Oldingi tahrirga qarang.
(qaror nomi O‘zbekiston Respublikasi Vazirlar Mahkamasining 2019-yil 19-iyundagi 515-sonli qarori tahririda — Qonun hujjatlari ma’lumotlari milliy bazasi, 20.06.2019-y., 09/19/515/3318-son)
“Muhofaza etiladigan tabiiy hududlar to‘g‘risida”gi O‘zbekiston Respublikasining Qonunini amalga oshirish, shuningdek Ugom-Chotqol davlat milliy tabiat bog‘i va uning tarkibiga kiruvchi Chotqol davlat biosfera qo‘riqxonasi hamda Burchmulla va Ohangaron davlat o‘rmon xo‘jaliklari faoliyatini tubdan takomillashtirish maqsadida Vazirlar Mahkamasi qaror qiladi:
1. Ugom-Chotqol davlat milliy tabiat bog‘i va uning tarkibiga kiruvchi Chotqol davlat biosfera qo‘riqxonasi, Burchmulla va Ohangaron davlat o‘rmon xo‘jaliklari O‘zbekiston Respublikasi Prezidentining “O‘zbekiston Respublikasi O‘rmon xo‘jaligi davlat qo‘mitasi faoliyatini tashkil etish to‘g‘risida” 2017-yil 11-maydagi PQ-2966-son qarori bilan O‘zbekiston Respublikasi O‘rmon xo‘jaligi davlat qo‘mitasi tizimiga o‘tkazilganligi ma’lumot uchun qabul qilinsin.
2. O‘zbekiston Respublikasi O‘rmon xo‘jaligi davlat qo‘mitasi va Toshkent viloyati hokimligining Ugom-Chotqol davlat milliy tabiat bog‘i va uning tarkibiga kiruvchi Chotqol davlat biosfera qo‘riqxonasi, Burchmulla va Ohangaron davlat o‘rmon xo‘jaliklari faoliyati va mavjud shtat birliklarini Toshkent viloyati mahalliy budjeti mablag‘lari hisobidan moliyalashtirish haqidagi taklifi ma’qullansin.
Burchmulla va Ohangaron davlat o‘rmon xo‘jaliklari tomonidan Vazirlar Mahkamasining 2017-yil 19-iyuldagi 530-son qaroriga muvofiq O‘zbekiston Respublikasi O‘rmon xo‘jaligi davlat qo‘mitasining O‘rmon xo‘jaligini rivojlantirish jamg‘armasiga yo‘naltiriladigan mablag‘lar intensiv ko‘chatxona va issiqxonalarni tashkil etish, mavjud o‘rmonzorlarni muhofaza qilish hamda ko‘paytirish, ekoturizmni rivojlantirish, ishchi-xodimlarni moddiy rag‘batlantirish, moddiy-texnik bazasini mustahkamlash maqsadida ushbu o‘rmon xo‘jaliklarining o‘z hisobida qoldiriladi;
Burchmulla va Ohangaron davlat o‘rmon xo‘jaliklarining yil yakuni bo‘yicha olgan sof foydasining 50 foizi O‘zbekiston Respublikasi O‘rmon xo‘jaligi davlat qo‘mitasining O‘rmon xo‘jaligini rivojlantirish jamg‘armasiga yo‘naltiriladi.
Oldingi tahrirga qarang.
(4-bandning to‘rtinchi va beshinchi xatboshilari O‘zbekiston Respublikasi Vazirlar Mahkamasining 2019-yil 19-iyundagi 515-sonli qaroriga asosan chiqarilgan — Qonun hujjatlari ma’lumotlari milliy bazasi, 20.06.2019-y., 09/19/515/3318-son)
Oldingi tahrirga qarang.
Ugom-Chotqol davlat milliy tabiat bog‘i, Burchmulla va Ohangaron davlat o‘rmon xo‘jaligi xodimlari mehnatiga haq to‘lash tartibi 5-ilovaga muvofiq tasdiqlansin.
(4-bandning oltinchi xatboshisi O‘zbekiston Respublikasi Vazirlar Mahkamasining 2019-yil 19-iyundagi 515-sonli qarori tahririda — Qonun hujjatlari ma’lumotlari milliy bazasi, 20.06.2019-y., 09/19/515/3318-son)
Ugom-Chotqol davlat milliy tabiat bog‘i, Chotqol davlat biosfera qo‘riqxonasi, Burchmulla va Ohangaron o‘rmon xo‘jaliklari shtatlar jadvalini ishlab chiqib tasdiqlasin;
manfaatdor vazirlik va idoralar bilan birgalikda Ugom-Chotqol davlat milliy tabiat bog‘i hududida qo‘shimcha 10 ta post tashkil etish yuzasidan Vazirlar Mahkamasiga taklif kiritsin;
Ekologiya va atrof-muhitni muhofaza qilish davlat qo‘mitasi hamda boshqa manfaatdor vazirliklar va idoralar bilan birgalikda qonun hujjatlariga ushbu qarordan kelib chiqadigan o‘zgartish va qo‘shimchalar to‘g‘risida Vazirlar Mahkamasiga taklif kiritsin.
7. Mazkur qarorning bajarilishini nazorat qilish O‘zbekiston Respublikasi Bosh vazirining o‘rinbosari Z.T. Mirzayev va O‘zbekiston Respublikasi O‘rmon xo‘jaligi davlat qo‘mitasi raisi N.J. Bakirov zimmasiga yuklansin.
1. Ushbu Nizom Ugom-Chotqol davlat milliy tabiat bog‘ining (keyingi o‘rinlarda Tabiat bog‘i deb ataladi) maqsadi, vazifasi, funksiyalari, uning hududi, rejimi va muhofaza qilish tartibini belgilaydi.
2. Tabiat bog‘i hududidagi alohida ekologik, madaniy va estetik ahamiyatga ega bo‘lgan tabiiy obyektlar va komplekslar tabiatni muhofaza qilish, rekreatsion, ilmiy va madaniy maqsadlarda saqlab qolish hamda ulardan foydalanish uchun mo‘ljallangan.
3. Tabiat bog‘i tabiatni muhofaza qilish, rekreatsion, ma’rifiy, ilmiy va madaniy maqsadlarda foydalanishga mo‘ljallangan hamda alohida ekologik tarixiy va estetik ahamiyatga ega bo‘lgan tabiiy obyektlarni saqlab qolish maqsadida tashkil etiladi.
