Geodeziya va kartografiya boshqarmasi faoliyatini tashkil etish maqsadida Vazirlar Mahkamasi qaror qiladi:

1. Ilova qilingan quyidagilar tasdiqlansin:

O‘zbekiston Respublikasi Davlat geodeziya nazorati haqida Nizom;

5. Geodeziya va kartografiya boshqarmasining manzilgohi “Tabiat” davlat markazi O‘zbekiston filialining binosi, Toshkent shahar, Chilonzor mavzesi, “S” dahasi, 56-uy, deb belgilansin.

9. O‘zbekiston Respublikasi vazirliklari, idoralari, Qoraqalpog‘iston Respublikasi Vazirlar Kengashi, hokimliklar, korxonalar, tashkilotlar, kimning tasarrufida ekanligi va mulkiy egaligidan qat’i nazar, topografiya-geodeziya va kartografiya ishlarini olib borishda O‘zbekiston Respublikasi Davlat geodeziya nazorati haqidagi Nizomga amal qilsinlar.

1. O‘zbekiston Respublikasida davlat geodeziya nazorati O‘zbekiston Respublikasi Vazirlar Mahkamasi huzuridagi Geodeziya, kartografiya va davlat kadastri bosh boshqarmasi tizimiga kiruvchi O‘zbekiston Respublikasi Geodeziya nazorati davlat inspeksiyasi tomonidan amalga oshiriladi.

O‘zbekiston Respublikasi Geodeziya nazorati davlat inspeksiyasi o‘z faoliyatida “Geodeziya va kartografiya to‘g‘risida”gi O‘zbekiston Respublikasi Qonuniga, boshqa qonun hujjatlariga, mazkur Nizomga amal qiladi.

2. O‘zbekiston Respublikasi Geodeziya nazorati davlat inspeksiyasi boshlig‘i lavozimiga ko‘ra O‘zbekiston Respublikasi Geodeziya nazorati bosh davlat inspektori hisoblanadi, uning o‘rinbosarlari esa — O‘zbekiston Respublikasi Geodeziya nazorati bosh davlat inspektorining o‘rinbosari hisoblanadilar.

O‘zbekiston Respublikasi Geodeziya nazorati davlat inspeksiyasining nihoyasiga yetkazilgan topografiya-geodeziya, kartografiya va kadastr ishlarini nazorat qilish va qabul qilishni amalga oshiruvchi xodimlari geodeziya nazorati davlat inspektorlari hisoblanadilar.

3. Quyidagilar Geodeziya nazorati davlat inspeksiyasining asosiy vazifalari hisoblanadi:

geodeziya va kartografiya faoliyati barcha subyektlarining me’yoriy-texnik hujjatlar talablariga rioya etishlarini nazorat qilish;

kartografiya rejalarida va boshqa hujjatlarda O‘zbekiston Respublikasi davlat chegaralari va hududining to‘g‘ri ifodalanishini nazorat qilish;

geodeziya va kartografiya ishlarini ro‘yxatdan o‘tkazish;

geodeziya punktlarini hisobga olish;

davlat kartografik-geodeziya fondining faoliyat ko‘rsatishini ta’minlash;

O‘zbekiston Respublikasining doimiy ma’lumotnoma xaritasini yuritish.

4. O‘zbekiston Respublikasi Geodeziya nazorati davlat inspeksiyasi o‘ziga yuklatilgan vazifalarga muvofiq:

qaysi idoraga bo‘ysunishlaridan qat’i nazar, korxonalar, muassasalar va tashkilotlar tomonidan bajariladigan topografiya-geodeziya, kartografiya, muhandislik-geodeziya, aero suratga olish (jumladan, muhandislik, yer osti kommunikatsiyalari va makonlarni grafik suratga olish) ishlarining tashkil etilishi, qo‘yilishi, ularning texnik darajasi va sifatini, ular tomonidan ishlarni bajarishda va geodezik ma’lumotlar, materiallar, rejalar va xaritalar, kosmik va aero suratlardan foydalanishda me’yoriy hujjatlarga rioya qilinishini nazorat qilishni;

