Oʻzbekiston Respublikasi Oliy Majlisi qaror qiladi:

Oʻzbekiston Respublikasining quyidagi qonun hujjatlariga oʻzgartishlar va qoʻshimchalar kiritilsin:

II. Oʻzbekiston Respublikasining 1991-yil 14-iyunda qabul qilingan “Kooperatsiya toʻgʻrisida”gi Qonuni (Oʻzbekiston Respublikasi Oliy Kengashining Axborotnomasi, 1991-yil, № 8, 193-modda; 1994-yil, № 2, 52-modda):

1) beshinchi moddasi 1-bandining birinchi qismidan “va jamoa xoʻjaligida” degan soʻzlar chiqarib tashlansin;

2) 13 va 14-moddalari quyidagi tahrirda bayon etilsin:

Qishloq xoʻjaligi kooperativi (shirkati) ishlab chiqarish kooperativining bir shakli sifatida ushbu Qonunda, boshqa qonun hujjatlarida va oʻz ustavida nazarda tutilgan barcha huquqlardan foydalanadi.

Qishloq xoʻjaligi kooperativlari (shirkatlari) yer toʻgʻrisidagi qonun hujjatlarini buzganlik uchun belgilangan tartibda javobgar boʻladilar”.

VI. Oʻzbekiston Respublikasining 1993-yil 6-mayda qabul qilingan “Suv va suvdan foydalanish toʻgʻrisida”gi Qonuni (Oʻzbekiston Respublikasi Oliy Kengashining Axborotnomasi, 1993-yil, № 5, 221-modda; Oʻzbekiston Respublikasi Oliy Majlisining Axborotnomasi, 1997-yil, № 4-5, 126-modda):

1) 1-moddasi “tashkilotlar” degan soʻzdan keyin “fermer va” degan soʻz bilan toʻldirilsin;

2) 9-moddasining birinchi qismi “tashkilotlar” degan soʻzdan keyin “fermer va” degan soʻz bilan toʻldirilsin;

3) 18-moddasi “tashkilotlar” degan soʻzdan keyin “fermer va” degan soʻz bilan toʻldirilsin;

4) 36-moddasi:

birinchi qismining:

birinchi xatboshisidagi “Korxonalar, tashkilotlar, muassasalar, dehqon xoʻjaliklari” degan soʻzlar “Korxonalar, muassasalar, tashkilotlar, fermer, dehqon xoʻjaliklari” degan soʻzlar bilan almashtirilsin;

toʻrtinchi xatboshisi quyidagi tahrirda bayon etilsin:

“korxona, muassasa, tashkilot, fermer xoʻjaligi tugatilganda, dehqon xoʻjaligi tugatilganda yoki uning faoliyati toʻxtatilganda”;

ikkinchi qismidagi “korxonalar, tashkilotlar, muassasalar, dehqon xoʻjaliklari” degan soʻzlar “korxonalar, muassasalar, tashkilotlar, fermer, dehqon xoʻjaliklari” degan soʻzlar bilan almashtirilsin;

uchinchi qismidagi “korxonalar, tashkilotlar, muassasalar, dehqon xoʻjaliklari” degan soʻzlar “korxonalar, muassasalar, tashkilotlar, fermer, dehqon xoʻjaliklari” degan soʻzlar bilan almashtirilsin;

5) 39-moddasidagi “Korxonalar, tashkilotlar, muassasalar, dehqon xoʻjaliklari” degan soʻzlar “Korxonalar, muassasalar, tashkilotlar, fermer va dehqon xoʻjaliklari” degan soʻzlar bilan almashtirilsin;

6) 47-moddasining birinchi qismidagi “jamoa xoʻjaliklari, boshqa qishloq xoʻjalik korxonalari, tashkilotlari, muassasalari hamda dehqon xoʻjaliklarining” degan soʻzlar “qishloq xoʻjaligi kooperativlarining (shirkatlarining), boshqa qishloq xoʻjaligi korxonalari, muassasalari, tashkilotlari, fermer va dehqon xoʻjaliklarining” degan soʻzlar bilan almashtirilsin;

7) 48-moddasining uchinchi qismidagi “jamoa xoʻjaliklari va boshqa korxonalar, tashkilotlar hamda muassasalar” degan soʻzlar “qishloq xoʻjaligi kooperativlari (shirkatlari), boshqa korxonalar, muassasalar hamda tashkilotlar” degan soʻzlar bilan almashtirilsin;

