O‘zbekiston Respublikasining 2018-yil 11-oktabrdagi O‘RQ-497-son “Yuridik yordam va huquqiy xizmatlar ko‘rsatish tizimi takomillashtirilishi munosabati bilan O‘zbekiston Respublikasining ayrim qonun hujjatlariga o‘zgartish va qo‘shimchalar kiritish to‘g‘risida”gi Qonuni hamda O‘zbekiston Respublikasi Prezidentining 2018-yil 13-apreldagi PQ-3666-son “O‘zbekiston Respublikasi Adliya vazirligi faoliyatini yanada takomillashtirishga doir tashkiliy chora-tadbirlar to‘g‘risida”gi qaroriga muvofiq buyuraman:

1. O‘zbekiston Respublikasi adliya vazirining 2010-yil 29-oktabrdagi 232-mh-son buyrug‘i (ro‘yxat raqami 2151, 2010-yil 29-oktabr) (O‘zbekiston Respublikasi qonun hujjatlari to‘plami, 2010-y., 44-45-son, 390-modda) bilan tasdiqlangan Qoraqalpog‘iston Respublikasi Adliya vazirligi, viloyatlar va Toshkent shahar adliya boshqarmalari huzuridagi malaka komissiyalari to‘g‘risidagi nizomga ilovaga muvofiq o‘zgartirishlar va qo‘shimcha kiritilsin.

2. Mazkur buyruq davlat ro‘yxatidan o‘tkazilsin va Hukumat bayonnoma qarorlari va idoraviy normativ hujjatlarni huquqiy ekspertizadan o‘tkazish boshqarmasi Idoraviy normativ-huquqiy hujjatlarning davlat reyestriga tegishli yozuv kiritsin.

3. Huquqiy xizmat ko‘rsatishni davlat tomonidan tartibga solish boshqarmasi hamda Qonun hujjatlarini tahlil qilish va turkumlash boshqarmasi ushbu idoraviy normativ-huquqiy hujjatni barcha manfaatdor shaxslarga yetkazilishini, “O‘zbekiston Respublikasi qonun hujjatlari to‘plami” — “Sobraniye zakonodatelstva Respubliki Uzbekistan”da hamda O‘zbekiston Respublikasi Qonun hujjatlari ma’lumotlari milliy bazasida e’lon qilinishini ta’minlasin.

4. Mazkur buyruq rasmiy e’lon qilingan kundan e’tiboran kuchga kiradi.

5. Mazkur buyruq ijrosini nazorat qilish vazir o‘rinbosari A. Tashkulov zimmasiga yuklansin.

1. 1-band quyidagi tahrirda bayon etilsin:

“1. Malaka komissiyalari:

notarial idorada kamida bir yil stajirovka o‘tagan;

sudyalik lavozimida kamida besh yil ishlagan;

notarius yordamchisi lavozimida kamida uch yil ishlagan;

adliya organlarining notarial faoliyatga rahbarlik qilish va ushbu faoliyatni nazorat qilish bilan bog‘liq lavozimlarida kamida uch yil ishlagan;

malaka imtihonini topshirgan, lekin notarius lavozimida uch yil mobaynida ishlamagan shaxslardan (talabgorlardan) malaka imtihonini qabul qiladilar.”.

2. 9-bandning ikkinchi xatboshisidagi “o‘n besh” degan so‘zlar “yetti” degan so‘z bilan almashtirilsin.

3. 12-bandning o‘n ikkinchi xatboshisidan “, notariuslar tomonidan g‘ayrihuquqiy xatti-harakatlar sodir etilganligi holatini muhokama qilish” degan so‘zlar chiqarib tashlansin.

4. IV bobning nomidagi “Talabgorni” degan so‘z “Stajirovkani o‘tagan talabgorni” degan so‘zlar bilan almashtirsin.

5. 17-band quyidagi tahrirda bayon etilsin:

“17. Stajirovkani o‘tagan talabgor malaka imtihonini topshirgunga qadar Notarius stajorining faoliyatini tashkil etish tartibi to‘g‘risidagi nizomga (ro‘yxat raqami 2149, 2010-yil 20-oktabr) muvofiq stajirovka natijalari bo‘yicha malaka komissiyasiga hisobot beradi.”.

6. 19-band quyidagi tahrirda bayon etilsin:

“19. Malaka komissiyasi stajirovkani o‘tagan talabgorning hisobotini eshitish davomida Notarius stajorining faoliyatini tashkil etish tartibi to‘g‘risidagi nizom (ro‘yxat raqami 2149, 2010-yil 20-oktabr) talablari buzilganlik holatini aniqlasa, bu to‘g‘risida komissiya majlisining bayonnomasida qayd etib o‘tadi. Malaka komissiyasi raisi ushbu holat yuzasidan tegishli choralar ko‘rish, shu jumladan aybdor shaxslarni qonun hujjatlariga muvofiq tegishli javobgarlikka tortish to‘g‘risida adliya boshqarmasi rahbariga taklif kiritadi.”.

7. 21-bandda:

birinchi xatboshidan “stajirovka o‘tagan joydagi” degan so‘zlar chiqarib tashlansin;

beshinchi va to‘qqizinchi xatboshilar chiqarib tashlansin;

oltinchi — o‘ninchi xatboshilar beshinchi — sakkizinchi xatboshilar deb hisoblansin;

sakkizinchi xatboshi quyidagi tahrirda bayon etilsin:

“Mazkur Nizom 1-bandining uchinchi — oltinchi xatboshilarida nazarda tutilgan shaxslardan (talabgorlardan) mazkur bandning yettinchi xatboshisida nazarda tutilgan hujjatlar talab etilmaydi.”.

8. 25-bandning ikkinchi xatboshisidagi “bir yil” degan so‘zlar “olti oy” degan so‘zlar bilan almashtirilsin.

9. 27-bandning ikkinchi xatboshisidagi “o‘n” degan so‘z “besh” degan so‘z bilan almashtirilsin.

10. 32-band quyidagi tahrirda bayon etilsin:

“32. Malaka imtihoni adliya boshqarmasi tomonidan tasdiqlangan ro‘yxatdagi savollardan tuzilgan imtihon biletlari asosida o‘tkaziladi.”.

11. 33-bandda:

uchinchi xatboshi quyidagi tahrirda bayon etilsin:

“uyali telefon va boshqa aloqa hamda telekommunikatsiya vositalari, kitob va shpargalkalardan foydalanish;”;

quyidagi mazmundagi xatboshi bilan to‘ldirilsin:

“Talabgorning mazkur qoidaga amal qilmasligi uni malaka imtihoni topshirishdan chetlashtirish uchun asos bo‘ladi. Ushbu holat komissiya majlisining bayonnomasida aks ettiriladi.”.