tayyorlash hamda namoyish etish.

2019-yil uchun hamkorlikdagi chora-tadbirlar rejasi

2019-yil

yanvar

IIV

(Adilov, Ismailov),

Milliy gvardiya (Shakirov),

XTV (Shermatov),

OTV (Majidov),
“Mahalla”

jamgʻarmasi (Javlonov)

13.

Ijtimoiy-maishiy tusdagi jinoyatlar sodir etilishining sabab va sharoitlarini batafsil oʻrganish boʻyicha hamkorlikdagi manzilli choralarni koʻrib:

aholi barcha qatlamlarining ijtimoiy-maishiy muammolarini barvaqt aniqlash va hal etishni inobatga olgan holda ularning oldini olish boʻyicha asoslantirilgan takliflar va uslubiy tavsiyalarni;

shaxslar, birinchi navbatda voyaga yetmaganlar (uyushmagan yoshlar), ishsizlar va ichkilikka ruju qoʻyganlar, shuningdek, notinch oilalar bilan yakka tartibda ishlashning bosqichli rejalarini ishlab chiqish va amalga oshirish.

2019-yil uchun hamkorlikdagi chora-tadbirlar rejasi

2019-yil

fevral

Xotin-qizlar qoʻmitasi (Narbayeva),

Yoshlar ittifoqi

(Kuranbayev),

“Mahalla” (Javlonov),

“Nuroniy” (Jalilov),

“Oila”

(Tashmuxamedova) jamgʻarmalari

III. Ichki ishlar organlarining kadrlar salohiyatini va ijtimoiy-huquqiy taʼminotini oshirish

14.

Hududiy ichki ishlar organlarining rahbar xodimlari va ularning oʻrinbosarlarining kundalik xizmat faoliyatidan ajralmagan holda malakasini oshirish tizimini nazarda tutgan holda:

barcha darajadagi hududiy ichki ishlar organlarining barcha toifadagi rahbar xodimlari hamda profilaktika (katta) inspektorlarini qayta tayyorlash va ularning malakasini oshirish faqat Oʻzbekiston Respublikasi Ichki ishlar vazirligining Malaka oshirish instituti filiallarida (auditoriyalarida) uzluksiz asosda boʻlishi tartibini;

Oʻzbekiston Respublikasi Ichki ishlar vazirligining akademik litseylari direktorlariga tegishligicha Qoraqalpogʻiston Respublikasi Ichki ishlar vaziri hamda Toshkent shahar IIBB va viloyatlar IIBlari boshliqlarining oʻrinbosarlari vakolatlarini berishni;

Oʻzbekiston Respublikasi Ichki ishlar vazirligi akademik litseylarining shtat birliklari hisobidan ularda xodimlar malakasini oshirish boʻyicha direktor oʻrinbosari shahodatlangan lavozimlarini joriy etishni;

joylarda qayta tayyorlash va malaka oshirish kurslarini samarali tashkillashtirishda Qoraqalpogʻiston Respublikasi Ichki ishlar vaziri hamda Toshkent shahar IIBB va viloyatlar IIBlari boshliqlarining masʼuliyatini kuchaytirishni;

Qoraqalpogʻiston Respublikasi, Toshkent shahar va viloyatlar prokurorlarining ichki ishlar organlari xodimlarini tayyorlash, qayta tayyorlash va malakasini oshirishni sifatli tashkil etishda amaliy va uslubiy yordam koʻrsatishdagi rolini oshirishni takomillashtirish.

ichki ishlar vazirining buyrugʻi

2019-yil

yanvar

IIV

(Xatamov),

Bosh prokuratura (Tadjiyev)

15.

Quyidagilarni inobatga olgan holda ichki ishlar organlari xodimlarini ijtimoiy-huquqiy jihatdan qoʻllab-quvvatlash tizimini takomillashtirish:

terrorizm va jinoyatchilikka qarshi kurashish hamda jamoat xavfsizligini taʼminlash jarayonida halok boʻlgan yoki jarohat olib nogiron boʻlib qolgan xodimlarning farzandlarini respublikadagi oliy oʻquv yurtlariga kirish imtihonlarisiz qabul qilish tartibini joriy etish;

respublikadagi oliy oʻquv yurtlariga kirishda huquqbuzarliklar profilaktikasi va jinoyatchilikka qarshi kurashishga munosib hissa qoʻshgan, xizmat yoki ilmiy faoliyatda yuqori natijalarga erishgan xodimlarning farzandlariga imtiyozlar (qabul kvotalari) berish;

ichki ishlar organlarining qonuniy talablarini bajarmaslik yoki xizmat burchini bajarishga toʻsqinlik qilganligi uchun javobgarlikni kuchaytirish.

