Tadbirlar nomi | Bajarish muddatlari | Moliyalashtirish manbalari | Mas’ul bajaruvchilar | |
I. Sirk sohasiga oid qonun hujjatlarini yanada takomillashtirish | ||||
1. | Respublika ixtisoslashtirilgan estrada va sirk maktabi hamda “O‘zbek davlat sirki” davlat muassasasi o‘rtasida tizimli ravishda ta’lim va amaliyot integratsiyasini yo‘lga qo‘yish maqsadida: ixtisoslashtirilgan maktabning ta’lim jarayoniga sirk sulolalari vakillari va malakali sirk va teatrlar artistlarini jalb etish; ixtisoslashtiril�an maktabning sirk yo‘nalishi o‘quvchilarini “O‘zbek davlat sirki” davlat muassasasida hamda Samarqand, Farg‘ona va Xiva shaharlarida tashkil etiladigan yarim statsionar sirklarda amaliyot o‘tashini tashkil etish; “O‘zbek davlat sirki” davlat muassasasida maktabgacha va maktab yoshidagi bolalar uchun akrobatika, gimnastika va dorbozlik yo‘nalishlari bo‘yicha “ustoz-shogird” amaliyoti asosida to‘garaklar tashkil etish; ixtisoslashtirilgan maktabni sirk yo‘nalishi bo‘yicha bitirayotgan o‘quvchilarning kamida bitta mustaqil sirk nomeriga ega bo‘lishini ta’minlash. | 2019-yil martdan boshlab doimiy | - | Madaniyat vazirligi (B. Sayfullayev), Oliy va o‘rta maxsus ta’lim vazirligi (I. Majidov), O‘zbekiston davlat san’at va madaniyat instituti huzuridagi Pedagog kadrlarni qayta tayyorlash va ularning malakasini oshirish tarmoq markazi (T. Fayziyev), “O‘zbek davlat sirki” davlat muassasasi (R. Madjidov) |
2. | O‘zbekiston Respublikasida va uning tashqarisida “O‘zbek davlat sirki” davlat muassasasining gastrol faoliyatini amalga oshirish tartibini ishlab chiqish va belgilangan tartibda tasdiqlash. Bunda, sirk artistlarining chet elda ishlash, malaka oshirish, tajriba almashish hamda gastrol safarlariga borish tartiblarini nazarda tutish. | 2019-yil 1-aprel | - | Madaniyat vazirligi (B. Sayfullayev), Moliya vazirligi (A. Haydarov), manfaatdor vazirliklar va idoralar |
3. | Xalqaro sirk san’ati festivali nizomini ishlab chiqish va belgilangan tartibda O‘zbekiston Respublikasi Vazirlar Mahkamasiga kiritish. | 2019-yil 1-may | - | Madaniyat vazirligi (B. Sayfullayev), manfa�tdor vazirliklar va idoralar |
4. | O‘zbekiston Respublikasining Mehnat kodeksiga 14 yoshga to‘lmagan shaxslarni sirk, teatr, kino va konsert tashkilotlarida ijodkor lavozimida ishlash, mehnatiga haq to‘lash va mehnat stajini inobatga olish tizimini nazarda tutuvchi o‘zgartirish va qo‘shimchalar kiritish haqidagi qonun loyihasini ishlab chiqish va O‘zbekiston Respublikasi Vazirlar Mahkamasiga kiritish. | 2019-yil 1-iyun | - | O‘zbekiston Respublikasi Bandlik va mehnat munosabatlari vazirligi (Sh. Kudbiyev), Madaniyat vazirligi (B. Sayfullayev), Moliya vazirligi (A. Haydarov) |
II. Sirk sohasida xalqaro faoliyatni rivojlantirish va sirkni malakali kadrlar bilan ta’minlash | ||||
5. | Milliy sirk dasturlarining badiiy saviyasini oshirish, tomoshabinlar qamrovini kengaytirish, xalqaro maydonda milliy sirk nufuzini yanada oshirish maqsadida: 2019-yilda o‘zbek sirkiga 105 yil to‘lishi munosabati bilan “O‘zbek davlat sirki” nomli kitob-albomni o‘zbek, rus, ingliz tillarida nashr etish; teatr, kino, estrada va boshqa san’at turlari hamda zamonaviy yoritish va musiqali maxsus effektlarni qo‘llagan holda sifat jihatdan butunlay yangi sirk dasturlarini yaratish; xorijiy davlatlarda sirk