O‘zbekiston Respublikasi Prezidentining Xalq qabulxonalari (keyingi o‘rinlarda Xalq qabulxonalari deb yuritiladi) davlat organlari bilan aholi o‘rtasida ochiq muloqotni yo‘lga qo‘yish, dolzarb muammolarni aniqlash, davlat organlari va boshqa tashkilotlar tomonidan murojaatlarning ko‘rib chiqilishini ta’minlashda o‘ziga xos samarali mexanizmga aylandi.
Xalq qabulxonalari tashkil etilishi aholini yillar davomida qiynab kelgan muammolarning aniqlanishiga, ularning aksariyati joyida hal etilishiga zamin yaratdi.
Shu bilan birga, ikki yil mobaynida O‘zbekiston Respublikasi Prezidenti nomiga 2,5 milliondan ortiq murojaatlar kelib tushganligi, respublika ishchi guruhlari tomonidan uyma-uy yurish, ijtimoiy va boshqa obyektlarni o‘rganish natijasida qo‘shimcha 1,1 milliondan ortiq turli muammolar aniqlanganligi joylarda yechimini kutayotgan masalalar ko‘pligini, ayrimlari o‘rta va quyi bo‘g‘indagi tashkilotlar darajasida hal etilmayotganligini ko‘rsatmoqda.
Aholining murojaatlari bilan ishlash, ularni qiynab kelayotgan muammolarni aniqlash va bartaraf etish bo‘yicha olib borilayotgan ishlar tahlili esa bu yo‘nalishda bir qator tizimli kamchiliklar mavjudligini ko‘rsatdi. Xususan:
birinchidan, murojaatlar bilan ishlashning amaldagi tizimi aholining mavjud muammolarini to‘liq qamrab olish va tezkorlik bilan hal qilish imkonini bermayapti;
ikkinchidan, aniqlangan muammolarni tizimli tahlil qilish va hal etishda Vazirlar Mahkamasi, vazirlik va idoralar, mahalliy davlat hokimiyati organlari, Xalq qabulxonalari va boshqa tashkilotlar faoliyatini muvofiqlashtirishning yagona mexanizmi mavjud emas;
uchinchidan, tegishli ijtimoiy-iqtisodiy dasturlar loyihalarini ishlab chiqishda O‘zbekiston Respublikasi Prezidentining Virtual va Xalq qabulxonalariga kelib tushayotgan murojaatlar hamda joylarda aniqlangan boshqa muammolar yetarli darajada aks ettirilmayapti;
to‘rtinchidan, Xalq qabulxonalari xodimlarining mehnatiga haq to‘lash va moddiy rag‘batlantirishning amaldagi tizimi, ularning yetarli vakolatlarga ega emasligi ish sifati va samaradorligiga salbiy ta’sir qilmoqda;
beshinchidan, joylardagi davlat organlari va boshqa tashkilotlar rahbarlari aholi bilan bevosita muloqot qilish hamda uyma-uy yurish orqali muammolarni aniqlash va hal etishga, zimmasiga yuklatilgan vazifalarni to‘liq va sifatli bajarishga yetarli e’tibor qaratmayapti.
Davlat organlari va boshqa tashkilotlarning bevosita fuqarolar bilan ishlashga o‘tishini, ularning xalqqa, jumladan tadbirkorlik subyektlariga yaqin ko‘makchi bo‘lishini, shuningdek O‘zbekiston Respublikasi Prezidentining O‘zbekiston Respublikasi Oliy Majlisiga Murojaatnomasida belgilangan vazifalar ijrosini ta’minlash maqsadida:
1. 2019-yil 1-fevraldan Xalq qabulxonalarining aholi murojaatlari bilan ishlash bo‘yicha amaldagi tizimi bilan bir qatorda, Xalq qabulxonalarining muammolarni uyma-uy yurish orqali aniqlash va hal qilishni, davlat organlarining aholi bilan bevosita ishlashini nazarda tutuvchi yangi tizim joriy qilinsin.