Oʻzbekiston Respublikasi Prezidenti qarori loyihasi

2019-yil

yanvar

IIV

(Xatamov),

OTV

(Madjidov),

Moliya vazirligi (Xaydarov)

16.

Quyidagilarni nazarda tutgan holda ichki ishlar organlari faoliyatini maʼnaviy-psixologik taʼminlashning sifat jihatdan yangi tizimini joriy etish:

Oʻzbekiston Respublikasi IIV tizimida maʼnaviy-psixologik taʼminot boshqarmasi va uning hududiy boʻlinmalarini tashkil qilish;

ichki ishlar organlari tizimida shartnoma asosida mutaxassis-psixologlarni jalb etish va aholiga pullik xizmat koʻrsatish imkoniyatiga ega boʻlgan psixologik xizmatlar markazlarini tashkil qilish;

xizmatning oʻziga xos xususiyatlarini inobatga olgan holda, ichki ishlar organlari xodimlari orasida suitsidal holatlar va tushkun kayfiyatning oldini olishga qaratilgan yakka tartibdagi maʼnaviy-psixologik tadbirlarning zamonaviy usullarini tatbiq etish;

xodimlarning psixologik portreti hisobini majburiy yuritish tartibini joriy etgan holda, ichki ishlar organlarining qabul va attestatsiya komissiyalari faoliyatida mutaxassis-psixologlarning rolini oshirish.

Oʻzbekiston Respublikasi Prezidenti qarori loyihasi

2019-yil

fevral

IIV

(Xatamov),

SSV

(Shadmanov),

Moliya vazirligi (Xaydarov)

17.

Joylardagi ichki ishlar organlari xodimlarining kunlik kasbiy, jangovar va jismoniy tayyorgarlik tizimini inobatga olgan holda:

hududiy ichki ishlar organlari xodimlarining kunlik tayyorgarligini tashkillashtirish mexanizmi va tartibini tanqidiy jihatdan qayta koʻrib chiqish;

respublikaning har bir hududida, shu jumladan davlat-xususiy sheriklik shartlari asosida shaxsiy tarkibning kunlik jangovar va jismoniy tayyorgarligini samarali tashkil etish imkonini beruvchi ichki ishlar organlarining sport bazalarini shakllantirishni takomillashtirish choralarini koʻrish.

Vazirlar Mahkamasi qarori loyihasi

2019-yil

aprel

IIV

(Xatamov, Ergashev),

Jismoniy tarbiya va sport vazirligi (Nabiyev),

Moliya vazirligi
(Xaydarov),

Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari

18.

Respublika IIV harbiy qismlari va ichki ishlar organlarining shaxsiy tarkibi hamda oliy taʼlim muassasalarining kursantlarini autsorsing shartlarida ovqatlanishini tashkil etish sohasida davlat-xususiy sheriklik mexanizmlarini joriy etish.

Vazirlar Mahkamasi qarori loyihasi

2019-yil

iyun

IIV

(Ergashev),

Moliya vazirligi
(Xaydarov),

Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari

19.

Jamoat xavfsizligini taʼminlash sohasiga jalb qilingan ichki ishlar organlarining erkin yollangan ishchi va xizmatchilarining ish faoliyatini amalga oshirishni nazarda tutgan holda:

Davlat yongʻin xavfsizligi xizmatining kasbiylashtirilgan qismlaridagi alohida lavozimlar uchun umumiy oʻrnatilgan pensiya yoshini qisqartirish;

ish faoliyatida yuqori natijalarga erishgan ichki ishlar organlarining ishchi va xizmatchilarini moddiy ragʻbatlantirish boʻyicha qoʻshimcha choralar koʻrish.

Vazirlar Mahkamasi qarori loyihasi

2019-yil

sentabr

IIV

(Xatamov),

Moliya vazirligi
(Xaydarov)

20.

Respublikada jamoat xavfsizligini taʼminlash jarayonini ommaviy axborot vositalarida yoritishga yoʻnaltirilgan quyidagilarni qamrab oluvchi kampaniyalarni uyushtirish:

mamlakatda jamoat xavfsizligini taʼminlash jarayonini yorituvchi bosma axborotlar, Internet tarmogʻida maqolalar hamda tele- va radiokoʻrsatuvlar siklini tayyorlash va tashkil etish;

jamoat tartibini taʼminlashda joriy etilgan mexanizmlarni ommalashtirishni taʼminlash.

Chora-tadbirlar dasturi

2019-yil

yanvar

OʻzA

(Koʻchimov),

MTRK

(Xadjayev),

IIV

(Xatamov),

Milliy gvardiya (Shakirov),
“Mahalla” jamgʻarmasi

(Javlonov)