8) 49-moddasining oltinchi qismi chiqarib tashlansin;

9) 54-moddasidagi “jamoa xoʻjaliklari va boshqa korxonalar, tashkilotlar, muassasalar, dehqon xoʻjaliklari” degan soʻzlar “qishloq xoʻjaligi kooperativlari (shirkatlari), boshqa korxonalar, muassasalar, tashkilotlar, fermer, dehqon xoʻjaliklari” degan soʻzlar bilan almashtirilsin;

10) 88-moddasidagi “jamoa xoʻjaliklari, dehqon xoʻjaliklari, tumanga boʻysunadigan boshqa korxonalar, tashkilotlar va muassasalar oʻrtasida, shuningdek mazkur korxonalar, tashkilotlar, muassasalar” degan soʻzlar “qishloq xoʻjaligi kooperativlari (shirkatlari), fermer, dehqon xoʻjaliklari, tumanga boʻysunadigan boshqa korxonalar, muassasalar va tashkilotlar oʻrtasida, shuningdek mazkur korxonalar, muassasalar, tashkilotlar” degan soʻzlar bilan almashtirilsin;

11) 102-moddasining birinchi qismidagi “korxonalar, tashkilotlar, muassasalar, dehqon xoʻjaliklari” degan soʻzlar “korxonalar, muassasalar, tashkilotlar, qishloq xoʻjaligi kooperativlari (shirkatlari), fermer va dehqon xoʻjaliklari” degan soʻzlar bilan almashtirilsin;

12) 117-moddasidagi “Korxonalar, tashkilotlar, muassasalar, dehqon xoʻjaliklari” degan soʻzlar “Korxonalar, muassasalar, tashkilotlar, qishloq xoʻjaligi kooperativlari (shirkatlari), fermer va dehqon xoʻjaliklari” degan soʻzlar bilan almashtirilsin.

VII. 1993-yil 3-sentabrda qabul qilingan “Fuqarolarning davlat pensiya taʼminoti toʻgʻrisida”gi Oʻzbekiston Respublikasi Qonuni (Oʻzbekiston Respublikasi Oliy Kengashining Axborotnomasi, 1993-yil, № 9, 338-modda; Oʻzbekiston Respublikasi Oliy Majlisining Axborotnomasi, 1995-yil, № 12, 269-modda; 1997-yil, № 4-5, 126-modda) 14-moddasining birinchi xatboshisi quyidagi tahrirda bayon etilsin:

“Texnologiyadagi, ishlab chiqarish va mehnatni tashkil etishdagi oʻzgarishlar, xodimlar soni (shtati) yoki ish xususiyatining oʻzgarishiga olib kelgan ishlar hajmining qisqarganligi yoxud korxonaning tugatilganligi munosabati bilan ishdan ozod etilgan va ishsiz deb eʼtirof etilgan shaxslar”.

VIII. Oʻzbekiston Respublikasining 1994-yil 22-sentabrdagi Qonuni bilan tasdiqlangan Oʻzbekiston Respublikasining Jinoyat kodeksi (Oʻzbekiston Respublikasi Oliy Kengashining Axborotnomasi, 1995-yil, № 1, 3-modda; Oʻzbekiston Respublikasi Oliy Majlisining Axborotnomasi, 1996-yil, № 9, 144-modda; 1997-yil, № 2, 56-modda, № 9, 241-modda; 1998-yil, № 5-6, 102-modda):

1) 51-moddasining birinchi qismidan “jinsiy ehtiyojni zoʻrlik ishlatib gʻayritabiiy usulda qondirish (119-moddaning toʻrtinchi qismi)”, “urushning qonun va udumlarini buzish (152-modda)”, “Oʻzbekiston Respublikasi Prezidentiga tajovuz qilish (158-moddaning birinchi qismi), josuslik (160-moddaning birinchi qismi)”, “kontrabanda (246-moddaning ikkinchi qismi)” degan soʻzlar chiqarib tashlansin;

2) 119-modda toʻrtinchi qismining, 152-moddaning, 158-modda birinchi qismining, 160-modda birinchi qismining hamda 246-modda ikkinchi qismining sanksiya qismlaridan “yoki oʻlim jazosi” degan soʻzlar chiqarib tashlansin;