artisti va mutaxassislarining tizimli malaka oshirishi va stajirovka o‘tashlarini yo‘lga qo‘yish hamda malakali xorijiy mutaxassislarni taklif qilish orqali milliy sirk dasturlarining badiiy saviyasini oshirish; taklif etilgan mashhur sirk artistlari va mutaxassislarini respublikamizga taklif etgan holda master-klass, trening va tajriba almashishni, shu jumladan, Respublika ixtisoslashtirilgan estrada va sirk maktabida tashkil etish. | 2019-yil 1-dekabr doimiy | “O‘zbek davlat sirki” davlat muassasasining xarajatlar smetasiga ajratilgan Davlat budjeti mablag‘lari, Madaniyat va san’atni rivojlantirish jamg‘armasi mablag‘lari, “O‘zbek davlat sirki” davlat muassasasining budjetdan tashqari mablag‘lari, homiylik xayriyalari | Madaniyat vazirligi (B. Sayfullayev), O‘zbekiston matbuot va axborot agentligi (K. Allamjonov), Tashqi ishlar vazirligi (A. Komilov), Moliya vazirligi (A. Haydarov), “O‘zbek davlat sirki” davlat muassasasi (R. Madjidov), Madaniyat va san’atni rivojlantirish jamg‘armasi (S. Gafurova) |
6. | Mashhur xorijiy sirk tashkilotlarini, shu jumladan, Fransiyaning “Cirque du Soleil”, Xitoyning “Chang Long” xalqaro sirki, Rossiyaning Svetnoy bulvardagi “Moskva sirki”, “Moskva katta sirki” va boshqa shu kabi sirklarning respublikamizda gastrollarini muntazam ravishda tashkil etish. “O‘zbek davlat sirki” davlat muassasasi va xorijiy davlat sirk tashkilotlari bilan o‘zaro hamkorlik bo‘yicha tegishli hujjatlar (memorandum, hamkorlik bitimi va boshqalarni) qabul qilish. “O‘zbek davlat sirki” davlat muassasasining daromadlar manbalarini kengaytirish maqsadida eng tomoshabop sirk dasturlarini sahnalashtirgan malakali ijodiy jamoalar (truppa)ning xorijiy davlatlarga gastrol safarlarini doimiy ravishda uyushtirish. Xorijiy davlat vakillarining taklifiga asosan xalqaro festival va ko‘rik-tanlovlarda ijodiy jamoalar hamda sohaning yetuk mutaxassislari ishtirokini ta’minlash. | doimiy | Madaniyat vazirligiga ajratiladigan budjet mablag‘lari doirasida, “O‘zbek davlat sirki” davlat muassasasining budjetdan tashqari mablag‘lari, Madaniyat va san’atni rivojlantirish jamg‘armasi mablag‘lari, homiylik xayriyalari | Madaniyat vazirligi (B. Sayfullayev), Tashqi ishlar vazirligi (A. Komilov), manfaatdor vazirliklarva idoralar |
7. | “O‘zbek davlat sirki” davlat muassasasini malakali veterinar va zootexnik mutaxassislar bilan ta’minlash. | 2019-yildan boshlab doimiy | “O‘zbek davlat sirki” davlat muassasasi budjetdan tashqari mablag‘lari, homiylik xayriyalari | Veterinariya va chorvachilikni rivojlantirish davlat qo‘mitasi (B. Norqobilov), Madaniyat vazirligi (B. Sayfullayev), “O‘zbek davlat sirki” davlat muassasasi (R. Madjidov) |
8. | “O‘zbek davlat sirki” davlat muassasasining kadrlar tarkibini yosh, istiqbolli, ijodiy, o‘zbek milliy sirk san’atiga o‘zining hissasini qo‘shishga tayyor bo‘lgan iqtidorlar bilan to‘ldirish hamda sirk tomoshalarining badiiy darajasi va ijodiy-sahnalashtirish ishlarini tashkillashtirish sifatini oshirish, sirk repertuarining xilma-xilligini kengaytirish maqsadida respublika miqyosida tanlov o‘tkazish. | 2019-yildan boshlab har ikki yilda | Madaniyat vazirligiga ajratiladigan budjet mablag‘lari doirasida, “O‘zbek davlat sirki” davlat muassasasi budjetdan tashqari mablag‘lari, Madaniyat va san’atni rivojlantirish jamg‘armasi mablag‘lari, homiylik xayriyalari | Madaniyat vazirligi (B. Sayfullayev), manfaatdor vazirliklarva idoralar |