Xalq qabulxonalari hududlarni kompleks ijtimoiy-iqtisodiy rivojlantirish bo‘yicha sektorlar (keyingi o‘rinlarda sektorlar deb yuritiladi), davlat organlari va boshqa tashkilotlar bilan birgalikda uyma-uy yurish, ijtimoiy va boshqa obyektlarni o‘rganish orqali muammolarni aniqlaydi hamda hal qilinishini ta’minlaydi;
tuman (shahar) Xalq qabulxonalari boshchilik qiladigan sektorlar shtablari a’zolaridan iborat ishchi guruhlar hududlarni mahallalar va xonadonlar (oilalar) kesimida tahlil qiladi, aniqlangan kamchilik va muammolarni bartaraf etish yuzasidan qisqa (1 yillik) va o‘rta muddatli manzilli tadbirlar rejalarini shakllantiradi;
qisqa muddatli manzilli tadbirlar rejalari ijrosi tuman (shahar) hokimliklari, Qoraqalpog‘iston Respublikasi Vazirlar Kengashi, Toshkent shahar va viloyatlar hokimliklari, O‘zbekiston Respublikasi Vazirlar Mahkamasining Hududlarni kompleks rivojlantirish va kommunal soha, ekologiya, atrof-muhitni muhofaza qilish, transport, kapital qurilish, qurilish industriyasi va mudofaa sanoati masalalari kompleksi (A.Ramatov) tomonidan ta’minlanadi;
qisqa muddatli manzilli tadbirlar rejalari ijrosi tegishli Xalq qabulxonalari va O‘zbekiston Respublikasi Prezidentining Fuqarolar huquqlarini himoya qilish, murojaatlar bilan ishlashni nazorat qilish va muvofiqlashtirish masalalari bo‘yicha maslahatchisi bo‘linmalari tomonidan nazorat qilinadi;
o‘rta muddatli manzilli tadbirlar rejalari, shuningdek O‘zbekiston Respublikasi Prezidentining Virtual qabulxonasiga kelib tushgan murojaatlarda aks etgan tizimli muammolar davlat investitsiya dasturlari hamda ijtimoiy-iqtisodiy sohadagi hududiy, tarmoq va davlat dasturlarini, xalqaro moliya institutlari ishtirokida amalga oshiriladigan loyihalarni ishlab chiqishda inobatga olinadi. Ushbu dastur va loyihalar O‘zbekiston Respublikasi Prezidentining Fuqarolar huquqlarini himoya qilish, murojaatlar bilan ishlashni nazorat qilish va muvofiqlashtirish masalalari bo‘yicha maslahatchisi bo‘linmalari bilan kelishiladi;
Xalq qabulxonalari jamoatchilik vakillari, ommaviy axborot vositalari va boshqa tashkilotlarni jalb qilgan holda hududlardagi ijtimoiy muhitni o‘rganish, aholi muammolarini hal qilishda ochiqlik, shaffoflik va xolislikni ta’minlash choralarini ko‘radi;
“Obod qishloq” va “Obod mahalla” dasturlari doirasida qurilish va obodonlashtirish ishlari amalga oshiriladigan aholi punktlari ro‘yxati Xalq qabulxonalari bilan kelishilgan holda shakllantiriladi;
Xalq qabulxonalari sektorlar va hududdagi tashkilotlar rahbarlari faoliyati, murojaatlar bilan ishlash holati yuzasidan tegishli xalq deputatlari Kengashlari majlisida muhokama qilish uchun har chorakda axborot kiritadi hamda ushbu axborot yuzasidan mutasaddi tashkilotlar rahbarlarining hisoboti eshitiladi;
respublika darajasida hal etiladigan muammolar to‘g‘risida ma’lumotlar O‘zbekiston Respublikasi Prezidentining Fuqarolar huquqlarini himoya qilish, murojaatlar bilan ishlashni nazorat qilish va muvofiqlashtirish masalalari bo‘yicha maslahatchisi tomonidan Vazirlar Mahkamasiga hal qilish uchun kiritiladi.
sektorlar, davlat organlari va boshqa tashkilotlarning uyma-uy yurish, ijtimoiy va boshqa obyektlarni o‘rganish orqali ijtimoiy-iqtisodiy muammolarni aniqlash va hal qilish faoliyatini doimiy ravishda muvofiqlashtirib borish;
hududlarda jismoniy va yuridik shaxslarning murojaatlari bilan ishlash, ommaviy va sayyor qabullar o‘tkazish tizimini muvofiqlashtirish va nazorat qilish;
ijtimoiy-iqtisodiy sohadagi hududiy, tarmoq va davlat dasturlarini ishlab chiqish va ijrosini nazorat qilishda ishtirok etish;
davlat organlari va boshqa tashkilotlarning nogironligi bo‘lgan shaxslar, kam ta’minlangan va ijtimoiy himoyaga muhtoj aholi qatlamlariga ko‘maklashish bilan bog‘liq ishlarini muvofiqlashtirish;
faoliyat yo‘nalishlari bo‘yicha jamoat va nodavlat notijorat tashkilotlari, ommaviy axborot vositalari bilan hamkorlik qilish.