3) 176-moddaning:

sarlavhasi “Qalbaki pul” degan soʻzlardan soʻng “aksiz markasi” degan soʻzlar bilan toʻldirilsin;

birinchi qismi “metall tangalar” degan soʻzlardan soʻng “aksiz markalar” degan soʻzlar bilan toʻldirilsin;

4) 285-moddasining ikkinchi qismi quyidagi mazmundagi ikkinchi, uchinchi va toʻrtinchi qismlar bilan almashtirilsin:

“Oʻsha qilmish:

a) bir guruh shaxslar tomonidan;

b) qurol ishlatib sodir etilgan boʻlsa;

v) badanga ogʻir shikast yetkazilishga sabab boʻlsa, —

besh yildan oʻn yilgacha ozodlikdan mahrum qilish bilan jazolanadi.

Oʻsha qilmish odam oʻlishiga sabab boʻlsa, —

oʻn yildan oʻn besh yilgacha ozodlikdan mahrum qilish bilan jazolanadi.

Oʻsha qilmish:

a) odamlarning oʻlimiga;

b) boshqa ogʻir oqibatlarga sabab boʻlsa, —

oʻn besh yildan yigirma yilgacha ozodlikdan mahrum qilish bilan jazolanadi”;

5) 301-moddasining:

ikkinchi qismining sanksiya qismi quyidagi tahrirda bayon etilsin:

“besh yildan oʻn yilgacha ozodlikdan mahrum qilish bilan jazolanadi”;

uchinchi qismining sanksiya qismi quyidagi tahrirda bayon etilsin:

“oʻn yildan oʻn besh yilgacha ozodlikdan mahrum qilish bilan jazolanadi”;

toʻrtinchi qismining sanksiya qismi quyidagi tahrirda bayon etilsin:

“oʻn besh yildan yigirma yilgacha ozodlikdan mahrum qilish bilan jazolanadi”;

6) Sakkizinchi boʻlimidagi “ancha miqdor”, “ancha miqdordagi zarar”, “juda koʻp zarar”, “juda koʻp miqdor”. “koʻp boʻlmagan zarar”, “koʻp miqdor”, “koʻp miqdordagi zarar” degan atamalarning huquqiy maʼnosi quyidagi tahrirda bayon etilsin:

“Ancha miqdor — eng kam oylik ish haqining oʻttiz baravaridan yuz baravarigacha boʻlgan miqdor;

Ancha miqdordagi zarar — eng kam oylik ish haqining oʻttiz baravaridan yuz baravarigacha boʻlgan miqdordagi zarar”;

“Juda koʻp zarar — eng kam oylik ish haqining uch yuz baravari va undan ortiq boʻlgan miqdordagi zarar;

Juda koʻp miqdor — eng kam oylik ish haqining uch yuz baravari va undan ortiq boʻlgan miqdor”;

“Koʻp boʻlmagan zarar — eng kam oylik ish haqining oʻn baravaridan oʻttiz baravarigacha boʻlgan zarar;

Koʻp miqdor — eng kam oylik ish haqining yuz baravaridan uch yuz baravarigacha boʻlgan miqdor;

Koʻp miqdordagi zarar — eng kam oylik ish haqining yuz baravaridan uch yuz baravarigacha boʻlgan miqdordagi zarar”.

IX. Oʻzbekiston Respublikasining 1994-yil 22-sentabrda qabul qilingan Qonuni bilan tasdiqlangan Oʻzbekiston Respublikasining Jinoyat-protsessual kodeksi (Oʻzbekiston Respublikasi Oliy Kengashining Axborotnomasi, 1995-yil, № 2, 5-modda; Oʻzbekiston Respublikasi Oliy Majlisining Axborotnomasi, 1995-yil, № 12, 269-modda; 1997-yil, № 2, 56-modda, № 9, 241-modda; 1998-yil, № 5-6, 102-modda) 512-moddasining ikkinchi qismi quyidagi mazmundagi jumla bilan toʻldirilsin:

“Ishlarni garnizonlar harbiy sudlaridan talab qilib olish huquqiga, shuningdek Qurolli Kuchlar Harbiy sudi raisining oʻrinbosarlari, Qurolli Kuchlar Harbiy prokurorining oʻrinbosarlari, garnizonlar harbiy prokurorlari va ularning oʻrinbosarlari ham egadirlar”.