Oldingi tahrirga qarang.
4. Tabiat bog‘i Ohangaron va Burchmulla davlat o‘rmon xo‘jaliklarining o‘rmon fondi hamda boshqa yer egalari va yerdan foydalanuvchilarning yerlarida tashkil topadi.
(4-band O‘zbekiston Respublikasi Vazirlar Mahkamasining 2019-yil 19-iyundagi 515-sonli qarori tahririda — Qonun hujjatlari ma’lumotlari milliy bazasi, 20.06.2019-y., 09/19/515/3318-son)
5. Tabiat bog‘i hududiga tegishli er, suv, yer osti boyliklari, o‘simlik va hayvonot dunyosi, boshqa tabiat obyektlari va komplekslar xo‘jalik yoki boshqa maqsadlarda foydalanishdan to‘liq yoki qisman olib qo‘yiladi va ulardan faqat unda belgilangan rejimga muvofiq foydalaniladi.
Oldingi tahrirga qarang.
Vazirlar Mahkamasi tomonidan qabul qilingan qarorlarni amalga oshirish zarurati munosabati bilan tabiat bog‘ining yer uchastkalarini jamoat ehtiyojlari uchun olib qo‘yishga alohida hollarda “Yer uchastkalarini kompensatsiya evaziga jamoat ehtiyojlari uchun olib qo‘yish tartib-taomillari to‘g‘risida”gi O‘zbekiston Respublikasi Qonunida belgilangan tartibda yo‘l qo‘yiladi.
6. Tabiat bog‘i hududi rejalar va dasturlarni, yer tuzish sxemalarini hamda hududiy rejalashtirishni, shuningdek tabiiy resurslarni muhofaza qilish va ulardan foydalanishga doir boshqa rejalarni ishlab chiqishda hisobga olinadi.
Oldingi tahrirga qarang.
7. Tabiat bog‘i o‘z faoliyatini “Muhofaza etiladigan tabiiy hududlar to‘g‘risida” “Tabiatni muhofaza qilish to‘g‘risida”, “O‘rmon to‘g‘risida”, “O‘simlik dunyosini muhofaza qilish va undan foydalanish to‘g‘risida”, “Hayvonot dunyosini muhofaza qilish va undan foydalanish to‘g‘risida”gi O‘zbekiston Respublikasining qonunlari, boshqa qonunchilik hujjatlari va ushbu Nizomga muvofiq amalga oshiradi hamda o‘z hududida joylashgan boshqa yer egalari, yerdan foydalanuvchilar hamda ijarachilar bilan hamkorlik qiladi.
(7-band O‘zbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik ma’lumotlari milliy bazasi, 05.04.2022-y., 09/22/153/0266-son)
8. Tabiat bog‘i O‘zbekiston Respublikasi O‘rmon xo‘jaligi davlat qo‘mitasi tizimidagi bo‘lgan davlat tabiatni muhofaza qilish muassasasi hisoblanadi.
Oldingi tahrirga qarang.
Toshkent viloyatida o‘rmonlarni barpo etish, ko‘paytirish, qayta tiklash, muhofaza qilish va qo‘riqlash, ulardan oqilona foydalanish bo‘yicha O‘zbekiston Respublikasi Vazirlar Mahkamasining 2017-yil 19-iyuldagi 530-son qarori bilan tasdiqlangan Milliy tabiat bog‘lari va ovchilik xo‘jaliklari to‘g‘risidagi namunaviy nizomga muvofiq yuklatilgan vazifa va funksiyalarni ham bajaradi.
(8-bandning ikkinchi xatboshisi O‘zbekiston Respublikasi Vazirlar Mahkamasining 2019-yil 19-iyundagi 515-sonli qarori tahririda — Qonun hujjatlari ma’lumotlari milliy bazasi, 20.06.2019-y., 09/19/515/3318-son)
9. Tabiat bog‘i O‘zbekiston Respublikasi Davlat gerbi tasvirlangan va o‘z nomi davlat tilida yozilgan muhrga, banklarda o‘z hisob raqamlari, shu jumladan xorijiy valyutadagi hisob raqamlariga ega bo‘ladi.
Boshqa tashkilotlar tabiat bog‘i hududida joylashgan tabiiy va tarixiy-madaniy komplekslar, obyektlar hamda ularning nomlari va ramzlari aks etgan bosma, esdalik va tirajli mahsulotlar, shuningdek, boshqa tovarlarni faqat tabiat bog‘i bilan tuzilgan shartnomaga asosan ishlab chiqaradi.
11. Tabiat bog‘ining davlat tilidagi to‘liq nomi — “Ugom-Chotqol davlat milliy tabiat bog‘i”, rus tilida — “Ugam-Chatkalskiy gosudarstvenniy natsionalniy prirodniy park”, ingliz tilida – “The State National Nature park of “Ugom-Shatkal”.
12. Tabiat bog‘i alohida ekologik, madaniy va estetik ahamiyatga ega bo‘lgan tabiat obyektlari va komplekslarini saqlash va ulardan foydalanish maqsadida tashkil etiladi.
