O‘zbekiston Respublikasi Prezidentining “2018-yilga mo‘ljallangan investitsiya va infratuzilma loyihalarini tasdiqlash to‘g‘risida” 2018-yil 3-fevraldagi PQ-3507-son qaroriga muvofiq hamda mavjud konlardan ruda qazib olish hajmlarini ko‘paytirish hisobiga qimmatbaho metallar ishlab chiqarishning barqaror o‘sishini ta’minlash maqsadida Vazirlar Mahkamasi qaror qiladi:
1. “Muruntov” konini o‘zlashtirish V-navbati) 1-bosqichi” investitsiya loyihasini (keyingi o‘rinlarda investitsiya loyihasi deb ataladi) amalga oshirish doirasida quyidagilar:
a) umumiy qiymati 733,9 mln AQSh dollariga teng bo‘lgan investitsiya loyihasining texnik-iqtisodiy asosi ishlab chiqilganligi hamda uning O‘zbekiston Respublikasi Prezidenti huzuridagi Loyiha boshqaruvi milliy agentligi huzuridagi Loyihalar va import kontraktlarini kompleks ekspertiza qilish markazi DUKda belgilangan tartibda ekspertizadan o‘tkazilganligi;
b) “Muruntov” konining IV-navbati konturida tarkibida oltin mavjud bo‘lgan rudalarning kamayib ketayotgan zaxiralarini to‘ldirish hamda “Navoiy KMK” davlat korxonasining ishlab chiqarish quvvatlaridan foydalanish ta’minlanayotganligi;
maxsus investitsiya hisob raqamidagi mablag‘lar hisobiga 445,9 mln. AQSh dollariga teng summadagi “Navoiy KMK” davlat korxonasining o‘z mablag‘lari;
O‘zbekiston Respublikasi Tiklanish va taraqqiyot jamg‘armasining O‘zbekiston Respublikasi Tashqi iqtisodiy faoliyat milliy banki orqali qayta moliyalashtiriladigan, 10 yil muddatga beriladigan, shu jumladan imtiyozli davri 3 yil, foiz stavkasi yiliga 2,0 foiz, shu jumladan bankning qayta moliyalashtirish marjasi yiliga 0,25 foiz bo‘lgan, hisoblanadigan foizlar investitsiya loyihasini amalga oshirish davrida kapitallashtiriladigan 288,0 mln. AQSh dollari miqdoridagi krediti moliyalashtirish manbalari etib belgilanganligi ma’lumot uchun qabul qilinsin.
“Navoiy KMK” davlat korxonasi qarz oluvchi va investitsiya loyihasining amalga oshirilishi, O‘zbekiston Respublikasi Tiklanish va taraqqiyot jamg‘armasining mablag‘lari maqsadli va samarali foydalanilishi uchun mas’ul bo‘lgan ijro etuvchi organ hisoblanadi;
jalb etiladigan kreditni qoplash va unga xizmat ko‘rsatish bilan bog‘liq xarajatlar “Navoiy KMK” davlat korxonasining o‘z mablag‘lari hisobiga amalga oshiriladi.
“Muruntov” konini o‘zlashtirish (V-navbati) 1-bosqichi” investitsiya loyihasining texnik-iqtisodiy asoslanishining asosiy texnik-iqtisodiy parametrlari 1 -ilovaga* muvofiq;
“Muruntov” konini o‘zlashtirish (V-navbati) 1-bosqichi” investitsiya loyihasi bo‘yicha O‘zbekiston Respublikasi Tiklanish va taraqqiyot jamg‘armasi kreditini qaytarishning prognoz jadvali 2-ilovaga* muvofiq tasdiqlansin.
* Ilovalar rus tilidagi matnda berilgan.
4. O‘zbekiston Respublikasi Qurilish vazirligi investitsiya loyihasini amalga oshirish doirasida qurilish-montaj ishlarining bajarilishi sifati yuzasidan belgilangan tartibda davlat arxitektura-qurilish nazoratini ta’minlasin.
5. O‘zbekiston Respublikasi Davlat geologiya va mineral resurslar qo‘mitasi huzuridagi kon-geologiya faoliyatini nazorat qilish inspeksiyasi yer qa’ridan foydalanuvchi tomonidan qonun hujjatlariga, yer qa’rini geologik o‘rganish, foydali qazilmalarni qazib olish yuzasidan belgilangan normalar va qoidalarga, shuningdek, kon ishlarining geologik-marksheyderlik ta’minotiga rioya etilishini nazorat qilsin.
6. Mazkur qarorning bajarilishini nazorat qilish O‘zbekiston Respublikasi Bosh vazirining o‘rinbosari A.S. Sultanov, O‘zbekiston Respublikasi Bosh vazirining o‘rinbosari — O‘zbekiston Respublikasi Investitsiyalar bo‘yicha davlat qo‘mitasi raisi S.R. Xolmuradov hamda “Navoiy KMK” davlat korxonasining bosh direktori Q.S. Sanaqulov zimmasiga yuklansin.