O‘zbekiston Respublikasi Prezidentining Qoraqalpog‘iston Respublikasi, Toshkent shahri va viloyatlardagi Xalq qabulxonalari mudirlari — O‘zbekiston Respublikasi Prezidentining roziligi bilan O‘zbekiston Respublikasi Prezidenti Administratsiyasi rahbari tomonidan;
O‘zbekiston Respublikasi Prezidentining tuman (shahar) Xalq qabulxonalari mudirlari — O‘zbekiston Respublikasi Prezidenti Administratsiyasi rahbari tomonidan;
Xalq qabulxonalarining boshqa xodimlari — O‘zbekiston Respublikasi Prezidentining Fuqarolar huquqlarini himoya qilish, murojaatlar bilan ishlashni nazorat qilish va muvofiqlashtirish masalalari bo‘yicha maslahatchisi bo‘linmalari bilan kelishilgan holda Qoraqalpog‘iston Respublikasi Vazirlar Kengashi Raisi, viloyatlar va Toshkent shahar hokimlari tomonidan lavozimga tayinlanadi va lavozimdan ozod etiladi.
Xalq qabulxonalarining boshqaruv xodimlari O‘zbekiston Respublikasi Prezidenti Administratsiyasining xodimlari hisoblanadi.
sektorlar, davlat organlari va boshqa tashkilotlarning uyma-uy yurish, murojaatlar bilan ishlash, ijtimoiy va boshqa obyektlarda aniqlangan muammolarni hal qilish borasidagi faoliyatini tizimli o‘rganish, ko‘rib chiqilishi majburiy bo‘lgan taqdimnomalar kiritish, shuningdek sektorlar faoliyatini baholashda ishtirok etish;
sektorlar shtabi tarkibiga kiritilgan davlat organlari hududiy bo‘linmalarining mansabdor shaxslari va xodimlarini rag‘batlantirish yoki yo‘l qo‘yilgan jiddiy kamchiliklar uchun ularni lavozimidan ozod etishgacha bo‘lgan intizomiy javobgarlikka tortish bo‘yicha yuqori turuvchi davlat organlariga takliflar kiritish;
davlat organlari va boshqa tashkilotlardan faoliyati uchun zarur bo‘lgan axborotlar hamda hujjatlarni so‘rash va olish, ularning mutaxassislarini jalb qilish;
davlat organlari va boshqa tashkilotlar tomonidan ular faoliyati va ko‘rsatadigan xizmatlariga oid tartib-qoidalarning aholiga to‘liq va tezkor yetkazilishini ta’minlashga qaratilgan choralar ko‘rish.
6. Qoraqalpog‘iston Respublikasi, viloyatlar, Toshkent shahri hamda tumanlar va shaharlardagi O‘zbekiston Respublikasi Prezidentining Xalq qabulxonalari xodimlari mehnatiga haq to‘lash razryadlari ko‘rsatilgan yangilangan namunaviy tuzilmalari 1 va 2-ilovalarga muvofiq tasdiqlansin.
Belgilansinki, 2019-yil 20-yanvardan Yagona tarif setkasi bo‘yicha mehnatga haq to‘lashning tasdiqlangan razryadlariga ko‘ra Xalq qabulxonalari barcha xodimlarining lavozim maoshini aniqlashda tarif koeffitsiyentlari bir yarim baravar miqdorda qo‘llaniladi.
Yil yakunlariga ko‘ra faoliyatida yuqori ko‘rsatkichlarga erishgan Xalq qabulxonalari xodimlari O‘zbekiston Respublikasi Prezidentining Fuqarolar huquqlarini himoya qilish, murojaatlar bilan ishlashni nazorat qilish va muvofiqlashtirish masalalari bo‘yicha maslahatchisi taqdimnomasiga asosan mahalliy budjet mablag‘lari va qonun hujjatlarida taqiqlanmagan boshqa manbalar hisobidan bir martalik pul mukofoti va qimmatbaho sovg‘alar bilan mukofotlanadi.