muhofaza etiladigan tabiiy hududlar tizimida (ekologik tarmoqda) O‘zbekiston Respublikasi hududidagi biologik va landshaft xilma-xilligini ta’minlash, ekologik muvozanatni saqlashda ishtirok etish;
rekreatsion, ilmiy va madaniy maqsadlarda tabiiy obyektlar va komplekslardan oqilona va barqaror foydalanishni ta’minlash;
14. Tabiat bog‘i o‘z zimmasiga yuklatilgan vazifalarni amalga oshirishda quyidagi funksiyalarni bajaradi:
a) muhofaza etiladigan tabiiy hududlar tizimida (ekologik tarmoq) O‘zbekiston Respublikasi hududidagi biologik va landshaft xilma-xilligini ta’minlash, ekologik muvozanatni saqlashda ishtirok etish sohasida tabiat bog‘i hududida:
tabiiy obyektlar va komplekslar, jumladan, noyob va yo‘qolib borayotgan o‘simlik va hayvonlar turlarini qo‘riqlash, takror ko‘paytirish va himoya qilish ishlarini tashkil etadi;
yuridik va jismoniy shaxslarning tabiatni muhofaza qilishga oid qonunchilik talablari, tabiatdan foydalanishga doir normalar va qoidalarga rioya etilishini nazorat qiladi;
ekologik-ma’rifiy faoliyatni amalga oshiradi, aholi o‘rtasida ekologik ta’lim-tarbiya ishlariga ko‘maklashadi;
b) rekreatsion, ilmiy va madaniy maqsadlarda tabiiy obyektlar va komplekslardan oqilona va barqaror foydalanishni ta’minlash sohasida tabiat bog‘i hududida:
tabiatni muhofaza qilish va tabiatdan barqaror foydalanish bo‘yicha ilmiy tadqiqotlar o‘tkazilishi, ilmiy kadrlar, mutaxassislarni tayyorlashga ko‘maklashadi;
xo‘jalik subyektlariga tabiiy obyektlar va komplekslardan barqaror, oqilona va maqsadli foydalanishga ko‘maklashadi;
tabiat bog‘ining ayrim zonalarida ruxsat etilgan cheklangan xo‘jalik va boshqa faoliyat ta’sirida bio xilma-xillik monitoringini, qo‘riqxona zonasida esa tabiiy jarayonlarining tabiiy kechishi monitoringini yuritadi;
monitoring ma’lumotlarini qayta ishlash va umumlashtirish maqsadida mazkur tabiiy hududda joylashgan davlat qo‘riqxonasiga taqdim etadi.
Oldingi tahrirga qarang.
Tabiat bog‘i ushbu Nizom va boshqa qonunchilik hujjatlariga ko‘ra, boshqa funksiyalarni ham amalga oshirishi mumkin.
(14-bandning o‘n oltinchi xatboshisi O‘zbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik ma’lumotlari milliy bazasi, 05.04.2022-y., 09/22/153/0266-son)
15. Tabiat bog‘ini boshqarish O‘zbekiston Respublikasi O‘rmon xo‘jaligi davlat qo‘mitasi hamda Toshkent viloyati hokimligi tomonidan amalga oshiriladi.
O‘zbekiston Respublikasi O‘rmon xo‘jaligi davlat qo‘mitasi Toshkent viloyati hokimligi bilan kelishilgan holda:
Tabiat bog‘ining faoliyatini ta’minlash maqsadida mulkni taqsimlab beradi, jumladan, pul mablag‘larini ajratadi;
Tabiat bog‘ining boshqarish rejalarini va uning bajarilish natijalari bo‘yicha hisobotlarni tasdiqlaydi;
16. Tabiat bog‘i ma’muriy-xo‘jalik qismi, ilmiy bo‘lim, rekreatsiya va ekologik ta’lim bo‘limi hamda tabiat bog‘ini qo‘riqlash bo‘limidan iborat bo‘ladi.
17. Tabiat bog‘ining direktori va o‘rinbosarlari tabiat bog‘i faoliyatini tashkil etish uchun mas’uldir.
18. Tabiat bog‘i direktorining o‘rinbosarlari O‘zbekiston Respublikasi O‘rmon xo‘jaligi davlat qo‘mitasi bilan kelishilganidan so‘ng direktor tomonidan lavozimga tayinlanadi va lavozimdan ozod etiladi.
Tabiat bog‘i direktorining rekreatsiya, ilm-fan va ta’lim bo‘yicha o‘rinbosari o‘z lavozimiga ko‘ra, ilmiy bo‘lim boshlig‘i – bosh o‘rmonchi hisoblanadi.
Tabiat bog‘i direktorining rejim va o‘rmon fondini qo‘riqlash bo‘yicha o‘rinbosari o‘z lavozimiga ko‘ra, tabiatni qo‘riqlash bo‘yicha inspeksiya bo‘limi boshlig‘i hisoblanadi.
19. Tabiat bog‘i direktori tabiat bog‘idagi mavjud barcha tabiiy obyektlar va komplekslar, mol-mulk himoya qilinishi, hisobotning o‘z vaqtida taqdim etilishi, ushbu hududdagi moliyaviy, shartnoma va mehnat intizomiga rioya etilishi uchun mas’uldir.
qonunchilikda belgilangan tartibda shartnomalar tuzadi hamda tabiat bog‘i mablag‘lari va mulkini boshqaradi;
tabiat bog‘ining mulki, uskunalari, moddiy va boshqa qimmat baho boyliklari himoya qilinishini tashkil etadi;
davlat organlari va boshqa tashkilotlarda tabiat bog‘i manfaatlarini ishonch qog‘ozisiz ifoda etadi;
21. Tabiat bog‘i direktorining rekreatsiya, ilm-fan va ta’lim bo‘yicha o‘rinbosari — bosh o‘rmonchi:
rekreatsiya faoliyati amalga oshirilishini va bioxilma-xillik monitoringi yuritilishini tashkil etadi, shuningdek, aholi o‘rtasida ekologik ta’lim va ma’rifat ishlariga ko‘maklashadi;
tabiat bog‘ida barcha ishlab chiqarish ishlari to‘g‘ri tashkil etilishi va olib borilishi, o‘rmonlar hisobi, o‘rmon va muhofaza etiladigan tabiiy hududlar kadastri, tabiat bog‘i pasportini yuritish, texnika xavfsizligi qoidalariga rioya etilishi, ilg‘or tajriba joriy etilishi, o‘rmonlarni barpo etish, qayta tiklash, ko‘paytirish, seleksion urug‘chilikni tashkil etish, ko‘chat yetishtirishni rivojlantirish, ayniqsa manzarali ko‘chatlarni yopiq ildiz usulida yetishtirishni ko‘paytirish, dorivor o‘simliklar tayyorlanishi, ilg‘or tajriba joriy etilishi, mexanizmlardan zarur darajada foydalanilishi, o‘rmonlar, o‘simlik va hayvonot dunyosini qo‘riqlashning belgilangan tadbirlari tashkil etilishi va o‘tkazilishi uchun javob beradi.
tabiat bog‘i qo‘riqlanishini tashkillashtiradi va undagi tabiiy obyektlar va komplekslardan foydalanilish hamda ularning muhofazasini nazorat qiladi;
Oldingi tahrirga qarang.