X. Oʻzbekiston Respublikasining 1994-yil 22-sentabrdagi Qonuni bilan tasdiqlangan Oʻzbekiston Respublikasining Maʼmuriy javobgarlik toʻgʻrisidagi kodeksi (Oʻzbekiston Respublikasi Oliy Kengashining Axborotnomasi, 1995-yil, № 3, 6-modda; Oʻzbekiston Respublikasi Oliy Majlisining Axborotnomasi, 1995-yil, № 9, 193-modda № 12, 269-modda; 1996-yil, № 5-6, 69-modda, № 9, 144-modda 1997-yil, № 2, 56-modda, № 4-5, 126-modda, № 9, 241-modda 1998-yil, № 3, 38-modda, № 5-6, 102-modda):

1) 50-moddasining sarlavhasi va dispozitsiyasidagi “davlat ish bilan taʼminlash xizmati” degan soʻzlar “mahalliy mehnat organlari” degan soʻzlar bilan almashtirilsin;

2) 66-moddasining dispozitsiyasi quyidagi tahrirda bayon etilsin:

“Yer berish tartibini buzish, xuddi shuningdek fermer yoki dehqon xoʻjaligi yuritish uchun, yakka tartibda uy-joy qurish va turar-joy binosiga xizmat koʻrsatish, jamoa bogʻdorchiligi va polizchiligi uchun fuqarolarga yer berilishiga toʻsqinlik qilish”;

3) 100-moddasining sanksiyasidagi “ikkidan bir qismidan ikki baravarigacha” degan soʻzlar “besh baravaridan oʻn besh baravarigacha” degan soʻzlar bilan almashtirilsin;

4) 101-moddasi:

birinchi qismining sanksiyasidagi “ikkidan bir qismidan ikki” degan soʻzlar “uch baravaridan yetti” degan soʻzlar bilan almashtirilsin;

ikkinchi qismining sanksiyasidagi “ikki baravaridan toʻrt baravarigacha” degan soʻzlar “yetti baravaridan oʻn baravarigacha” degan soʻzlar bilan almashtirilsin;

5) 151 va 152-moddalari quyidagi tahrirda bayon etilsin:

Quvvatidan qatʼi nazar radiouzatkich shoxobchasini ruxsatsiz oʻrnatish va (yoki) undan foydalanish,

fuqarolarga eng kam oylik ish haqining bir baravaridan uch baravarigacha, mansabdor shaxslarga esa — ikki baravaridan besh baravarigacha miqdorda jarima solishga sabab boʻladi.

Abonentlik qurilmasini roʻyxatdan oʻtkazmay yoki ruxsatsiz elektr aloqa tarmoqlariga ulash, —

abonentlik qurilmasini musodara qilib yoki musodara qilmay, eng kam oylik ish haqining ikki baravaridan besh baravarigacha miqdorda jarima solishga sabab boʻladi.

Radioelektron vositalar yoki yuqori chastotali qurilmalarni loyihalash, qurish (oʻrnatish) va ulardan foydalanishning belgilangan qoidalarini, radioayirboshlash va radiochastotalardan foydalanish qoidalarini buzish, radionurlanishning davlat standartlari, normalari va belgilangan tartibda oʻrnatilgan parametrlariga rioya etmaslik, —

fuqarolarga eng kam oylik ish haqining ikki baravaridan besh baravarigacha, mansabdor shaxslarga esa — besh baravaridan yetti baravargacha miqdorda jarima solishga sabab boʻladi.

Radioelektron vositalari yoki yuqori chastotali qurilmalarni tayyorlash, olish, sotish yoki oʻzgaga doimiy yoxud vaqtincha foydalanish uchun berish tartibini buzish,—

radioelektron vositalarni yoki yuqori chastotali qurilmalarni musodara qilib yoki musodara qilmay, fuqarolarga eng kam oylik ish haqining uch baravaridan besh baravarigacha, mansabdor shaxslarga esa — yetti baravaridan oʻn baravarigacha miqdorda jarima solishga sabab boʻladi.