9. | “O‘zbek davlat sirki” davlat muassasasiga jismoniy tarbiya va sport sohasidagi oliy ta’lim muassasalari va tashkilotlarining tegishli sport turlari bo‘yicha malakali sportchilarini jalb etish hamda talabalarning amaliyot o‘tashini tashkil etish. | 2019-2020-yillar | - | Madaniyat vazirligi (B. Sayfullayev), “O‘zbek davlat sirki” davlat muassasasi (R. Madjidov), manfaatdor vazirliklarva idoralar |
III. Targ‘ibot va tashviqot ishlari | ||||
10. | “O‘zbek davlat sirki” davlat muassasasining Internet jahon axborot tarmog‘idagi veb-saytini yaratish hamda uni o‘zbek sirki tarixi, yo‘nalishlari, sirk san’atiga oid ma’lumotlar bilan to‘ldirib borish. | 2019-yil fevraldan boshlab doimiy | “O‘zbek davlat sirki” davlat muassasasi budjetdan tashqari mablag‘lari, homiylik xayriyalari | Madaniyat vazirligi (B. Sayfullayev), “O‘zbek davlat sirki” davlat muassasasi (R. Madjidov) |
12. | “O‘zbek davlat sirki” davlat muassasasida namoyish etiladigan sirk dasturlari va tomoshalarini Internet jahon axborot tarmog‘i orqali pulli asosda masofadan on-layn tomosha qilish imkonini yaratish choralarini ko‘rish. Ushbu muassasada kirish chiptalarini shakllantirish, sotish va ularning ishlatilishini hisobga olish va hisob-kitobini yuritish bo‘yicha chipta operatsiyalarining yagona elektron tizimini joriy etish. | qurilish-ta’mirlash ishlari yakunlangandan so‘ng | “O‘zbek davlat sirki” davlat muassasasi budjetdan tashqari mablag‘lari, homiylik xayriyalari | Madaniyat vazirligi (B. Sayfullayev), “O‘zbek davlat sirki” davlat muassasasi (R. Madjidov) |
IV. Moddiy-texnik bazani mustahkamlash | ||||
13. | Mavjud hayvonlarning O‘zbekiston Respublikasining “Veterinariya to‘g‘risida”gi Qonuni talablari asosida saqlanishini hamda doimiy ravishda veterinariya nazoratida bo‘lishini tashkil etish. Oziq-ovqatlarni saqlash omborlarini sanitariya normalari, qoidalari va gigiyena normativlari asosida hamda hayvonlar uchun mo‘ljallangan mahsulotlarni belgilangan talablar asosida saqlash ishlarini tashkil etish. Hayvonlarni joriy ko‘rikdan o‘tkazish va ularda yuqumli kasalliklar tarqalishini oldini olish bo‘yicha maxsus laboratoriya va karantin xonalari faoliyatini yo‘lga qo‘yish. | 2019-yil yanvardan boshlab doimiy | “O‘zbek davlat sirki” davlat muassasasi budjetdan tashqari mablag‘lari, homiylik xayriyalari | Veterinariya va chorvachilikni rivojlantirish davlat qo‘mitasi (B. Norqobilov), Madaniyat vazirligi (B. Sayfullayev) |
14. | Yangidan barpo etiladigan yarim statsionar sirklar uchun shaharlarda kommunikatsiya mavjud bo‘lgan joylardan yer maydonlari ajratish, qurish va xorijiy tajribalardan kelib chiqqan holda ularni zamonaviy texnik vositalar bilan jihozlash ishlarini amalga oshirish. | 2020-2021-yillar | - | Samarqand (E. Turdimov), Farg‘ona (Sh. G‘aniyev) va Xorazm (F. Ermanov) viloyatlari hokimliklari, manfaatdor vazirliklar va idoralar |
15. | Respublikaning chekka hududlarida “O‘z�ek davlat sirki” davlat muassasasining ko‘chma sirk (shapito)lar dasturlari va gastrol safarlarini o‘tkazish maqsadida ko‘chma sirk (shapito) va zootsirklarning moddiy-texnika bazasini mustahkamlash va zamonaviy maxsus avtotransport vositalari sotib olish. | 2019-2020-yillar | Madaniyat va san’atni rivojlantirish jamg‘armasi mablag‘lari | Madaniyat vazirligi (B. Sayfullayev), Moliya vazirligi (A. Haydarov), Madaniyat va san’atni rivojlantirish jamg‘armasi (S. Gafurova) |