qonunchilikda o‘rnatilgan tartibda xizmat quroli va unga o‘q-dorilar, formali kiyim-kechaklar, aloqa vositalari, mahsus aslaha-anjomlarning saqlanishi va foydalanilishini ta’minlaydi;
(22-bandning uchinchi xatboshidagi O‘zbekiston Respublikasi Vazirlar Mahkamasining 2020-yil 26-dekabrdagi 810-sonli qarori tahririda — Qonun hujjatlari ma’lumotlari milliy bazasi, 28.12.2020-y., 09/20/810/1673-son — 2021-yil 29-martdan kuchga kiradi)
aybdorlarni javobgarlikka tortish hamda tabiat bog‘i qo‘riqlash xodimlarining ma’muriy javobgarlik choralarini to‘g‘ri qo‘llashini tekshiradi va ularga doir materiallarni tegishli organlarga taqdim etadi;
rejim-qo‘riqlash tadbirlarini o‘tkazish, tabiat bog‘i, Chotqol biosfera qo‘riqxonasi, Ohangaron va Burchmulla o‘rmon xo‘jaliklarida Ichki ishlar vazirligi, Davlat xavfsizlik xizmati davlat chegaralarini himoya qiluvchi qo‘shinlar bilan birgalikda kadrlarni tanlash va ularni joy-joyiga qo‘yish, inspektorlar ishini, profilaktika va chegara polosasini o‘rmon daraxtlari va changalzorlardan tozalashni tashkil etadi.
23. Tabiat bog‘i to‘g‘risida asosiy ma’lumotlar uning pasportida bayon etiladi. Tabiat bog‘i pasportidagi ma’lumotlar ro‘yxati va uni yuritish tartibi qonunchilik bilan belgilanadi.
Oldingi tahrirga qarang.
24. Tabiat bog‘i boshqaruv rejalari va yillik ish rejalari asosida faoliyat yuritadi. Boshqaruv rejasini ishlab chiqish va tasdiqlash tartibi qonunchilikka muvofiq belgilanadi.
(24-band O‘zbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik ma’lumotlari milliy bazasi, 05.04.2022-y., 09/22/153/0266-son)
25. Tabiat bog‘ini hamkorlikda boshqarishga aholini jalb qilish, xo‘jalik faoliyatiga cheklovlar belgilash, rekreatsiya infratuzilmasini, chorva uchun pichan o‘rish va o‘tlatish joylarini tashkil etish hamda tabiat bog‘i faoliyati bilan bog‘liq boshqa muhim masalalarini hal etish maqsadida mahalliy davlat hokimiyati organlari qaroriga muvofiq unda fuqarolarning o‘zini o‘zi boshqarish organlari, nodavlat notijorat tashkilotlari vakillari va fuqarolardan iborat maslahat komissiyasi tuziladi.
Maslahat komissiyasining tarkibi, vakolatlari, uni shakllantirish va faoliyat yuritish tartibi O‘zbekiston Respublikasi O‘rmon xo‘jaligi davlat qo‘mitasi hamda O‘zbekiston Respublikasi Ekologiya va atrof-muhitni muhofaza qilish davlat qo‘mitasining hududiy organlari bilan kelishilgan holda Tabiat bog‘i tomonidan belgilanadi.
26. Tabiat bog‘i O‘zbekiston Respublikasi Ekologiya va atrof-muhitni muhofaza qilish davlat qo‘mitasining hududiy organlariga atrof-muhit monitoringini yuritish uchun zarur bo‘lgan ma’lumotlarni va muhofaza etiladigan tabiiy hududlarning davlat kadastrini belgilangan tartibda beg‘araz asosda taqdim etadi.
27. Tabiat bog‘ining hududi tabiat bog‘iga foydalanishga beriladigan yer uchastkalarida, shuningdek, uning chegarasi doirasidagi boshqa yuridik va jismoniy shaxslarga tegishli yer uchastkalarida joylashadi.
Aholini sog‘lomlashtirish uchun sharoit bo‘lgan takdirda, tabiat bog‘ida kurort tabiiy hududlar uchun nazarda tutilgan rejimli kurort zonalari ajratiladi.
Tabiat bog‘i hududida undagi tabiiy obyektlar va komplekslar holati, ularning rekreatsion, madaniy va estetik qiymati inobatga olingan holda, zonalarga bo‘linishga muvofiq tabaqalashtirilgan qo‘riqlash rejimi o‘rnatiladi.
29. Tabiat bog‘i zonalarining o‘lchamlari va chegaralari tasarrufida ushbu bog‘ bo‘lgan davlat organlari tomonidan davlat ekologiya ekspertizasi xulosasi bo‘yicha tabiat bog‘i ma’muriyatining taqdimnomasiga asosan o‘zgartiriladi.
30. Tabiat bog‘ining qo‘riqlanma zonasida davlat qo‘riqxonalari uchun nazarda tutilgan rejim o‘rnatiladi. Ushbu zonada har qanday rekreatsion, xo‘jalik va boshqa faoliyat turlari taqiqlanadi, bioxilma-xillik va tabiiy jarayonlarning tabiiy kechishi monitoringini yuritish, tabiiy obyektlar va komplekslarni muhofaza qilish hamda takror ko‘paytirishga yo‘naltirilgan ilmiy tadqiqot ishlarini amalga oshirish bundan mustasno.
tabiat bog‘ining faoliyati bilan bog‘liq bo‘lmagan yo‘l va muxandislik-kommunikatsiya ishlarini amalga oshirish;
32. Tabiat bog‘ining rekreatsion zonasi tartibga solinadigan zonalar (qisqa muddatli dam olish - jozibador joylarni tomosha qilish uchun) va davomiy dam olish zonalariga bo‘linadi.
33. Tabiat bog‘ining tartibga solinadigan dam olish zonasida sayyohlik yo‘lakchalari, noqulay ob-havo paytida yengil turdagi pana joylar, kuzatuv punktlari, tashrif buyuruvchilar uchun yoqilg‘i zaxirasiga ega bo‘lgan gulxan yoqish joylari, sanitariya obyektlarini barpo etish orqali fuqarolarning qisqa muddatli dam olishi ta’minlanadi.
Mazkur zonada zarur hollarda, landshaftni saqlash va qayta tiklash maqsadida o‘rmon xo‘jalik ishlari amalga oshiriladi, rekreatsion faoliyatning ekotizimlar holatiga ta’siri o‘rganiladi.