Ushbu moddaning birinchi va ikkinchi qismida nazarda tutilgan huquqbuzarliklar maʼmuriy jazo chorasi qoʻllanilganidan keyin bir yil davomida takror sodir etilgan boʻlsa, —

radioelektron vositalarni yoki yuqori chastotali qurilmalarni musodara qilib yoki musodara qilmay, fuqarolarga eng kam oylik ish haqining besh baravaridan yetti baravarigacha, mansabdor shaxslarga esa — oʻn baravaridan oʻn besh baravarigacha miqdorda jarima solishga sabab boʻladi”;

6) 153-moddasining dispozitsiyasidagi “radioelektron vositalar va yuqori chastotali qurilmalar” degan soʻzlar chiqarib tashlansin;

7) 154-moddasi quyidagi tahrirda bayon etilsin:

Aloqa yoʻllari va inshootlarini, shuningdek aloqa yoʻli va kabel inshootlarini muhofaza qilish qoidalarini buzish, —

fuqarolarga eng kam oylik ish haqining bir baravaridan uch baravarigacha, mansabdor shaxslarga esa — uch baravaridan yetti baravarigacha miqdorda jarima solishga sabab boʻladi.

Xuddi shunday huquqbuzarlik maʼmuriy jazo chorasi qoʻllanilganidan keyin bir yil davomida takror sodir etilsa, —

fuqarolarga eng kam oylik ish haqining uch baravaridan besh baravarigacha, mansabdor shaxslarga esa — yetti baravaridan oʻn baravarigacha miqdorda jarima solishga sabab boʻladi”;

8) 229-moddasining dispozitsiyasi quyidagi tahrirda bayon etilsin:

“Boʻsh ish joylari (boʻsh lavozimlar)ni yashirish, shuningdek har bir xodim boʻshatib olinishi kutilayotganligi toʻgʻrisidagi maʼlumotlarni oʻz vaqtida bermaslik. Ish bilan taʼminlashga koʻmaklashish davlat jamgʻarmasiga ajratmalarni toʻlashdan boʻyin tovlash”;

9) 245-moddasining birinchi qismidagi “151-moddasining uchinchi qismi” degan soʻzlar “151-moddasining ikkinchi qismi, 152-moddasining ikkinchi va uchinchi qismi” degan soʻzlar bilan almashtirilsin;

10) 246-moddasidan “151” raqami chiqarib tashlansin;

11) 255-moddasining ikkinchi qism uchinchi xatboshisi quyidagi tahrirda bayon etilsin:

“mehnatni muhofaza qilish qoidalarini buzganlik uchun — mehnat boʻyicha davlat texnik inspektorlari hamda kasaba uyushmalarining mehnat boʻyicha texnik inspektorlari”;

12) 263-moddasining birinchi qismidagi “151-moddasining birinchi va ikkinchi qismlarida, 152, 153, 154, 156-moddalarida” degan soʻzlar “151-moddasining birinchi qismida, 152-moddasining birinchi qismida, 153, 154, 156-moddalarida” degan soʻzlar bilan almashtirilsin;

13) 287-moddasining:

1-bandidagi “151-moddasining uchinchi qismida” degan soʻzlar “152-moddasining ikkinchi va uchinchi qismlarida” degan soʻzlar bilan almashtirilsin;

8-bandi “ushbu Kodeksning” degan soʻzlardan keyin “152-moddasining ikkinchi va uchinchi qismlarida nazarda tutilgan (radioelektron vositalari yoki yuqori chastotali qurilmalarni sotish yoxud oʻzgaga doimiy yoki vaqtinchalik foydalanish uchun berish qismi)” degan soʻzlar bilan toʻldirilsin;

14) 305-moddasining ikkinchi qismidan “151-moddasida” degan soʻzlar chiqarib tashlansin.

XII. Oʻzbekiston Respublikasining 1995-yil 21-dekabrda qabul qilingan “Oʻzbekiston Respublikasining Markaziy banki toʻgʻrisida”gi Qonuni (Oʻzbekiston Respublikasi Oliy Majlisining Axborotnomasi, 1995-yil, № 12, 247-modda) 7-moddasining uchinchi qismi chiqarib tashlansin.