16. | Sirk dasturlari va tomoshalar saviyasini oshirish maqsadida “O‘zbek davlat sirki” davlat muassasasiga ekzotik hayvonlar (ayiq, kenguru, maymun, fil va boshqalar) sotib olish. | 2019-2020-yillar | O‘zbekiston Respublikasi Davlat budjeti mablag‘lari, Madaniyat va san’atni rivojlantirish jamg‘armasi mablag‘lari | Madaniyat vazirligi (B. Sayfullayev), Moliya vazirligi (A. Haydarov), Madaniyat va san’atni rivojlantirish jamg‘armasi (S. Gafurova) |
17. | Sirk san’atining jamiyatdagi mavqeyi, o‘rni va ijtimoiy rolini oshirish, aholi, ayniqsa yoshlarni respublikaning chekka hududlarida sirk dasturlari va tomoshalaridan bahramand etish, mazmunli hordiq chiqarishlarini ta’minlash maqsadida “O‘zbek davlat sirki” davlat muassasasi ko‘chma sirklarining gastrol safarlarini tashkil etishni qo‘llab-quvvatlash hamda sirk tomoshalari uchun alohida joylar ajratish. | 2019-yildan boshlab doimiy | - | Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari, Madaniyat vazirligi (B. Sayfullayev) |
O‘zbekiston Respublikasi Vazirlar Mahkamasining qarori, 23.01.2019 yildagi 55-son
Кучга кириш санаси
24.01.2019
Рус
Ўзб
O’zb
O‘zb|Рус
O‘zbek sirk san’atining jamiyatdagi rolini oshirish, sirk dasturlari va spektakllarining badiiy saviyasi va qamrovini kengaytirish, xodimlarini moddiy rag‘batlantirish hamda qo‘llab-quvvatlash, sirkning yosh mutaxassislarini tayyorlash, “O‘zbek davlat sirki” davlat muassasasi va uning tarkibidagi ko‘chma sirklar (shapitolar)ning moddiy-texnika bazasini mustahkamlash, o‘zbek sirk san’atiga davlat-xususiy sheriklik tamoyillarini keng joriy qilish orqali investitsiyalarni jalb etish, shuningdek, aholiga taqdim etilayotgan sirk xizmatlarining natijadorligi va sifatini oshirish maqsadida:
1. O‘zbekiston Respublikasi Investitsiyalar bo‘yicha davlat qo‘mitasi Madaniyat vazirligi, Davlat aktivlarini boshqarish agentligi hamda Davlat-xususiy sheriklikni rivojlantirish agentligi bilan birgalikda 2019-yil 1-aprelga qadar “O‘zbek davlat sirki” davlat muassasasini ishonchli boshqaruvga topshirish yoki davlat-xususiy sheriklik shartlari asosida investorlarga, shu jumladan xorijiy investorlarga berishning tashkiliy-huquqiy masalalarini o‘rganib chiqqan holda quyidagilarni nazarda tutuvchi takliflarni ishlab chiqsin hamda Vazirlar Mahkamasiga kiritsin:
“O‘zbek davlat sirki” davlat muassasasini investorlarga, shu jumladan xorijiy investorlarga berish orqali mamlakatimizda sirk san’atini ilg‘or xorijiy mamlakatlar sirklari darajasiga ko‘tarish;
2. O‘zbekiston Respublikasi Madaniyat vazirligi, Davlat-xususiy sheriklikni rivojlantirish agentligi, Samarqand, Farg‘ona va Xorazm viloyatlari hokimliklarining sirk san’atining jamiyatdagi mavqeyi, o‘rni va ijtimoiy rolini oshirish, respublikaning chekka hududlarida sirk dasturi va tomoshalaridan aholi, ayniqsa yoshlarni bahramand etish, ularning maroqli hordiq chiqarishlarini tashkil etish maqsadida Samarqand, Farg‘ona va Xiva shaharlarida davlat xususiy-sheriklik shartlari asosida 500 — 700 o‘ringa mo‘ljallangan yarim statsionar sirklarni tashkil etish to‘g‘risidagi taklifi ma’qullansin.