Tartibga solinadigan dam olish zonasida tabiiy landshaftni, o‘simlik va hayvonot dunyosini, suv obyektlari va boshqa tabiiy obyektlar va komplekslarni saqlash imkonini beradigan rekreatsion, ma’rifiy, estetik, tarbiyaviy, ilmiy va boshqa faoliyatga ruxsat beriladi.
34. Davomli dam olish zonasida kempinglar, mehmonxonalar, kichik mehmonxonalar, sayyohlik bazalari, sanatoriylar, bolalar sog‘lomlashtirish oromgohlari, dam olish maskanlari, avtoturargohlar, savdo, umumiy ovqatlanish va xizmat ko‘rsatish korxonalari, shuningdek, sayyohlarga xizmat ko‘rsatish bo‘yicha tabiat bog‘i zimmasiga yuklangan vazifalar bilan bog‘liq xo‘jalik turidagi boshqa obyektlar joylashadi.
Ushbu zonada hududlar va dam olish maskanlarini obodonlashtirish, shuningdek, o‘rmonchilik, tanazzulga uchragan uchastkalarni qayta tiklash, biotexnik va boshqa ishlarni amalga oshirish maqsadida tadbirlar amalga oshiriladi.
35. Xo‘jalik va boshqa maqsadlar uchun mo‘ljallangan zonada yuridik va jismoniy shaxslar tomonidan tabiat bog‘ining tabiiy obyektlari va komplekslariga zarar yetkazmaydigan darajada xo‘jalik va boshqa faoliyat amalga oshiriladi. Bu erda, shuningdek, aholi punktlari ham joylashishi mumkin.
Xo‘jalik va boshqa maqsadlar uchun mo‘ljallangan zonada zararkunandalarga qarshi kurashishning biologik usullari va tuproqqa “nol darajada” ishlov berish usullarini qo‘llagan holda, mazkur hududga xos bo‘lgan an’anaviy qishloq xo‘jaligi ekinlari yetishtiriladi, shuningdek, ifloslantirmaydigan texnologiyalardan foydalanish asosida atrof-muhitni muhofaza qilish talablariga rioya etilgan holda, turli ishlab chiqarish obyektlarining faoliyat yuritishiga ruxsat beriladi.
birinchi zona — davolash xususiyatiga ega manbalar, shifobaxsh balchiq qatlamlari bor hududlar bo‘lib, bu erda har qanday faoliyat taqiqlanadi, davolash xususiyatiga ega manbalar va balchiq bilan davolash shifoxonalarini obodonlashtirish uchun zarur inshootlar qurish bundan mustasno;
ikkinchi zona — sanatoriylar, pansionatlar va dam olish uylari joylashgan hudud bo‘lib, bu erda harqanday faoliyat, shuningdek, aholining yashashi taqiqlanadi, davolash va dam olishni tashkil etish uchun zarur bo‘lgan faoliyat, shuningdek, tibbiyot xodimlari va xizmat ko‘rsatuvchi xodimlarning vaqtincha yashashi bundan mustasno;
uchinchi zona — sanatoriylar, pansionatlar va dam olish uylariga tutash hududlar bo‘lib, bu erda davolash manbalariga, shifobaxsh balchiq qatlamlariga zarar yetkazmaydigan va dam olish hamda davolanish sharoitlarini yomonlashtirmaydigan cheklangan xo‘jalik faoliyatiga ruxsat etiladi.
37. Tabiat bog‘ining kurort zonasi doirasida ushbu Nizomning 31-bandida belgilangan faoliyat turlaridan tashqari quyidagilar taqiqlanadi:
38. Tabiat bog‘ining barcha hududida ushbu Namunaviy nizomning 31, 32, 36 va 37-bandlarida belgilangan faoliyat turlaridan tashqari bog‘dagi tabiiy obyektlar va komplekslarga zarar yetkazishi mumkin bo‘lgan faoliyatning boshqa turlari davlat ekologiya ekspertizasi xulosasiga asosan taqiqlanishi yoki cheklanishi mumkin, qo‘riqxona zonasi bundan mustasno.
39. Qonunchilikda belgilangan tartibda ko‘rsatilgan taqiq va cheklovlar asosida yer uchastkalari tabiat bog‘i hududida joylashgan yuridik va jismoniy shaxslarga yer uchastkalarini saqlash vazifasi belgilanadi.
40. Tabiat bog‘i va zonalarining chegaralari tabiat bog‘i va uning zonalarining rejimlari ko‘rsatilgan axborot, ogohlantirish va chegara belgilari bilan belgilanadi.
41. Tabiat bog‘ining faoliyat yuritishi uchun yo‘llar, boshqa kommunikatsiyalar va inshootlar kurilishi zarur bo‘lgan hollarda, buzilgan yerlarni majburiy tarzda rekultivatsiya qilish, tabiatni muhofaza qilish bo‘yicha kompleks tadbirlarni amalga oshirish nazarda tutiladi.
42. Tabiat bog‘ining chegaralarida muhofaza etiladigan boshqa tabiiy hududlar (davlat tabiat yodgorliklari, buyurtma qo‘riqxonalari, tabiat pitomniklari va boshqalar) joylashishi mumkin va ularning hududida muhofaza etiladigan ushbu tabiat hududlari uchun ko‘zda tutilgan rejim belgilanadi.
43. Tabiat bog‘ining rekreatsion va ilmiy faoliyati tabiat bog‘ining va boshqa tashkilotlarning xodimlari hamda ayrim mutaxassislar tomonidan amalga oshiriladi.
44. Tabiat bog‘ida rekreatsion faoliyat muhofaza etiladigan tabiiy hududlarda bo‘lishning qoidalari talablariga muvofiq amalga oshiriladi.
Tabiat bog‘ida rekreatsion faoliyatni amalga oshirish uchun zarur bo‘lgan tashrif markazi tashkil etiladi, yo‘nalishlar, to‘xtash maydonchalari, boshqa infratuzilma elementlari o‘rnatiladi.
45. Tabiat bog‘i ilmiy faoliyatni amalga oshirish uchun tabiat bog‘i ma’muriyati binosida ilmiy fondlar saqlanadigan joy, tabiat bog‘i hududida esa, dala bazalari, kordonlar, ilmiy infratuzilma va bioxilma-xillik monitoringini yuritish infratuzilmasi bo‘lishi lozim.