XV. Oʻzbekiston Respublikasining 1996-yil 26-aprelda qabul qilingan “Aksiyadorlik jamiyatlari va aksiyadorlarning huquqlarini himoya qilish toʻgʻrisida”gi Qonuni (Oʻzbekiston Respublikasi Oliy Majlisining Axborotnomasi, 1996-yil, № 5-6, 61-modda; 1997-yil, № 2, 56-modda; 1998-yil, № 3, 38-modda):

1) 4-moddasining birinchi qismidagi “investorlarning” degan soʻz “aksiyadorlarning” degan soʻz bilan almashtirilsin;

2) 7-moddasining ikkinchi qismidagi uchinchi jumla quyidagi tahrirda bayon etilsin:

“Belgilangan chegaradan ortib ketgan taqdirda u yopiq aksiyadorlik jamiyatlari uchun miqdori aksiyadorlarning chegaralangan limitidan ortib ketgan shaxslar aksiyadorlar reyestrida roʻyxatga olingan kundan eʼtiboran olti oy ichida ochiq aksiyadorlik jamiyatiga aylantirilishi, ushbu muddat tugagach, sud tartibida tugatilishi lozim”;

3) 8-moddasi quyidagi mazmundagi beshinchi qism bilan toʻldirilsin:

“Jamiyat tomonidan Oʻzbekiston Respublikasidan tashqarida filiallar tashkil etish va vakolatxonalar ochish, agar Oʻzbekiston Respublikasining xalqaro shartnomasida boshqacha qoida nazarda tutilmagan boʻlsa, filiallar va vakolatxonalar joylashgan yerdagi mamlakat qonun hujjatlariga muvofiq amalga oshiriladi”;

4) 14-moddasining:

birinchi qismi “ustav” degan soʻzdan keyin “yoki taʼsis shartnomasi va ustav yoxud faqat taʼsis shartnomasi” degan soʻzlar bilan toʻldirilsin;

ikkinchi qismi chiqarib tashlansin;

5) 17-moddasi:

ikkinchi qismidagi “ustav va emissiya maʼlumotnomasini” degan soʻzlar “ustavini” degan soʻz bilan almashtirilsin;

quyidagi mazmundagi beshinchi qism bilan toʻldirilsin:

“Aksiyadorlik jamiyati davlat roʻyxatidan oʻtkazilgan sanadan eʼtiboran uzogʻi bilan olti oygacha boʻlgan muddatda jamiyat aksiyadorlarining umumiy yigʻilishi toʻgʻrisidagi, kuzatuv kengashi toʻgʻrisidagi va ijroiya organi toʻgʻrisidagi (tegishincha direktor, boshqaruv, direksiya, boshqaruvchi tashkilot, boshqaruvchi toʻgʻrisidagi), faoliyat tartibini, huquq va majburiyatlarini, shuningdek aksiyadorlik jamiyatining koʻrsatilgan boshqaruv organlari tomonidan qarorlar qabul qilish tartibotini belgilovchi nizomlarni tayyorlashi va aksiyadorlarning umumiy yigʻilishida tasdiqlashi shart”;

6) 19-moddasining ikkinchi qismi quyidagi mazmundagi jumla bilan toʻldirilsin:

“Jamiyat davlat mulki negizida tuzilganda korxonaning (mol-mulkning) qonun hujjatlarida belgilangan tartibda aniqlangan bozor bahosi jamiyat ustav fondining summasini tashkil etadi”;

7) 20-moddasining matni quyidagi tahrirda bayon etilsin:

“Ochiq aksiyadorlik jamiyati ustav fondining eng kam miqdori jamiyat roʻyxatdan oʻtkazilgan sanada qonun hujjatlarida belgilab qoʻyilgan eng kam oylik ish haqining besh yuz baravar summasidan kam boʻlmasligi, yopiq aksiyadorlik jamiyatining ustav fondi esa, eng kam oylik ish haqining ikki yuz baravar summasidan kam boʻlmasligi kerak.

