Oʻzbekiston Respublikasi Oliy Kengashi Rayosatining “Navoiy viloyatini qayta tashkil etish toʻgʻrisida” 1992-yil 27-yanvardagi qaroriga muvofiq Vazirlar Mahkamasi qaror qiladi:

1. Navoiy, Buxoro va Samarqand viloyatlari hokimlari Oʻzbekiston Respublikasining manfaatdor vazirliklari va idoralari bilan birgalikda 1992-yilning 15-martigacha belgilangan tartibda asosiy ijtimoiy-iqtisodiy parametrlar yuzasidan boʻlinish vedomostlarini rasmiylashtirsinlar va Vazirlar Mahkamasiga taqdim qilsinlar.

2. Navoiy viloyati hokimi bir oy muddat ichida Navoiy viloyati hokimligining tegishli qoʻmitalarini, boshqarmalarini, boʻlimlari va boshqa tarkibiy boʻlinmalarini shakllantirish va toʻldirishni taʼminlasin.

3. Oʻzbekiston Respublikasi vazirliklari va idoralari Navoiy viloyati hokimi bilan kelishuvga koʻra, belgilangan tartibda Navoiy shahrida ilovaga muvofiq viloyat tashkilotlarini tuzsinlar, shuningdek, tasarruflaridagi tashkilotlarni zarur transport, mebel, jihozlar va asbob-uskunalar bilan taʼminlasinlar.

4. Navoiy viloyati davlat hokimiyati va boshqaruv organlari xodimlari haq toʻlash shartlari boʻyicha viloyatlarning II guruhiga kiritilsin.

5. Oʻzbekiston Respublikasi Moliya vazirligi Navoiy viloyati hokimi huzuridagi apparatni, tasdiqlangan tuzilmaga koʻra uning qoʻmitalarini, boshqarmalari va boʻlimlarining xodimlari sonini va ular uchun mablagʻ ajratish masalasini hal qilsin.

6. Navoiy viloyati hokimiga hokimlikning, uning qoʻmitalari, boshqarmalari va boʻlimlarining avtotransportini saqlash uchun garaj tashkil qilishga ruxsat berilsin.

Oʻzbekiston Respublikasi Moliya vazirligi koʻrsatilgan avtotransportni saqlash uchun zarur limit ajratsin.

7. Navoiy viloyati hokimi oʻn kun muddat ichida Oʻzbekistonning taraqqiyot istiqbolini belgilash qoʻmitasiga va Oʻzbekiston Respublikasi Moddiy-texnika taʼminoti davlat-kooperativ qoʻmitasiga zarur mebel, tashkiliy texnika, jihozlar, asbob-uskunalar va avtotransport uchun limitlar ajratish yuzasidan tegishli hisob-kitoblar bilan talabnomalarni taqdim etsin.

Oʻzbekistonning taraqqiyot istiqbolini belgilash qoʻmitasi va Oʻzbekiston Respublikasi Moddiy-texnika taʼminoti davlat-kooperativ qoʻmitasi bir oy muddat ichida taqdim qilingan talabnomalarni koʻrib chiqsinlar va ularga muvofiq limitlar ajratsinlar.

8. Mazkur qarorning bajarilishini nazorat qilish Umumiqtisodiyot kompleksiga va Oʻzbekiston Respublikasi Prezidenti apparati Ishlar Boshqarmasiga yuklatilsin.

Navoiy viloyati hokimi huzuridagi apparat

Viloyat taraqqiyotni belgilash hamda ishlab chiqarish kuchlarini joylashtirish va iqtisodiyotni muvofiqlashtirish boshqarmasi

Sogʻliqni saqlash boʻlimi

Ijtimoiy taʼminot boʻlimi

Shaharsozlik va meʼmorchilik boshqarmasi

Xalq taʼlimi boshqarmasi

Kapital qurilish boshqarmasi

Mehnat, ish bilan bandlik va aholini himoya qilish boshqarmasi

Jismoniy tarbiya va sport qoʻmitasi

Madaniyat boshqarmasi

Viloyat davlat arxivi

Adliya boshqarmasi

Viloyat sudi

Viloyat moliya boʻlimi

Viloyat televideniye va radioeshittirish qoʻmitasi

Viloyat fuqarolik holati hujjatlarini yozish (ZAGS) boʻlimi

Viloyat hakamlik sudi

Viloyat soliq boshqarmasi

Viloyat notarial idorasi

Viloyat davlat nazorati qoʻmitasi

Tabiatni muhofaza qilish qoʻmitasi

Fuqaro mudofaasi shtabi

Ichki ishlar boshqarmasi

Viloyat prokurori

Viloyat harbiy komissarligi

Milliy xavfsizlik xizmati boshqarmasi

Oʻzbekiston Respublikasi davlat mulkini boshqarish va xususiylashtirish qoʻmitasining hududiy boshqarmasi

Savdo boshqarmasi

Maishiy xizmat koʻrsatish boshqarmasi

Xalq isteʼmoli mollari ishlab chiqarish birlashmasi

Avtomobil transporti ishlab chiqarish birlashmasi

Avtomobil yoʻllari ishlab chiqarish birlashmasi

Uy-joy-kommunal xoʻjaligi birlashmasi

Nashriyot, matbaa va kitob savdosi boshqarmasi

Yoʻllardan foydalanish boshqarmasi

Neft mahsulotlari ishlab chiqarish birlashmasi

Aloqa ishlab chiqarish birlashmasi

Hududiy moddiy-texnika taʼminoti birlashmasi

Viloyat statistika boshqarmasi

Gazlashtirish boʻyicha ishlab chiqarish boshqarmasi