46. Tabiat bog‘ining ilmiy fondlari muddatsiz saqlanishi kerak. Tabiat bog‘ida fondlarni saqlash uchun zarur sharoitlar, jumladan biologik kolleksiyalar fumigatsiyasi ta’minlanadi.
Tabiat bog‘i hududida olib boriladigan barcha ilmiy tadqiqotlarning dastlabki materiallari (yoki ularning nusxalari) hamda mazkur tadqiqot natijalari ushbu tadqiqotlarni amalga oshirgan subyekt toifasidan qati nazar, tabiat bog‘ining ilmiy fondlariga taqdim etilishi shart. Tabiat bog‘i ushbu materiallardan beg‘araz asosda, qonunchilikka muvofiq intellektual mulklariga rioya etgan holda foydalanadi.
47. Tabiat bog‘idagi ilmiy tadqiqotlarga O‘zbekiston Respublikasi Ekologiya va atrof muhitni muhofaza qilish davlat qo‘mitasining Ilmiy-texnik kengashi uslubiy rahbarlik qiladi.
Tasarrufida tabiat bog‘i bo‘lgan maxsus vakolatli davlat organining Ilmiy-texnik kengashi tabiat bog‘idagi ekologik ta’lim va ma’rifat ishlariga uslubiy rahbarlik qiladi.
48. Tabiat bog‘ida ilmiy-tadqiqot ishlarini tashkil etish va bajarish, shuningdek, ilmiy tadqiqot dasturlarini shakllantirish maqsadida Ilmiy kengash tuziladi. Tabiat bog‘i Ilmiy kengashining nizomi va shaxsiy tarkibi tasarrufida ushbu tabiat bog‘i bo‘lgan davlat organi tomonidan O‘zbekiston Respublikasi Ekologiya va atrof muhitni muhofaza qilish davlat qo‘mitasi hamda O‘zbekiston Respublikasi Fanlar akademiyasi bilan kelishilgan holda tasdiqlanadi.
49. Tabiat bog‘i ta’lim va ma’rifat masalalari bo‘yicha o‘z ilmiy ishlari, materiallarini chop etishi mumkin.
50. Tabiat bog‘ining bioxilma-xillik monitoringi atrof tabiiy muhit monitoringi doirasida olib boriladi.
51. Tabiat bog‘ining qo‘riqlash xodimlari tabiat bog‘ini qo‘riqlaydi va bog‘ hududidagi yuridik hamda jismoniy shaxslarning (joylashgan, istikomat qiladigan) rejimga rioya etishini nazorat qiladi.
tabiat bog‘ining qo‘riqxona zonasi hududiga kirish huquqini beradigan hamda tabiat bog‘ining boshqa zonalaridagi tabiat obyektlaridan foydalanish huquqini beradigan hujjatlarni tekshirish;
tabiat bog‘i hududida huquqbuzarliklar aniqlanganda ma’muriy huquqbuzarlik to‘g‘risida bayonnomalar tuzish, ma’muriy qo‘lga olish, buyum va hujjatlarni va tabiatdan noqonuniy foydalanish natijasida olingan mahsulotlarni olib qo‘yish, ma’muriy jazoga tortish choralarini qo‘llash;
yuridik va jismoniy shaxslarning tabiat bog‘i hududida belgilangan rejimga rioya etish bo‘yicha faoliyatini tekshirish;
Oldingi tahrirga qarang.
xizmat quroli va maxsus vositalarni olib yurish va ulardan foydalanish, shuningdek, qonunchilikda belgilangan tartibda jismoniy kuch ishlatish hamda xizmat itlaridan foydalanish;
(52-bandning yettinchi xatboshisi O‘zbekiston Respublikasi Vazirlar Mahkamasining 2020-yil 26-dekabrdagi 810-sonli qarori tahririda — Qonun hujjatlari ma’lumotlari milliy bazasi, 28.12.2020-y., 09/20/810/1673-son — 2021-yil 29-martdan kuchga kiradi)
tabiat bog‘i rejimini buzgan holda tabiatdan foydalanish, xo‘jalik va boshqa turdagi faoliyatni qonunchilikda belgilangan tartibda va hollarda to‘xtatish;
Tabiat bog‘i qo‘riqlash xodimlarining huquqlari bog‘ning qo‘riqlash xodimlari bo‘lmagan boshqa xodimlariga ham berilishi mumkin. Ushbu huquqlar xodimlarning roziligi bilan yozma arizasi asosida beriladi va direktorning buyrug‘i bilan rasmiylashtiriladi.
Oldingi tahrirga qarang.
53. Tabiat bog‘ining qo‘riqlash xodimlari uchun mo‘ljallangan xizmat quroli va uning o‘q-dorilari, maxsus vositalarning turi (modeli), soni, shuningdek, ularga egalik qilish, ularni saqlash, olib o‘tish, topshirish, qabul qilish va hisobga olish, ulardan foydalanish tartibi tasarrufida ushbu tabiat bog‘i bo‘lgan davlat organi tomonidan O‘zbekiston Respublikasi Ichki ishlar vazirligi bilan kelishilgan holda belgilanadi.
Qo‘riqlash xodimlari maxsus vositalar, xizmat quroli va uning o‘q-dorilari bilan qonunchilikka muvofiq ta’minlanadi.
(53-band O‘zbekiston Respublikasi Vazirlar Mahkamasining 2020-yil 26-dekabrdagi 810-sonli qarori tahririda — Qonun hujjatlari ma’lumotlari milliy bazasi, 28.12.2020-y., 09/20/810/1673-son — 2021-yil 29-martdan kuchga kiradi)
54. Tabiat bog‘ining qo‘riqlash xodimlari ekologiya va atrof muhitni muhofaza qilish davlat inspektorlarining barcha huquq va imtiyozlaridan foydalanadi.
Tabiat bog‘ining direktori va rejim bo‘yicha direktor o‘rinbosari (mavjud bo‘lsa) ekologiya va atrof muhitni muhofaza qilish bo‘yicha katta davlat inspektorlariga, tabiat bog‘ining qo‘riqlash xodimlari esa ekologiya va atrof muhitni muhofaza qilish davlat inspektorlariga tenglashtiriladi.
55. Tabiat bog‘ining qo‘riqlash xodimlari tasdiqlangan dasturlarga muvofiq jangovor xizmat, ijtimoiy-huquqiy, ahloqiy-psixologik va jismoniy tayyorgarlik kurslarida o‘qitiladi.