ishlarni olib borishning belgilangan tartibiga va geodeziya, kartografiya sohasida amaldagi me’yoriy hujjatlar va davlat standartlari talablariga rioya qilinishini nazorat qilishni amalga oshiradi;

natijalarni xalq xo‘jaligi tarmoqlarida va mudofaa ehtiyojlari uchun foydalanishi kerak bo‘lgan tugallangan topografiya-geodeziya, muhandislik-geodeziya ishlarini davlat yo‘li bilan qabul qilib oladi;

qo‘llanilayotgan metodika va texnologiyalarning zamonaviy texnik darajaga mos kelishini hamda loyihalashtirilayotgan ishlardagi boshlang‘ich ma’lumotlar va materiallarni hisobga olishning to‘laligini tekshirish maqsadida topografiya-geodeziya va muhandislik-geodeziya, kartografiya ishlari bajarilishining texnik loyihalari (dasturlari) ni nazorat qilishni amalga oshiradi. Mulkchilik shakllaridan qat’i nazar, korxonalar, muassasalar va tashkilotlarga bu ishlarni bajarish uchun oldingi yillardagi ishlar bo‘yicha boshlang‘ich geodeziya ma’lumotlari va materiallarni, topografik kartalar hamda kadastr rejalarini, shuningdek, o‘rganilgan topografiya-geodeziya, aero suratga olingan va kadastr materiallardan foydalanishga ruxsat beradi;

topografiya-geodeziya, muhandislik-geodeziya, kartografiya va kadastr ishlarining bajarilishi ixtisoslashtirilgan tashkilotlarda jamlanishini nazorat qiladi, O‘zbekiston Respublikasining barcha hududida topografiya-geodeziya, muhandislik-geodeziya, kartografiya ishlarini bajaruvchi korxonalar va tashkilotlarning hisobini olib boradi;

turli viloyatlar, tumanlar, shaharlar, aholi yashash joylari va sanoat majmualari hududlarining topografiya-geodeziya, kartografiya jihatidan o‘rganilishning ahvolini va tashkilotlar tomonidan topografiya-geodeziya, kartografiya ishlarida koordinatlar va balandliklarning davlat hamda mahalliy tizimlarning qo‘llanilishini nazorat qiladi;

geodeziya punktlarining saqlanishini ta’minlash bo‘yicha chora-tadbirlarning bajarilishini hamda amaldagi qonunchilik va yo‘riqnomalarga muvofiq ularning tiklanishini nazorat qiladi, respublikadagi geodeziya punktlarini hisobga olib boradi;

bosib chiqarilayotgan kartalar va atlaslarda Davlat chegaralari, shelf chegaralari, viloyatlar va tumanlar, shaharlar va shaharchalar ma’muriy chegaralarining grafik jihatidan to‘g‘ri chizilishini, xorijiy davlatlar va boshqa elementlarning xaritalar hamda atlaslarning saqlashini, shuningdek, aholi yashash joylari va geografik obyektlarning to‘g‘ri nomlanishi va aniq ifodalanishini nazorat qilishni amalga oshiradi;

mulkchilik shakllaridan qat’i nazar, korxonalar, muassasalar va tashkilotlar tomonidan xaritalar, rejalar va atlaslarni tuzish va bosib chiqarish (ko‘paytirish) ning belgilangan tartibiga rioya etilishini nazorat qiladi;