O‘zbekiston Respublikasi Madaniyat vazirligi Davlat-xususiy sheriklikni rivojlantirish agentligi, Samarqand, Farg‘ona va Xorazm viloyatlari hokimliklari bilan birgalikda:
ikki oy muddatda — davlat xususiy-sheriklik shartlari asosida yarim statsionar sirklarni tashkil etish va ularning faoliyatini yo‘lga qo‘yish maqsadida texnik, moliyaviy va boshqa shartlarni inobatga olgan holda tegishli hujjatlarni ishlab chiqsin;
Belgilansinki, davlat xususiy-sheriklik shartlari asosida tashkil etiladigan yarim statsionar sirklar “O‘zbek davlat sirki” davlat muassasasi hamda xorijiy ko‘chma sirk tomosha dasturlarini namoyish etish va boshqa konsert-tomosha tadbirlarini o‘tkazishga mo‘ljallangan tomosha maskani hisoblanadi.
3. 2019-2020-yillarda o‘zbek sirk san’atini yanada rivojlantirish hamda “O‘zbek davlat sirki” davlat muassasasi faoliyatini qo‘llab-quvvatlash bo‘yicha quyidagilarni nazarda tutadigan chora-tadbirlar rejasi (keyingi o‘rinlarda reja deb ataladi) ilovaga muvofiq tasdiqlansin:
sirk dasturlari va tomoshalarining badiiy saviyasini oshirish hamda 2020-yilga qadar tomoshalar sonini kamida 500 tagacha, 2022-yilga qadar esa — 1000 tagacha yetkazish;
2019-yil yakuniga qadar sirk zalining tomoshabinlar bilan to‘lish darajasini kamida 60 foizga va 2022-yilga borib 75 foizga yetkazish;
“O‘zbek davlat sirki” davlat muassasasining daromadlar manbalarini kengaytirish maqsadida eng tomoshabop sirk dasturlarini sahnalashtirgan malakali ijodiy jamoalar (truppa)ning xorijiy davlatlarga gastrol safarlarini uyushtirish;
teatr, kino, estrada va boshqa san’at turlarini, zamonaviy yoritish va musiqali maxsus effektlarni qo‘llagan holda sifat jihatdan butunlay yangi sirk dasturlarini yaratish;
mashhur xorijiy sirk tashkilotlarini, shu jumladan, Fransiyaning “Cirque du Soleil”, Xitoyning “Chang Long” xalqaro sirki, Rossiyaning Svetnoy bulvardagi “Moskva sirki”, “Moskva katta sirki” va boshqa shu kabi sirklarning gastrollarini respublikamizda muntazam ravishda tashkil etish;
dunyoning mashhur sirk artistlari va mutaxassislarini respublikamizga taklif etgan holda master-klass, trening va tajriba almashish;
sirk sohasini malakali kadrlar va yetuk mutaxassislar bilan ta’minlash maqsadida “O‘zbek davlat sirki” davlat muassasasi xodimlarini xorijiy davlatlarning sirk yo‘nalishi bo‘yicha oliy ta’lim muassasalarida o‘qitish hamda ularning malakasini oshirish;
“O‘zbek davlat sirki” davlat muassasasida namoyish etiladigan sirk dasturlari va tomoshalarini Internet jahon axborot tarmog‘i orqali pulli asosda masofadan on-layn tomosha qilish imkonini yaratish.