Kurslar dasturi va o‘qitish tartibi O‘zbekiston Respublikasi Ichki ishlar vazirligi bilan kelishilgan holda, tasarrufida ushbu tabiat bog‘i bo‘lgan davlat organi tomonidan ishlab chiqiladi va tasdiqlanadi.
56. Tabiat bog‘ining qo‘riqlash xodimlari bir xil namunadagi formali kiyim-bosh va farqlash belgilari bilan ta’minlanadi.
Tabiat bog‘ining qo‘riqlash xodimlari huquqbuzarliklarning oldini olish va ularga qarshi kurashish, jumladan, tabiat bog‘i hududiga jinoyatchi guruxlarning kirib kelishi va o‘rnashib olishining oldini olish maqsadida qonunchilikda belgilangan tartibda O‘zbekiston Respublikasi Ichki ishlar vazirligi, Davlat xavfsizlik xizmatining hududiy organlari bilan hamkorlikda tadbirlar o‘tkazadi.
57. Tabiat bog‘i hududini qo‘riqlashga ekologik nazorat bo‘yicha jamoatchilik inspektorlari ham jalb qilinishi mumkin.
Oldingi tahrirga qarang.
O‘zbekiston Respublikasi ekologiya va atrof muhitni muhofaza qilish davlat qo‘mitasi — tabiatni muhofaza qilish va tabiiy resurslardan foydalanish to‘g‘risidagi qonunchilikka hamda Tabiat bog‘i rejimiga rioya etilishi ustidan davlat nazoratini, ilmiy faoliyat va monitoringni olib boradi;
(58-bandning ikkinchi xatboshisi O‘zbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik ma’lumotlari milliy bazasi, 05.04.2022-y., 09/22/153/0266-son)
Boshqa vakolatli davlat organlari — qonunchilikka muvofiq moliyaviy, xo‘jalik va boshqa faoliyat turlarini nazorat qiladi.
59. Tabiat bog‘i rejimini buzishda ayblangan yuridik va jismoniy shaxslar o‘rnatilgan tartibda javobgarlikka tortiladi. Aybdorlardan tabiat bog‘iga yetkazilgan zarar qonunchilikda belgilangan tartibda va miqdorda undiriladi.
60. Tabiat bog‘iga bevosita operativ boshqaruv huquqi asosida berilgan bino, inshootlar, uskunalar, pul mablag‘lari tabiat bog‘ining mulki hisoblanadi.
Ekologiya, atrof-muxitni muhofaza qilish va chiqindilar bilan bog‘liq ishlarni amalga oshirish jamg‘armasi va O‘zbekiston Respublikasi o‘rmon xo‘jaligini rivojlantirish jamg‘armasi mablag‘lari;
fuqarolarning tabiat bog‘i hududiga kirish va tabiat resurslaridan foydalanishi uchun sotilgan biletlardan olingan mablag‘lar;
ilmiy-tadqiqot, rekreatsion, tabiatni muhofaza qilish, reklama-noshirlik va ma’rifiy faoliyatdan olingan mablag‘lar;
musodara etilgan ovchilik qurollari va baliqchilik asboblarini realizatsiya qilishdan tushgan mablag‘lar;
Oldingi tahrirga qarang.
(61-bandning o‘ninchi xatboshisi O‘zbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik ma’lumotlari milliy bazasi, 05.04.2022-y., 09/22/153/0266-son)
62. Tabiat bog‘i O‘zbekiston Respublikasi O‘rmon xo‘jaligi davlat qo‘mitasi tomonidan Toshkent viloyati hokimligi bilan kelishilgan holda tasdiqlangan daromadlar va harajatlar smetasiga muvofiq, mablag‘larni mustaqil tasarruf etadi.
63. Tabiat bog‘i xodimlariga ko‘p yil ishlagani uchun qo‘shimcha haq, shuningdek, tuman va yuqori tog‘ koeffitsiyentlari belgilanadi. Tabiat bog‘i xodimlari lavozim majburiyatlarini bajarish munosabati bilan tabiat bog‘i hududida bo‘lgan vaqti uchun xodim uchun belgilangan oylik maoshi miqdorida dala ta’minoti shaklidagi kompensatsiya oladilar.
64. Tabiat bog‘i xodimlariga O‘zbekiston Respublikasi Mehnat kodeksining 173-moddasiga muvofiq, qo‘riqxona vazifalarini bajarishda xodim o‘ziga tegishli mol-mulkdan foydalanganlik uchun amortizatsiya va ekspluatatsiya xarajatlari to‘lanadi. To‘lov miqdori va tartibi jamoa shartnomasi yoki tabiat bog‘i direktori va xodimlari o‘rtasida tuzilgan jamoat shartnomasiga asosan belgilanadi.
65. Tabiat bog‘i xodimlarini ularning xizmat burchi bilan bog‘liq bo‘lmagan vazifalarga jalb etish taqiqlanadi.
66. Tabiat bog‘i faoliyatini tugatish va qayta tashkil etish qonun hujjatlariga muvofiq amalga oshiriladi.
Tabiat bog‘ini qattiqroq rejimli toifadan yengilroq rejimli muhofaza etiladigan tabiiy hududlar toifasiga o‘tkazish maqsadida qayta tashkil etish O‘zbekiston Respublikasi Vazirlar Mahkamasi qaroriga ko‘ra, alohida hollarda yo‘l qo‘yiladi.
Oldingi tahrirga qarang.
(3-ilova O‘zbekiston Respublikasi Vazirlar Mahkamasining 2019-yil 19-iyundagi 515-sonli qaroriga asosan o‘z kuchini yo‘qotgan — Qonun hujjatlari ma’lumotlari milliy bazasi, 20.06.2019-y., 09/19/515/3318-son)
Oldingi tahrirga qarang.
(4-ilova O‘zbekiston Respublikasi Vazirlar Mahkamasining 2019-yil 19-iyundagi 515-sonli qaroriga asosan o‘z kuchini yo‘qotgan — Qonun hujjatlari ma’lumotlari milliy bazasi, 20.06.2019-y., 09/19/515/3318-son)
Oldingi tahrirga qarang.
Oldingi tahrirga qarang.