topografiya-geodeziya ishlari bajariladigan uchastkalarni bevosita tadqiq etish va texnik hamda loyiha-smeta hujjatlarini tekshirish yo‘li bilan topografiya-geodeziya ishlarining barcha turlari bo‘yicha materiallar va hujjatlarni nazorat qiladi; bu ishlar va kosmik suratlarning hisobga olinishi, saqlanishi, ko‘paytirilishi va ulardan foydalanilishi ahvolini tekshiradi, tekshirish natijalari bo‘yicha xulosalar (dalolatnomalar) tuzadi, tegishli korxonalar, muassasalar va tashkilotlar ma’muriyatlari ular bilan albatta tanishtiradi;

korxonalar, muassasalar va tashkilotlarda geodeziya punktlari, texnik hisobotlar, topografiya va topografiya rejalari koordinatlari jamg‘arilishini nazorat qiladi, ushbu fondlarning geodeziya nazorati inspeksiyasi bilan tegishlicha kelishuvsiz to‘planishiga yo‘l qo‘ymaydi;

topografiya-geodeziya, kartografiya ishlari bajarilishida xalq xo‘jaligi tarmoqlarining joriy va istiqboldagi ehtiyojlarini o‘rganadi, materiallar va ma’lumotlar bilan ta’minlaydi, vazirliklarda, davlat qo‘mitalarida va idoralarda, korxonalar va muassasalarda bu ishlarni rejalashtirishda qatnashadi, xalq xo‘jaligida va mudofaa ehtiyojlari uchun ko‘p maqsadli foydalanish manfaatlari yo‘lida, shuningdek, parallellik va bir-birini takrorlashga yo‘l qo‘ymaslik maqsadida ularning bajarilishini muvofiqlashtirib boradi;

topografiya-geodeziya, muhandislik-geodeziya va kartografiya ishlarini yuritish masalalari bo‘yicha, shu jumladan, ishlar va aerokosmik suratlarning natijalari bo‘yicha olingan ma’lumotlarni va materiallarni tayyorlash, hisobga olish, saqlash va ulardan foydalanish tartibini belgilovchi hamma uchun majburiy bo‘lgan yo‘riqnomalar, me’yorlar, qoidalar, standartlar va boshqa me’yoriy hujjatlarni ishlab chiqishda qatnashadi;

vazirliklar, idoralar, mulkchilik shaklidan qat’i nazar, korxonalar, muassasalar va tashkilotlar tomonidan topografiya-geodeziya, kartografiya ishlarining qo‘yilishi, tashkil etilishi, nazorat qilinishi va qabul qilinishi hamda ishlar va materiallar ma’lumotlaridan foydalanishga daxldor bo‘lgan majburiy tartibda taqdim etiladigan idoralarga qarashli yo‘riqnomalarni, normativ hujjatlarni, qoidalarni, dalolatnomalarni va tarmoq standartlarni ko‘rib chiqadi;

topografiya-geodeziya, kartografiya ishlarini bajarish uchun normativ-texnik hujjatlarni, yo‘riqnomalar va standartlarni belgilangan tartibda kelishib oladi;

O‘zbekiston Respublikasi hududida o‘tkaziladigan topografiya-geodeziya va kadastr ishlarini hisobga olishni va inspeksiyaning arxiv fondida ro‘yxatdan o‘tkazishni, xalq xo‘jaligida foydalanish uchun bu ishlar va aerokosmik suratga olishlar natijalari bo‘yicha ma’lumotlar va materiallarni yig‘ish, tizimlashtirish, saqlash va tarqatishni amalga oshiradi, vazirliklar, davlat qo‘mitalari, idoralar, korxonalar, muassasalar va tashkilotlarni zarur axborotlar bilan ta’minlaydi;

geodezik punktlar va geografik obyektlar koordinatlarini, kosmik va aerosuratlar, xaritalar, atlaslar, joylarning yoki ko‘rgazmalarda va televideniyeda namoyish qilish mumkinligi to‘g‘risida korxonalar, muassasalar va tashkilotlarga xulosalar beradi;

geodezik o‘lchovlar, texnologiyalar, ilg‘or tajriba va standartlashtirish birligini ta’minlash uchun topografiya-kartografiya va kadastr ishlarini bajarishda yagona texnika siyosatini va ularga metodik rahbarlikni amalga oshiradi;

Davlat kartografiya-geodeziya va kadastr fondi hujjatlarini tanlash, to‘ldirish, hisobga olish, saqlash va yo‘q qilish bo‘yicha korxonalar, muassasalar va tashkilotlar faoliyatiga uslubiy rahbarlikni amalga oshiradi.

