Vazirlar Mahkamasining 2004-yil 13-avgustdagi 391-son qaroriga muvofiq hamda Mahalliy xomashyo negizida tayyor mahsulotlar, butlovchi buyumlar va materiallar ishlab chiqarishni mahalliylashtirish dasturini, shu jumladan raqobatbardosh mahsulotlar ishlab chiqarishni taʼminlashda qatnashuvchi korxonalar sonini koʻpaytirish yoʻli bilan, yanada maqbullashtirish maqsadida Vazirlar Mahkamasi qaror qiladi:

1. Mahalliy xomashyo negizida tayyor mahsulotlar, butlovchi buyumlar va materiallar ishlab chiqarishni mahalliylashtirish kompleks dasturini amalga oshirish masalalari boʻyicha maxsus komissiya (Oʻ.T. Sultonov)ning Vazirlar Mahkamasining 2004-yil 14-yanvardagi 18-son qarori 3 va 4-ilovalarini:

tayyor mahsulotlarning yangi turlarini, ular uchun qismlar va butlovchi buyumlar ishlab chiqarishni mahalliylashtirish loyihalarining 1-ilovaga* muvofiq roʻyxati bilan;

xomashyo, komponentlar va sanoat materiallari ishlab chiqarishni mahalliylashtirish loyihalarining 2-ilovaga* muvofiq roʻyxati bilan toʻldirish toʻgʻrisidagi taklifi qabul qilinsin.

2. Belgilansinki, Vazirlar Mahkamasining 2004-yil 14-yanvardagi 18-son qarorining 5-bandida nazarda tutilgan imtiyozlar Mahalliylashtirish dasturiga ushbu qarorning 1-bandiga muvofiq yangidan kiritilgan korxonalarga 2004-yil 1-dekabrdan boshlab tatbiq etiladi.

3. Maxsus komissiya (Oʻ.T. Sultonov)ga Vazirlar Mahkamasining 2004-yil 14-yanvardagi 18-son qaroriga 1—4-ilovalarga kiritilgan loyihalar parametrlariga tuzatishlar kiritish huquqi berilsin.

4. Vazirlar Mahkamasining 2004-yil 14-yanvardagi 18-son qaroriga va 2004-yil 13-avgustdagi 391-son qaroriga (Oʻzbekiston Respublikasi QT, 2004-y., 8-son, 82-modda) 3-ilovaga muvofiq qoʻshimchalar va oʻzgartirishlar kiritilsin.

5. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari Oʻ.T. Sultonov zimmasiga yuklansin.

1. Vazirlar Mahkamasining “2004-2005-yillar davrida mahalliy xomashyo negizida tayyor mahsulotlar, butlovchi buyumlar va materiallar ishlab chiqarishni mahalliylashtirish dasturini amalga oshirishga doir qoʻshimcha chora-tadbirlar toʻgʻrisida” 2004-yil 14-yanvardagi 18-son qarorida:

a) 1-ilovada:

“Faoliyat koʻrsatayotgan ishlab chiqarishlar” boʻlimidagi 8, 19 va 27-pozitsiyalar chiqarib tashlansin;

“Yangi ishlab chiqarishlar” boʻlimidagi 7-pozitsiya chiqarib tashlansin;

b) 2-ilovadagi 12, 15, 17, 19, 20 va 21-pozitsiyalar chiqarib tashlansin;

v) 3-ilovada:

26, 81-pozitsiyalar hamda 58-pozitsiyadagi “Quvasoysement” AJ loyihasi chiqarib tashlansin;

9-ustunning 39-qatoridagi “10” raqami “0” raqami bilan almashtirilsin;

g) 4-ilovada:

22 va 25-pozitsiyalar chiqarib tashlansin;

10-ustunning 19-qatoridagi “5,1” raqami “0” raqami bilan almashtirilsin;

d) 6-ilovadagi “Vazirlar Mahkamasining Tashqi iqtisodiy aloqalar va xorijiy investitsiyalar departamenti boshligʻi, komissiya kotibi”, “Vazirlar Mahkamasi kompleksi kotibiyati mudiri oʻrinbosari” hamda “Vazirlar Mahkamasining Tashqi iqtisodiy aloqalar va xorijiy investitsiyalar departamenti bosh mutaxassisi” soʻzlari tegishli ravishda “Vazirlar Mahkamasining Tashqi aloqalar masalalari axborot-tahlil departamenti mudiri, komissiya kotibi”, “Vazirlar Mahkamasining Yoqilgʻi-energetika kompleksi, kimyo, metallurgiya va mashinasozlik masalalari axborot-tahlil departamenti bosh mutaxassisi” hamda “Vazirlar Mahkamasining Tashqi aloqalar masalalari axborot-tahlil departamenti yetakchi mutaxassisi” soʻzlari bilan almashtirilsin.

2. Vazirlar Mahkamasining “Mahalliy xomashyo negizida tayyor mahsulotlar, butlovchi buyumlar va materiallar ishlab chiqarishni mahalliylashtirish dasturiga tuzatishlar kiritish tartibi toʻgʻrisidagi nizomni tasdiqlash haqida” 2004-yil 13-avgustdagi 391-son qaroriga ilovada:

a) 3-banddagi “Tashqi iqtisodiy aloqalar va xorijiy investitsiyalar departamentiga” soʻzlari “Tashqi aloqalar masalalari axborot-tahlil departamentiga” soʻzlari bilan almashtirilsin;

b) 10-bandning birinchi va ikkinchi xatboshidagi “(parametrlariga)” soʻzi chiqarib tashlansin;

v) 10-bandga quyidagi mazmundagi xatboshi qoʻshilsin:

“Mahalliylashtirish dasturi loyihalari parametrlariga tuzatishlar kiritish Maxsus komissiya raisi tomonidan tasdiqlangan Maxsus komissiya protokoli asosida amalga oshiriladi”.