1. Ugom-Chotqol davlat milliy tabiat bog‘i, Chotqol davlat biosfera qo‘riqxonasi, Burchmulla va Ohangaron davlat o‘rmon xo‘jaliklari xodimlari mehnatiga haq to‘lash O‘zbekiston Respublikasining Mehnat kodeksi, ushbu Tartib va boshqa qonunchilik hujjatlariga muvofiq amalga oshiriladi va quyidagilarni o‘z ichiga oladi:
(1-bandning birinchi xatboshisi O‘zbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik ma’lumotlari milliy bazasi, 05.04.2022-y., 09/22/153/0266-son)
2. Ugom-Chotqol davlat milliy tabiat bog‘i, Chotqol davlat biosfera qo‘riqxonasi, Burchmulla va Ohangaron davlat o‘rmon xo‘jaliklari rahbarlari va xodimlariga budjet mablag‘lari hisobiga lavozim maoshlari hamda quyidagi qo‘shimchalar to‘lanadi:
a) O‘zbekiston Respublikasi Prezidenti, Vazirlar Mahkamasining hujjatlari asosida lavozimga tayinlangan mansabdor shaxslarning umumiy ish staji, muhofaza etiladigan tabiiy hududlar hamda atrof muhitni, shu jumladan, o‘simlik va hayvonot dunyosini muhofaza qilish, o‘rmon xo‘jaligi tizimlarida faoliyat yuritayotgan xodimlarning sohadagi umumiy ish staji uchun qat’iy belgilangan lavozim maoshiga qo‘shimcha ustama har oyda tarif setkasi va shtat jadvaliga muvofiq holda quyidagi miqdorda:
Oldingi tahrirga qarang.
b) xodimlar va inspektorlar tarkibiga xizmat vazifalariga ko‘ra doimiy yashash joyidan boshqa joyda bo‘lganligi uchun bazaviy hisoblash miqdorining uch baravarigacha miqdorida qo‘shimcha haq;
v) xodimlarning baland tog‘li sharoitda ishlaganligi uchun dengiz sathidan balandlik darajasiga qarab ish haqiga quyidagi miqdorlarda koeffitsiyentlar belgilanadi:
Oldingi tahrirga qarang.
g) xodimlarni ijtimoiy qo‘llab-quvvatlash va ular ish samaradorligini oshirish maqsadida har oyda (jamoa shartnomasiga muvofiq) yo‘l transportiga bazaviy hisoblash miqdorining bir baravarigacha hamda xodimlar tushlik ovqatlanish xarajatlariga ko‘maklashish maqsadida bazaviy hisoblash miqdorining uch baravarigacha miqdorda to‘lovlar amalga oshiriladi;
d) tegishli moddiy rag‘batlantirish fondi doirasida xodimlarga, kasaba uyushmasi bilan kelishgan holda faoliyat natijalariga hamda ish ko‘rsatkichlari bajarilishiga qarab oy va chorak yakuni bo‘yicha qo‘shimcha hamda mukofot pullari belgilash;
e) avtomobil transporti haydovchilarining tarif stavkasiga 1,228 miqdorida tarmoq koeffitsiyent hamda malaka darajasi uchun ikkinchi darajali haydovchilarga Mehnatga haq to‘lash bo‘yicha yagona tarif setkasining tegishli razryadi bo‘yicha haydovchi bazaviy tarif stavkasining — 10 foizi miqdorida, birinchi darajali haydovchilarga — 25 foizi miqdorida qo‘shimcha ustama haq to‘lanadi.
3. Ugom-Chotqol davlat milliy tabiat bog‘i, Chotqol davlat biosfera qo‘riqxonasi, Burchmulla va Ohangaron davlat o‘rmon xo‘jaliklari tashkilotlarining tegishli budjetdan tashqari mablag‘lari hisobiga qo‘shimcha shtat birliklari, shu jumladan, budjet mablag‘lari hisobiga saqlash ko‘zda tutilmagan shtat birliklarini saqlash, rahbar va xodimlarga quyidagi qo‘shimchalar to‘lash mumkin:
a) tashkilotning faoliyat natijalariga hamda ish ko‘rsatkichlari bajarilishiga qarab milliy bog‘, qo‘riqxona va o‘rmon xo‘jaliklari rahbariyati kasaba uyushmasi tashkiloti bilan kelishgan holda xodimlarga oy va chorak yakuni bo‘yicha xodimlar oylik ish haqining bir baravarigacha miqdorda, yil yakuni bo‘yicha xodimlar oylik ish haqining uch baravarigacha miqdorda mukofotlar berish;
b) O‘zbekiston Respublikasining Mustaqillik kuni, Konstitutsiya kuni, Navro‘z, Yangi yil va hayit bayramlari uchun xodimlar oylik ish haqining bir baravarigacha miqdorda rag‘batlantiriladi;
Oldingi tahrirga qarang.
v) xodim xizmat burchini bajarish vaqtida shikastlanganda, jarohat olgan yoki mayib bo‘lgan taqdirda — xodimga, shuningdek, xodim o‘rmonlarda yong‘inni o‘chirishda va xizmatning boshqa turlarini amalga oshirishda qatnashish jarayonida halok bo‘lgan hollarda uning oilasiga qonunchilik hujjatlariga muvofiq yillik o‘rtacha ish haqining kamida olti baravari miqdorida bir yo‘la beriladigan to‘lovlar va moddiy yordam belgilanadi;
(3-bandning “v” kichik bandi O‘zbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik ma’lumotlari milliy bazasi, 05.04.2022-y., 09/22/153/0266-son)
g) zarur hollarda ish haqi fondi doirasida (kam ta’minlangan oilalarga, xodimning davolanishi uchun, to‘y, ma’raka, navbatdagi ta’tilga chiqishda va boshqalar) xodimlarga kasaba uyushmasi bilan kelishgan holda moddiy yordam puli to‘lanadi;
Oldingi tahrirga qarang.
d) xodimlarga qishloq xo‘jaligi mahsulotlarini sotib olish uchun yilda bir marta bazaviy hisoblash miqdorining to‘rt baravarigacha miqdorda pul mablag‘i to‘lanadi.
(3-bandning “d”-kichik bandi O‘zbekiston Respublikasi Vazirlar Mahkamasining 2020-yil 16-yanvardagi 30-sonli qarori tahririda — Qonun hujjatlari ma’lumotlari milliy bazasi, 17.01.2020-y., 09/20/30/0061-son — 2020-yil 18-apreldan kuchga kiradi)