“O‘zbek davlat sirki” davlat muassasasining rahbariga mazkur muassasada alohida o‘rnak ko‘rsatgan ijodiy (artist) xodimlar va mutaxassislarga, ayniqsa ishlab chiqarish xodimlariga ularning lavozimi va malakasiga, bajaradigan ishining murakkabligi va xavflilik darajasiga ko‘ra, muassasaning budjetdan tashqari mablag‘lari hisobidan bazaviy tarif stavkasi va lavozim maoshining 100 foizigacha bo‘lgan miqdorda har oylik shaxsiy ustamalar belgilash huquqi beriladi;
Oldingi tahrirga qarang.
Monte-Karlo va Budapesht xalqaro sirk festivallarida 1, 2 va 3-o‘rinlarni egallagan “O‘zbek davlat sirki” davlat muassasasi ijodiy jamoasining har bir a’zosi O‘zbekiston Respublikasi Davlat budjeti mablag‘lari hisobidan bazaviy hisoblash miqdorining tegishli ravishda 100 baravari, 80 baravari va 50 baravari miqdorida bir martalik pul mukofoti bilan moddiy rag‘batlantiriladi.
(4-bandning uchinchi xatboshisi O‘zbekiston Respublikasi Vazirlar Mahkamasining 2019-yil 28-dekabrdagi 1046-sonli qarori tahririda — Qonun hujjatlari ma’lumotlari milliy bazasi, 29.12.2019-y., 09/19/1046/4242-son)
5. “O‘zbek davlat sirki” davlat muassasasi va “Olmaliq kon-metallurgiya kombinati” AJning “O‘zbek davlat sirki” davlat muassasasi boshqaruviga davlat-xususiy sheriklik tamoyillari asosida investorlarni jalb etish, uning moddiy-texnika bazasini mustahkamlash, ijodkorlarining turmush darajasi va sifatini oshirish maqsadida doimiy ravishda homiylik yordami ko‘rsatishni nazarda tutuvchi “Do‘stlar klubi”ni tashkil etish bo‘yicha takliflari ma’qullansin.
6. 2021-yildan boshlab Toshkent shahrida har ikki yilda bir marta Xalqaro sirk san’ati festivalini o‘tkazish belgilansin.
O‘zbekiston Respublikasi Madaniyat vazirligi uch oy muddatda Xalqaro sirk san’ati festivali to‘g‘risidagi nizomni ishlab chiqsin va belgilangan tartibda Vazirlar Mahkamasiga kiritsin.
7. O‘zbekiston Respublikasi Madaniyat vazirligi ixtisoslashtirilgan maktab hamda “O‘zbek davlat sirki” davlat muassasasi o‘rtasida tizimli ravishda ta’lim va amaliyot integratsiyasini yo‘lga qo‘yish maqsadida:
O‘zbekiston Respublikasi Oliy va o‘rta maxsus ta’lim vazirligi hamda O‘zbekiston davlat san’at va madaniyat instituti huzuridagi Pedagog kadrlarni qayta tayyorlash va ularning malakasini oshirish tarmoq markazi bilan birgalikda ixtisoslashtirilgan maktabning ta’lim jarayoniga sirk sulolalari vakillari va malakali sirk va teatrlar artistlari jalb etilishini;
ixtisoslashtirilgan maktabning sirk yo‘nalishi o‘quvchilarining “O‘zbek davlat sirki” davlat muassasasida hamda Samarqand, Farg‘ona va Xiva shaharlarida tashkil etiladigan yarim statsionar sirklarda amaliyot o‘tashi tashkil etilishini;
“O‘zbek davlat sirki” davlat muassasasida maktabgacha va maktab yoshidagi bolalar uchun akrobatika, gimnastika va dorbozlik yo‘nalishlari bo‘yicha “ustoz-shogird” amaliyoti asosida to‘garaklar tashkil etilishini;
ixtisoslashtirilgan maktabni sirk yo‘nalishi bo‘yicha bitirayotgan o‘quvchilarning kamida bitta mustaqil sirk nomerlariga ega bo‘lishini ta’minlasin.