7. Xalq qabulxonalari boshqaruv xodimlariga nisbatan O‘zbekiston Respublikasi Prezidentining 2018-yil 26-avgustdagi PF-5519-son Farmoni bilan tasdiqlangan O‘zbekiston Respublikasi Prezidenti Administratsiyasi to‘g‘risidagi nizomning 26-bandida nazarda tutilgan qoidalar tatbiq etilsin.
8. Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari, O‘zbekiston Respublikasi Moliya vazirligi:
O‘zbekiston Respublikasi Prezidentining Fuqarolar huquqlarini himoya qilish, murojaatlar bilan ishlashni nazorat qilish va muvofiqlashtirish masalalari bo‘yicha maslahatchisi bo‘linmalari bilan birgalikda ikki hafta muddatda Xalq qabulxonalarining xarajatlar smetasi va shtatlar jadvalini belgilangan tartibda tasdiqlasin hamda tegishli moliya organlarida ro‘yxatdan o‘tkazilishini ta’minlasin;
muntazam ravishda chekka va olis hududlarda ommaviy qabullar o‘tkazish, aholi muammolarini bevosita joyiga chiqqan holda o‘rganishlarni tashkil etish maqsadida uch oy muddatda barcha tuman (shahar) Xalq qabulxonalarini mahalliy budjet mablag‘lari hisobidan xizmat avtotransport vositalari bilan ta’minlasin va ularni saqlashga limit ajratsin.
9. O‘zbekiston Respublikasi Prezidentining Fuqarolar huquqlarini himoya qilish, murojaatlar bilan ishlashni nazorat qilish va muvofiqlashtirish masalalari bo‘yicha maslahatchisi bo‘linmalari:
aholining ijtimoiy muammolarini aniqlash va hal qilishga qaratilgan chora-tadbirlarning hududlarda amalga oshirilishini, shu jumladan 2017 — 2021-yillarda O‘zbekiston Respublikasini rivojlantirishning beshta ustuvor yo‘nalishi bo‘yicha Harakatlar strategiyasini “Faol investitsiyalar va ijtimoiy rivojlanish yili”da amalga oshirishga oid Davlat dasturida ijtimoiy sohani rivojlantirishning ustuvor yo‘nalishlari bo‘yicha belgilangan vazifalarning bajarilishini muvofiqlashtirsin va nazorat qilib borsin;
O‘zbekiston Respublikasi Prezidenti huzuridagi Davlat boshqaruvi akademiyasi bilan birgalikda Xalq qabulxonalari xodimlari uchun maxsus malaka oshirish kurslarini tashkil etsin;
Xalq qabulxonalari kadrlari tarkibi aholi bilan bevosita ishlash uchun zarur bo‘lgan bilimga, tashkilotchilik va tahlil qilish qobiliyatiga, shuningdek ma’naviy-axloqiy va psixologik fazilatlarga ega bo‘lgan malakali mutaxassislar bilan to‘ldirilishini ta’minlasin;
O‘zbekiston Respublikasi Adliya vazirligi bilan birgalikda bir oy muddatda Xalq qabulxonalarining yangilangan nizomi, Xalq qabulxonalarining sektorlar, davlat organlari va boshqa tashkilotlar bilan o‘zaro hamkorligi tartibi, Xalq qabulxonalari faoliyatini baholash tartibi va mezonlari, mahallalar hududlari holatini “namunali”, “yaxshi” va “qoniqarsiz” toifalarga ajratish mezonlarini belgilovchi normativ-huquqiy hujjatlar loyihalarini ishlab chiqsin.
“Obod qishloq”, “Obod mahalla”, “Yoshlar — kelajagimiz”, “Har bir oila — tadbirkor” va boshqa davlat dasturlari ijrosi to‘g‘risidagi ma’lumotlarni har chorakda O‘zbekiston Respublikasi Prezidentining Fuqarolar huquqlarini himoya qilish, murojaatlar bilan ishlashni nazorat qilish va muvofiqlashtirish masalalari bo‘yicha maslahatchisi bo‘linmalariga taqdim qilib borilishini;
uy-joy qurilishi, yo‘l qurilishi, elektr, tabiiy gaz, ichimlik suvi, kanalizatsiya va boshqa kommunal xo‘jalik obyektlari, ijtimoiy soha obyektlarini qurish va ta’mirlash hamda boshqa davlat dasturlari, shuningdek aholini ijtimoiy himoya qilish uchun ajratilgan mablag‘lar to‘g‘risidagi ma’lumotlarni O‘zbekiston Respublikasi Yagona interaktiv davlat xizmatlari portalida tuman (shahar) kesimida joylashtirilishi va muntazam ravishda yangilab borilishini ta’minlasin.