5. Davlat geodeziya nazoratini amalga oshirish, topografiya-geodeziya va kartografiya ishlarini qabul qilish va nazorat qilish tartibi manfaatdor vazirliklar, davlat qo‘mitalari va idoralar bilan kelishilgan holda Vazirlar Mahkamasi huzuridagi Geodeziya, kartografiya va davlat kadastri bosh boshqarmasi (“O‘zdavkadastr”)” tomonidan tasdiqlanadigan davlat geodeziya nazorati to‘g‘risidagi yo‘riqnoma bilan tartibga solinadi.

6. O‘zbekiston Respublikasi geodeziya nazorati Davlat inspeksiyasiga quyidagi huquqlar beriladi;

xalq xo‘jaligini zarur materiallar bilan o‘z vaqtida ta’minlash hamda ishlarning parallelligi va bir-birini takrorlashiga yo‘l qo‘ymaslik maqsadida vazirliklar, davlat qo‘mitalari, idoralar, korxonalar, muassasalar va tashkilotlardan topografiya-geodeziya va kartografiya ishlarining istiqbol rejalarini so‘rash va olish;

vazirliklar, davlat qo‘mitalari, idoralar, korxonalar, muassasalar va tashkilotlardan topografiya-geodeziya va kartografiya ishlarini tayyorlash, shuningdek, bu ishlar bo‘yicha ma’lumotlar va materiallarni tayyorlash, hisobga olish, saqlash, ko‘paytirish va ulardan foydalanishga tegishli normativ-texnik hujjatlarni so‘rash va kelishish uchun olish;

topografiya-geodeziya va kartografiya ishlari bajarilishini, agar ular ruxsatsiz yoki hamma uchun majburiy bo‘lgan normativ hujjatlar talablari buzilgan holda o‘tkazilayotgan bo‘lsa, to‘xtatib qo‘yish, bunday hollarda davlat geodeziya nazorati inspeksiyasi ruxsatnomani olib qo‘yadi hamda yuqori tashkilotlarni va mablag‘ bilan ta’minlovchi banklarni ular tomonidan zarur choralar ko‘rilishi uchun xabardor qiladi;

bajarilgan ishlar bo‘yicha kartogrammalar, ma’lumotlar va materiallarni hisobga olish va hududning topografik-geodezik o‘rganilishini tahlil qilish uchun, shuningdek, tarmoqlararo davlat topografiya-geodeziya arxiv fondini to‘ldirish uchun korxonalar, muassasalar va tashkilotlar tomonidan, ularning idoraviy bo‘ysunishidan qat’i nazar, kartogrammalar, ma’lumotlar va materiallarning o‘z vaqtida taqdim etilishini talab qilish;

idoraviy bo‘ysunishidan qat’i nazar, korxonalar, muassasalar va tashkilotlarning rahbarlari va boshqa mansabdor shaxslariga topografiya-geodeziya va kartografiya ishlarini o‘tkazish uchun mas’ul shaxslar sifatida bu ishlarni olib borish texnologiyasi va tartibidagi, shuningdek, bu ishlar va aerokosmik suratga olishlar natijalari bo‘yicha ma’lumotlar va materiallarni to‘plash, hisobga olish, saqlash, ko‘paytirish va ulardan foydalanishdagi kamchiliklarni bartaraf etish yuzasidan ko‘rsatmalar berish;