8. O‘zbekiston Respublikasi Bandlik va mehnat munosabatlari vazirligi Madaniyat vazirligi va Moliya vazirligi bilan birgalikda 2019-yil 1-iyunga qadar O‘zbekiston Respublikasining Mehnat kodeksiga 14 yoshga to‘lmagan shaxslarning sirk, teatr, kino va konsert tashkilotlarida ijodkor lavozimida ishlash, mehnatiga haq to‘lash va mehnat stajini inobatga olish tizimini nazarda tutuvchi o‘zgartirish va qo‘shimchalar kiritish haqidagi qonun loyihasini ishlab chiqsin va belgilangan tartibda O‘zbekiston Respublikasi Vazirlar Mahkamasiga kiritsin.
9. Toshkent shahar hokimligi, O‘zbekiston Respublikasi Qurilish vazirligi va Madaniyat vazirligining “O‘zbek davlat sirki” davlat muassasasi binosiga tutash hududda qo‘shimcha hayvonlarni saqlash uchun bino-inshootlar va o‘rgatish maydonlari qurish to‘g‘risidagi taklifiga rozilik berilsin.
10. O‘zbekiston Respublikasi Madaniyat vazirligi O‘zbekiston Respublikasining 2019-yilga mo‘ljallangan investitsiya dasturi doirasida ajratilgan mablag‘lar hisobidan “O‘zbek davlat sirki” davlat muassasasining bino va inshootlarini rekonstruksiya qilish, hayvonlarni saqlash xonalarini qo‘shimcha ravishda qurish hamda zamonaviy uskunalar bilan jihozlash bo‘yicha loyiha-smeta hujjatlarini ishlab chiqsin.
O‘zbekiston Respublikasi Investitsiyalar bo‘yicha davlat qo‘mitasi manfaatdor vazirliklar va idoralar bilan birgalikda 2020-yilga va kelgusi yillarga mo‘ljallangan O‘zbekiston Respublikasining investitsiya dasturlarini shakllantirishda “O‘zbek davlat sirki” davlat muassasasining bino va inshootlarini rekonstruksiya qilish, hayvonlarni saqlash xonalarini qo‘shimcha ravishda qurish hamda zamonaviy uskunalar bilan jihozlash uchun kapital qo‘yilmalar limiti ajratilishini nazarda tutsin.
Oldingi tahrirga qarang.
11. Belgilansinki, “O‘zbek davlat sirki” davlat muassasasini saqlash va uning moddiy-texnika bazasini mustahkamlash bilan bog‘liq xarajatlar O‘zbekiston Respublikasining Davlat budjeti, O‘zbekiston Respublikasi Madaniyat vazirligi huzuridagi Madaniyat va san’atni rivojlantirish jamg‘armasi, asosiy faoliyatdan tushadigan daromadlar, homiylik xayriyalari va qonunchilik hujjatlarida taqiqlanmagan boshqa manbalar hisobidan moliyalashtiriladi. Bunda, O‘zbekiston Respublikasi Davlat budjetining mablag‘lari “O‘zbek davlat sirki” davlat muassasasi xarajatlarining o‘z daromadlari bilan (homiylik xayriyalari bundan mustasno) qoplanmagan qismi uchun ajratiladi.
(11-band O‘zbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik ma’lumotlari milliy bazasi, 05.04.2022-y., 09/22/153/0266-son)
12. Mazkur qarorning bajarilishini nazorat qilish O‘zbekiston Respublikasi Bosh vazirining birinchi o‘rinbosari — “O‘zbekiston temir yo‘llari” AJ boshqaruvi raisi A.J. Ramatov hamda O‘zbekiston Respublikasi madaniyat vaziri B.S. Sayfullayev zimmasiga yuklansin.
Oldingi tahrirga qarang.
(ilova O‘zbekiston Respublikasi Vazirlar Mahkamasining 2023-yil 31-avgustdagi 428-sonli qarori tahririda — Qonunchilik ma’lumotlari milliy bazasi, 04.09.2023-y., 09/23/428/0675-son)