11. O‘zbekiston Respublikasi Prezidenti huzuridagi Loyiha boshqaruvi milliy agentligi, O‘zbekiston Respublikasi Axborot texnologiyalari va kommunikatsiyalarini rivojlantirish vazirligi manfaatdor vazirlik va idoralar bilan birgalikda ikki oy muddatda:
“Nudud” axborot tizimi takomillashtirilishi va unga barcha Xalq qabulxonalari, davlat organlari va boshqa tashkilotlarning integratsiya qilinishini hamda tizim faoliyatining doimiy ravishda texnik qo‘llab-quvvatlab borilishini ta’minlasin;
davlat organlari va boshqa tashkilotlarning hududiy bo‘limlari faoliyati va ko‘rsatadigan xizmatlariga oid tartib-qoidalarning zamonaviy axborot-kommunikatsiya texnologiyalari (mobil ilovalar, veb-saytlar, elektron to‘lov vositalari va boshqalar) orqali aholiga to‘liq va tezkor yetkazilishini ta’minlash yuzasidan chora-tadbirlar ishlab chiqsin;
barcha davlat organlari va boshqa tashkilotlarning viloyat bo‘linmalari veb-saytlarini 2019-yilning 1-iyuliga qadar, tuman (shahar) bo‘linmalari veb-saytlarini 2020-yilning 1-yanvariga qadar tashkil qilish orqali fuqarolarning har bir davlat organi hududiy bo‘linmalariga bevosita elektron murojaat qilish imkoniyati yaratilishini ta’minlasin.
Oldingi tahrirga qarang.
12. O‘zbekiston Milliy teleradiokompaniyasi, O‘zbekiston Respublikasi Prezidenti Administratsiyasi huzuridagi Axborot va ommaviy kommunikatsiyalar agentligi, O‘zbekiston Milliy axborot agentligi va boshqa ommaviy axborot vositalariga mazkur Farmonning mazmun-mohiyati hamda unda belgilangan chora-tadbirlarning amalga oshirilishini yoritish, shuningdek hududlarda aholini qiynab kelayotgan muammolar haqida doimiy ravishda tanqidiy-tahliliy materiallar berib borish tavsiya etilsin.
(12-band O‘zbekiston Respublikasi Prezidentining 2019-yil 10-dekabrdagi PF-5892-sonli Farmoni tahririda — Qonun hujjatlari ma’lumotlari milliy bazasi, 11.12.2019-y., 06/19/5892/4134-son)
13. O‘zbekiston Respublikasi Adliya vazirligi bir oy muddatda qonun hujjatlariga mazkur Farmondan kelib chiqadigan o‘zgartirish va qo‘shimchalar to‘g‘risida Vazirlar Mahkamasiga takliflar kiritsin.
14. Mazkur Farmonning ijrosini nazorat qilish O‘zbekiston Respublikasining Bosh vaziri A.N. Aripov, O‘zbekiston Respublikasi Prezidenti Administratsiyasi rahbari Z.Sh. Nizomiddinov va O‘zbekiston Respublikasi Prezidenti maslahatchisi T.A. Xudaybergenov zimmasiga yuklansin.
T/r | Lavozimning nomlanishi | Shtat birliklari soni | Razryad | |||
Guruhdan tashqari | 1-guruh | 2-guruh | 3-guruh | |||
1. | Mudir | 1 | 19 | 18 | 17 | 16 |
2. | Bosh mutaxassis | 1 | 14 | 13 | 12 | 11 |
3. | Yetakchi mutaxassis | 1 | 13 | 12 | 11 | 10 |
4. | Mutaxassis | 2 | 12 | 11 | 10 | 9 |
5. | Referent | 1 | 8 | 8 | 8 | 8 |
6. | Xo‘jalik ishlari mudiri | 1 | 7 | 7 | 7 | 7 |
Oldingi tahrirga qarang.
T/r | Lavozimning nomlanishi | Shtat birliklari soni | Razryad | |
1-guruh | 2-guruh | |||
1. | Mudir | 1 | 15 | 14 |
2. | Yetakchi mutaxassis | 1 | 11 | 10 |
3. | Mutaxassis* | 1-2 | 10 | 9 |
Oldingi tahrirga qarang.