Eng kam oylik ish haqining summasi qonun hujjatlarida belgilangan tartibda oʻzgargan taqdirda, aksiyadorlik jamiyatining ustav fondi bir yil ichida belgilangan miqdorga muvofiq holga keltirilishi kerak”;

8) 24-moddasining:

sarlavhasi va birinchi qismi quyidagi tahrirda bayon etilsin:

Aksiyalar xillari va turlari (toifalari) boʻyicha farqlanadi. Aksiyalarning xillari: egasi yozilgan, egasi yozilmagan. Aksiyalarning turlari (toifalari): imtiyozli, oddiy”;

ikkinchi va uchinchi qismlaridagi “aksiyadorlarini roʻyxatga olish daftariga”, “aksiyalarini roʻyxatga olish daftariga” degan soʻzlar “aksiyadorlarining reyestriga” degan soʻzlar bilan almashtirilsin;

9) 31-moddasining birinchi qismidagi “oʻz xodimlari orasida tarqatish” degan soʻzlar chiqarib tashlansin;

10) 33-moddasida:

toʻrtinchi qismining birinchi jumlasi quyidagi tahrirda bayon etilsin:

“Jamiyatning aksiyalari va boshqa qimmatli qogʻozlariga haq toʻlash qonun hujjatlarida belgilangan tartibda pul va toʻlovning boshqa vositalari, mol-mulk, shuningdek pulda baholanadigan huquqlar (shu jumladan ashyoviy huquqlar) vositasida amalga oshiriladi”;

toʻqqizinchi qismi quyidagi tahrirda bayon etilsin:

“Aksiyaning haqi toʻliq toʻlangunga va uning yangi egasi aksiyadorlar reyestrida roʻyxatga olingunga qadar aksiya ovoz huquqini bermaydi, reyestrida roʻyxatga olish, jamiyatni tuzish vaqtida muassislar sotib olgan aksiyalar bundan mustasno”;

11) quyidagi mazmundagi 37¹-modda bilan toʻldirilsin:

Davlat korxonasi aksiyadorlik jamiyatiga aylantirilganda korxona mehnat jamoasi aʼzolari qonun hujjatlarida belgilangan tartibda aksiyalar qiymati haqini toʻlab ustav fondidagi tegishli ulushdan aksiyalar sotib olish huquqiga ega boʻladi”;

12) 56-moddasining ikkinchi qismidagi “yillik dividendlar toʻlash toʻgʻrisida” degan soʻzlar chiqarib tashlanib, “belgilab qoʻyiladi” degan soʻzlardan keyin jumla “va shunday qaror qabul qilingan kundan eʼtiboran 60 kundan kech boʻlmasligi lozim” degan soʻzlar bilan toʻldirilsin;

13) 57-moddasining ikkinchi qismi quyidagi tahrirda bayon etilsin:

“Davlat korxonalarini qayta tuzish natijasida tashkil etilgan aksiyadorlik jamiyatlarida dividendlar ustav fondining boshlangʻich miqdoriga muvofiq tarzda, mavjud aksiyalarning toʻla summasi boʻyicha, aksiyalarning davlatga tegishli, haqi toʻlanishi toʻgʻrisidagi qaror qabul qilinayotgan paytda sotilmay qolgan qismini ham hisobga olgan holda amalga oshiriladi”;

14) 69-moddasining birinchi qismidagi “(bu xabarnoma olinganligini tasdiqlash sharti bilan)” degan soʻzlar chiqarib tashlansin;

15) 86-moddasining:

sakkizinchi qismi quyidagi mazmundagi jumla bilan toʻldirilsin:

“Jamiyatning yakkaboshchilik asosidagi ijroiya organi (direktor), kollegial ijroiya organi (boshqaruvi, direksiyasi) rahbari, boshqaruvchi tashkilot yoki boshqaruvchi bilan tuziladigan shartnomada ularning aksiyadorlik jamiyati faoliyati samaradorligini oshirish boʻyicha majburiyatlari hamda ularning umumiy yigʻilish va kuzatuv Kengashi oldidagi hisobotlari davriyligi nazarda tutilishi lozim”;

oʻn birinchi qismi quyidagi tahrirda bayon etilsin:

“Aksiyadorlar umumiy yigʻilishi yoki kuzatuv Kengashi, agar ustavga binoan unga shunday huquq berilgan boʻlsa, jamiyatning yakkaboshchilik asosidagi ijroiya organi (direktor), kollegial ijroiya organi (boshqaruvi, direksiyasi) rahbari, boshqaruvchi tashkilot yoki boshqaruvchi bilan tuzilgan shartnomani ular shartnoma shartlarini buzgan taqdirda bekor qilishga haqlidir”.