korxonalar, muassasalar va tashkilotlar rahbarlarining roziligi bilan davlat geodeziya nazoratini amalga oshirish bilan bog‘liq tugallangan topografiya-geodeziya va kartografiya ishlari va tekshirishlarini qabul qilib olish uchun mutaxassislarni jalb etish;

korxonalar, muassasalar va tashkilotlarning topografiya-geodeziya va kartografiya ishlarini bajarishga doir faoliyati natijalarini tahlil etish va umumlashtirish, tegishli vazirliklar, davlat qo‘mitalari va idoralarga takliflar kiritish va ko‘rsatib o‘tilgan ishlarning texnologiyasini tashkil etish, tannarxini pasaytirish ularning sifatini oshirish, shuningdek, bu ishlarning ma’lumotlari va materiallarini to‘plash, hisobga olish, saqlash, ko‘paytirishni va ulardan foydalanishni yaxshilash yuzasidan belgilangan tartibda kengash chaqirish;

korxonalar, muassasalar va tashkilotlar o‘rtasida topografiya-geodeziya va kartografiya ishlarini bajarish tartibi va bu ishlarning materiallaridan foydalanish masalalari bo‘yicha paydo bo‘ladigan nizolarni hal etish.

topografiya-geodeziya ishlarini bajarish huquqini berish uchun ruxsatnoma (litsenziya)lar berish yuzasidan takliflar kiritish.

Davlat geodeziya nazoratining mansabdor shaxslari qonunchilikda nazarda tutilgan huquqlarga egadirlar.

7. O‘zbekiston Respublikasi geodeziya nazorati Davlat inspeksiyasi o‘ziga yuklatilgan vazifalarni o‘z vaqtida va to‘g‘ri amalga oshirish uchun, topografiya-geodeziya va kartografiya ishlarini olib borishni, bu ishlar bo‘yicha ma’lumotlar va materiallarni to‘plash, hisobga olish, saqlash, ko‘paytirish va ulardan foydalanish bilan bog‘liq masalalarning obyektiv ko‘rib chiqilishi uchun javob beradi, davlat manfaatlariga qat’iy rioya qilinishini ta’minlaydi.

8. Topografiya-geodeziya va kartografiya ishlarini amalga oshiruvchi yoki bu ishlar va kosmik suratga olishlar ma’lumotlari va materiallaridan foydalanuvchi korxonalar, muassasalar va tashkilotlar (ularning idoraviy bo‘ysunishidan qat’i nazar)ning rahbarlari nazorat qiluvchi shaxslarga-geodeziya nazorati davlat inspektorlariga tekshirishlarni tashkil etish va o‘tkazish uchun zarur sharoitlar (avtotransport, xizmat binolari, aloqa vositalari bilan ta’minlash)ni yaratib berishga, shuningdek, ularga ishlab chiqarish-texnika va loyiha-smeta hujjatlari taqdim etishga hamda davlat geodeziya nazorati inspeksiyasi vakolatiga kiruvchi masalalar bo‘yicha tushuntirish berishga majburdirlar.

9. Mazkur Nizomning amal qilishi O‘zbekiston Respublikasi Mudofaa ishlari vazirligi va O‘zbekiston Respublikasi Milliy xavfsizlik xizmatiga tatbiq etilmaydi.

10. O‘zbekiston Respublikasi geodeziya nazorati Davlat inspeksiyasining faoliyati respublika budjeti mablag‘lari hisobidan mablag‘ bilan ta’minlanadi.

11. O‘zbekiston Respublikasi geodeziya nazorati Davlat inspeksiyasi O‘zbekiston Respublikasi Davlat gerbi tasviri tushirilgan va o‘z nomi o‘zbek va rus tillarida yozilgan muhrga ega bo‘ladi.

12. O‘zbekiston Respublikasi geodeziya nazorati Davlat inspeksiyasini qayta tashkil etish va tugatish qonunchilik bilan belgilangan tartibda amalga oshiriladi.